òîøêåíòäàãè - Ïîñëåäíèå íîâîñòè [ Ôîòî â íîâîñòÿõ ] | |
Kichik halqa avtomobil yo‘lidan eski ToshMI yaqinidagi Maxtumquli ko‘chasiga tushish yo‘lining rekonstruksiyasi yakunlandi. Maxtumqulidan KHAYga chiqish o‘ngga burilish orqali tashkil etildi. KHAYga chiqqanda ham o‘ngga, ham chapga burilish imkoniyati mavjud. Avvalgi Maxtumqulidan KHAYga chapga burilish endi yopiq. gazeta.uz »
Uchtepa tumanidagi tikuvchilik korxonasining omborida yong‘in sodir bo‘ldi. Hodisa 4 soatda bartaraf etildi. FVBga ko‘ra, yong‘in sababi va keltirilgan moddiy zarar aniqlanmoqda. gazeta.uz »
O‘zbekiston prezidentiga Do‘stlik bog‘ining CM International kompaniyasi tomonidan ishlab chiqilgan konsepsiyasi taqdim etildi. “Gazeta.uz” Do‘stlik bog‘i investori - BMP Smart Decision kompaniyasi bilan sud jarayonlari, muloqotda yo‘l qo‘yilgan xatolar, daraxtlarning kesilishi va yangi loyiha haqida suhbatlashdi. gazeta.uz »
2024-yilda Toshkentda ofis binolari ko‘paydi, biroq ularning katta qismi bo‘sh turibdi. Ko‘chmas mulk egalari qanday qilib tezroq ijarachi topishi va kelajakda taklif qanday o‘zgarishi mumkin? CMWP Uzbekistan konsalting kompaniyasining yillik hisoboti sharhi - shu haqda. gazeta.uz »
Sergeli tumanidagi xususiy bog‘chada tarbiyachi yordamchisi go‘yoki xarxasha qilayotgan bolani kaltakladi. So‘ngra uni ko‘tarib boshqa xonaga olib chiqayotganida bolaning oyog‘i sindi. Hozirda tarbiyalanuvchi shifoxonada, holat bo‘yicha tergovga qadar tekshiruv olib borilmoqda. gazeta.uz »
Poytaxtning Shayxontohur tumanidagi maktabda o‘quvchi ikki qiz sil kasaliga chalingani ma’lum bo‘ldi. Shuningdek, uch o‘quvchi va bir o‘qituvchida kasallikka moyillik aniqlangani sababli profilaktik davo muolajalari boshlangan. gazeta.uz »
Toshkent shahar 1-son bolalar klinik shifoxonasida chaqaloqqa “chap tomonlama yelka arteriyasi tromboemboliyasi, chap qo‘l va panjasida qon aylanishining 3-a darajali o‘tkir buzilishi, poliorgan yetishmovchiligi” tashxisi qo‘yilib, uning qo‘li kesildi. SSV xizmat tekshiruvi o‘tkazilayotganini ma’lum qildi. gazeta.uz »
Toshkent shahar transport boshqarmasi poytaxt hokimligi va tadbirkorlar bilan hamkorlikda yanvar oyi oxirigacha avtobuslarda yo‘lkira to‘lash uchun bir martalik QR-chiptalar sotuvchi infokiosklar sonini 675 taga yetkazishni rejalashtirmoqda. Ularning aksariyati avtobus bekatlariga joylashtiriladi. gazeta.uz »
Turkiya kompaniyasi Chilonzor hokimi o‘rinbosari bilan muzokarada “Beshyog‘och” bozori o‘rnida yirik biznes markazi qurishni taklif qildi. Hokimlik loyiha hozircha muhokama bosqichida ekanini aytdi: “Ayni vaqtda loyiha aniq amalga oshishi, uning muddatlari va qiymati haqida hech qanday rejalar yo‘q”. gazeta.uz »
Toshkentdagi prezident maktabi yomg‘ir suvini kundalik foydalanish uchun qayta ishlash loyihasi bilan Zayed Sustainability Prize mukofotining “Global o‘rta maktablar” nominatsiyasida g‘olib bo‘ldi. Loyihani amalga oshirish uchun pul mukofoti - 150 ming dollar. G‘oliblarni Shavkat Mirziyoyev ham tabrikladi. gazeta.uz »
Toshkentning Yakkasaroy tumanidagi Pushkin xiyobonida rekonstruksiya boshlanganiga uch oydan oshdi. Aholi bu yerdagi daraxtlarning kesilishidan xavotirda edi. Hudud hozir baland to‘siqlar bilan o‘rab olingan, loyiha bilan qurilish maydonining ichidagina tanishish mumkin. “Gazeta.uz” ish qanday ketayotganini o‘rgandi. gazeta.uz »
Toshkentda pulli avtoturargohlar bo‘yicha o‘tkazilgan birinchi auksionda 2 kompaniya ishtirok etdi va narxni 120 mlrd so‘mgacha ko‘tardi. Biroq ular shartnoma imzolamagani uchun g‘oliblik bekor qilindi. gazeta.uz »
Toshkent shahrida pulli avtoturargohlarni tashkil etish huquqini beruvchi takroriy auksion o‘tkazildi. 120 mlrd so‘m taklif qilgan avvalgi g‘olib Balcomuz kompaniyasi bilan shartnoma tuzilmagan. Yangi g‘olib Streetpark Systems bo‘ldi, u ikkita taklifdan so‘ng 62,9 mlrd so‘mlik taklif bilan g‘olib chiqdi. gazeta.uz »
Toshkent 8-dekabr kuni joriy qish mavsumidagi birinchi qorga guvoh bo‘lgandi. Oradan bir hafta o‘tib, O‘zbekiston poytaxti birinchi haqiqiy qor bo‘ronini ham ko‘rdi. “Gazeta.uz” fotomuxbirlari oppoq qorga burkangan shahar manzaralarini kadrlarga muhrladi. gazeta.uz »
Prezidentga Toshkentdagi Abdulla Qodiriy bog‘ini rekonstruksiya qilish konsepsiyasi taqdim etildi. Bu yerda yangi daraxtlar ekiladi, kuzatuv minorasi va osma ko‘prik quriladi, metroga kirish qismi ochiladi va uning oldida maydon, tepasida esa gastro-xoll quriladi. Konsepsiya suratlari. gazeta.uz »
Toshkent shahri Shayxontohur tumanida BYD va Equinox to‘qnashuvi oqibatida 18 yoshli haydovchi shifoxonada vafot etdi. Jinoyat ishi qo‘zg‘atilib, tergov harakatlari boshlandi. gazeta.uz »
Toshkentdagi 214- va 65-maktablarda virusli gepatit bilan kasallanish holatlari qayd etildi. Sanepidqo‘m xodimlari tekshiruvida maktablarning sanitariya holati talabga javob bermasligi aniqlandi, rahbariyatga nisbatan ma’muriy bayonnoma tuzildi. Bu kabi holatlar avval boshqa maktablarda ham kuzatilgan. gazeta.uz »
Toshkentda 50 o‘rinli ilk mualliflik filmlari kinoteatri ish boshladi. Unda har namoyishdan so‘ng rejissyor va kinomunaqqidlar ishtirokida muhokamalar bo‘lib o‘tadi. “Gazeta.uz” kinoxona asoschilari bilan mustaqil kinoni tomosha qilish madaniyati va tomoshabinlarning yangi avlodini shakllantirish haqida gaplashdi. gazeta.uz »
Toshkent halqa avtoyo‘lida qayrilib olayotgan vaqtida boshqa yuk mashinasi bilan to‘qnashib ketgan Isuzu haydovchisi halok bo‘ldi. gazeta.uz »
Iqtisodiyot va moliya vaziri o‘rinbosari Otabek Fazilkarimov Toshkentdagi hospis faoliyatini 2025-yil fevralida boshlash ko‘zda tutilayotganini aytdi. Hospisning umumiy qiymati 34 mlrd so‘m bo‘lib (xususan, 2024-yilda 16,8 mlrd so‘m ajratilgan), moliyalashtirish ishlari 90,5 foizga bajarilgan. gazeta.uz »
Toshkentdagi 1,83 ga maydonga ega Askiya bozori mulki va hududi auksionga chiqarildi. Obyektning boshlang‘ich qiymati 214,8 milliard so‘mga (taxminan $16,8 mln) baholangan. Avvalroq Yakkasaroy tumani hokimligi bozor o‘rnida mehmonxona va savdo markazi qurilishini ko‘zda tutuvchi loyihani taqdim etgandi. gazeta.uz »
Ta’mirlash ishlari sabab Mirobod tumanidagi Taras Shevchenko ko‘chasining Said Baraka ko‘chasi kesishmasigacha bo‘lgan 200 metr qismi 25-dekabrgacha yopiladi. gazeta.uz »
Poytaxtda umumiy uzunligi 111,6 km bo‘lgan 86 ta uchastkada pulli avtoturargohlar tashkil etish huquqini beruvchi kim oshdi savdosi yakunlandi. Unda boshlang‘ich bahodan 2 baravar yuqori - 120,1 mlrd so‘m taklif etgan Balcomuz kompaniyasi g‘olib deb topildi. Kompaniya haqida nimalar ma’lum? gazeta.uz »
Prezident Yangihayot tumanida qurilayotgan “Yangi avlod” maxsus sanoat zonasiga bordi. Zonani boshqarish, investorlarni jalb qilish va infratuzilmani rivojlantirish Xitoyning CAMCE kompaniyasi tomonidan amalga oshiriladi. gazeta.uz »
Prezident Yangihayot tumanida qurilayotgan “Yangi avlod” maxsus sanoat zonasiga bordi. Zonani boshqarish, investorlarni jalb qilish va infratuzilmani rivojlantirish Xitoyning CAMCE kompaniyasi tomonidan amalga oshiriladi. gazeta.uz »
Toshkent shahri Chilonzor tumanida kabel tarmoqlarini o‘tkazish ishlari boshlangani sababli Furqat va Beshyog‘och ko‘chalarining ayrim qismlarida 22-noyabrdan 10-dekabrgacha harakat cheklanadi. gazeta.uz »
Davaktiv International mehmonxonasi xususiylashtirilganini ma’lum qildi. Uni 26 mln dollar evaziga Smart Fast Stroy qurilish kompaniyasi sotib oldi. gazeta.uz »
Poytaxtning Yakkasaroy tumanida joylashgan Askiya dehqon bozori rekonstruksiya qilinadi. Hokimlik loyiha amalga oshirilishi natijasida 150 mln dollar xorijiy investitsiya o‘zlashtirilishini ma’lum qildi. gazeta.uz »
Toshkent shahri Olmazor tumanidagi ko‘p qavatli uylardan birida yong‘in sodir bo‘ldi. Hodisa oqibatida 74 yoshli fuqaro vafot etdi. gazeta.uz »
Toshkent shahridagi bog‘chada 6 yoshli bolaga ota-onasining ruxsatisiz ayollar kiyimini kiydirib, pardoz qildirgan va qizlarga xos raqsga tushirgan tarbiyachi ishdan olindi. Bolaning otasi bu o‘g‘lining qadr-qimmatini kamsitgan deb hisoblagan. gazeta.uz »
Ijtimoiy himoya milliy agentligi ma’lumotlariga ko‘ra, O‘zbekistonda nogironligi bo‘lgan saylovchilar soni 831 mingdan ortiq. Ular saylovda ishtirok etishi uchun uchastkalarda maxsus kabinalar tashkil etilgan. gazeta.uz »
Toshkentdagi mehmonxonada uch kishi, jumladan, ikki nafar Rossiya fuqarosi - jurnalist Inessa Papernaya va uning do‘sti hamda O‘zbekiston fuqarosi o‘lik holda topilgan. Dastlabki sud-tibbiy ekspertiza xulosasiga ko‘ra, ular noma’lum etiologiyali zaharlanishdan vafot etgan. gazeta.uz »
Janubiy Koreyaning HAEAHN Architecture kompaniyasi Yangi Toshkentda 420 gektar maydonda tibbiy klaster bosh rejasini ishlab chiqdi. Uning qiymati 500 mln dollarga baholanmoqda. 2007-yilda kompaniya hozirgi Toshkent shahri o‘rnida biznes majmuasi loyihasini ham ishlab chiqqandi. gazeta.uz »
Mirzo Ulug‘bek tumanidagi O‘zbekiston ovozi ko‘chasining Shahrisabz ko‘chasi bilan kesishmasidan Istiqlol ko‘chasiga qadar qismi dekabr oyi oxirigacha yopildi. Bunga ta’mirlash ishlari sabab qilib ko‘rsatilgan. gazeta.uz »
Sobiq Miran mehmonxonasi binosidagi yong‘inni o‘chirishga 14 nafar yong‘in-qutqaruv guruhi jalb qilindi. Holat alangadan deyarli ikki soat o‘tib bartaraf etildi. Jabrlanganlar va halok bo‘lganlar haqida ma’lumot yo‘q. gazeta.uz »
Yakkasaroy tumanidagi Bobur ko‘chasining bir qismida avtomobillar harakati cheklanadi. Avtotransport oqimi bir oyga to‘rt chiziqli yo‘ldan faqat ikkitasiga yo‘naltiriladi. Bu paytda yer osti elektr uzatish kabel tarmoqlari o‘tkaziladi. gazeta.uz »
E-auksion platformasida poytaxtning Shayxontohur tumanidagi Ibn Sino bozori noturar binosi sotuvga qo‘yildi. Xaridor obyekt negizida “ekobozor” qurishi kerak. gazeta.uz »
Jahonga mashhur Zaha Hadid Architects kompaniyasi Yangi Toshkentdagi Xalqaro ilmiy-tadqiqot markazi, Adabiyot muzeyi va Milliy maqom markazini o‘z ichiga olgan majmua loyihasini yaratdi. Chirchiq daryosi sohilida dam olish zonasi tashkil etiladi. Loyihalar prezidentga taqdim etildi. gazeta.uz »
Chilonzordagi maktabda sinov muddatidagi rus tili o‘qituvchisi 6-sinf o‘quvchisini urgani ortidan Rossiya Tashqi ishlar vazirligi O‘zbekistondan “rasmiy tushuntirish” so‘radi. Ular, shuningdek, o‘qituvchiga nisbatan “chora ko‘rishga” chaqirgan. gazeta.uz »
Kichik halqa avtomobil yo‘lining Olmazor tumanidagi bir qismi 23-sentabr kuni 07:00 dan 24-sentabr kuni 07:00 gacha avtomobillar harakati uchun yopildi. gazeta.uz »
Toshkentdagi Olimpiya shaharchasini ekspluatatsiya qilish uchun boshqaruv kompaniyasini jalb qilish ko‘zda tutilgan. U sport majmualarini saqlash, ommaviy tadbirlarni tashkil etish, ijara xizmatlarini ko‘rsatish va boshqalar bilan shug‘ullanadi. gazeta.uz »
Olmazor tumanidagi mebel ishlab chiqarish korxonasida yong‘in ro‘y berdi. Jarayon poytaxt FVB boshlig‘i nazoratida salkam 1,5 soatda bartaraf etildi. gazeta.uz »
Yakkasaroy tumanidagi Bobur ko‘chasining Shota Rustaveli va Nukus ko‘chalari bilan kesishmalari oralig‘ida yerosti kabel tarmoqlarini o‘tkazish ishlari olib boriladi. Shu sabab 18-sentabrdan 5-oktabrga qadar ushbu hudud avtomobillar uchun yopiladi. gazeta.uz »
Sentabr oxiridan poytaxtdagi daraxtlarning reyestrini shakllantirish boshlanadi. Ekologiya vaziriga ko‘ra, jarayon 2,5 yil davom etadi. “Bunga 100 nafar volontyor jalb etilib, har biriga planshet beriladi. gazeta.uz »
Yakkasaroy tumanidagi Pushkin haykali o‘rnatilgan xiyobonda zamonaviy suvtushar bog‘ barpo etiladi. 2,5 gektardan iborat mazkur hududdagi haykal, favvora va barcha daraxtlar saqlab qolinadi. Shuningdek, Shota Rustaveli ko‘chasining 1,8 km qismi 24/7 rejimidagi gastronomik ko‘chaga aylantirilmoqda. gazeta.uz »
Yunusobod va Mirzo Ulug‘bek tumanlarida tashqi reklama konstruksiyalari orqali 1XBET tovar belgisi ko‘rsatilgani aniqlandi. Raqobat qo‘mitasi reklamani joylashtirgan agentlikka nisbatan moliyaviy jarima qo‘lladi. gazeta.uz »
Futzal bo‘yicha FIFA-2024 jahon chempionati o‘tkazilishi munosabati bilan Humo Arena yonidagi ko‘chalarda transport harakati vaqti-vaqti bilan cheklanadi. gazeta.uz »
7 yildan beri taqdiri hal bo‘lmay kelayotgan Toshkentdagi sobiq astronomiya bog‘ini 2025-yil oxirigacha “Oxygen park” nomli jamoatchilik parkiga aylantirish reja qilinmoqda. Atrofiga panjara-to‘siqlar o‘rnatilmaydigan park 24/7 ishlaydi, loyiha davlat budjetidan moliyalashtirilmaydi, dedi ekologiya vaziri. gazeta.uz »
Yunusobod tumanidagi Muhteshem Doner restoranida 23 kishi, dastlabki ma’lumotga ko‘ra, sousdan zaharlanib, shifoxonaga yotqizildi. SES ularning 13 nafariga uyga javob berilgani, qolgan 10 kishining ahvoli qoniqarli ekanini bildirdi. gazeta.uz »
Avgust oyida Toshkent shahrida uy-joy ijarasi narxi o‘rtacha ta’mirlangan xonadonlar uchun 1,9 foizga, to‘liq ta’mirlanganlari uchun esa 0,3 foizga oshdi, deya xabar berdi MHTI. Narxlarning ko‘tarilishiga universitetlarda yangi o‘quv yili boshlanishi bo‘yicha kutilmalar asosiy sabab bo‘ldi. gazeta.uz »
