Yicha Zbekiston [ Ôîòî íîâîñòè ] | |
FIFAning 2027-yilda bo‘lib o‘tadigan U-20 Jahon chempionati mezbonligi uchun O‘zbekiston va Ozarbayjon birgalikda ariza topshirdi. O‘zbekiston avvalroq Tojikiston va Qirg‘iziston bilan birgalikda OFKga futbol bo‘yicha 2031-yilgi Osiyo kubogini o‘tkazish bo‘yicha nomzodlik taklifini yuborgandi. gazeta.uz »
O‘zbekiston, Ozarbayjon va Qozog‘iston energetika kompaniyalari Yevropaga “yashil” energetika koridori loyihasini amalga oshirish uchun Green Corridor Union qo‘shma korxonasini tashkil etdi. gazeta.uz »
O‘zbekistonlik tadbirkorlar delegatsiyasi Pokistonning eng yirik dengiz porti Karachida bo‘ldi. Tashrif prezident Shavkat Mirziyoyevning beqaror geosiyosiy vaziyat sharoitida tashqi savdo yo‘nalishlarini diversifikatsiya qilish to‘g‘risidagi topshirig‘iga binoan amalga oshirildi. gazeta.uz »
O‘zbekiston yadroviy javobgarlik sug‘urtasi tizimini yaratishga tayyorgarlik ko‘rmoqda. 2025−2026-yillarda MAGATE standartlari asosidagi 25 ta normativ hujjat qabul qilinadi, dedi “O‘zatom” bosh direktori Azim Axmedxadjayev. gazeta.uz »
Vetnamda kurash bo‘yicha 23 yoshgacha bo‘lgan sportchilar o‘rtasida o‘tkazilgan Osiyo chempionatida O‘zbekiston terma jamoasi 16 ta medalni qo‘lga kiritdi. Umumjamoa hisobida o‘zbekistonliklar yunon-rum kurashi bo‘yicha uchinchi, erkaklar o‘rtasida erkin kurashda to‘rtinchi, ayollar o‘rtasida beshinchi o‘rinni egalladi. gazeta.uz »
“O‘zatom” va “Rosatom” O‘zbekistonda katta atom elektr stansiyasini qurish loyihasi shartlari to‘g‘risidagi bitimni imzoladi. Katta stansiya qurilishi haqida 2018-yilda kelishib olingan, biroq mamlkatda yaqin vaqtgacha bu muhokama qilinmagan. Kichik AES loyihasiga o‘zgartirishlar kiritilishi mumkin. gazeta.uz »
Raqamli texnologiyalar vazirining birinchi o‘rinbosari Oleg Pekos sun’iy intellektning o‘zbek tilidagi modelini shakllantirish va uni tayyorlash infratuzilmasini rivojlantirish haqida gapirdi. Unga ko‘ra, O‘zbekiston yil oxirigacha sun’iy intellekt sohasidagi milliy axloq kodeksini tasdiqlashi mumkin. gazeta.uz »
O‘zbekiston va Slovakiya tovar ayirboshlashni oshirish, avtomobil qismlarini mahalliylashtirish, turizm va farmatsevtika sohalarida yirik qo‘shma loyihalarni yo‘lga qo‘yishga kelishib oldi. Tomonlar IT startaplari uchun qo‘shma venchur fondini ochish va tashkillashtirilgan migratsiyani yo‘lga qo‘yish ustida ish olib boradi. gazeta.uz »
Gretsiyada o‘tkazilgan VIII Butunjahon sport o‘yinlarida qo‘l jangi bo‘yicha O‘zbekiston terma jamoasi 17 ta medal (13 ta oltin, 3 ta kumush va 1 ta bronza) bilan umumjamoa hisobida birinchi o‘rinni egalladi. gazeta.uz »
O‘zbekiston futbolchilari Abu-Dabida bo‘lib o‘tgan Jahon chempionati saralashida BAA bilan 0:0 hisobidagi durangdan so‘ng 2026-yilgi Jahon chempionatida ishtirok etish huquqini qo‘lga kiritdi. Bu mamlakat tarixidagi ilk JCH yo‘llanmasidir (foto). gazeta.uz »
Futbol bo‘yicha O‘zbekiston milliy terma jamoasi 5-iyun oqshomida JCh-2026 saralashi doirasida BAAga qarshi o‘ynaydi. Jamoa JChga tarixiy yo‘llanmani qo‘lga kiritish uchun mag‘lubiyatga uchramasa bo‘lgani. gazeta.uz »
Kreditlar bo‘yicha talablar kuchaytirilganiga qaramay, O‘zbekiston aholisining qarz yuki yuqori darajada saqlanib qolmoqda, deb xabar qildi Markaziy bank. Avtokreditlash sohasida vaziyat yaxshilangan bo‘lsa-da, mikroqarzlar bo‘yicha xatarlar ko‘paygan. gazeta.uz »
Bangkokda o‘tgan Thailand Open xalqaro turnirida o‘zbekistonlik bokschilarning 5 nafari oltin, 4 nafari kumush, 7 nafari esa bronza medalini qo‘lga kiritdi. Umumjamoa hisobida terma jamoa birinchi o‘rinni egalladi. gazeta.uz »
O‘zbekiston terma jamoasi Turkiyada o‘tkazilgan qo‘l jangi bo‘yicha jahon chempionatida 15 ta (8 ta oltin, 3 ta kumush va 3 ta bronza) medalni qo‘lga kiritib, 32 ta ishtirokchi davlat orasida umumjamoa hisobida birinchi o‘rinni egalladi. gazeta.uz »
Londondagi muzokaralar yakunlari bo‘yicha Buyuk Britaniya O‘zbekiston JSTga a’zo bo‘lish doirasida kelishuvga erishgan 24-davlat bo‘ldi. Protokol iyun oyida imzolanishi kutilmoqda. gazeta.uz »
Prezident “MA-Italiya” sammitida terrorizm va noqonuniy migratsiya bilan kurashda maxsus xizmatlar hamkorligini yo‘lga qo‘yishni taklif qildi. Boshqa tashabbuslar: dekarbonizatsiya bo‘yicha ko‘p tomonlama platforma ishga tushirish, Italiya kompaniyalarini vodorod loyihalari va YeIga yashil energiya eksportiga jalb qilish. gazeta.uz »
Prezident Shavkat Mirziyoyev O‘zbekistonga tashrif buyurgan YUNISEF ijrochi direktori Ketrin Rasselni qabul qildi. Tomonlar bolalarga g‘amxo‘rlik va qo‘llab-quvvatlashning yangi mexanizmlarini joriy etish, ijtimoiy xizmatlar sifati va ulardan foydalanish imkoniyatini oshirish bo‘yicha hamkorlik qilishga kelishib oldi. gazeta.uz »
PISA tadqiqoti asoschisi Andreas Shlyayxer O‘zbekistondagi tadqiqotlarda barcha prezident maktablari qo‘shimcha guruh sifatida ishtirok etayotganini va ular umumiy natijaga ortiqcha ta’sir o‘tkazmasligini ma’lum qildi. gazeta.uz »
TIV rahbari o‘rinbosari Bobur Usmonov Rossiya elchisi bilan uchrashuvda muhojirlar huquqlari buzilishi ko‘payib borayotgani yuzasidan O‘zbekiston tomonining xavotirini bildirdi. U O‘zbekiston fuqarolarining huquqlari buzilishini yashab turgan mamlakat qonunchiligi asosida ta’minlanishi lozimligini ta’kidladi. gazeta.uz »
Iordaniyada bo‘lib o‘tgan boks bo‘yicha o‘smirlar o‘rtasidagi Osiyo chempionatida O‘zbekiston U-17 terma jamoasi 8 ta oltin, 7 kumush va 4 ta bronza medallarini qo‘lga kiritdi. gazeta.uz »
Hokkey bo‘yicha O‘zbekiston terma jamoasi jahon chempionatining IV divizionida g‘alaba qozonib, turnirning III divizioniga yo‘l oldi, bu mamlakat uchun tarixiy natija. Jamoa Kuvayt, Eron, Indoneziya va Malayziya ustidan yirik hisobda g‘alaba qozonib, 13 ochko jamg‘ardi. gazeta.uz »
Saudiya Arabistonida yengil atletika bo‘yicha 18 yoshgacha bo‘lgan sportchilar o‘rtasidagi Osiyo chempionati yakunlandi. O‘zbekistonlik sportchilar tarixda ilk bor OCHda ikkinchi o‘rinni egalladi. Jamoa umumiy hisobda jami 12 ta - 3 ta oltin, 5 ta kumush va 4 ta bronza medalini qo‘lga kiritdi. gazeta.uz »
Xitoyda qilichbozlik bo‘yicha o‘smirlar va yoshlar o‘rtasida o‘tkazilgan jahon chempionatida tarixda ilk bor o‘zbekistonlik sabliyachilar jamoaviy bahslarda bronza medallarini qo‘lga kiritdi. gazeta.uz »
O‘zbekiston U-17 yoshlar terma jamoasi futbolchilari Osiyo kubogi guruh bosqichida Saudiya Arabistoni ustidan yirik hisobda g‘alaba qozondi. Gollarga Jamshidbek Rustamov (dubl) va Asilbek Aliyev mualliflik qildi (video, foto). gazeta.uz »
World Boxing yangi boks tashkiloti tomonidan o‘tkazilgan kattalar o‘rtasidagi jahon kubogining birinchi bosqichida O‘zbekiston terma jamoasi beshta oltin, ikkita kumush va bitta bronza medali bilan g‘olib bo‘ldi. gazeta.uz »
Samarqandda o‘tgan iqlim forumida Ekologiya vazirligi va Jahon banki “O‘zbekistonda barqaror landshaftlarni tiklash” loyihasiga start berdi. Uni moliyalashtirish uchun 153 mln dollar ajratiladi. Uning maqsadi degradatsiyaga uchragan hududlarda o‘rmonlar maydonini ko‘paytirish va yashash sharoitlarini yaxshilashdir. gazeta.uz »
Futbol bo‘yicha O‘zbekiston milliy terma jamoasi 2026-yilgi jahon chempionatiga saralash bahsida Qirg‘izistonni mag‘lub etdi. Gol Xojiakbar Alijonov hisobiga yozildi (video, foto, statistika). gazeta.uz »
Futbol bo‘yicha O‘zbekiston milliy terma jamoasi 2026-yilgi jahon chempionatiga saralash bahsida Qirg‘izistonni mag‘lub etdi. Gol Xojiakbar Alijonov hisobiga yozildi (video, foto, statistika). gazeta.uz »
O‘zbekiston Yevropa Ittifoqi bilan JSTga a’zo bo‘lish bo‘yicha muzokaralarni qisman yakunladi. Tomonlar xizmatlar qismi bo‘yicha kelishib oldi va yaqin oylarda tovarlar bo‘yicha ham ishlar yakunlanishi kutilmoqda. gazeta.uz »
O‘zbekiston va Rossiya delegatsiyalari mamlakatning JSTga a’zo bo‘lishi doirasida bozorga chiqish bo‘yicha “hal etilmagan masalalar”ni muhokama qildi. Bosh vazir o‘rinbosari Jamshid Xodjayev boshchiligidagi delegatsiya Rossiya hukumati vakillari bilan uchrashuvlar o‘tkazdi. gazeta.uz »
“O‘zsuvta’minot” va Fransiyaning Suez kompaniyasi o‘rtasida Surxondaryo viloyatida suv ta’minotini yaxshilash bo‘yicha shartnoma imzolandi. 8,3 mln dollarlik loyiha ichimlik suvini ishlab chiqarish va taqsimlashni boshqarish bo‘yicha raqamli yechimlarni joriy qilishni o‘z ichiga oladi. gazeta.uz »
Yaponiyaning ITOCHU korporatsiyasi Fransiyaning Orano va O‘zbekistonning “Navoiyuran” kompaniyalari o‘rtasidagi uran bo‘yicha qo‘shma korxona Nurlikum Mining ulushini sotib oldi. Hamkorlik resurs bazasini ikki baravar oshirish uchun yangi konda uran qazib olishni maqsad qilgan. gazeta.uz »
“Navoiyuran” davlat korxonasi va Fransiyaning Orano kompaniyasi Janubiy Jengeldi uran konini sanoat miqyosida o‘zlashtirish bo‘yicha shartnoma imzoladi. Orano bu konda kamida o‘n yil davomida uran qazib olish imkoniyati mavjud bo‘lishini kutmoqda. gazeta.uz »
Superliga 8 yildan so‘ng yana 16 jamoa bilan yo‘lga chiqyapti. 1-tur 7-mart kuni “OKMK” - “Buxoro” o‘yini bilan ochiladi. 8-martdagi “Bunyodkor” - “Neftchi” va 9-martdagi “Nasaf” - “So‘g‘diyona” bahslari turning markaziy o‘yinlari sifatida e’tirof etilmoqda. “Nasaf” bu mavsum o‘z chempionligini himoya qiladi. gazeta.uz »
O‘zbekistonlik bokschilar “kichik” jahon chempionati - Strandja kubogida ketma-ket to‘rt yil davomida umumjamoa hisobida birinchi o‘rinni egallagandi. Bu yil yetakchilik Qozog‘istonga o‘tdi. O‘zbekistonliklar 6 ta final jangidan 5 tasida, jumladan, qozog‘istonlik 3 nafar raqibiga qarshi bahsda g‘alaba qozondi. gazeta.uz »
Malayziyada velotrek bo‘yicha yoshlar va kattalar o‘rtasidagi Osiyo chempionatida o‘zbekistonlik sportchilar 8 medalni (3 ta oltin, 5 ta bronza) qo‘lga kiritdi. Samira Ismoilova 3000 metrga yakkalik poygada qit’a va jahon rekordini o‘rnatdi. gazeta.uz »
O‘zbekiston Pokiston bilan Transafg‘on temiryo‘li bo‘yicha muammoli masalalarni ochiq muhokama qildi va ularni hal etish bo‘yicha kelishib oldi, dedi prezident. Mamlakatlar birgalikda Afg‘onistondagi infratuzilmani yaxshilaydi va Mozori Sharif - Xarlachi temiryo‘li TIAni ishlab chiqish uchun mablag‘ ajratadi. gazeta.uz »
O‘zbekiston amputant futbolchilari Osiyo chempionati g‘olibi bo‘ldi. Ular finalda Indoneziya terma jamoasini 6:0 hisobida mag‘lub qildi. Jamoa musobaqa davomida mag‘lubiyatga uchramadi, 5 ta o‘yinda 33 ta gol urib, atigi 1 ta gol o‘tkazib yubordi. gazeta.uz »
O‘zbekiston Malayziyaning uchta yetakchi kompaniyasi bilan muhim minerallar sohasida qo‘shma loyihalar tashkil etish bo‘yicha kelishuvlarga erishdi. Bundan tashqari, Malayziya o‘zbekistonlik mutaxassislarni yarim o‘tkazgichlar ishlab chiqarish sohasida o‘qitishni yo‘lga qo‘ymoqda. gazeta.uz »
O‘zbekiston prezidenti Turkiyaning Bolu provinsiyasidagi kurort mehmonxonasida yong‘in chiqqani va kamida 66 kishi halok bo‘lgani yuzasidan mamlakat yetakchisiga ta’ziya yo‘lladi. gazeta.uz »
O‘zbekiston SSR Ministrlar Soveti raisining sobiq o‘rinbosari va O‘zbekiston Kompartiyasi Markaziy Komitetining mafkura bo‘yicha kotibi Ra’no Abdullayeva 89 yoshida vafot etdi. 1987-yilda u “paxta ishi” bo‘yicha hibsga olingan. gazeta.uz »
Prezident farmoni bilan 2025-yil 1-iyuldan yuridik shaxslarga nisbatan yadroviy xavfsizlik talablarini buzganlik uchun jarimalar qo‘llanilishi joriy etiladi. Shuningdek, O‘zbekiston to‘rtta xalqaro shartnomaga qo‘shilishi rejalashtirilmoqda. gazeta.uz »
Prezident Shavkat Mirziyoyev O‘zbekiston Parij bitimi bo‘yicha olgan majburiyatini 2050-yilgacha yanada kengaytirishga tayyorligini ma’lum qildi. Mamlakatning hozirgi majburiyati 2030-yilgacha zararli gazlar emissiyasini 35 foizga kamaytirish hisoblanadi. gazeta.uz »
O‘zbekiston Jahon savdo tashkilotiga a’zo bo‘lish bo‘yicha Pokiston va Tailand bilan ikki tomonlama muzokaralarni yakunladi. “Biz O‘zbekistonning JSTga a’zo bo‘lishini intiqlik bilan kutyapmiz va bu a’zolik unga ko‘proq savdo va investitsiyalar olib kelishiga ishonamiz”, - dedi Tailand vakili. gazeta.uz »
2027-yilda qilichbozlik bo‘yicha kattalar o‘rtasidagi jahon chempionati Toshkentda bo‘lib o‘tadi. Musobaqa 2028-yilgi Los-Anjeles Olimpiadasiga saralashda muhim bosqich bo‘ladi. gazeta.uz »
O‘zbekiston TIV rahbari Baxtiyor Saidov Isroil elchisi Gideon Lustigga ravvin Zvi Kogan vafoti munosabati bilan hamdardlik bildirdi. Avvalroq BAAda uning o‘limida gumonlangan o‘zbekistonliklar qo‘lga olingandi. gazeta.uz »
Chernogoriyada boks bo‘yicha yoshlar o‘rtasidagi jahon chempionati yakunlandi, unda O‘zbekiston terma jamoasi 13 medalni qo‘lga kiritdi. Erkaklar jamoasi umumjamoa hisobida 9 ta sovrin bilan birinchi o‘rinni egalladi, qizlar 4 ta medal oldi. gazeta.uz »
O‘zbekiston AQSh bilan Jahon savdo tashkilotiga a’zo bo‘lish bo‘yicha ikki tomonlama muzokaralarni yakunladi. Prezidentning JST bo‘yicha maxsus vakili Azizbek Urunovning aytishicha, muzokaralar 14 oy davom etgan. gazeta.uz »
Kanadada o‘tgan figurali uchish bo‘yicha Gran-pri turnirida O‘zbekiston nomidan qatnashgan Yekaterina Geynish va Dmitriy Chigirev juftligi mamlakat tarixida ilk bor sovrindor bo‘ldi. Ular erkin dasturdagi ijrosi uchun hammadan ko‘p ball oldi. gazeta.uz »
Payshanba kuni futbol bo‘yicha O‘zbekiston milliy terma jamoasi JCH-2026 saralashining uchinchi bosqichidan o‘rin olgan navbatdagi o‘yinda Eron bilan durang o‘ynadi. “Gazeta.uz” muxbiri Yevgeniy Sorochin o‘yinning e’tiborga molik lahzalarini suratlarga muhrladi. gazeta.uz »
