âèëîÿòèäàãè - Ïîñëåäíèå íîâîñòè [ Ôîòî â íîâîñòÿõ ] | |
Ohangaron tumanidagi tog‘li hududda yo‘qolib qolgan to‘rt yoshli bola 6,5 soatli qidiruvdan so‘ng tirik holda topildi. Oila a’zolari tog‘ cho‘qqisidagi qorni ko‘rib bo‘lgach, bolani tepada unutib qoldirib, pastga tushib ketgan. Qutqaruvchilar uni yo‘qolgan joyidan 3 km uzoqlikdan topdi. gazeta.uz »
Chinoz tumanida 21-mart kuni Bo‘zsuv kanaliga tushib ketgan 34 yoshli erkakning jasadi 9 kundan so‘ng topildi. U do‘stlari bilan dam olish vaqtida suvga tushib ketgan. Qidiruv ishlaridan so‘ng jasad kanaldan topildi. gazeta.uz »
O‘zbekistonda 30-mart kuni 20 ga yaqin hudud 97,9 tonna chiqindidan tozalandi. Xususan, Parkent tumanida joylashgan Qizil tog‘ hududida jami 1 tonna 754 kg chiqindi bartaraf etildi. gazeta.uz »
Toshkent viloyatining yirik sanoat markazlari - Chirchiq, Ohangaron, Olmaliq, Angren va Bekobod shaharlarida havo ifloslanishini monitoring qiluvchi beshta yangi avtomatik stansiya o‘rnatiladi. gazeta.uz »
O‘zbekistonning 9 viloyatidagi tuman shifoxonalariga “Ezgu Amal” va Philips Foundation xayriya loyihasi doirasida 25 ta mobil ultratovush tekshiruv tizimlari topshirildi. 24 nafar shifokor davolash muassasalaridan tashqarida yordam ko‘rsatish imkonini beruvchi portativ uskunalardan foydalanish bo‘yicha o‘qitildi. gazeta.uz »
Ohangaronda qiymati 30 mln dollar va yillik ishlab chiqarish hajmi 87 mln dollarni tashkil etuvchi Premier maishiy texnika korxonasi qurilishi yakunlanmoqda. Hozir O‘zbekistonda bu kabi korxona ikkita, Markaziy Osiyoda esa to‘rtta. gazeta.uz »
Payariq tumani tibbiyot birlashmasiga qabziyat shikoyati bilan kelgan ayol, muoalaja xonasida yashirincha farzand tug‘ib, uni chiqindi idishga tashlab ketdi. Chaqaloq halok bo‘ldi. Ayolga nisbatan tergov boshlandi. gazeta.uz »
Toshkent viloyatida atmosferani ifloslantiruvchi manbalarni aniqlash bo‘yicha vertolyot patruli ishga tushirildi. Ekoqo‘mitaning ta’kidlashicha, aerokuzatuv ekologik me’yorlarni buzayotgan korxona va obyektlarni, jumladan, yashirin yoki yetib borish qiyin bo‘lganlarini tezkor aniqlash imkonini beradi. gazeta.uz »
Ekologiya bo‘yicha maxsus komissiya yig‘ilishidan so‘ng Prezident administratsiyasi rahbari Saida Mirziyoyeva Qibray tumanidagi ekologik reyd tadbirlarida ishtirok etdi va havoni ifloslantirayotgan issiqxona rahbari bilan gaplashdi. gazeta.uz »
Toshkent viloyatidagi 5 ta chiqindi tashish korxonasi iste’molchilardan asossiz mablag‘ olgani aniqlandi. Xususan, ular xonadonlardan chiqindilarni umuman olib ketmagan, biroq to‘lovlar hisoblagan. Raqobat qo‘mitasi qarori bilan aholiga 8,8 mlrd so‘mdan ortiq mablag‘ qayta hisob-kitob qilinadigan bo‘ldi. gazeta.uz »
Toshkent shahri va viloyatida issiqxonalarni tabiiy gazga o‘tkazish bo‘yicha shartnomalarni rasmiylashtirish boshlandi. 68 ta issiqxonaga gaz yetkazib berilmoqda, yana 100 ta xo‘jalik bilan kelishuvlar tuzildi. gazeta.uz »
Samarqand viloyatini rivojlantirish uchun tuman hokimlari samarasiz tuzilmalarni bartaraf etishi, xorijdan zamonaviy menejer va mutaxassislarni jalb etishi zarur, dedi prezident. Bu hududda yangi boshqaruv yondashuvining bir qismiga aylanadi. gazeta.uz »
Toshkent viloyatidagi maktabda o‘qituvchi ayol o‘zi rahbarlik qiluvchi 9-sinf o‘quvchilarining o‘zlashtirishi va darslardagi ishtiroki past ekanini tanqid qilib, ularni haqoratladi va kitob bilan urdi. gazeta.uz »
Rossiyaning Novosibirsk viloyatida yengil avtomobil va 2 ta yuk mashinasi ishtirokida YTH bo‘ldi. OAV yuk mashinalarining haydovchilari O‘zbekiston fuqarolari ekani, ularning biri halok bo‘lgani, boshqasi jiddiy jarohatlanganini yozmoqda. gazeta.uz »
Bolalarning ommaviy zaharlanishi yuz bergan Toshkent viloyatidagi bog‘chalar 2-oktabrdan qayta ish boshlaydi. MMTV ulardagi autsorsing xizmatlari bo‘yicha nazorat kuchaytirilishi, kamchiliklar aniqlansa, shartnomalar qayta ko‘rib chiqilishi yo bekor qilinishini bildirdi. gazeta.uz »
29-sentabr holatiga ko‘ra Toshkent viloyatida shifoxonalarda davolanayotgan bolalar soni 38 nafarni tashkil etmoqda. Nurmat Otabekovning so‘zlariga ko‘ra, yaqin kunlarda qolgan bolalarga ham uylariga javob berilishi kutilmoqda. gazeta.uz »
Toshkent viloyatidagi bog‘chalarda ommaviy zaharlanishning ehtimoliy manbai kefir ekani aytilmoqda. Ota-onalar bu go‘sht bo‘lishi mumkinligini ham aytmoqda. Bog‘chalarga oziq-ovqat yetkazib beruvchi autsorsing kompaniyalari Shark Milk Product’dan sut mahsulotlarini sotib oladi. Bu kompaniya haqida nimalar ma’lum? gazeta.uz »
Toshkent viloyatida bog‘chalarda sodir bo‘lgan ommaviy zaharlanish oqibatida shifokorlarga murojaat qilgan bolalar soni 1900 nafardan oshdi. Ulardan 941 nafarining ahvoli yengil, 22 nafariniki - o‘rtacha og‘irlikda. gazeta.uz »
Piskent va Bo‘ka tumanlaridagi maktabgacha ta’lim muassasalari tarbiyalanuvchilari zaharlanish alomatlari bilan shifoxonaga yotqizildi. Dastlabki ma’lumotlarga ko‘ra, bolalar sog‘lig‘idagi o‘zgarishlarga sifatsiz kefir sabab bo‘lgan. Hozirda epidemiologik surishtiruv olib borilmoqda. gazeta.uz »
1-sentabrdan boshlab Moskva va Moskva viloyatiga ishlash uchun keladigan O‘zbekiston va yana sakkizta davlat migrantlari ro‘yxatdan o‘tish uchun “Amina” mobil ilovasini o‘rnatishi kerak bo‘ladi. Ilova ularning geolokatsiyasini Rossiya IIVga yuborib turadi. gazeta.uz »
Oltinko‘l va Ulug‘nor tumanlari “Tashabbusli budjet”ning ovoz berish bosqichidan chetlatildi. Tuman ishki komissiyalarining ayrim loyihalarni asossiz ravishda rad etgani va Iqtisodiyot va moliya vazirligining ogohlantirishlariga qaramay qayta ko‘rib chiqmagani bunga sabab bo‘lgan. gazeta.uz »
Toshkent viloyatidagi “Uch qahramon” bozorida yuz bergan yong‘in yuzasidan jinoyat ishi qo‘zg‘atildi. Yong‘in bozorning deyarli yarmini vayron qildi. gazeta.uz »
Prezident ishtirokida Navoiy viloyatidagi islohotlar samaradorligi, hudud imkoniyatlari va yangi investitsiya loyihalariga doir yig‘ilish bo‘lib o‘tdi. “Islohotlar shtabi” tadbirkorlarning takliflari asosida ishlab chiqilgan 1,6 mlrd dollarlik qo‘shimcha loyihalarni taqdim qildi. gazeta.uz »
Tataristonning “Tatlift” kompaniyasi O‘zbekiston bilan hamkorlikda Buxoro viloyatida lift ishlab chiqarishni yo‘lga qo‘yishni rejalashtirmoqda. Loyiha qiymati 5,5 mln dollar deb baholanmoqda. Ishlab chiqarish quvvati yiliga 2000 ta liftni tashkil etishi kutilmoqda. gazeta.uz »
Rossiya Ukrainaning Zaporoje viloyatidagi axloq tuzatish koloniyasiga havo hujumi uyushtirdi. Oqibatda 17 kishi halok bo‘ldi, 40 dan ortiq kishi jarohatlandi. gazeta.uz »
Qurilish sohasida nazorat inspeksiyasi Quyi Chirchiq tumanidagi Sergeli City turar joy majmuasida joylashgan beshta ko‘p qavatli uy massivi davlat ro‘yxatidan o‘tkazilmasdan qurilayotganini aniqladi. gazeta.uz »
Toshkent viloyatidagi Parkentsoy soyi suvi sayozlashgani tufayli uning o‘zani toraytirila boshladi. Hosil bo‘lgan qirg‘oqlar bo‘ylab sayr qilish hududlari tashkil etilib, 5200 xonadondan iborat turar joy massivi qurilmoqda. Ishlar qanday olib borilayotgani - materialimizda. gazeta.uz »
Moskva va Moskva viloyatidagi migrantlar sentabrdan mobil ilova, shuningdek, telefonlari geolokatsiyasi bo‘yicha kuzatib boriladi. Tajriba 2029-yil 1-sentabrgacha davom etadi. Bunda chet elliklar ilovada ro‘yxatdan o‘tishi, shaxsiy ma’lumotlari va geolokatsiyasi qayta ishlanishiga rozilik berishi talab etiladi. gazeta.uz »
Toshkent viloyatidagi 13 ta arxeologik obyektga jami 342 mlrd so‘mlik zarar yetkazildi. Xususan, Piskent tumanidagi “Mingtepa” yodgorligining 7 ming kvadrat metri buzilgan, Oqqo‘rg‘on tumanida esa V - VII asrlarga oid obyekt yeri terak ekish uchun qazilgan. gazeta.uz »
Toshkent viloyatining aholi punktlaridan tashqaridagi 37 ta yo‘l uchastkasida transportlarning ruxsat etilgan tezligi 100 dan 80 km/soatgacha pasaytirildi. Bu hududlar jiddiy oqibatlarga olib kelgan hodisalar sodir bo‘lgan uchastkalar hisoblanadi. gazeta.uz »
Toshkent shahri va Toshkent viloyatidagi xususiy pitomniklarda noqonuniy boqilayotgan 80 dan ortiq yovvoyi hayvon, jumladan, to‘rtta sher topildi. Ularning bir qismi Toshkent hayvonot bog‘iga o‘tkazildi. gazeta.uz »
Zangiota tumanida joylashgan gilam do‘koni yonib ketdi. Yong‘inga 7 ta yong‘in-qutqaruv ekipaji jalb qilindi. Soat 10:09 da qurshab olingan yong‘in soat 10:38 da bartaraf etildi. gazeta.uz »
Toshkent viloyatidagi ayrim aholi yashash hududlaridan tashqarida avtomobil tezligi 100 km/soatdan 80 km/soatgacha pasaytirildi. Ro‘yxatga M39 avtomobil yo‘lining Yangiyo‘l va Chinoz tumanlaridan o‘tgan qismlari ham kiritilgan. gazeta.uz »
Bo‘stonliq tumani hududidan oqib o‘tuvchi Oqsoqota soyidan fuqarolar noqonuniy ravishda qum-shag‘al qazib olgani aniqlandi. Tabiatga yetkazilgan zarar miqdori jami 4,5 milliard so‘mdan ortiq deb baholanmoqda. gazeta.uz »
Andijonning Izboskan tumanida masjid hududida portlash sodir bo‘lgani yuzasidan hukumat komissiyasi tuzildi, unga bosh vazir o‘rinbosari Achilbay Ramatov boshchilik qiladi. Hodisa oqibatida 3 kishi halok bo‘lgan, 10 kishi jarohatlangan. gazeta.uz »
Izboskan tumanidagi “Ahmadali Xoji” jome masjidida gaz portladi. Dastlabki ma’lumotlarga ko‘ra, hodisa oqibatida 6 nafar fuqaro tan jarohati olgan. Masjid tahoratxonasi qulab tushgan. gazeta.uz »
Yangiyo‘l tumanidagi 5 qavatli uylarning birida gaz portladi. Oqibatda ikki kishi 60 foiz kuyish tashxisi bilan shifoxonaga yotqizildi, 3 ta qavatdagi xonadonlarning oynalari sindi. Tuman hokimligiga ko‘ra, uy to‘liq bitkazilib topshirilmagani sababli bu yerda boshqa fuqarolar yashamaydi. gazeta.uz »
Toshkent viloyatida sementovoz mikroavtobus bilan to‘qnashdi, kamida uch kishi halok bo‘ldi, jarohatlanganlar bor. Viloyat IIBB xabarida mikroavtobusni qayd etmadi, qurbonlar sonini ham ochiqlamadi. gazeta.uz »
Dushanba kuni ertalab Toshkent - Bekobod yo‘lida sodir bo‘lgan YTH oqibatida ikki kishi halok bo‘ldi. Yuk mashinasi haydovchisi rulda uxlab qolgan va mashina qarama-qarshi bo‘lakka chiqib ketib, Isuzu bilan to‘qnashgan. Jarohatlanganlar ham bor. gazeta.uz »
Parkent tumanidagi maktabgacha ta’lim tashkilotida jismoniy tarbiya yo‘riqchisi bolalarni qo‘li va gimnastika tayoqchasi bilan urdi. Shu bog‘chaning boshqa tarbiyachisi ham bolalarga qo‘pol munosabatda bo‘lgan. Ular ishdan olingan. gazeta.uz »
Prokurorlar va ekologlar Toshkent shahri va viloyatidagi 762 ta obyektning havo sifati me’yorlariga muvofiqligini tekshirdi va ularning yarmidan ko‘pi tutun, chang va gaz chiqarish me’yorlarini buzayotganini aniqladi. gazeta.uz »
Yangiyo‘l tumanidagi avtomobillarga gaz to‘ldirish shoxobchasida Isuzu rusumli avtobus gaz ballonida portlash sodir bo‘ldi. Hodisa oqibatida hech kim jarohat olmagan. gazeta.uz »
Piskent tumanidagi 7-sonli davlat bog‘chasida kobra ilonlari bilan tomosha ko‘rsatildi. Sud tomosha uyushtirgan ikki shaxsga jarima jazosi qo‘lladi. Tuman maktabgacha va maktab ta’limi bo‘limi rahbari o‘rinbosari ularning dasturi bilan to‘liq tanishib chiqmagani uchun ishdan olindi. gazeta.uz »
“G‘ishtko‘prik” chegara bojxona postida ikki holatda 717 dona bug‘u shohini noqonuniy olib kirmoqchi bo‘lgan shaxslar aniqlandi. Ular shohlarni deklaratsiyada yozib ko‘rsatmagan va og‘zaki so‘rovda ham ma’lum qilmagan. gazeta.uz »
Toshkent viloyati Ohangaron tumanida joylashgan mineral o‘g‘it sexi noqonuniy ravishda tabiiy gazdan foydalanib, 8,7 mlrd so‘m zarar yetkazgani aniqlandi. To‘plangan hujjatlar tegishli organlarga yuborildi. gazeta.uz »
Prezident kelasi yilda Toshkent viloyatida 700 ming odamning bandligini ta’minlash, 22 ming oilani daromadli qilib, kambag‘allik darajasini hozirgi 7,2 foizdan 4 foizga kamaytirish, shuningdek, mehnat migrantlarini qaytarib, ularni ishga joylashtirish bo‘yicha topshiriqlar berdi. gazeta.uz »
Farg‘ona viloyati hokimi qarori bilan viloyatdagi jamoat transportidan foydalanganlik uchun bir martalik to‘lov 3000 so‘m etib belgilandi. Agar yo‘l haqi kartadan to‘lansa, 2400 so‘m bo‘ladi. gazeta.uz »
Bosh prokuratura 22-oktabrdan Toshkent shahri va viloyatida atrof-muhitga ta’siri yuqori bo‘lgan korxonalarni tekshirishni boshladi. Nazorat organi filtrlovchi uskunalarni o‘rnatish ishlari kechikayotganini ta’kidladi. gazeta.uz »
Qo‘shrabot tumanida gaz portlashi oqibatida er-xotin va ularning o‘g‘li hamda qizi vafot etdi. Portlashga xonadonda gaz to‘planib qolishi va xonadon egasi buni bilmagan holda chiroqni yoqishi sabab bo‘lgani aytilmoqda. gazeta.uz »
Toshkent viloyatidagi “G‘ishtko‘prik” chegara bojxona postida xalqaro Qizil kitobga kiritilgan yo‘lbarssimon albinos bo‘g‘ma ilonini mamlakatga olib kirishga urinish fosh etildi. Uzunligi 3 metr bo‘lgan ilon Toshkent hayvonot bog‘iga topshirildi. gazeta.uz »
