2020-yildan beri maishiy gaz ballonidan noto‘g‘ri foydalanish tufayli O‘zbekistonda 83 ta baxtsiz hodisa kuzatildi: bunda 31 kishi halok bo‘lgan, 129 kishi jarohatlangan. “Hududgazta’minot”ga ko‘ra, hozirda Norin tumanida gaz ballonlarini maxsus temir qutilar ichiga o‘rnatish bo‘yicha pilot loyiha boshlangan.
Qozog‘iston prezidenti o‘zbekistonlik hamkasbiga o‘z “mamlakati delegatsiyasiga ko‘rsatilgan iliq mehmondo‘stlik uchun” minnatdorlik maktubini yo‘lladi. Toqayev “strategik munosabatlarni mustahkamlashga kuchli turtki bergan tarixiy ahamiyatga ega tashrif”ni amalga oshirganini qayd etdi.
O‘zbekistonda mahalliy paxta navlarini yaratishni jadallashtirish, agrodronlardan foydalanishni kengaytirish, agrosohaga raqamli texnologiyalarni joriy etish rejalashtirilmoqda. Yangi choralar hosildorlikni oshirishi va urug‘ importiga qaramlikni kamaytirishi kerak.
2024-yil uchun O‘zbekiston iqtisodiyoti hajmi qayta hisoblanib, $115 mlrddan $121,4 mlrdgacha oshirildi. O‘sish metodologik o‘zgarishlar va hisobotlarni aniqlashtirish bilan bog‘liq. YAIM hisob-kitoblariga budjetdan tashqari jamg‘armalar xarajatlari, yangi xizmatlar va soliq organlari ma’lumotlari kiritildi.
Bangladesh Xalqaro jinoiy tribunali sobiq bosh vazir Shayx Hasinani 2024-yilda namoyishlarni shafqatsizlarcha bostirish bilan bog‘liq insoniyatga qarshi jinoyatlar sodir etgani uchun sirtdan o‘limga hukm qildi. Hasina hozirda Hindistonda bo‘lib turibdi.
Markaziy Osiyo davlatlari rahbarlarining Maslahat uchrashuvi ilk bor Ozarbayjon bilan to‘laqonli ishtirokchi sifatida o‘tkazildi. Yetakchilar savdo, transport bog‘liqligi, energetika va raqamli integratsiyani yaxshilash bo‘yicha takliflarni ilgari surdi. Chiqishlardan asosiy qismlar - Gazeta obzorida.
AQSh va O‘zbekiston o‘rtasidagi 5 mlrd dollarlik kelishuv nafaqat avtokomponentlar yetkazib berish, balki mamlakat avtomobilsozlik sanoatini har tomonlama rivojlantirishga ham taalluqli, deb xabar berdi UzAuto Motors Gazeta’ga.
Qozog‘iston sudi 23 yoshli Yana Legkodimovaga nisbatan shov-shuvli qotillik ishi bo‘yicha hukm chiqardi. Ishda ayblanuvchilar begona emas - Yana bilan munosabatda bo‘lgan Rizuan Xayrjanov va uning do‘sti Altinbek Katimov. Ular umrbod qamoq jazosiga hukm qilindi.
18-noyabr kuni Toshkentda O‘zbekiston bayrog‘ining 34 yilligi munosabati bilan harbiylarning namoyishkorona piyoda yurishlari bo‘lib o‘tadi. Harbiy bo‘linmalarining piyoda yurishlari “G‘alaba bog‘i”dan “Xalqlar do‘stligi” saroyigacha bo‘lib o‘tadi.
Muzokaralardan so‘ng Shavkat Mirziyoyev va Serdar Berdimuhamedov Qo‘shma bayonot imzoladilar. Bundan tashqari ikki davlat o‘rtasida chegaraoldi savdo zonasi faoliyati to‘g‘risida, temir yo‘l vagonlarini yetkazib berish va boshqa sohalar bo‘yicha bitim hamda shartnomalar imzolandi.
Shavkat Mirziyoyev Turkmaniston prezidenti Serdar Berdimuhamedovga “Oliy darajali do‘stlik” ordenini topshirdi. “Siz otangiz, turkman xalqining milliy yetakchisi Gurbanguli Berdimuhamedovning ishini munosib davom ettirmoqdasiz”, - dedi Shavkat Mirziyoyev orden topshirish marosimida.
O‘zbekiston va Turkmaniston prezidentlari Toshkentdagi uchrashuvda “Shovot-Toshhovuz” chegaraoldi savdo zonasini masofadan turib ishga tushirdi. Shunday hududlarni boshqa tumanlarda ham ochish reja qilinyapti.
Samarqandda Damas va Onix to‘qnashib ketdi. Oqibatda Damas’ning ikki nafar yo‘lovchisi shifoxonaga yetkazildi, ulardan biri vafot etdi.
Prezident maslahatchisi Abdulaziz Kamilov Ozarbayjon Maslahat uchrashuvi formatiga rasman qo‘shilgandan so‘ng Markaziy Osiyo va Janubiy Kavkaz bitta geosiyosiy mintaqaga aylanganini ta’kidladi. Shuningdek, u BMT bosh kotibi bu format boshqa mintaqalar uchun namuna bo‘lishini aytganini ma’lum qildi.
Farg‘ona viloyatida Janubiy Koreyaning Hansae Mobility kompaniyasi tomonidan avtomobil ehtiyot qismlari ishlab chiqariladi. Loyihaga 30 mln dollar sarmoya yo‘naltirilib, 200 dan ziyod ish o‘rni yaratish ko‘zda tutilgan.
1-yanvardan boshlab yakka tartibdagi tadbirkorlarga firma nomiga ega bo‘lishga ruxsat beriladi. Litsenziyalash, ruxsat berish va xabardor qilish sohasidagi huquqbuzarliklarni sodir etganlik uchun yuridik shaxslarga jarima qo‘llanilganda, ularning mansabdor shaxslarini javobgarlikka tortish tartibi bekor qilinadi.
Yakshanbaning ikkinchi yarmida Toshkentda havo sifati yana keskin pasaya boshladi. O‘zgidromet soat 20:00 holatiga ko‘ra, kunlik PM2,5 ko‘rsatkichi me’yordan 3,4 barobarga oshganini ma’lum qildi. Aholi kuyindi hidini sezdi.
Korrupsiyaga qarshi kurashish agentligi SurxondaryoQurilishInvest buyurtmasi asosida o‘tkazilgan 38,5 mlrd so‘mlik tender jarayonida qonun buzilishi holatini aniqlab, xaridni bekor qildi. Aytilishicha, tender ishtirokchilaridan birining soliq hisobvarag‘iga soliqdan qarzdorlik haqida soxta ma’lumot kiritilgan.
Shavkat Mirziyoyev Ozarbayjonning Markaziy Osiyo davlatlari rahbarlari Maslahat uchrashuvlari formatiga a’zo bo‘lishi hamkorlikning yangi bosqichini boshlab berishini ta’kidladi. U, shuningdek, uchrashuvlar formatini “Markaziy Osiyo hamjamiyati” strategik platformasiga aylantirish haqida gapirdi.
Ozarbayjon endi Markaziy Osiyo davlatlari rahbarlarining Maslahat uchrashuvida faxriy mehmon emas, balki to‘la huquqli a’zo sifatida ishtirok etadi. Bu bo‘yicha yetakchilar tomonidan prinsipial qaror qabul qilindi, deya e’lon qildi Shavkat Mirziyoyev. Format “Markaziy Osiyo va Ozarbayjon” nomini oladi.
Turkmaniston prezidenti Serdar Berdimuhamedov davlat tashrifi bilan Toshkentga keldi. Uni Shavkat Mirziyoyevning o‘zi “Toshkent-Humo” xalqaro aeroportida kutib oldi, u yerda mehmonni rasmiy kutib olish marosimi ham o‘tkazildi. Asosiy tadbirlar 17-noyabrga reja qilingan. Foto, video.
O‘zbekistonlik futbolchilar 17 yoshgacha bo‘lgan futbolchilar o‘rtasidagi Jahon chempionatining 1/16 finalida Xorvatiya ustidan g‘alaba qozondi. Uchrashuv taqdirini penaltilar seriyasi hal qildi. Keyingi raqib Italiya bo‘ladi.
Qozog‘iston prezidentining O‘zbekistonga bu galgi tashrifi ko‘p qirrali hamkorlikni kengaytirishda muhim bosqichni boshlab berdi, dedi Shavkat Mirziyoyev. Qozog‘iston va O‘zbekiston raqib yoki raqobatchi emas, balki taraqqiyot yo‘lida birgalikda borayotgan ishonchli ittifoqchilardir, dedi Qasim-Jomart Toqayev.
Murad Buildings kompaniyasining NRG developeridagi ulushi Qozog‘istonning BI Group kompaniyasiga o‘tadi. NRG BI Group boshqaruv jamoasi bilan NRG-BI brendi ostida ishlashda davom etadi. Qayd etilishicha, Murad Buildings o‘z loyihalarini rivojlantirishga e’tibor qaratadi. Bitim summasi va shartlari ochiqlanmaydi.
Toshkentga kelgan Markaziy Osiyo davlatlari va Ozarbayjon prezidentlari Shavkat Mirziyoyev bilan birga Islom sivilizatsiyasi markaziga tashrif buyurdi. Ular ekspozitsiya bilan tanishib, O‘zbekiston ta’sis etgan birinchi xalqaro mukofot - “Kelajak merosi” sovrindorlarini taqdirlash marosimida ishtirok etdi.
Shavkat Mirziyoyev Markaziy Osiyo davlatlari rahbarlarining yettinchi Maslahat uchrashuvida ishtirok etish uchun O‘zbekistonga kelgan Ozarbayjon prezidenti Ilhom Aliyev bilan uchrashuv o‘tkazdi.
Toshkent viloyati hokimligi “Yagona buyurtmachi xizmati” bosh yuriskonsulti prokuratura kamomad aniqlagan korxona mansabdorlaridan taftish tekshiruvi natijalarini ijobiy hal qilib berish evaziga firibgarlik bilan 8400 dollar talab qilgani aytilmoqda. U DXX xodimlari tomonidan qo‘lgan olingan.
Qasim-Jomart Toqayevning O‘zbekistonga davlat tashrifida ikki davlat o‘rtasida qator hujjatlar imzolandi. Bojxona xizmati vakolatxonalarini ochish, qo‘shma harbiy o‘quvlarni o‘tkazish, qo‘shma investitsiya platformasini yaratish va tog‘-kon sanoatida hamkorlikni rivojlantirish to‘g‘risidagi bitimlar shular jumlasidan.
Muzokaralar yakunida Shavkat Mirziyoyev va Qasim-Jomart Toqayev ommaviy axborot vositalari vakillari uchun bayonot berdi. “Markaziy Osiyo butun dunyoga do‘stlik va hamkorlik mintaqasi sifatida tanildi.
Shavkat Mirziyoyev Qasim-Jomart Toqayevni O‘zbekistonning oliy davlat mukofoti - “Oliy Darajali Do‘stlik” ordeni bilan mukofotladi.
Shavkat Mirziyoyev Qasim-Jomart Toqayevni O‘zbekistonning oliy davlat mukofoti - “Oliy Darajali Do‘stlik” ordeni bilan mukofotladi.
Yangi Toshkentda “Ostona” mavzesi hamda Qozog‘iston va O‘zbekiston poytaxtlarida “Toshkent” va “Ostona” mehmonxonalari qurilandi. Shuningdek, Xalqaro sanoat kooperatsiyasi markazi va “Tenge Bank”ning Toshkentdagi yangi bosh ofisi ishga tushirildi.
Shavkat Mirziyoyev va Qozog‘iston prezidenti Qasim-Jomart Toqayev o‘rtasida tor va kengaytirilgan doiradagi muzokaralar bo‘lib o‘tdi. Unda qo‘shma investitsiya platformasini ishga tushirish taklif etildi.
Sirdaryoda soliq boshqarmasining bosh inspektori tadbirkor qarzdorligini kamaytirib berish evaziga 1500 dollar olayotganda qo‘lga olindi. Andijonda soliq xodimi korxonadan taqiqni olib tashlash evaziga 500 dollar talab qilgan.
JCHga tayyorgarlik doirasida O‘zbekiston milliy futbol terma jamoasi Misrni 2:0 hisobida mag‘lub etib, BAAdagi Al Ain Cup finaliga chiqdi. Gazeta sharhlovchisi Dmitriy Povarovning fikricha, yarim himoyachi Oston Urunovning o‘yini joriy mavsumda milliy futbolimizning eng yaxshi namunalaridan biri bo‘ldi.
Gazeta va Uklon’ning hamkorlikdagi “Otameros” loyihasi bugungacha yetib kelgan, ammo zamon taraqqiyoti bilan ahamiyatini yo‘qotib borayotgan kasblar va taqdiri shu kasblarga tutash o‘z ishining ustalariga bag‘ishlanadi.
O‘zbekiston terma jamoasi Oston O‘runovning dubli evaziga Misrni mag‘lub etdi va Dubaydagi o‘rtoqlik turniri finaliga yo‘l oldi. Gazeta fotomuxbiri Yevgeniy Sorochin o‘yindan reportaj tayyorladi.
“Ko‘rgim kelar”, “Umrimning ertagi”, “Baxt o‘zi nimadir?”, “Yaxshi odamlar” singari ko‘plab mashhur qo‘shiqlar kuychisi Nasiba Abdullayeva 15-noyabr kuni 64 yoshni qarshiladi. Sana munosabati bilan Gazeta O‘zbekiston xalq artistining repertuari asosida test tayyorladi.
Belgiya “katta strategik imkoniyatlarga ega Markaziy Osiyoda o‘zini kuchliroq namoyon qilish” niyatida va 2026−2027-yillarda Toshkentda o‘z elchixonasini ochmoqchi. Belgiya, umuman, 20 ga yaqin diplomatik missiyasini mustahkamlash, 5 ta yangi elchixona ochish va 8 ta vakolatxonani yopishga qaror qildi.
FIFA kunlari doirasida Dubayda o‘tayotgan Al Ain International Cup xalqaro o‘rtoqlik turnirida O‘zbekiston terma jamoasi Misrni 0:2 hisobida yengdi, har ikki golga Oston O‘runov mualliflik qildi. Endi jamoa 18-noyabr kuni finalda Eronga qarshi o‘ynaydi (foto, video).
Jizzax viloyatidagi YPX maskanida sanitariya qoidalariga zid ravishda Toshkentga sotish uchun olib ketilayotgan 2 tonna go‘sht ekspertizadan o‘tkazildi. Natijada 677 kg go‘sht iste’molga yaroqsiz ekani aniqlanib, yo‘q qilindi.
Adliya vazirligi “Yangi O‘zbekiston manzaralari”, “Buyuk allomalar” va “Zamon qahramonlari” kabi turkum ijodiy asarlar uchun davlat buyurtmasi tartibini tasdiqladi. Nizomga ko‘ra, loyihalar har yili ochiq tanlov asosida qabul qilinadi va mualliflarga haq to‘lanadi.
Eron so‘nggi o‘n yilliklardagi eng jiddiy suv inqirozini boshdan kechirmoqda. Tehronda suv ta’minoti cheklana boshlandi, rasmiylar yaqin orada yomg‘ir yog‘masa, shahar aholisini evakuatsiya qilishlari mumkinligidan ogohlantirmoqda.
O‘zbekiston davlat banklarini xususiylashtirishning yanada manzilli modeliga o‘tmoqda, deydi Fitch Ratings. “O‘zsanoatqurilishbank” sotuvga eng tayyor bankdir va boshqa davlat banklari uchun transformatsiya bo‘yicha namuna bo‘lishi ehtimoli bor.
Shavkat Mirziyoyev davlat tashrifi bilan O‘zbekistonga kelgan Qasim-Jomart Toqayevni kutib oldi. Ular “Toshkent-Humo” xalqaro aeroportida suhbat o‘tkazdi. Avval bu aeroport “Toshkent-Sharqiy” nomi bilan atalib kelingandi.
O‘zbekiston hukumati davlat va xususiy tibbiyot muassasalarida davlat budjeti mablag‘lari hisobidan tibbiy yordam ko‘rsatish qoidalarini tasdiqladi. 2026-yildan kuchga kiradigan hujjat QR kodli elektron yo‘llanmalar, kasalxonaga yotqizishning yangi qoidalari, tibbiy komissiyalar ishi va boshqalarni joriy etadi.
Noyabrda kinosevarlar katta ekranlar tomon borishi uchun sabablar yetarlicha. Bu oy “Ustasi faranglar” filmining uchinchi qismi tomoshabinlarga taqdim etildi. “Yovuz” va “Hayvonlar shahri” oilaviy filmlari sikveli namoyish etilishi kutilmoqda.
Toshkent shahri “Janubiy vokzal” bekatidan Toshkent viloyati “Niyozboshi mahallasi” bekatigacha harakatlanadigan 194-sonli avtobus yo‘nalishi 15-noyabrdan ishga tushadi. Yo‘nalishda Mercedes-Benz LF avtobuslari xizmat ko‘rsatadi.
Markaziy Osiyoda Made in Central Asia brendi ostida qo‘shma ishlab chiqarish maydonlari tashkil etilishi mumkin. Mintaqa savdo va investitsiya vazirlari, shuningdek, tovar ayirboshlash hajmini 20 milliard dollarga yetkazish bo‘yicha mexanizmlarni yaratishni kelishib oldi.
Qozog‘iston bilan chegarada temiryo‘l tugunlarini modernizatsiya qilish, shuningdek, aylanma yo‘nalishlarni barpo etish rejalashtirilmoqda. Bu orqali vodiydan kelayotgan yuk poyezdlari Toshkent hududini chetlab o‘tishi mumkin bo‘ladi, dedi transport vaziri Ilhom Mahkamov.
Bo‘stonliq tumani Chimyon dam olish hududida hajmi 750 metr kub bo‘lgan qor ko‘chkisi tushgan. Hodisa oqibatida hech kim jarohatlanmagan.
Parlamentlararo ittifoq assambleyasida nutq so‘zlagan prezident, AQSh bojlari tufayli fond bozorlaridagi qulash, O‘zbekistonga kirib kelgan Yandex Uzbekistan Market, jahon chempionatiga yo‘llanma olgan U-17 futbol jamoasi va boshqalar - “Gazeta.uz"ning kunlik dayjestida.
Martda O‘zbekiston oltin-valyuta zaxiralari oltin narxining oshishi fonida yana $2,91 milliardga ko‘payib, yangi tarixiy maksimalga yetdi - $47,8 mlrd. Markaziy bank yana 11,8 tonna qimmatbaho metallni jahon bozorida qulay narxlarda sotdi.
AQSh tomonidan butun dunyodan keluvchi tovarlar importiga katta bojlar joriy etilishi fonida jahon fond bozorlari shiddat bilan pasayishda davom etmoqda. MSCI Asia Pacific Index 7,8% ga tushib ketdi, bu 2008-yildan beri eng sezilarli pasayish bo‘ldi.
Raqobat qo‘mitasi to‘xtash joylari va avtoturargohlarda noqonuniy to‘lov talab qilish holatlari bo‘yicha 1159 raqamiga murojaat qilishga chaqirdi. Ularning maxsus ruxsatnomasiz to‘lov undirishi qonunga zid hisoblanadi.
Markaziy bank to‘lov xizmatlarida pul o‘tkazmalari ustidan nazoratni kuchaytirish bo‘yicha xabarlarga izoh berdi. Endi BHMning 30 baravaridan oshsa, pul o‘tkazmasi bo‘yicha ma’lumot jo‘natuvchining ma’lumotlari bilan birga yuborilishi kerak.
Raqobat qo‘mitasi eksklyuziv huquqlarga ega 67 ta kompaniya reyestrini e’lon qildi. Biroq ro‘yxatda ayrim kompaniyalar, jumladan, UzIMEI tizimi operatori yo‘q. Qo‘mitaning tushuntirishicha, huquqlari maxfiy tarzda berilganlar uchun alohida ro‘yxat tuzilgan - uni e’lon qilish noqonuniy.
AQSh bojlarida O‘zbekiston qiyosiy ustunlikka ega tarmoqlarning rivojlanishiga imkoniyatni ko‘rish mumkin, dedi prezidentning JST bo‘yicha maxsus vakili Azizbek Urunov. Uning so‘zlariga ko‘ra, to‘qimachilik va tikuvchilik sanoati yangi investitsiyalarni jalb qilishi va eksportni kengaytirishi mumkin.
4-aprel soat 11:00 dan 18:00 gacha Uchtepa, Chilonzor, Olmazor va Shayxontohur tumanlarining ba’zi hududlarida gaz yetkazib berish to‘xtatiladi. Ta’mirlash ishlari tugatilgandan so‘ng, tabiiy gaz ta’minoti qayta tiklanadi.
O‘zbekiston elchixonasi ko‘magida Ozarbayjonda insultga chalingan va noqonuniy yashab kelgan fuqaro o‘g‘li bilan birga Toshkentga qaytarildi. Bemorda zarur hujjatlar bo‘lmagani sababli shifoxonaga yotqizishda muammolar kelib chiqqan.
Parlamentlararo ittifoq assambleyasining 150-sessiyasi o‘tkazilishi munosabati bilan 4−9-aprel kunlari Toshkentning markaziy ko‘chalari bo‘ylab yuk mashinalarining harakati to‘liq cheklanadi.
Aprel - iqlimni his qilish nuqtai nazaridan yilning eng yoqimli oylaridan biri. 2025-yilning apreli harorat bo‘yicha me’yordan yuqori, yog‘ingarchilik bo‘yicha esa aksariyat hududlarda quruqroq o‘tishi taxmin qilinyapti.
2026-yildan o‘zini o‘zi band qilgan shaxslar shug‘ullanishi mumkin bo‘lgan faoliyat turlari 104 tadan 72 tagacha qisqaradi. Soliq qo‘mitasiga ko‘ra, bundan maqsad soliq tushumlari emas, balki tadbirkorlarga teng shart-sharoit va raqobat muhitini yaratishdir. Ushbu ro‘yxat hozirda qo‘mitada muhokama qilinmoqda.
Isroil G‘azo sektorida “terrorchilardan tozalash” va Isroil armiyasi tomonidan yaratiladigan “xavfsizlik zonasi”ga kiritiladigan “keng hududni egallash” uchun harbiy operatsiya kengaytirilishini e’lon qildi.
Soliq qo‘mitasi soliq keshbekini 1% dan 2% gacha oshirish imkoniyatini o‘rganmoqda. Biznesni qonuniylashtirish va yashirin aylanmani qisqartirish bo‘yicha amaldagi chora-tadbirlar samaradorligi tahlil qilingandan so‘ng qaror qabul qilinadi.
Mirzo Ulug‘bek tumanidagi “Yangi O‘zbekiston” bog‘ida joylashgan “Orzular sohili” dam olish maskanida 23 yoshli yigit cho‘kib vafot etdi. Tuman prokuraturasi tomonidan tergovga qadar tekshiruv harakatlari boshlandi.
O‘zbekistonda fermer xo‘jaliklari iste’mol qilayotgan suvning haligacha aniq hisobi yo‘q, deyiladi prezident bilan uchrashuvda. U suvdan foydalanishning barcha bosqichlarini raqamlashtirishni buyurdi.
O‘zbekistonda 2025-yilning 7 oyida samolyotlarda 5 ta o‘lim qayd etildi. 2024-yilda esa 14 ta o‘lim kuzatilgan, ulardan 11 tasi bortda, 3 tasi aeroportda. Uzbekistan Airports uchish mumkin bo‘lmagan holatlar haqida ma’lumot berdi.
O‘zbekistonda suv, suv obyektlari, suv xo‘jaligi obyektlari va suv fondi yerlaridan oqilona foydalanish hamda ularni muhofaza qilish sohasidagi munosabatlarni tartibga soladigan Suv kodeksi qabul qilindi.
Avstraliya hukumati zararli kontent tufayli 16 yoshgacha bo‘lgan bolalarga YouTube`dan foydalanishni taqiqlashga qaror qildi. Yoshlar platformada video tomosha qilishda davom eta oladi, lekin hisob ochishlari mumkin emas.
Qirg‘iziston hukumati xalqaro internet-trafik uchun bir yilga davlat monopoliyasini joriy etishga qaror qildi. Uni yetkazib berish uchun “eksklyuziv huquq”ni davlat nazoratiga o‘tgan operator oldi.
Toshkent shahar sudida Mittivine taxallusli bloger Farhod Mannopovni operatsiya qilgan LOR shifokorning apellyatsiya shikoyatlari ko‘rib chiqildi. U blogerning o‘limida aybsiz deb topildi. Farhod Mannopov 2023-yilda Star Med Center klinikasida boshi va burnidan olgan jarohatini operatsiya qildirib vafot etgandi.
Yanvar-iyun oylarida O‘zbekistonda kuzatilmaydigan iqtisodiyot ulushi YIMning 32,9 foizini tashkil etdi, bu birinchi chorakdagidan biroz ko‘proq. Ko‘rinmas iqtisodiyot ulushi esa birinchi chorakdagi 8,4 foizdan 8 foizgacha pasaydi.
O‘zbekiston hukumati jismoniy va yuridik shaxslarning daromadlarini soliqqa tortishda gorizontal tenglikka erishish, ushbu soliq bo‘yicha soliq imtiyozlarini qayta ko‘rib chiqish va foyda solig‘i stavkalarini optimallashtirishni rejalashtirmoqda.
O‘zbekistonda xavfli pirotexnika turlarining muomalasini cheklash va portativ lazer nurlantirgichlarining noqonuniy aylanmasi uchun javobgarlik kiritish ko‘zda tutilgan qonun deputatlar tomonidan qabul qilinib, ma’qullash uchun Senatga yuborildi.