Toshkentda 17 yoshli qizni fohishalikka majburlagan ayol ushlandi. Ayol qizni Toshkentdagi xonadonda ushlab turib, tazyiq o‘tkazib kelgan. Ayolga jinoyat ishi ochilib, qamoqqa olindi. Jabrlanuvchiga yordam ko‘rsatilmoqda.
Toshkent viloyatida erkak ov quroli bilan shar’iy nikohida bo‘lgan ayoliga tahdid qilgan va urib jarohat yetkazgan. Erkakka nisbatan jinoyat ishi ochilgan, qurol musodara qilingan.
AQShning Florida shtati Gollivud shahrida Toshkent viloyatining vakolatxonasi ochildi. Vakolatxona orqali viloyatdagi tadbirkorlar va eksportyorlar uchun AQSh bozoriga chiqishda amaliy ko‘mak ko‘rsatish, ishbilarmon doiralar o‘rtasida hamkorlik ko‘priklarini yaratish ko‘zda tutilgan.
“O‘zbekiston temir yo‘llari”ning sof foydasi 2025-yil oxirigacha 1,2 trln so‘mga (taxminan $100 mln) yetishi mumkin. Ikki yil ichida kompaniya 2,23 trln so‘m zarardan to chiptalar narxi oshishi fonida daromadning keskin o‘sishigacha bo‘lgan yo‘lni bosib o‘tdi.
Samarqandda YUNESKO Bosh konferensiyasining 43-sessiyasi yakunlandi. Ishtirokchilar O‘zbekistonga minnatdorlik bildirib, mamlakat dunyoga ochiqligini, diplomatiya va muloqot, tinchlik va o‘zaro hamjihatlikni qo‘llab-quvvatlashga sodiqligini namoyish etganini ta’kidladi.
Hyundai Rotem tezyurar poyezdlari dekabrdan O‘zbekistonga yetib kela boshlaydi, 2026-yildan esa “Toshkent - Urganch - Xiva” yo‘nalishida harakatlanadi. Toshkent va uning aglomeratsiyasi uchun 23 ta “elektrichka”, tog‘li uchastkalar uchun Janubiy Koreya poyezdlari va Xitoydan 88 ta lokomotiv xarid qilish ko‘zda tutilgan.
MO davlatlari uchrashuviga chaqirilgan Ozarbayjon prezidenti, Shavkat Mirziyoyevning mintaqa siyosatiga bag‘ishlangan maqolasi, voyaga yetmaganlar uchun bank kartasi ochish imkoniyati, qishda vodiy zapravkalarini gaz bilan ta’minlovchi ko‘chma konteynerlar va boshqalar - Gazeta’ning kunlik dayjestida.
Ozarbayjonning SOCAR kompaniyasining neft hajmi bo‘yicha prognozlari tasdiqlansa, O‘zbekiston Ustyurt mintaqasida yangi neftni qayta ishlash zavodi qurilishini boshlashga tayyor, dedi energetika vaziri Jo‘rabek Mirzamahmudov.
O‘zbekiston Britaniyaning BP kompaniyasi bilan Ustyurtda mahsulot taqsimotiga oid bitimga qo‘shilish bo‘yicha dastlabki muzokaralar olib bormoqda. Energovazirlikning Gazeta’ga bildirishicha, kompaniyaning qiziqishi tasdiqlangan.
Toshkentda bo‘lib o‘tgan Markaziy Osiyo yetakchi ayollari muloqoti ishtirokchilari gender tengligi, sog‘liqni saqlash, ta’lim va ayollar tadbirkorligini rivojlantirish bo‘yicha deklaratsiya qabul qildi.
YIDXPda (my.gov.uz) Toshkentdagi qurilishga ruxsat berish bo‘yicha arizalarni “Shaffof qurilish” tizimi orqali shahar bosh rejasi bilan avtomatik taqqoslash yo‘lga qo‘yildi. Endi arizalarda bino va qavatlar soni, obyektlar maydoni to‘g‘risidagi ma’lumotlar bo‘lishi kerak.
“Quyosh bilan suhbat”, “Safarbar satrlar” , “Traktorobod”, “Yurak” va “Mehrim” kabi she’riy to‘plamlar muallifi Usmon Nosir tavalludiga 13-noyabrda 113 yil to‘ldi. Sana munosabati bilan Gazeta qisqa umri davomida o‘zidan katta adabiy meros qoldirishga ulgurgan ijodkor she’rlari asosida test tayyorladi.
Ukrainaning korrupsiyaga qarshi kurash idoralari “Energoatom” davlat kompaniyasidagi “otkat”larning keng ko‘lamli sxemasi oshkor bo‘lganini e’lon qildi. Sobiq energetika vaziri, shuningdek, Vladimir Zelenskiyning biznes hamkoriga oid yerlarda tintuv o‘tkazildi. Ish haqida nimalar ma’lum? - Gazeta materialida.
Ozarbayjon prezidenti Ilhom Aliyev Toshkentda o‘tadigan Markaziy Osiyo davlatlari rahbarlari Maslahat uchrashuvida ishtirok etadi. O‘zA bilan suhbatda Aliyev taklif uchun Shavkat Mirziyoyevga minnatdorlik bildirdi.
Qozog‘istonning Pavlodar viloyatidagi avtomobil yo‘lida to‘xtab qolgan avtobusdan 36 nafar yo‘lovchi (13 nafari bolalar) evakuatsiya qilindi, ularning barchasi O‘zbekiston fuqarolari bo‘lgan. Yomg‘ir va sovuq havo sharoitida sayohatchilar isitish punktiga yetkazilib, issiq ovqat bilan ta’minlangan.
O‘rta koridorda, jumladan, Kaspiy bo‘yicha tashishlarda “tor joylar” saqlanib qolmoqda, dedi transport vaziri Ilhom Mahkamov. Uning ta’kidlashicha, ortib borayotgan yuk oqimi CASCA+ doirasida infratuzilmani ilg‘or sur’atlarda rivojlantirishni talab etmoqda.
Toshkentda MO mamlakatlari savdo va investitsiya vazirlarining birinchi uchrashuvi bo‘lib o‘tdi, unga Ozarbayjon ham qo‘shildi. Ishtirokchilar o‘zaro savdoni qariyb ikki baravar - 20 mlrd dollargacha oshirishga kelishib oldi, Made in Central Asia brendi haqida so‘z bordi, deydi Gazeta sharhlovchisi Dmitriy Povarov.
Qishda Farg‘ona vodiysida avtomobillarga mobil gaz quyish tizimi sinovdan o‘tkaziladi. Ilk bosqichda 50 ta “zapravka” qamrab olinadi. Ushbu tizim siqilgan gazni maxsus ko‘chma qurilmalar orqali yetkazib berishni nazarda tutadi.
Xitoy - Qirg‘iziston - O‘zbekiston temiryo‘lining qurilishi dastlabki grafikdan oldinda ketmoqda va 6 yil o‘rniga 4 yilda yakunlanishi mumkin, dedi “O‘zbekiston temir yo‘llari” rahbari birinchi o‘rinbosari Hikmatulla Rahmatov.
To‘qqiz oy yakunlariga ko‘ra, O‘zbekiston ko‘chmas mulk bozoridagi bitimlar soni 11 foizga oshib, 274 mingtaga yetdi, deya xabar berdi Markaziy bank. Ikkilamchi uy-joy narxlarining o‘sishi milliy valyutaning mustahkamlanishi fonida so‘mda 1,7 foizni, dollarda esa 5 foizni tashkil etdi.
Toshkent viloyatida fuqaro 20 yildan beri birga yashab kelayotgan turmush o‘rtog‘ini xiyonat qilgani uchun pichoqlab o‘ldirdi. Sud majlisida oila vakillari marhuma boshqa erkak bilan ishqiy munosabatda bo‘lganini tasdiqladi.
Samarali mintaqaviy institutlarsiz Markaziy Osiyo doirasidagi hamkorlikning tizimli rivojlanishini ta’minlab bo‘lmaydi. Bu haqda O‘zbekiston prezidenti Shavkat Mirziyoyev Toshkentda bo‘lib o‘tadigan mintaqa davlatlari rahbarlarining yettinchi Maslahat uchrashuvi arafasidagi maqolasida yozdi.
Shavkat Mirziyoyevning Markaziy Osiyoga bag‘ishlangan maqolasi e’lon qilindi. Unda hozirgi va kelajakdagi hamkorlik harakatari, “Markaziy Osiyo plyus” formatida xalqaro maydonda bir mintaqa sifatidagi ishtirok va Afg‘oniston masalasi haqida so‘z boradi.
Toshkent shahri va viloyatida atmosferaga zarar yetkazayotgan 106 xo‘jalik faoliyati vaqtincha to‘xtatildi, 58 issiqxona xo‘jaligiga jarima qo‘llanildi. Ekologik reydlar o‘tkazilib, issiqxona xo‘jaliklari tekshirilmoqda.
Endi tibbiyot muassasasiga mijoz rejali tibbiy yordam olish uchun tegishli yo‘llanmasiz, o‘z ixtiyori bilan murojaat qilganda, tibbiy yordam pulli asosda ko‘rsatiladi. Kafolatlangan paket doirasida bepul ko‘rsatiladigan tibbiy xizmatlardan boshqa xizmatlar pulli bo‘ladi.
AQSh prezidenti Donald Tramp vaqtinchalik budjet to‘g‘risidagi qonunni imzoladi va shu tariqa rekord darajadagi - 43 kun davom etgan shatdaunni yakunladi. Hujjat federal idoralar ishini tiklaydi va davlat xizmatchilariga o‘tib ketgan maoshlarini to‘lab berishni kafolatlaydi.
O‘zbekistonda 2025-yilning yanvaridan boshlab chiqindilarni belgilanmagan joyga tashlash bilan bog‘liq 9817 ta holat IP kameralar orqali qayd etildi. Huquqbuzarliklarning 77 foizi vodiy viloyatlariga to‘g‘ri kelmoqda (7583 ta holat).
Shavkat Mirziyoyev AQShning Yuta shtati biznes delegatsiyasini qabul qildi. Tomonlar innovatsiya, tog‘-kon sanoati, inklyuziv ta’lim, sog‘liqni saqlash kabi sohalarda katta salohiyat borligini ta’kidladi.
Toshkent viloyatida YUNESKOning mintaqaviy ofisi va “Gidroingeo” instituti hamkorligida 800 tup ko‘chat ekish aksiyasi bo‘lib o‘tdi. Tashabbus geologik xavf-xatarlarga moyil hududda yonbag‘irlarini mustahkamlash va mahalliy aholini ko‘chkilardan himoya qilishga qaratilgan. Batafsil - Gazeta materialida.
O‘zbekiston prezidenti Shavkat Mirziyoyev YUNESKOning yangi saylangan bosh direktori Holid al-Ananiy bilan uchrashib, uni lavozimga saylangani bilan tabrikladi. Tomonlar hamkorlikni faollashtirish, tashkilotning mamlakatdagi loyihaviy faoliyatini kengaytirish masalalarini muhokama qildi.
Samarqanddagi bolalar kutubxonasi rekonstruksiya qilinadi va ta’mirlanadi. 1911-yilgi binoni Toshkentdagi Respublika bolalar kutubxonasi namunasida tarixiy qiyofasini saqlab qolgan holda puxta tiklash rejalashtirilgan.
O‘zbekistonda ichki bozorda tovar va xizmatlar taklifini rag‘batlantirishga alohida e’tibor qaratiladi. Xususan, 2026-yilda banklar agrar tarmoq, oziq-ovqat sanoati va xizmat ko‘rsatish sohalaridagi loyihalarni moliyalashtirishni kengaytiradi.
Yangi o‘yinchilar, jumladan, BYD kompaniyasi kelishi O‘zbekiston avtomobil bozori rivojlanishiga turtki bo‘lmoqda. Ammo raqobat UzAuto Motors’ning ustun mavqeini saqlash uchun tartibga solinyapti, deya ta’kidlaydi Moody’s agentligi.
Toshkent shahrida “Musaffo maskan” va “Rohat metrosi” bekatlari o‘rtasida harakatlanadigan 170-sonli avtobus yo‘lga qo‘yiladi. Yo‘nalishda 3 ta Man avtobuslari harakatlanadi.
Toshkent metropoliteniga 2026-yilda 56 ta vagon olib kelishni e’lon qildi. Yo‘lovchilarning poyezdlar intervali haqidagi e’tirozlariga javoban, metropoliten ertalabki tig‘iz vaqtda interval “Chilonzor” yo‘lida 1,5 daqiqa, “O‘zbekiston”da 3 daqiqa va “Yunusobod”da esa 4 daqiqani tashkil etayotganini qayd etdi.
15-noyabrdan boshlab 177-sonli avtobus yo‘nalishi uzaytirilib, oxirgi bekat o‘zgartiriladi. Endilikda avtobuslar avvalgi yo‘nalishning oxirgi bekati - “Iftixor mahallasi” bekatidan o‘tib, Yoshlik ko‘chasi orqali harakatlanadi va qatnovni “Keles bozorchasi” (Keles shohko‘chasi) bekatida yakunlaydi.
Farg‘onaga Xitoydan 24 ta Zhongtong rusumli avtobuslar keltirildi. Ular Farg‘ona shahri avtobus yo‘nalishlarida brutto-shartnoma asosida aholiga xizmat ko‘rsatishni boshlaydi. Yil yakuniga qadar tashuvchi korxonalar tomonidan qo‘shimcha 36 dona avtobus sotib olib kelinishi rejalashtirilgan.
Chiqindi tashuvchi texnikalar harakatini real vaqt rejimida kuzatish imkonini beruvchi Tozapoytaxt.uz axborot tizimi ishga tushirildi. Shu bilan birga, aholining chiqindilar sohasidagi shikoyat va murojaatlarini qabul qilish Xalqnazorati.uz platformasi orqali markazlashgan tarzda olib borilmoqda.
Farg‘ona tuman sudida Rossiya-Ukraina urushida Rossiya tomonidan qatnashgan 24 yoshli fuqaro 3 yilga ozodlikdan mahrum qilindi. U Rossiyaga ishlashga borib, u yerda qamalgan va koloniyada urushga yollangan.
O‘zbekiston AQShda vatandoshlar diasporalari to‘plangan hududlarda (Filadelfiya, Chikago, Orlando va Sietl) yangi konsulxonalar ochishni rejalashtirmoqda. Ushbu konsulxonalarning vazifasi vatandoshlar bilan aloqalarni yo‘lga qo‘yishdan tashqari, ikki mamlakat o‘rtasidagi hamkorlikni kengaytirishga ko‘maklashish bo‘ladi.
Prezident administratsiyasi rahbari Saida Mirziyoyeva Amerika-O‘zbekiston ishbilarmonlik va investitsiya kengashi hamraisi bo‘ldi. Mamlakatlar Investitsiyalarni o‘zaro rag‘batlantirish va himoya qilish to‘g‘risidagi bitimni ishlab chiqishni boshlaydi.
Gruziya-Ozarbayjon chegarasida Turkiyaning C-130 rusumli harbiy yuk samolyoti halokatga uchradi va undagi barcha - 20 kishi halok bo‘ldi. Samolyot “xavf signalini bermasdan”, radardan g‘oyib bo‘lgan. Uning qulash sababi o‘rganilmoqda.
O‘zbekiston va AQSh foydali qazilmalarni birgalikda qazib olib, tayyor mahsulotni eksport qiladi. Prezidentning AQShga tashrifi doirasida Geologiya vazirligi va Denali Exploration group kompaniyasi o‘rtasida nodir yer elementlarini ishlab chiqarish bo‘yicha hamkorlik to‘g‘risida bitim imzolangan.
Namangan viloyatida zilzila qayd etildi - yer silkinishi epimarkaz Kosonsoy tumanida 4 ball bo‘lib sezildi.
Samarqandda fermer xo‘jaligi rahbari 3 gektar yerni issiqxona qurish niyatidagi fuqaroga 300 ming dollarga sotmoqchi bo‘ldi. U oldindan pulning bir qismini olayotganda ushlandi. Qashqadaryoda ikki kishi zaxiradagi yerni uy qurish uchun 180 mln so‘mga sotmoqchi bo‘lganda qo‘lga olindi.
Shavkat Mirziyoyev ekologiya sohasidagi ishlar samaradorligiga doir taqdimot bilan tanishdi. Yig‘ilishda tarqoqlik va idoralar o‘rtasidagi vakolatlar bo‘linishi sababli natijalar kutilgan darajada emasligi ta’kidlandi.
O‘zbekiston futbolchilari 17 yoshgacha bo‘lgan futbolchilar o‘rtasidagi jahon chempionati guruh bosqichining uchinchi o‘yinida Panama ustidan yirik 6:1 hisobida g‘alaba qozondi. Jamoa J guruhida ikkinchi o‘rinni egalladi va 1/16 finalga yo‘l oldi.
“Navoiyuran” korxonasi to‘qqiz oyni 3,7 trln so‘m sof foyda bilan yakunladi - o‘tgan yil shu davridan 28,6% ko‘p. Uchinchi chorakda foyda 1,5 karra o‘sdi. Ishlab chiqarish 10,6 trln so‘mdan oshdi. O‘sish global uran narxining yil davomidagi eng yuqori darajaga ko‘tarilishi bilan bir vaqtga to‘g‘ri keldi.
Prezident Shavkat Mirziyoyev Yangi Toshkentda futbol stadioni poydevorini qo‘yish marosimida ishtirok etdi. Sport inshooti 55 000 tomoshabinga mo‘ljallangan va mamlakatdagi eng kattasi bo‘ladi. U 2027-yilda O‘zbekiston va Ozarbayjonda bo‘lib o‘tadigan U-20 jahon chempionati uchun FIFA standartlari asosida quriladi.
O‘zbekiston Amerikaning “dunyo atom energetikasi yetakchisi” bo‘lgan kichik yadroviy reaktor texnologiyalarini o‘rganishga tayyor, dedi “O‘zatom” rahbari Azim Axmedxadjayev Gazeta’ga. Uning qo‘shimcha qilishicha, mamlakat atom energetikasi sohasida hamkorlik va texnologiyalar diversifikatsiyasini davom ettirmoqda.
2025-yil 1-iyuldan boshlab O‘zbekistonda energiya samaradorligini oshirish loyihalari uchun kreditlar va subsidiyalar ajratila boshlaydi. Dastur aholi va energiya xizmati kompaniyalarini qamrab oladi, shuningdek, uy-joylarni “yashil ta’mirlash” uchun imtiyozli kreditlash shartlarini ko‘zda tutadi.
Vazirlar Mahkamasi huzurida Energiya samaradorligi milliy agentligi tashkil etiladi. Energiya samaradorligini oshirish sohasida yagona davlat siyosatini yuritish, sohada rag‘batlantiruvchi va ta’sir etuvchi choralar ishlab chiqish va tartibga solish agentlikning asosiy vazifalaridan biri etib belgilandi.
Mart oyida AQSh dollarining o‘zbek so‘miga nisbatan kursi 0,28% yoki deyarli 36 so‘mga ko‘tarilib, fevraldagi pasayishdan keyin o‘rtacha mustahkamlanishni ko‘rsatdi. Birinchi chorak yakunlariga ko‘ra, milliy valyuta dollarga nisbatan biroz mustahkamlandi.
Bojxona institutida 2025/2026 o‘quv yilidan bakalavriatda dual ta’lim asosida o‘qitish yo‘lga qo‘yiladi. Magistraturada to‘lov-kontrakt asosida ta’lim muddati ikki yil bo‘lgan sirtqi ta’lim shakli joriy etiladi.
Hukumat qarori bilan tomorqalar va ijara asosidagi yer maydonlarida samarasiz foydalanayotganlarga ko‘riladigan choralar ishlab chiqildi. Ularning ayrim imtiyozlari to‘xtatiladi, kreditlar berilmaydi va ekin ekilmagani aniqlangan yil uchun yer solig‘i uch karra miqdorida hisoblanadi.
Buxoro tumanidagi oilaviy nodavlat maktabgacha ta’lim tashkilotida 1,5 yoshli tarbiyalanuvchi tok urishi oqibatida vafot etdi. IIB surishtiruv olib bormoqda.
Samarqand shahrida Onix haydovchisi YPX inspektorini mashina kapotida sudrab, qochib ketgandi. Sudda u mast otasi onasiga kuch ishlatayotganini eshitgandan so‘ng uyga shoshganini bildirdi. YPX xodimi esa qamoq bilan bog‘liq bo‘lmagan jazo berishni so‘radi. Haydovchining ozodligi 3 yilga cheklandi.
Yangiqo‘rg‘on tumanida 3 nafar bola xonadonning yerto‘lasida o‘tinlarni yoqishi oqibatida yong‘in yuzaga keldi. Hodisa sabab ulardan biri - 4 yoshli bola voqea joyida halok bo‘ldi, ikki nafari tanasining turli qismlaridan kuyish jarohatini oldi.
“Toshshahartransxizmat” sobiq rahbari Anvar Jo‘rayev va uning o‘rinbosari davlat mulkini talon-toroj qilish, mansab soxtakorligi kabi moddalarda aybdor deb topilib, 7,5 yilga ozodlikdan mahrum qilingan.
28-martdan Toshkent jamoat transporti yo‘nalishlariga o‘zgartirish kiritiladi. 190 va 137-sonli avtobuslar harakat xaritasi yangilandi. Shuningdek, “O‘zbekiston mehmonxonasi - Yangi Toshkent” yo‘nalishidagi yangi 197-avtobus tashkil etildi.
O‘zbekistonda energiya resurslari ishlab chiqarish ko‘rsatkichlari pasayishda davom etmoqda. Fevralda gaz qazib olish 5,6% kamaydi, neft - 12,6%, elektr energiyasi ishlab chiqarish - 3,4%, benzin - 22,4%, dizel - 43,3%.
O‘zbekistonda bozorlarga egalik qilishda hokimliklarning majburiy ishtiroki to‘g‘risidagi norma bekor qilinadi. Bu biznes uchun qo‘shimcha imkoniyatlar yaratadi, deyiladi prezident huzuridagi yig‘ilishda.
AQSh Mehnat vazirligi O‘zbekiston paxta sanoatida shaffoflik va hisobdorlikni oshirish loyihasini o‘z ichiga olgan 38 mln dollardan ortiq xorijiy yordam grantlarini bekor qildi.
O‘zbekistonda odam o‘limiga yoki boshqa og‘ir oqibatlarga sabab bo‘lgan tarzda shaharsozlik to‘g‘risidagi qonunchilikni buzganlik uchun alohida jinoiy javobgarlik kiritilmoqda.
Prezident qarori bilan 1-iyuldan O‘zbekistonning 15 ta shahar va tumanidagi barcha davlat idoralari bitta ko‘p qavatli uyga ko‘chirila boshlaydi. Bo‘shatilgan binolar auksionda tadbirkorlarga sotiladi.
O‘zbekistonliklar mehnat qulligiga tushib qolish xavfini ko‘pincha xorijga sayohatlar bilan bog‘laydi, asosiy himoyani esa xalq ta’limi va jinoyatchilar uchun jazo muqarrarligida ko‘radi. Butunjahon odam savdosiga qarshi kurash kuni arafasida o‘tkazilgan ijtimoiy so‘rovnoma sharhi.
O‘zbekiston va Ozarbayjonning SOCAR’i o‘rtasida Ustyurt platosidagi konlarni o‘zlashtirish bo‘yicha mahsulot taqsimoti bitimi imzolanishi fonida Gazeta mamlakatda uglevodorodlarni qazish va qayta ishlash sohasida faoliyat yuritayotgan xorijiy kompaniyalarning asosiy loyihalari bo‘yicha ochiq ma’lumotlarni to‘pladi.
O‘zbekistonda dollarning rasmiy kursi 12514 so‘mgacha tushdi, bu iyun oxiridan beri eng past ko‘rsatkich. Uch kun ichida so‘m salkam 250 so‘mga mustahkamlandi. Yil boshidan buyon milliy valyut dollarga nisbatan 400 so‘mdan ortiq mustahkamlangan.
Qoraqalpog‘istondagi Aqchako‘l suv havzasida 36 yoshli ayol hamda uning 10 va 13 yoshli qizlari cho‘kib ketdi. Oila ko‘lga shaxsiy qayig‘i bilan tushgan, biroq u ko‘l o‘rtasiga borganda ehtiyotsizlik oqibatida cho‘kib ketgan. Holat bo‘yicha jinoiy ish ochildi.
2025-yilning yanvar-iyun oylarida O‘zbekiston eksport qilganidan ko‘ra ko‘proq gaz import qilgan. Yilning birinchi yarmida Turkmaniston va Rossiyadan “zangori olov” importi 30 foizga kamayib, 571,8 million dollarga yetdi.
Toshkentning yetti oy oldin qabul qilingan bosh rejasi o‘zgartiriladi, biroq alohida tadbirkorning xohishiga ko‘ra emas, balki ilmiy yondashuvlar va jamoatchilik fikri asosida, deya ma’lum qildi Qurilish va uy-joy kommunal xo‘jaligi vazirligi vazir o‘rinbosari Davronjon Adilovning intervyusidan so‘ng.
Prezident 18-iyuldagi qarori bilan Tashqi investitsiyalar kengashi 11-iyun kuni bo‘lib o‘tgan yig‘ilishida ilgari surilgan tashabbus va takliflarni amalga oshirish bo‘yicha harakatlar rejasini tasdiqladi.
2026-yil 1-yanvardan boshlab O‘zbekistonda majburiy avtosug‘urta bir necha barobar qimmatlashadi. Toshkent shahri va Toshkent viloyatida yengil avtomobillar uchun polis narxi 3,4 barobarga, hududlarda esa 4 barobarga oshiriladi. Oxirgi marta tariflar 2019-yilda oshirilgan.
AQSh mamlakatga tashrif buyurish uchun noimmigratsion vizaga muhtoj barcha chet elliklar uchun $250 miqdoridagi yangi yig‘imni (visa integrity fee) joriy qiladi. Yig‘im kuchga kiradigan sana va uni to‘lash mexanizmi hozircha ma’lum emas.
Toshkentda Chilonzor, Yakkasaroy, Mirobod va Yashnobod tumanlarida elektr ta’minotiga majburiy cheklovlar joriy etildi. Bu holatni “Hududiy elektr tarmoqlari” transformatorlarning ortiqcha yuklanishining oldini olish maqsadida amalga oshirilgani bilan izohladi.