Toshkentdagi MO-YI iqtisodiy forumida ekspertlar va hukumat vakillari mintaqaning investitsiya muhitini qanday yaxshilash mumkinligini muhokama qildi. Asosiy mavzular huquqiy bashoratlilik, kadrlar tayyorlash, raqamlashtirish va uzoq muddatli investitsiyalarning muvaffaqiyatli keyslari zarurati bo‘ldi.
Shu paytgacha “O‘zbekiston milliy elektr tarmoqlari” raisi birinchi o‘rinbosari bo‘lib ishlagan Abdumalik Nazirov shu tashkilot rahbariga aylandi. Avvalroq MET sobiq rahbari “O‘zenergoinspeksiya” boshlig‘i etib tayinlangandi.
Eldar Yuldashevning “Taymetov: G‘alaba jarchisi” filmi Londondagi SIFFA UK kinofestivalida “Eng yaxshi hujjatli film” mukofotiga sazovor bo‘ldi. Avval aytilganidek, g‘olib bo‘lgan taqdirda, kartina BAFTA mukofotiga nomzod bo‘lishi mumkin.
Gazeta’ning “Muzeynoma” loyihasi bu gal Temiryo‘l texnikasi muzeyi haqida hikoya qiladi. Bu yer xizmat vazifasini bajarib bo‘lgan “keksa” poyezd vagonlari, parovoz, teplovoz va elektrovozlarning so‘nggi manzilidir. Muzey o‘z bag‘ridan 44 ta poyezdga joy bergan. Reportaj.
Shaharsoz-2025 talabalar arxitektura mukofoti g‘oliblari e’lon qilindi. Tanlov ko‘rsatdiki, diplom loyihalari nafaqat ilmiy topshiriq, balki shaharni rivojlantirish uchun haqiqiy resurs ham bo‘la oladi.
Ukraina prezidenti ofisi rahbari Andrey Yermak iste’foga chiqdi. Ukrainaning korrupsiyaga qarshi kurash organlari bugun uning uyida tintuv o‘tkazgandi. Unga qarshi qandaydir ayb qo‘yilmagan.
AQShning Human Rights Watch inson huquqlari tashkiloti faoliyati Rossiya hududida “nomaqbul” deb topildi. 2022-yilda tashkilotning Rossiyadagi sayti bloklangan edi.
Poytaxtdagi Bog‘ibo‘ston ko‘chasi (sobiq Salamatina) markazidagi yashil yo‘lak bo‘ylab trotuar yotqizilmoqda. Aholi havo ifloslanishi fonida daraxtlar kesilishi va ularning kelgusi taqdiridan xavotirda.
Farg‘ona viloyatida ayolni tahqirlab, kaltaklagan Furqat tumani IIB sobiq boshlig‘i Akmal Xo‘jayev va uning o‘rinbosari Jasur Rasulov sud hukmi bilan 4 yilga ozodlikdan mahrum etildi. Ular 3 yilga ichki ishlar organlarida ishlash huquqidan ham mahrum qilindi.
Global ekologik fond O‘zbekistonga o‘rmonlardan yaylovlargacha bo‘lgan 1,3 mln gektardan ortiq landshaftni tiklash uchun 6 mln dollar ajratmoqda. Milliy EcoLand loyihasi GEFning Amerika va Afrikadagi 20 ta davlatni qamrab olgan global dasturining bir qismiga aylandi.
Donald Tramp “barcha uchinchi dunyo davlatlaridan” AQShga immigratsiyani “butunlay to‘xtatishga” va’da berdi. Bu bayonotni u Oq uy yaqinidagi otishmada yaralangan harbiylardan biri kasalxonada vafot etganidan keyin berdi.
Aziz Abduhakimovning aytishicha, so‘nggi yillarda Toshkentda avtomobillar soni 50 foizga, tashlamalar 40 foizga oshgan, uy-joy qurilishi esa 7 barobardan ziyodga o‘sgan. Ekologik vaziyatni nazorat qilish uchun 300 dan ortiq mutaxassisdan iborat 30 ta ishchi guruh tuzilgan va ular tunu kun ish olib bormoqda.
Prezident qarori bilan Dadajon Isaqulov “O‘zenergoinspeksiya” rahbari etib tayinlandi. U bungacha “O‘zbekiston milliy elektr tarmoqlari” boshqaruvi raisi lavozimida ishlayotgandi.
O‘zbekistonda xodimlarni maosh olish uchun ma’lum bir bankka majburiy biriktirib qo‘yish amaliyotidan voz kechish rejalashtirilmoqda. Markaziy bank shuningdek, telefon raqami orqali P2P pul o‘tkazmalarini joriy etadi va so‘mdagi barcha to‘lovlar uchun yagona to‘lov shlyuzi (svitch) yaratadi.
O‘zbekistonning Avstraliyadagi yangi elchisi Alisher Qayumov mamlakat general-gubernatori Samanta Mostinga ishonch yorliqlarini topshirdi.
Tarmoqlarda Real Sanjik taxallusi bilan tanilgan bloger, tadbirkor Sanjar Karimov qamoqqa olindi. U o‘ldirish yoki zo‘rlik ishlatish bilan qo‘rqitish hamda giyohvandlik vositalarini tayyorlash va saqlashda gumonlanmoqda.
O‘zbekistonda “Byurokratiyani bartaraf etish - 2030” dasturi ishga tushiriladi. Maqsad - davlat xizmatlaridan tez va qulay foydalanish orqali fuqarolarning hayot sifatini yaxshilash, ortiqcha tartib-taomillarni bartaraf etish va jarayonlarning shaffofligini oshirish orqali suiiste’molchilik xavfini kamaytirish.
O‘zbekiston mamlakat ichida yetakchi texnologik va moliyaviy markazlar standartlariga yaqinlashtirilgan maxsus huquqiy rejimga ega Enterprise Uzbekistan raqamli markazini tashkil etmoqda. Markaz rezidentlari ingliz huquqi asosida faoliyat yuritadi, nizolar esa maxsus mustaqil sud tomonidan hal etiladi.
Dekabr oyida Markaziy bank naqd pulsiz hisob-kitoblar uchun turli to‘lov ilovalari tomonidan qo‘llanadigan alohida QR kodlar o‘rniga universalini sinovdan o‘tkazadi. O‘tgan yili QR kod orqali amalga oshirilgan to‘lovlar hajmi qariyb 31 foizga, tranzaksiyalar soni esa 2,3 barobarga oshgan.
Shavkat Mirziyoyev AQShning Kremniy vodiysida Milliy transfer ofisi ochilishini ma’lum qildi. U yerda yoshlar va startap asoschilarini yirik kompaniyalar, investor va akseleratorlar bilan to‘g‘ridan-to‘g‘ri bog‘lash imkoniyati yaratiladi.
Ikki kun oldin Gonkongdagi turar joy binolarida chiqqan yong‘in oqibatida halok bo‘lganlar soni 128 tadan oshdi, 79 kishi jarohatlangan, 200 ga yaqin odam bedarak yo‘qolgan. O‘zbekiston TIV hodisa tufayli vatandoshlardan hech kim vafot etmagani yoki jarohat olmaganini ma’lum qildi.
Shaxmat bo‘yicha Jahon kubogidagi tarixiy g‘alabadan keyin 19 yoshli Javohir Sindarov o‘z taassurotlari bilan o‘rtoqlashdi, final va tayyorgarlikning asosiy pallalarini ta’riflab berdi hamda yaqin rejalari haqida gapirdi. “Bu shaxmatdagi kareramning boshlanishi, xolos”, - dedi u.
O‘zbekistonda havo ifloslanishi darajasining oshishiga olib keladigan harorat inversiyasi kutilganidan uzoqroq davom etadi, deya ma’lum qildi O‘zgidromet. PM2,5 darajasi yengil pasayishdan so‘ng o‘tgan haftadagidek keskin bo‘lmasa-da, hafta oxiriga kelib yana ko‘tariladi. Qattiq tuman tushishi mumkin.
Toshkentdagi iqtisodiy va transport forumlari doirasida Gazeta yevrokomissar Yozef Sikela bilan YeIning Markaziy Osiyodagi ustuvor yo‘nalishlari, Transkaspiy yo‘lagini rivojlantirish, muhim xomashyo bo‘yicha loyihalar va O‘zbekistonning ikki mintaqa o‘rtasidagi aloqalarda tutgan o‘rni haqida suhbatlashdi.
Ijtimoiy himoya agentligi 10 dan ortiq fuqaroni “Inson faxri” mukofoti bilan taqdirladi. Ular orasida Bo‘rijar kanalida qizni qutqarish jarayonida halok bo‘lgan Abdumannop Samiqov, eshak mingancha hamshiralik qiladigan qashqadaryolik “do‘xtir momo” ham bor. Sovrindorlarga statuetka va 20 mln so‘mdan berildi.
Yangi Toshkentda Toshkent davlat yuridik universiteti uchun kampus quriladi. Universitetning amaldagi binolarida O‘zbekiston huquqi tarixi muzeyi, O‘zbekiston nizolarni hal etish markazi, TDYUU Raqamli huquq markazi va Raqamli sud ekspertiza markazi joylashtiriladi.
Janubi-Sharqiy Osiyo davlatlari assotsiatsiyasi (ASEAN) O‘zbekistonning Janubi-Sharqiy Osiyoda do‘stlik va hamkorlik shartnomasiga qo‘shilish arizasini ma’qulladi.
Toshkentda Transkaspiy yo‘lagi bo‘yicha yangi kelishuvlar to‘plami taqdim etildi. YI, YeTTB, YeIB va Jahon banki Qozog‘iston, Qirg‘iziston va O‘zbekistondagi yirik transport loyihalarini qo‘llab-quvvatlaydi.
O‘zbekistonning Daniyaga yangi tayinlangan elchisi Rahmatulla Nurimbetov mamlakat qiroli Frederik X ga ishonch yorliqlarini topshirdi. U bir vaqtning o‘zida Shvetsiya va Norvegiyadagi elchi ham hisoblanadi.
AQSh rasmiylari Oq uy yaqinida sodir bo‘lgan otishma tufayli ikki amerikalik harbiy yaralanganidan so‘ng Afg‘onistondan mamlakatga kirish uchun arizalarni qabul qilishni to‘xtatdi. Hujumda gumonlanuvchi Afg‘oniston fuqarosi bo‘lib, u 2021-yilda mamlakatga kirib kelgan.
Toshkentdagi Kichik halqa avtomobil yo‘lida ta’mirlash ishlari olib borilmoqda. Shu sababli uning Foziltepa va Beshqayrag‘och ko‘chalari oralig‘idagi qismida 27-noyabrdan 1-dekabrgacha harakat bir tomonlama cheklandi.
Gens Petsani Albaniyaning O‘zbekistondagi yangi elchisi etib tayinlandi. Jozef Nkurunziza esa Burundi elchisi bo‘ldi. TIV rahbari ulardan ishonch yorliqlarini qabul qilib oldi.
Gens Petsani Albaniyaning O‘zbekistondagi yangi elchisi etib tayinlandi. TIV rahbari undan ishonch yorliqlarini qabul qilib oldi.
Prezidentga 2026-yil yanvar oyida boshlanadigan aholini ro‘yxatga olishga tayyorgarlik ishlari haqida ma’lumot berildi: 60 mingdan ziyod “Mahalla yettiligi” vakillari o‘qitildi, uylar geomanzillari shakllantirildi, mahallalarda tashkiliy rejalar tasdiqlandi. Ma’lumotlar integratsiyasi bo‘yicha aniq yechimlar kerak.
AQSh migratsiya organlari nazorat-tekshiruv reydlarini kuchaytirgani munosabati bilan O‘zbekiston TIV mamlakatda avtomobil boshqaradigan fuqarolarga murojaat qildi. Doim huquqiy maqomni tasdiqlovchi hujjatlarni olib yurish tavsiya etildi.
Prezident Milliy statistika qo‘mitasi hisoboti va kelgusi rejalari bilan tanishdi. Yashirin iqtisodiyot ulushini 30% dan tushirish, statistika tizimida elektron savdo qamrovini kengaytirish rejalashtirilgan.
Bundan 108 yil muqaddam - 1917-yilning 27-noyabr kuni Qo‘qonda mintaqadagi ilk demokratik hukumat - Turkiston muxtoriyati e’lon qilingan edi. Sana munosabati bilan Gazeta umri qisqa bo‘lgan muxtoriyat haqida test tayyorladi.
Sud Donald Trampga qarshi Jorjiya shtatida 2020-yilgi prezidentlik saylovlari natijalarini bekor qilishga urinish bilan bog‘liq ishni yopdi. Bu AQShning amaldagi prezidentiga qarshi so‘nggi jinoiy ish edi.
Bulung‘ur tumanida kanalni betonlashtirish davomida mingga yaqin daraxt kesib tashlangani aytilmoqda. Ayrim daraxtlar aholining o‘ziga kesdirilgan, yarim pulni davlatga topshirish talabi qo‘yilgan. Daraxt kesish to‘xtatilgan, voqea ishchi guruh tomonidan o‘rganilmoqda.
O‘zbekiston prezidenti Gretsiya, Indoneziya, Latviya, Fransiya, Rossiya, Yaponiya va Tojikistonning favqulodda va muxtor elchilaridan ishonch yorliqlarini qabul qildi. Foto.
Gonkongdagi turar joy majmuasida yuz bergan yirik yong‘in qurbonlari soni 55 kishiga yetdi, 300 ga yaqin kishi bedarak yo‘qolgan. Binolarni rekonstruksiya qilish uchun mas’ul bo‘lgan 3 kishi ushlandi.
Prezident farmoni bilan Jahon kubogi sohibi bo‘lgan Javohir Sindarovga “O‘zbekiston Respublikasida xizmat ko‘rsatgan sportchi” faxriy unvoni berildi. Qolaversa, grossmeyster 3 xonali xonadon, uning murabbiylari esa pul mukofotlari bilan taqdirlanadi.
Toshkentda havo ifloslanishiga qarshi kurash doirasida 95 ta favvora va 247 km sug‘orish tarmog‘i ishga tushirildi, dedi maxsus komissiya rahbari Aziz Abduhakimov. Shuningdek, yirik qurilish kompaniyalari o‘z tashabbusi bilan bir nechta hududlarda favvoralar qurishni boshlashga tayyorligini bildirgan.
Toshkent shahrida ekologik reydlardan so‘ng 35 ta obyekt faoliyati 10 kunga to‘xtatildi. 434 ta qurilish tashkilotlari rasman ogohlantirildi va 50 tasiga nisbatan choralar ko‘rildi. “Nazorat natijalari ta’sirida Toshkent shahri havosining ifloslanish darajasi kamayishga erishildi”, - deydi Aziz Abduhakimov.
Shaxmatchilar Javohir Sindarov va Nodirbek Yoqubboyev Goadagi Jahon kubogining asosiy sensatsiyasiga aylanib, bir vaqtning o‘zida yarim finalga chiqdi. Sindarov turnirda g‘olib bo‘ldi va tarixda ilk marta Da’vogarlar turniriga yo‘l oldi.
Tashqi ishlar vaziri Baxtiyor Saidov Somalining O‘zbekistondagi birinchi elchisi Fatxudin Ali Mohamedning ishonch yorliqlarini qabul qildi. Fevral kuni Nyu York shahrida O‘zbekiston va Somali o‘rtasida diplomatik munosabatlar o‘rnatish to‘g‘risidagi qo‘shma kommyunike imzolangan edi.
Toshkent shahrida chang va qum bilan ifloslanishining oldini olish bo‘yicha majburiy talablarni buzgan 15 ta obyektda qurilish ishlari vaqtincha to‘xtatildi. 70 nafar shaxs ma’muriy javobgarlikka tortildi, 68 nafar shaxs rasmiy ogohlantirildi.
Maxmud Istamov adliya vazirining birinchi o‘rinbosari, Mirjalol Allakuliyev esa vazir o‘rinbosari etib tayinlandi.
Toshkentdagi Olimpiya shaharchasida birinchi Prezident Olimpiadasi boshlandi. 3000 dan ortiq ishtirokchi sportning 10 turi bo‘yicha bellashadi. G‘oliblar milliy terma jamoalar tarkibiga qabul qilinadi.
Dushanbadan boshlab Toshkentda havo sifati bosqichma-bosqich yaxshilanmoqda. Agar o‘tgan hafta havoda PM2,5 miqdori me’yordan 3−3,4 barobar yuqori bo‘lgan bo‘lsa, o‘tgan sutkada 2 baravar holatiga tushdi.
O‘zbekiston Ichki ishlar vazirligi taqdim etuvchi ayrim xizmatlar elektron shaklda ko‘rsatiladi. Avtotransport vositasini jarima maydonchasidan chiqarish, portlovchi materiallarni olib kirish, sotib olish, saqlash va ommaviy tadbirlar o‘tkazish uchun ruxsatnomalar berish shular jumlasidan.
15-may kuni Istanbulda so‘nggi ikki yil ichida birinchi marta Rossiya va Ukrainaning urushni hal qilish bo‘yicha to‘g‘ridan-to‘g‘ri muzokaralari bo‘lib o‘tishi kutilmoqda. “Gazeta.uz” jarayon haqida mavjud bo‘lgan barcha ma’lumotlarni taqdim etadi.
Chet elda mehnat faoliyatini amalga oshirish davrida xorijiy davlatning qonunchilik hujjatlarini buzishi oqibatida deportatsiya qilingan fuqaro Migratsiya jamg‘armasi hisobidan qaytariladi. Qaytarish xarajatlarini keyinchalik fuqarodan undirib olinadi.
PISA tadqiqoti asoschisi Andreas Shlyayxer O‘zbekistondagi tadqiqotlarda barcha prezident maktablari qo‘shimcha guruh sifatida ishtirok etayotganini va ular umumiy natijaga ortiqcha ta’sir o‘tkazmasligini ma’lum qildi.
Rossiyada ota-onasidan ajralgan voyaga yetmagan bola Toshkentga olib kelindi va ijtimoiy yordam markaziga joylashtirildi. Uni qo‘llab-quvvatlash ishlari doimiy yashash joyida davom ettiriladi. Yil boshidan buyon xorijdan 54 nafar bola vatanga qaytarildi.
“El-yurt umidi” jamg‘armasi prezident huzuridagi Istiqbolli kadrlarni tayyorlash bo‘yicha “El-yurt umidi” jamg‘armasi etib qayta tashkil etildi. Shuningdek, O‘zbekiston prezidentining “El-yurt umidi” stipendiyasi joriy etildi.
Hukumat qarori bilan, Uzbekistan Airways uchun belgilangan maxsus tariflar, aviachiptalar narxlari va qatnov yo‘nalishlarini subsidiyalashga oid imtiyozlar barcha rezident aviakompaniyalarga tatbiq etiladi.
O‘zbekistonda 1-iyundan boshlab I va II guruh nogironligi bo‘lgan shaxslarni ishga qabul qilgan tadbirkorlik subyektlariga 50 million so‘mgacha subsidiya beriladi. Subsidiya surdotarjimon, psixolog va hamrohlik xizmatini tashkil qilish xarajatlarini qoplash uchun ajratiladi.
Uzbekistan Airways Pokiston va Hindiston chegarasidagi havo cheklovlari sabab ayrim reyslarda majburiy o‘zgarishlar bo‘lishidan ogohlantirdi. Bu Toshkent va Dehli, Mumbay, Lahor, Bangkok, Kuala-Lumpur, Pxuket o‘rtasidagi yo‘nalishlarga taalluqli.
2024-yil kuzda Sergeli tumanida BYD haydovchisi yo‘ldan o‘tayotgan 2015-yilda tug‘ilgan qizni urib yuborib, uning o‘limiga sababchi bo‘lgan edi. Sud unga nisbatan 4 yilga ozodlikdan mahrum qilish jazosini tayinladi.
Samarqandda uch qavatli uyda portlash sodir bo‘ldi, oqibatda bino qulab tushdi. Olti kishining jasadi topilgan.
O‘zbekiston Hindiston va Pokistonni vazminlik ko‘rsatishga, tinchlik manfaatlari asosida harakat qilishga va vaziyatning yanada yomonlashishiga yo‘l qo‘ymaslik uchun diplomatik muloqotga ustuvorlik berishga chaqirdi.
Prezident SSVga xalqaro tan olingan manbalarda “samarasiz yoki samarasi o‘rganilmagan” deb topilgan preparatlarni klinik protokollardan chiqarishni topshirdi. Bolalar shifoxonalarida antibiotiklarni asosli qo‘llash bo‘yicha kompleks reviziya o‘tkaziladi va protokollarga amal qilmagan xodimlarga chora ko‘riladi.
8, 9, 10 va 11-may kunlari Samarqand - Toshkent yo‘nalishida “Afrosiyob” poyezdining qo‘shimcha qatnovlari tashkil etiladi. Transport vazirligi harakat jadvali haqida ma’lumot berdi.
Isroil hukumati HAMASga qarshi quruqlikdagi operatsiyani kengaytirish rejasini ma’qulladi, uning maqsadi - “G‘azoni zabt etish va hududni egallash”. G‘azoning tinch aholisini anklav janubiga ko‘chirish rejalashtirilmoqda.
2026-yildan “Biznesni 15 daqiqada boshlash” tamoyili asosida tadbirkorlikni to‘laqonli yo‘lga qo‘yish mumkin bo‘ladi. Bunda jarayonni soddalashtirish orqali tadbirkorni ro‘yxatdan o‘tkazish uchun talab qilinadigan vaqt hozirgi 1 haftadan 15 daqiqaga qisqaradi.
O‘zbekistonda sanitariya, veterinariya, karantin nazoratida bo‘lgan 32 toifadagi mahsulotlar uchun muvofiqlik sertifikati bekor qilinadi. Majburiy sertifikatlanadigan tovarlar ro‘yxati 459 taga qisqartirildi. Ro‘yxat yana 288 taga kamaytiriladi.
Prezident 2026-yildan tadbirkorlar uchun muqobil skoring modeli ishga tushirilib, kredit berish shartlari osonlashtirilishini aytdi. Shuningdek, davlat rahbari endi skoring tizimi soliq va kommunal to‘lov intizomi, rasmiy aylanma, eksport operatsiyalari kabilarni ham inobatga olishini ta’kidladi.
Yoshlar ishlab chiqqan mingta startap g‘oyasi tijoratlashtiriladi, shundan 200 tasi xalqaro bozorga olib chiqiladi. Shuningdek, sohaga eng ilg‘or texnologiyalar olib kelinib, 100 ta mahalliy startap xalqaro miqyosda jozibador biznesga aylantiriladi. Ushbu maqsadlarga 100 mln dollar ajratilishi aytilmoqda.
Qirg‘izistonda Qishloq xo‘jaligi vazirligining qator mas’ullari qo‘lga olindi. Milliy xavfsizlik davlat qo‘mitasiga ko‘ra, ular chorva mollari eksporti uchun kvota berishda korrupsiyaga yo‘l qo‘ygan.
Yil boshida xususiylashtirilgan Humo to‘lov tizimi sof foydasi olti oyda 124,3 mlrd so‘mga yetdi, bu o‘tgan yilga nisbatan 73% ko‘p. O‘sish, ayniqsa, ikkinchi chorakda (2,2 karra) tariflar oshishi fonida keskin bo‘ldi.
2025-yil 1-martdan boshlab maktablardagi inspektor-psixolog shtatlari IIV tizimiga qaytarildi. Hozirda 2 mingta inspektor-psixolog shtati mavjud. Vazir o‘rinbosari Bekmurod Abdullayevga ko‘ra, o‘quvchilar bilan ishlashda inspektor-psixologlarning imkoniyatlari ichki ishlar idoralarida yuqori.
Toshkent shahrida 2025-yilning oxirigacha tungi avtobuslarning birinchi yo‘nalishi (T1) ish boshlaydi. U Qo‘yliq dehqon bozori - Husayn Boyqaro ko‘chasi bo‘ylab harakatlanadi. Birinchi bosqichda 8 ta, ikkinchi bosqichda 7 ta turizm ko‘chalarini qamrab olgan yo‘nalish ochiladi. Xarita.
Markaziy bank sharhiga ko‘ra, elektr va gaz uzilishlari hamda yoqilg‘i narxlarining oshishi biznesning to‘liq quvvatda ishlashi uchun asosiy to‘siq bo‘lib qolmoqda. Shuningdek, cheklovchi omillar qatorida aylanma mablag‘lar yetishmasligi, soliq tizimidagi murakkabliklar, ijara xarajatlarining yuqoriligi sanab o‘tilgan.
Xalq deputatlari Toshkent viloyati kengashi qarori bilan 2025-yil 10-sentabrdan aholi va yuridik shaxslar uchun issiqlik va issiq suv ta’minoti tariflari narxi oshirilmoqda. Ro‘yxat.