Shavkat Mirziyoyev [ Ôîòî íîâîñòè ] | |
Shavkat Mirziyoyev va Vladimir Putin Pekinda strategik sheriklik, savdo-iqtisodiy hamkorlik va qo‘shma loyihalarni muhokama qildi. Davlat rahbarlari madaniyat va ta’lim sohasidagi hamkorlikka ham e’tibor qaratdi. gazeta.uz »
O‘zbekiston prezidenti va Xitoy raisi muzokaralarda turli sohalardagi munosabatlarni chuqurlashtirish masalalarini muhokama qildi. Xitoy tajribasi asosida kambag‘allikni qisqartirish tadbirlarini davom ettirish, mutaxassislar tayyorlash, sun’iy intellekt markazini ochish va boshqa masalalar ko‘rib chiqildi. gazeta.uz »
Shavkat Mirziyoyev rafiqasi Ziroat Mirziyoyeva bilan birga Xitoyning Tyanszin shahriga yetib bordi. Ularni XXR transport vaziri kutib oldi. Prezident 3-sentabrgacha ushbu mamlakatda bo‘ladi. Foto. gazeta.uz »
AQSh prezidentining maxsus vakili Paolo Zampolli Shavkat Mirziyoyevni “prezident Tramp kabi tinchlik prezidenti” deb atadi. U O‘zbekiston va Markaziy Osiyo mintaqasining muhimligini ta’kidladi. Paolo Zampolli O‘zbekiston Mustaqillik kuni tantanalarida ishtirok etdi. gazeta.uz »
Shavkat Mirziyoyev qurilishi yakuniy bosqichga kirgan Islom sivilizatsiyasi markazida bo‘lib, uning pardozlash va jihozlash ishlarini ko‘zdan kechirdi. Sakkiz yil davomida qurilgan majmuada “zamonaviy tahdidlarga munosib ilmiy javoblar” topiladi, ilmiy-ma’rifiy tashkilotlar bilan hamkorlik yo‘lga qo‘yiladi. gazeta.uz »
O‘zbekiston prezidenti Shavkat Mirziyoyev Yaponiya tashqi ishlar vaziri Takesi Ivaya bilan uchrashdi va siyosiy muloqotni chuqurlashtirish, madaniy aloqalarni rivojlantirish masalalarini muhokama qildi. gazeta.uz »
Shavkat Mirziyoyev Toshkentda qurilayotgan O‘zbekiston Milliy muzeyi qurilishiga tamal toshi qo‘ydi. Muzey umumiy maydoni 40 000 kv metr bo‘ladi. Muzeyda 10 mingga yaqin eksponat namoyish qilinadi. gazeta.uz »
Shavkat Mirziyoyev O‘zbekiston mustaqilligining o‘ttiz to‘rt yilligi munosabati bilan faxriy unvonlar, orden va medallar bilan mukofotlangan turli sohalar vakillariga mukofotlarni topshirdi. Foto. gazeta.uz »
Shavkat Mirziyoyev Iordaniyaning oliy nishoni - “An-Nahda” (“Renessans”) ordeni bilan mukofotlandi. Buni prezidentga mamlakat podshohi Abdulla II ibn al-Husayn topshirdi. gazeta.uz »
Turkmanistonga amaliy tashrif bilan borgan Shavkat Mirziyoyev Turkmaniston Xalq maslahati raisi Gurbanguli Berdimuhamedov bilan uchrashdi. Ular o‘rtasida yuzma-yuz va rasmiy delegatsiyalar ishtirokidagi muzokaralari bo‘lib o‘tdi. gazeta.uz »
O‘zbekiston prezidenti Toshkent shahrida qurib bitkazilgan Olimpiya shaharchasiga tashrif buyurdi. Shaharchada 5 ta - stadion, suv sport saroyi, velodrom, jamoaviy va yakkakurash sport turlari majmualari qurildi. Foto. gazeta.uz »
O‘zbekiston prezidenti tadbirkorlar kuni munosabati bilan soha vakillaridan bir guruhini mukofotladi. Xususan, Zafar Hoshimov “O‘zbekistonda xizmat ko‘rsatgan tadbirkor” unvoni, Jahongir Ortiqxo‘jayev esa “Fidokorona xizmatlari uchun” ordeni bilan taqdirlandi. gazeta.uz »
Vladimir Putin Shavkat Mirziyoyevga telefon suhbatida Alyaskadagi muzokaralar haqida gapirib berdi. O‘zbekiston rahbari kelishuvlarni qo‘llab-quvvatlab, Ukraina atrofidagi vaziyat tez fursatda tartibga solinishiga umid bildirdi. gazeta.uz »
Shavkat Mirziyoyev Pokistondagi suv toshqinlari va ko‘chkilar munosabati bilan prezident Asif Ali Zardariy va bosh vazir Shahboz Sharifga ta’ziya yo‘lladi. Mamlakatda hozirgacha tabiiy ofatlar tufayli 307 kishi halok bo‘ldi. gazeta.uz »
O‘zbekiston va BMT hamkorlikni kengaytirish, jumladan, Markaziy Osiyoda integratsiyani chuqurlashtirish va Afg‘onistonni mintaqaviy jarayonlarga jalb etishga tayyorligini tasdiqladi. gazeta.uz »
O‘zbekiston prezidenti dengizga chiqish yo‘liga ega bo‘lmagan mamlakatlar uchun umumiy tahdid va muammolarni yengib o‘tish bo‘yicha takliflar berdi. Tranzit kafolatlari to‘g‘risidagi global bitim, logistika integratsiyasiga ko‘maklashish jamg‘armasi, Zaiflik global indeksi shular jumlasidan. gazeta.uz »
O‘zbekiston prezidenti Shavkat Mirziyoyev Turkmanistonning “Hamkorlikni rivojlantirishga qo‘shgan hissasi uchun” ordeni bilan taqdirlandi. gazeta.uz »
O‘zbekiston prezidenti Shavkat Mirziyoyev Turkmanboshi shahrida Turkmaniston Xalq maslahati raisi Gurbanguli Berdimuhamedov bilan uchrashdi. Tomonlar ikki tomonlama munosabatlarni mustahkamlash, savdo-iqtisodiy hamkorlik va bo‘lajak oliy darajadagi uchrashuvlarga tayyorgarlik masalalarini muhokama qildi. gazeta.uz »
Prezident Shavkat Mirziyoyev amaliy tashrif bilan Turkmanistonga yetib bordi. U BMTning dengizga chiqish imkoniyatisiz davlatlar konferensiyasi va MO mamlakatlari rahbarlari Maslahat uchrashuviga tayyorgarlik tadbirida ishtirok etadi. Foto. gazeta.uz »
O‘zbekiston prezidenti Xitoy raisiga Pekin shahri va Xebey muzofotida ro‘y bergan kuchli suv toshqinlari munosabati bilan hamdardlik bildirdi. Hodisa oqibatida kamida 70 kishi halok bo‘lgani, Pekinda 80 mingdan ortiq odam evakuatsiya qilingani aytildi. gazeta.uz »
Prezident o‘z ma’muriyatida yangi tayinlovlarni tasdiqladi. Ko‘plab yuqori lavozimli xodimlar o‘z lavozimlarini saqlab qoldi, ammo tuzilmalar va lavozimlarning nomlari o‘zgartirildi. Shuningdek, kadrlar siyosati, iqtisodiyot, tashqi aloqalar va boshqa yo‘nalishlarda ham o‘zgarishlar ro‘y berdi. gazeta.uz »
O‘zbekistonlik eksportchilar bu yil 9 ming tonna “shok” usulida muzlatilgan olchani 26 mln dollarga eksport qilgan. Prezident, shuning uchun ham dala chetida eksportbop mahsulotlar, xususan, olchani ko‘paytirish zarurligi ta’kidladi. gazeta.uz »
Prezident 18-iyuldagi qarori bilan Tashqi investitsiyalar kengashi 11-iyun kuni bo‘lib o‘tgan yig‘ilishida ilgari surilgan tashabbus va takliflarni amalga oshirish bo‘yicha harakatlar rejasini tasdiqladi. gazeta.uz »
Shavkat Mirziyoyev Amur viloyatida ro‘y bergan samolyot halokati munosabati bilan Vladimir Putinga ta’ziya yo‘lladi. An-24 yo‘lovchi samolyoti halokati oqibatida 49 kishi, jumladan, 5 bola halok bo‘ldi. gazeta.uz »
O‘zbekiston prezidenti Zomin tumanida qurilayotgan maishiy texnika zavodini borib ko‘rdi. Majmua 80 gektarda joylashgan, loyihaning umumiy qiymati 150 mln dollar. Bu yerda kir yuvish mashinasi, televizor, elektr suv isitkich kabi yiliga 1 mln dona maishiy texnika hamda butlovchi qismlar ishlab chiqariladi. gazeta.uz »
O‘zbekiston prezidenti Zomin texnoparki maxsus sanoat zonasida tashkil etilgan beton mahsulotlari tayyorlash va maishiy elektr texnikalari ishlab chiqarish korxonalarini borib ko‘rdi. gazeta.uz »
Seshanba kuni Shavkat Mirziyoyev Jizzax viloyatiga tashrif buyuradi. Davlat rahbari sanoat va ijtimoiy sohada amalga oshirilayotgan ishlar va boshqa obyektlar bilan tanishadi. gazeta.uz »
O‘zbekiston prezidenti poytaxtning Shayxontohur va Chilonzor tumanlarida amalga oshirilgan bunyodkorlik ishlari bilan tanishmoqda. U Bunyodkor ko‘chasida amalga oshirilgan obodonlashtirish ishlari bilan tanishdi. gazeta.uz »
O‘zbekiston prezidentining Ozarbayjonga davlat tashrifi boshlandi. Tashrif davomida Shavkat Mirziyoyev va Ilhom Aliyev “O‘zbekiston” bog‘iga tamal toshi qo‘yadi va O‘zbekistonning Bokudagi elchixonasi yangi binosini ochib beradi. gazeta.uz »
Prezident Shavkat Mirziyoyev Samarqand shahrida o‘tayotgan BMTning Davlat xizmati bo‘yicha forumi ishtirokchilariga tabrik yo‘lladi. Tabrikda u O‘zbekistonda davlat xizmatida raqamli transformatsiya bo‘yicha Global bilim markazini ochish va xalqaro Yosh yetakchilar maktabini tashkil etishni taklif etdi. gazeta.uz »
O‘zbekiston prezidenti Yakkabog‘ tumanida qurilgan “Yangi O‘zbekiston” massivini ko‘zdan kechirdi. Massiv 18 gektar maydonni egallagan, unda 54 ta besh qavatli uylar qurilib, 1400 ta xonadon aholiga taqdim etiladi. gazeta.uz »
19-iyun kuni O‘zbekiston prezidenti Qashqadaryo viloyatiga tashrif buyuradi. Tashrif davomida sanoat, tibbiyot, turizm, energetika kabi sohalarga oid korxonalar faoliyatini, shuningdek, mahallalarda olib borilayotgan bunyodkorlik ishlarini ko‘zdan kechirish rejalashtirilgan. gazeta.uz »
Prezident Shavkat Mirziyoyev “Toshkent-Sharqiy” aeroporti qurilishini borib ko‘rdi. Aeroportda yuqori martabali mehmonlar hamda biznes-aviatsiya uchun 2 ta terminal, perron va angarlar barpo etilmoqda. gazeta.uz »
O‘zbekiston prezidenti Ahmadobod shahrida yuz bergan Dreamliner samolyoti aviahalokati sababli Hindiston prezidenti Draupadi Murmu va bosh vaziri Narendra Modiga ta’ziya maktubi yo‘lladi. O‘zbekiston TIV dastlabki ma’lumotlarga ko‘ra, mazkur reysda o‘zbekistonliklar bo‘lmaganini ma’lum qildi. gazeta.uz »
O‘zbekiston prezidenti Shavkat Mirziyoyev RF rahbari Vladimir Putin va mamlakat xalqini 12-iyun - Rossiya kuni bilan tabrikladi. Yetakchilar ko‘p qirrali hamkorlikni kengaytirish masalalarini ham ko‘rib chiqdi. gazeta.uz »
Shavkat Mirziyoyev Janubiy Koreya prezidenti Li Chje Myonni ushbu lavozimga saylangani bilan tabriklab, uning davrida strategik sheriklik munosabatlari rivojlanishiga umid bildirdi. U, shuningdek, hamkasbini O‘zbekistonga rasmiy tashrif bilan kelishga taklif etdi. gazeta.uz »
Shavkat Mirziyoyev Haj ziyorati uchun Makkada bo‘lib turgan o‘zbekistonliklarga boshchilik qilayotgan Musulmonlar idorasi raisi shayx Nuriddin Xoliqnazar bilan telefon orqali gaplashdi. Hojilarimiz O‘zbekistonga qaytgach, tinchlik va ma’naviyatimiz targ‘ibotchilari bo‘ladi degan umiddaman, dedi prezident. gazeta.uz »
Prezident Shavkat Mirziyoyev O‘zbekiston-Italiya sammiti tadbirlarida ishtirok etish uchun Samarqand shahriga yetib bordi. U Imom Buxoriy maqbarasini ziyorat qildi va yangi majmuadagi qurilish ishlarini ko‘zdan kechirdi. gazeta.uz »
Shavkat Mirziyoyev Turkiy davlatlar tashkiloti norasmiy sammitidagi nutqida o‘zaro savdo ulushini keskin ko‘paytirish, “yagona darcha” va “yashil koridorlar” tizimlarini yaratish, qo‘shma venchur kompaniyasini tashkil etish, qurg‘oqchilikning oldini olishda hamkorlik va boshqa takliflarni ilgari surdi. gazeta.uz »
O‘zbekiston prezidenti rasmiy tashrif bilan Vengriya poytaxti Budapesht shahriga yetib bordi. U keyingi kunlarda mamlakat rasmiylari va kompaniyalari rahbarlari bilan uchrashuvlar o‘tkazib, TDT norasmiy sammitida ishtirok etadi. gazeta.uz »
O‘zbekiston prezidenti Turkiya vitse-prezidenti Javdat Yilmaz boshchiligidagi delegatsiyani qabul qildi. Tomonlar strategik sheriklik munosabatlarini, eng avvalo, savdo-iqtisodiy va investitsiyaviy sohalarda kengaytirish va mustahkamlash masalalarini ko‘rib chiqdi. gazeta.uz »
O‘zbekiston prezidenti Moskvadagi Qizil maydonda G‘alabaning 80 yilligiga bag‘ishlangan tantanali tadbirlarda ishtirok etdi. Kelganlar birgalikda Aleksandr bog‘idagi Noma’lum askar qabriga gul qo‘ydi. Foto. gazeta.uz »
O‘zbekiston prezidenti G‘alaba bog‘idagi “Millat fidoyilari” xiyobonida bo‘ldi. U yerda mustaqillik yillarida mamlakat himoyasi yo‘lida halok bo‘lgan harbiy xizmatchilarning oila a’zolari bilan uchrashdi. gazeta.uz »
O‘zbekiston prezidenti Xitoy janubi-g‘arbida kuchli shamolda qayiqlar ag‘darilib ketishi oqibatida odamlar halok bo‘lgani va jarohatlangani munosabati bilan mamlakat raisiga ta’ziya yo‘lladi. gazeta.uz »
O‘zbekiston prezidenti Urganch xalqaro aeroportini modernizatsiya qilish va boshqarish huquqini olgan Janubiy Koreya kompaniyasi rahbarlari bilan uchrashdi. Davlat rahbariga yangi terminal loyihasi taqdimot qilindi. gazeta.uz »
Shavkat Mirziyoyev 1-may kuni Xorazm viloyatiga tashrif buyuradi. Tashrif davomida yangi obyektlar, yirik transport infratuzilmasi hamda shaharsozlik loyihalari bilan tanishish va boshqa tadbirlar o‘rin olgan. gazeta.uz »
O‘zbekiston prezidenti “INNOPROM. Markaziy Osiyo” beshinchi xalqaro sanoat ko‘rgazmasiga tashrif buyurdi. Shuningdek, Shavkat Mirziyoyev Rossiya hukumati raisining birinchi o‘rinbosari Denis Manturov, Tatariston raisi Rustam Minnixanov va “Rosatom” davlat korporatsiyasi bosh direktori Aleksey Lixachev bilan uchrashdi. gazeta.uz »
O‘zbekiston prezidenti Bandar Abbosdagi portlash munosabati bilan Eron prezidentiga hamdardlik yo‘lladi. Portlash oqibatida 25 kishi halok bo‘lgan, 1139 kishi jarohatlangan, 6 kishi bedarak yo‘qolgan. gazeta.uz »
O‘zbekiston prezidenti turkman xalqining milliy yetakchisi Gurbanguli Berdimuhamedovni “qardosh mamlakatlar o‘rtasidagi an’anaviy do‘stlik, yaxshi qo‘shnichilik va strategik sheriklik munosabatlarini mustahkamlashdagi ulkan xizmatlari uchun” “Oliy darajali do‘stlik” ordeni bilan mukofotladi. gazeta.uz »
Shavkat Mirziyoyev va turkman xalqining milliy yetakchisi Gurbanguli Berdimuhamedov tor doirada va rasmiy delegatsiyalar ishtirokida muzokara o‘tkazdi. Uchrashuvda O‘zbekiston rahbari turkman xalqining milliy yetakchisiga uning qalamiga mansub “Tafakkur gavhari” kitobining o‘zbek tilidagi nusxasini topshirdi. gazeta.uz »
