Qanday - Ïîñëåäíèå íîâîñòè [ Ôîòî â íîâîñòÿõ ] | |
Prezident davlat organlarining aholi bilan muloqoti samaradorligini oshirishga qaratilgan farmonni imzoladi. Xalq qabulxonasi davlat organlariga ko‘rsatmalar berish, ulardan ma’lumotlar so‘rash va talablar bajarilmasa materiallarni prokuraturaga yuborishi mumkin. Onlayn murojaatlar muddati nazorat qilinadi. gazeta.uz »
O‘zbekistonda joriy hafta boshi va oxirlarida yuqori namgarchilik kuzatiladi. Chorshanba va juma kunlari vodiy viloyatlaridan tashqari boshqa yerlarda asosan quruq va issiq havo kutilmoqda. Hafta boshida kunduzlari maksimal harorat +15…+17 darajadan ko‘tarilmaydi. gazeta.uz »
1-apreldan ayrim tovar va xizmatlar uchun naqd pul bilan to‘lash mumkin emas - jumladan, alkogol va tamaki, 25 mln so‘mdan oshiq xaridlar uchun va yonilg‘i shoxobchalarida. Bunda kassada “naqd” tugmasi o‘chadi. gazeta.uz »
O‘zbekistonda hafta davomida +30 darajagacha issiq va nam havo kuzatilishi kutilmoqda. Shimolda anomal issiqlik, boshqa hududlarda esa qisqa muddatli jala va chaqmoqlar bo‘lishi mumkin. Dim havo va harorat o‘zgarishining salomatlikka ta’sir qilish ehtimoli bor. gazeta.uz »
AQSh va Isroilning Eronga urush ochishi neft va gaz narxini keskin ko‘tardi. Jarayon Hurmuz bo‘g‘ozi bloklanishi va jahon eksportining 20 foizigacha bo‘lgan qismida uzilishlar yuzaga kelishiga sabab bo‘ldi. gazeta.uz »
Andijonda Ramazon hayiti tongi odatdagidan barvaqt boshlandi. Shahar bo‘ylab transport harakati vaqtincha cheklanib, asosiy oqim masjidlar tomon yo‘naladi. Bayram namozi, bozorchalardagi gavjumlik va qo‘llariga xina qo‘ygan qizchalar - Gazeta muxbiri hududdagi bayram shukuhini kadrlarga muhrladi. gazeta.uz »
80 yillik “Zelyoniy” bozor arzon va yashil muhiti bilan mashhur. Ro‘zada ko‘p duo olganini yig‘lab eslagan Madina opa, 20 yildan beri uyiga gaz bormaydigan sutchi xola, sotuvchilarni himoya qiladigan xaridorlar-u Qur’on tilovati ostida pishadigan nonlardan iborat bozor Ramazonni qanday kuzatib qo‘ydi? Reportaj. gazeta.uz »
2030-yilgacha Toshkentda avtobuslar uchun ustuvorlikka ega yo‘laklar uzunligi 400 km dan oshishi kerak: BRT - 57,5 km, “A” harfli yo‘laklar esa 347 km ni tashkil etadi. Bu yil BRT yo‘laklari Shahrisabz (Shota Rustaveli ko‘chasi davomi), Mirzo Ulug‘bek, Amir Temur, Yangi Sergeli ko‘chalarida paydo bo‘ladi. gazeta.uz »
Yaqin Sharqdagi urush ko‘lamining kengayib borishi va mintaqaning global neft bozoridagi o‘rni hisobga olinsa, bu urushning badali og‘ir bo‘lishi aniq. Urushning global iqtisodiyotga ta’siri, avvalo, uning qancha davom etishiga bog‘liq. gazeta.uz »
Toshkentdagi Parkent bozori oldida qayrilib olish joyi tashkil etiladi. 8 ta yo‘lak (jami 16 ta) o‘rniga keng orolcha, avtomobillar uchun 3 tadan yo‘lak, avtobus yo‘laklari va avtoturargohlar paydo bo‘ladi. gazeta.uz »
Eron atrofidagi eskalatsiya, Afg‘oniston va Pokiston o‘rtasida ziddiyatlar kuchayishi fonida MO Yevroosiyoning sanoqli barqaror hududlaridan biri bo‘lib qoldi. Siyosatshunos mintaqa global turbulentlik sharoitida qanday ko‘zga ko‘rinmas qoidalar va muvozanat hisobiga barqarorlikni saqlab qolayotganini tahlil qildi. gazeta.uz »
Shavkat Mirziyoyev Kuvayt valiahdi bilan telefon orqali Yaqin Sharqdagi keskinlikni muhokama qildi. Prezident mamlakatda bo‘lib turgan o‘zbekistonliklarga ko‘rsatilayotgan yordam uchun minnatdorlik bildirdi. gazeta.uz »
O‘zbekistonda xotin-qizlar va bolalarga nisbatan tazyiq va zo‘ravonlik uchun jazo kuchaytirilmoqda. Qonunchilikda femitsid, familitsid, stalking, kiberzo‘ravonlik va onlayn gruming uchun javobgarlik belgilanyapti. gazeta.uz »
Yaqin Sharqdagi urushning O‘zbekiston iqtisodiyotiga ta’siri ko‘lami uning qancha davom etishiga bog‘liq, deb yozmoqda Mirkomil Xolboyev. Mintaqa davlatlari bilan savdo to‘xtasa, bu YAIMni 0,6 foiz atrofida sekinlashtiradi. gazeta.uz »
AQSh va Isroil razvedka xizmatlari bir necha oy davomida Eron oliy rahbari Ali Xomanaiyni kuzatib borgan. Markaziy razvedka boshqarmasi oyatulloh va Eron oliy harbiy rahbariyati 28-fevral kuni ertalab uning qarorgohida to‘planishini aniqlagach, Isroil binoga raketa zarbalari bergan. gazeta.uz »
O‘zbekiston milliy valyutasi fevralni dollarga nisbatan 88,59 so‘mga mustahkamlanish bilan yakunladi va yil boshidagi pasayishni qisman qopladi. Kursning o‘rtacha kunlik tebranishi 0,21% ni tashkil etdi - bu o‘tgan yilning may oyida valyuta koridori kengaytirila boshlaganidan beri eng past ko‘rsatkichdir. gazeta.uz »
O‘zbekistonda joriy bahor ob-havosi harorat bo‘yicha biroz issiqroq va yog‘ingarchilik kesimida quruqroq o‘tishi kutilmoqda. Shunga qaramay, mart oyi biroz sernam, aprel va may quruqroq, harorat bo‘yicha mart mo‘tadil, qolgan ikki oy esa issiqroq bo‘lishi prognoz qilinmoqda. Gazeta kutilmalari. gazeta.uz »
1-fevraldan chiqarilganiga 50 yildan oshgan avtomobillardan foydalanish va qayta ro‘yxatdan o‘tkazish taqiqlandi. Tartib antikvar avtomobillarlarga tegishli emas. YHXX avtomobilni antikvar deb topilishi uchun qanday talablar borligini tushuntirdi. gazeta.uz »
Gazeta jurnalisti Toshkent hokimligi vakilining mahallalardan biriga tashrifiga tasodifan guvoh bo‘ldi. U mahalla bo‘ylab tez-tez yurib, o‘nlab ko‘rsatma va topshiriqlar berdi, qo‘l ostidagilarni haqoratlarga ko‘mib tashladi. So‘ng mashinaga o‘tirib, keyingi mahallaga jo‘nab ketdi. gazeta.uz »
Senator Abdusaid Ko‘chimov yalpi majlisda imperiyaparast chiqishlar haqida gapirib o‘tdi. “Karvonimizga tahdid qiladigan har qanday kuchga, akillagan har qanday laychaga qarshi o‘z joyida javob berishimiz, popugini pasaytirib qo‘yishimiz shart… Bizni boshqalar tan olishiga majbur qilishimiz kerak”, - dedi u. gazeta.uz »
Toshkentda ActInSpace xalqaro kosmik xakatonining milliy bosqichi bo‘lib o‘tdi. Yuz nafar ishtirokchi orasida Turin politexnika universiteti talabalari eng yaxshi deb topildi - ularning jamoasi tanlovning Fransiyada bo‘lib o‘tadigan finalida O‘zbekiston nomidan ishtirok etadi. Batafsil - Gazeta materialida. gazeta.uz »
Eron oliy rahnamosi Ali Xomanaiy AQShning har qanday hujumi mintaqaviy mojaroni keltirib chiqarishidan ogohlantirdi. AQSh mintaqaga aviatashuvchi va jangovar kemalar yuborgan. Eron rasmiylari, o‘z navbatida, Ormuz bo‘g‘ozida jangovar mashg‘ulotlar o‘tkazilishi haqidagi xabarni rad etdi. gazeta.uz »
O‘zbekistonda fevral oyi ko‘p yillik kuzatuvlar bo‘yicha harorat kesimida me’yoriy va undan biroz yuqori, yog‘ingarchilik bo‘yicha vodiy va shimolning ayrim hududlarini hisobga olmasa, namroq o‘tishi kutilmoqda. gazeta.uz »
Grenlandiya maqomini qayta ko‘rib chiqish g‘oyasi ba’zan Donald Trampning shaxsiy loyihasi sifatida talqin qilinadi. Biroq bu fikr birinchi marta paydo bo‘layotgani yo‘q. AQSh o‘nlab yillar davomida ushbu orolga qiziqish bildirib kelgan. Gazeta bu qiziqish qanday shakllangani haqida hikoya qiladi. gazeta.uz »
To‘rtta tumanida o‘z-o‘ziga xizmat ko‘rsatish imkonini beruvchi “aqlli” migratsiya shoxobchalari ishga tushiriladi. Ularda ID karta rasmiylashtirish, yashash joyi bo‘yicha ro‘yxatdan o‘tish va “zagran” pasport uchun ariza topshirish kabilar mumkin bo‘ladi. gazeta.uz »
Qurilishi sakkiz yil davom etgan Toshkentdagi Islom sivilizatsiyasi markazi mart oyida ochiladi. Uning tarkibidan 2000 ta eksponatga ega muzey, shuningdek, kutubxona, nodir qo‘lyozmalar fondi va interaktiv bolalar bo‘limi o‘rin olgan. gazeta.uz »
O‘zbekistonda qurilishdagi yashirin iqtisodiyotni qisqartirish bo‘yicha choralar ko‘riladi: ko‘chmas mulk va qurilish materiallari uchun soliq bazasi bozor qiymatida hisoblanadi, shartnomalar raqamlashtiriladi, qoidabuzarlarning tenderdagi ishtiroki cheklanadi. Qolaversa, uy xarid qilishda keshbek joriy etilish mumkin. gazeta.uz »
Poytaxtda dori-darmonlarni elektron retsept bo‘yicha berish tizimi tanqid va savollarga sabab bo‘ldi. Texnik noqulayliklar va oddiy dorilarni sotib olishning iloji yo‘qligi e’tirozlarni tug‘diryapti. gazeta.uz »
Toshkentda “O‘zbekiston”, “Mashinazozlar”, “G‘afur G‘ulom” va “Milliy bog‘” bekatlarida avval yopiq bo‘lgan metro vestibyullari qayta ochildi. Yo‘lovchi kamligi sababli ulardan ko‘p yillar foydalanilmagan. gazeta.uz »
O‘zbekiston milliy terma jamoasi 2026-yilgi Jahon chempionati guruh bosqichida Portugaliya, Kolumbiya hamda Yangi Kaledoniya, Yamayka, Kongo jamoalaridan biri bilan o‘ynashi ma’lum bo‘ldi. Gazeta raqiblarimiz qanday o‘ynashi, ularning asosiy o‘yinchilari va ushbu turnirdagi ishtiroklari haqida ma’lumot beradi. gazeta.uz »
Har qanday nafas yo‘li kasalligi ham shamollash emas. Gripp va O‘RVI tabiati va alomatlari jihatidan farqlanadi. Facebook’dagi “Toshkent vrachlari” guruhida e’lon qilingan videoda virusolog Dildora Sekler va immunolog Aziza Xo‘jayeva kasallikni qanday aniqlash va davolash bo‘yicha o‘z tavsiyalarini berdi. gazeta.uz »
Yaqinda prezident “aqlli shahar” yaratish bo‘yicha Urganch tajribasini O‘zbekiston bo‘ylab joriy etishni buyurdi. SI va loyihalashtirish ekspertlari Gazeta uchun obzorda bunday shahar turli mamlakatlarda qanday ko‘rinishda bo‘lishi, nimadan iboratligi va uning quruvchilari oldida qanday muammolar turganini aytib o‘tdi. gazeta.uz »
O‘zbekistonda noyabr oyida inflyatsiya 0,7% ni tashkil etdi, yillik ko‘rsatkich esa 7,5% ga - 2016-yildan buyon eng past darajaga tushdi. Bodring narxi 96% ga, pomidor - 82% ga, tuxum - 2,4% ga oshdi. gazeta.uz »
IMV 2026-yil uchun soliq siyosati loyihasini taqdim etdi: asosiy stavkalar o‘zgarmaydi, alkogol, tamaki va shakarli ichimliklarga aksiz ko‘tariladi, chipslarga soliq joriy etiladi, marketpleyslar stavkalari oshadi. gazeta.uz »
Shu hafta Toshkentda Yevropa Ittifoqi iqtisodiy forumi va Transkaspiy yo‘lagi investorlari forumi bo‘lib o‘tadi. Tadbirlar YIning Global Gateway strategiyasi doirasida o‘tkaziladi. Gazeta bu qanday strategiya ekani, u O‘zbekiston uchun nimasi bilan muhimligi va hamkorlik yo‘nalishlari haqida hikoya qiladi. gazeta.uz »
Toshkentda bir necha kundan beri davom etayotgan smog barcha uchun “jiddiy qo‘ng‘iroq” bo‘ldi, dedi Aziz Abduhakimov. Ekologiya qo‘mitasi havo ifloslanishini kamaytirish bo‘yicha tezkor va uzoq muddatli rejalarni e’lon qildi. gazeta.uz »
Pashmak - bayram kunlari o‘zbek xonadonlariga quvonch ulashuvchi qadimiy shirinlik. Ammo uning har bir qadog‘i ortida ustalarning mashaqqatli mehnati borligini hamma ham bilavermaydi. Kattaqo‘rg‘onlik Hamdamovlar - to‘rtinchi avlod pashmakpaz ustalardan. Gazeta ushbu shirinlikni tayyorlash jarayoni bilan tanishdi. gazeta.uz »
O‘zgidromet qish fasli uchun ob-havo prognozini e’lon qildi. Unga ko‘ra, dekabr oyi normaga nisbatan biroz issiqroq bo‘lishi prognoz qilindi. Yanvar oyi oxiri va fevral oyi boshida anomal sovuq kutilmoqda. gazeta.uz »
Muzokaralardan so‘ng Shavkat Mirziyoyev va Serdar Berdimuhamedov Qo‘shma bayonot imzoladilar. Bundan tashqari ikki davlat o‘rtasida chegaraoldi savdo zonasi faoliyati to‘g‘risida, temir yo‘l vagonlarini yetkazib berish va boshqa sohalar bo‘yicha bitim hamda shartnomalar imzolandi. gazeta.uz »
Bu yil oktabr oyi O‘zbekistonda qurg‘oqchil o‘tdi - respublika hududining katta qismida yomg‘ir odatdagidan ancha kam bo‘ldi. Shuningdek, oy boshqa yillardagiga nisbatan eng issiqlaridan biri sifatida qayd etildi. Oktabr so‘nggida ushbu mavsumdagi ilk qor qoplami kuzatildi. gazeta.uz »
O‘zbekistonda 2025-yilning noyabri mamlakatning katta qismida ko‘p yillik iqlimiy me’yordan pastroq, ya’ni sovuq hamda quruqroq bo‘lishi kutilmoqda. Faqat shimoliy hududlarda me’yor atrofida yog‘ingarchiliklar bo‘lishi mumkin. gazeta.uz »
Toshkentda bir kechada 150 ga yaqin ko‘p yillik archalar kesib tashlandi. Rasul Kusherbayevning ekologlarga bosim o‘tkazilgani haqidagi bayonotidan so‘ng shahar hokimligi “e’tiborsizlik”ni tan oldi. gazeta.uz »
Dushanba kechki payt Qoraqalpog‘istonda, seshanbada esa Buxoro, Navoiy, Qashqadaryo, Samarqand, Sirdaryo, Toshkent, Jizzax viloyatlari va Farg‘ona vodiysida yog‘ingarchiliklar bo‘lishi kutilyapti. Hafta boshida cho‘llarda kuchli shamol va chang to‘zonlar bo‘lishi, hafta davomida harorat foni juda yuqori qolishi aniq bo‘lmoqda. gazeta.uz »
Moliya bozorining Markaziy bank vositalariga nisbatan sezgirligi pastligicha qolmoqda, shuning uchun regulyator ularni qayta ko‘rib chiqadi, dedi MB raisi Timur Ishmetov. Uning qo‘shimcha qilishicha, monetar siyosatning shaffofligi va prognozliligini oshirish rejalashtirilmoqda. gazeta.uz »
O‘tgan haftadagi AQSh va Ukraina prezidentlarining uchrashuvi “oson kechmadi”, deb yozmoqda xorijiy OAV. Tramp Zelenskiyni Rossiyaning shartlarini qabul qilishga undadi, yo‘qsa, Putin Ukrainani “yo‘q qilish” bilan tahdid qilmoqda. Zelenskiy Donbassni topshirishdan bosh tortdi. gazeta.uz »
Buxoroning Eski shahar qismida “Qalblar dardiga darmon” zamonaviy san’at biyennalesi bo‘lib o‘tyapti. Gazeta ko‘rgazma kuratorlari, prodyuserlari va moderatorlari bilan birga zamonaviy rassomlar asarlarini qanday tushunish lozimligi va biyennale doirasida qanday tadbirlar o‘tkazilayotgani haqida hikoya qiladi. gazeta.uz »
Markaziy bank qonunchilikka ko‘ra kreditni qaytarish jadvalidagi har qanday o‘zgarishlardan banklarning o‘zi mijozni xabardor qilishi kerakligini eslatdi. Banklarga kredit shartnomalariga iste’molchilar huquqlarini cheklovchi bandlarni kiritish amaliyotiga chek qo‘yish topshirildi. gazeta.uz »
O‘zbekistonda so‘nggi yillarda yong‘inlar soni kamaymoqda, biroq sovuq mavsumda is gazidan zaharlanish va gaz-havo aralashmasining portlash xavfi yuqoriligicha qolmoqda. FVV va boshqa xizmatlar mutaxassislari isitish mavsumi boshlanishidan oldin hodisa sabablari va ularning oldini olish choralarini eslatdi. gazeta.uz »
O‘zbekistonda joriy hafta oktabr boshlariga xos ob-havo ta’siri ostida quruq o‘tishi kutilmoqda. Dam olish kunlariga borib esa havo haroratining keskin ko‘tarilishi, janubiy viloyatlarda hatto +35 darajagacha issiq bo‘lishi prognoz qilinyapti. gazeta.uz »
O‘zbekistonda 2025-yilning oktabri mamlakatning katta qismida ko‘p yillik iqlimiy me’yordan sovuqroq va quruqroq, xususan, janubiy va vodiy viloyatlarida so‘nggi 30 yildagi oktabrlarga o‘xshash, shimolda esa sovuqroq o‘tishi kutilmoqda. gazeta.uz »
