Toshkent shahri va viloyatida o‘tkazilgan reydlarda atmosfera havosini muhofaza qilishga oid talablarlarni buzish bo‘yicha salkam 40 ta huquqbuzarlik aniqlandi. Bunga yo‘l qo‘yganlarga 34,8 mln so‘m jarima qo‘llandi, 18 ta korxona faoliyati vaqtincha to‘xtatildi.
O‘zbekistonda Milliy arxiv fondi hujjatlarining 60 foizi raqamlashtiriladi. Fuqarolar “Shajara” axborot tizimi orqali o‘zining IX asrdan boshlangan shajarasini shakllantirishi mumkin bo‘ladi. Arxiv xizmatlarini ko‘rsatish muddatlari qisqartiriladi.
Farrux O‘ktamjonov Sirdaryo viloyatining Guliston shahri hokimi bo‘ldi. U bunga qadar viloyat IIB boshlig‘ining birinchi o‘rinbosari lavozimida ishlagan.
Bu yilgi kuz yomg‘irsiz o‘tayotgani tufayli juma kuni O‘zbekistondagi barcha masjidlarda yomg‘ir so‘rab istisqo namozi o‘qiladi. Shuningdek, markaziy masjidlar va ziyoratgohlarda jonliqlar so‘yilib, yordamga muhtoj oilalarga tarqatiladi.
O‘zbekistonda havo sifati ko‘rsatkichlari indeksatsiyasi (yashil, sariq, qizil, jigarrang) tasdiqlanadi. Uni 1-dekabrga qadar ishlab chiqish topshirilgan. Indeks asosida ifloslangan havoning odam organizmiga ta’sirini kamaytirish bo‘yicha tavsiyalar e’lon qilib boriladi.
O‘zbekiston Jahon savdo tashkilotiga a’zo bo‘lish yo‘lida Rossiya bilan muzokaralarni deyarli yakunladi: faqat ba’zi texnik bandlar tasdiqlanishi kerak. Ikki tomonlama muzokaralarni yakunlash uchun faqat Tayvan qoldi. Uchrashuv shu hafta Vashingtonda o‘tkazilishi kutilyapti.
Havo ifloslanishining taxminan 60 foizi inson faoliyati bilan bog‘liq. Bu omilning ta’sirini kamaytirish mumkin, ammo bir kunda emas. Bu haqda odamlarga rostini aytib tushuntirish muhim, dedi Aziz Abduhakimov.
Sog‘liqni saqlash vazirligi havoning ifloslanishi va mavsumiy infeksiyalar ko‘payib borayotgani sababli ochiq havoda va odamlar gavjum joylarda niqob taqish tavsiya etilgan SMS xabar yubormoqda.
Toshkent shahrining sharq, g‘arb, shimol va janub qismlarida kamida 3 tadan sun’iy ko‘l va suv havzalari tashkil etiladi. Shahardagi favvoralar soni kamida 2 baravarga ko‘paytiriladi. Uzunligi 5 kmdan kam bo‘lmagan “Soyali sayr ko‘cha”lari paydo bo‘ladi.
Braziliyaning Belen shahrida BMTning iqlim bo‘yicha 30-sammiti (COP30) yakunlandi. Qizg‘in muzokaralardan so‘ng mamlakatlar iqlimiy moliyalashtirishni ko‘paytirish, jumladan, yiliga 1,3 trln dollar safarbar qilishga kelishib oldi.
Tadbirkorlik subyektlari va fuqarolar tomonidan maishiy havo tozalash uskunalari O‘zbekiston hududiga olib kirilganda bojxona bojidan ozod etiladi. RM 2.5 zarralari bilan ifloslanish manbalarini aniqlash uchun Atmosfera havosini chuqur o‘rganishga qaratilgan maxsus laboratoriya tashkil qilinadi.
Seshanba kuni Shavkat Mirziyoyev Samarqandga tashrif buyuradi. Davlat rahbari xalq deputatlari viloyat kengashi sessiyasida ishtirok etishi hamda sanoat va ijtimoiy soha rivoji bilan tanishishi rejalashtirilgan.
Chorvoq-Toshkent yo‘lida mototsikl haydovchisi yuqori tezlikda harakatlanib kelayotgan vaqtda boshqaruvni yo‘qotib, yo‘lning o‘ng tomonida o‘rnatilgan temir to‘siqqa borib urildi. Oqibatda olgan jarohatlari tufayli voqea joyida vafot etdi.
Endi o‘zbekistonliklar jahon darajasidagi zamonaviy san’at asarlarini ko‘rish uchun viza olib, dunyoning narigi chekkasiga uchishiga hojat yo‘q. Olmaotada Almaty Museum of Arts - yangi san’at muzeyi ochildi.
2026-yil oxirigacha Toshkentda dendroparklar va yangi botanika bog‘i, soyali xiyobonlar, KHAYda “yashil yo‘lak” va “yashil belbog‘” yaratish rejalashtirilmoqda. Favvoralar soni ikki karra oshiriladi, yangi sun’iy suv havzalari paydo bo‘ladi. Ekologiya qo‘mitasi rejalarni taqdim etdi.
Toshkent hokimligi bahordan “ko‘p yillar davomida suv taqsimotini ta’minlab, qulay mikroiqlim yaratib kelgan” sug‘orish ariqlari tizimini qayta tiklashga kirishishini ma’lum qildi. Loyiha “infratuzilmani rivojlantirish va aholining turmush sharoitlarini yaxshilash bo‘yicha tizimli ishlarning bir qismi” bo‘ladi.
Transport vazirligi Toshkent va Chorvoq o‘rtasidagi yangi pulli yo‘l loyihasining ilk tafsilotlarini oshkor qildi. Vazir o‘rinbosari Jasurbek Choriyevga ko‘ra, mavjud infratuzilma mavsumiy eng yuqori tirbandlikka bardosh bera olmaydi. 56 km uzunlikdagi trassa hozirgi yo‘lga muqobil bo‘ladi.
Biznesmen Ilon Mask boshchiligidagi Hukumat samaradorligi departamenti (DOGE) Donald Tramp ma’muriyati davridagi faoliyatini to‘xtatdi. Mask may oyida prezident bilan kelishmovchiliklar tufayli DOGE’dan iste’foga chiqqandi.
Tokiodagi XXV Surdlimpiya o‘yinlarida Go‘zal Eshmirzayeva taekvondo bo‘yicha -67 kg vazn toifasida final bahsida g‘alaba qozondi va O‘zbekistonga musobaqa tarixidagi ilk oltin medalni taqdim etdi. Foto.
Saida Mirziyoyeva Toshkentdagi ekologik vaziyatni yaxshilash bo‘yicha kechiktirib bo‘lmas choralarga doir yig‘ilish o‘tkazdi. Ekonazoratni yaxshilash, ifloslantiruvchi obyektlar faoliyatini cheklash, qurilish talablarini kuchaytirish, keng ko‘lamli obodonlashtirish, monitoring tizimini yo‘lga qo‘yish choralari ishlab chiqilmoqda.
Toshkentda bir necha kundan beri davom etayotgan smog barcha uchun “jiddiy qo‘ng‘iroq” bo‘ldi, dedi Aziz Abduhakimov. Ekologiya qo‘mitasi havo ifloslanishini kamaytirish bo‘yicha tezkor va uzoq muddatli rejalarni e’lon qildi.
Prezident administratsiyasi rahbari maslahatchisi Komil Allamjonov bir vaqtning o‘zida PAning AQShdagi vakili etib tayinlandi.
Berlinda yashaydigan asli toshkentlik rassom Yuliya Drobova Toshkent haqida noodatiy bolalar kitobini tayyorladi. “Salom, Toshkent!” yo‘lko‘rsatkichining bosh qahramoni - shaharliklarga yaxshi tanish musicha.
Toshkent viloyati hokimi Zoyir Mirzayev ayollar orasida onkologik kasalliklar ko‘pligining sabablaridan biri sifatida ular tandirda non yopmay qo‘yganini aytdi. “Tandirda non yopgan ayolda rak kasali bo‘lmaydi… Sababi - [tandir oldiga] borganda organizm qiziydi, keyin qon tez aylanadi”, - dedi hokim.
Qirg‘iziston sobiq prezidenti Almazbek Atambayevning o‘g‘li Kadirbek Atambayev, shuningdek, bir qator siyosatchilar ushlandi. Ular yaqinda o‘tadigan parlament saylovlaridan so‘ng ommaviy tartibsizlik va mitinglar o‘tkazishga tayyorgarlik ko‘rishda gumonlanmoqda.
O‘zbekistonda Toshkentning yangi xalqaro aeroporti va Samarqandning “yuragi”ni bog‘laydigan yangi tezyurar temiryo‘l qurishga hozirlik ko‘rilmoqda. Janubiy Koreyaning Saman Engineering kompaniyasi uchta yo‘nalish variantini taqdim etdi.
Jizzax-G‘allaorol avtomobil yo‘lida o‘zidan oldinda ketayotgan mashinani quvib o‘tmoqchi bo‘lgan Matiz ZIL-130 yuk mashinasi bilan to‘qnashdi. Oqibatda Matiz haydovchisi va 2 yo‘lovchisi voqea joyida halok bo‘ldi.
Guliston shahri jamoat transporti uchun 52 dona Yutong rusumli avtobuslar olib kelindi. Shu tariqa yil boshidan shaharga olib kelingan avtobuslarning umumiy soni 72 taga yetdi. Shahardagi jamoat transporti harakat tarkibi to‘liq elektrobuslar bilan yangilandi.
Noyabrning oxirgi ish haftasida O‘zbekiston bo‘ylab quruq ob-havo saqlanib qoladi. Harorat kunduzi +13…+18 daraja bo‘ladi.
Chilonzor tumani kengashi deputati, xonanda Shohrux Shodmonov Toshkent va boshqa hududlarda havo ifloslanishi kuzatilayotgani “mavsumiylik” yoki “tabiiy jarayonlar” emas, balki befarqlik oqibati ekanini yozdi.
Samarqand shahri jamoat transporti uchun 10 ta avtobus xarid qilindi. Asia Star rusumidagi avtobuslar “Dilshod Trans servis” mas’uliyati cheklangan jamiyati tomonidan 700 ming dollar kredit mablag‘i evaziga Xitoydan olib kelindi.
Malayziyada 2026-yildan 16 yoshgacha bo‘lgan foydalanuvchilar uchun ijtimoiy tarmoqlardan foydalanishni taqiqlash reja qilinmoqda. Qaror yoshlarni onlayn tahdidlar - qo‘rqitish, moliyaviy firibgarlik va jinsiy zo‘ravonliklardan himoyalash zarurati bilan izohlanmoqda.
Toshkentdagi ob-havo sharoiti hamon ifloslanishning yuqori darajada saqlanib qolishiga hissa qo‘shmoqda. Shahardagi smog baland qavatlardan va Toshkent viloyati tog‘laridan yaqqol ko‘rinyapti. Aholiga sog‘lig‘ini himoya qilish uchun choralar ko‘rish tavsiya etiladi. Poytaxtning tonggi manzaralari - Gazeta fotoreportajida.
Ukraina va AQSh Jenevadagi muzokaralarda Trampning tinchlik rejasi bo‘yicha yangilangan variantni tayyorlagani va “mazmunli progress”ga erishganini bildirdi. Rubio buni “masala bo‘yicha o‘tkazgan eng samarali kunimiz” deb atadi.
Ekologiya qo‘mitasi barcha qurilish va sanoat korxonalarini atmosfera havosini ifloslantirmaslik bo‘yicha talablarga so‘zsiz rioya etish borasida ogohlantirmoqda. Qo‘mita talablar bajarilmagan taqdirda faoliyat tugatilishi, jarima qo‘llanishi yoki jinoiy javobgarlikka tortilishini eslatib o‘tdi.
Andijonda fuqarolarni Koreyaga ishga yuborish evaziga 15 ming dollar talab qilgan hakamlik sudi sudyasi qo‘lga olindi. Holat yuzasidan jinoyat ishi qo‘zg‘atilib, qamoq ehtiyot chorasi qo‘llanildi.
O‘zbekiston, Qozog‘iston va Qirg‘iziston suv-energetika sohasida hamkorlikni yanada rivojlantirish parametrlarini kelishib oldi. Bunda qozoq va o‘zbek tomoni kuz-qish mavsumida Qirg‘izistonga elektr yetkazib beradi.
Ekologiya qo‘mitasi Toshkent shahrida havo ifloslanishi sabablari tahlilini keltirdi. Havo sifatiga tabiiy va antropogen omillarning birgalikdagi ta’siri e’tirof etildi. Asosiy sabablar - iqlim o‘zgarishi, qurg‘oqchilik, isitish (IES, issiqxonalar), transport va qurilish chiqindilari.
OAV AQSh Venesuela bilan bog‘liq operatsiyalarning yangi bosqichini boshlashga tayyorligi haqida yozmoqda. Variantlar orasida prezident Maduro hokimiyatini ag‘darishga urinish ham bor. AQSh Venesuelani giyohvand moddalar kirib kelishida ayblaydi, shuningdek, Maduro hokimiyatini tan olmaydi.
Oq uyda o‘tgan Tramp va Nyu Yorkning yangi meri Mamdani uchrashuvi qarama-qarshiliklarga boy bo‘lishi kutilgandi, ammo jarayon o‘ta samimiy va maqtovlarga boy kechdi. Siyosatchilar narxlar bilan bir qatorda, energiya xarajatlari, jamoat xavfsizligi va Yaqin Sharqdagi tinchlik kabi masalalarda umumiy til topishdi.
Favvoralar mavsumi tugagan bo‘lishiga qaramay, Toshkentda havo ifloslanishini kamaytirish uchun 47 ta favvora ishga tushirilgan. Ekologiya qo‘mitasi raisi Aziz Abduhakimov favvoralar sonini ko‘paytirish zarurligini aytdi.
O‘zbekistonlik Javohir Sindarov hamyurti Nodirbek Yoqubboyevni mag‘lub etib, jahon chempionati finaliga yo‘l oldi. U Da’vogarlar turniriga yo‘llanmani qo‘lga kiritgan birinchi o‘zbekistonlik bo‘ldi. Yoqubboyev bronza va qolgan so‘nggi o‘rin uchun o‘ynaydi.
Havodagi ifloslanishni kuchaytiruvchi inversiya holati kelasi hafta oxirigacha davom etishi mumkin, deya ma’lum qildi O‘zgidromet. U 24-noyabrdan keyin ortga chekinishi kutilgandi. Agentlik holat tabiiy va vaqtinchalik jarayon ekanini aytib, zarurat tug‘ilganda tezkor choralar ko‘rilayotganini bildirdi.
Attestatsiya jarayonidan norozi bo‘lib, Maktab ta’limi vazirligini sudga bergan 4 nafar tarix o‘qituvchisining shikoyati sud tomonidan rad etildi. Da’vogarlarning advokatiga ko‘ra, sudya hujjatlarni tahlil qilmay, ishni yuzaki ko‘rib chiqqan, appelyatsiya shikoyati kiritish reja qilinmoqda. Batafsil.
S&P xalqaro reyting agentligi 2018-yildan buyon birinchi marta O‘zbekistonning kredit reytingini “BB” darajasiga ko‘tardi. Bunga energiya tariflarining oshishi, xususiylashtirish va barqaror iqtisodiy o‘sish sabab bo‘ldi.
O‘zbekistonda Butunjahon bolalar kunida diqqatga sazovor joylar moviy tus oldi, maktablarda ochiq dars o‘tkazildi, Senatda yosh faollar so‘zga chiqdi. “Bolalar huquqlarini himoyalash bir tashkilotninggina ishi bo‘lmasligi kerak”, - degan Shahnoza Mirziyoyeva xalqaro hamkorlarni ishlarni qo‘llab-quvvatlashga chaqirdi.
AQSh prezidentining Janubiy va Markaziy Osiyo bo‘yicha maxsus vakili Serjio Gor Amerika-O‘zbekiston ishbilarmonlik va investitsiya kengashi hamraisi bo‘ldi. O‘zbekiston tomonidan kengashga Prezident administratsiyasi rahbari Saida Mirziyoyeva rahbarlik qilmoqda.
YUNISEFning “Dunyoni moviy rangga bo‘ya” global aksiyasi doirasida Toshkent shahri va O‘zbekiston hududlaridagi o‘nlab binolar moviy rangda yoritildi. Foto.
Farg‘onaning “Neftchi” jamoasi O‘zbekiston Superligasining 2025-yilgi mavsumi chempioni bo‘ldi. Farg‘onaliklar liga tugashiga 1 tur qolganda 4:1 hisobida “Qizilqum” ustidan g‘alaba qozonib, muddatdan avval chempionlikni kafolatladi. Jamoa oxirgi marta ligada 2001-yilda g‘olib bo‘lgan.
Davlatobod tumanida tegishli hujjatga ega bo‘lmagan Onix haydovchisi uni to‘xtatishga uringan katta serjant Vaxobjon Mo‘minovni urib ketgan. Oqibatda tan jarohati olgan xodim shifoxonada vafot etdi.
XVJ O‘zbekistonning budjet taqchilligini qisqartirishdagi harakatlarini ijobiy baholadi. Jamg‘arma mamlakatga korxonalar foydasi va jismoniy shaxslar daromadidan olinadigan soliqlarni isloh qilish, samarasiz imtiyozlardan voz kechish, oltin narxining budjet xarajatlariga ta’sirini yumshatishni tavsiya qildi.
Markaziy bank asosiy stavkani o‘zgarishsiz, 14 foiz darajasida qoldirdi. “Yalpi talab va taklif o‘rtasidagi nomutanosibliklar hamda tashqi noaniqliklarning kuchayib borishi bilan bog‘liq xatarlar pul-kredit sharoitlarini nisbatan qat’iy, joriy darajasida saqlab qolishni taqozo etmoqda”, - deya qayd etgan MB.
O‘zbekiston hukumati 70 toifadagi tovarlar, jumladan, kiyim-kechak, maishiy texnika va tagliklar importi qiymati va miqdorini nazorat qilishning yangi tartibini tasdiqladi. 1-maydan boshlab deklaratsiya qilinayotgan narx oxirgi 90 kundagi o‘rtacha narxning 80 foizidan past bo‘lishi mumkin emas.
AQSh rasmiylari Ukrainaga Rossiyaning Qrim ustidan de-yure nazoratini tan olish, hozirgi front chizig‘ini muzlatish, Rossiyaga qarshi sanksiyalarni bekor qilish va Kiyevga “ishonchli xavfsizlik kafolati”ni o‘z ichiga olgan urushni tinch yo‘l bilan hal qilish rejasini taqdim etdi, deb yozmoqda G‘arb OAV.
Toshkentning beshta tumani - Yunusobod, Mirzo Ulug‘bek, Shayxontohur, Olmazor va Yashnobodda 9 kunlik o‘chirishdan so‘ng issiq suv ta’minoti bosqichma-bosqich tiklanadi. Veolia Energy Tashkent ta’mirlash ishlari tugaganini, qozonxonani suv va bosimga to‘ldirish boshlanganini ma’lum qildi.
Markaziy bank belgilagan AQSh dollarining so‘mga nisbatan kursi ketma-ket to‘rtinchi kundirki pasaymoqda. Ushbu davrda milliy valyuta kursi 0,89% yoki deyarli 116 so‘mga mustahkamlandi. Bu nima bilan bog‘liq bo‘lishi mumkin?
O‘zbekiston hukumati to‘ylar va boshqa marosimlarni o‘tkazishni tartibga soluvchi yangi hujjat qabul qilishni rejalashtirmoqda. Hujjatda isrofgarchilikka qarshi kurashish va yoshlarni tejamkorlikka o‘rgatish choralari ko‘zda tutiladi.
O‘zbekiston xalqaro islom akademiyasi Xalqaro islomshunoslik akademiyasi etib qayta nomlanadi. U islomshunoslik va dinshunoslik bo‘yicha mutaxassislar tayyorlaydi, darsliklar yaratadi hamda diniy sohada ilmiy-tadqiqot ishlarini amalga oshiradi.
Prezident imzolagan farmonga ko‘ra, aholining kundalik hayotidagi savollariga sun’iy intellekt asosida mobil telefon orqali sodda va qulay shaklda javob beradigan onlayn platforma yaratiladi. Davlat xaridlarida narxlar chegarasidan og‘ishgan mansabdorlar javobgarlikka tortiladi.
Prezident korrupsiyaga qarshi kurashish tizimini kuchaytirish maqsadida beshta sohada huquqiy eksperiment o‘tkazishni nazarda tutuvchi farmonni imzoladi. Unga ko‘ra, ayrim vazirlik va kompaniyalarda ichki nazoratni Antikorrupsiya agentligi xodimlari olib boradi.
Rim papasi Fransisk 88 yoshida vafot etdi. Fevral oyida u nafas yo‘llari infeksiyasi bilan kasalxonaga yotqizilgan va bir oydan ko‘proq vaqtni kasalxonada o‘tkazgandi.
Qonunchilik palatasi sobiq deputati, ekologiya vaziri maslahatchisi Rasul Kusherbayev IIBga chaqirilganini aytib, telefonining olib qo‘yilishini asossiz deb atadi. Toshkent viloyati IIBB bunga bir fuqaroning arizasi sabab bo‘lganini ma’lum qilib, harakatlar asossiz ekanini rad etdi.
1-maydan boshlab O‘zbekistonda jismoniy shaxslar uchun tovarlarni bojsiz olib kirish normalari kamaytiriladi: aeroportlar orqali - 1000 dollargacha (hozir $2000), temiryo‘l orqali - 500 dollargacha ($1000).
1-avgustdan boshlab O‘zbekistonda oziq-ovqat mahsulotlariga texnik reglament va standartlar talab etilmaydi. Buning o‘rniga daxldor idoralar bilan kelishilgan SanQvaNlar joriy etiladi. Yil oxirigacha bir qator sanitar, fitosanitar va veterinariya tartib-taomillarining bajarilishi majburiy bo‘lmaydi.
Toshkent viloyatidagi ayrim aholi yashash hududlaridan tashqarida avtomobil tezligi 100 km/soatdan 80 km/soatgacha pasaytirildi. Ro‘yxatga M39 avtomobil yo‘lining Yangiyo‘l va Chinoz tumanlaridan o‘tgan qismlari ham kiritilgan.
Toshkent shahrida issiqlik ta’minoti va issiq suv tariflarining navbatdagi oshirilishi rejalashtirilmoqda. 2025-yil 1-oktabrdan boshlab aholi uchun narxlar 15 foizga, yuridik shaxslar uchun 40 foizga, budjet tashkilotlari uchun esa 19 foizga oshishi mumkin.
O‘zbekistonda norasmiy bandlikka yo‘l qo‘ygan ish beruvchilar BHMning 30 baravari miqdorida jarimaga tortilishi rejalashtirilmoqda. Bandlik vazirligi bu yo‘nalishda bir qator yengilliklar berilayotgani fonida qonun buzish jarima to‘lashdan foydaliroq bo‘lib qolmasligini kerak deb hisoblamoqda.
O‘zbekistonda norasmiy bandlikka yo‘l qo‘ygan ish beruvchilarni BHMning 30 baravari, takroran sodir etilganda esa BHMning 100 baravari miqdorida ma’muriy javobgarlikka tortish rejalashtirilmoqda.
2025/2026 o‘quv yili uchun kasbiy ta’lim tashkilotlariga qabul boshlandi. Qabul Vazirlikning my.edu.uz platformasi orqali 2025-yil 10-sentabrgacha (shu kuni ham) davom etadi. Boshlang‘ich, o‘rta va o‘rta maxsus kasbiy ta’lim dasturlari bo‘yicha kunduzgi, kechki va dual ta’lim shakllariga hujjat topshirish mumkin.
Qirg‘izistonda 11-avgustdan 90 kun davomida suyakli mol va qo‘y go‘shti narxiga davlat nazorati o‘rnatilmoqda. Rasmiylarga ko‘ra, bu aholi manfaatlarini himoyalash va narxlar barqarorligini ta’minlashga qaratilgan.
Donald Tramp Vladimir Putin bilan 15-avgust kuni AQShning Alyaska shtatida uchrashishini e’lon qildi. Kreml bu ma’lumotni tasdiqladi. “Bu, chamasi, murakkab jarayon bo‘ladi, ammo masala ustida faol ishlaymiz”, - dedi Rossiya prezidenti yordamchisi Ushakov.
128,2 million dollarga qurilgan va xalqaro auksionlarda sotilishi rejalashtirilgan Dehqonobod kaliy zavodi tanlovsiz Asian Chemical Group’ga o‘tkazildi. Bu O‘zbekistondagi xususiylashtirish bo‘yicha navbatdagi noshaffof bitim. Xaridor haqida nimalar ma’lum?
Vladimir Putin Shavkat Mirziyoyevga AQSh rahbarining maxsus vakili Stiven Uitkoff bilan muzokaralar yakunlari haqida ma’lumot berdi. Avvalroq ushbu muzokaralarda Rossiya va AQSh “yaqin kunlarda” Vladimir Putin va Donald Tramp o‘rtasida uchrashuv o‘tkazishga kelishib olgani xabar qilingandi.
Sog‘liqni saqlash vazirligi fuqarolarni ijtimoiy tarmoqlardagi soxta tabiblardan ogoh bo‘lishga chaqirdi. Bunday soxta usullar diagnostika va davolash milliy klinik protokollari va standartlariga muvofiq emas.
Raqobat qo‘mitasining ko‘rsatmasidan so‘ng Beeline kunlik to‘lov xizmatini boshqarish imkoniyatini joriy qildi. Iste’molchilar oy yakunida hisobda oy uchun to‘lov yetarli bo‘lmagan hollarda mijozlarni ogohlantirishsiz kunlik tarifga o‘tkazilishi va bu uchun to‘lov ham avtomatik yechib olinishidan shikoyat qilgandi.