Yevropa - Ïîñëåäíèå íîâîñòè [ Ôîòî â íîâîñòÿõ ] | |
Yevropa Ittifoqining tashqi ishlar va xavfsizlik siyosati bo‘yicha oliy vakili Kaya Kallas 27-mart kuni Ashxobodda bo‘lib o‘tadigan yigirmanchi “YI - Markaziy Osiyo” vazirlar uchrashuviga raislik qiladi va Shavkat Mirziyoyev bilan uchrashish uchun Toshkentga keladi. gazeta.uz »
O‘zbekiston Yevropa Ittifoqi bilan JSTga a’zo bo‘lish bo‘yicha muzokaralarni qisman yakunladi. Tomonlar xizmatlar qismi bo‘yicha kelishib oldi va yaqin oylarda tovarlar bo‘yicha ham ishlar yakunlanishi kutilmoqda. gazeta.uz »
Expertise France (Fransiya) va GIZ (Germaniya) agentliklari Transkaspiy koridorini rivojlantirish ustida ishlamoqda. Expertise France direktori Jeremi Pellening aytishicha, asosiy e’tibor logistikani raqamlashtirish va yuklar tranzit vaqtini qisqartirishda, bu O‘zbekiston uchun ham, Yevropa uchun ham o‘ta muhim. gazeta.uz »
YeI, Expertise France, YeIB va SES provayderi vakillari Toshkentda Markaziy Osiyo uchun sun’iy yo‘ldosh interneti bo‘yicha kelishuvni imzoladi. Yevropa komissari Yozef Sikelaning ta’kidlashicha, O‘zbekistonda mintaqaviy sun’iy yo‘ldosh shlyuzi o‘rnatilishi mumkin, bu esa mamlakatga “haqiqiy raqamli avtonomiya”ni beradi. gazeta.uz »
Xalqaro hamkorlik bo‘yicha Yevropa komissari Yozef Sikela Yevropa Ittifoqi - Markaziy Osiyo sammiti arafasida sheriklikni mustahkamlash maqsadida mintaqaning besh davlatiga keladi. O‘zbekistonda u OKMKga tashrif buyurib, raqamli o‘zaro bog‘liqlik sohasidagi loyihalarni imzolashda ishtirok etadi. gazeta.uz »
Bryusseldagi mudofaa sammitida Yevropa yetakchilari Yevropa xavfsizligini ta’minlash uchun mudofaa xarajatlarini sezilarli darajada oshirishga kelishib oldi. Shuningdek, yetakchilar AQShning o‘zgargan munosabati fonida Ukrainani deyarli bir ovozdan qo‘llab-quvvatladi. gazeta.uz »
UEFA Yevropa Ligasining 1/8 final bosqichi doirasida “Roma” va “Atletik Bilbao” o‘rtasidagi birinchi o‘yin 2:1 hisobida yakunlandi. O‘zbekistonlik futbolchi maydonga 71-daqiqada tushib, o‘yinning so‘nggi daqiqasida g‘alaba golini kiritdi. gazeta.uz »
Yevropa yetakchilari Londondagi sammit yakunlari bo‘yicha Ukrainaga harbiy yordam ajratishni davom ettirish va tinchlik kelishuvini himoya qilish uchun “ko‘ngillilar koalitsiyasi”ni tuzishga kelishib oldi. gazeta.uz »
Prezident talabalarni Yevropa standartlariga javob beradigan yotoqxonalar bilan ta’minlash bo‘yicha topshiriq berdi. 2025-yilda DXSH doirasida 46 ta yotoqxona qurish va 30 mingdan ortiq talaba uchun joy ajratish rejalashtirilmoqda. gazeta.uz »
O‘ndan ortiq Yevropa yetakchilari Buyuk Britaniyada 2-mart kuni sammit o‘tkazadi. Ular o‘t ochishni to‘xtatish bo‘yicha kelishuv tuzilgan taqdirda, Yevropa davlatlari Ukrainaga taqdim etishi mumkin bo‘lgan xavfsizlik kafolatlarini muhokama qiladi. gazeta.uz »
AQSh prezidenti Donald Tramp Yevropa Ittifoqidan import qilinadigan tovarlarga 25 foizlik boj joriy etishni rejalashtirayotganini aytdi. “Yevropa Ittifoqi AQShni „kiydirish“ uchun yaratilgan, va ular buni yaxshi uddalashdi, lekin hozir men prezidentman”, - dedi u. gazeta.uz »
Yevropa Ittifoqi Ukrainaga AQShning muhim minerallar bo‘yicha kelishuviga muqobil variantni taklif qildi va “o‘zaro manfaatli hamkorlik”ka va’da berdi. Shu bilan birga, Tramp bir kun avval AQSh va Ukraina kelishuvga “juda yaqin” ekani va uni yaqin ikki hafta ichida imzolashi mumkinligini ta’kidladi. gazeta.uz »
1-martdan boshlab Yevropa Ittifoqining Markaziy Osiyodagi maxsus vakili lavozimini latviyalik diplomat Eduards Stiprays egallaydi. U 2016−2020-yillarda Yevropa Ittifoqining O‘zbekistondagi delegatsiyasiga rahbarlik qilgan. gazeta.uz »
Yevroittifoq Rossiyaga qarshi sanksiyalarning 16-paketini qabul qildi: Rossiyaning 13 ta banki SWIFT to‘lov tizimidan uzildi. Yevropada “Rossiya nazoratidagi” sakkizta OAVning efiri taqiqlandi. Rossiya harbiy-sanoat majmuasini qo‘llab-quvvatlayotganlar ro‘yxatiga 53 ta tuzilma (jumladan, O‘zbekistondan) qo‘shildi. gazeta.uz »
Yevropa davlatlari AQSh yordamisiz o‘zini himoya qilishi uchun mudofaaga har yili 250 mlrd yevro atrofida sarflashi kerak, deyiladi “Bryugel” va Kil institutlari tadqiqotida. Unga ko‘ra, bu mablag‘ni mamlakatlar iqtisodi ko‘tara oladi, lekin qit’ada mudofaani muvofiqlashtirish asosiy muammo bo‘lib qolmoqda. gazeta.uz »
Yevropa Ittifoqi Rossiyaga qarshi sanksiyalarning 16-paketiga rozi bo‘ldi. Paket mamlakatning alyuminiy sanoatiga qaratilgan va neft eksportiga qo‘yilgan cheklovlarni yanada kuchaytiradi. Sanksiyalar paketiga 13 ta bank, shuningdek, “ko‘proq jismoniy shaxs va kompaniyalar” kiradi. gazeta.uz »
Yevropa davlatlari TIV rahbarlari Trampning Kiyev o‘z yerlarini qaytarib olishi dargumonligi haqidagi so‘zlariga javoban Ukrainani qo‘llab-quvvatlashni kuchaytirish va uning hududiy yaxlitligini qo‘llashga tayyorligini bildirdi. gazeta.uz »
Prezident Shavkat Mirziyoyev va Yevropa kengashi rahbari Antoniu Koshta telefon orqali muloqotda O‘zbekiston bilan YeI o‘rtasida Kengaytirilgan sheriklik va hamkorlik to‘g‘risidagi bitim tez orada imzolanishiga ishonch bildirdi. gazeta.uz »
Aprel oyida Samarqandda Yevropa Ittifoqi - Markaziy Osiyo birinchi sammiti bo‘lib o‘tadi. Avvalroq tadbir YeIda o‘tgan yili yangi hukumat tuzilgani sababli 2024-yildan 2025-yilga ko‘chirilgan edi. gazeta.uz »
TIV rahbari Baxtiyor Saidov hamda YIning tashqi ishlar va xavfsizlik siyosati bo‘yicha yangi tayinlangan oliy vakili Kaya Kallas o‘rtasida ilk telefon muloqoti bo‘lib o‘tdi. Tomonlar bu yil Samarqandda bo‘lib o‘tadigan Markaziy Osiyo - YI sammitini intiqlik bilan kutayotganini alohida ta’kidladi. gazeta.uz »
Yevropa Ittifoqi kengashi Rossiyaga qarshi sanksiyalarning 15-paketini ma’qulladi. 54 nafar jismoniy shaxs va 30 ta, jumladan, Xitoy, Hindiston, BAA va boshqa mamlakatlar tashkilotlari cheklovlarga uchradi. Yangi choralar Rossiyaning “soyadagi floti”ga ham qaratildi. gazeta.uz »
Yevrokomissiya prezidenti Ursula fon der Lyayen O‘zbekiston va Yevropa misli ko‘rilmagan darajada bir-biriga yaqinlashganini ta’kidladi. “Sherikligimizning eng yaxshi kunlari hali oldinda”, - dedi u “O‘zbekistonda Yevropa iqtisodiyoti kunlari” biznes-forumining ochilish marosimidagi videomurojaatida. gazeta.uz »
Qator mamlakatlarda O‘zbekistondagi deputatlar saylovi bo‘yicha ovoz berish allaqachon yakunlandi. AQShda esa u endigina boshlandi. Xorijiy saylov uchastkalarida saylov qanday o‘tmoqda? Bu bilan O‘zbekistonning Yevropa, Osiyo va AQShdagi elchixonalari tomonidan “Gazeta.uz”ga taqdim etilgan suratlarda tanishing. gazeta.uz »
Jahon banki 2024-yilda Yevropa va Markaziy Osiyo mintaqasida iqtisodiyoti eng tez o‘sayotgan mamlakatlar Gruziya, Tojikiston va O‘zbekiston ekanini qayd etdi. Mintaqada bir qator inqirozlardan so‘ng iqtisodiy o‘sish barqarorlashmoqda, ammo ko‘rsatkichlar 2000-yillar boshiga nisbatan ancha past darajada qolmoqda. gazeta.uz »
Yevropa Ittifoqining O‘zbekistondagi elchisi etib tayinlangan Toyvo Klaar o‘z vazifasini bajarishga kirishdi. Uni mamlakat tashqi ishlar vaziri Baxtiyor Saidov qutladi. So‘nggi yetti yilda u Yevropa Ittifoqining Janubiy Kavkaz va Gruziyadagi inqiroz bo‘yicha maxsus vakili bo‘lib ishlagan. gazeta.uz »
Yevropa Ittifoqi Gruziyaning ittifoqqa qo‘shilish jarayonini to‘xtatdi. Mamlakatda “xorijiy agentlar” to‘g‘risidagi qonunning qabul qilinishi nomzodga ko‘rsatilgan qadamlardan chekinish deb baholandi. gazeta.uz »
YI mamlakatlari liderlari ittifoq rahbarligiga nomzodlarni ma’qulladi. Ursula fon der Lyayenni Yevrokomissiya prezidenti lavozimida saqlab qolish taklif etildi. Portugaliya sobiq bosh vaziri Antoniu Koshta Yevropa kengashi rahbari etib saylandi. gazeta.uz »
Yevropa Ittifoqi tashqi ishlar vazirlarining yig‘ilishida Isroilga qarshi sanksiyalar va ularning oqibatlari birinchi marta “jiddiy muhokama qilindi”, dedi Irlandiya tashqi ishlar vaziri. Avvalroq Isroilning Rafahga hujumi oqibatida 45 kishi halok bo‘lgani xabar qilingandi. gazeta.uz »
So‘nggi 2 yilda Yevropa kutubxonalaridan rus yozuvchilari, asosan, Pushkinning 170 dan ortiq nodir asarlari o‘g‘irlandi, deb yozmoqda New York Times. Yo‘qolgan kitoblarning umumiy qiymati 2,6 mln dollardan oshadi. gazeta.uz »
Yevropa parlamenti havo sifatining JSST tavsiyalariga yaqinroq bo‘lgan yangi standartlarini qabul qildi. Rasmiylar bu chora Yevropada bevaqt o‘limlar sonini sezilarli darajada kamaytirishga yordam beradi, deb umid qilmoqda. gazeta.uz »
Shveysariyaning keksa aholisi mamlakat hukumatining iqlim bo‘yicha harakatsizligiga doir inson huquqlari bo‘yicha Yevropa sudi ishida g‘olib chiqdi. Haddan tashqari issiq havo ularning sog‘lig‘iga ziyon yetkazib, o‘lim xavfini yuzaga keltirmoqda. gazeta.uz »
Yevroparlament Yevropa Ittifoqi sanksiyalarini chetlab o‘tganlik uchun jinoiy jazoni nazarda tutuvchi qonunni ma’qulladi. Sanksiyani buzgan shaxslar besh yilgacha qamoq jazosiga, kompaniyalar esa jarimaga tortiladi. gazeta.uz »
Yevropa Ittifoqi Ukrainaga bosqinning ikki yilligi munosabati bilan Rossiyaga qarshi 13-sanksiya paketini tasdiqladi. Unga 106 nafar jismoniy shaxs va 88 korxona, jumladan, Xitoy, Qozog‘iston va Turkiya kompaniyalari kiritildi. gazeta.uz »
Yevropa Ittifoqi Rossiyaga qarshi 13-sanksiya paketini qo‘llash bo‘yicha kelishib oldi, u Ukrainaga bosqinning ikki yilligi arafasida tasdiqlanadi. 200 ta kompaniya va jismoniy shaxslarga sanksiya qo‘yilgan. gazeta.uz »
Yevropa Ittifoqi davlatlari havo sifati standartlarini kuchaytirish bo‘yicha kelishuvga erishdi. 2030-yilga kelib PM2,5-mayda zarrachalarining ruxsat etilgan o‘rtacha yillik konsentratsiyasi 25 mkg/m3 dan 10 mkg/m3 gacha kamayadi. gazeta.uz »
Yevropa Komissiyasi raqamli xizmatlar to‘g‘risidagi qonunni buzganlik bo‘yicha TikTok`ga nisbatan ish qo‘zg‘atdi. Regulyator, xususan, platforma voyaga yetmaganlarni zararli kontentdan himoya qilish uchun yetarlicha harakat qilayotgani yoki yo‘qligini tekshiradi. gazeta.uz »
12 |
