èøëàá - Ïîñëåäíèå íîâîñòè [ Ôîòî â íîâîñòÿõ ] | |
Qozog‘iston va Turkiya ANKA uchuvchisiz uchish apparatlarini ishlab chiqarish va ularga texnik xizmat ko‘rsatish bo‘yicha qo‘shma korxona tuzadi. Ushbu apparatlar Turkish Aerospace Industries kompaniyasi tomonidan Turkiya Harbiy-havo kuchlari va eksport uchun ishlab chiqilmoqda. gazeta.uz »
O‘zbekistonning oltita hududida har yili 3,6 mln tonna chiqindilarni qayta ishlaydigan chiqindi yoqish korxonalari quriladi. Navoiyda 260 mln dollarga xavfli chiqindilarni qayta ishlash bo‘yicha MDHdagi ilk platforma tashkil etiladi. 2030-yilga borib poligonlar soni ikki baravarga qisqaradi. gazeta.uz »
Yevropa Ittifoqi Rossiya harbiy sanoatini xomashyo bilan ta’minlashda ayblab, O‘zbekistonning Farg‘ona Kimyo Zavodi va Raw Materials Cellulose kompaniyalariga sanksiya joriy qildi. Ayni shu kompaniyalar va ularga aloqador hisoblanadigan Rustam Mo‘minovga avvalroq Britaniya va Ukraina ham sanksiya kiritgan. gazeta.uz »
Yevropa Ittifoqi Rossiya harbiy sanoatini xomashyo bilan ta’minlashda ayblab, O‘zbekistonning Farg‘ona Kimyo Zavodi va Raw Materials Cellulose kompaniyalariga sanksiya joriy qildi. Ayni shu kompaniyalar va ularga aloqador hisoblanadigan Rustam Mo‘minovga avvalroq Britaniya va Ukraina ham sanksiya kiritgan. gazeta.uz »
Rossiyaning Leningrad, Kirov, Irkutsk va Omsk viloyatlari rahbarlari O‘zbekiston bilan hamkorlik loyihalarini taqdim etdi. Ular orasida yog‘ochni qayta ishlash mahsulotlarini yetkazish, ulgurji-tarqatish markazlarini yaratish, tibbiyot mahsulotlari ishlab chiqarishni rivojlantirish va aviaqatnovlarni kengaytirish bor. gazeta.uz »
Shavkat Mirziyoyevga “O‘zbekneftgaz”ning birinchi choragi yakunlari, ikkinchi chorakdagi asosiy vazifalar, ishlab chiqarish va moliyaviy ko‘rsatkichlar dinamikasi taqdim etildi. Davlat rahbari neft-gaz tarmog‘ida ishlab chiqarish barqarorligini ta’minlash va moliyaviy intizomni mustahkamlash yuzasidan topshiriqlar berdi. gazeta.uz »
2026-yil yanvar-martida O‘zbekistonda 2,36 mlrd kVt/soat “yashil” energiya ishlab chiqarildi. Bu o‘tgan yilning shu davriga nisbatan 40 foizga ko‘p. Quyosh fotoelektr stansiyalari 1 mlrd 159,6 mln kVt/soat, shamol elektr stansiyalari esa 1 mlrd 208,6 mln kVt/soat energiya ishlab chiqargan. gazeta.uz »
Buxoro viloyati Kogon tumanida yiliga 80 mingta elektr va gibrid avtomobil ishlab chiqarishni yo‘lga qo‘yish rejalashtirilgan. Loyihaning qiymati 350 million dollarni tashkil etib, 500 ta ish o‘rni yaratiladi. gazeta.uz »
O‘zbekistondagi ichimlik ishlab chiqaruvchilar 1-aprelga belgilangan raqamli markirovkalashning agregatsiya bosqichini keyinga qoldirishni so‘radi. Bu ishlab chiqarishning to‘xtab qolishiga olib kelishi mumkin. gazeta.uz »
O‘zbekistondagi ichimlik ishlab chiqaruvchilar 1-aprelga belgilangan raqamli markirovkalash tizimining agregatsiya bosqichini keyinga qoldirishni so‘radi. Aytilishicha, bu ishlab chiqarishning to‘xtab qolishiga olib kelishi mumkin. gazeta.uz »
O‘zbekistonda “tarif inversiyasi” - tayyor mahsulot importi mahalliy ishlab chiqarishdan arzonroq tushadigan holatlarga chek qo‘yish bo‘yicha tajriba joriy etiladi. 15 xil tovar, jumladan, qandolat mahsulotlari, bolalar ozuqasi ishlab chiqarish uchun xomashyo bojlari bekor qilinadi. Rasmiylar bu qanday ishlashi haqida. gazeta.uz »
O‘zbekistonda davlat granti asosida o‘qigan bitiruvchilar uchun kamida 3 yil ishlab berish talabi bekor qilinishi mumkin. Qaror loyihasiga ko‘ra, “kamida uch yil” normasi chiqarilib, ishlab berish muddati ta’lim yo‘nalishiga qarab alohida belgilanadi. gazeta.uz »
O‘zbekistonda fosfogips chiqindilarini qayta ishlash va sulfat kislotasi ishlab chiqarish loyihasini yo‘lga qo‘yish ko‘zda tutilmoqda. “O‘zkimyosanoat” ma’lumotlariga ko‘ra, “Ammofos-Maksam” korxonasi atrofida 78 mln tonnaga yaqin ushbu turdagi chiqindilar to‘planib qolgan. gazeta.uz »
Tuproqqal’ada bioetanol (u benzin bilan aralashtiriladi) ishlab chiqarish maqsadida raps yetishtirish uchun ming gektar yer o‘zlashtiriladi, dedi qishloq xo‘jaligi vaziri. Avstraliya kompaniyasi bilan bioo‘g‘itlar ishlab chiqarish bo‘yicha tajriba boshlanadi. gazeta.uz »
Qoraqalpog‘istonda avtomobil sanoati uchun butlovchi qismlar ishlab chiqarishga ixtisoslashtirilgan texnologik klaster tashkil etiladi. Loyihalarni amalga oshiruvchilar “Nukus” EIZ ishtirokchisi bo‘ladi. gazeta.uz »
Yil boshidan quyosh va shamol stansiyalari 1 mlrd kVt/soat elektr ishlab chiqardi. GESlar bilan birgalikda bu ko‘rsatkich 1,57 mlrd kVt/soatni tashkil etdi. Natijada 400 mln kub gaz tejalib, atmosferaga 863 ming tonna zararli chiqindi chiqishining oldi olindi. gazeta.uz »
Ohangaronda qiymati 30 mln dollar va yillik ishlab chiqarish hajmi 87 mln dollarni tashkil etuvchi Premier maishiy texnika korxonasi qurilishi yakunlanmoqda. Hozir O‘zbekistonda bu kabi korxona ikkita, Markaziy Osiyoda esa to‘rtta. gazeta.uz »
Navoiy viloyatining Nurota tumanida sanoat granit parki, granitni qayta ishlash klasteri hamda pardozbop toshlar bozori tashkil etiladi. Mintaqaga Mo‘g‘ulistondan yana 70 ming bosh mayda shoxli mol olib kelinadi. gazeta.uz »
O‘zbekiston olimlari mahalliy o‘simliklar asosida to‘liq bioparchalanadigan plyonka ishlab chiqdi. U sintetik polietilenga o‘xshash, ammo tabiatda oson parchalanadi va atrof-muhitga zarar yetkazmaydi. gazeta.uz »
Qoraqalpog‘istonda chiqindidan elektr ishlab chiqaradigan zavod qurilishi boshlandi. 80 mln dollarlik loyiha yiliga 274 ming tonna chiqindini qayta ishlab, 80 mln kVt/soat energiya ishlab chiqaradi va 100 ta ish o‘rni yaratadi. gazeta.uz »
Xitoy yashirin eshik tutqichli avtomobillar ishlab chiqarishni taqiqlab, bunday tuzilmadan voz kechgan birinchi davlatga aylandi. Qaror qator o‘lim bilan tugagan YTHlardan so‘ng qabul qilindi - bunday mexanizmli mashinalarda yo‘lovchilar avtomobildan chiqib keta olmagan. Yangi standartlar 2027-yildan kuchga kiradi. gazeta.uz »
2025-yilda O‘zbekistonda 7 ming tonna uran ishlab chiqarilib, aniqlangan zaxiralar esa 139 ming tonnaga yetdi. Prezident “Arnasoy”, “Janubiy Jongeldi” va boshqa konlarni ishga tushirishni jadallashtirishni topshirdi. “Arnasoy”dagi loyiha qiymati 150 mln dollarga baholanmoqda. gazeta.uz »
2025-yilda O‘zbekistonda elektr energiyasi ishlab chiqarish 4 foizga o‘sib, 84,8 mlrd kVt/soatni tashkil etdi. Avvalgi yili o‘sish 5 foizni tashkil etgandi. Dizel va ko‘mir qazib olish oshdi, neft va benzinniki esa pasayishda davom etdi. gazeta.uz »
O‘zbekiston Fanlar akademiyasi olimlari biologik asosda olingan ko‘p qatlamli grafen yaratilganini e’lon qildi. Ular ushbu material asosida suv tozalovchi qurilmaning laboratoriya namunasi ishlab chiqdi. gazeta.uz »
O‘zbekistondagi ASU, Piala va Ava brendlari ostida ichimliklar distribyutori bo‘lgan Qozog‘istonning RG Brands shu’ba korxonasi mahalliy alkogolsiz ichimliklar ishlab chiqaruvchi Southhub kompaniyasini sotib olmoqda. gazeta.uz »
Sirdaryo tumanida xitoylik hamkorlar ishtirokida avtomobil ishlab chiqarishni yo‘lga qo‘yish rejalashtirilmoqda, dedi prezident. 2026-yilda ishga tushiriladigan loyiha uchun 122 mln dollar mablag‘ ajratilgan. gazeta.uz »
Chust tumanidagi 10 gektar yerda chiqindini yoqish orqali elektr energiyasi ishlab chiqaruvchi zavod qurilishi boshlandi. Loyihaga China Everbright International kompaniyasi tomonidan 141,5 mln dollar investitsiya kiritilgan bo‘lib, korxona yiliga 227,5 mln kVt/soat elektr ishlab chiqarilishi kutilmoqda. gazeta.uz »
Markaziy Osiyo davlatlari muhim metallar bo‘yicha qo‘shma markaz yaratish ustida ishlamoqda, dedi geovazir o‘rinbosari Ural Yusupov. “MO-YI” iqtisodiy forumida ekspertlar geoma’lumotlarni to‘plash va boshqarish, tog‘-kon sanoatida jinoyatchilikning oldini olish masalalarini ham muhokama qildi. gazeta.uz »
O‘zbekiston texnologik metallar kombinati va Yevropaning KU Leuven universiteti reniy tuzlari ishlab chiqarishni kengaytirish uchun gidrometallurgiya texnologiyalarini joriy etish bo‘yicha kelishuv imzoladi. gazeta.uz »
Ekologiya qo‘mitasi va IIO xodimlari Yangiyo‘l tumanida o‘tkazgan atmosferani ifloslantirishga qarshi reyd davomida o‘tin yoqib pista-ko‘mir ishlab chiqaruvchi tadbirkorning 8 ta bochkasi aniqlandi. Bochkalar buzib tashlandi. gazeta.uz »
Prezident Shavkat Mirziyoyevga ko‘mir qazib chiqarish natijalari va oldindagi vazifalar taqdimot qilindi. 2025/2026-yillar kuz-qish mavsumida 10 million tonna ko‘mir ishlab chiqarish, aholini ko‘mir bilan kafolatli ta’minlash, mahsulot tannarxini tushirish rejalashtirilmoqda. gazeta.uz »
Tashkent Pharma Park klasteri hududida bolalar tagliklari va gigiyena vositalarini ishlab chiqarish yo‘lga qo‘yilishi mumkin. 20 mln dollarlik loyihani Procter & Gamble korporatsiyasi tarkibidagi Prima turk kompaniyasi amalga oshirishi rejalashtirilmoqda. gazeta.uz »
Farg‘ona tumanida maishiy chiqindilardan elektr energiyasi ishlab chiqaruvchi korxona qurilishi boshlandi. Loyihaga Xitoyning China Everbright International Ltd kompaniyasi qariyb $150 mln sarmoya kiritmoqda. gazeta.uz »
O‘zbekiston to‘liq elektr energiyasi ishlab chiqarish quvvatiga ega va qishda cheklovlar kutilmayapti (favqulodda vaziyatlardan tashqari), dedi energetika vaziri. Uning ta’kidlashicha, asosiy muammolar 35 foizi 40 yildan ortiq vaqt davomida ishlayotgan elektr tarmog‘ining eskirishi bilan bog‘liq. gazeta.uz »
Saudiyaning Riyadh Cables Group kompaniyasi bilan Toshkentda yuqori voltli kabel mahsulotlari ishlab chiqarish bo‘yicha qo‘shma loyihani amalga oshirish to‘g‘risida bitim imzolandi. Loyiha qiymati 122 mln dollar bo‘lib, yiliga 24 ming tonna mahsulot ishlab chiqariladi hamda 340 ta yangi ish o‘rni yaratiladi. gazeta.uz »
Bir qancha xorijiy kompaniyalar tomonidan O‘zbekistonda shamol generatorlari uchun zarur butlovchi qismlarni ishlab chiqaruvchi zavod qurish rejalashtirilgan. Zomin tumanida shamol parraklarini, Qo‘ng‘irot tumanida shamol elektr stansiyasi minorasini ishlab chiqaruvchi zavodlarni qurish ishlari amalga oshirilmoqda. gazeta.uz »
O‘zbekistonda 22-oktabr holatiga ko‘ra quyosh va shamol elektr stansiyalari tomonidan 2025-yilda ishlab chiqarilgan elektr energiyasi 9 mlrd kVt·soatga yetdi. Bu butun 2024-yilda shunday stansiyalarda ishlab chiqarilgan quvvatdan deyarli 2 karra ko‘p. gazeta.uz »
Prezident Toshkentdagi East Can Solutions korxonasi bilan tanishdi. Bu yerda O‘zbekistonda ilk bor alyumin qadoq ishlab chiqarish yo‘lga qo‘yilgan, 2026-yilda esa ichimliklar quyishni boshlash rejalashtirilgan. gazeta.uz »
UzAuto Motors Damas va Cobalt’ning yangi versiyalari ishlab chiqarilishini ma’lum qildi. Yaqin orada Damas Move yo‘lovchi versiyasi va Damas Max yuk-yo‘lovchi versiyasi mavjud bo‘ladi. Yangilangan Cobalt ilgari mavjud bo‘lmagan 12 ta yangi opsiya bilan jihozlandi. gazeta.uz »
Navoiy kon-metallurgiya kombinati 2030-yilgacha ishlab chiqarishni 30 foizga oshirib, hajmni 4 mln unsiyaga yetkazishni reja qilmoqda, deb yozdi Bloomberg. Oltin ishlab chiqarishda dunyoda 4-o‘rinda turuvchi NKMK 20 mlrd dollarga baholanishni maqsad qilmoqda. Birinchi yarimyillikda uning sof foydasi 72% ga oshgan. gazeta.uz »
70% kabel mahsulotlarini mahalliy korxonalardan sotib olish talabi transformatorlar, shitlar kabilarni ham qamrab olishi rejalashtirilmoqda. “O‘zeltexsanoat” raisiga ko‘ra, prezident mahalliy ishlab chiqaruvchilar va importyorlar uchun QQS to‘lash shartlarini tenglashtirish chora-tadbirlarini tasdiqlagan. gazeta.uz »
Kimyo bo‘yicha Nobel mukofoti 2025-yilda Susumu Kitagava (Yaponiya), Richard Robson (Avstraliya) va Omar Yagi (AQSh)ga “metallorganik karkas tuzilmalarini ishlab chiqqani uchun” berildi. gazeta.uz »
Xorazm viloyatida havoga zararli chiqindi chiqarish darajasi nolga teng aviayoqilg‘i ishlab chiqarish zavodi quriladi. Investitsiyalar hajmi 5,9 mlrd dollarni tashkil etadi. Allied Biofuels kompaniyasi loyihasi doirasida yiliga 540 ming tonnadan ortiq ekologik yoqilg‘i ishlab chiqarish ko‘zda tutilgan. gazeta.uz »
Bu yil bahor va yoz o‘rtasida issiq kunlar tez kelib qolishi oqibatida “Yashil makon” doirasida ekilgan 27,5 mln ko‘chat qurib qolgan. Shu bois endi daraxtlar kuzda ekiladi, dedi prezident. Shaharlarda yashillik darajasini oshirish uchun hududlar markazlarining “yashil” master rejalari ishlab chiqilishi belgilandi. gazeta.uz »
Samarqandning Oqdaryo tumanida Xitoy kompaniyasi 2026-yildan elektrosamokat va quyosh panelida ishlaydigan ko‘cha chiroqlari ishlab chiqarishi kutilmoqda. Investorlar ishni boshlashi uchun avtomobil yo‘li qurilishi kerakligini aytib, bu masalada viloyat hokimidan yordam so‘radi. gazeta.uz »
Sahro Drone Industry Samarqandda O‘zbekiston va Iordaniya rahbarlari ishtirokidagi ko‘rgazmada mahalliy ishlab chiqarilgan dronlarni taqdim etdi. Korxona rahbariga ko‘ra, mahsulotning 80% mahalliylashtirilgan. gazeta.uz »
Toshkentda tibbiyot chiqindilarini yoqish orqali issiqlik energiyasini ishlab chiqaruvchi mamlakatdagi ilk zavod ishga tushirildi. AQShning Sayar kompaniyasi tomonidan qurilgan zavod kuniga 20 soatda 6 tonnagacha chiqindi yoqish quvvatiga ega. gazeta.uz »
Prezident qarori bilan shakar o‘rnini bosuvchi moddalarni ishlab chiqarishni mahalliylashtirishni yo‘lga qo‘yish, tarkibida shakar yoki boshqa shirinlashtiruvchi moddalar bo‘lgan ichimliklar eksportini rag‘batlantirish rejalashtirilmoqda. gazeta.uz »
O‘zbekiston paxta eksportidan global moda sanoati uchun ishlab chiqaruvchi maqomiga o‘tmoqda: mamlakatdagi 66 ta korxona LC Waikiki’dan to Inditex’gacha bo‘lgan 80 dan ortiq xalqaro brendlar bilan to‘g‘ridan-to‘g‘ri hamkorlik qilmoqda, deya ma’lum qildi Investitsiyalar, sanoat va savdo vazirligi. gazeta.uz »
O‘zbekiston mustaqilligining o‘ttiz to‘rt yilligi munosabati bilan davlat xizmatchilari hamda ishlab chiqarish va ijtimoiy-iqtisodiy sohalar xodimlaridan bir guruhi orden va medallar bilan taqdirlandi. gazeta.uz »
