Markaziy Bank [ Ôîòî íîâîñòè ] | |
O‘zbekiston MB indeksiga ko‘ra, I chorak yakunlari bo‘yicha mijozlar murojaatlari ko‘rsatkichi eng yuqori banklar o‘ntaligiga Biznesni rivojlantirish banki, Anor Bank va Mikrokreditbank kirdi. Regulyator banklarga shikoyatlar sabablarini chuqurroq tahlil qilish va tizimli kamchiliklarni bartaraf etishni tavsiya qildi. gazeta.uz »
MB rahbari 2027-yilda 5 foizlik inflyatsion targetga erishish uchun “keskin risklar” kuzatilmayotganini ma’lum qildi. U maqsadga erishish muddati bir necha bor qayta ko‘rib chiqilganini tan olib, risklar qatorida yuqori ichki talab, budjet xarajatlarining rejadan oshib ketishi va boshqa omillarni sanab o‘tdi. gazeta.uz »
Markaziy bank asosiy stavkani yillik 14 foiz darajasida o‘zgarishsiz qoldirdi. Inflyatsiya yillik hisobda 7,1 foizgacha pasaydi, iqtisodiyot prognozlardan tezroq o‘smoqda, biroq tashqi xatarlar va mamlakat ichidagi barqaror inflyatsion bosim pul-kredit siyosatini yumshatish imkonini bermayapti. gazeta.uz »
Markaziy bank 2026-yil mart oyida qonunchilikni buzgan 20 ta bank, 89 ta moliya tashkiloti va 79 ta lombardni jarimaga tortdi, yana 17 ta bankni faoliyatidagi kamchiliklar sabab sanksiya qo‘llash haqida ogohlantirdi. gazeta.uz »
O‘zbekistonda pul o‘tkazmalariga talablarni kuchaytirish taklif etilmoqda. Banklar jo‘natuvchi va oluvchi haqida to‘liq ma’lumot to‘plashi shart bo‘lgan operatsiyalar chegarasi 30 dan 25 BHMgacha - 10,3 mln so‘mgacha tushirilishi mumkin. gazeta.uz »
O‘zbekistonda chakana kreditlashning o‘sishi kelgusi yilda ham, yuqori foiz stavkalariga qaramay, hozirgi darajada saqlanib qoladi, deb xabar berdi MB rahbariyati. Regulyator cheklovlar qo‘yish niyatida emas, ammo aholi orasida ortiqcha qarz yukining oldini olish uchun sifat talablarini kuchaytiradi. gazeta.uz »
O‘zbekiston Markaziy banki “Yangi bank”ning litsenziyasini qaytarib oldi. Bunga ustav kapitali minimumi va boshqa qonunchilik talablari bajarilmagani sabab bo‘lgan. Regulyator qonunchilik doirasida barcha omonatchilar huquqlari kafolatlanishini ta’kidladi. gazeta.uz »
Markaziy bank asosiy stavkani yillik 14 foiz darajasida qoldirdi. Shuningdek, regulyator joriy yil uchun inflyatsiya prognozini 7,3 foizgacha yaxshiladi, bu avvalgi hisob-kitoblardan past. Shuningdek, xizmatlar sohasida iste’mol talabi, taklif omillari va narxlar o‘sishi bilan bog‘liq xatarlar saqlanib qolmoqda. gazeta.uz »
O‘zbekistonda besh yilga mo‘ljallangan Milliy fintex strategiyasi ishlab chiqiladi. Markaziy bank huzurida 50 mln dollarlik venchur fondi va innovatsion hab tashkil etiladi. 2030-yilgacha moliyaviy texnologiyalar sohasidagi startaplarga 1 mlrd dollar miqdorida xorijiy investitsiyalar jalb qilinadi. gazeta.uz »
Markaziy bank iste’molchilar uchun axborotlarni oshkor etish va davlat tili bo‘yicha qonunchilik talablariga rioya etilishi yuzasidan tijorat banklarining veb-saytlarini monitoringdan o‘tkazdi. Unda regulyator qator kamchiliklar va qonunbuzilish holatlarini aniqlab, 18 ta bankka 102 mln so‘mdan jarima qo‘lladi. gazeta.uz »
Nodirbek Achilov, Sanjar Nosirov va Nusratulla Fazilov O‘zbekiston Markaziy banki raisining o‘rinbosarlari etib tayinlandi. gazeta.uz »
Moliya bozorining Markaziy bank vositalariga nisbatan sezgirligi pastligicha qolmoqda, shuning uchun regulyator ularni qayta ko‘rib chiqadi, dedi MB raisi Timur Ishmetov. Uning qo‘shimcha qilishicha, monetar siyosatning shaffofligi va prognozliligini oshirish rejalashtirilmoqda. gazeta.uz »
O‘zbekiston moliya tizimi bashorat qilish mumkin bo‘lgan muhitga tomon siljimoqda, Markaziy bank esa asosiy stavkani “bozor uchun aniq va ishonchli signal”ga aylantirish niyatida. Yaqin kelajakda islomiy banking to‘g‘risidagi qonunni qabul qilish va muddatli to‘lov bozorini tartibga solish rejalashtirilgan. gazeta.uz »
Markaziy bank nasiya savdo bozori ishtirokchilarining axloq qoidalari loyihasini e’lon qildi. Unga ko‘ra, bozor ishtirokchilari uchun “Ishonch belgisi” tizimi joriy etiladi. Mijozlar shartnoma tuzishdan oldin yillik foiz, umumiy to‘lov summasi va kechiktirish oqibatlari haqida to‘liq xabardor qilinishi shart bo‘ladi. gazeta.uz »
Markaziy bank TBC Bank, Davr Bank va Hamkorbank`ning iste’molchilar huquqlarini buzganini aniqladi. Banklar 2,5 mlrd so‘m jarimaga tortildi. Shuningdek, ularga noqonuniy ushlab qolingan 28 mlrd so‘mdan ortiq foizlar, komissiya va to‘lovlarni qaytarish vazifasi yuklatildi. gazeta.uz »
O‘zbekiston Markaziy banki allaqachon AQSh g‘aznachilik qog‘ozlarini sotib olgan, biroq hozirda boshqa mamlakatlarning qarz vositalariga ham sarmoya kiritish imkoniyatini ko‘rib chiqmoqda. Regulyatorning ta’kidlashicha, gap faqat davlat obligatsiyalari haqida ketmoqda, korporativ aksiyalar emas. gazeta.uz »
Markaziy bank bank kartalari ochish bo‘yicha yil boshida kiritilgan vaqtinchalik cheklovlarni o‘zgartirishi mumkin. Kartalarni masofadan turib yopish imkoniyati ham ko‘rib chiqilishi mumkin. gazeta.uz »
Iyun-iyul oylarida Markaziy bank tomonidan 23 ta bankka nisbatan jarima sanksiyasi qo‘llanildi. Bunga jinoiy faoliyatdan olingan daromadlarni legallashtirishga, terrorizm va ommaviy qirg‘in quroli tarqatishni moliyalashtirishga qarshi kurash qoidalariga rioya qilinishida aniqlangan qoidabuzarliklar sabab bo‘lgan. gazeta.uz »
Markaziy bank asosiy stavkasini ko‘rib chiqish bo‘yicha navbatdagi yig‘ilishini keyinga qoldirdi. Regulyator yig‘ilish sanasi alohida ma’lum qilinishini ta’kidlagan. Qarorga yilning 1-yarmi bo‘yicha global makroiqtisodiy ko‘rsatkichlar, savdo hamkorlari bo‘yicha ma’lumotlar iyul oxirida e’lon qilinishini sabab bo‘lgan. gazeta.uz »
O‘zbekiston Markaziy banki hisob-kitoblariga ko‘ra, muddatli to‘lovga texnika sotib olish ko‘pincha bank kreditidan qimmatroqqa tushadi. Rugulyator iPhone 16 Pro Max misolida ustamaning 44 foizgacha yetishi, yillik bank stavkasi esa yillik 74 foizgacha bo‘lishi mumkinligini ko‘rsatdi. gazeta.uz »
Markaziy bank ijtimoiy nafaqalarni fuqaro roziligisiz kredit qarzi uchun yechib olayotgan tashkilotlarni bu insofsiz amaliyot deb baholanishi haqida ogohlantirdi. Regulyator avtomatik undiruv tizimlarini qayta ko‘rib chiqish, shikoyat tushganda esa yechib olingan mablag‘ni qaytarib berish kerakligini qayd etgan. gazeta.uz »
O‘zbekiston aholisi orasida sezilayotgan inflyatsiya darajasi mart oyida 14,3 foizgacha pasaydi. Markaziy bank so‘roviga ko‘ra, go‘sht va sut mahsulotlari narxlari eng ko‘p oshgan mahsulotlar ro‘yxatida yana birinchi o‘rinni egalladi - respondentlarning 64 foizi bu mahsulotlar narxining oshganini ta’kidladi. gazeta.uz »
Markaziy bank asosiy stavkani o‘zgarishsiz, 14 foiz darajasida qoldirdi. “Yalpi talab va taklif o‘rtasidagi nomutanosibliklar hamda tashqi noaniqliklarning kuchayib borishi bilan bog‘liq xatarlar pul-kredit sharoitlarini nisbatan qat’iy, joriy darajasida saqlab qolishni taqozo etmoqda”, - deya qayd etgan MB. gazeta.uz »
Markaziy bank boshqaruvi asosiy stavkani 0,5 foiz bandga oshirib, yillik 14 foiz darajasida belgiladi. Regulyator inflyatsion bosimlarning yuqori saqlanib qolishi, talabning barqaror o‘sib borishi va inflyatsion kutilmalarning kuchayishi fonida pul-kredit sharoitlari qat’iylik darajasini oshirishga qaror qilgan. gazeta.uz »
O‘zbekiston Markaziy banki asosiy stavkani ko‘rib chiqish bo‘yicha 13-martga belgilangan boshqaruv yig‘ilishini 20-martga qoldirdi. Bunda fevral yakunlari bo‘yicha asosiy makroiqtisodiy ko‘rsatkichlar va savdo hamkorlar iqtisodiyoti bo‘yicha ma’lumotlar martning ikkinchi yarmida e’lon qilinishi inobatga olingan. gazeta.uz »
Markaziy bank mikroqarzlar qoldig‘i va to‘planish darajasi o‘sishi fonida ularga nisbatan bir qator talablarni qattiqlashtirishni rejalashtirmoqda. Choralar banklarning mikroqarzlar bo‘yicha konsentratsiyasiga (kredit kartasi uchun ham) 25 foizlik limit o‘rnatish va boshqa talablarni o‘z ichiga oladi. gazeta.uz »
Markaziy bank o‘z veb-saytida “inflyatsiya kalkulyatori”ni ishga tushirdi. Bu kalkulyator bilan ixtiyoriy vaqt oralig‘ida inflyatsiyaning pul qiymatiga (sotib olish qobiliyatiga) ta’sirini baholash mumkin. gazeta.uz »
MB asosiy stavkani yillik 13,5 foiz darajasida qoldirdi. “Energiya narxlari erkinlashtirilishi ta’siri kamayishi kutilayotganiga qaramasdan, inflyatsion kutilmalar yuqori darajada saqlanib qolayotgani pul-kredit sharoitlarini nisbatan qat’iy darajada saqlab qolishni taqozo etmoqda”, - deya qayd etgan regulyator. gazeta.uz »
O‘zbekiston Markaziy banki tijorat banklari orqali og‘irligi 100 gramm bo‘lgan oltin quymalar ham sotuvga chiqarilishini ma’lum qildi. Bungacha xaridorlarga 5, 10, 20, 50 grammlik quymalar taklif etilayotgandi. gazeta.uz »
O‘zbekiston Markaziy banki bir foydalanuvchiga beriladigan kartalar sonini cheklamoqchi. Regulyator raisi o‘rinbosari Behzod Hamrayevning ta’kidlashicha, ayrim mijozlar yuzlab kartalarga ega bo‘lib, bu firibgarlar tomonidan kartalardagi mablag‘ o‘zlashtirilishiga olib kelmoqda. gazeta.uz »
Oktabr oyida aholi o‘rtasida inflyatsiya darajasi 13,2 foizgacha kamaydi, deb xabar bermoqda MB. Ko‘pchilik go‘sht va sut narxining keskin oshganini qayd etdi. Benzin va yoqilg‘i, elektr va gaz, dori-darmon va neft narxlarining sezilarli darajada oshishini ko‘rsatganlarning ulushi ham yuqoriligicha qolmoqda. gazeta.uz »
Markaziy bank asosiy stavkani yillik 13,5 foiz darajasida saqlab qoldi. Regulyator inflyatsiyani oshiruvchi bosimlar saqlanib qolayotganini qayd etdi. Yil yakunida umumiy inflyatsiyaning 9,5 foiz atrofida shakllanishi kutilmoqda. gazeta.uz »
Markaziy bank fuqarolarning onlayn firibgarlikning yangi turidan ogohlantirdi. Odamlarga regulyatorning ramziy belgilari tushirilgan soxta hujjatlar yuborilmoqda. gazeta.uz »
Markaziy bank xalqaro tashkilotlarning yangilangan makroiqtisodiy ko‘rsatkichlari oktabr oyining ikkinchi yarmida e’lon qilinishini kutmoqda. Shu munosabat bilan regulyator asosiy stavkani ko‘rib chiqish uchun yig‘ilishni bir haftaga qoldirishga qaror qildi. gazeta.uz »
UPay to‘lov xizmati qimor o‘yinlari bilan bog‘liq tranzaksiyalar tufayli Markaziy bank cheklovlariga uchradi. Xizmatning bosh kompaniyasi hisoblangan Humans Markaziy bank qaroridan norozi ekanini bildirib, regulyatorning harakatlari qonunga zid ekanligini ta’kidladi. gazeta.uz »
Markaziy bank United Payment Solution to‘lov tashkilotining litsenziyasini qaytarib oldi. Sababi u litsenziya olgan kundan boshlab bir yil davomida faoliyat yuritmagan. gazeta.uz »
Markaziy bank asosiy stavkani 0,5 foiz bandga pasaytirib, yillik 13,5 foiz etib belgiladi. Ushbu qaror inflyatsiyaning kutilayotgan dinamikasi va inflyatsiyani oshiruvchi xatarlarning kamayganini inobatga olib qabul qilindi. gazeta.uz »
O‘zbekiston Markaziy banki tomonidan ilk bor zaxiralarni diversifikatsiya qilish maqsadida xorijiy davlat qimmatli qog‘ozlariga birlamchi investitsiya kiritildi va tegishli portfellar shakllantirildi. gazeta.uz »
Markaziy bank boshqaruvi asosiy stavkani 14 foiz darajasida o‘zgarishsiz qoldirish to‘g‘risida qaror qabul qildi. Regulyator iqtisodiyotda talab va taklif mutanosibligiga erishish bo‘yicha noaniqliklar va inflyatsiyani oshiruvchi kutilmalarning saqlanib qolayotganini qayd etdi. gazeta.uz »
