Ijtimoiy - Ïîñëåäíèå íîâîñòè [ Ôîòî â íîâîñòÿõ ] | |
Gazeta “Mustaqil mediani rivojlantirish, ijtimoiy ahamiyatga molik kontent yaratish va auditoriya ishonchini mustahkamlash uchun” nominatsiyasida Brand Awards International mukofotini qo‘lga kiritdi. gazeta.uz »
O‘zbekistonda tibbiyot sohasiga jalb etiladigan xorijlik shifokorlar uchun ijtimoiy soliq 1 foizga tushiriladi, shuningdek, tibbiyot tashkilotlari tomonidan olib kiriladigan tibbiy jihozlar, ehtiyot qismlar va maxsus avtotransport vositalari 2029-yil 1-iyunga import bojxona bojidan ozod etiladi. gazeta.uz »
Norvegiya hukumati Avstraliya va bir qator Yevropa davlatlari izidan borib, 16 yoshga to‘lmagan bolalarga ijtimoiy tarmoqlardan foydalanishni taqiqlashni rejalashtirmoqda. Qonun loyihasi shu yil yakuniga qadar parlamentga taqdim etiladi. gazeta.uz »
Turkiya parlamenti 15 yoshga to‘lmagan bolalarning ijtimoiy tarmoqlarga kirishini cheklovchi qonun loyihasini qabul qildi. Hujjat kuchga kirsa, kompaniyalar yoshni tekshirish tizimlarini joriy etishlari va zararli kontentga tezkorlik bilan chora ko‘rishlari shart bo‘ladi. gazeta.uz »
Avstriya hukumati 14 yoshga to‘lmagan bolalarni foydalanishning “salbiy oqibatlaridan himoya qilish” maqsadida ularning ijtimoiy tarmoqlarga kirishini taqiqlamoqchi. gazeta.uz »
Los Anjelesdagi hakamlar hay’ati Meta va YouTube’ni 20 yoshli da’vogarning ruhiy salomatligiga salbiy ta’sir ko‘rsatgan, qaramlikka olib keladigan mahsulotlarni yaratishda aybdor deb topdi. Ularga 6 mln dollar miqdorida tovon to‘lash majburiyati yuklandi. Korporatsiyalar qaror ustidan shikoyat qilmoqchi. gazeta.uz »
12-mart kuni metan zapravkalar ijtimoiy soha va jamoat transporti uchun faoliyat yuritadi. Energetika vaziriligi xususiy avtozapravkalar egalaridan narxlarni sun’iy ravishda oshirmaslik hamda benzinni sifat va miqdor jihatidan to‘g‘ri sotishlarini so‘radi. gazeta.uz »
O‘zbekistonda ixtiyoriy ijtimoiy soliq to‘lagan o‘zini o‘zi band qilganlar budjet hisobidan ipoteka krediti olishi mumkin. Prezident farmoni bilan uy-joy qurilishini rag‘batlantirish, “Yangi O‘zbekiston” massivlarini rivojlantirish va ipoteka tizimini takomillashtirish choralari belgilandi. gazeta.uz »
Ispaniya hukumati 16 yoshdan kichik shaxslarning ijtimoiy tarmoqlardan foydalanishini taqiqlash niyatida. Mamlakat bosh vaziri Pedro Sanchesning so‘zlariga ko‘ra, bunday chora bolalarni “raqamli Yovvoyi G‘arb”dan himoya qilish imkonini beradi. gazeta.uz »
Bolalarning ijtimoiy tarmoqlardan foydalanishini taqiqlash kerakmi? Gazeta so‘roviga javoban bolalar ombudsmani, Ijtimoiy himoya agentligi va Maktab vazirligi vakillari “me’yoriy, ongli cheklov” va nazorat tarafdoriligini ta’kidlashdi. gazeta.uz »
1-yanvardan yangi ijtimoiy sug‘urta tizimi ishga tushdi: xususiy sektordagi ayollarga homiladorlik nafaqalari jamg‘arma orqali to‘lanadi, barcha ish bilan ta’minlanganlarga kasallik nafaqalari 1-iyuldan amal qiladi. gazeta.uz »
YUNISEF Avstraliyada o‘smirlar uchun ijtimoiy tarmoqlarning to‘liq taqiqlanishi fonida onlayn makonda bolalarning xavfsizligini ta’minlash uchun yosh cheklovlari yetarli bo‘la olmasligini ta’kidladi. gazeta.uz »
Avstraliyaning 16 yoshgacha bo‘lgan bolalarga ijtimoiy tarmoqlardan foydalanishni taqiqlash haqidagi qarori ortidan Daniya ham yoshlar uchun cheklovlarni joriy etishga tayyorgarlik ko‘rmoqda (bu yerda - 15 yoshgacha). gazeta.uz »
Avstraliya 16 yoshgacha bo‘lgan bolalar uchun ijtimoiy tarmoqlarni butunlay taqiqlagan dunyodagi birinchi davlat bo‘ldi. TikTok, YouTube, Facebook, Instagram va boshqa yirik platformalar taqiqqa uchradi. gazeta.uz »
Qozog‘istonda 16 yoshgacha bo‘lgan bolalarni ijtimoiy tarmoqlarda ro‘yxatdan o‘tkazishni taqiqlash taklif qilinmoqda (messenjerlar mustasno). Onlayn platformalardan ham mamlakatda o‘z vakolatxonalarini ochishni talab qilishmoqchi. gazeta.uz »
Malayziyada 2026-yildan 16 yoshgacha bo‘lgan foydalanuvchilar uchun ijtimoiy tarmoqlardan foydalanishni taqiqlash reja qilinmoqda. Qaror yoshlarni onlayn tahdidlar - qo‘rqitish, moliyaviy firibgarlik va jinsiy zo‘ravonliklardan himoyalash zarurati bilan izohlanmoqda. gazeta.uz »
O‘zbekistonda kambag‘allikka qayta tushish xavfi mavjud oilalarga ijtimoiy yordam va imtiyozlar saqlab qolinadi. Ularga 6 oy mobaynida moddiy yordam va bolalar nafaqasi to‘lanishi davom ettiriladi, bog‘cha va 110 ta ijtimoiy xizmat va yordamdan 12 oy davomida qo‘shimcha foydalanish imkoni beriladi. gazeta.uz »
O‘zbekistonda 1-yanvardan fuqarolar davlat ijtimoiy sug‘urtasi bilan majburiy va ixtiyoriy asosda qamrab olinadi. 1-yanvardan homiladorlik va tug‘ish nafaqasi, 2026-yil 1-iyuldan vaqtinchalik mehnatga layoqatsizlik nafaqasi avtomatik shaklda tayinlanadi. gazeta.uz »
Shavkat Mirziyoyev Doha sammitida kambag‘allikni qisqartirish dasturlarini qo‘llab-quvvatlash uchun Global ijtimoiy adolat jamg‘armasini tashkil etishni taklif qildi. “Rivojlanayotgan mamlakatlarning ijtimoiy dasturlariga resurslarni jalb qiladigan yangi moliyaviy arxitekturani yaratish vaqti keldi”, - dedi u. gazeta.uz »
O‘zbekistonda kredit qarzdorligini ijtimoiy nafaqa va yordam mablag‘laridan undirish taqiqlanmoqda. Kredit olish bo‘yicha arizada ko‘rsatilgan miqdordan ortiqcha summada kredit taklif etilmaydi. Kredit majburiyatlari bilan bog‘liq ehtimoliy tavakkalchiliklar to‘g‘risidagi cheklist taqdim etiladi. gazeta.uz »
1-oktabrdan Toshkent shahri va Yangiyo‘l tumanida ijtimoiy kartalar orqali amalga oshirilgan xaridlar uchun QQSni avtomatik qaytarish tizimi ishga tushirildi. Avval bu uchun QR-kodni skanerlash talab qilinardi. gazeta.uz »
2026-yil 1-yanvardan 2028-yil yakuniga qadar issiqxona xo‘jaliklariga 1 foizli ijtimoiy soliq stavkasi qo‘llanadi. Shuningdek, eksport qilinadigan meva-sabzavotlarning minimal narxini belgilash amaliyoti bekor qilinadi. gazeta.uz »
O‘zbekistonda 1-sentabrdan 3 yil muddatga to‘qimachilik va tikuv-trikotaj korxonalari uchun 1 foizli ijtimoiy soliq stavkasi qo‘llanadigan bo‘ldi. Shuningdek, 2026-yilda bu sohada ishlab chiqarish hajmini 9 foizga oshirish, eksport hajmini esa 3,3 mlrd dollarga yetkazish ko‘zda tutilmoqda. gazeta.uz »
Nepal hukumati mamlakatda “Z avlod namoyishlari” deb nomlangan ommaviy noroziliklar fonida ijtimoiy tarmoqlarni bloklashni bekor qildi. Aksiya ishtirokchilari tarmoqlar taqiqlanishi va korrupsiyaga qarshi chiqqandi. gazeta.uz »
Nepalda minglab yoshlar, jumladan, talabalar ijtimoiy tarmoqlarning bloklanishiga qarshi norozilik namoyishiga chiqdi. Politsiya bilan to‘qnashuvlar oqibatida kamida 19 kishi halok bo‘lgan, 100 dan ortiq kishi jarohatlandi. gazeta.uz »
Prezidentning yangi farmoni O‘zbekistonga olib kelingan falastinlik fuqarolarga qator ijtimoiy yordamlar joriy etadi. Keksa va mehnat yoshidagi mehmonlar uchun nafaqalar, uy-joy ijarasi xarajatlarini qoplash, farzand tug‘ilganda va dafn etishda o‘zbekistonliklarga belgilangan miqdorda to‘lov shular jumlasidan. gazeta.uz »
DXX tomonidan ijtimoiy tarmoqlarda diniy ekstremistik mazmundagi materiallarni tarqatgan uch nafar qiz ushlanib, ularga nisbatan qonuniy choralar ko‘rildi. Ular O‘zbekistonda taqiqlangan terroristik tashkilotlarga tegishli audio-video materiallar va da’vatlarni tarqatish bilan shug‘ullangan. gazeta.uz »
Toshkent viloyati hokimi Zoyir Mirzayev ijtimoiy tarmoqlar bilan ishlashdan qochayotgan rahbarlarni tanqid qilib, ularsiz hokimlarning “ertangi kuni yo‘q” ekanini aytdi. Uning so‘zlariga ko‘ra, hokimlar internetdagi tanqidlarni qabul qila olishi, ommadan qochmasligi kerak. gazeta.uz »
Sog‘liqni saqlash vazirligi fuqarolarni ijtimoiy tarmoqlardagi soxta tabiblardan ogoh bo‘lishga chaqirdi. Bunday soxta usullar diagnostika va davolash milliy klinik protokollari va standartlariga muvofiq emas. gazeta.uz »
O‘zbekistonda ilk bor maktablar, bolalar bog‘chalari, poliklinikalar raqamli xaritaga joylashtirildi. Ma’lumotlar Strategik islohotlar agentligi ishga tushirgan geoportalda mavjud. Gazeta yangi platforma ijtimoiy sohani rivojlantirishni rejalashtirishga qanday yordam berishi haqida so‘zlaydi. gazeta.uz »
Ayollar bandligi va ijtimoiy faolligini ta’minlashga qaratilgan ijtimoiy loyihalarni moliyalashtirish uchun grantlar pasporti tasdiqlandi. Qarorga ko‘ra, BHMning 60 baravarigacha miqdordagi ijtimoiy yordam “Eng yaxshi ijtimoiy loyihalar” tanlovida g‘olib deb topilgan loyihalarni moliyalashtirishga yo‘naltiriladi. gazeta.uz »
Prezident tashrif buyurgan Toshkentning Shayxontohur tumanidagi “Inson” markazida 12 toifadagi yordamga muhtoj fuqarolar, jumladan, nogironligi borlar va yolg‘iz keksalarga xizmat ko‘rsatilmoqda. gazeta.uz »
Markaziy bank ijtimoiy nafaqalarni fuqaro roziligisiz kredit qarzi uchun yechib olayotgan tashkilotlarni bu insofsiz amaliyot deb baholanishi haqida ogohlantirdi. Regulyator avtomatik undiruv tizimlarini qayta ko‘rib chiqish, shikoyat tushganda esa yechib olingan mablag‘ni qaytarib berish kerakligini qayd etgan. gazeta.uz »
Chorvoq qirg‘og‘ida Sea Breeze Uzbekistan turistik majmuasi qurilishi haqidagi xabar jamoatchilikda katta rezonans uyg‘otdi. Ijtimoiy tarmoqlarda ekologik xavflar muhokama qilinib, nega qaror ochiq muhokamasiz qabul qilingani so‘ralmoqda. gazeta.uz »
Ijtimoiy sohaga davlat investitsiyalarini boshqarish bo‘yicha geoportal ishlab chiqildi, uni sentabr oyida ishga tushirish rejalashtirilmoqda. Portal orqali maktablar, poliklinikalar, yo‘llar va boshqa ijtimoiy infratuzilma obyektlarining holati to‘g‘risidagi ma’lumotlarni tahlil qilish mumkin bo‘ladi. gazeta.uz »
Ijtimoiy himoya milliy agentligi O‘zbekistonda zo‘ravonlikka uchragan bolalarning real voqealari asosida suratga olingan filmni taqdim etdi. U bolalikdagi zo‘ravonlik qanchalik chuqur izlar qoldirishi hamda uy, maktab va bog‘cha qanday qilib og‘riqni eslatib turuvchi makonga aylanishi aks etadi. gazeta.uz »
O‘zbekiston prezidenti Vengriya Milliy majlisi spikeri Laslo Kyover bilan uchrashuv o‘tkazdi. Tomonlar, xususan, hududlarni rivojlantirish, ijtimoiy himoya, soliq va raqamlashtirish sohalarida qonun ijodkorligi bo‘yicha tajriba almashishni muhokama qildi. gazeta.uz »
Emomali Rahmon ijtimoiy tarmoqlardagi layklar va reaksiyalar uchun jinoiy javobgarlikni bekor qilish to‘g‘risidagi qonunni imzoladi. Tuzatishlar Tojikiston prezidenti huquq-tartibot idoralarini asossiz jinoiy ishlar uchun tanqid qilib, bu amaliyotga “nuqta qo‘yish”ni talab qilganidan so‘ng qabul qilindi. gazeta.uz »
Prezident farmoniga muvofiq, 2025-yil 15-maydan boshlab Kambag‘al oilalar reyestridagi va unga tushish xavfi bor oilalar “qizil”, “sariq” va “yashil” toifalarga bo‘linadi. Davlat tomonidan ko‘rsatiladigan ijtimoiy qo‘llab-quvvatlash choralari ushbu toifalarga qarab belgilanadi. gazeta.uz »
Tarmoqlarda O‘zbekistondagi barcha prezident maktablarining PISA xalqaro tadqiqotida ishtirok etishi mumkinligi muhokama qilinmoqda. Maktabgacha va maktab ta’limi vaziri bu xabarlarga javoban maktablar IHTT tomonidan tanlab olingani va “vazirlikka ko‘zbo‘yamachilik emas, haqqoniy tahlil kerak”ligini aytdi. gazeta.uz »
Toshkent, Samarqand va Andijon shaharlarida nogironligi bor bolalar maktabga taksida borishi mumkin. Har bir bola uchun davlat oyiga 450 ming so‘mgacha mablag‘ni qoplaydi. Sinov loyihasi IHMA tomonidan Yandex Uzbekistan bilan hamkorlikda amalga oshirilmoqda. gazeta.uz »
Prezident Andijon shahridagi nogironligi bor va doimiy g‘amxo‘rlikka muhtoj bolalarga yordam ko‘rsatuvchi yangi ijtimoiy xizmatlar markazida bo‘ldi. Markazda reabilitatsiya va kasbga yo‘naltirish hamda til kurslari taqdim etiladi. Bundan tashqari, erta aralashuv xizmati mavjud. gazeta.uz »
2026-yildan boshlab ijtimoiy soha obyektlarida energiya samaradorligini oshirish loyihalari amalga oshirilgandan so‘ng ularning ekspluatatsiyasini davlat-xususiy sheriklik to‘g‘risidagi bitim asosida xususiy sektorga berish amaliyoti joriy etiladi. gazeta.uz »
Hukumat qaroriga muvofiq, ijtimoiy himoyaga muhtoj abituriyentlar uchun davlat granti asosida qo‘shimcha qabul parametrlari ajratiladi. O‘tish ballining kamida 80 foizini to‘plaganlar ketma-ketlik bilan tanlab olinadi. gazeta.uz »
Ijtimoiy tarmoqlarning o‘zbek segmentida Xitoy fuqarolariga yerlar sotilgani haqida mish-mishlar va Xitoyni boykot qilishga chaqiriqlar paydo bo‘lmoqda. Rasmiylar buni manipulyatsiya deb atadi, iqtisodchilar esa investorlar oldidagi qo‘rquvning asossizligini ta’kidladi. “Gazeta.uz” nima bo‘layotganini o‘rgandi. gazeta.uz »
Yashash joyi yo‘q, saratonga chalingan keksa ayolni “tez yordam” bir necha bor shifoxonaga olib borgan, lekin uni qabul qilishmagan. Shifokor mahalla noziridan ayolning manzilini aniqlashni so‘ragani, u esa shifoxonaga olib ketishni talab qilgani aks etgan video tarqaldi. Hospis esa hali ham qurib bitkazilmayapti. gazeta.uz »
Hukumat qarori bilan nogironligi bo‘lgan shaxslar va tayanch harakatida muammolari bo‘lgan bolalar uchun transport xizmati loyihasi ishga tushirilmoqda. Hujjatga ko‘ra, ushbu xizmat 2025-yil 1-apreldan uchta shaharda pilot loyiha sifatida, yil yakuniga qadar esa boshqa hududlarda bosqichma-bosqich joriy etiladi. gazeta.uz »
O‘zbekistonda guvohlarni va jinoyat protsessi boshqa ishtirokchilarining ijtimoiy himoyasini ta’minlashga qaratilgan bir yo‘la beriladigan nafaqani tayinlash va to‘lash tartibini belgilandi. Bir yo‘la beriladigan nafaqa soliqqa tortilmaydi va undan ushlab qolishlar amalga oshirilmaydi. gazeta.uz »
Xizmatlar sektori uchun 1 foizlik ijtimoiy soliq stavkasi bo‘yicha imtiyoz muddati yana 3 yilga uzaytiriladi. Endilikda imtiyoz faqat servis korxonalarining kamida 3 mln so‘m oylik oladigan va 30 yoshgacha bo‘lgan ishchilariga qo‘llanadi. gazeta.uz »
Ijtimoiy himoya milliy agentligi O‘zbekistonda “Ijtimoiy karta” tizimini ishlab chiqish va joriy etish bo‘yicha BAAdagi Oxinus Holding Limited kompaniyasi bilan shartnoma tuzdi. Davlat organi ma’lumotlariga ko‘ra, kompaniya 3 mln dollar sarmoya kiritmoqda. gazeta.uz »
