MB hisobotiga ko‘ra, so‘nggi 10 oyda O‘zbekistonda odamlar sotib olganidan ko‘ra ko‘proq dollar sotdi. 7,8 mlrd dollarlik farq bozordagi qo‘shimcha valyuta manbasiga aylandi. Kurs mustahkamlanishiga eksport tushumlarining o‘sishi, qarz va o‘tkazmalarning ko‘payishi hamda barqaror import ta’sir ko‘rsatdi.
Zira.uz issiqqina salatlar retseptlari bilan bo‘lishadi. Ularni steyk va karamellangan nokdan; qo‘ziqorin va tovuqdan; mol go‘shti va rukkoladan tayyorlash mumkin.
O‘zbekistonda vafot etgan shaxslarni dafn etishga ruxsat berish va ro‘yxatga olishni raqamlashtirish, mazkur ishlarni elektron axborot tizimi orqali monitoring qilishga qaratilgan yangi elektron xizmatlar joriy qilinadi.
Sharof Rashidov tumanida Lacetti yo‘lning belgilanmagan joyidan burilayotgan Isuzu yuk mashinasiga kelib urildi. Oqibatda Lacetti haydovchisi va 4 nafar yo‘lovchi halok bo‘ldi.
Pashmak - bayram kunlari o‘zbek xonadonlariga quvonch ulashuvchi qadimiy shirinlik. Ammo uning har bir qadog‘i ortida ustalarning mashaqqatli mehnati borligini hamma ham bilavermaydi. Kattaqo‘rg‘onlik Hamdamovlar - to‘rtinchi avlod pashmakpaz ustalardan. Gazeta ushbu shirinlikni tayyorlash jarayoni bilan tanishdi.
Startap loyihalarning xorijiy ta’sischilari, axborot texnologiyalari sohasida fan nomzodi, falsafa doktori yoki fan doktori ilmiy darajasiga ega bo‘lgan xorijlik professor-o‘qituvchilarga O‘zbekistonga kirish uchun IT visa beriladi.
O‘zbekistonlik bokschilar Hindistonda o‘tgan Jahon kubogida medallar jamg‘arish bo‘yicha mezbonlardan keyin ikkinchi o‘rinni egalladi. World Boxing bahslarida ular 4 ta oltin, 5 ta kumush va 4 ta bronza medalini qo‘lga kiritdi. Bu 2025-yilgi kubok bahslarining final bosqichi edi.
Saudiya Arabistonida o‘tgan VI Islom birdamligi o‘yinlarida o‘zbekistonliklar 96 ta medal (29 ta oltin, 35 ta kumush va 32 ta bronza) bilan Turkiyadan keyin ikkinchi o‘rinni band etdi. O‘zbekiston kabi 29 ta oltin jamg‘argan Eron uchinchi bo‘ldi.
Toshkentda sud firibgarlik ishi bo‘yicha Shahzod Rismatovni 9 yilga ozodlikdan mahrum qildi. U o‘zi uylanishi kerak bo‘lgan Jamila Alimbayevaning oilasiga tegishli uyni 240 ming dollarga sotgani uchun aybdor deb topildi.
O‘zgidromet direktori Sherzod Habibullayevning ma’lum qilishicha, Toshkent va uning atrofidagi hududlarda havo ifloslanishining kuchayishiga bir vaqtning o‘zida bir qancha tabiiy omillar sabab bo‘lgan: harorat inversiyasi, yog‘ingarchilikning yo‘qligi va qurg‘oqchilik. Inversiya 24-noyabrgacha davom etishi mumkin, dedi u.
21-noyabr kungi Toshkent - suratlarda. Muallif: Mirzayor Erkinov.
“Mening maktabim” loyihasining 2025/2026-o‘quv yilidagi 1-bosqichi g‘oliblari e’lon qilindi. Umumiy qiymati 259,1 mlrd so‘mni tashkil etgan 14 745 ta loyiha g‘olib deb topildi. Ushbu loyihalar uchun 310 926 nafar o‘quvchi tomonidan ovoz berilgan.
Dam olish kunlari O‘zbekiston bo‘yicha quruq va juda iliq ob-havo saqlanib turadi. Harorat kunduzi +13…+18 daraja atrofida bo‘ladi, bu me’yordan bir necha darajaga yuqoridir.
O‘zgidromet qish fasli uchun ob-havo prognozini e’lon qildi. Unga ko‘ra, dekabr oyi normaga nisbatan biroz issiqroq bo‘lishi prognoz qilindi. Yanvar oyi oxiri va fevral oyi boshida anomal sovuq kutilmoqda.
Shavkat Mirziyoyev Xitoy tashqi ishlar vaziri Van I boshchiligidagi delegatsiyani qabul qildi. Uchrashuvda yuqori texnologiyalar, “yashil” va atom energetikasi, sun’iy intellekt, transport, infratuzilma, qishloq xo‘jaligi, geologiya, kimyo va boshqa yo‘nalishlardagi hamkorlikni ilgari surishga e’tibor qaratildi.
Toshkent va Chorvoq orasida pulli avtomobil yo‘li paydo bo‘ladi, dedi transport vaziri o‘rinbosari Jasurbek Choriyev. Ayni paytda loyiha konsepsiyasi ishlab chiqilishi va ma’qullanishi kutilmoqda. 2026-yil o‘rtalarigacha texnik-iqtisodiy asosni tayyorlash, 2026-yil oxirlarida qurilishni boshlash rejalashtirilmoqda.
Toshkentda havo ifloslanishini kamaytirish uchun yo‘llarga suv sepilib, yashil hududlar sug‘orilmoqda. Hokimlik bu chora muammoni butunlay hal qilmasligini tan oldi, “ammo bir necha soat ichida chang miqdorini sezilarli darajada kamaytiradi”. Mavsum tugaganiga qaramay, favvoralar yana ishga tushirildi.
Poytaxt va Toshkent viloyatidagi issiqxonalarni barqaror gaz bilan ta’minlash imkonini beradigan takliflar ishlab chiqiladi. Bu haqdagi topshiriq ekologik islohotlar dasturiga kiritilgan. Energiyani tejaydigan isitish texnologiyalarini joriy etish masalalari ham muhokama qilinmoqda.
O‘zbekistonning Gretsiyadagi yangi tayinlangan favqulodda va muxtor elchisi Abat Fayzullayev davlat rahbari Konstantinos Tasulasga ishonch yorliqlarini topshirdi. U bir vaqtning o‘zida Italiya, Kipr, Malta va San-Marinodagi elchi ham hisoblanadi.
Kichik halqa avtomobil yo‘lida ta’mirlash ishlari olib borilishi sababli Beshqayrag‘och ko‘chasidan Foziltepa ko‘chasigacha bo‘lgan qismida 24-noyabr soat 06:00 gacha bir tomonlama harakat vaqtincha cheklanadi.
UzAuto Motors avval shartnoma qilinib, to‘lov qilinmagan 80 mingga yaqin Cobalt avtomobilini qayta sotish uchun dilerlarga topshiradi. 3-noyabr kuni 100 mingta Cobalt sotuvga qo‘yilgan va 20 833 tasi uchun to‘lov amalga oshirilgan.
Surxondaryoning Termiz shahrida 18 yoshli talaba yigit ko‘p qavatli binoning 14-qavatidan o‘zini pastga tashlab halok bo‘ldi. Termiz shahri prokuraturasi tomonidan tergovga qadar tekshirish harakatlari olib borilmoqda.
Xalq demokratik partiyasi Toshkentdagi pulli to‘xtash joylari narxlarini qayta ko‘rib chiqilishini ta’kidladi. Partiya qayd etishicha, tariflar iqtisodiy asoslanishi va mablag‘lar qayerga tushayotgani, ularning qanday sarflanishi haqida ma’lumotlar ochiqlanishi kerak.
Toshkentda Shanxay hamkorlik tashkiloti Mintaqaviy aksilterror tuzilmasining xalqaro konferensiyasi ochildi. Ishtirokchilar fuqarolarning radikal tarmoqlarga jalb qilinishiga yo‘l qo‘ymaslik, kiberxavfsizlik va ShHT MATTning yangi arxitekturasini muhokama qildi. Dmitriy Povarov obzori.
DXX Namanganda attestatsiya imtihonlari paytida o‘qituvchilarga pul evaziga masofadan yordam berib kelgan “bunker”ni aniqladi. Tezkor tadbirda 12 nafar o‘qituvchi, jumladan, maktab direktori o‘rinbosari va universitet bo‘limi boshlig‘i ushlandi. Ular ikki oyda $25 ming ishlagan.
Urganch O‘zbekistonda katta sig‘imli elektrobuslarga ega birinchi ma’muriy markaz bo‘ldi. Xususiy kompaniya shahar uchun Qozog‘istondan 10 ta elektrobus sotib oldi. Yil oxirigacha 10 ta trolleybus yetkazib berilishi ham kutilmoqda.
Yaqin kunlarda Toshkent shahri va O‘zbekistonning boshqa hududlarida havoning yuqori ifloslanish darajasi saqlanib qoladi. Uni ob-havo sharoiti, xususan, havoning turg‘unligi va ifloslantiruvchi moddalar to‘planishiga olib keladigan harorat inversiyasi kuchaytirmoqda. Niqob taqish tavsiya etiladi.
Aziz Xujanov poytaxt jamoat transportini boshqaruvchi “Toshshahartransxizmat” kompaniyasi rahbari v.b. bo‘ldi. U bungacha Transport vazirligi tizimida boshqarma boshlig‘i, Uchtepa hokimi birinchi o‘rinbosari, Toshkent shahri va UJKX vazirligi tashkiliy nazorat va tahlil boshqarmalari boshlig‘i lavozimida ishlagan.
Prezident qurilish materiallari tarmog‘idagi rejalar bilan tanishdi. So‘nggi 8 yilda tarmoq hajmi 4 barobar oshgan bo‘lsa-da, importga bog‘liqlik, standartlarga rioya qilish va logistikadagi muammolar saqlanib qolmoqda.
Tramp jinsiy jinoyatlarda ayblangan marhum moliyachi Jeffri Epshteyn bilan bog‘liq barcha materiallarni e’lon qilishni talab qiluvchi qonunni imzoladi. Avvalroq Epshteyn bilan do‘st bo‘lgan Tramp fayllarni ommaga e’lon qilishga qarshi chiqqan, biroq partiyadoshlarining bosimi ostida o‘z pozitsiyasini o‘zgartirgandi.
Navoiy viloyatining Xatirchi tumanida Yaylov degan bir qishloq bor. Bu yerda na bir tuzukroq yo‘l, na elektr va na gaz ta’minoti bor. Hatto mobil aloqa ham ishlamaydi. 1990-yillarda qurilgan bir xaroba maktabi bor, xolos.
Tokioda o‘zbekistonlik kar va zaif eshituvchi ijodkorlarning fotoko‘rgazmasi ochildi. Bu ularning xorijdagi ilk mukammal namoyishi ekanligi bilan e’tiborga molik. Fotosuratlar O‘zbekistonning tabiati, aholi turmush tarzi va an’analari, hunarmandchilik hamda turli sport musobaqalari haqida hikoya qiladi.
O‘zbekistonda binolarni loyihalashtirishda shamol yo‘nalishlari va tezligini, shuningdek, qurilishning havo aylanishiga ta’sirini hisobga olish majburiyatini yuklovchi yangi qurilish standarti ishlab chiqiladi.
ITIM tahliliga ko‘ra, oktabrda ikkilamchi uy-joy bozoridagi narxlar dinamikasi biroz tezlashdi. Bir oy ichida 1 kv metr uchun o‘rtacha narx 2,4 foizga oshdi, sentabrda bu ko‘rsatkich 0,6 foiz bo‘lgan edi.
Prezident uy-joy va ipoteka bozorini rivojlantirishga oid farmonni imzoladi. Hujjatda yillik qurilish hajmini 421 ming xonadongacha oshirish, ipoteka portfelini 10 baravarga - 56,7 milliard dollargacha kengaytirish va kompleks qurilishning yangi modelini joriy etish ko‘zda tutilgan.
O‘zbekistonda Urbanizatsiya va uy-joy bozorini barqaror rivojlantirish milliy qo‘mitasi tashkil etildi. Unga Soliq qo‘mitasi sobiq raisi Sherzod Kudbiyev rahbar etib tayinlandi.
O‘zbekistonda 2026-yil 1-iyuldan boshlab aholi tomonidan dachalarni ijaraga berish Soliq mobil ilovasi orqali amalga oshiriladi. Milliy turizm yagona platformasi va uning mobil ilovasi ishga tushiriladi.
OAV AQShning Ukrainadagi urushni tugatish bo‘yicha yangi rejasi tafsilotlarini e’lon qildi. U Kiyevdan Donbassning qolgan qismini Rossiyaga topshirishni, o‘z qo‘shinlari sonini ikki baravar kamaytirishni, shuningdek, rus tilini rasmiy til sifatida tan olishni talab etadi. Hujjat Tramp tomonidan ma’qullangan.
Sherzod Kudbiyev Soliq qo‘mitasi raisi lavozimidan ozod etilib, Urbanizatsiya va uy-joy bozorini barqaror rivojlantirish milliy qo‘mitasi raisi lavozimiga tayinlandi. Kadastr agentligi direktori sifatida ishlab kelgan Farrux Pulatov uning o‘rnini egalladi.
O‘zbekiston hududiga kirish uchun vizasiz rejim joriy etiladigan davlatlar ro‘yxati kengaytiriladi. Mamlakat hududiga kirish va uning hududida bo‘lish bilan bog‘liq tartib-taomillar soddalashtiriladi.
Shavkat Mirziyoyev O‘zbekistonda xizmat ko‘rsatgan madaniyat xodimi Mirabbos Mirzaahmedov vafoti munosabati bilan hamdardlik bildirdi.
O‘zbekiston prezidenti hokim yordamchilari va soliq inspektorlariga 2026-yilda kamida 250 ming xodimni legallashtirishni topshirdi. Ijtimoiy sug‘urta bo‘yicha yangi tizim yana 100 ming kishi rasmiy ishga joylashishi uchun turtki bo‘lishi kerak.
Prezident bandlik masalalarida ko‘zbo‘yamachilikka yo‘l qo‘yayotgan hokimlar faoliyatini tanqid qildi. To‘rt rahbar ishdan olindi, yana 20 nafar hokim, shu jumladan Toshkentning ikki tumani rahbarlariga chora ko‘riladi.
O‘zbekistonda xizmat ko‘rsatgan madaniyat xodimi Mirabbos Mirzaahmedov 84 yoshida vafot etdi. U “Otalar so‘zi - aqlning ko‘zi” loyihasida boshlovchi va rejissiyor bo‘lib ishlagan.
Yil oxirida lavozimidan ketadigan Nyu York meri Erik Adams Toshkentga keldi. Poytaxt hokimi Shavkat Umurzoqov bilan uchrashuvda ikki shaharni rivojlantirish va infratuzilmani modernizatsiya qilish masalalari muhokama etildi.
Gazeta MO yetakchilari uchrashuvini siyosatshunoslar bilan muhokama qildi. Ko‘pchilikning fikricha, Ozarbayjonning qo‘shilishi mintaqaviy formatga mos. O‘zbekistonning “Markaziy Osiyo hamjamiyati” tashabbusi munosabatlarning yangi bosqichiga qadam deb baholanmoqda, biroq uning mazmuni turlicha talqin qilinmoqda.
Futbol bo‘yicha O‘zbekiston milliy terma jamoasi FIFA reytingida 5 pog‘ona yuqorilab, 50-o‘rinni egalladi. Osiyoda esa Qatarni quvib o‘tib, 5-jamoaga aylandi. Reytingda hamon Ispaniya, Argentina va Fransiya yetakchilik qilmoqda.
Myunxenda bo‘lib o‘tgan One Young World yoshlar sammitida O‘zbekiston Xalqaro talabalar ittifoqi ijrochi direktori Asha Buxarbayeva mamlakat nomidan ishtirok etdi. U Markaziy Osiyo yoshlarini ijtimoiy va madaniy mintaqaviy loyihalarga jalb etish muhimligini ta’kidladi.
DXX Tojikistondan giyohvandlik vositalarini kontrabanda qilish va Toshkentda sotish bilan shug‘ullangan ayol va uning ikki o‘g‘lini qo‘lga oldi. Ulardan qariyb 8 kg yaqin gashish va opiy topildi.
O‘zbekistonda milliy brendlarning viloyatlardagi filiallarini ko‘paytirish rejalari qo‘llab-quvvatlanadi. Yangi filiallar uchun xodim tayyorlash xarajatlari Bandlik jamg‘armasi tomonidan qoplanadi, shuningdek, loyihalarni moliyalashtirish uchun 2026-yilda 500 mlrd so‘m yo‘naltiriladi.
Burger King fastfud restoranlari tarmog‘i O‘zbekiston bozoriga kirishga tayyorlanmoqda. International Beverages Tashkent asoschisi (Pepsi va boshqa ichimliklar ishlab chiqaruvchisi) prezident bilan uchrashuvda ikki-uch oy ichida ilk restoranlar ochilishini ma’lum qildi.
O‘zbekistonda 2021-yilda shakarga nisbatan joriy qilingan 20 foizlik aksiz to‘lovi va quruq sut importidagi cheklovlar bekor qilinadi. Bu qandolatchilik va salqin ichimliklar tarmog‘ini qo‘llashga qaratilgan.
Fuqarolik kodeksiga pul talabnomasidan boshqa shaxs foydasiga voz kechish evaziga moliyalash (faktoring) to‘g‘risidagi umumiy qoidalar kiritildi.
O‘zbekistonning Saudiya Arabistonidagi elchisi Nodirjon Turg‘unov Bahrayndagi birinchi elchi bo‘ldi. U ishonch yorliqlari nusxalarini onlayn tarzda mamlakat TIV rahbariga topshirdi.
Kaliforniya bojxona to‘lovlari joriy etilgani uchun AQSh shtatlaridan birinchi bo‘lib prezident Donald Trampga qarshi da’vo arizasini kiritdi. Mahalliy hokimiyat ma’lumotlariga ko‘ra, tariflar shtat iqtisodiyotiga “tuzatib bo‘lmaydigan” zarar yetkazmoqda.
1-maydan boshlab O‘zbekistonda davlat ulushi bo‘lgan banklar qarzdorlik evaziga balansga olingan mol-mulklarni auksion savdosisiz bozor qiymatida sotishi mumkin. Qolaversa, banklar uchun salohiyatli investorlarga binolar, jihozlar va boshqa mulklarni tayyor biznes sifatida sotish huquqi beriladi.
Lotereya, bukmekerlik va internet orqali tavakkalchilikka asoslangan o‘yinlar faoliyati litsenziya asosida amalga oshiriladigan faoliyatlar qatoriga kiritildi. Istiqbolli loyihalar milliy agentligiga kapital bozori, sug‘urta bozori va lotereyalarni tartibga solish bo‘yicha vakolatlar yuklatildi.
“Agrobank”da korrupsiya alomatlari kuzatilayotgani haqida bir yil avval e’lon qilingan material uchun Uzdiplomat.uz nashri va jurnalist Nodir Norto‘rayevga chora ko‘rildi. Ular bankning ishchanlik obro‘siga putur yetkazuvchi ma’lumotlar tarqatishda aybdor deb topildi. Nashrga raddiya chiqarish majburiyati yuklandi.
AQSh Rossiya bilan urushda Kiyevga ajratilgan pullarni qaytarishda Ukrainaga qo‘yiladigan talablarni yumshatdi. Endi ko‘rsatilgan yordam hajmi avvalgidek 300 mlrd emas, balki 100 mlrd dollar deya baholamoqda.
Jo Bayden AQSh prezidenti lavozimidan ketganidan keyin ilk marta Donald Tramp ma’muriyatining ijtimoiy ta’minot sohasidagi harakatlarini tanqid qildi. “100 kundan kamroq vaqt ichida… shuncha zarar.
Olot tumanida 3-sinf o‘quvchisi qo‘shnisining uyidagi quduqqa tushib ketib, vafot etdi. Uni qutqarishga uringan erkakni ahvoli og‘irlashgan, shifoxonaga yotqizildi.
Xitoy hukumati mahalliy aviakompaniyalarga Boeing samolyotlari yetkazib berilishidan bosh tortishni, shuningdek, AQSh bilan savdo urushi doirasida amerikalik ishlab chiqaruvchilardan aviatsiya uskunalari va ehtiyot qismlarini sotib olishni to‘xtatishni buyurdi.
Qurilish va uy-joy kommunal xo‘jaligi sohasida nazorat qilish inspeksiyasi vazirlik bo‘ysunuvidan chiqariladi va Vazirlar Mahkamasi tomonidan boshqariladigan mustaqil organga aylanadi. Shuningdek, 1-iyuldan yakka tartibdagi uy-joylar va kichik obyektlar qurilishini nazorat qilish xususiy sektorga o‘tkaziladi.
AQSh boshqa davlatlardagi 215 mln dollarga teng 139 ta grantni bekor qildi, Davlat boshqaruvi samaradorligi departamenti ularni “behuda” deb atadi. Bunday grantlar orasida O‘zbekistonda “fuqarolik ishtirokini rivojlantirish” uchun ajratilgan 2,5 mln dollar ham bor.
Donald Tramp ma’muriyati Garvard universitetining ta’lim siyosatini o‘zgartirish bo‘yicha Oq uyning talablarini bajarishdan bosh tortganidan keyin uning 2,2 mlrd dollarlik grantlarini muzlatib qo‘ydi.
O‘zbekiston, tariflar oshishiga qaramay, gaz narxini subsidiyalashda davom etmoqchi. Bu amaliyot 2028-yilda tugatilishi va’da qilingandi, lekin u nafaqat davom etmoqda, balki subsidiya prognozlari ham ortmoqda.
2025-yil boshidan buyon Estoniyani tark etish to‘g‘risidagi ko‘rsatma asosida jami 366 kishi, jumladan, 23 nafar O‘zbekiston fuqarosi mamlakatdan chiqarib yuborildi. Ular orasida eng ko‘p Rossiya (108 nafar), shuningdek, Moldova (37) va Ukraina (24) fuqarolari qayd etilgan.
O‘zbekistonda may va yoz oylarida yengil avtomobillarning orqa va old yon oynalarini qoraytirish uchun alohida ruxsatnomalar berish rejalashtirilmoqda. Ruxsatnoma narxi BHMning 1 baravari (421 ming so‘m) bo‘lishi belgilanmoqda.
Yanvardan iyulgacha O‘zbekiston rasmiy taksi bozorida 262,2 mln yo‘lovchi tashildi. Hozirgacha 215 ta taksi agregatori soliq organi axborot tizimlariga integratsiya qilingan. 7 oyda yo‘lovchi tashish aylanmasi 5 trln so‘mdan oshdi. Haydovchilar soni esa 40 ming nafarga kamaydi. Batafsil.
Senator Anvar To‘ychiyev O‘zbekiston qishloq xo‘jaligi vaziriga so‘rov yo‘llab, gaz ta’minotidagi uzilishlar, kreditlar bo‘yicha yuqori foizlar va issiqxona sohasida barqaror moliyalashtirish yo‘qligini ta’kidladi.
Surxondaryo viloyatida xalqaro toifadagi M39 yo‘lining ayrim qismlarida harakat tezligi cheklovi 90, 100 va 130 km/soatgacha oshirilishi rejalashtirilmoqda. Shu masala bo‘yicha tuzilgan ishchi guruh yo‘lning tegishli qismlarida aniqlangan kamchiliklar bartaraf etilgandan so‘ng tezlik chegarasini oshirishni ma’qulladi.
2025-yil uchun budjetda fan uchun 2,3 trln so‘m ajratilishi belgilangandi. Lekin, Fiskal strategiyaga ko‘ra, bu yo‘nalish uchun 2,2 trln so‘m (-100 mlrd so‘m) ajratilishi kutilmoqda. Bu mablag‘lar ilmiy tadqiqot muassasalarini saqlash va Ilm-fanni moliyalashtirish jamg‘armasi uchun sarflanadi.
O‘zbekistonda chorva va uy hayvonlarini identifikatsiya qilish kerak bo‘lgan muddatlari belgilandi. Xususan, qoramol, ko‘y, echki va tuyalarni tug‘ilganidan 14 kundan keyin, itlar va mushuklarni esa tug‘ilganidan 3 oydan keyin ro‘yxatga olish shart.
2025-yilning 1-yarmida O‘zbekiston iqtisodiyoti o‘sishi 2024-yilning mos davriga nisbatan 0,6 foiz bandga tezlashib, 7,2 foizga yetdi. Ayni shu davrda Qirg‘izistonda bu ko‘rsatkich 3,6 foiz bandga (11,7 foizga yetdi), Qozog‘istonda 3 foiz bandga (6,2 foiz), Tojikistonda esa 1,9 foiz bandga (8,1 foiz) tezlashdi.
Sud Toshkent viloyatida yashovchi 17 yoshli yigitni fevral oyida Kelesda 18 yoshli Asqar Gulmatovni o‘ldirgani uchun 8 yilga ozodlikdan mahrum etdi. Marhumning onasi ayblanuvchi yolg‘iz harakat qilganiga shubha bildirdi va tergovni davom ettirishga chaqirdi.