Xorazmda - Ïîñëåäíèå íîâîñòè [ Ôîòî â íîâîñòÿõ ] | |
Xorazmda Telegram’da virusli fayllar orqali akkauntlarni buzib, fuqarolar bank kartalaridan 1 mlrd so‘mdan ortiq mablag‘ni o‘g‘irlagan guruh fosh etildi. Shuningdek, ular jabrlanuvchilar nomidan yaqinlariga yozib, pul o‘tkazib olgan. Jinoyat ishi qo‘zg‘atilib, tergov olib borilmoqda. gazeta.uz »
Tuproqqal’ada bioetanol (u benzin bilan aralashtiriladi) ishlab chiqarish maqsadida raps yetishtirish uchun ming gektar yer o‘zlashtiriladi, dedi qishloq xo‘jaligi vaziri. Avstraliya kompaniyasi bilan bioo‘g‘itlar ishlab chiqarish bo‘yicha tajriba boshlanadi. gazeta.uz »
Prezident topshirig‘iga asosan, Vazirlar Mahkamasi Qoraqalpog‘iston va Xorazm uchun gaz iste’molining bazaviy me’yori amal qilish muddatini 15-martga qadar uzaytirdi. Ushbu qaror mamlakat shimolida mart oyining birinchi yarmida havo harorati pasayishi kutilayotgani inobatga olingan holda qabul qilindi. gazeta.uz »
Xorazmda Nexia mashinasi o‘zi bilan bir yo‘nalishda kelayotgan Lacetti avtomobili bilan to‘qnashib, so‘ng katta tezlikda daraxtga kelib urildi. Oqibatida 34 yoshli haydovchi voqea joyida vafot etdi. gazeta.uz »
Xorazm viloyatida havoga zararli chiqindi chiqarish darajasi nolga teng aviayoqilg‘i ishlab chiqarish zavodi quriladi. Investitsiyalar hajmi 5,9 mlrd dollarni tashkil etadi. Allied Biofuels kompaniyasi loyihasi doirasida yiliga 540 ming tonnadan ortiq ekologik yoqilg‘i ishlab chiqarish ko‘zda tutilgan. gazeta.uz »
Urganch tumanida 20 yoshli haydovchi Cobalt mashinasida yo‘lni kesib o‘tayotgan skuterni urib yubordi. Oqibatda skuter haydovchisi olgan jarohati tufayli voqea joyida vafot etdi. gazeta.uz »
Xorazmda Cobalt avval Nexia bilan to‘qnashib, so‘ng trotuarda turgan 2 yoshli bolani urib yubordi, oqibatda bola halok bo‘ldi. Holat yuzasidan dastlabki tergov-surishtiruv harakatlari boshlangan. gazeta.uz »
Avstraliya kompaniyasi Tuproqqal’a tumanida aviatsiya yoqilg‘isi va “yashil dizel” ishlab chiqarish taklifini bildirgan. Loyiha uchun 820 mln dollar investitsiya kiritish rejalashtirilgan. Shuningdek, Janubiy Korea Urganch tumanida 100 mln dollarga chiqindi yoqish orqali elektr energiyasi olish zavodi qurishi mumkin. gazeta.uz »
Bosh prokuratura reyd tadbirida Xorazm viloyati Urganch tumanidagi fermer xo‘jaligi elektr energiyasidan noqonuniy foydalangani aniqlandi. Uning mansabdorlari yer maydonini sug‘orish uchun suv nasosini o‘zboshimchalik bilan hisoblagichdan tashqari elektr tarmog‘iga ulab, 5,6 mlrd so‘mlik elektrni o‘zlashtirgan. gazeta.uz »
Saksovul kesayotgan shaxslarni ta’qib qilgan ekologiya inspektorlariga bita va armatura bilan hujum qilindi. Ikki xodim ko‘plab jarohatlar oldi. Xorazm viloyati To‘prakqal’a tumani prokuraturasi tomonidan tergov harakatlari olib borilmoqda. gazeta.uz »
Jinoyat ishlari bo‘yicha Yangiariq tumani sudi tergov sudyasi tanishlari orqali fuqaroga oqlov hukmi chiqartirib berish evaziga 15 ming dollar talab qilgani aniqlandi. U va’dasini bajarolmay, olgan pullarini qaytarayotganda qo‘lga olindi. Sudya JKning ikki moddasi bilan ayblanmoqda. gazeta.uz »
DXX Tuproqqal’a va Shovot tumani FVB xodimlarining noqonuniy harakatlarini fosh etdi. Ulardan biri tizimga ishga joylashtirib qo‘yish, ikkinchisi haydovchilik guvohnomasini olib berish uchun fuqarolardan pora olganlikda gumonlanmoqda. gazeta.uz »
Xorazm viloyatida DXX xodimlari Tojikistondan kontrabanda yo‘li bilan olib kirilgan 49 kilogramm 599 gramm giyohvandlik vositasi musodara qilindi. gazeta.uz »
Urganch tumanida fuqarolarning tug‘ilgan sanasini o‘zgartirib, ularni boshqa shaxs sifatida rasmiylashtirgan pasport va ID kartalar tayyorlab bergan shaxslar jazoga tortildi. Jinoiy guruh a’zolariga 2 yildan 10 yil 6 oygacha bo‘lgan ozodlikdan mahrum qilish jazosi tayinlandi. gazeta.uz »
Xorazm viloyati Yangiariq tumanida metallolom uchun topshirilgan snaryad portlab ketdi. Yig‘ish punktining 31 yoshli xodimi vafot etdi, deb yozdi Kun.uz. Mudofaa vazirligi harbiy xizmatchilarning hodisaga aloqasi yo‘qligini, o‘q-dorilar mahalliy cho‘ponlar tomonidan qazib olinganini xabar qildi. gazeta.uz »
Xorazm viloyatida MTO texnologiyasidan foydalaniladigan 10 mlrd dollarlik yirik gaz-kimyo loyihasini amalga oshirish rejalashtirilmoqda (shunday majmua Buxoro viloyatida ham qurilmoqda). 100 mln dollarlik kimyo texnoparki qurish ham ko‘zda tutilgan. gazeta.uz »
O‘zbekiston prezidenti mas’ullarga Xorazmga chet eldan tajribali arxeologlarni jalb qilib, tarixiy obidalarni aniqlash va tiklash bo‘yicha ishlarni boshlashni topshirdi. Shuningdek, Xorazm va Qoraqalpog‘istondagi 8 ta qadimiy qal’alarni o‘zaro bog‘lovchi to‘rt kunlik “Qal’a tur” marshruti ishlab chiqilishi aytildi. gazeta.uz »
Xorazm viloyati Qo‘shko‘pir tumanidagi maktab direktori 11-sinf o‘quvchisi bo‘lgan qizni sochini o‘rmagani uchun kaltaklagani aniqlandi. U bilan tuzilgan mehnat shartnomasi bekor qilindi. gazeta.uz »
Urganch shahridagi tungi klublardan birida 14 yoshli qiz raqqosalik qilayotgani aniqlandi. Maktab ta’limi boshqarmasiga ko‘ra, 7-sinf o‘quvchisi bir yil oldin ota-onasi bilan Rossiyaga ketgan va hozirda hech qaysi maktabda ro‘yxatga olinmagan. U Voyaga yetmaganlar markaziga joylashtirildi. gazeta.uz »
Xorazm viloyati Hazorasp tumanida 3 qavatli savdo do‘konida yong‘in yuz berdi. O‘t o‘chiruvchilar uni 7 ta texnika yordamida bir soatda o‘chirdi. Hududning 280 kv.m maydoni yonib ketdi. gazeta.uz »
Davlat xavfsizlik xizmati Farg‘ona va Xorazm viloyatlarida qo‘shni davlatlardan kontrabanda yo‘li bilan olib kirilgan 4,2 kilogrammga yaqin giyohvand moddalar, shuningdek, 4 805 dona kuchli ta’sir qiluvchi dori vositalarini sotayotgan va saqlayotgan shaxslarni qo‘lga oldi. gazeta.uz »
Xorazm viloyati Shovot tumanida 21 yoshli yigit benzin sisternasini tozalash vaqtida yoqilg‘i qoldiqlari hididan zaharlanib halok bo‘ldi. Uni qutqarishga uringan shaxs ham hushidan ketdi, ammo omon qoldi. gazeta.uz »
Yangiariq tumanida 71 yoshli erkak 51 yoshli o‘g‘lini ov miltig‘i bilan otib o‘ldirdi. Shuningdek, u kelini va nevarasiga ham o‘q otib, og‘ir jarohat yetkazgan. Hozirda dastlabki tergov harakatlari olib borilmoqda. gazeta.uz »
Xorazmning Bog‘ot tumanida Damas bir yo‘nalishdagi velosipedchini urib ketishi oqibatida jabrlanuvchi voqea joyida halok bo‘ldi. Haydovchi mashinani tegishli hujjatsiz boshqargan. gazeta.uz »
Yevropa tiklanish va taraqqiyot bankining 66,4 mln dollarlik krediti O‘zbekistonning Xorazm viloyatida 230 km uzunlikdagi yuqori kuchlanishli elektr tarmog‘ini qurishga yo‘naltiriladi. gazeta.uz »
Jahon banki “Milliy elektr tarmoqlari” Xorazm viloyatidagi yangi quyosh elektr stansiyasidan elektr energiyasi xarid qilishi uchun O‘zbekistonga bank kafolati ko‘rinishida 3,5 mln dollar ajratdi. Uni Fransiyaning Voltalia kompaniyasi quradi. gazeta.uz »
AQSh Moliya vazirligi O‘zbekistonning ikki sobiq davlat xizmatchisi va mehribonlik uyi sobiq rahbariga inson huquqlarini jiddiy buzgani uchun sanksiyalar kiritdi. Gap “Xorazm ishi” bo‘yicha Urganchdagi bolalar uyi tarbiyalanuvchilariga nisbatan jinsiy jinoyat sodir etganlikda ayblanganlar haqida ketmoqda. gazeta.uz »
Xorazm viloyatida 110 ming dollar, Toshkentda 5 ming dollar olayotgan shaxslar qo‘lga olindi. Ular bankdagi tanishlari orqali katta miqdorda kredit ajratib berishni va’da qilgan. Jinoyat ishlari qo‘zg‘atildi. gazeta.uz »
Urganch tumanida 2 mlrd 92 mln so‘mlik gazdan yashirin yo‘l bilan to‘g‘ridan-to‘g‘ri tarmoqqa ulanib foydalangan novvoyxona aniqlandi. Tegishli hujjatlar rasmiylashtirilib, huquqni muhofaza qiluvchi organlarga yuborildi. gazeta.uz »
Urganch shahrida fuqaro yosh sher bolasini noqonuniy saqlab kelayotgani aniqlandi. Unga nisbatan jarima jazosi tayinlandi, yovvoyi jonzot esa vaqtincha Nukus hayvonot bog‘iga topshirildi. gazeta.uz »
Gurlan tumanida g‘isht ishlab chiqarish zavodida 4,7 mlrd so‘mlik elektr energiyasidan noqonuniy foydalanilgani aniqlandi. Kompaniya rahbariga nisbatan jinoyat ishi qo‘zg‘atildi va u protsessual tartibda ushlandi. gazeta.uz »
Urganch tumanida 2 mlrd 203 mln so‘mlik 2 mln 446 ming kVt soat elektr energiyasidan noqonuniy foydalangan fermer xo‘jaligi rahbari aniqlanib, protsessual tartibda ushlangan. gazeta.uz »
Urganchda faoliyat olib boruvchi MCHJ yer maydonini sug‘orish uchun suv nasoslarini elektr hisoblagichga yashirincha ulab, 2,2 mlrd so‘mlik elektrdan noqonuniy foydalangani aniqlandi. Bosh prokuratura departamenti yana 3 ta viloyatda shu kabi holatlarni fosh qildi. gazeta.uz »
Xiva shahrida 11 yoshli bolani devor bosib qoldi. Oqibatda bola tos suyagi sinishi tashxisi bilan shifoxonaga yotqizildi. Hodisa bo‘yicha tergovga qadar tekshiruv olib borilmoqda, holatni bolalar ombudsmani nazoratga oldi. gazeta.uz »
Xivada fuqaro 2 nafar tanishini ishlash uchun Norvegiyaga yuborish evaziga 5600 dollar so‘ragani aniqlandi. U avans olayotganda ushlandi. gazeta.uz »
Xorazm viloyatida “shikoyatchilar” ro‘yxatlari shakllantirilib, unga “ariza tashkillashtirishni odat qilib olgan va norozi kayfiyatni kuchaytirishga harakat qiladigan” 44 nafar fuqaro kiritildi, deb yozdi Kun. gazeta.uz »
Tuproqqal’a tumanida dars vaqti gaplashib o‘tirgan ikki nafar o‘quvchiga tanbeh berib, ularni kaltaklagan o‘qituvchi o‘z arizasiga ko‘ra ishdan bo‘shatildi. gazeta.uz »
Urganch shahrida 17 yoshli yigit 5-qavatdan avtomashina ustiga quladi. Jabrlanuvchi shifoxonaga yotqizildi. Hodisa sabablari aniqlanmoqda. gazeta.uz »
Xorazm viloyati Shovot tumanida yashovchi erkak xotini bilan uni sehr-jodu qilganlikda ayblab, janjallashgan. Janjal vaqtida erkak xonada turgan bolta bilan xotiniga 17 marotaba zarba bergan. Ayol voqea joyida vafot etgan. gazeta.uz »
Gurlan tumanida bog‘cha tarbiyachisi bolalarga bir necha bor tarsaki tushirgani aks etgan video va bolalardan birining qo‘liga igna kirgani surati tarqaldi. Bolalar ombudsmani holatlar yuzasidan tergovga qadar tekshiruv harakatlari olib borilayotganini ma’lum qildi. gazeta.uz »
Xorazm viloyati Urganch shahrida 38 yoshli ayol o‘ziga tanish ayolni uyiga chaqirib, pul masalasida kelib chiqqan janjalda ro‘mol bilan bo‘g‘ib o‘ldirib qo‘ydi. Marhumaning jasadi gumonlanuvchining hovlisidan topildi. Tergov harakatlari olib borilmoqda. gazeta.uz »
Urganch tumanida gaz tarmog‘iga o‘zboshimchalik bilan ulanib, 3,3 mlrd so‘mlik 2 mln 249 ming metr kub gazni yashirin ravishda o‘g‘irlagan parrandachilik fermasi aniqlandi. gazeta.uz »
O‘zbekiston va Eron hukumatlari vakillari Xorazmda Eron kompaniyalari uchun alohida sanoat zonasi tashkil etish va 23 ta investitsiyaviy loyiha bo‘yicha hamkorlar topish istiqbollarini muhokama qildi. gazeta.uz »
Shavkat Mirziyoyev va Qosim-Jomart Toqayev Xivada o‘tgan muzokaralarda transport va energetikada infratuzilmaviy loyihalarni amalga oshirish va boshqa masalalar bo‘yicha topshiriqlar berdi. Shuningdek, ular “Xiva gilamlari” kombinatini ko‘zdan kechirdi. gazeta.uz »
Urganch tumanida ikki shaxs o‘zaro nizoni guruh-guruh bo‘lib janjallashish orqali hal qilishga uringani aniqlandi. DXX va IIB tadbirida to‘qnashuv to‘xtatib qolindi. 9 kishi JK, 6 kishi MJTK moddalari bo‘yicha qamoqqa olindi. gazeta.uz »
Tuproqqal’a tumanida Cobalt haydovchisi boshqaruv paytida uxlab qolishi sababli o‘zidan oldinda ketayotgan Isuzu yuk mashinasiga urildi. Oqibatda u voqea joyida halok bo‘ldi, mashina salonida bo‘lgan ikki kishi shifoxonaga yotqizildi. gazeta.uz »
Tuproqqal’a tumanida Cobalt haydovchisi boshqaruv paytida uxlab qolishi sababli o‘zidan oldinda ketayotgan Isuzu yuk mashinasiga urildi. Oqibatda u voqea joyida halok bo‘ldi, mashina salonida bo‘lgan ikki kishi shifoxonaga yotqizildi. gazeta.uz »
Xiva tumanida mast holatdagi haydovchi yo‘l chetidagi 3 nafar voyaga yetmagan bolani urib yuborib, hodisa joyidan qochib ketdi. Ulardan 2 nafari voqea joyida halok bo‘ldi. Sud haydovchini 9 yil-u 1 oyga ozodlikdan mahrum etdi. gazeta.uz »
Xonqa tumanidagi maktablarning birida birinchi sinf o‘quvchisini kaltaklagan o‘qituvchi ishdan olindi va ma’muriy javobgarlik bo‘yicha jarimaga tortildi. gazeta.uz »
Boshlang‘ich sinf o‘quvchilaridan birining onasi bolalar ombudsmaniga murojaat qilgach, Gurlan tumanidagi maktabning ikki o‘qituvchisiga hayfsan, direktoriga esa ogohlantirish berildi. Tekshiruv o‘qituvchilarning bilim darajasi pastligini tasdiqladi. gazeta.uz »
