òðàìï - Ïîñëåäíèå íîâîñòè [ Ôîòî â íîâîñòÿõ ] | |
Donald Tramp Kanadadan importga 1-avgustdan 35 foizli boj joriy etilishini bildirdi. Bosh vazir Mark Karniga yo‘llangan maktubda Kanadadan fentanil oqimi, shuningdek, mamlakatning AQSh sut yetishtiruvchi fermerlari va boshqalarga zarar yetkazadigan tarif va notarif savdo to‘siqlaridan shikoyat qilingan. gazeta.uz »
Donald Tramp AQSh Ukrainaga yangi qurol partiyalarini, birinchi navbatda, mudofaa qurollarini yuborishiga va’da berdi. “Ular o‘zlarini himoya qila olishlari kerak. Ularga juda qattiq zarba berishmoqda”, - dedi AQSh prezidenti. Pentagon ta’minot qayta tiklanganini tasdiqladi. gazeta.uz »
Donald Tramp 1-avgustdan 14 mamlakat, jumladan, Qozog‘istonga (25 foiz) “savdo taqchilligini pasaytirish” uchun qo‘shimcha bojlar joriy qilinishi bayon etilgan maktublar yubordi. Agar javob choralari ko‘rilsa, Vashington tariflarni yanada oshirishga tayyor. gazeta.uz »
Donald Tramp BRIKS mamlakatlarining “Amerikaga qarshi” siyosatini qo‘llab-quvvatlovchi har qanday davlatga qo‘shimcha 10 foizli bojlar bilan tahdid qildi. Yanvarda u BRIKSga, agar ular dollardan voz kechsa, 100 foizli tariflar solinishini aytgandi. gazeta.uz »
Vladimir Putin va Donald Tramp salkam bir soat davomida telefonda gaplashdi. Tramp suhbatdan hafsalasi pir bo‘lganini aytdi: “Putin urushni to‘xtatishga tayyor emas deb o‘ylayman. U bilan hech qanday progressga erishmadim”. gazeta.uz »
Tramp Suriyaga qarshi 2004-yilda kiritilgan sanksiyalarni bekor qilish to‘g‘risidagi farmonni imzoladi. Hujjat amaldagi eksport nazorati choralarini yumshatishga ruxsat beradi, “Suriyani xalqaro hamjamiyat uchun ochadi”. gazeta.uz »
Ilon Mask, agar Kongress soliq imtiyozlariga oid qonun loyihasini qabul qilsa, Amerika partiyasini tuzishini aytdi. Bunga javoban Tramp subsidiyalar bo‘lmaganida, Mask do‘konlarini yopib, uyi - Janubiy Afrikaga qaytishi kerak bo‘lardi, dedi va DOGE`ga uni subsidiyalardan mahrum qilishni o‘rganishni taklif etdi. gazeta.uz »
AQSh prezidenti Donald Tramp NATO sammitida Ukraina prezidenti Vladimir Zelenskiy bilan uchrashdi. Ikkala siyosatchi ham suhbatni ijobiy baholadi. Ularning fevral oyidagi birinchi uchrashuvi janjal bilan yakunlangandi. gazeta.uz »
Donald Tramp Isroil va Eronni 24-iyun kuni ertalab e’lon qilingan o‘t ochishni to‘xtatish rejimini buzganlikda aybladi. “Bizda ikki davlat bor, ular shunchalik uzoq vaqtdan beri va shunchalik qat’iyat bilan urishmoqdaki, nima qilayotganlarini, jin ursin, bilmayapti”, - dedi AQSh prezidenti. gazeta.uz »
Donald Tramp AQShning Eronga zarba berish rejasini ma’qulladi, biroq Tehron o‘z yadroviy dasturidan voz kechish-kechmasligini ko‘rish uchun hozircha uni keyinga qoldirdi. “Balki shunday qilarman, balki qilmasman”, - dedi u. gazeta.uz »
AQSh prezidenti Donald Trampning aytishicha, Eron Isroil bilan mojaroni hal qilish uchun o‘zining yadroviy dasturini ishlab chiqishdan butunlay voz kechishiga to‘g‘ri keladi. U avvalroq barchani Tehronni zudlik bilan tark etishga chaqirgandi. gazeta.uz »
AQSh prezidenti Donald Tramp barchani zudlik bilan Tehrondan evakuatsiya qilishga chaqirdi. Shuningdek, u “Katta yettilik” sammitini erta tark etdi. “Sodda qilib aytganda Eron yadro quroliga ega bo‘lishi mumkin emas. gazeta.uz »
Ilon Mask Donald Tramp haqidagi postlari uchun uzr so‘radi. “Ular haddan oshib ketdi”, - dedi u. Milliarder va AQSh prezidenti o‘tgan hafta ijtimoiy tarmoqlarda janjallashib qolgandi. gazeta.uz »
Donald Tramp immigratsiya reydlariga javoban boshlangan norozilik namoyishlarini tarqatish uchun Los Anjelesga Milliy gvardiya xodimlarini kiritishni buyurdi. Kaliforniya gubernatori bu qarorni “maqsadli tarzda g‘azab uyg‘otuvchi” deb atadi va qo‘shinlarni olib chiqishni talab qildi. gazeta.uz »
Donald Tramp va Ilon Mask o‘rtasida katta janjal kelib chiqdi. Tramp biznesmenning Tesla va SpaceX kompaniyalarini subsidiyalardan mahrum qilish bilan tahdid qildi, Mask AQSh prezidentini noshukurlikda ayblab, usiz saylovlarda g‘alaba qozona olmagan bo‘lishini aytdi. Tafsilotlar - Gazeta materialida. gazeta.uz »
Donald Tramp AQShga Garvard universitetida ta’lim olish uchun, shu jumladan, almashinuv dasturlari bo‘yicha kiradigan xorijlik talabalarga viza berishni to‘xtatishni buyurdi. Universitet buni Oq uyning “yana bir noqonuniy qadami” deb atadi. gazeta.uz »
Tramp 12 ta mamlakat (Afg‘oniston, Myanma, Chad, Kongo, Ekvatorial Gvineya, Eritreya, Gaiti, Eron, Liviya, Somali, Sudan, Yaman) fuqarolariga AQShga kirishni taqiqladi. Yetti davlat, jumladan, Turkmaniston uchun qisman cheklov amal qiladi. gazeta.uz »
AQSh Xalqaro savdo sudi prezident Donald Tramp tomonidan joriy qilingan import tariflarini noqonuniy deb topdi va ularning aksariyatini blokladi. Tramp ma’muriyati qaror ustidan apellyatsiya shikoyati berdi. gazeta.uz »
Milliarder Ilon Mask Donald Tramp ma’muriyatida ishlagan maxsus davlat xizmatchisi lavozimini tark etayotganini ma’lum qildi. AP nashriga ko‘ra, Mask DOGE bilan xarajatlarni 2 trln dollarga kamaytirmoqchi bo‘lgandi, oxir-oqibat ko‘rsatkichni 150 mlrd dollarga tushirgan. gazeta.uz »
Donald Tramp yana bir bor Vladimir Putinni tanqid qilib, u “olov bilan o‘ynashayotgani”, agar Trampning siyosati bo‘lmaganida, Rossiya bilan “juda yomon voqealar sodir bo‘lishi” haqida ogohlantirdi. Amerika OAV Tramp shu haftadayoq RFga qarshi sanksiyalar kiritishi mumkinligi haqida yozmoqda. gazeta.uz »
Rossiya Ukrainaga ketma-ket hujumlar uyushtirmoqda. Jumladan, 25-mayga o‘tar kechasi qariyb 300 ta dron va 70 ta raketa uchirilgan, kamida 12 kishi halok bo‘ldi. Tramp bu harakatlardan so‘ng: “Putinga nimadir bo‘ldi, u aqldan ozibdi”, - deya bayonot berdi. “Bu Zelenskiy, Putin va Baydenning urushi”, - dedi u. gazeta.uz »
AQSh prezidenti Donald Tramp, agar kompaniya mamlakat tashqarisida iPhone ishlab chiqarishni to‘xtatmasa, Apple`ga qarshi 25 foiz miqdorida boj joriy etish bilan tahdid qildi. Hozirda Apple smartfonlarni asosan Xitoy va Hindistonda ishlab chiqaradi. gazeta.uz »
AQSh prezidenti Donald Tramp Rossiya prezidenti bilan suhbatdan so‘ng Yevropa yetakchilariga Vladimir Putin Ukrainadagi urushni tugatishga tayyor emasligini aytgan. Ilgari Tramp Putin chin dildan tinchlik istayotganini bir necha bor bildirib, Kremlga bosimni kuchaytirishdan bosh tortgandi. gazeta.uz »
AQSh va Rossiya prezidentlari telefon orqali ikki soatdan ortiq suhbatlashdi. Vladimir Putin Rossiya Ukraina bilan kelgusidagi tinchlik shartnomasi bo‘yicha memorandum ustida ishlashga tayyorligini aytdi. gazeta.uz »
AQSh Ichki xavfsizlik vazirligi va Maxfiy xizmati FQB sobiq rahbari Jeyms Komiga nisbatan tergov boshladi. U chig‘anoqlardan “86 47” raqamini hosil qilib, Instagram`ga surat yuklagandi. Post Donald Trampni o‘ldirishga chaqiriq sifatida baholandi. gazeta.uz »
Donald Trampning aytishicha, AQSh Eron bilan yadroviy kelishuvga “juda yaqin”, Tehron uning shartlariga rozi bo‘lgan “ko‘rinadi”. Eron rasmiylari ham sanksiyalarni bekor qilish evaziga yadroviy dastur bo‘yicha yon berishga tayyorligini tasdiqladi. gazeta.uz »
“Kanada hech qachon sotilmaydi”, - dedi Kanada bosh vaziri Mark Karni AQSh prezidenti Donald Tramp bilan ilk uchrashuvida. Tramp avvalroq Kanada AQShning 51-shtati bo‘lishi kerakligini bir necha bor aytgandi. “Hech qachon hech qachon dema” deb javob berdi Tramp. gazeta.uz »
AQSh prezidenti Donald Tramp xorijiy filmlarga 100 foizli boj joriy etmoqchiligi haqida yozdi. U bu chora Amerika kino sanoatini qo‘llab-quvvatlashga yordam berishini ta’kidladi. gazeta.uz »
Donald Tramp prezidentligining ilk 100 kunini nishonlab, tarafdorlarini mitingga to‘pladi. “Endigina boshladik. Siz hali hech narsani ko‘rmadingiz”, - dedi u savdo urushi, davlat xizmatchilarining ommaviy qisqartirilishi va noqonuniy muhojirlarning deportatsiyasi bilan yodda qolgan uch oyni sarhisob qilarkan. gazeta.uz »
Donald Tramp The Atlantic nashriga ilk prezidentlik muddatida “mamlakatni boshqarishi va omon qolishi” kerak bo‘lganini, ammo ikkinchisida “mamlakatni va dunyoni boshqarayotgani” va “maza qilayotganini” aytdi. gazeta.uz »
Donald Tramp Kiyevga uyushtirilgan Rossiya zarbalaridan “mamnun emasligini” bildirdi. “Vladimir, to‘xta! Har hafta 5 ming askar halok bo‘lyapti. Kel, tinchlik shartnomasini tuzamiz!” - dedi u. Avvalroq Rossiya zarbalari sababli Kiyevda 9 kishi halok bo‘lgan, o‘nlab odamlar jarohat olgandi. gazeta.uz »
Garvard universiteti prezident Tramp ma’muriyatiga qarshi sudga da’vo arizasi berdi, u universitetni 2,2 mlrd dollardan ortiq mablag‘ bilan ta’minlashni muzlatib qo‘ygandi. Ta’lim muassasasi Oq uyning choralarini noqonuniy deb atadi va rasmiylarni universitetni nazoratga olishga urinishda aybladi. gazeta.uz »
Donald Tramp ma’muriyati Garvard universitetiga, agar ta’lim muassasasi talabalar vizasi bilan o‘qiyotganlarning “noqonuniy harakatlari” haqidagi ma’lumotlarni taqdim etmasa, chet ellik talabalarni qabul qilish huquqidan mahrum etish bilan tahdid qildi. gazeta.uz »
Donald Tramp ma’muriyati bir yil ichida AQShdan 1 milliongacha muhojirni deportatsiya qilishni rejalashtirmoqda. Ushbu maqsadga erishish uchun hukumat deportatsiya qilinganlarni qabul qilish bo‘yicha kamida 30 ta uchinchi davlat bilan muzokaralar olib bormoqda. gazeta.uz »
Donald Tramp bozorlardagi “g‘amgin” vaziyat fonida o‘nlab mamlakatlar uchun “javob” bojlarini joriy etishni 90 kunga to‘xtatib qo‘ydi. Xitoy uchun bojlar 104 foizdan 125 foizga oshirildi. gazeta.uz »
Donald Trampning aytishicha, AQSh bojlar kiritgan davlatlar Vashington bilan kelishib olishga harakat qilmoqda. “Bu davlatlar bizga qo‘ng‘iroq qilmoqda. Ketimni o‘pishyapti. Bitim tuzaman deb o‘lib-tirilishyapti”, - dedi u. gazeta.uz »
AQSh va Yevropaning yirik shaharlarida Hands Off! (“Qo‘lingni tort!”) shiori ostida ommaviy norozilik namoyishlari bo‘lib o‘tdi. Aksiya ishtirokchilari Tramp ma’muriyatining harakatlariga, jumladan, federal xizmatchilarning ishdan bo‘shatilishi, butun boshli agentliklar yopilishi va bojlar joriy etilishiga qarshi chiqdi. gazeta.uz »
Donald Tramp “butun dunyo mamlakatlari uchun” 10 foizdan 49 foizgacha bojlar joriy etdi, xususan, O‘zbekiston uchun u 10% ni tashkil etadi. Ro‘yxatda odam yashamaydigan bir orol ham keltirilgan. Tramp, shuningdek, savdo balansi taqchilligi tahdidi tufayli favqulodda holat joriy qildi. gazeta.uz »
AQSh prezidenti Donald Tramp uchinchi muddatga prezidentlikka nomzodini qo‘yish imkoniyatini istisno etmasligini va buning uchun “metodlar” mavjudligini aytdi. Prezidentlik muddatini cheklovchi 22-tuzatishni bekor qilish uchun Kongressning ikkala palatasida uchdan ikki qism ovoz kerak bo‘ladi. gazeta.uz »
AQSh prezidenti Donald Tramp barcha avtomobillar va butlovchi qismlar importiga 25 foizli boj joriy etishini ma’lum qildi. Ushbu qaror fonida butun dunyo bo‘ylab avtomobil ishlab chiqaruvchilarning aksiyalari keskin tushib ketdi. gazeta.uz »
Vashingtonda siyosiy janjal tinmayapti. The Atlantic nashri Donald Tramp ma’muriyatining yuqori martabali amaldorlari husiylarga qarshi harbiy operatsiya tafsilotlarini muhokama qilgan Signal chatining to‘liq versiyasini e’lon qildi. Oq uy va Tramp ma’lumotlar “maxfiy emas”ligini ta’kidladi. gazeta.uz »
The Atlantic jurnali bosh muharriri Jeffri Goldbergga ko‘ra, Donald Tramp ma’muriyati amaldorlari uni husiylarga qarshi harbiy rejalar, jumladan, zarbalar joyi va vaqtini muhokama qilayotgan Signal’dagi chatga tasodifan qo‘shib qo‘ygan. gazeta.uz »
Tramp o‘quvchilar qurshovida AQSh Ta’lim vazirligini tugatishga qaratilgan farmonni imzoladi. Uni butunlay yo‘q qilish Kongress roziligini talab qiladi. Bir necha kun oldin vazirlik xodimlarining yarmi ishdan olingandi. gazeta.uz »
AQSh prezidenti Donald Tramp Ukrainaga mamlakatdagi atom elektr stansiyalariga “Amerika egalik qilishi”ni taklif etdi, bu “ushbu infratuzilma uchun eng yaxshi himoya bo‘la oladi”. gazeta.uz »
Zelenskiy bilan “juda yaxshi” telefon suhbati o‘tkazdik, u bir soatcha davom etdi, dedi Donald Tramp. AQSh prezidenti muhokamalar asosan Rossiya va Ukrainaning talab va ehtiyojlarini muvofiqlashtirish maqsadida Putin bilan o‘tgan kechagi suhbat haqida bo‘lganini bildirdi. gazeta.uz »
Tramp va Putin ikkinchi marta telefon orqali rasmiy muloqot o‘tkazdi. Oq uyga ko‘ra, yetakchilar Ukrainadagi urush “mustahkam tinchlik” bilan tugashi kerakligiga kelishib oldi. Kremlga ko‘ra, Putin mojaro tomonlarining energetika infratuzilmasiga zarba berishdan 30 kun davomida tiyilishini qo‘llab-quvvatladi. gazeta.uz »
AQSh prezidenti Donald Tramp Rossiya prezidenti Vladimir Putin bilan 18-mart kuni telefon orqali suhbatlashishini ma’lum qildi. Buni Kreml ham tasdiqladi. “Dam olish kunlari ko‘p ish qilindi… Biz bu urushga chek qo‘ya olamizmi-yo‘qmi, ko‘rmoqchimiz”, - dedi Tramp. gazeta.uz »
Donald Tramp Rossiya prezidenti Vladimir Putin bilan “juda yaxshi va samarali” muzokaralar o‘tkazilganini ma’lum qildi. “Bu dahshatli urushni tugatish uchun yaxshi imkoniyat paydo bo‘ldi”, - dedi u. gazeta.uz »
Donald Tramp AQSh Daniyaning avtonom hududi - Grenlandiya ustidan nazoratni qo‘lga kiritishiga ishonch bildirdi. U orol AQShga xalqaro xavfsizlikni mustahkamlash uchun zarurligini yana bir bor takrorladi va u yerda amerikalik harbiylar soni ko‘payishini istisno qilmadi. gazeta.uz »
AQSh Ta’lim vazirligi o‘z xodimlarining deyarli 50 foizini qisqartirishini e’lon qildi. Bu bo‘shatishlar Donald Trampning idorani butunlay tugatish rejasining bir qismidir. gazeta.uz »
