O‘zbekiston va Afg‘onistonni bog‘lab turuvchi Termiz-Hayraton ko‘prigidagi fuqarolarni o‘tkazish punktlari 4 yildan so‘ng qayta ish boshladi. 2021-yildan beri fuqarolar Mazori Sharifga yetib borish Tojikiston orqali bir kunlik aylanma yo‘ldan foydalanishga majbur bo‘lib kelayotgandi.
2024-yilning dekabridan buyon Jizzax viloyati hokimi vazifasini bajaruvchi sifatida ishlab kelayotgan Ulug‘bek Mustafoyev viloyat hokimi etib tasdiqlandi. Prezident uning oldiga 2026-yilda viloyatga 4,5 mlrd dollar xorijiy investitsiya olib kelish, 15 ming oilani kambag‘allikdan chiqarish kabi vazifalarni qo‘ydi.
Siklonlar va ular keltirib chiqargan suv toshqinlari oqibatida Indoneziyada kamida 631 kishi halok bo‘ldi. Shri Lankada ham kamida 390 kishi, Tailandda esa 176 kishi halok bo‘lgan. Millionlab odamlar ko‘chirildi.
Markaziy Osiyoda yer degradatsiyasini sekinlashtirish, bioxilma-xillikni kamaytirish, suv va yer resurslarini barqaror boshqarish bo‘yicha mintaqaviy dastur ishga tushirildi. U asosiy daryolar havzalari, shuningdek, inson va iqlim bosimiga uchraydigan yaylovlar, cho‘llar, dashtlar va tog‘li hududlarni qamrab oladi.
Prezident Jizzax shahridagi yangi yo‘l o‘tkazgich va yo‘l bilan tanishdi. Bularning natijasida shaharga kirish-chiqish 25 kilometrdan 4 kilometrgacha qisqardi, M-39 avtomobil yo‘li bilan bog‘lanish yaxshilandi.
Prezident Jizzaxga tashrifi chog‘ida atom elektr stansiyasi qurilishi uchastkasini tayyorlash va qurilish materiallarini mahalliylashtirish rejalari bilan tanishdi. Bo‘lajak zavod mutaxassislari va ularning oila a’zolari uchun 10 ming kishiga mo‘ljallangan monoshahar loyihasi ham taqdim etildi.
O‘zbekiston U-17 terma jamoasining sobiq murabbiyi Islombek Ismoilov Farg‘onaning “Neftchi” futbol klubiga bosh murabbiy etib tayinlandi. Unga jamoa chempionligini saqlab qolish va OCHL elit bosqichida muvaffaqiyatli ishtirok etish vazifalari qo‘yildi.
Seshanba kuni Shavkat Mirziyoyev Jizzax viloyatiga tashrif buyuradi. Prezident yo‘l-transport infratuzilmasi, qishloq xo‘jaligi, ta’lim, tibbiyot kabi sohalardagi ishlar bilan tanishadi hamda xalq deputatlari kengashi sessiyasida ishtirok etadi.
Toshkent viloyatidagi 5 ta chiqindi tashish korxonasi iste’molchilardan asossiz mablag‘ olgani aniqlandi. Xususan, ular xonadonlardan chiqindilarni umuman olib ketmagan, biroq to‘lovlar hisoblagan. Raqobat qo‘mitasi qarori bilan aholiga 8,8 mlrd so‘mdan ortiq mablag‘ qayta hisob-kitob qilinadigan bo‘ldi.
Prezident Toshkent shahridagi ekologik vaziyatni yaxshilash bo‘yicha maxsus komissiya hisobotini tingladi. Nafaqat poytaxt, balki hududlarda ham barqarorlashtirish choralari va tekshiruvlarni davom ettirish, havo sifatiga ta’sir qilayotgan barcha omillarni qat’iy nazoratga olishni buyurdi.
Qozog‘istonning Aqtobe viloyatida salonida yo‘lovchilar, jumladan, 54 nafar O‘zbekiston fuqarosi bo‘lgan avtobus YTHga uchradi. Aqtobedagi Bosh konsulxona ularga zarar yetmaganini ma’lum qildi. Yo‘lovchilarga oziq-ovqat va boshpana berilgan, ular boshqa avtobusda mamlakatga qaytadi.
Soliqlar nimalarga sarflanayotganini ko‘rish imkoniyati, tadbirkorlar uchun barcha xizmatlar jamlangan “Biznes hamroh” markazlari, mol-mulk va yer solig‘ini undirishning yangi usuli, “Navbahor” murabbiyiga aylangan Timur Kapadze va boshqalar - Gazeta’ning kunlik dayjestida.
O‘zbekiston 2026-yilda “Samarkand-2028” masofaviy zondlash sun’iy yo‘ldoshini uchiradi. Xitoy kompaniyasi o‘z giperspektral apparatlaridan biriga shunday nom beradi. SI modulli sun’iy yo‘ldosh paxta va g‘alla vegetatsiyasini aniqlay oladi, dedi raqamli texnologiyalar vaziri birinchi o‘rinbosari Oleg Pekos.
Prezidentga tibbiyot, ta’lim va boshqa sohalarda SIni joriy etish bo‘yicha loyihalar taqdim etildi. SI allaqachon insult va saraton tashxisini tezlashtirmoqda, maktablarda SI dasturlari ishga tushmoqda, o‘qituvchilar uchun “virtual yordamchi” yaratilmoqda.
Prezident Ozarbayjon misolida SSP huzurida “Biznes hamroh” markazlarini tashkil etishni ma’qulladi. Ular biznesni ro‘yxatga olishdan to eksportgacha qo‘llab-quvvatlab, “yagona darcha” tamoyili asosida barcha davlat va xususiy xizmatlarni taqdim etadi. Tadbirkorlar “bir joyda 80% muammosini hal qila oladi”.
Prokuratura Farg‘ona viloyatida turmush o‘rtog‘i va voyaga yetmagan farzandlarini qasddan o‘ldirishda gumonlanayotgan erkakka nisbatan jinoyat ishi qo‘zg‘atdi.
XVJ O‘zbekistonni oltindan daromadlar hisobiga davlat xarajatlari o‘sishini cheklashga chaqirdi, aks holda, bu “shusiz ham yuqori talabga ega” iqtisodiyotning “qizib ketishiga” olib keladi. Joriy dinamika islohotlar o‘tkazish, shuningdek, “xavfsizlik yostiqchasi”ni shakllantirish uchun qulay imkoniyat yaratadi.
Airbus’ning xabar berishicha, korporatsiya quyosh nurlanishi tufayli nosozliklarni aniqlaganidan so‘ng 6000 ga yaqin A320 samolyoti zarur dasturiy ta’minot yangilanishlarini qabul qildi.
XVJ missiyasi O‘zbekistonga faol iqtisodiy o‘sishdan foydalanib, imtiyozli kreditlashni qisqartirish maqsadida moliya sektoridagi islohotlarni jadallashtirishni tavsiya etdi. YAIMning yuqori o‘sish sur’atlarini saqlab qolish ko‘p jihatdan tarkibiy islohotlarning davom ettirilishiga bog‘liq.
30-noyabr kuni Farg‘ona viloyatida havoning kuchli ifloslanishi qayd etildi. Bungacha ham hududda havo tarkibida PM2,5 zarrachalarining ko‘pligi bir necha bor kuzatilgan. Gazeta muxbiri viloyatning O‘zbekiston tumanida bo‘lib, chang-tumanli havodan suratlar oldi. Fotoreportaj.
Qahramonimiz Buxoro shahridagi yuzlab tarixiy yodgorlikni jamlagan saytga asos solgan. Obidalarning yarmidan ko‘pi yo‘qolib ketgan, asoschi ularning har biri joylashgan nuqtaga ekspeditsiya uyushtirgan.
O‘zbekistonda noyabr oyida inflyatsiya 0,7% ni tashkil etdi, yillik ko‘rsatkich esa 7,5% ga - 2016-yildan buyon eng past darajaga tushdi. Bodring narxi 96% ga, pomidor - 82% ga, tuxum - 2,4% ga oshdi.
O‘zbekiston Osiyo infratuzilmaviy investitsiyalar bankidan yashil o‘sish dasturi uchun $500 mln oladi. U hukumatga yanada samarali boshqaruv tizimini yo‘lga qo‘yishga yordam berishi, kam emissiyali rivojlanishga o‘tishni qo‘llab-quvvatlashi va iqlimiy tahdidlarga chidamlilikni oshirishi kutilmoqda.
Namanganning “Navbahor” futbol klubi Timur Kapadzeni bosh murabbiy etib tayinlanganini e’lon qildi.
Ingliz tilining Oksford lug‘ati 2025-yilgi so‘z sifatida rage bait (reyjbeyt)ni tanlandi. “G‘azab xo‘ragi” ma’nosini anglatuvchi ibora provokatsion yoki haqoratli elementlardan foydalangan holda g‘azab yoki nafratni qo‘zg‘atish uchun maxsus yaratilgan onlayn kontentni anglatadi.
Gulshan Alimardonova Qohirada o‘tayotgan karate bo‘yicha jahon chempionatida -50 kg vazn toifasida g‘olib bo‘ldi. U O‘zbekiston tarixida jahon chempioni bo‘lgan ilk ayol karatechi bo‘ldi.
Mo‘ynoqdagi Orol dengizining qurigan tubida yuzaga kelayotgan ekologik muammolarni hal etish uchun ilmiy-tadqiqot stansiyasi ish boshladi. Unda olim va mutaxassislar sho‘rlangan tuproq unumdorligini tiklash, chidamli o‘simliklar o‘sishini kuzatish, qum ko‘chishi va changlanishni tahlil qilish kabilarni amalga oshiradi.
O‘zbekistonda mol-mulk va yer solig‘i bo‘yicha umumiy summasi 1 mln so‘mdan oshgan soliq qarzdorligini undirishda elektr energiyasining billing tizimi mexanizmidan foydalanishni joriy etiladi. Avvalroq chiqindidan qarzdorlarning elektr energiyasiga to‘lov qilish imkoniyatini cheklash yo‘lga qo‘yilgan edi.
O‘zbekistonda 1-yanvardan “Ochiq budjet” axborot portalida fuqarolar to‘lagan soliqlar hisobidan amalga oshiriladigan budjet xarajatlari ma’lumotlari aks etadigan modul ishga tushadi.
O‘zbekistonda 3D-dizayn, indi-o‘yinlar yaratish va beshta tilda dasturlash bo‘yicha videodarslarni o‘z ichiga olgan Cyber Qiz bepul onlayn ta’lim platformasi ishga tushdi. Uni o‘zini o‘zi tashkil etgan Qizlar jamoasi a’zolari yaratdi.
Peterburglik Syusan Mamedova O‘zbekistonning Centrum Air aviakompaniyasidagi ilk ayol uchuvchi bo‘ldi. U ishni yoshligida styuardessalikdan boshlab, vaqt o‘tishi bilan shturvalda o‘tirishni istayotganini angladi, Yevropa va AQShda uchuvchilikka o‘qidi.
Chust tumanidagi 10 gektar yerda chiqindini yoqish orqali elektr energiyasi ishlab chiqaruvchi zavod qurilishi boshlandi. Loyihaga China Everbright International kompaniyasi tomonidan 141,5 mln dollar investitsiya kiritilgan bo‘lib, korxona yiliga 227,5 mln kVt/soat elektr ishlab chiqarilishi kutilmoqda.
Poytaxtdagi ekovaziyatni yaxshilash bo‘yicha maxsus komissiya birinchi ish haftasi hisobotini berdi. Komissiya ko‘chalarni sug‘orish tadbirlari va qoidabuzarliklarni aniqlash bo‘yicha reydlar boshqa hududlarda ham o‘tkazilayotganini ma’lum qildi.
Yunusobod tumanida Onix haydovchisi yo‘l chetidagi piyodani urib yuborib, Nexia 3 va Cobalt avtomashinalari bilan to‘qnashdi. YTH oqibatida piyoda vafot etdi.
Yunusobod tumanida Onix haydovchisi yo‘l chetidagi avtoturargoh xodimini urib yuborib, Nexia va Cobalt bilan to‘qnashdi. YTH oqibatida erkak voqea joyida halok bo‘ldi. Holat bo‘yicha jinoiy ish ochildi.
Toyloq tumanida 40 yoshli erkak ikki o‘g‘li bilan tanishlarining yuk mashinalarini yoqib yubordi. Voqeaga o‘rtadagi kelishmovchilik ortidan kelib chiqqan janjal sabab bo‘lgani aytilmoqda. Samarqand viloyati IIBga ko‘ra, gumonlanuvchilar ushlanib, ularga nisbatan jinoiy ish ochildi.
Toshkent viloyati Nurafshon shahridagi mahallalardan birining hokim yordamchisi fuqarodan 2 ming dollar talab qilgani aytilmoqda. U tanishlari orqali Toshkent viloyati Ekologiya boshqarmasiga ishga kiritib qo‘yishni va’da qilgan.
Binyamin Netanyahu o‘ziga qo‘yilgan pora olish, korrupsiya, firibgarlik kabi ayblovlar yuzasidan Isroil prezidentiga afv so‘rab rasmiy ariza topshirdi. Netanyahu 2020-yildan beri olib borilayotgan sud jarayonining to‘xtatilishi Isroilning milliy manfaatlariga javob berishini aytdi. U aylovlarni rad etib keladi.
Tahqir va kaltaklanish ishi jabrlanuvchisi Gulira’no Qosimova Furqat tumani IIB sobiq boshlig‘i va o‘rinbosari 4 yilga qamalgach, Gazeta`ga intervyu berdi. Ayol hukmdan rozi, ammo IIBning ishga aloqador yana 9 xodimi jazo olishini so‘rayapti.
To‘ldirish: Bola topildi. Poytaxtning Yakkasaroy tumanida yo‘qolgan 14 yoshli o‘quvchi qidirilmoqda. Bola 29-noyabr kuni kechki payt uyidan mashg‘ulotga chiqib ketgan, ammo yetib bormagan, uyiga ham qaytmagan.
Poytaxtning Yakkasaroy tumanida yo‘qolgan 14 yoshli o‘quvchi qidirilmoqda. Bola 29-noyabr kuni kechki payt uyidan mashg‘ulotga chiqib ketgan, ammo yetib bormagan, uyiga ham qaytmagan. Uni ko‘rgan va bilganlar 102 raqamiga murojaat qilishi so‘raladi.
Uning oyoqlari bola vaqti sandalda yonib ketgan. Protez oyoqlarni esa ilk bor 8-sinfdaligida taqqan. “Iroda” loyihasining navbatdagi qahramoni - “Jasorat” medali sohibasi, “Toshkent - Vodiy” yo‘nalishi bo‘ylab haydovchilik qiladigan Zubayda Yo‘ldosheva.
Tarmoqlarda Boysun tumanidagi “Mustaqillikning 25 yilligi” konidan gaz sizib chiqayotgani aytilgan xabarlar tarqaldi. Energetika vazirligiga ko‘ra, bu holat bir hafta oldin sodir bo‘lgan geologik jarayon.
“Chinor ostidagi duel”, “Suyunchi”, “Tangalik bolalar” kabi qayta-qayta tomosha qilgulik filmlarning ssenariysi muallifi Rixsivoy Muhammadjonov tavalludiga 30-noyabr kuni 85 yil to‘ldi. Sana munosabati bilan Gazeta o‘zbek kinosida o‘chmas iz qoldirgan ijodkorning filmlari asosida test tayyorladi.
Airbus A320 samolyotlarida balandlik rulini va eleronlarni boshqarish blokidagi dasturiy ta’minot standartini zudlik bilan yangilash talab etildi. Uzbekistan Airways`ga ko‘ra, modifikatsiya deyarli yakunlangan.
Vazirlar mahkamasi avtotransportlarni ekologik toifalarga ajratish hamda ekologik stikerlarni berish tartibi to‘g‘risidagi nizomni tasdiqladi. Unga ko‘ra, transport egasi ixtiyoriy ravishda ekologik stiker olish uchun YHXXga uning rasmiy veb-sayti yoki YAIDXP (my.gov.uz) orqali murojaat qiladi.
Toshkent davlat yuridik universitetiga Baxshillo Xodjayev rektor etib tayinlandi. U tayinlovga qadar universitetning ilmiy ishlar va innovatsiyalar bo‘yicha prorektori lavozimida ishlab kelayotgandi.
Uzoq vaqt davomida yog‘ingarchilik bo‘lmagani sababli juma kuni O‘zbekiston masjidlarida juma namozidan so‘ng istisqo namozi o‘qildi. Toshkentdagi “Minor” masjididan Gazeta muxbiri suratlari.
Indoneziyaning Bali oroliga safar uyushtirganda nimalar qilish mumkin? Uning turli hududlarida nimalarni ko‘rsa bo‘ladi? Va bunday sayohat qanchaga tushadi? Gazeta shu kabi savollarga javob izlab, katta yo‘lko‘rsatkich tayyorladi.
Gazeta va Yandex Music “Mahallalar musiqasi” loyihasini davom ettiradi. Bu gal jamoat faoli, Troll.uz loyihasi muallifi Umid Gafurov bilan Eski Buxoroni piyoda aylandik. U bilan o‘zbek blogosferasi, so‘z erkinligi, turizm va e’tirozlarga sabab bo‘lgan “Boqiy Buxoro” etnoparki haqida suhbatlashdik.
AQSh prezidenti Donald Tramp, agar kompaniya mamlakat tashqarisida iPhone ishlab chiqarishni to‘xtatmasa, Apple`ga qarshi 25 foiz miqdorida boj joriy etish bilan tahdid qildi. Hozirda Apple smartfonlarni asosan Xitoy va Hindistonda ishlab chiqaradi.
Vetnam hukumati Telegram`ni bloklamoqchi, bunga messenjer jinoiy ishlar doirasida foydalanuvchilar ma’lumotini hukumatga bermagani sabab qilib ko‘rsatildi. 10 mingga yaqin Telegram kanal va guruhning 68 foizi firibgarlik, giyohvand moddalar va terrorizm holatlari bilan shug‘ullangani taxmin qilinmoqda.
Raqobat qo‘mitasi Toshkent va Qashqadaryoda Yandex Go taksi xizmati orqali fuqarolar hisobidan asossiz yechib olingan mablag‘lar qaytarilganini ma’lum qildi. Qo‘mitaga jamoat transportida yo‘lkira narxining oshirilgani va yangi avtomashinalardagi texnik nosozliklar yuzasidan ham murojaatlar kelib tushgan.
22-may kuni Toshkentning Yunusobod, Olmazor, Mirzo Ulug‘bek, Yashnobod va Shayxontohur tumanlarining bir qancha hududlarida soat 18:00 gacha issiq suv ta’minotida uzilishlar kuzatilishi mumkin. Bunga IM-1 va IM-4 qozonxonalarida gaz ta’minoti to‘liq yoki qisman to‘xtatilishi sabab bo‘ladi.
O‘zbekistonda Rossiya Federatsiyasi, Qozog‘iston va Ozarbayjon fuqarolariga ichki hujjat yoki ID karta orqali kirishga ruxsat berish rejalashtirilmoqda. Hozirda bunday tartib faqat Qirg‘iziston uchun amal qiladi.
2025/2026 o‘quv yilidan Al Beruniy nomidagi xalqaro maktab-internat faoliyati yo‘lga qo‘yiladi. Maktab bitiruvchilariga shahodatnoma va xorijiy oliygohlarga kirish imkonini beruvchi xalqaro ta’lim dasturi diplomi beriladi.
Toshkentda metro vagonida 19 yoshli yigit o‘ziga notanish bo‘lgan ayolning beldan pastki qismini ushlab, shahvoniy shilqimlik sodir etdi. Sud unga nisbatan 5 sutka ma’muriy qamoq jazosi tayinladi.
Endi O‘zbekistonda odam savdosi jinoyatini qalbaki hujjatlardan foydalangan holda sodir etish 5 yildan 10 yilgacha (avval 5 yildan 8 yilgacha edi) ozodlikdan mahrum qilish bilan jazolanadi. Jinoyat jabrlanuvchining o‘limiga sabab bo‘lsa ayblanuvchini 10 yildan 15 yilgacha ozodlikdan mahrum qilish belgilandi.
Yakkasaroy tumani 319-maktab o‘qituvchisi yanvar oyida 1-sinf bolasini kaltaklagani uchun ma’muriy jarima olib, o‘z arizasi bilan ishdan ketgandi. Ma’lum bo‘lishicha, u hozirda ishga tiklangan, ayrim ota-onalar sud qaroridan norozi.
Jahon banki O‘zbekistonga $100 mln imtiyozli kredit ajratishni ma’qulladi. U taqsimlovchi elektr tarmoqlarini modernizatsiya qilishda foydalaniladi. 2024-yilda infratuzilmaning eskirgani va haddan tashqari yuklangani sababli elektr energiyasini taqsimlashda texnik yo‘qotishlar qariyb 13 foizni tashkil etgan.
O‘zbekistonda 1-iyundan boshlab yo‘l chiziqlarini bosib qoidabuzarlik sodir etish holatlarini maxsus avtomatlashtirilgan foto va video qayd etish dasturiy-texnik vositalari orqali qayd etishga yo‘l qo‘yilmaydi. To‘xtash chizig‘i - “stop-liniya” bundan mustasno.
Uzbekistan Airways ichki yo‘nalishlar bo‘yicha ekonom-klass tariflari tuzilmasini qayta ko‘rib chiqdi. 10 ta tarif darajasi o‘rniga 4 ta tarif amal qiladi, maksimal darajalar bekor qilindi. Yo‘lovchilar uchun arzon tariflarda ko‘proq joylar mavjud bo‘ladi, deya xabar berdi aviakompaniya.
Rossiya-Ukraina urushida qatnashib, jang maydonida harbiy istehkom qurish ishlariga jalb etilgan O‘zbekiston fuqarosiga 4 yil ozodlikni cheklash jazosi tayinlandi. U Rossiyada yashash qoidalarini buzganlikda ayblangan, jazo berilmasligi evaziga Rossiya qurolli kuchlari tarkibiga harbiy xizmat qilishga rozi bo‘lgan.
Uzum, Olcha va Glotr onlayn marketpleyslarida 270 dan ortiq kontrafakt mahsulot sotilayotgani ma’lum bo‘ldi. Ularda Adidas, Chanel va Bosch kabi brendlarning soxta tovarlari taklif etilgan. Murojaatga asosan Uzum Market`dan ba’zi kontrafakt mahsulotlarning savdosiga chek qo‘yildi.
4 oyda davlat buyurtmachilari amalga oshirgan 21 mlrd so‘mlik 18 ta davlat xaridida qonun buzilish holatlari aniqlandi. O‘zaro affillangan shaxslar ishtiroki va qoidalarga zid baholash jarayonlari natijasida bir qator xaridlar bekor qilindi, hujjatlar tegishli organlarga yuborildi.
O‘zbekistonga mehnat muhojirlari tomonidan ikkinchi chorakda jami 4,8 mlrd dollar pul o‘tkazmalari amalga oshirildi. Buning o‘sish sur’ati (21,4 foiz) o‘tgan yilning mos davriga (38,6 foiz) nisbatan sekinlashdi.
O‘zbekistonda birinchi chorakda real ish haqi 7,2 foizga, ikkinchisida esa 7,3 foizga o‘sdi. MO davlatlarida o‘rtacha o‘sish 9,8 foizni tashkil etdi. Markaziy bank sharhiga ko‘ra, bu tafovutning uzoq vaqt saqlanib qolishi kelgusida O‘zbekistonda xarid qobiliyati pasayishi va talabning susayishiga olib keladi.
O‘zbekistonda dollarning rasmiy kursi 12357 so‘mgacha tushdi - bu so‘nggi 20 oydagi eng past ko‘rsatkich. Yil boshidan buyon milliy valyuta 4,2% mustahkamlandi.
O‘zbekiston yil boshidan buyon 7,7 mlrd dollarlik oltin eksport qildi. Oltin eksporti hajmi o‘tgan yilning mos davriga (4,2 mlrd dollar) nisbatan rekord darajada - 80,9 foizga o‘sib, mamlakat jami eksportidagi ulushi qariyb 38 foizni tashkil etdi.
Prezident farmoniga ko‘ra, O‘zbekistonda Sudyalar oliy maktabi negizida Odil sudlov akademiyasi tashkil etilmoqda. U sudyalik lavozimlariga nomzodlarni o‘qitish, amaldagi sudyalar va sud xodimlarining malakasini oshirish, shuningdek, raqamlashtirilgan zamonaviy o‘qitish usullarini joriy qilish bilan shug‘ullanadi.
8-avgust kuni Jinoyat ishlari bo‘yicha Bekobod tuman sudida Rossiya tomonidan Ukrainaga qarshi urushda qatnashgan O‘zbekiston fuqarosiga nisbatan sud hukmi o‘qildi. U Moskvaga ishlash maqsadida borib, qurilish ishlarida ishlagan.
Isroil mudofaa kuchlari G‘azo shahriga hujum boshladi va uning chekkalarini nazorat qilmoqda, deya bayonot berdi Isroil harbiylari.
O‘zbekiston-Qozog‘iston chegarasidagi yerosti quvuri orqali neft mahsulotlari kontrabandasi bilan shug‘ullangan 5 nafar Qozog‘iston fuqarosiga hukm o‘qildi. Ular jami 420 tonna Ai-92 markali benzinni olib o‘tgan.
Istanbulda o‘zbekistonlik erkak rashk sabab o‘z xotinini pichoqlab o‘ldirdi. Erkak va uni yashirinishda yordamlashganlikda gumon qilinayotgan shaxs ushlandi.
2026-yildan tadbirkorlarning yer, mol-mulk, ijtimoiy va daromad soliqlari hisobotlarini shakllantirish bo‘yicha majburiyati bekor qilinadi. Ushbu hisobotlarni soliqchilarning o‘zi bepul to‘ldirib beradi.