Osiyo - Ïîñëåäíèå íîâîñòè [ Ôîòî â íîâîñòÿõ ] | |
Vetnamda kurash bo‘yicha 23 yoshgacha bo‘lgan sportchilar o‘rtasida o‘tkazilgan Osiyo chempionatida O‘zbekiston terma jamoasi 16 ta medalni qo‘lga kiritdi. Umumjamoa hisobida o‘zbekistonliklar yunon-rum kurashi bo‘yicha uchinchi, erkaklar o‘rtasida erkin kurashda to‘rtinchi, ayollar o‘rtasida beshinchi o‘rinni egalladi. gazeta.uz »
O‘zbekiston Qozog‘iston va Qirg‘iziston orqali Xitoyga transchegaraviy elektr uzatish tarmoqlarini qurish bo‘yicha hisob-kitoblarni boshlagan. Energetika vaziri o‘rinbosarining aytishicha, loyiha mintaqadagi energiya tizimlarini birlashtirish va mavsumga qarab energiya almashinuvini ta’minlashga qaratilgan. gazeta.uz »
Xitoy Markaziy Osiyo davlatlari uchun 1,5 mlrd yuan ($209 mln atrofida) miqdorida beg‘araz grant ajratadi. Bu aholi farovonligini oshirish bo‘yicha loyihalarni qo‘llab-quvvatlashga yo‘naltiriladi. Bundan tashqari, Xitoy yaqin ikki yil ichida MOga kasbiy tayyorgarlik kurslari uchun 3 mingta kvota ajratmoqchi. gazeta.uz »
Yevropa investitsiya banki 2025-yildayoq O‘zbekistonda o‘z vakolatxonasini ochishni rejalashtirmoqda. YIB vakili Davide Mongutssi bank Markaziy Osiyoda yangi strategik darajaga chiqayotgani va barqaror transport va energetika infratuzilmasiga sarmoya kiritish niyatida ekanini aytdi. gazeta.uz »
O‘zbekiston prezidenti “Markaziy Osiyo - Xitoy” formatidagi ikkinchi sammitda ishtirok etish uchun 17-iyun kuni Ostonaga tashrif buyuradi. Sammit doirasida Shavkat Mirziyoyev Xitoy Xalq Respublikasi raisi bilan ham uchrashadi. gazeta.uz »
“Markaziy Osiyo - Xitoy” ikkinchi sammiti 17-iyun kuni Ostona shahrida bo‘lib o‘tadi. Unda O‘zbekiston, Qozog‘iston, Qirg‘iziston, Tojikiston, Turkmaniston va XXR rahbarlari ishtirok etadi. gazeta.uz »
Nyu Dehlida “Hindiston - Markaziy Osiyo” muloqotining 4-yig‘ilishi bo‘lib o‘tdi. Iqtisodiyot, logistika, raqamlashtirish va nodir metallarga e’tibor qaratildi. “Ko‘plab natijalarga erishildi, yangi tashabbuslar ilgari surildi, bajarilishi kerak bo‘lgan ishlar undan-da ko‘p”, - dedi O‘zbekiston TIV rahbari. gazeta.uz »
Markaziy Osiyoning 2050-yilgacha rivojlanishi - Toshkentda 5 mamlakat ekspertlarini birlashtirgan ilk forsayt seminar mavzusi. Mintaqada YeIning muqobili paydo bo‘lishi mumkinmi? Respublikalar yaqinlashishiga nima to‘siq bo‘lishi mumkin? Gazeta ishtirokchilarning MOning ehtimoliy kelajagiga oid fikrlarini jamladi. gazeta.uz »
O‘zbekistonda Green University negizida Xitoy bilan hamkorlikda Markaziy Osiyo ekologiya tadqiqot markazi tashkil etiladi. U qo‘shma ilmiy tadqiqotlar, mutaxassislar tayyorlash va texnologiyalar almashish uchun platforma bo‘lishi kutilmoqda. gazeta.uz »
Tokio-2020 Olimpiadasi chempioni Akbar Jo‘rayev og‘ir atletika bo‘yicha Osiyo chempionatida -109 kg vazn toifasida uchta oltin medalni qo‘lga kiritdi. Sharofiddin Amriddinov esa kumush medalga sazovor bo‘ldi. Bronza medali janubiy koreyalik Jang Yong Xakka topshirildi. gazeta.uz »
Noyabrda O‘zbekistonda “Markaziy Osiyo - Yevropa Ittifoqi” iqtisodiy forumi va investorlar forumi bo‘lib o‘tadi. Yevropa Ittifoqi elchisi Toyvo Klaarning so‘zlariga ko‘ra, YeI, shuningdek, Shavkat Mirziyoyevning Kengaytirilgan sheriklik va hamkorlik to‘g‘risidagi bitimni imzolash uchun Bryusselga tashrifini kutmoqda. gazeta.uz »
Uzbekistan Airways Hindiston va Pokiston chegarasida yuzaga kelgan vaziyat tufayli Janubi-Sharqiy Osiyo va Osiyo-Tinch okeani mintaqasi mamlakatlariga parvoz yo‘nalishlarini o‘zgartirdi. Sayohat vaqti 1,5 soat yoki undan ortiqqa ko‘payadi. gazeta.uz »
Iordaniyada bo‘lib o‘tgan boks bo‘yicha o‘smirlar o‘rtasidagi Osiyo chempionatida O‘zbekiston U-17 terma jamoasi 8 ta oltin, 7 kumush va 4 ta bronza medallarini qo‘lga kiritdi. gazeta.uz »
Andijon viloyati hokimi Shuhrat Abdurahmonov Xonoboddagi jahon chempionati vaqtida Bahodirlar o‘yinlari (Etno Strongman Games) Osiyo federatsiyasining ilk prezidenti etib saylandi. gazeta.uz »
Markaziy Osiyo davlatlari maxsus xizmatlari rahbarlari Toshkentdagi birinchi uchrashuvida xavfsizlikka oid zamonaviy tahdid va xatarlarni baholashning yagona yondashuvlarini ishlab chiqish, ularni bartaraf etish bo‘yicha hamkorlikni muhokama qildi. gazeta.uz »
AQSh Savdo vazirligi Janubi-Sharqiy Osiyo mamlakatlaridan quyosh panellarini import qilish uchun bojlarni tasdiqladi. Maksimal tarif Kambodja mahsulotlari uchun, ular 3521% ni tashkil qiladi. Bojlarni joriy etish bo‘yicha yakuniy qaror iyun oyida qabul qilinadi. gazeta.uz »
Toshkentda YeI, YeXHT va BMTTD tomonidan Markaziy Osiyoda uran merosi oqibatlarini bartaraf etish, insonlar va tabiatni himoya qilish hamda mintaqadagi xavfsizlikni oshirishga qaratilgan loyihaning uchinchi bosqichini boshlovchi uchrashuv bo‘lib o‘tdi. gazeta.uz »
Dushanba kuni kechqurun Toshkent xalqaro aeroportida futbol bo‘yicha Osiyo chempioni bo‘lgan O‘zbekiston U-17 terma jamoasi tantanali kutib olindi. “Gazeta.uz” marosimdan fotoreportaj tayyorladi. gazeta.uz »
Saudiya Arabistonida yengil atletika bo‘yicha 18 yoshgacha bo‘lgan sportchilar o‘rtasidagi Osiyo chempionati yakunlandi. O‘zbekistonlik sportchilar tarixda ilk bor OCHda ikkinchi o‘rinni egalladi. Jamoa umumiy hisobda jami 12 ta - 3 ta oltin, 5 ta kumush va 4 ta bronza medalini qo‘lga kiritdi. gazeta.uz »
O‘zbekiston prezidenti O‘zbekiston o‘smirlar terma jamoasi murabbiysi va futbolchilarini unvon va medallar bilan taqdirladi. Shuningdek, o‘yinni Sport telekanalida sharhlaganlar “Shuhrat” medali bilan mukofotlandi. gazeta.uz »
O‘zbekiston prezidenti Osiyo kubogi finalida Saudiya Arabistonini yengib, chempion bo‘lgan O‘zbekiston o‘smirlar terma jamoasiga tabrik yo‘lladi. “Turli bosimlarga qaramasdan, 11 o‘yinchiga qarshi 9 futbolchi shiddatli kurash olib borganingiz chinakam jasorat va matonat namunasi bo‘ldi”, dedi Shavkat Mirziyoyev. gazeta.uz »
Futbol bo‘yicha U-17 Osiyo kubogida O‘zbekiston mezbon Saudiya Arabistonini 2:0 hisobida yutib, o‘z tarixida ikkinchi marta Osiyo chempioniga aylandi (birinchisi 2012-yilda). Qayd etish kerakki, o‘zbekistonliklar birinchi bo‘limning o‘zidayoq 2 ta qizil kartochka olib, 9 kishi qolgandi. Foto, video. gazeta.uz »
Markaziy Osiyo davlatlari xavfsizlik kengashlari kotiblari Samarqandda bo‘lib o‘tgan yig‘ilishda mintaqaviy xavfsizlik, terrorizm, radikallashuv va transmilliy jinoyatchilikka qarshi kurashish, shuningdek, ekologik va transport xavfsizligi sohasidagi hamkorlikni muhokama qildi. gazeta.uz »
O‘zbekistonlik futbolchilar KXDR ustidan ishonchli g‘alaba qozonib, U-17 Osiyo kubogi finaliga yo‘l oldi. Yoshlar terma jamoasi turnir g‘olibligi uchun guruh bosqichida allaqachon mag‘lub etilgan Saudiya Arabistoni bilan o‘ynaydi (video, foto). gazeta.uz »
5-may kuni Samarqandda Markaziy Osiyo davlatlari va Ko‘rfaz arab davlatlari hamkorlik kengashi sammiti bo‘lib o‘tadi, dedi tashqi ishlar vaziri Baxtiyor Saidov ushbu dialogdagi hamkasblari bilan uchrashuvi yakunlari bo‘yicha. gazeta.uz »
Yevropa Ittifoqining Markaziy Osiyo bo‘yicha maxsus vakili Eduards Stipraysning aytishicha, YeI va mintaqa davlatlari “ishonchli hamkorlarga” aylanmoqda. “Gazeta.uz” uchun eksklyuziv sharhida u Markaziy Osiyo davlatlari qanday shaklda va shartlarda hamkorlik qilishni o‘zlari hal etishlari kerakligini eslatdi. gazeta.uz »
O‘zbekiston futbolchilari BAA ustidan ishonchli g‘alabaga erishib, U-17 Osiyo kubogi yarim finaliga yo‘l oldi. Dubl qayd etgan Asilbek Aliyev uchrashuv qahramoni bo‘ldi (video, foto). gazeta.uz »
Osiyo Futbol konfederatsiyasi 2031-yilda bo‘lib o‘tadigan Osiyo kubogi mezbonligiga ariza topshirgan 7 nomzodni e’lon qildi: Avstraliya, Hindiston, Indoneziya, Janubiy Koreya, Kuvayt va BAA. Shuningdek, ular orasida O‘zbekiston, Tojikiston va Qirg‘iziston bor, davlatlar bir bo‘lib qo‘shma ariza yuborgan. gazeta.uz »
O‘zbekiston U-17 yoshlar terma jamoasi futbolchilari Osiyo kubogi guruh bosqichida Saudiya Arabistoni ustidan yirik hisobda g‘alaba qozondi. Gollarga Jamshidbek Rustamov (dubl) va Asilbek Aliyev mualliflik qildi (video, foto). gazeta.uz »
Markaziy Osiyo davlatlari va Yevropa Ittifoqi yetakchilari tomonlar munosabatlarini strategik sheriklik darajasiga ko‘taruvchi qo‘shma deklaratsiyani qabul qildi. Hujjat savdo, transport, energetika, raqamli aloqa va suv resurslarini boshqarishni rivojlantirishga qaratilgan. gazeta.uz »
Yevropa kengashi prezidenti Antoniu Koshta Markaziy Osiyo va Yevropa Ittifoqi o‘rtasidagi hamkorlikni kengaytirish mumkin bo‘lgan yo‘nalishlarni, jumladan, iqlim o‘zgarishi, narkotrafik va dezinformatsiyaga qarshi kurashni sanab o‘tdi. gazeta.uz »
O‘zbekiston U-17 yoshlar terma jamoasi Osiyo kubogi guruh bosqichini Tailand ustidan g‘alaba bilan boshladi, raqiblar darvozasiga to‘rtta gol urildi. Jamoa murabbiyi natijadan mamnunligini, biroq o‘yin sifatidan to‘liq qoniqmaganini aytdi. gazeta.uz »
Yevrokomissiya rahbari Ursula fon der Lyayen Markaziy Osiyo uchun transport yo‘laklari va muhim foydali qazilmalarni o‘z ichiga olgan to‘rtta sohani rivojlantirish uchun 12 mlrd yevrolik investitsiya paketini e’lon qildi. “Eng yaxshisi hali oldinda”, - dedi u. gazeta.uz »
Markaziy Osiyo va Yevropa Ittifoqining birinchi sammiti yakunlari bo‘yicha qabul qilinishi kutilayotgan Samarqand deklaratsiyasi ikki mintaqa o‘rtasidagi munosabatlarni strategik sheriklik darajasiga ko‘taradi. gazeta.uz »
Shavkat Mirziyoyev Samarqanddagi sammit oldidan Turkmaniston, Qirg‘iziston, Tojikiston va Qozog‘iston prezidentlari bilan ikki tomonlama uchrashuvlar o‘tkazdi. Ular savdo, sanoat, energetika va infratuzilma sohalarida hamkorlikni mustahkamlash, shuningdek, mintaqaviy masalalar yuzasidan fikr almashdi. gazeta.uz »
O‘zbekiston va YeI yetakchilari “yashil” energetika, tog‘-kon tarmog‘i, transport va raqamlashtirish borasidagi loyihalarni muhokama qildi. “Markaziy Osiyo bilan yangi strategik sheriklikni boshlaymiz. gazeta.uz »
O‘zbekiston, Tojikiston va Qirg‘iziston chegaralarining tutash nuqtasi to‘g‘risidagi shartnomaning imzolanishi “ahamiyati beqiyos voqeadir”, dedi O‘zbekiston prezidenti matbuot kotibi Sherzod Asadov. gazeta.uz »
MO mamlakatlarida transchegaraviy suvlarni boshqarishni raqamlashtirish bo‘yicha Blue Peace Central Asia loyihasining yangi bosqichi may oyida boshlanadi. Toshkentdagi seminarda loyiha ishtirokchilari uning ustuvor yo‘nalishlari - suv sifati, iqlim o‘zgarishiga moslashish va ma’lumotlarni boshqarishni muhokama qildi. gazeta.uz »
MO va YI tashqi siyosat idoralari rahbarlari Ashxoboddagi uchrashuvda xavfsizlik, energetika, suv resurslari va inson huquqlarini himoyalashda hamkorlikni mustahkamlashni muhokama qildi. Afg‘onistonni qo‘llab-quvvatlash, iqlim inqiroziga qarshi kurash va Transkaspiy yo‘lagini rivojlantirishga ham to‘xtalib o‘tildi. gazeta.uz »
O‘zbekiston prezidenti hamkasblari - Qozog‘iston, Qirg‘iziston va Tojikiston rahbarlari bilan telefon orqali muloqot qildi. Yetakchilar bir-birini Navro‘z bayrami bilan tabriklab, bo‘lajak sammitlar - Xo‘janddagi uch tomonlama uchrashuv va C5+1 formatiga tayyorgarlik ishlarini muhokama qildi. gazeta.uz »
YeI, Expertise France, YeIB va SES provayderi vakillari Toshkentda Markaziy Osiyo uchun sun’iy yo‘ldosh interneti bo‘yicha kelishuvni imzoladi. Yevropa komissari Yozef Sikelaning ta’kidlashicha, O‘zbekistonda mintaqaviy sun’iy yo‘ldosh shlyuzi o‘rnatilishi mumkin, bu esa mamlakatga “haqiqiy raqamli avtonomiya”ni beradi. gazeta.uz »
Markaziy Osiyo davlatlari va YI O‘ta muhim xomashyo bo‘yicha qo‘shma deklaratsiya ishlarini yakunlamoqda. MO mamlakatlari hukumatlari va Yevropa sun’iy yo‘ldosh internet provayderi o‘rtasida kelishuvga tayyorlanmoqda. gazeta.uz »
Markaziy Osiyo davlatlari va YeI O‘ta muhim xomashyo bo‘yicha qo‘shma deklaratsiya ishlarini yakunlamoqda. MO mamlakatlari hukumatlari va Yevropa sun’iy yo‘ldosh internet provayderi o‘rtasida kelishuvga tayyorlanmoqda. gazeta.uz »
Qirg‘iziston prezidenti Markaziy Osiyo mamlakatlariga bir-birlari uchun vizasiz rejim va xorijliklar uchun mintaqaning yagona vizasini joriy etishni taklif qildi. Silk Road viza loyihasi O‘zbekiston va Qozog‘istonda 2018-yildan beri muhokama qilinmoqda, biroq hozircha amalga oshirilmagan. gazeta.uz »
Para velosportning shosse yo‘nalishi bo‘yicha Tailandda o‘tkazilgan Osiyo chempionatida 2 ta oltin medalni qo‘lga kiritgan sportchi Odina Hamdamovaga Farg‘onadan uy sovg‘a qilindi. Unga xonadon kalitini viloyat hokimi Xayrullo Bozorov topshirgan. gazeta.uz »
Ravshan Ermatov O‘zbekistonning 2031-yilgi Osiyo kubogiga Tojikiston va Qirg‘iziston bilan birga mezbonlik qilmoqchiligi haqidagi savollarga javob berdi. Uning aytishicha, O‘zbekiston 3 ta yirik musobaqani o‘tkazib, OFK ishonchini qozongan. gazeta.uz »
1-martdan boshlab Yevropa Ittifoqining Markaziy Osiyodagi maxsus vakili lavozimini latviyalik diplomat Eduards Stiprays egallaydi. U 2016−2020-yillarda Yevropa Ittifoqining O‘zbekistondagi delegatsiyasiga rahbarlik qilgan. gazeta.uz »
O‘zbekiston, Tojikiston va Qirg‘iziston OFKga futbol bo‘yicha 2031-yilgi Osiyo kubogini birgalikda o‘tkazish bo‘yicha nomzodlik taklifini yubordi. “Bugungi kunda qo‘shni mamlakatlar bilan birga O‘zbekiston ham nufuzli musobaqani qabul qilishga har tomonlama tayyor”, - deyiladi O‘FA xabarida. gazeta.uz »
O‘zbekistonning 20 yoshgacha bo‘lgan futbolchilar terma jamoasi Osiyo kubogi uchinchi o‘yinida Eronga imkoniyatni boy berib qo‘ydi va guruh bosqichini ikkinchi o‘rinda yakunladi. Chorak finalda o‘zbekistonliklar “D” guruhi yetakchisiga qarshi bahs olib boradi. gazeta.uz »
O‘zbekiston delegatsiyasi 26 yildan so‘ng qishki Osiyo o‘yinlarida oltin medalni qo‘lga kiritdi. 2024-yildan buyon O‘zbekiston sharafini himoya qilib kelayotgan figurali uchuvchilar Dmitriy Chigirev va Yekaterina Geynish juftlik yo‘nalishida eng yaxshi natijani ko‘rsatdi. gazeta.uz »
