Asosiy - Ïîñëåäíèå íîâîñòè [ Ôîòî â íîâîñòÿõ ] | |
Pekinda Rossiya prezidenti Putin va XXR raisi Si Szinpin muzokara o‘tkazdi. Sheriklikni mustahkamlash va ko‘p qutbli dunyoni shakllantirish bo‘yicha qo‘shma bayonot qabul qilindi. 40 ga yaqin ikki tomonlama hujjat imzolanib, vizasiz rejimni davom ettirish, energetika sohasidagi hamkorlikni kuchaytirishga kelishildi. gazeta.uz »
Sanoatlashtirish va turmush darajasining oshishi tufayli O‘zbekistonda elektr energiyasiga talab o‘sishda davom etadi, dedi Jamshid Xodjayev. Yo‘qotishlarni qisqartirish, tarmoqlarni modernizatsiya qilish, energiya saqlash quvvatlarini rivojlantirish va energiya samaradorligini “milliy odat”ga aylantirish zarur, dedi u. gazeta.uz »
O‘zbekistonda tadbirkorlarning soliq qarzdorligi bo‘yicha penya miqdori asosiy qarz summasidan oshib ketmasligi haqidagi norma joriy etiladi. Shuningdek, QQS to‘lovchisi guvohnomasi endi avtomatik tarzda to‘xtatilmaydi - bunday qaror soliq organi rahbari yoki uning o‘rinbosari tomonidan qabul qilinadi. gazeta.uz »
Markaziy bank asosiy stavkani yillik 14 foiz darajasida o‘zgarishsiz qoldirdi. Inflyatsiya yillik hisobda 7,1 foizgacha pasaydi, iqtisodiyot prognozlardan tezroq o‘smoqda, biroq tashqi xatarlar va mamlakat ichidagi barqaror inflyatsion bosim pul-kredit siyosatini yumshatish imkonini bermayapti. gazeta.uz »
Pul-kredit siyosatining qat’iylik darajasi yetarlicha yuqori, asosiy stavkani oshirish haqida gapirishga esa hali erta, dedi O‘zbekiston MB rahbari Temur Ishmetov. Uning so‘zlariga ko‘ra, regulyator uchun “hozir asosiy masala inflyatsiyadan ko‘ra, valyuta almashuv kursining erkinligini saqlab turish”. gazeta.uz »
2025-yil va 2026-yil boshidan buyon Raqobat qo‘mitasi yangi uylar sifati va ularning o‘z muddatida topshirilmasligi bilan bog‘liq 2057 ta murojaatni ko‘rib chiqqan. Shikoyatlarning 74,3 foizi qanoatlantirilgan, qo‘mita fuqarolarga qariyb 24,4 mlrd so‘mni qaytarishga yordam bergan. gazeta.uz »
O‘zbekiston 2026-yilgi yozgi mavsumda Rossiya aviakompaniyalari uchun asosiy xalqaro yo‘nalishga aylandi (67 ta yo‘nalish). Ta’kidlanishicha, 2019-yilda mamlakat Rossiya bilan yo‘lovchi tashishda 9-o‘rinda bo‘lgan. gazeta.uz »
Markaziy bank asosiy stavkani yillik 14 foiz darajasida o‘zgarishsiz qoldirdi va buni bazaviy inflyatsiyaning tezlashayotgani hamda ichki talabning barqarorligi bilan izohladi. Geosiyosiy keskinlikning kuchayishi import narxlari orqali inflyatsiyaga qo‘shimcha bosim yaratmoqda. So‘m kursiga jiddiy bosim kuzatilmayapti. gazeta.uz »
Ali Xomanaiyning o‘g‘li Mojtaba Xomanaiy Eron oliy rahbari lavozimiga asosiy nomzod bo‘ldi, deb yozdi NYT. Ekspertlar kengashi IIQK ta’siri ostida shu qarorga kelgani aytilmoqda. Boshqa nomzodlar orasida kengash a’zosi Alirizo Arofiy va Islom respublikasi asoschisi Xomeyniyning nabirasi Hasan Xomeyniy bor. gazeta.uz »
Yanvar oyi yakunlariga ko‘ra, O‘zbekistonda 28,6 mingta yangi yengil avtomobil sotildi - bu o‘tgan yilning shu davriga nisbatan 7,2 foizga ko‘p. O‘sishga asosiy hissani elektromobillar segmenti qo‘shdi. gazeta.uz »
O‘zbekistonda fuqaro aviatsiyasi korxonalarini transformatsiya qilish rejalashtirilmoqda: xarajatlar qisqartiriladi, “begona” xizmatlar autsorsingga o‘tkaziladi. Uzbekistan Airways va Uzbekistan Airports 2026-yildan faqat asosiy faoliyatiga e’tibor qaratadi, nosohaviy xarajatlar to‘xtatilishi kutilmoqda. gazeta.uz »
Prezident Shavkat Mirziyoyev endi migratsiya oqimi o‘sib borayotgan mamlakatlarda, xususan, Yevropada mehnat migrantlari bilan ishlash konsullarning asosiy vazifasi bo‘lishini ta’kidladi. U konsullikda hisobga qo‘yishni soddalashtirish va ortiqcha byurokratiyani kamaytirishni buyurdi. gazeta.uz »
2025-yil O‘zbekistonda nimasi bilan yodda qoldi? Mamlakat qator sammitlar o‘tkazdi, qatnashdi, energiya tariflari islohotini yakunladi, Ai-80 benzinidan voz kechdi va JSTga yanada yaqinlashdi. Elektron retseptlarga o‘tish boshlandi, terma jamoa JCHga chiqdi, ekologik vaziyat yil chaqirig‘iga aylandi. Gazeta sarhisobi. gazeta.uz »
Markaziy bank asosiy stavkani yillik 14 foiz darajasida qoldirdi. Shuningdek, regulyator joriy yil uchun inflyatsiya prognozini 7,3 foizgacha yaxshiladi, bu avvalgi hisob-kitoblardan past. Shuningdek, xizmatlar sohasida iste’mol talabi, taklif omillari va narxlar o‘sishi bilan bog‘liq xatarlar saqlanib qolmoqda. gazeta.uz »
Toshkentdagi iqtisodiy va transport forumlari doirasida Gazeta yevrokomissar Yozef Sikela bilan YeIning Markaziy Osiyodagi ustuvor yo‘nalishlari, Transkaspiy yo‘lagini rivojlantirish, muhim xomashyo bo‘yicha loyihalar va O‘zbekistonning ikki mintaqa o‘rtasidagi aloqalarda tutgan o‘rni haqida suhbatlashdi. gazeta.uz »
Toshkentda bir necha kundan beri davom etayotgan smog barcha uchun “jiddiy qo‘ng‘iroq” bo‘ldi, dedi Aziz Abduhakimov. Ekologiya qo‘mitasi havo ifloslanishini kamaytirish bo‘yicha tezkor va uzoq muddatli rejalarni e’lon qildi. gazeta.uz »
Moliya bozorining Markaziy bank vositalariga nisbatan sezgirligi pastligicha qolmoqda, shuning uchun regulyator ularni qayta ko‘rib chiqadi, dedi MB raisi Timur Ishmetov. Uning qo‘shimcha qilishicha, monetar siyosatning shaffofligi va prognozliligini oshirish rejalashtirilmoqda. gazeta.uz »
Markaziy bank raisi Timur Ishmetov bugungi boshqaruv yig‘ilishida faqat asosiy stavkani saqlab qolish varianti ko‘rib chiqilganini aytdi. “Barcha ko‘rsatkichlar inflyatsiya pasayuvchi trendga o‘tganini ko‘rsatdi. gazeta.uz »
O‘zbekistonda 2025-yilning yanvar-sentabrida asosiy kapitalga 443,6 trln so‘mlik investitsiyalar o‘zlashtirildi - o‘tgan yil shu davridan 15,2% ko‘p. O‘sish sur’ati birinchi yarimyillikdagidan uch karra yuqori bo‘lgan bo‘lsa-da, ko‘rsatkich deyarli 39% oshgan o‘tgan yildagidan sezilarli darajada past. gazeta.uz »
O‘zbekiston moliya tizimi bashorat qilish mumkin bo‘lgan muhitga tomon siljimoqda, Markaziy bank esa asosiy stavkani “bozor uchun aniq va ishonchli signal”ga aylantirish niyatida. Yaqin kelajakda islomiy banking to‘g‘risidagi qonunni qabul qilish va muddatli to‘lov bozorini tartibga solish rejalashtirilgan. gazeta.uz »
Samarqandda yilning eng nufuzli shaxmat turnirlaridan biri - Grand Swiss yakunlandi. U Da’vogarlar turnirining ikki ishtirokchisini aniqlab berdi. O‘zbekistonliklar barqaror o‘yin namoyish etdi, ammo shohsupaga chiqa olmadi. gazeta.uz »
Ma’lumotlarni boshqarish milliy tizimi to‘g‘risidagi qonun loyihasi e’lon qilindi. Qonundan maqsad - davlat organlari yig‘adigan ma’lumotlarga nisbatan umumdavlat yondashuvini joriy etish hamda raqamli ma’lumotlarni yig‘ish, shakllantirish, qayta ishlash, saqlash va ulardan foydalanishda yagona yondashuvni ta’minlash. gazeta.uz »
Markaziy bank raisi Timur Ishmetov bugungi matbuot anjumanida nima uchun asosiy stavka o‘zgarishsiz saqlab qolinganini tushuntirdi. Uning aytishicha, inflyatsiya pasayishi kutilganidan sekinroq kechmoqda, narxlarning oshishi bo‘yicha xatarlar esa saqlanib qolmoqda. gazeta.uz »
MB tahlillariga ko‘ra, avgustda umumiy inflyatsiya darajasi yillik 8,8 foizni tashkil etdi. Inflyatsiya o‘sishida energiya narxlari oshishi asosiy rolni o‘ynamoqda. Meva-sabzavotlar inflyatsiyasi o‘sishi umumiy inflyatsiya pasayishiga to‘sqinlik qilmoqda. gazeta.uz »
Markaziy bank sharhiga ko‘ra, elektr va gaz uzilishlari hamda yoqilg‘i narxlarining oshishi biznesning to‘liq quvvatda ishlashi uchun asosiy to‘siq bo‘lib qolmoqda. Shuningdek, cheklovchi omillar qatorida aylanma mablag‘lar yetishmasligi, soliq tizimidagi murakkabliklar, ijara xarajatlarining yuqoriligi sanab o‘tilgan. gazeta.uz »
2025-yil yanvar-iyun oylarida O‘zbekiston iqtisodiyotiga investitsiyalar 5,5%ga oshdi. O‘tgan yilning shu davrida esa rekord darajada 45% o‘sish qayd etilgan edi. Gazeta sharhlovchisi Dmitriy Povarov bu holat o‘sishning sekinlashishi yoki o‘tgan yilgi keskin ko‘tarilishdan keyingi normallashuv ekanini aniqlashga urindi. gazeta.uz »
Markaziy bank asosiy stavkasini ko‘rib chiqish bo‘yicha navbatdagi yig‘ilishini keyinga qoldirdi. Regulyator yig‘ilish sanasi alohida ma’lum qilinishini ta’kidlagan. Qarorga yilning 1-yarmi bo‘yicha global makroiqtisodiy ko‘rsatkichlar, savdo hamkorlari bo‘yicha ma’lumotlar iyul oxirida e’lon qilinishini sabab bo‘lgan. gazeta.uz »
Yevropa Ittifoqi Rossiyaga qarshi 18-sanksiyalar paketini ma’qulladi. U bank, energetika va harbiy-sanoat tarmoqlariga yo‘naltirilgan hamda neft narxining yangi dinamik chegarasini o‘z ichiga oladi. gazeta.uz »
Prezident Qashqadaryo yo‘l tarmog‘ini masshtabli rekonstruksiyalashni boshlashni buyurdi. “G‘uzor - Buxoro - Nukus - Beyneu” avtoyo‘lining 100 km, to‘rt tasmagacha kengaytirib “Qarshi - Shahrisabz - Kitob” trassasining 106 km lik qismini, “Toshkent - Termiz” yo‘lining bir qismini rekonstruksiya qilish rejalashtirilgan. gazeta.uz »
Isroil Eronda turli nishonlarga zarba berishda davom etmoqda. Eron Isroilga raketa zarbalari bilan javob qaytarmoqda. Ikki tomondan ham qurbonlar va jarohatlanganlar soni ortib bormoqda. Bu soatgacha nimalar ma’lum? - Gazeta materialida. gazeta.uz »
Prezident yordamchisi Saida Mirziyoyeva Qoraqalpog‘iston asosiy milliy ustuvor yo‘nalishlardan biri ekanini ta’kidlab, hududga sarmoya kiritishga taklif qildi. BCG bilan uni 2035-yilgacha rivojlantirish strategiyasi ishlab chiqilgan. gazeta.uz »
2025-yilning birinchi choragi yakuniga ko‘ra, O‘zbekistonning davlat qarzi 2,22 mlrd dollarga ko‘payib, 42,4 mlrd dollarni tashkil etdi. Kreditlar asosan davlat budjetini qo‘llab-quvvatlash uchun jalb qilingan. gazeta.uz »
Istanbulda Rossiya va Ukraina delegatsiyalarining 2022-yildan beri ilk bor tashkil etilgan to‘g‘ridan-to‘g‘ri muzokaralari yakunlandi. Hozircha tomonlar e’lon qilgan yagona kelishuv - “1000 ga 1000” formulasi bo‘yicha harbiy asirlarni almashish. gazeta.uz »
Aprelda aholining inflyatsion kutilmalari 14,2 foizni tashkil etib, o‘tgan oyga nisbatan o‘zgarishsiz qoldi. Tadbirkorlarning kutilmalari esa biroz pasayib 12,8 foizgacha tushdi. Aholida ham, tadbirkorlarda ham kommunal xizmatlar hamda yoqilg‘i va energiya narxining qimmatlashishi asosiy xavotir bo‘lib qolmoqda. gazeta.uz »
Markaziy bank mikroqarzlar bo‘yicha talablarni kuchaytirmoqda. Banklar portfelidagi ulush 25 foizdan oshmasligi kerak. Mikroqarz oluvchi olingan summadan tashqari bir yil davomida uning 50 foizidan ortiq to‘lov qilolmaydi. gazeta.uz »
Markaziy bank asosiy stavkani o‘zgarishsiz, 14 foiz darajasida qoldirdi. “Yalpi talab va taklif o‘rtasidagi nomutanosibliklar hamda tashqi noaniqliklarning kuchayib borishi bilan bog‘liq xatarlar pul-kredit sharoitlarini nisbatan qat’iy, joriy darajasida saqlab qolishni taqozo etmoqda”, - deya qayd etgan MB. gazeta.uz »
Shavkat Mirziyoyev Tojikistonga amaliy tashrifi doirasida Sadir Japarov bilan uchrashuv o‘tkazdi. O‘zbekiston, Tojikiston va Qirg‘iziston rahbarlari birga Xo‘jand qal’asiga bordi, shuningdek, uch mamlakat madaniyat va san’at ustalarining konsertida qatnashdi. Shu bilan davlat rahbarining tashrifi yakunlandi. gazeta.uz »
Markaziy bank boshqaruvi asosiy stavkani 0,5 foiz bandga oshirib, yillik 14 foiz darajasida belgiladi. Regulyator inflyatsion bosimlarning yuqori saqlanib qolishi, talabning barqaror o‘sib borishi va inflyatsion kutilmalarning kuchayishi fonida pul-kredit sharoitlari qat’iylik darajasini oshirishga qaror qilgan. gazeta.uz »
O‘zbekiston Markaziy banki asosiy stavkani ko‘rib chiqish bo‘yicha 13-martga belgilangan boshqaruv yig‘ilishini 20-martga qoldirdi. Bunda fevral yakunlari bo‘yicha asosiy makroiqtisodiy ko‘rsatkichlar va savdo hamkorlar iqtisodiyoti bo‘yicha ma’lumotlar martning ikkinchi yarmida e’lon qilinishi inobatga olingan. gazeta.uz »
Qozog‘iston Milliy banki asosiy stavkani birdaniga 1,25 foiz punktiga oshirib, 16,5 foizga yetkazdi. Regulyator qarorini o‘sib borayotgan inflyatsiya risklari bilan bog‘ladi, shuningdek, inflyatsiya va iqtisodiy o‘sish prognozini yomonlashtirdi. gazeta.uz »
Import dori vositalariga (antibiotiklar, virusga qarshi, gormonal va boshqa preparatlar) 2 foizli boj joriy etilishi O‘zbekiston bozorini himoya qilish bilan bog‘liq, deya izoh berdi Farmatsevtika agentligi “Gazeta. gazeta.uz »
MB asosiy stavkani yillik 13,5 foiz darajasida qoldirdi. “Energiya narxlari erkinlashtirilishi ta’siri kamayishi kutilayotganiga qaramasdan, inflyatsion kutilmalar yuqori darajada saqlanib qolayotgani pul-kredit sharoitlarini nisbatan qat’iy darajada saqlab qolishni taqozo etmoqda”, - deya qayd etgan regulyator. gazeta.uz »
Xalq nazorati xizmati 2024-yildagi faoliyati natijalarini taqdim etdi. Toshkent aholisi o‘tgan yilgidan 1,5 karra ko‘p murojaat yubordi, 89,6 foizi ko‘rib chiqildi va yopildi. Aksariyati kommunal xo‘jaligi muammolari bilan bog‘liq, 20 foizi daraxt kesish va chiqindi, 10 foizga yaqini yo‘l va trotuar holatiga oid. gazeta.uz »
2024-yilda O‘zbekistonda parlament saylovi bo‘ldi, energiya tariflari keskin oshdi, bolalarni zo‘ravonlikning barcha shakllaridan himoya qilish to‘g‘risida uzoq kutilgan qonun qabul qilindi, mamlakat Olimpiya va Paralimpiya o‘yinlarida g‘alabalarga erishdi… O‘tayotgan yil yakunlari - “Gazeta.uz” obzorida. gazeta.uz »
Prezident 1993-yildagi eski qonun o‘rnini bosuvchi “Davlat sirlari to‘g‘risida”gi qonunni imzoladi. Hujjat bilan davlat sirlarining alohida toifalari, ularni himoya qilish sohasidagi organlarning vakolatlari, maxfiylik darajasi va ma’lumotlarni maxfiylashtirish muddati belgilandi. gazeta.uz »
O‘zbekiston yil davomida AQSh, Hindiston, Qozog‘iston, Tojikiston va Qirg‘iziston bilan harbiy mashg‘ulotlar o‘tkazdi. Asosiy mavzu uchuvchisiz uchish apparatlaridan foydalanish bo‘ldi. Qolaversa, Mudofaa vazirligi milliy armiyaning shayligini oshirish uchun qurolli to‘qnashuvlar tahlili olib borilayotganini bildirdi. gazeta.uz »
Suriyada qo‘zg‘olonchilar Idlibda 25 ta qishloq va harbiy aeroportni egallab oldi. Shuningdek, hukumat qo‘shinlari Halabni deyarli qarshiliksiz tark etgani ma’lum qilindi. Hujum boshlanganidan beri kamida 277 kishi halok bo‘ldi. gazeta.uz »
Prezident “Temiryo‘l transporti to‘g‘risida”gi yangi qonunni imzoladi. Vagon operatorlari va yo‘lovchi tashuvchilar narxlarni erkin belgilash imkoniyatiga ega bo‘ladi (davlat tomonidan tartibga solinadigan tashuvlar bundan mustasno). gazeta.uz »
Prezidentga olib kirilgan oziq-ovqat xavfsizligini ta’minlashga oid taqdimotga ko‘ra, 2025-yilda 2 mln gektar maydonga meva-sabzavot va poliz ekinlari ekilib, hosillari monitoring qilib boriladi. gazeta.uz »
Abxaziyada Rossiya bilan “investitsiya bitimi” ratifikatsiya qilinishiga qarshi namoyishchilar hukumat binolarini egalladi. Buning fonida prezident Aslan Bjaniya iste’foga chiqishga tayyorligini bildirdi. gazeta.uz »
