Mirziyoyev - Ïîñëåäíèå íîâîñòè [ Ôîòî â íîâîñòÿõ ] | |
Shavkat Mirziyoyev Filippindagi 7,8 magnitudali zilzila oqibatlari munosabati bilan mamlakat prezidenti Ferdinand Markosga ta’ziya yo‘lladi. So‘nggi ma’lumotlarga ko‘ra, hodisa tufayli kamida 35 kishi qurbon bo‘lgan, 134 kishi jarohatlangan. 10 mingga yaqin oila uy-joyini tark etishga majbur bo‘lgan. gazeta.uz »
Shavkat Mirziyoyev Sankt-Peterburg xalqaro iqtisodiy forumida investorlariga yuqori qo‘shimcha qiymatga ega ishlab chiqarish zanjirlarini shakllantirishda hamkorlikni taklif qildi. Prezidentga ko‘ra, hamkorlarga ichki bozor bilan bir qatorda qo‘shni mamlakatlar bozorlariga chiqish imkoniyati ham taqdim etiladi. gazeta.uz »
Sankt-Peterburg shahrida Shavkat Mirziyoyev va Vladimir Putin o‘rtasida uchrashuv bo‘lib o‘tdi. Davlat rahbarlari tovar ayirboshlashdagi o‘sish sur’atlarini saqlab qolish, kooperatsiya loyihalarini rivojlantirish hamda hududlararo hamkorlikni faol davom ettirish masalalarini muhokama qildi. gazeta.uz »
Shavkat Mirziyoyev amaliy tashrif bilan Sankt-Peterburg shahriga bordi. Davlat rahbarini “Pulkovo” xalqaro aeroportida Rossiya hukumati raisi birinchi o‘rinbosari Denis Manturov, Aleksandr Beglov hamda boshqa rasmiylar kutib olgan. gazeta.uz »
Turkiyaning Denizli viloyatida yuz bergan avtobus halokatida 8 kishi (jumladan, bir go‘dak) halok bo‘ldi, 33 kishi jarohatlandi. Dastlabki ma’lumotlarga ko‘ra, haydovchi hodisadan 20 daqiqa oldin transportdagi nosozlikni tekshirib, yo‘lda davom etgan. O‘zbekiston prezidenti hamdardlik bildirdi. gazeta.uz »
Shavkat Mirziyoyev 29-may kuni amaliy tashrif bilan Ostona shahrida bo‘ladi. Prezident Oliy Yevroosiyo iqtisodiy kengashining navbatdagi yig‘ilishida kuzatuvchi davlat rahbari maqomida ishtirok etadi. gazeta.uz »
O‘zbekiston prezidenti mamlakatda Milliy kitobxonlik harakatiga start berdi. Dasturning umumiy yillik mukofot fondi 240 ming dollarni tashkil etadi. “Men ushbu dasturni shunchaki kitob o‘qish musobaqasi emas, balki jonajon Vatanimiz kelajagi uchun strategik investitsiya deb bilaman”, - dedi Shavkat Mirziyoyev. gazeta.uz »
Prezident rasmiy tashrif bilan O‘zbekistonga kelgan YeXHT bosh kotibi Feridun Sinirlio‘g‘luni qabul qildi. Uchrashuvda tashkilot bilan iqtisodiy-ekologik, siyosiy va gumanitar sohalardagi hamkorligini yanada kengaytirish, kiberjinoyatchilikka qarshi kurashish masalalari ko‘rib chiqildi. gazeta.uz »
Shavkat Mirziyoyev Uttar-Pradesh shtatidagi kuchli bo‘ron va yog‘ingarchiliklar munosabati bilan Hindiston prezidenti va bosh vaziriga hamdardlik bildirdi. Tabiiy ofat tufayli kamida 111 kishi halok bo‘ldi, 72 kishi jarohatlangan. gazeta.uz »
Shavkat Mirziyoyev amaliy tashrif bilan Moskvaga yetib bordi. Prezidentni Rossiya tashqi ishlar vaziri o‘rinbosari Mixail Galuzin va boshqa rasmiy shaxslar kutib oldi. Ertaga O‘zbekiston yetakchisi Ikkinchi jahon urushidagi g‘alabaning 81 yilligiga bag‘ishlangan tantanali tadbirlarda ishtirok etadi. gazeta.uz »
Shavkat Mirziyoyev O‘zbekiston xalqiga Xotira va qadrlash kuni hamda Ikkinchi jahon urushida qozonilgan g‘alabaning 81 yilligi bilan tabrik yo‘lladi. “Hech qachon unutmaylik, milliy birlik va hamjihatlik - bizning bebaho boyligimiz”, - dedi prezident o‘z tabrigida. gazeta.uz »
Shavkat Mirziyoyev amaliy tashrif bilan Moskva shahriga jo‘nab ketdi. Davlat rahbari Ikkinchi jahon urushidagi g‘alabaning 81 yilligiga bag‘ishlangan tadbirlarda ishtirok etadi. gazeta.uz »
Prezident Shavkat Mirziyoyev Moskvadagi 9-may paradida ishtirok etmaydi, deya ma’lum qildi Gazeta`ga hukumatdagi manba. Qolaversa, Kreml tomonidan e’lon qilingan bayram tadbirlariga taklif etilgan xorijiy delegatsiyalar rahbarlari ro‘yxatida Markaziy Osiyo davlatlari rahbarlari ko‘rsatilmagan. gazeta.uz »
O‘zbekiston prezidenti Xitoyning Xunan provinsiyasidagi pirotexnika zavodida yuz bergan, 26 kishi halok bo‘lgan portlash munosabati bilan Si Szinpinga hamdardlik yo‘lladi. Xitoy rasmiylari zavoddan 3 km radiusdagi barcha aholini evakuatsiya qilishga majbur bo‘ldi. gazeta.uz »
Shavkat Mirziyoyev Samarqandda OTB prezidenti Masato Kanda bilan uchrashdi. Muzokaralarda 2030-yilgacha mo‘ljallangan 12,5 mlrd dollarlik yangi strategik sheriklik dasturi muhokama qilindi. U ijtimoiy sohani modernizatsiya qilish, kambag‘allikni qisqartirish va “yashil” energetikani qo‘llab-quvvatlashni ko‘zda tutadi. gazeta.uz »
Prezident Marg‘ilonda “Burhoniddin Marg‘inoniy” majmuasini ochib berdi. 35 gektar maydonga ega majmuada mehmonxona, karvonsaroy, hunarmandlar markazi, muzeylar va sayyohlar uchun zarur infratuzilma barpo etilgan. gazeta.uz »
O‘zbekiston prezidenti ikki kunlik tashrif bilan Farg‘ona viloyatiga uchib ketdi. U turli sohalardagi loyihalar bilan tanishib, hududni rivojlantirishning ustuvor yo‘nalishlari bo‘yicha yig‘ilish o‘tkazadi. gazeta.uz »
Orolni qutqarish jamg‘armasiga raislikni qabul qilgan O‘zbekiston uning mintaqaviy rolini kuchaytirish niyatida. Prezident jamg‘arma faoliyatini Markaziy Osiyo davlatlari sammitlari qarorlari bilan uyg‘unlashtirishni hamda Afg‘oniston ishtirokida suv taqsimotining huquqiy asoslarini yaratishni taklif qildi. gazeta.uz »
Shavkat Mirziyoyev Mintaqaviy ekosammitda “Markaziy Osiyoning toza havosi” konsorsiumini tuzishni hamda iqlim loyihalarining yagona investitsiyaviy portfelini shakllantirishni taklif etdi. “Bu mintaqani rivojlantirish bo‘yicha yaxlit strategiya bilan harakat qilish imkonini beradi”, - dedi prezident. gazeta.uz »
O‘zbekiston prezidenti Markaziy Osiyo mamlakatlari, Mo‘g‘uliston, Ozarbayjon, Gruziya va Armaniston delegatsiyalari rahbarlari bilan birga Ostona shahrida o‘tkazilayotgan Mintaqaviy ekologik sammit ko‘rgazmasidagi milliy pavilonlarni ko‘zdan kechirdi. gazeta.uz »
Dunyoning ayrim mintaqalarida iqtisodiy imkoniyatlar cheklangani va ijtimoiy tengsizlik sababli giyohvand moddalar yetishtirish davom etmoqda, dedi prezident. U bunday hududlar iqtisodiyoti va rivojlanishiga investitsiyalar kiritish orqali yordam berishni butun xalqaro hamjamiyatning umumiy mas’uliyati, deb atadi. gazeta.uz »
Shavkat Mirziyoyev Javohir Sindarov bilan telefon orqali muloqot qilib, uni Nomzodlar turniri g‘olibiligi bilan tabrikladi. “Meni faqat xursand qilib yuribsan. Senga „mana man“ degan shaxmatchilar ham tan beryapti. gazeta.uz »
Buxoroda Shavkat Mirziyoyev va Qozog‘iston prezidenti Qasim-Jomart Toqayevning uchrashuvi bo‘lib o‘tdi. Tomonlar strategik sheriklikni mustahkamlash, savdo hajmini oshirish va qo‘shma loyihalarni kengaytirish masalalarini muhokama qildi. gazeta.uz »
Shavkat Mirziyoyev Buxoro xalqaro aeroportida O‘zbekistonga amaliy tashrif bilan kelgan Qozog‘iston prezidenti Qasim-Jomart Toqayevni kutib oldi. Yetakchilar ikki tomonlama muzokara o‘tkazadilar. Shuningdek, Buxoroning tarixiy obidalarini ziyorat qilish, sanoat korxonalari faoliyati bilan tanishish rejalashtirilgan. gazeta.uz »
Shavkat Mirziyoyev Toshkent markazidagi xiyobonga tashrif buyurib, Amir Temur haykali poyiga gulchambar qo‘ydi va bog‘ga ko‘chat ekdi. gazeta.uz »
O‘zbekiston va Tojikiston prezidentlari Shavkat Mirziyoyev va Emomali Rahmon Buxoroga tashrif buyurdi. Davlat rahbarlari shaharning tarixiy obidalari va sanoat korxonalari bilan tanishishi ko‘zda tutilgan. gazeta.uz »
Shavkat Mirziyoyev va Vladimir Putin telefon orqali muloqot qildi. Unda O‘zbekistonda birinchi AES qurish loyihasi muhokama qilindi. Shuningdek, Yaqin Sharq, Janubiy Osiyo va Ukrainadagi vaziyat yuzasidan fikr almashdi. gazeta.uz »
Shavkat Mirziyoyev Yakkasaroy tumanidagi Milliy madaniy markazlar paviloniga tashrif buyurdi. Davlat rahbari har bir milliy maskan faoliyati bilan tanishdi va mehmonlari uchun tashkil etilgan badiiy dasturni tomosha qildi. gazeta.uz »
O‘zbekiston prezidenti Navro‘zga bag‘ishlangan tantanali marosimda qatnashib, barchani bayram bilan tabrikladi. Davlat rahbari o‘z nutqida O‘zbekiston xalqiga murojaat qilib, birdamlik, ahillik va bunyodkorlik ruhida yashashga, yoshlarni zamonaviy bilim, til va kasblarni egallashga chaqirdi. gazeta.uz »
Shavkat Mirziyoyev Ilhom Aliyev bilan o‘tkazgan telefon orqali muloqotida Naxichevanga qilingan dronlar hujumini keskin qoraladi. Shuningdek, fuqarolarni Erondan Ozarbayjon orqali xavfsiz evakuatsiya qilish bo‘yicha ko‘rilayotgan choralar uchun Aliyevga minnatdorlik bildirildi. gazeta.uz »
Shavkat Mirziyoyev Qatar, Bahrayn va Iordaniya rahbarlari bilan telefon orqali Yaqin Sharqdagi keskinlikni muhokama qildi. Muloqotlarda mintaqaviy barqarorlikka tahdid soluvchi harakatlarni zudlik bilan to‘xtatish va nizolarni faqat diplomatik yo‘l bilan hal etish zarurligi ta’kidlandi. gazeta.uz »
Shavkat Mirziyoyev BAA prezidenti Shayx Muhammad bin Zoid Ol Nahayon bilan telefonda suhbatlashdi. Muloqotda Yaqin Sharqdagi vaziyat xalqaro huquq tamoyillariga zid ekani ta’kidlandi. Shavkat Mirziyoyev BAAdagi O‘zbekiston fuqarolariga ko‘rsatilayotgan ko‘mak uchun minnatdorlik bildirdi. gazeta.uz »
Shavkat Mirziyoyev O‘mon sultoni Haysam bin Toriq Ol Said bilan telefonda suhbatlashdi. Unda Yaqin Sharqdagi hozirgi murakkab vaziyat muhokama qilinib, yuzaga kelgan beqarorlik jiddiy tashvish uyg‘otayotgani qayd etildi. gazeta.uz »
Shavkat Mirziyoyev Eron oliy rahbari Ali Xomanaiy vafoti munosabat bilan mamlakat prezidenti Mas’ud Pezeshkiyonga hamdardlik yo‘lladi. “O‘zbekiston va Eron o‘rtasidagi keng qamrovli hamkorlikni rivojlantirishga ulkan hissa qo‘shgan kishining yorqin xotirasi qalblarda doimiy saqlanib koladi”, - deyiladi maktubda. gazeta.uz »
O‘zbekiston G‘azo sektorida uy-joylar, bolalar bog‘chalari, maktab va shifoxonalar qurilishiga hissa qo‘shishga tayyor, dedi “Tinchlik kengashi”ning birinchi sammitida Shavkat Mirziyoyev. U sammitni xalqaro birdamlik hamda Yaqin Sharqdagi vaziyatni yaxshilash yo‘lidagi umumiy intilish ifodasi deb atadi (video). gazeta.uz »
Shavkat Mirziyoyev O‘zbekiston xalqini Ramazon oyi bilan tabrikladi. Prezident o‘z qutlovida mehr-muruvvat, mahallalarni obod qilish va ehtiyojmandlarga yordam berish muhimligini ta’kidladi. Shuningdek, Islom sivilizatsiyasi markazi va Imom Buxoriy majmuasida ehson dasturxonlari yozilishi aytildi. gazeta.uz »
Shavkat Mirziyoyev rafiqasi hamrohligida amaliy tashrif bilan AQShga yetib bordi. Davlat rahbarini AQSh-O‘zbekiston savdo palatasi raisi Kerolin Lemm va boshqa rasmiylar, Vashingtondagi qarorgohda esa mamlakat prezidentning maxsus vakili Paolo Zampolli kutib oldi. gazeta.uz »
O‘zbekiston prezidenti 19-fevral kuni bo‘lib o‘tadigan Tinchlik kengashining birinchi yig‘ilishida ishtirok etish uchun AQSh poytaxtiga safar qiladi. gazeta.uz »
O‘zbekiston prezidenti, parlament va hukumat rahbarlari Qallibek Kamalov vafoti munosabati bilan hamdardlik bildirdi. gazeta.uz »
Islomobodda O‘zbekiston prezidenti Shavkat Mirziyoyev va Pokiston prezidenti Asif Ali Zardoriy tor doirada hamda delegatsiyalar ishtirokida uchrashuv o‘tkazdi. Uchrashuv yakunida Asif Ali Zardoriy Shavkat Mirziyoyevga “Nishoni Pokiston” mukofotini topshirdi gazeta.uz »
Shavkat Mirziyoyev AQSh prezidenti Donald Tramp bilan Yaqin Sharqda tinchlikni mustahkamlash va mojarolarni hal etish bo‘yicha Tinchlik kengashi bitimini imzoladi. Avvalroq mamlakat bu kengashga ta’sischi davlat sifatida qo‘shilishi xabar qilingandi. gazeta.uz »
Shavkat Mirziyoyev chorshanba kuni Davos (Shveysariya) shahriga jo‘nab ketdi. Davlat rahbari u yerda Donald Trampning taklifi bilan Tinchlik kengashi nizomini imzolash marosimida qatnashadi. gazeta.uz »
Shavkat Mirziyoyev Qurolli kuchlar tashkil etilganining 34 yilligi va Vatan himoyachilari kuni munosabati bilan bayram tabrigi yo‘lladi. Prezident geosiyosiy vaziyat murakkablashgan sharoitda armiyani SI bilan ta’minlash, raqamlashtirish hamda harbiylarni ijtimoiy himoya qilish ishlari kuchaytirilishini ta’kidladi. gazeta.uz »
O‘zbekiston prezidenti Yangi Toshkentdagi issiqlik va sovitish tizimi uchun quvvat yaratuvchi trigeneratsiya stansiyasi va mamlakatdagi birinchi yopiq turdagi nimstansiya bilan tanishdi. gazeta.uz »
Shavkat Mirziyoyev Ashxobod shahrida Turkmaniston Xalq Maslahati raisi Gurbanguli Berdimuhamedov bilan uchrashuv o‘tkazdi. Prezident suhbatboshini doimiy betaraflikning o‘ttiz yilligi bilan tabrikladi va bo‘lajak xalqaro forum ishida muvaffaqiyat tiladi. gazeta.uz »
Shavkat Mirziyoyev Ko‘ksaroy qarorgohida Paragvay prezidenti Santyago Penya bilan muzokara o‘tkazdi. Bu Lotin Amerikasi davlati prezidentining O‘zbekistonga ilk tashrifidir. Yetakchilar savdo-iqtisodiyot, madaniy-gumanitar, ta’lim va boshqa sohalardagi yo‘nalishlarni muhokama qildi. gazeta.uz »
Prezident payshanba kuni Sirdaryo viloyatiga tashrif buyuradi. Davlat rahbari sanoat korxonalari va mahallalar bilan tanishadi hamda xalq deputatlari viloyat kengashi sessiyasida qatnashadi. gazeta.uz »
Seshanba kuni Shavkat Mirziyoyev Jizzax viloyatiga tashrif buyuradi. Prezident yo‘l-transport infratuzilmasi, qishloq xo‘jaligi, ta’lim, tibbiyot kabi sohalardagi ishlar bilan tanishadi hamda xalq deputatlari kengashi sessiyasida ishtirok etadi. gazeta.uz »
O‘zbekiston prezidenti Gretsiya, Indoneziya, Latviya, Fransiya, Rossiya, Yaponiya va Tojikistonning favqulodda va muxtor elchilaridan ishonch yorliqlarini qabul qildi. Foto. gazeta.uz »
Toshkentdagi Olimpiya shaharchasida birinchi Prezident Olimpiadasi boshlandi. 3000 dan ortiq ishtirokchi sportning 10 turi bo‘yicha bellashadi. G‘oliblar milliy terma jamoalar tarkibiga qabul qilinadi. gazeta.uz »
