Italiya parlamenti ayollarni nafrat asosida qasddan o‘ldirish - femitsidni alohida jinoyat deb tan oldi va buning uchun umrbod qamoq jazosi beriladigan bo‘ldi. Ta’kidlanishicha, qonun femitsid sodir etayotganlarning “haqiqiy motivatsiyasi” - ustun bo‘lish va jabrlanuvchini bo‘ysundirish istagini ochib beradi.
Vashington markazida - Oq uydan bir kvartal narida sodir bo‘lgan otishma oqibatida Milliy gvardiyaning 2 xodimi og‘ir yaralandi. Tramp hodisani “terror akti”, gumonlanuvchini esa “hayvon” deb atadi va o‘q uzgan shaxs Afg‘oniston fuqarosi ekanini bildirdi. Vashingtonga yana 500 askar yuborish buyurildi.
Deputatlar Ma’muriy kodeksga o‘zgartirishlarni birinchi o‘qishda ma’qulladi. Ular odometr ko‘rsatkichlarini o‘zgartirganlik uchun javobgarlik, bolalar ishtirokidagi ma’muriy ishlarni ko‘rishda psixolog ishtiroki, maxsus huquqlardan mahrum qilish muddatini qisqartirish va sudyadan voz kechish huquqini nazarda tutadi.
Samarqand viloyatida 17 yoshli o‘smir o‘g‘rilikda ayblanib, ozodligi 1 yil 6 oyga cheklangandi. Biroq probatsiya xizmati sudga ozodlikdan mahrum qilish jazosiga almashtirish to‘g‘risida taqdimnoma kiritgan.
Sardor Rustamboyev O‘zbekistonning Bangladeshdagi yangi elchisi bo‘ldi. U bir vaqtda mamlakatning Hindistondagi elchisi hisoblanadi.
Senat raisi O‘zbekistonda ayollarga nisbatan onlayn zo‘ravonlik ortayotgani, ammo bunday keyslar monitoringida tizimli tahlil yo‘qligini aytdi. “Zo‘ravonlik an’ana, urf-odat degan stereotiplar bilan oqlab kelinadi”, degan Narbayeva raqamli zo‘ravonlikka qarshi milliy strategiya ishlab chiqishni taklif qildi.
25 yildan ortiq qidiruvda bo‘lgan O‘zbekiston fuqarosi mamlakatga olib kelindi. U 1999-yilda chiqib ketib, Afg‘oniston, Pokiston va Suriyadagi xalqaro terroristik tashkilotlarning jangovar harakatlarida ishtirok etganlikda gumonlangan. Erkak noyabr oyida MDHga a’zo davlatlarning birida ushlandi.
Toshkent viloyati hokimi tandirda non pishirish saraton kasalligining oldini olishini aytgandi. Onkolog Yahyo Ziyayev Gazeta’ga izohida tandirda ishlash, aksincha, alohida onkorisklarni oshirishi mumkinligini ta’kidladi va asosiy isbotlangan omillarni sanab o‘tdi.
So‘nggi hafta havo ifloslanishi muammosini tan olish hamda uzoq kutilgan va shoshilinch qarorlar qabul qilish haftasi bo‘ldi. Hozir o‘zimiz - o‘zbekistonliklar o‘rtasidagi munosabatlarda, davlat va jamiyat aloqalarida to‘g‘riso‘zlik va xatolarni tan olish jasorati har qachongidan ham muhim, deb yozadi Sabina Bakayeva.
Gonkongdagi turar joy majmuasida kuchli yong‘in sodir bo‘ldi, kamida 14 kishi, jumladan, o‘t o‘chiruvchi halok bo‘ldi. Yana kamida 15 kishi jarohatlandi. Yong‘in majmuaning 32 qavatli sakkizta binosidan yettitasini qamrab oldi. Ayrimlar ichkarida qolib ketdi.
Sud Ekologiya qo‘mitasining da’vosi bo‘yicha Toshkent viloyatidagi Maxam-Chirchiq kimyo zavodi faoliyatini to‘xtatdi. Tekshiruvlar natijasida chang-gaz tozalash uskunalari samarasiz ishlayotgani, ifloslantiruvchi kimyoviy moddalar ortiqcha chiqarilayotgani va boshqa qonunbuzarliklar aniqlandi.
Markaziy Osiyo davlatlari muhim metallar bo‘yicha qo‘shma markaz yaratish ustida ishlamoqda, dedi geovazir o‘rinbosari Ural Yusupov. “MO-YI” iqtisodiy forumida ekspertlar geoma’lumotlarni to‘plash va boshqarish, tog‘-kon sanoatida jinoyatchilikning oldini olish masalalarini ham muhokama qildi.
Iqtisodiy o‘sishni tezlashtirish uchun Yevropa va Markaziy Osiyo davlatlari zudlik bilan unumdorlikni oshirishi kerak, deyiladi Jahon banki hisobotida. Mintaqada unumdorlikning 10% o‘sishi qariyb 2 mln yangi ish o‘rni yaratish imkonini beradi.
AQShning Ukraina bo‘yicha 28 banddan iborat ilk tinchlik rejasiga Rossiya tomoni yuborgan hujjat asos bo‘lgan, deb yozmoqda Reuters. AQShning ko‘plab rasmiylari Ukraina rejani rad etishiga ishongan.
O‘zbekiston texnologik metallar kombinati va Yevropaning KU Leuven universiteti reniy tuzlari ishlab chiqarishni kengaytirish uchun gidrometallurgiya texnologiyalarini joriy etish bo‘yicha kelishuv imzoladi.
O‘zbekiston texnologik metallar kombinati Samarqand viloyatidagi Sariko‘l konida volfram majmuasini barpo etish ishlarini boshladi. Quvvati - yiliga 1 mln tonna ruda va 4000 tonna konsentrat. Kondan foydalanish muddati taxminan 20 yilga baholanmoqda.
Yangi Namangan tumanida “prava"si bo‘lmagan 18 yoshli haydovchi yo‘ldan o‘tayotgan YHXB xodimini urib ketdi. Navoiy viloyatidan Namanganga davolanish uchun borgan xodim voqea joyida halok bo‘ldi.
O‘zbekistonlik shaxmatchi Javohir Sindarov Hindistonning Goa shahrida bo‘lib o‘tgan Jahon kubogi g‘olibi bo‘ldi. U finalda xitoylik grossmeyster Vey Yini mag‘lub etdi.
Wildberries marketpleysi O‘zbekistonda o‘zining WB Taxi taksi xizmatini yo‘lga qo‘yishni rejalashtirmoqda. Birinchi bosqichda platforma “yopiq klub” formatida ish boshlab, servis kompaniya xodimlari va hamkorlari orasida sinovdan o‘tkaziladi.
Iqlim o‘zgarishi oqibatlari O‘zbekistonda allaqachon sezilmoqda, deyiladi UNEP tomonidan e’lon qilingan yangi ekoatlasda. So‘nggi 60 yil ichida mamlakatda o‘rtacha yillik harorat 1,6 darajaga (dunyodagi o‘rtacha ko‘rsatkichdan uch baravar yuqori) oshdi, bu esa qurg‘oqchilikning tez-tez sodir bo‘lishiga olib kelmoqda.
Poytaxt hokimligi qurilish chiqindilari boshqaruvi sohasida Britaniyaning UKEF agentligi bilan hamkorlik qiladi. Shartnoma 2026-yil 1-choragida imzolanishi kutilmoqda. U qurilish chiqindilari bilan ishlash sohasidagi infratuzilmani xalqaro standartlar bo‘yicha loyihalash, moliyalashtirish va qurishni o‘z ichiga oladi.
2024-yilda 83 ming ayol-qiz qasddan o‘ldirilgan, ularning 60 foizi - 50 ming nafari o‘z yaqinlari qurboni bo‘ldi, deyiladi BMT hisobotida. Bu har 10 daqiqada bir nafar, bir kunda 137 nafar ayol-qiz o‘z yaqini tomonidan o‘ldirilyapti degani.
Toshkentda “Markaziy Osiyo - Yevropa Ittifoqi” uchinchi iqtisodiy forumi o‘tmoqda. Ishtirokchilar muhim xomashyo, yashil energetika va raqamli aloqa sohalarida hamkorlikni muhokama qilmoqda.
Jizzaxda AES qurilishi loyihasi bo‘yicha jamoatchilik eshituvlari 23-dekabr kuni bo‘lib o‘tadi. “O‘zatom” jamoatchilik vakillarini va barcha manfaatdor tomonlarni faol ishtirok etishga taklif qilmoqda.
Toshkentda Raqobatni rivojlantirish va iste’molchilar huquqlarini himoya qilish qo‘mitasi joylashgan 1956-yilda qurilgan bino kimoshdi savdosiga qo‘yildi. Boshlang‘ich bahosi - 58,6 mlrd so‘m. Qo‘mita Yangi Toshkentda yangi bino qurib berilganidan keyin, biroq uch yildan kechikmay, hozirgi binosini bo‘shatishi kerak.
2025/2026 o‘quv yili uchun xorijiy va nodavlat OTMlarga ajratilgan 1320 ta davlat grantidan bo‘sh qolgan o‘rinlar uchun qo‘shimcha tanlov ochildi. To‘lov-kontrakt asosida talabalikka tavsiya etilganlar 25-noyabrdan 4-dekabrgacha ro‘yxatdan o‘tib, 11-dekabrga qadar o‘tkaziladigan test sinovlarida qatnashishi mumkin.
Uyda yakka tartibda o‘qitiladigan o‘quvchilarni, shu jumladan, 1 xil yoshdagi va 1 ta manzildagi 2 va undan ortiq o‘quvchilarni o‘qitganlik uchun maktab o‘qituvchilariga BHMning 1 baravari miqdorida oylik yo‘l kompensatsiyasi to‘lanadi.
Toshkent viloyati hokimligining boshqarma bosh mutaxassisi sheriklari bilan fuqarodan 7,3 mln dollar talab qilgani aniqlandi. Ular pulni 8,5 gektar yerni fuqaroga sotish va nomiga rasmiylashtirib berish evaziga so‘ragan, biroq 160 ming dollarni olgan vaqtlarida ashyoviy dalillar bilan qo‘lga olingan.
Sud qarori bilan Navoiy shahridagi atmosferaga salbiy ta’sir ko‘rsatuvchi korxona va sexlar jarimaga tortilib, faoliyati vaqtincha to‘xtatildi. Aniqlangan holatlar yuzasidan “Navoiyazot”ga 2,5 mlrd so‘m, Sogda Kimyo Zavod`ga 7 mlrd so‘m miqdorda kompensatsiya qo‘llanilgani ma’lum qilindi.
Sud qarori bilan Navoiy shahridagi atmosferaga salbiy ta’sir ko‘rsatuvchi korxona va sexlar jarimaga tortilib, faoliyati vaqtincha to‘xtatildi. Aniqlangan holatlar yuzasidan “Navoiyazot”ga 2,5 mlrd so‘m, Sogda Kimyo Zavod`ga 7 mlrd so‘m miqdorda kompensatsiya qo‘llangani ma’lum qilindi.
2026-yil 1-apreldan kartoshka chipslari uchun kilogrammiga 15 ming so‘m miqdorda aksiz solig‘ini joriy etilishi mumkin. Bu taklif Iqtisodiyot vazirligi tomonidan JSST va SSV tavsiyalari asosida ishlab chiqilgan.
FIFA 2026-yilda bo‘lib o‘tadigan Jahon chempionati qur’asi savatlarini e’lon qildi. Unga ko‘ra, O‘zbekiston milliy jamoasi 3-savatdan o‘rin oldi.
Urgut tumanida turistik-rekreatsion zona direksiyasini tashkil etish orqali 35 ming aholini band qilish rejalashtirilmoqda. Zarafshon tog‘ tizmasidagi “Qortog‘” zonasida 600 gektarlik turizm zonasi, “Qoratepa” suv ombori atrofida kemping va kapsula uylar tashkil etish ko‘zda tutilgan.
Prezident sanoatda eksport ulushi pastligi sabab Samarqanddagi tarmoq rahbarlari va hokimlarni tanqid qildi. Yil oxirigacha Mozori-Sharifda Tovar-xomashyo birjasi filiali ochib, Afg‘onistonga 100 turdagi mahalliy tovarlar eksportini yo‘lga qo‘yish, 2026-yilda Iroq bilan biznes forumi o‘tkazish rejalashtirilgan.
Toshkent shahri ma’muriyati changlanishni kamaytirish va havo sifatini yaxshilash uchun “poytaxt sharoitiga moslashtirilayotgan innovatsion vositalardan biri” - suvni uzoq masofaga purkovchi dispersiya qurilmasini sinovdan o‘tkazmoqda.
Samarqand viloyatini rivojlantirish uchun tuman hokimlari samarasiz tuzilmalarni bartaraf etishi, xorijdan zamonaviy menejer va mutaxassislarni jalb etishi zarur, dedi prezident. Bu hududda yangi boshqaruv yondashuvining bir qismiga aylanadi.
IMV 2026-yil uchun soliq siyosati loyihasini taqdim etdi: asosiy stavkalar o‘zgarmaydi, alkogol, tamaki va shakarli ichimliklarga aksiz ko‘tariladi, chipslarga soliq joriy etiladi, marketpleyslar stavkalari oshadi.
Ekologiya qo‘mitasi va IIO xodimlari Yangiyo‘l tumanida o‘tkazgan atmosferani ifloslantirishga qarshi reyd davomida o‘tin yoqib pista-ko‘mir ishlab chiqaruvchi tadbirkorning 8 ta bochkasi aniqlandi. Bochkalar buzib tashlandi.
Nima sababdan qishda Toshkentda smog kuchayadi, harorat inversiyasi o‘zi nima, boshqa megapolislar havosi nima uchun tozaroq, bunda shamolning roli qanday va niqoblar himoya qiladimi? Gazeta GMITI olimi Baxtiyor Qodirov bilan havo sifatiga ta’sir etuvchi asosiy tabiiy va shahar omillarini tahlil qiladi.
25-noyabrga o‘tar kechasi Toshkent shahri va viloyatida havoni ifloslantiruvchi manbalarni aniqlash bo‘yicha reydlar o‘tkazildi. Tozalash tizimisiz issiqxonalar, shinalarni yoqish holatlari, oziq-ovqat sohasida qonunbuzarliklar aniqlandi.
Bungacha Buxoro viloyati hokimi birinchi o‘rinbosari, Vobkent tumani hokimi lavozimlarida ishlagan Farhod Umarov G‘ijduvon tumani hokimi etib tayinlandi.
Prezident mutasaddilarga Urgut tumanida kelasi yil kambag‘allik va ishsizlikni 2 foizdan tushirish vazifasini topshirdi. Uning aytishicha, hududdagi korxonalarning aksariyati mavjud quvvatidan to‘liq foydalanmayapti.
Buvayda tumani hokimi o‘rinbosari Saidali Xidirov daraxt kesilishining oldini olishga uringan ekologiya inspektoriga kuch ishlatgani uchun ishdan olingandi. Prokuratura u va boshqalarga nisbatan 3 ta modda bo‘yicha jinoyat ishi qo‘zg‘atdi.
Oqdaryo, Payariq, Pastdarg‘om, Toyloq va Samarqand tumanidagi 17,5 ming gektar hudud Samarqand shahriga qo‘shib beriladi. Shaharning 3 ta massivida 700 dan ortiq ko‘p qavatli uylar barpo etiladi.
Prezident Shavkat Mirziyoyev Samarqandda Samarqand - Urgut temiryo‘l liniyasi qurilishi bilan tanishdi. Uning umumiy uzunligi 55 km bo‘lib, yo‘l to‘liq elektrlashtirilishi rejalashtirilgan. Loyiha yil oxiriga yakunlanishi kutilmoqda.
Samarqand viloyati hokimi vazifasini bajaruvchi sifatida ishlab kelayotgan Adiz Boboyev viloyat hokimi lavozimiga tasdiqlandi.
Buvayda tumani hokimi o‘rinbosari Saidali Xidirov ekologiya inspektoriga kuch ishlatdi. Inspektor daraxt kesayotgan shaxsga qarshilik ko‘rsatib, uning qo‘lidan arrani tortib olgan. Voqea joyida bo‘lgan hokim o‘rinbosari esa xodimga jismoniy kuch ishlatib, chetga olib ketgan. Xidirov voqea ortidan ishdan olindi.
Urgut tumanida 90 gektar qo‘shimcha joy ajratib, 100 ming aholiga mo‘ljallangan zamonaviy eko shahar quriladi. Yangi shaharda yo‘l, suv, kanalizatsiya, elektr, maktab, bog‘cha, shifoxona va boshqa infratuzilma obyektlarini qurish, tadbirkorlik loyihalari uchun 50 million dollar ajratiladi.
Mark Rizning “O‘tkan kunlar” asari tarjimasi ruxsatsiz elektron shaklda tarqatilgani haqidagi murojaatidan so‘ng o‘tkazilgan o‘rganishda O‘zDJTU xodimi mualliflik huquqini buzgani aniqlandi. Sud uni 2 mln so‘m jarimaga tortdi, kitobning noqonuniy elektron nusxasi esa tizimdan o‘chirildi.
Shu hafta Toshkentda Yevropa Ittifoqi iqtisodiy forumi va Transkaspiy yo‘lagi investorlari forumi bo‘lib o‘tadi. Tadbirlar YIning Global Gateway strategiyasi doirasida o‘tkaziladi. Gazeta bu qanday strategiya ekani, u O‘zbekiston uchun nimasi bilan muhimligi va hamkorlik yo‘nalishlari haqida hikoya qiladi.
2025-yilning birinchi choragida O‘zbekiston aholisining real daromadlari 7,6 foizga o‘sdi, bu o‘tgan yilning birinchi choragidagi ko‘rsatkichdan pastroq. Shu bilan birga, xorijdan pul o‘tkazmalarining umumiy daromadlardagi ulushi 15,8 foizdan 19,5 foizgacha oshdi.
Donald Tramp ma’muriyati Xitoydan AQShga 800 dollargacha bo‘lgan tovarlarni bojsiz olib kirish imkonini beruvchi de minimis qoidasini bekor qildi. Amerika OAVning ta’kidlashicha, bunday o‘zgarishlardan kam daromadli uy xo‘jaliklari eng ko‘p zarar ko‘radi.
Prezident Xorazmdagi Damas ishlab chiqaradigan zavod bilan bog‘liq “katta yangilik”ni ma’lum qildi. Zavod 100 mln dollar hisobiga 7 o‘rindiqli Yevro-5 standartidagi yangi avtomobillarni ishlab chiqarishni boshlaydi.
Aprel oyida O‘zbekistonda inflyatsiya 0,7% ni tashkil etdi, bu o‘tgan yilning apreliga nisbatan past. Yillik inflyatsiya ham 10,1% gacha sekinlashdi. Go‘sht, yog‘, aviachiptalar, uyali aloqa xizmatlari narxlari o‘sishda davom etmoqda.
30-aprel kungi birja savdolari yakunlariga ko‘ra, O‘zbekistonda propanning bir tonnasi 6,4 mln so‘mgacha qimmatlashdi. Oxirgi sakkiz kun ichida yoqilg‘i narxi 21,4% oshdi. Bu metan narxi o‘sishi arafasida sodir bo‘ldi.
AQSh rasmiylari Shavkat Mirziyoyevga O‘zbekiston, Qozog‘iston va Qirg‘izistonning 131 nafar fuqarosini deportatsiya qilish bo‘yicha operatsiyani tashkil etgani va moliyalashtirgani uchun minnatdorlik bildirdi.
Ukrainaning “Yashashni istayman” loyihasi urushda ishtirok etish uchun Rossiya Qurolli kuchlari bilan shartnoma imzolagan 1110 nafar O‘zbekiston fuqarosining ismini oshkor qildi. Ulardan kamida 109 nafari halok bo‘lgan, eng kichigi 21 yoshga ham to‘lmagan. O‘zbekiston qonunchiligida bunday yollanishlar taqiqlangan.
Senat O‘zbekistonda elektron sigaretalar importi va muomalasini taqiqlash ko‘zda tutilgan qonunni ma’qulladi. Unga ko‘ra, bunday harakatlar uchun ma’muriy va jinoiy javobgarlik belgilanadi. Og‘irlashtiruvchi holatlarda ayblanuvchi 12 yilgacha ozodlikdan mahrum qilinishi mumkin.
Toshkentda ko‘chmas mulkni bozor narxida baholash imkonini beradigan ommaviy baholash tizimi joriy etilmoqda. Bu bozor va kadastr qiymatlari o‘rtasidagi farqni qisqartiradi. Yangicha tizim bosqichma-bosqich butun mamlakat bo‘ylab joriy qilinadi.
O‘zbekistonda korrupsiyaga qarshi kurashish, advokatlarni himoya qilish va davlat xizmatini isloh qilish bo‘yicha qonun loyihalarini ishlab chiqish topshirildi. Bo‘lajak vazirlar va hokimlarga ularning nomzodlari ko‘rib chiqilayotganda korrupsiyaga qarshi kurash rejasini taqdim etish majburiy qilish rejalashtirilmoqda.
O‘zbekistonda yilning dastlabki uch oyida 173 nafar shaxs YTH sodir etgani sababli ozodlikdan mahrum qilindi. Yana 700 nafardan ortiq shaxsga qamoq bilan bog‘liq bo‘lmagan jazo tayinlandi.
O‘zbekistonda dam olish kunlari havo biroz bulutli bo‘ladi, lekin yog‘ingarchilik kutilmaydi. Harorat +27…+30, ayrim joylarda +36…+39 darajagacha ko‘tariladi.
AQShning O‘zbekistondagi elchisi Jonatan Henik Vashington va Toshkent o‘rtasidagi munosabatlarning bugungi holati va Donald Tramp ma’muriyatining mamlakatdagi ustuvor yo‘nalishlari haqida gapirdi. Elchining asosiy iqtiboslari - “Gazeta.uz” maqolasida.
24-apreldan my. gov. uz portalida yangi avtomashinani ro‘yxatdan o‘tkazish uchun onlayn ariza berish imkoniyati paydo bo‘ldi. Xizmat hozircha YHXXning Toshkent shahridagi faqat bitta bo‘limida mavjud.
23-aprel kuni Istanbulda O‘zbekiston fuqarosi yurak yetishmovchiligi oqibatida vafot etdi. Uning o‘limiga zilzila vaqtidagi kuchli qo‘rquv sabab bo‘lgani aytilmoqda.
HAMAS G‘azodagi vaziyatni o‘nglash bo‘yicha Misr va Qatarning taklifiga rozi bo‘ldi. U o‘t ochishni butunlay to‘xtatish va garovga olingan 50 nafar isroillikning taxminan yarmini ozod qilishni, evaziga qamoqdagi 200 nafar falastinlik mahbus ozod qilinishini o‘z ichiga oladi. Isroil guruhning javobini o‘rganmoqda.
Xalqaro ekspertlar chet elda 90 kundan ortiq bo‘lgan fuqarolar uchun majburiy OIV testlari samarali bo‘lmasligini va hatto vaziyatni yomonlashtirishini ta’kidladi. Ularning fikricha, kamsitilish qo‘rquvi tufayli odamlar o‘z OIV maqomini yashirishga yoki testdan o‘tishdan bosh tortishga urinishlari mumkin.
Xalqaro valyuta jamg‘armasi ma’lumotlariga ko‘ra, Qozog‘iston aholi jon boshiga yalpi ichki mahsulot hajmi bo‘yicha Rossiyani ortda qoldirdi. Ko‘rsatkich Qozog‘istonda 14,77 ming dollarni tashkil etgan bo‘lsa, Rossiyada 14,26 ming dollar bo‘lib turibdi.
O‘zbekistonda batareyka, transport vositalari, moylash materiallari, qadoqlar, shinalar va shisha mahsulotlari uchun ekologik yig‘im joriy etiladi.
Xalqaro sertifikatga ega bo‘lmagan xorijiy tillar o‘qituvchilari bilan tuzilgan mehnat shartnomalarini bekor qilish yuzasidan rasmiy ko‘rsatma berilmagan, deya ma’lum qildi vazirlik. Avvalroq Kasaba uyushmasi til sertifikatiga ega bo‘lmagan xorijiy tillar o‘qituvchilarini ishdan bo‘shatmaslikni so‘ragan edi.
O‘zbekistonlik turli kasb egalarini viloyatlardagi davlat maktablarida o‘quvchilar bilan ishlash uchun tayyorlovchi Teach For Uzbekistan loyihasining ikkinchi mavsumi boshlandi. Gazeta dastur direktori va o‘tgan yilgi tanlov g‘olibi bilan dastlabki natijalar va ta’limga yondashuvning o‘zgarishi haqida suhbatlashdi.
Toshkent shahrida soat 22:00 dan 06:00 gacha harakatlanadigan, qizil rangdagi avtobuslar yo‘lga qo‘yilishi mumkin. Ular 15 ta yo‘nalishda aeroport, vokzal va turizm ko‘chalar bo‘ylab harakatlanadi. Bu uchun mahalliy budjetidan 33 mlrd so‘m talab qilinadi.
Toshkentda tirbandlikni kamaytirish uchun maktab avtobuslarini ishga tushirish taklif qilindi. Biroq YHXB boshlig‘i o‘rinbosari Elmurod Alimovning aytishicha, shahar maktablariga o‘quvchilarning nafaqat poytaxtning turli tumanlari, balki viloyatdan ham kelishi loyihani amalga oshirishni qiyinlashtiradi.
O‘zbekistonda 2030-yil oxirigacha YTT va o‘zini o‘zi band qilgan shaxslarga to‘lov tashkilotlari platformalari orqali xizmat ko‘rsatish imkonini beruvchi maxsus rejim joriy etiladi. Platformalarda bank hisobvarag‘iga teng bo‘lgan elektron hamyon ochiladi.
Bukmekerlik kompaniyasi brendidan foydalanib onlayn kontent tarqatgan ikki bloger ma’muriy javobgarlikka tortildi.