çáĺęčńňîíëčę - Ďîńëĺäíčĺ íîâîńňč [ Ôîňî â íîâîńň˙ő ] | |
Qozog‘istonning Aqtobe viloyatida salonida yo‘lovchilar, jumladan, 54 nafar O‘zbekiston fuqarosi bo‘lgan avtobus YTHga uchradi. Aqtobedagi Bosh konsulxona ularga zarar yetmaganini ma’lum qildi. Yo‘lovchilarga oziq-ovqat va boshpana berilgan, ular boshqa avtobusda mamlakatga qaytadi. gazeta.uz »
AQSh migratsiya organlari nazorat-tekshiruv reydlarini kuchaytirgani munosabati bilan O‘zbekiston TIV mamlakatda avtomobil boshqaradigan fuqarolarga murojaat qildi. Doim huquqiy maqomni tasdiqlovchi hujjatlarni olib yurish tavsiya etildi. gazeta.uz »
O‘zbekistonlik bokschilar Hindistonda o‘tgan Jahon kubogida medallar jamg‘arish bo‘yicha mezbonlardan keyin ikkinchi o‘rinni egalladi. World Boxing bahslarida ular 4 ta oltin, 5 ta kumush va 4 ta bronza medalini qo‘lga kiritdi. Bu 2025-yilgi kubok bahslarining final bosqichi edi. gazeta.uz »
GlobalHR xususiy bandlik agentligi o‘zbekistonlik burg‘ilovchi, elektrik va payvandchilar uchun Bolgariyada bo‘sh ish o‘rinlarini taklif qilmoqda. Tanlovda ish tajribasiga ega, rus tilini biladigan 45 yoshgacha bo‘lgan erkaklar qatnashishi mumkin. gazeta.uz »
Tokioda o‘zbekistonlik kar va zaif eshituvchi ijodkorlarning fotoko‘rgazmasi ochildi. Bu ularning xorijdagi ilk mukammal namoyishi ekanligi bilan e’tiborga molik. Fotosuratlar O‘zbekistonning tabiati, aholi turmush tarzi va an’analari, hunarmandchilik hamda turli sport musobaqalari haqida hikoya qiladi. gazeta.uz »
Shaxmatchilar Nodirbek Yoqubboyev va Javohir Sindarov Goadagi jahon kubogi yarim finaliga yetib borib, O‘zbekiston uchun tarixiy yutuqni qo‘lga kiritdi: ulardan biri aniq bu kabi turnirda ilk bor finalga chiqadi. gazeta.uz »
Yevropa Ittifoqi o‘zbekistonlik tadbirkor Rustam Mo‘minovni Rossiya porox zavodlariga paxta sellyulozasi yetkazib berishga aloqador deb hisoblab, 19-sanksiyalar paketiga kiritdi. Yevropa Ittifoqi hujjatlarida Mo‘minovda uchta davlat - O‘zbekiston, Rossiya va Buyuk Britaniya fuqaroligi borligi ham qayd etilgan. gazeta.uz »
Migratsiya agentligi bir qator tashkilotlar bilan hamkorlikda o‘zbekistonliklarni xorijga ishga taklif qilmoqda. Xususan, haydovchilar uchun Germaniya va Yaponiyada, quruvchilar uchun Turkiya va Yaponiyada ishlash imkoniyati berilishi mumkin. gazeta.uz »
Qozog‘istonning Pavlodar viloyatidagi avtomobil yo‘lida to‘xtab qolgan avtobusdan 36 nafar yo‘lovchi (13 nafari bolalar) evakuatsiya qilindi, ularning barchasi O‘zbekiston fuqarolari bo‘lgan. Yomg‘ir va sovuq havo sharoitida sayohatchilar isitish punktiga yetkazilib, issiq ovqat bilan ta’minlangan. gazeta.uz »
AQSh xususiy aerokosmik kompaniyasi - Vast o‘zbekistonlik mutaxassislarni o‘zining Haven-2 loyihasi doirasidagi missiyalariga jalb qilishi mumkin. Sherzod Shermatov va kompaniya vitse-prezidenti Rich Leshner o‘rtasidagi uchrashuvda bu bo‘yicha kelgusi qadamlarni belgilab beruvchi o‘zaro anglashuv memorandumi imzolandi. gazeta.uz »
Toshkent davlat sharqshunoslik universiteti talabasi Sabohat G‘ofurova Seul shahridagi Yonse universiteti tashkil etgan, chet elliklar o‘rtasida koreys tili va adabiyoti bo‘yicha o‘tkazilgan 31-xalqaro ijodiy tanlovda xorijiy ishtirokchilar orasida birinchi o‘rinni egalladi. gazeta.uz »
Rossiyaning Xakasiya hududida turli qiyinchiliklarga uchrab, og‘ir moddiy ahvolda qolgan O‘zbekiston fuqarosi va uning uch nafar farzandi Bosh konsulxona ko‘magida vatanga qaytarildi. gazeta.uz »
O‘zbekistonlik 20 yoshli Umid Zohirjonov Turkiyadan deportatsiya qilindi. U vatanda kiberfiribgarlik sodir etib, 10 dan ortiq fuqaroning mablag‘ini o‘zlashtirishda ayblanmoqda va qidiruvda edi. Bosh konsulxona javobgarlikdan qochib, chetda yashayotganlarni jinoiy ta’qib etish davom ettirilishini eslatdi. gazeta.uz »
Rossiyaning Novosibirsk shahrida og‘ir moddiy ahvolga tushib qolgan fuqaro va uning ikki farzandi O‘zbekistonga qaytarildi. Tegishli organlar ular uchun sertifikat va aviachiptalar taqdim qildi. gazeta.uz »
Rossiyaning Yekaterinburg, Volgograd, Ufa, Moskva viloyati, Novosibirsk kabi shaharlarida ota-onasi qaramog‘idan mahrum bo‘lgan 19 nafar bola O‘zbekistonga qaytarildi. Bundan tashqari, nazoratsiz qolgan yoki og‘ir ijtimoiy ahvoldagi yana 16 nafar voyaga yetmagan bola vatanga olib kelingani ma’lum qilindi. gazeta.uz »
Workmall xususiy bandlik agentligi o‘zbekistonlik elektriklarni Janubiy Koreyada kemasozlik korxonasiga ishga taklif qilmoqda. Nomzodlar soha bo‘yicha diplomga va ushbu yo‘nalishda 1 yildan ortiq rasmiy ish tajribasiga ega bo‘lishi kerak. Oylik maosh 2 571 000 von (1750 AQSh dollari)ga teng. gazeta.uz »
Turkiya aeroportida go‘sht qiymalagich va xamir qorish mashinasi detallariga yashirilgan, og‘irligi 61 kg dan ortiq bo‘lgan oltin kontrabandasida gumonlanuvchilar qo‘lga olindi. Oltinlar taxminan 8,5 mln dollarga baholanmoqda. gazeta.uz »
Janubiy Koreyada E-9 vizasi asosida ishlayotgan va qonunchilik talablarini buzgan 26 nafar O‘zbekiston fuqarosiga nisbatan jarima qo‘llandi. Mamlakatda 12-dekabrgacha kuchaytirilgan qo‘shma reydlar o‘tkazilmoqda. gazeta.uz »
Rossiyaning Krasnoyarsk o‘lkasida 3 o‘zbekistonlik Norilsk shahriga noqonuniy kirib borgani uchun qo‘lga olindi. Ular bu shaharga oshpazlik qilish uchun borgan. Vatandoshlar jarima to‘laydigan va deportatsiya qilinadigan bo‘ldi. gazeta.uz »
Rossiyaning Novosibirsk viloyatida yengil avtomobil va 2 ta yuk mashinasi ishtirokida YTH bo‘ldi. OAV yuk mashinalarining haydovchilari O‘zbekiston fuqarolari ekani, ularning biri halok bo‘lgani, boshqasi jiddiy jarohatlanganini yozmoqda. gazeta.uz »
O‘zbekistonlik Kamila Mahmudova Avstriyaning Raiffeisen Bank International (RBI) banki moliyaviy direktori lavozimiga tayinlandi. U 2007-yildan beri RBI`da ishlab kelmoqda. 2021-yil oxiridan beri u Chexiyadagi Raiffeisenbank boshqaruvining moliyaviy direktori edi. gazeta.uz »
Janubiy Koreya yana O‘zbekiston fuqarolarini mavsumiy ishlar uchun E-8 vizasi bilan qabul qiladi. Migratsiya agentligi va Kyonsan-Namdo provinsiyasi ma’muriyati o‘rtasida qishloq xo‘jaligi bo‘yicha sakkiz oylik shartnomalar asosida Toshkent viloyatidan ishchilar yollash bo‘yicha kelishuv imzolandi. gazeta.uz »
O‘zbekistonlik yoshlarga til o‘rganish uchun “2+6” dasturi asosida yarim yil uchun oyiga BHMning 2 baravarigacha bo‘lgan miqdorda subsidiyalar ajratiladi. Bunda talabgor til bilishning kamida minimal ko‘rsatkichli sertifikatiga ega bo‘lishi va dastlabki 2 oylik o‘qish xarajatini o‘z hisobidan to‘lashi lozim. gazeta.uz »
Rossiyaning Arxangelsk shahrida 22 yoshli O‘zbekiston fuqarosi qurilish obyektining 5-qavatidan tushib ketib, halok bo‘ldi. Rossiya rasmiylari uning qurilish asboblarini tashiyotgan paytda muvozanatni yo‘qotib, beton plitaga qulaganini bildirdi. O‘zbekiston Bosh konsulxonasi holatni nazoratga oldi. gazeta.uz »
O‘zbekiston terma jamoasi parayengil atletika bo‘yicha jahon chempionatida 12 medal qo‘lga kiritdi - 5 oltin, 5 kumush, 2 bronza. Uch sportchi Osiyo rekordlarini yangiladi: Karomat Omonova (F46, yadro uloqtirish), Madina Muxtorova (F40, yadro uloqtirish) va Navro‘za Axmatova (F41, disk uloqtirish). gazeta.uz »
Istanbulda 6 kishi, jumladan, bloger “Jasmin” giyohvandlik vositalari va psixotrop moddalarning noqonuniy aylanmasida gumonlanib ushlandi, deb xabar berdi O‘zbekistonning Bosh konsulxonasi. Ular yopiq turdagi jazoni ijro etish muassasasiga joylashtirilgan. gazeta.uz »
Turkiya va O‘zbekiston ichki ishlar vazirliklari hamkorligidagi tadbirda odam savdosida ayblanib qidiruvga berilgan ikki nafar ayol Turkiyadan deportatsiya qilindi. gazeta.uz »
Slovakiyadagi Volkswagen zavodi avtomobil yig‘ish va bo‘yash kabi yo‘nalishlarda ishlash uchun 40 yoshgacha bo‘lgan o‘zbekistonlik erkaklarni ishga taklif qilmoqda. Ish haqi dastlabki ikki oyda $1274, keyin - $1514. Ish jadvali 3 smena va haftada 5 kundan iborat. gazeta.uz »
Rossiyada o‘zbek xonandasi konserti vaqtida reyd o‘tkazildi. Unda Rossiyada bo‘lish qoidasini buzgan 8 nafar o‘zbekistonlik aniqlangan. Ularning 4 nafari mamlakatdan chiqarib yuborilgan, yana 4 nafari esa vaqtincha saqlash markaziga joylashtirilgan. gazeta.uz »
Rossiyada maxsus kuchlar Krasnoyarsk o‘lkasidagi banket zalida noqonuniy migratsiyaga va giyohvand moddalarga qarshi reyd o‘tkazdi. 620 kishi tekshirildi, 26 kishi politsiya bo‘limiga olib ketildi. Ularning qaysi davlat fuqarosi ekani aytilmagan. gazeta.uz »
Istanbulda 36 yoshli o‘zbekistonlik ayol yashash manzilida pichoqlab o‘ldirildi. Bosh konsulxona ayol ilgari deportatsiya qilingani, ammo ism-familiyasini o‘zgartirib, yana Turkiyaga borganini aniqladi. gazeta.uz »
Ukraina huquq-tartibot idoralari 13 nafar O‘zbekiston fuqarosini mamlakatga olib kelgan va ularni noqonuniy ushlab turish vaqtida Kiyev viloyatidagi qishloq xo‘jaligi korxonalarida ishlashga majburlagan bir guruh shaxslarni qo‘lga oldi. gazeta.uz »
Sayyohlik firmasi orqali Umra ziyoratiga kelgan 50 nafar o‘zbekistonlik Makkada vatanga qaytish uchun aviachiptalarsiz qolib ketgan. Bosh konsulxona aralashuvidan keyin sayyohlik firmasi tomonidan aviachiptalar xarid qilingan, ziyoratchilar 17-sentabr kuni O‘zbekistonga kuzatib qo‘yilgan. gazeta.uz »
Qozog‘istonning Olmaota viloyatida metall qabul qilish korxonasida portlash yuz berdi, oqibatda uch nafar O‘zbekiston fuqarosi halok bo‘ldi. Migratsiya agentligi marhumlarning jasadini vatanga qaytarish ishlarini tashkil etmoqda. gazeta.uz »
Tataristonda Nexia va MAN yuk avtomashinasi to‘qnashuvi oqibatida 3 nafar O‘zbekiston fuqarosi halok bo‘ldi. Vafot etgan fuqarolarning jasadlarini vatanga qaytarish choralari ko‘rilmoqda. gazeta.uz »
Turkiya O‘zbekistonga xalqaro miqyosda qidiruvda bo‘lgan 6 nafar shaxsni topshirdi. Ular odam savdosi, o‘ta yirik miqdordagi firibgarlik va boshqa og‘ir jinoyatlarni sodir etganlikda ayblanmoqda. gazeta.uz »
Qozog‘istonning Turkiston viloyati tog‘larida 29 yoshli O‘zbekiston fuqarosi daraga yiqilib halok bo‘ldi. 28 va 29 yoshli ikki yigit 31-avgust kuni Chimkent shahridan toqqa jo‘nab ketib, qaytib kelmagan. gazeta.uz »
Qozog‘istonning Turkiston viloyati Keles tumanida 35 yoshli O‘zbekiston fuqarosi 8-sinf qizni zo‘rlagani uchun umrbod qamoqqa hukm qilindi. U qizchaning ojizligidan foydalanib, uni bir necha marta o‘z xohishiga qarshi jinsiy aloqaga majburlagan. Qiz homilador bo‘lib qolgach, onasi voqeadan xabar topgan. gazeta.uz »
Rossiyaning Krasnoyarsk o‘lkasi Kuragin tumanidagi “Artyomovskiy rudnik” konida o‘zbekistonlik ishchi halok bo‘ldi. Tog‘ jinslarini parmalash ishlari vaqtida tog‘ massasi qulab tushgan. Ishchi uyumlar ostida qolib, olgan jarohatlari oqibatida voqea joyida halok bo‘lgan. Prokuratura tekshiruv olib bormoqda. gazeta.uz »
Istanbulda o‘zbekistonlik erkak rashk sabab o‘z xotinini pichoqlab o‘ldirdi. Erkak va uni yashirinishda yordamlashganlikda gumon qilinayotgan shaxs ushlandi. gazeta.uz »
Polsha hududida mushkul ahvolda qolgan uch nafar fuqaro O‘zbekistonga olib kelindi. Ulardan biri yolg‘on xabarlarga ishonib xorijga borgan va hujjatlarini yo‘qotgan. Hozirda ularga psixologik va huquqiy ko‘mak ko‘rsatilmoqda. gazeta.uz »
Interpol qidiruvidagi 4 nafar O‘zbekiston fuqarosini deportatsiya qilish masalasi hal etildi, deb xabar bermoqda IIV. Ularning 2 nafari AQShdan, qolganlari Turkiyadan chiqarib yuborildi. Fuqarolar soliq to‘lashdan bo‘yin tovlash, o‘ta yirik miqdordagi firibgarlik kabi jinoyatlarda ayblanmoqda. gazeta.uz »
Saudiya Arabistonining Dammam shahrida maishiy zo‘ravonlik qurboni bo‘lgan o‘zbekistonlik ayol vatanga qaytarildi. U xorijlik turmush o‘rtog‘ining g‘ayriinsoniy tazyiqi ostida qolgan va O‘zbekistonga qaytarishni so‘rab ariza bilan murojaat qilgan. Unga viza rasmiylashtirilib, O‘zbekistonga kuzatib qo‘yildi. gazeta.uz »
Rossiya tomonidan Ukrainaga qarshi urushda qatnashgan o‘zbekistonlikning ozodligini 4 yilga cheklandi. U Rossiyada bo‘lgan vaqti narkotik bilan bog‘liq jinoyatda ayblanib, ozodlikdan mahrum qilingan. gazeta.uz »
Italiyaning Milan shahriga o‘zbekistonlik hamshiralar ishga taklif qilmoqda. Oylik maosh 2200 yevrogacha bo‘lib, nomzodlar 45 yoshgacha, oliy ma’lumotli va 3 yillik ish tajribasiga ega bo‘lishi lozim. gazeta.uz »
Bolgariyaning Kavatsite sohilida 22 yoshli O‘zbekiston fuqarosi dengizda ukrainalik qizni qutqarmoqchi bo‘lgan vaqtida cho‘kib ketdi. Uning jasadi voqeadan ikki kun o‘tgach, suv ostidagi yirik qoyatoshlar orasidan olib chiqildi. gazeta.uz »
Iyun va iyul oylarida 73 ming o‘zbekistonlik kredit rasmiylashtirishga o‘z-o‘ziga taqiq qo‘ydi. Xizmat kiberfiribgarliklar va fuqarolar nomiga ularning xabarisiz kredit rasmiylashtirish holatlari ko‘paygan bir paytda yo‘lga qo‘yilgandi. gazeta.uz »
Turli xil jinoyatlarni sodir etgani uchun qidiruvda bo‘lgan uch shaxs BAAdan O‘zbekistonga ekstraditsiya qilindi. gazeta.uz »
Batumidagi shaxmat bo‘yicha Jahon kubogida o‘zbekistonlik sportchi qizlar so‘nggi yillardagi eng yaxshi natijani qayd etdi. Uchala shaxmatchi ham birinchi bosqichni muvaffaqiyatli yengib o‘tdi, Umida Omonova esa to‘rtinchi bosqichgacha yetib bordi. gazeta.uz »
Xitoyda o‘tgan “O‘tkir tig‘-2025” xalqaro merganlar musobaqasida O‘zbekiston Milliy gvardiyasi eng murakkab shartlarda birinchi o‘rinni egallab, umumiy hisobda 8 ta medal va musobaqa kubogini qo‘lga kiritdi. gazeta.uz »
