Aqsh - Ïîñëåäíèå íîâîñòè [ Ôîòî â íîâîñòÿõ ] | |
AQSh Davlat departamenti amerikalik diplomatlarga xorijiy davlatlardagi saylovlarning qanday o‘tayotgani bo‘yicha fikr bildirishdan tiyilishni buyurdi, deb yozmoqda Reuters. Shuningdek, departament bundan buyon saylov bilan bog‘liq bayonotlar bermaydi va ijtimoiy tarmoqlarda postlar e’lon qilmaydi. gazeta.uz »
Donald Trampning tarif urushi AQSh budjetiga qariyb 50 mlrd dollar keltirdi. Sababi Vashingtonning aksariyat savdo hamkorlari javob bojlaridan o‘zini tiydi. gazeta.uz »
AQSh, Fransiya, Germaniya va Buyuk Britaniya Eron bilan yadroviy kelishuvga erishish uchun avgust oyining oxirini so‘nggi muddat sifatida belgilashga kelishib oldi. Agar bu amalga oshirilmasa, Yevropa davlatlari BMT Xavfsizlik Kengashining Tehronga qarshi barcha sanksiyalarini tiklaydi. gazeta.uz »
AQSh aviatsiya regulyatorining ta’kidlashicha, Boeing samolyotlaridagi yonilg‘i pereklyuchatellari xavfsiz holatda. Bu haqda Air India kompaniyasining Dreamliner halokatiga oid ilk hisoboti e’lon qilinganidan so‘ng ma’lum qilindi. gazeta.uz »
Donald Tramp AQShning aksariyat savdo hamkorlari uchun 15 yoki 20 foizli bazaviy bojlarni joriy etishni rejalashtirayotganini aytdi. Hozirda bunday tariflar 10 foizni tashkil etadi. gazeta.uz »
AQSh pauzadan bir hafta o‘tib Ukrainaga ba’zi turdagi qurollarni yetkazib berishni tikladi. Avvalroq Tramp Rossiya tomonidan Ukraina shaharlarining to‘xtovsiz o‘qqa tutilishi fonida Kiyevga mudofaa qurollarini yuborishga va’da bergandi. gazeta.uz »
Qosim-Jomart Toqayev avvalroq Qozog‘iston tovarlari importiga bojlar joriy etilishini e’lon qilgan Donald Trampga javob maktubini yo‘lladi. Uning qayd etishicha, Qozog‘iston AQSh bilan savdoni rivojlantirish tarafdori va murosaga kelishga tayyor. gazeta.uz »
AQSh Pentagonning zaxiralari kamayib ketganidan xavotirlanib, Ukrainaga ba’zi turdagi qurollarni, jumladan, havo hujumidan mudofaa raketalarini yetkazib berishni to‘xtatdi. Oq uyning ta’kidlashicha, bunday qaror “Amerika manfaatlarini birinchi o‘ringa qo‘yish” uchun qabul qilingan. gazeta.uz »
Oq uy Eronga fuqarolik yadro dasturiga 30 mlrd dollar sarmoya kiritish imkoniyatini, shuningdek, uranni boyitishdan voz kechish evaziga sanksiyalarni bekor qilishni muhokama qilmoqda. gazeta.uz »
2024-yilda AQSh O‘zbekiston fuqarolarining B-1/B-2 tashrif vizasi uchun arizalarining qariyb 65 foizini rad etdi. Bu Markaziy Osiyo davlatlari orasida eng yuqori ko‘rsatkich. gazeta.uz »
AQSh Ichki xavfsizlik vazirligi Vashingtonning Eronga bergan zarbalaridan so‘ng Qo‘shma Shtatlarda teraktlar va kiberhujumlar xavfidan ogohlantirdi. Davlat departamenti butun dunyo bo‘ylab AQSh fuqarolarini ehtiyot bo‘lishga chaqirdi. gazeta.uz »
AQSh Erondagi uchta asosiy yadroviy obektga aviazarbalar berdi. Prezident Donald Trampning aytishicha, bu obyektlar “butunlay va batamom yo‘q qilingan”. BMT rahbari AQShning urushga aralashuvini xavfli eskalatsiya hamda xalqaro xavfsizlik va barqarorlikka tahdid deb atadi. gazeta.uz »
AQSh Davlat departamenti talabalar vizasi uchun intervyularni ijtimoiy tarmoqlardagi faoliyatni qat’iy tekshirishlar bilan qayta boshlaydi. Bunda arizachilarning akkauntlari “AQShga nisbatan dushmanlik nuqtai nazaridan” tekshiriladi. gazeta.uz »
AQSh va Xitoy savdo bitimi tuzishga kelishib oldi. Bitim doirasida Vashington Xitoy tovarlariga bojlarni 55 foizgacha, Pekin esa Amerika tovarlariga bojlarni 10 foizgacha kamaytiradi. gazeta.uz »
Pentagon 700 nafar dengiz piyodasi va yana 2000 nafar Milliy gvardiya xodimini immigratsiya reydlariga qarshi norozilik namoyishlari davom etayotgan Los Anjelesga yubordi. Kaliforniya hukumati harbiylar kiritilgani sababli Tramp ma’muriyatini sudga berdi. gazeta.uz »
Qashqadaryodagi XV asrga oid madaniy va diniy yodgorlik hisoblangan Langar ota majmuasi AQSh elchilarining Madaniy merosni saqlash jamg‘armasi tomonidan ajratilgan 250 ming dollarlik ta’mirlash loyihasi asosida restavratsiya qilindi. gazeta.uz »
Donald Tramp AQShga qilinadigan po‘lat va alyuminiy importiga bojlarni 25 foizdan 50 foizgacha oshirdi. Chora “adolatsiz savdo amaliyotidan aziyat chekkan” Amerika metallurgiya sanoatini himoya qilishga qaratilgan. gazeta.uz »
AQSh davlat kotibi Marko Rubio Markaziy Amerikaning bir qancha nomi oshkor etilmagan amaldorlari va ularning oilalari uchun viza cheklovlarini e’lon qildi. Bu kubalik ishchilarni ekspluatatsiya qilish elementlarini o‘z ichiga olgan Kuba tibbiy missiyasi dasturlari bilan bog‘liq, deydi Rubio. gazeta.uz »
AQSh Xalqaro savdo sudi prezident Donald Tramp tomonidan joriy qilingan import tariflarini noqonuniy deb topdi va ularning aksariyatini blokladi. Tramp ma’muriyati qaror ustidan apellyatsiya shikoyati berdi. gazeta.uz »
Tramp ma’muriyati elchixonalar va konsullik bo‘limlariga talabalar vizalari uchun yangi suhbatlar tayinlashni “keyingi ko‘rsatmagacha” to‘xtatishni buyurdi. Talabalarning ijtimoiy tarmoq sahifalarini tekshirish masalasi ko‘rib chiqilmoqda. gazeta.uz »
AQSh Yevropa Ittifoqi tovarlariga 50 foizlik bojlarni joriy etishni 9-iyulgacha kechiktiradi, dedi Donald Tramp. Amerika prezidentining so‘zlariga ko‘ra, u “yaxshi kelishuv” uchun ko‘proq vaqt so‘ragan Yevrokomissiya rahbari Ursula fon der Lyayen bilan suhbatdan so‘ng shunday qarorga kelgan. gazeta.uz »
Toshkentda fuqarolarni 22,5 ming dollar evaziga AQShga jo‘natishni va’da qilgan shaxs ushlandi. Yana bir holatda esa ikki kishini 2 ming dollar evaziga Yaponiyaga ishga yubormoqich bo‘lgan fuqaro qo‘lga olindi. gazeta.uz »
Donald Tramp ma’muriyati Garvardga chet ellik talabalarni qabul qilishni taqiqladi. Bu holda oliygoh chet elliklarga AQShda o‘qish vizasini olish uchun zarur hujjatlarni bera olmaydi, o‘qiyotganlar esa boshqa universitetga o‘tishlari kerak bo‘ladi. Garvard rahbariyati bu harakatlarni noqonuniy deb atadi. gazeta.uz »
AQShning “Oltin gumbaz” raketaga qarshi mudofaa tizimi uchun 175 milliard dollar sarflanadi va u 2029-yilning yanvarida ishga tushadi, deya ma’lum qildi prezident Donald Tramp. gazeta.uz »
Shavkat Mirziyoyev Tashqi ishlar vazirligiga 3 oy ichida AQSh fuqarolari uchun O‘zbekistonga 30 kunlik vizasiz kirish rejimini joriy etish bo‘yicha topshiriq berdi. Prezident, shuningdek, O‘zbekiston fuqarolari AQSh hududiga kirishi uchun viza talablarini yengillashtirish yuzasidan muzokaralar boshlashni buyurdi. gazeta.uz »
Yevropa yetakchilari va Ukraina rahbari Donald Trampning Vladimir Putin bilan suhbatdan keyin bergan bayonotidan “hayratda qoldi”. G‘arb matbuotiga ko‘ra, Trampning so‘zlari AQSh Kiyevni Moskva bilan yolg‘iz qoldirib, vositachilik rolidan voz kechmoqchiligini ko‘rsatmoqda. gazeta.uz »
AQSh Garvard universitetiga ajratilgan 60 mln dollarlik federal grantlarni bekor qildi, bunga oliygohning antisemitik ta’qib va etnik kamsitish muammolarini hal qilmagani sabab qilib ko‘rsatildi. Tramp ma’muriyati shu kungacha qariyb 3 mlrd dollarlik grantlarni to‘xtatdi. Garvard ma’muriyatni sudga bergan. gazeta.uz »
Donald Trampning aytishicha, AQSh Eron bilan yadroviy kelishuvga “juda yaqin”, Tehron uning shartlariga rozi bo‘lgan “ko‘rinadi”. Eron rasmiylari ham sanksiyalarni bekor qilish evaziga yadroviy dastur bo‘yicha yon berishga tayyorligini tasdiqladi. gazeta.uz »
Donald Tramp Suriyaga “buyuk bo‘lish imkoniyatini” berish uchun AQShning unga qo‘ygan barcha sanksiyalarini olib tashlashini ma’lum qildi. Shuningdek, u Suriyaning muvaqqat prezidenti, Bashar Asad rejimini ag‘darish bo‘yicha hujumga boshchilik qilgan Ahmad al-Sharaa bilan uchrashdi. gazeta.uz »
AQSh va Xitoy Donald Tramp tomonidan boshlangan savdo urushi doirasida bir-biriga joriy qilgan bojlarni 90 kun davomida pasaytirib turishga kelishib oldi. Vashington Xitoy tovarlariga bojlarni 145 foizdan 30 foizgacha, Pekin Amerika tovarlariga 125 foizdan 10 foizgacha pasaytiradi. gazeta.uz »
AQSh prezidenti Donald Tramp va Buyuk Britaniya bosh vaziri Kit Starmer savdo bitimini tuzdi. Bu Tramp butun dunyo uchun bojlar oshirilishini e’lon qilganidan keyingi ilk kelishuvdir. “Aql bovar qilmaydigan” deb atalgan bitim bojlarni kamaytirish va soliqlarni bekor qilishni nazarda tutishi taxmin qilinmoqda. gazeta.uz »
AQSh hukumati mustaqil deportatsiya dasturini ishga tushirganini e’lon qildi, unga ko‘ra, noqonuniy muhojirlar mamlakatdan ixtiyoriy ravishda chiqib ketish uchun 1000 dollardan olishlari mumkin. gazeta.uz »
Donald Tramp ma’muriyati Xitoydan AQShga 800 dollargacha bo‘lgan tovarlarni bojsiz olib kirish imkonini beruvchi de minimis qoidasini bekor qildi. Amerika OAVning ta’kidlashicha, bunday o‘zgarishlardan kam daromadli uy xo‘jaliklari eng ko‘p zarar ko‘radi. gazeta.uz »
Vashington va Kiyev bir necha oylik keskin muzokaralardan so‘ng foydali qazilmalarni birgalikda qazib olish bo‘yicha kelishuv imzoladi. Unda Ukrainaning allaqachon ko‘rsatilgan harbiy yordam uchun AQSh oldidagi qarz majburiyatlari haqida so‘z bormagan. gazeta.uz »
AQSh rasmiylari Shavkat Mirziyoyevga O‘zbekiston, Qozog‘iston va Qirg‘izistonning 131 nafar fuqarosini deportatsiya qilish bo‘yicha operatsiyani tashkil etgani va moliyalashtirgani uchun minnatdorlik bildirdi. gazeta.uz »
AQSh Savdo vazirligi Janubi-Sharqiy Osiyo mamlakatlaridan quyosh panellarini import qilish uchun bojlarni tasdiqladi. Maksimal tarif Kambodja mahsulotlari uchun, ular 3521% ni tashkil qiladi. Bojlarni joriy etish bo‘yicha yakuniy qaror iyun oyida qabul qilinadi. gazeta.uz »
Xitoy boshqa davlatlarni Pekin manfaatlariga zid ravishda AQSh bilan savdo shartnomalari tuzishdan ogohlantirdi. Xitoy Vashingtonning hamkorlaridan AQSh bojlarini yengillashtirish evaziga Xitoy bilan savdoni cheklashga erishish rejalari haqidagi xabarlarga shunday munosabat bildirdi. gazeta.uz »
AQSh yaqin kunlarda sezilarli o‘sishga erishilmasa, Rossiya va Ukraina o‘rtasidagi sulh bitimiga vositachilik qilishga urinishlaridan voz kechadi. “Agar Ukrainadagi urushni to‘xtata olmasak, oldinga siljishda davom etishimiz kerak… Bu bizning urush emas”, - dedi AQSh davlat kotibi Marko Rubio. gazeta.uz »
Ukraina va AQSh tomonlarning Ukraina foydali qazilmalarini birgalikda qazib olish bo‘yicha kelishuv tuzish niyatini mustahkamlovchi memorandumni imzoladi. Avvalgi kelishuv Zelenskiy va Trampning Oq uydagi janjalidan keyin ortga surilgandi. gazeta.uz »
AQSh Rossiya bilan urushda Kiyevga ajratilgan pullarni qaytarishda Ukrainaga qo‘yiladigan talablarni yumshatdi. Endi ko‘rsatilgan yordam hajmi avvalgidek 300 mlrd emas, balki 100 mlrd dollar deya baholamoqda. gazeta.uz »
Xitoy hukumati mahalliy aviakompaniyalarga Boeing samolyotlari yetkazib berilishidan bosh tortishni, shuningdek, AQSh bilan savdo urushi doirasida amerikalik ishlab chiqaruvchilardan aviatsiya uskunalari va ehtiyot qismlarini sotib olishni to‘xtatishni buyurdi. gazeta.uz »
AQSh boshqa davlatlardagi 215 mln dollarga teng 139 ta grantni bekor qildi, Davlat boshqaruvi samaradorligi departamenti ularni “behuda” deb atadi. Bunday grantlar orasida O‘zbekistonda “fuqarolik ishtirokini rivojlantirish” uchun ajratilgan 2,5 mln dollar ham bor. gazeta.uz »
Xitoy 12-apreldan AQSh tovarlariga bojlar 84 foizdan 125 foizgacha oshirilishini e’lon qildi. Ikki kun oldin Vashington Xitoy mahsulotlariga shunga o‘xshash bojlarni joriy qilgandi. Xitoy raisi uning mamlakati savdo urushidan “qo‘rqmasligini” aytdi, biroq unda “g‘oliblar yo‘qligi” haqida ogohlantirdi. gazeta.uz »
Xitoy hukumati AQSh qo‘ygan bojlarga javoban Gollivud filmlari importini cheklaydi. Kuni kecha AQSh prezidenti Donald Tramp Pekin mahsulotlariga tarif stavkasini rekord darajadagi 125 foizgacha oshirgandi. gazeta.uz »
Laziz Kudratov boshchiligidagi ISSV delegatsiyasi AQShda foydali qazilmalar sohasida, xususan, konlarni qidirish va qazib olishga investitsiyalar kiritish bo‘yicha bir qator kelishuvlar imzoladi. Amerikalik hamkorlar, shuningdek, O‘zbekistonda mehmonxona qurmoqchi, muddatlar kelishildi. gazeta.uz »
Xitoy hukumati AQShdan import qilinadigan barcha tovarlar uchun bojlarni 84% gacha oshirdi. Bu AQShning Xitoy mahsulotlariga tariflarni 104% gacha oshirish haqidagi qaroriga javob bo‘ldi. gazeta.uz »
Donald Trampning aytishicha, AQSh bojlar kiritgan davlatlar Vashington bilan kelishib olishga harakat qilmoqda. “Bu davlatlar bizga qo‘ng‘iroq qilmoqda. Ketimni o‘pishyapti. Bitim tuzaman deb o‘lib-tirilishyapti”, - dedi u. gazeta.uz »
AQSh Xitoy tovarlariga boj miqdorini yana 50 foizga oshirdi. Natijada umumiy stavka joriy etilgan tariflarni hisobga olgan holda 104 foizni tashkil etdi. Avvalroq Xitoy Amerika mahsulotlariga qo‘yilgan bojlarni bekor qilishdan bosh tortgan va “oxirigacha kurashishga” va’da bergandi. gazeta.uz »
O‘zbekiston Xavfsizlik kengashi kotibi o‘rinbosari Abdulaziz Kamilov Vashingtonda AQSh davlat kotibi o‘rinbosari Kristofer Landau bilan uchrashdi. AQSh O‘zbekistonga migratsiya va terrorizmga qarshi kurash masalalari bo‘yicha hamkorlik uchun minnatdorlik bildirdi. gazeta.uz »
AQSh va Yevropaning yirik shaharlarida Hands Off! (“Qo‘lingni tort!”) shiori ostida ommaviy norozilik namoyishlari bo‘lib o‘tdi. Aksiya ishtirokchilari Tramp ma’muriyatining harakatlariga, jumladan, federal xizmatchilarning ishdan bo‘shatilishi, butun boshli agentliklar yopilishi va bojlar joriy etilishiga qarshi chiqdi. gazeta.uz »
