ôîèçãà - Ïîñëåäíèå íîâîñòè [ Ôîòî â íîâîñòÿõ ] | |
O‘zbekiston prezidenti Shavkat Mirziyoyev Bokuda bo‘lib o‘tgan Butunjahon urbanizatsiya forumida xalqaro “Aqlli va xavfsiz shaharlar alyansi”ni tashkil etish, BMT-Xabitatning “Yashil shahar” mukofotini ta’sis etish va forumning 15-sessiyasini 2030-yilda Yangi Toshkentda o‘tkazishni taklif qildi. gazeta.uz »
2026 éèëíèíã ÿíâàðü-àïðåëü îéëàðèäà Ðîññèÿäàí ¡çáåêèñòîíãà 341,8 ìèíã òóðèñò êåëäè. Áó ¢òãàí éèëíèíã ìîñ äàâðèãà íèñáàòàí 42,4 ôîèçãà ê¢ï. ru.sputniknews-uz.com »
So‘nggi ikki o‘n yillikda Seulda mayda dispersli PM2,5 zarrachalari konsentratsiyasi 40 foizga, PM10 konsentratsiyasi esa 47 foizga kamaydi. Shahar rasmiylari havo sifatining yaxshilanishini, asosan, jamoat transportida dizel yonilg‘isidan voz kechilgani bilan izohlamoqda. gazeta.uz »
O‘zbekistonda tibbiyot sohasiga jalb etiladigan xorijlik shifokorlar uchun ijtimoiy soliq 1 foizga tushiriladi, shuningdek, tibbiyot tashkilotlari tomonidan olib kiriladigan tibbiy jihozlar, ehtiyot qismlar va maxsus avtotransport vositalari 2029-yil 1-iyunga import bojxona bojidan ozod etiladi. gazeta.uz »
O‘zbekistonda mart oyi yakunlariga ko‘ra, birlamchi va ikkilamchi bozorlarda jami 78 mingdan ortiq yengil avtomobil sotilgan. Bu o‘tgan oyga nisbatan 19 foizga ko‘p. Yillik hisobda esa savdo hajmi 20,6 foizga oshgan. gazeta.uz »
XVJ O‘zbekiston YAIM 2026-yilda 6,8 foizga o‘sishini prognoz qilmoqda. Yaqin Sharqdagi urush fonida noaniqlik darajasi yuqori saqlanib qolayotgani hisobiga iqtisodiy pasayish xavfi ham bor. Urushning ta’siri O‘zbekistonga asosiy hamkor davlatlar bilan savdo aloqalari va xomashyo narxlari o‘zgarishi orqali seziladi. gazeta.uz »
2026-yil boshida O‘zbekistonga sayyohlar oqimi uchdan bir baravarga oshdi: ikki oyda mamlakatga qariyb 1,77 mln xorijlik keldi. Bu o‘tgan yilning shu davriga nisbatan 441 ming kishiga ko‘p. Tashriflar soni bo‘yicha Qirg‘iziston, Tojikiston va Qozog‘iston fuqarolari yetakchilik qilmoqda. gazeta.uz »
O‘zbekistonda fevral oyida avtotransport savdosining umumiy hajmi 84,2 ming donani tashkil etib, 2025-yilning shu davriga nisbatan 6,4 foizga oshdi. Elektromobillar savdosi esa 6,9 ming donani tashkil etib, o‘tgan yilning fevral oyiga nisbatan 1,5 barobarga ko‘paydi. gazeta.uz »
MB ma’lumotlariga ko‘ra, kreditlar tarkibida milliy valyutadagi kreditlar ulushi sezilarli oshib, 2026-yil boshida 61 foizga yetdi (2024-yilda - 55 foiz). Ularning asosiy qismi jismoniy shaxslar hissasiga to‘g‘ri kelib, ichki talabni qo‘llab-quvvatlovchi asosiy omillardan biri bo‘lib qolmoqda. gazeta.uz »
Yanvar oyi yakunlariga ko‘ra, O‘zbekistonda 28,6 mingta yangi yengil avtomobil sotildi - bu o‘tgan yilning shu davriga nisbatan 7,2 foizga ko‘p. O‘sishga asosiy hissani elektromobillar segmenti qo‘shdi. gazeta.uz »
Yil boshidan quyosh va shamol stansiyalari 1 mlrd kVt/soat elektr ishlab chiqardi. GESlar bilan birgalikda bu ko‘rsatkich 1,57 mlrd kVt/soatni tashkil etdi. Natijada 400 mln kub gaz tejalib, atmosferaga 863 ming tonna zararli chiqindi chiqishining oldi olindi. gazeta.uz »
2025-yilda qonuniy taksi bozori aylanmasi 9,6 trln so‘mga yetdi - bu 2024-yilga nisbatan 63 foizga ko‘p. Agregatorlar soni 224 taga, o‘zini o‘zi band qilgan haydovchilar 574,6 ming nafarga yetdi. O‘rtacha chek summasi va ayol haydovchilar soni ham oshgan. gazeta.uz »
O‘zbekiston aeroportlari 2025-yilda yo‘lovchi tashishni 15%, reyslarni 14%, yuk hajmini 12% ga oshirdi. Yil davomida bozorga to‘rtta yangi xorijiy aviakompaniya - Xitoyning Air China va China Eastern, Koreyaning T’Way hamda Malayziyaning Air Asia kompaniyalari kirdi. gazeta.uz »
O‘zbekistonda yangi elektromobillar sotuvi 2025-yil davomida 35 foizga oshib, 40,7 ming donani tashkil etdi. Mahalliy va import ishlab chiqarilgan yangi yengil avtomobillar savdosi esa 5,2 foizga oshib, 370 ming donani tashkil etdi. gazeta.uz »
Ichimlik va oqova suv xizmatlaridan aholining qarzdorligi 462,9 mlrd so‘mni tashkil etmoqda. 1-yanvar holatiga ko‘ra, 2025-yilda 908 mlrd so‘m qarzdorlikning 51 foizi qoplangan. O‘tgan yili 70 mingta qarzdor iste’molchi tarmoqdan uzilgan, 4,7 mingta noqonuniy ulanish holati aniqlangan. Batafsil. gazeta.uz »
Toshkent shahrida 2030-yilgacha aholining jamoat transportidan foydalanish darajasini 60 foizga yetkaziladi. Avtobusning o‘rtacha harakat tezligini 18 km soatdan 24 km soatga oshiriladi. 150 ming o‘rinli to‘xtab turish joylarini tashkil etiladi. Metropoliten tarmog‘i uzunligini 103 kilometrga yetkaziladi. gazeta.uz »
O‘zbekistonda 8,5 mingga yaqin odam narkologik bemorlar dispanser hisobida turibdi. Oxirgi 5 yilda bu hisobga kiritilganlar soni ikki baravardan ziyodroqqa ko‘paygan. SSV bosh narkologining aytishicha, bir narkobemorning davolanishi uchun davlat budjetidan yiliga 60 mln so‘mgacha mablag‘ sarflanyapti. gazeta.uz »
O‘zbekistonda o‘tgan 11 oyda so‘m dollarga nisbatan 7,9 foizga mustahkamlandi. MB buni valyuta oqimlarining sezilarli oshishi bilan izohlamoqda. So‘mning mustahkamlanishi inflyatsion kutilmalarning pasayishi, tashqi qarzga xizmat ko‘rsatish xarajatlarining qisqarishi, dollarlashuvning pasayishiga xizmat qildi. gazeta.uz »
ITIM tahliliga ko‘ra, oktabrda ikkilamchi uy-joy bozoridagi narxlar dinamikasi biroz tezlashdi. Bir oy ichida 1 kv metr uchun o‘rtacha narx 2,4 foizga oshdi, sentabrda bu ko‘rsatkich 0,6 foiz bo‘lgan edi. gazeta.uz »
To‘qqiz oy yakunlariga ko‘ra, O‘zbekiston ko‘chmas mulk bozoridagi bitimlar soni 11 foizga oshib, 274 mingtaga yetdi, deya xabar berdi Markaziy bank. Ikkilamchi uy-joy narxlarining o‘sishi milliy valyutaning mustahkamlanishi fonida so‘mda 1,7 foizni, dollarda esa 5 foizni tashkil etdi. gazeta.uz »
O‘zbekistonda aholiga ko‘rsatilayotgan tibbiy xizmatlarda xususiy sektorning ulushi 30 foizga yetdi. Xususan, oftalmologiya va operativ oftalmologiyaning 60 foizi, LOR va endoskopik LOR xizmatlarining 70 foizi hamda stomatologik tashxis va muolajalarning 91 foizi xususiy klinikalar tomonidan ko‘rsatilyapti. gazeta.uz »
To‘qqiz oy ichida O‘zbekiston aholisining real daromadlari 8,4 foizga o‘sdi. Bu ko‘rsatkich o‘tgan yilning shu davridagi 7,7 foizlik o‘sishdan yuqoridir. Gazeta aholi daromadlari o‘sishini asosan pul o‘tkazmalari va kichik biznes sohasidagi faoliyat bilan bog‘layotgan rasmiy statistika ma’lumotlarini tahlil qiladi. gazeta.uz »
O‘zbekiston iqtisodiyoti yanvar-sentabr oylarida 7,6 foizga o‘sdi, bu Milliy statistika qo‘mitasi ma’lumotlarida aks etgan. Asosiy o‘sish dinamikasi iste’mol sektori va qurilish sohasi hisobiga shakllanmoqda. gazeta.uz »
Tramp beysbol o‘yinida namoyish etilgan reklama tufayli Kanada uchun bojlarni yana 10 foizga oshirishini ma’lum qildi (hozirda 35%). Unda AQShning 40-prezidenti Ronald Reygandan iqtibos keltirilgan: “Uzoq muddatli istiqbolda bojlar ko‘rinishidagi savdo to‘siqlari har bir amerikalikka ham zarar yetkazadi”. gazeta.uz »
Global muammolarga qaramay, O‘zbekiston ishonchli iqtisodiy o‘sishni namoyon etmoqda, dedi bosh vazir o‘rinbosari Jamshid Qo‘chqorov. 2025-yilga borib mamlakat yalpi ichki mahsuloti 7 foizga o‘sishi, aholi jon boshiga to‘g‘ri keladigan yalpi ichki mahsulot esa 3500 dollardan oshishi kutilmoqda. gazeta.uz »
O‘zbekistonga 2025-yil 9 oyida 8,6 milliondan ortiq xorijiy sayyoh tashrif buyurgan. Bu 2024-yilning mos davriga nisbatan 12,5 foizga ko‘p. Mamlakatga aprel oyidan boshlab har oyda 1 milliondan ortiq turist kelmoqda. gazeta.uz »
Navoiy kon-metallurgiya kombinati 2030-yilgacha ishlab chiqarishni 30 foizga oshirib, hajmni 4 mln unsiyaga yetkazishni reja qilmoqda, deb yozdi Bloomberg. Oltin ishlab chiqarishda dunyoda 4-o‘rinda turuvchi NKMK 20 mlrd dollarga baholanishni maqsad qilmoqda. Birinchi yarimyillikda uning sof foydasi 72% ga oshgan. gazeta.uz »
2025-yilning 8 oyida Turkmaniston va Rossiyadan gaz importi 27,9% ga - $885,9 mln gacha kamaydi. Yetkazib berish ketma-ket ikki oy davomida qisqarmoqda. Shunga qaramay, O‘zbekiston eksport qilganiga nisbatan ko‘proq gaz importini amalga oshirdi. gazeta.uz »
Avgust oyida O‘zbekistonda yengil avtomobillar savdosi iyulga nisbatan 9,5 foizga, o‘tgan yilning shu davriga nisbatan esa 11,3 foizga kamaydi. Ishlatilgan avtomobillar savdosi 14,3 foizga qisqardi. gazeta.uz »
Avgustda O‘zbekistonda uy-joy bozorida faollik o‘tgan oyga nisbatan 4,6 foizga pasaydi, lekin yillik hisobda qariyb 13 foizga o‘sdi. Ikkilamchi uy-joy narxlari iyul oyiga nisbatan taxminan 1 foizga qimmatlashdi. gazeta.uz »
Uzcard xususiy to‘lov tizimi 2025-yilning birinchi yarim yilligi yakunlariga ko‘ra 621,6 mlrd so‘m sof foyda ko‘rdi. Daromad deyarli 1 trln so‘mga yetdi. 2022-yil oktabrida Uzcard’ning 75% ulushi 210,1 mlrd so‘mga sotilgan edi. gazeta.uz »
O‘zbekistonda birlamchi bozorda yengil avtomobillar umumiy savdosi iyun oyiga nisbatan 38,2 foizga ko‘payib, 38,4 mingtaga yetdi. Elektromobillar savdosi hajmi esa rekord darajadagi 6,5 mingtani tashkil etdi, bu avvalgi oyga nisbatan 28,2 foizga ko‘p. gazeta.uz »
O‘zbekistonda iyul oyida uy-joy savdosi hajmi o‘tgan oyga nisbatan 25 foizga, Toshkent shahrida esa 24,6 foizga o‘sdi. Ikkilamchi bozorda uy-joylarning o‘rtacha bozor qiymati o‘sish sur’ati tezlashdi. gazeta.uz »
Janubiy Koreya armiyasi so‘nggi olti yilda 20 foizga qisqarib, 450 ming askarga yetdi. Kamayish 2000-yillarning boshidan beri muntazam ravishda kuzatilmoqda. Holat majburiy xizmatga chaqirish yoshidagi erkaklar sonining keskin kamayishi bilan bog‘liq. gazeta.uz »
O‘zbekiston tovar-xomashyo birjasi (O‘zRTXB) orqali avtomobil raqamlari savdosi 2025-yilning birinchi yarim yilligida biroz pasaydi. Yil boshidan beri avtoraqam.uzex.uz orqali raqamlarni sotishdan tushgan tushum 378,7 mlrd so‘mni tashkil etdi - bu o‘tgan yilning shu davriga nisbatan 11,1 foiz kam. gazeta.uz »
2025-yil yanvar-iyun oylarida O‘zbekiston iqtisodiyotiga investitsiyalar 5,5%ga oshdi. O‘tgan yilning shu davrida esa rekord darajada 45% o‘sish qayd etilgan edi. Gazeta sharhlovchisi Dmitriy Povarov bu holat o‘sishning sekinlashishi yoki o‘tgan yilgi keskin ko‘tarilishdan keyingi normallashuv ekanini aniqlashga urindi. gazeta.uz »
Milliy statistika qo‘mitasi ma’lumotlariga ko‘ra, O‘zbekiston iqtisodiyoti 2025-yil yanvar-iyun oylarida 7,2 foizga o‘sdi. Gazeta sharhlovchisi Dmitriy Povarov yuqori darajadagi ichki faollik va iste’mol bilan ajralib turgan YIM o‘sish tuzilmasini tahlil qildi. gazeta.uz »
Birinchi yarim yillikda O‘zbekistonda 136,5 mingta xonadon sotildi, bu o‘tgan yilga nisbatan 10,6 foizga ko‘p. Eng yuqori o‘sish Jizzax, Navoiy va Surxondaryo viloyatlarida qayd etildi. Ikkilamchi uy-joy narxlari yiliga 4,8 foizga, yangi uylar uchun esa 1,6 foizga kamaydi. gazeta.uz »
O‘zbekistonda 1-iyuldan pensiya, nafaqalar, 1-avgustdan esa ish haqi hamda stipendiyalar 10 foizga oshiriladi. gazeta.uz »
Oltin ishlab chiqarish hajmi bo‘yicha dunyoda to‘rtinchi o‘rinda turuvchi Navoiy kon-metallurgiya kombinati 2024-yilda oltin ishlab chiqarishni 5,4 foizga oshirib, rekord darajadagi 7,4 milliard dollarlik daromadga erishdi. gazeta.uz »
Osiyo taraqqiyot banki o‘zining yillik hisobotida O‘zbekistonda 2025 va 2026-yillarda iqtisodiy o‘sishni 6,6 va 6,7 foiz darajasida prognoz qilmoqda. Energiya narxlari oshishiga qaramay, inflyatsiya sekinlashishda davom etadi, deya hisoblaydi bank. gazeta.uz »
O‘zbekistonda kanalizatsion infratuzilma kengaytirilmoqda. Joriy yilda 135 ming xonadonni ulash va tizim qamrovini 24% ga yetkazish rejalashtirilgan, dedi “O‘zsuvta’minot” raisi v.b. Qator shaharlardagi oqava suvlarni tozalash inshootlarini DXSH doirasida xususiy boshqaruvga o‘tkazish rejalashtirilmoqda. gazeta.uz »
Iqtisodiy tadqiqotlar va islohotlar markazi yanvarda ko‘chmas mulk bozorida faollik tiklanganini ma’lum qildi. Toshkentda ko‘chmas mulk bo‘yicha bitimlar soni oy davomida 18 foiga o‘sdi, lekin o‘rtacha uy-joy narxi deyarli o‘zgarmadi. gazeta.uz »
O‘zbekistonda 2024-yilda jinoyatlar soni 2023-yilga nisbatan 27,1 foizga, 2020-yilga nisbatan esa 2 barobardan ko‘proqqa oshgan. Toshkentda jinoyatchilik darajasi 2023-yilda har 10 ming kishiga nisbatan 71,5 ta bo‘lgan bo‘lsa, 2024-yilda bu ko‘rsatkich 45,9 foizga ortib, 104,3 tani tashkil etgan. gazeta.uz »
Fevral oyida O‘zbekistonda inflyatsiya 0,54 foizni tashkil etdi, bu o‘tgan yilning fevral oyiga nisbatan yuqoriroq. Bodring va pomidor, propan, aviachiptalar va poyezdlar narxi keskin oshdi. Kartoshka, tuxum, guruch va shakar arzonladi. gazeta.uz »
O‘zbekistonda 2024-yilda gaz qazib olish 2,1 mlrd kub metrga kamaydi. Dizel ishlab chiqarish 6,3 foizga, benzin 3,8 foizga, neft 7,4 foizga pasaydi. Elektr energiyasi ishlab chiqarish qayta tiklanadigan energiya hisobiga oshdi, ammo yirik stansiyalarda kamaydi. gazeta.uz »
2024-yilda Xitoyda nikohlar soni beshdan bir qismga qisqardi: 6,1 milliondan ortiq juftlik nikohdan o‘tdi. Turmush qurishga bo‘lgan qiziqishning pasayishi uzoq vaqtdan beri Xitoyda bola parvarishlash va o‘qitishning qimmatligi bilan bog‘liq. Mamlakat aholisi ketma-ket uchinchi yil kamayib bormoqda. gazeta.uz »
AQSh hukumati USAID xodimlari sonini 97 foizga qisqartirmoqchi, avval tashkilotda 10 mingdan ortiq xodim ishlagan, endi esa ularning soni 294 nafarni tashkil etishi mumkin. Tashkilotning o‘zi 7-fevraldan ba’zi xodimlardan tashqari barcha yollanma ishchilar ta’tilga chiqishini e’lon qildi. gazeta.uz »
Prezidentga yirik transport infratuzilmasi loyihalarining borishi bo‘yicha axborot berildi. Toshkent-Andijon pulli avtoyo‘li YAIMni 2,6% oshirib, YTHlarni 40% ga kamaytirishi mumkin. Davlat rahbari yuklamasi ko‘p boshqa yo‘llarda ham muqobil magistrallar qurish, qulaylik va xavfsizlikni kuchaytirishni buyurdi. gazeta.uz »
2024-yil yakuniga ko‘ra, O‘zbekistonda kambag‘allik darajasi 11 foizdan 8,9 foizga kamaydi. Bandlik dasturlari tufayli 719 ming kishi kambag‘allikdan chiqarildi. Kambag‘allikning eng past ko‘rsatkichi Navoiy viloyatida (5,7 foiz), eng yuqori ko‘rsatkichi Xorazm viloyatida (11,9 foiz) qayd etilgan. gazeta.uz »
