Global keskinlik va ishonch zaiflashayotgan sharoitda tinchlikparvarlik va vositachilik tamoyillariga umumiy sodiqlikni saqlash har qachongidan ham dolzarb, dedi O‘zbekiston prezidenti. U Turkiya, RF, Eron va MO davlatlari rahbarlari qatnashgan Ashxoboddagi Xalqaro tinchlik va ishonch forumida nutq so‘zladi.
SSVda “Elektron retsept” tizimini joriy etish bo‘yicha ishchi guruh yig‘ilishi o‘tmoqda. Tizim ishga tushishi bilan ko‘plab aholi odatiy dori-darmonlarni sotib olish imkoniyatiga ega bo‘lmay qoldi. Masala tarmoqlarda qizg‘in muhokama qilinmoqda.
O‘zbekistonning qator hududlaridagi metan zapravkalar ish soatiga cheklov kiritish boshlandi. Xususan, Toshkent shahridagi 78 ta metan zapravka soat 06:00 dan 23:00 gacha ishlaydi. Ro‘yxat.
Avstraliyaning 16 yoshgacha bo‘lgan bolalarga ijtimoiy tarmoqlardan foydalanishni taqiqlash haqidagi qarori ortidan Daniya ham yoshlar uchun cheklovlarni joriy etishga tayyorgarlik ko‘rmoqda (bu yerda - 15 yoshgacha).
Jizzaxda bo‘lajak atom elektr stansiyasi qurilish maydonidan 16 km uzoqlikda kamida 30 ming aholiga mo‘ljallangan yangi monoshaharcha quriladi. Bosh rejaga ko‘ra, 100 gektar maydonda turar-joy massivlari, maktablar, bolalar bog‘chalari, tibbiyot punkti, mehmonxonalar, istirohat bog‘lari bo‘ladi.
O‘zbekistonda chiqindi xizmatidan 1-iyuldan boshlab shakllangan qarzdorliklar to‘lanmagani uchun 205 mingga yaqin abonentning elektr to‘loviga vaqtincha cheklov o‘rnatildi. Ayni paytda chiqindi xizmatlaridan jami 18,2 mlrd so‘m debitor qarzdorlik mavjud.
2022-yilda “O‘zekspomarkaz” pavilonida ilk bor namoyish etilgan “Van Gog bo‘lish” multimedia ko‘rgazmasi yangilangan formatda qaytdi. Dunyoning eng taniqli rassomlaridan birining hayoti va ijodiga bag‘ishlangan ko‘rgazma Tashkent City Mall savdo markaziga ko‘chdi va uchta yangi zalga kengaytirildi.
O‘zbekiston qishloq xo‘jaligidagi islohotlarni davom ettirish uchun YIdan 7 mln yevro miqdorida grant oldi. Grant YIning 2026-yilgacha mo‘ljallangan 20 mln yevrolik paketining bir qismi bo‘lib, mamlakat qishloq xo‘jaligi sektori barqarorligini mustahkamlashga qaratilgan.
Toshkentda “O‘zbekiston”, “Mashinazozlar”, “G‘afur G‘ulom” va “Milliy bog‘” bekatlarida avval yopiq bo‘lgan metro vestibyullari qayta ochildi. Yo‘lovchi kamligi sababli ulardan ko‘p yillar foydalanilmagan.
Qish mavsumida O‘zbekistonning ichki ehtiyojlari uchun yerosti omborlaridan o‘tgan yilga nisbatan 1,2 mlrd kub metr ko‘proq gaz yetkazib berish rejalashtirilmoqda. Energovazirga ko‘ra, har ikkala YGO ishonchli ishlamoqda.
Shavkat Mirziyoyev Ashxobod shahrida Turkmaniston Xalq Maslahati raisi Gurbanguli Berdimuhamedov bilan uchrashuv o‘tkazdi. Prezident suhbatboshini doimiy betaraflikning o‘ttiz yilligi bilan tabrikladi va bo‘lajak xalqaro forum ishida muvaffaqiyat tiladi.
O‘zbekistonning “Lukoyl” bilan hamkorligi AQSh sanksiyalariga rioya qilgan holda davom etmoqda, dedi energetika vaziri Jo‘rabek Mirzamahmudov. Rossiya kompaniyasining aktivlarini sotish litsenziyasi 17-yanvarga qadar uzaytirildi.
Bolgariya bosh vaziri Rosen Jelyazkov ishonchsizlik votumi rejalari fonida hukumat iste’foga chiqishini e’lon qildi. Bolgariyada ziddiyatli budjet rejalari sababli ommaviy norozilik namoyishlari yuzaga kelgan.
Shavkat Mirziyoyev ikki mamlakat munosabatlari tarixida ilk bor tashrif bilan kelgan Paragvay rahbari Santyago Penyani qabul qildi. Ular savdo, qishloq xo‘jaligi, oziq-ovqat va kimyo sanoati, raqamlashtirish va sport sohalaridagi qo‘shma loyihalarni muhokama qildi, qo‘shma bayonotni imzoladi.
Shavkat Mirziyoyev Ko‘ksaroy qarorgohida Paragvay prezidenti Santyago Penya bilan muzokara o‘tkazdi. Bu Lotin Amerikasi davlati prezidentining O‘zbekistonga ilk tashrifidir. Yetakchilar savdo-iqtisodiyot, madaniy-gumanitar, ta’lim va boshqa sohalardagi yo‘nalishlarni muhokama qildi.
Toshkent viloyatida Chirchiq daryosidan 15 yoshli bolaning jasadi topildi. Xabar berishlaricha, bola suvdagi koptogini olmoqchi bo‘lgan va o‘zi ham suvga tushib ketgan. Tekshiruv olib borilmoqda.
Jinoyat ishlari bo‘yicha Yakkasaroy tumani sudi inson organlari savdosi bilan shug‘ullangan uyushgan jinoiy guruhga nisbatan hukm chiqardi. Guruh 30 dan ortiq jigar va buyrak transplantatsiyasini amalga oshirgan.
Daniya tashqi va harbiy razvedka xizmati ilk marta AQShni mamlakat xavfsizligiga potensial tahdid deb atadi. Aytilishicha, AQSh “o‘zining iqtisodiy va texnologik kuchidan hokimiyat quroli sifatida foydalanyapti”.
O‘zbekistonda birinchi marta 7 oylik chaqaloqqa jigar ko‘chirib o‘tkazish amaliyoti bajarildi. Unga onasi donorlik qildi. Ayni paytda ona va bola shifokorlar nazoratida, o‘zlarini yaxshi his etmoqda, deya ma’lum qildi SSV.
AQSh Venesuela qirg‘oqlarida sanksiyalangan neft tankerini egallab oldi. “Biz haqiqatan ham shu paytgacha ko‘rilgan eng ulkan tankerni qo‘lga kiritdik”, - dedi Tramp. Venesuela AQShni “oshkora o‘g‘rilik”da ayblab, tankerni egallashni “xalqaro qaroqchilik harakati” deb atadi.
Qirg‘iziston Konstitutsiyaviy sudi o‘lim jazosini qaytarishni huquqiy jihatdan mumkin emas va nomaqbul deb topdi. Organ prezidentning bolalarni zo‘rlash, zo‘rlash bilan bog‘liq qotillik uchun o‘lim jazosini qo‘llashni nazarda tutuvchi qonun loyihasi taqdimnomasiga shunday xulosa berdi.
Raqobat qo‘mitasi tadbirkorlarni bayramoldi chegirma va aksiyalarini tashkil etishda qonunchilik talablariga rioya qilish yuzasidan ogohlantirdi. Sotuvchilar iste’molchilarni chegirma va aksiya to‘g‘risida barcha zarur ma’lumotlar bilan ta’minlashi shartligi hamda chegirma qo‘llash taqiqlangan tovar turlari eslatildi.
Davlat aktivlarini boshqarish agentligi SamAuto avtozavodidagi 75,2 foiz davlat ulushini Turkiyaning Anadolu Isuzu kompaniyasiga sotish bitimi yakunlanganini ma’lum qildi. Bu orqali respublika budjetiga 1 trln so‘m tushdi.
Jizzax shahrida Nexia qarama-qarshi yo‘nalishda kelayotgan “KamAZ” yuk mashinasi bilan to‘qnashdi. 19 yoshli Nexia-3 haydovchisi turli tan jarohatlari bilan jonlantirish bo‘limiga yetkazildi va o‘sha yerda vafot etdi.
Yashirin iqtisodiyotga qarshi kurash doirasida yuridik shaxslar uchun notarif cheklovlarni soddalashtirish orqali fuqarolar nomiga avtomobil olib kirish hajmini kamaytirish rejalashtirilmoqda. Bojxona qo‘mitasi va UZIMEI markazi o‘rtasida IMEI kodlarini ro‘yxatdan o‘tkazish bo‘yicha hamkorlik yo‘lga qo‘yiladi.
Piskent tumanidagi fermer xo‘jaligi Toshkent dengizi yaqinida 24 tup daraxtni kesib tashlagani aniqlandi. Oqibatda tabiatga 218,5 mln so‘m zarar yetdi. Jamlangan hujjatlar huquqiy baho berish uchun Toshkent viloyati prokuraturasiga yuborildi.
Chorshanba oqshomida Toshkentni qalin tuman qopladi - joriy qish mavsumidagi birinchisi. Poytaxt qanday ko‘rinish olgani - Gazeta muxbirlari fotosuratlarida.
Toshkent - Urganch - Xiva yo‘nalishi bo‘yicha qatnaydigan oltita Hyundai Rotem tezyurar poyezdidan birinchisi Janubiy Koreyadan O‘zbekistonga yuborildi. U keyingi yil ish boshlashi rejalashtirilmoqda.
Prezidentga korrupsiyaning oldini olishga doir rejalar taqdimot qilindi - xavf yuqori sohalarda maxsus loyiha ofislari tashkil etiladi, korrupsiya haqida xabar beradiganlarga himoya orderi beriladi, sohaga hissa qo‘shganlar uchun ko‘krak nishoni ta’sis etiladi.
Prezident korrupsiyaga qarshi kurash bo‘yicha yangilangan rejalar taqdimoti bilan tanishdi. Davlat idoralari o‘rtasida yagona “antikorrupsion klaster” tashkil etish, E-qaror portalida hujjatlar ochiq e’lon qilinishini ta’minlash va SI asosidagi Xavf-tahlil markazini yaratish ko‘zda tutilgan.
YUNESKO qoraqalpoq, qozoq va qirg‘iz o‘tovlari tayyorlashning an’anaviy bilim va ko‘nikmalarini Nomoddiy madaniy merosning reprezentativ ro‘yxatiga kiritdi. O‘zbekiston nominatsiyani kengaytirish g‘oyasini ilgari surdi, buning natijasida mavjud ro‘yxatga qoraqalpoq an’analari ham qo‘shildi.
O‘zbekiston BMTning CHAMPS tashabbusini joriy qo‘ygan 11-davlatga aylandi. Bolalar orasida psixoaktiv moddalar iste’molining oldini olishga qaratilgan loyihaning ilk pilot hududi Sergeli tumani bo‘ldi.
Avstraliya 16 yoshgacha bo‘lgan bolalar uchun ijtimoiy tarmoqlarni butunlay taqiqlagan dunyodagi birinchi davlat bo‘ldi. TikTok, YouTube, Facebook, Instagram va boshqa yirik platformalar taqiqqa uchradi.
Prezident qishloq xo‘jaligi vakillari bilan uchrashuvda ishlar natijadorligi va ustuvor vazifalarga to‘xtaldi. Prezident bu sektorda 3,5 mln dan ziyod aholi mehnat qilayotgani, sohaga qancha mablag‘ kerak bo‘lsa, topib berishga tayyorligi, ammo bunda ochiq va shaffof tizim bo‘lishi kerakligini ta’kidladi. Batafsil.
2026-yildan O‘zbekistonda ko‘chmas mulk va qurilish materiallari bo‘yicha soliq bazasi ularning bozor qiymatidan kelib chiqib hisoblanadi. O‘zbekistonliklarga onlayn tovar yoki xizmatlar sotadigan xorijiy kompaniyalar soliq organlarida ro‘yxatdan o‘tishi shart bo‘ladi - aks holda, ularning faoliyati cheklanadi.
Vladimir Zelenskiy AQSh va yevropalik hamkorlar ovoz berish xavfsizligini ta’minlay olsa, mamlakatda ikki-uch oy ichida saylov o‘tkazishga tayyorligini aytdi. Shuningdek, u Kiyev ittifoqchilar bilan muhokama qilayotgan tinchlik rejasi “doimiy ravishda o‘zgarib turishi va bu normal holat” ekanini bildirdi.
2026-yilning 1-yanvaridan O‘zbekistondagi barcha savdo va xizmat ko‘rsatish korxonalarida elektron to‘lovlarni qabul qilish uchun yagona QR kod joriy etiladi. 1-iyuldan boshlab bunday QR koddan foydalanmaslik savdo qoidalarini buzish deb baholanadi.
2026-yil 1-apreldan ko‘chmas mulk va transport vositalari bilan bog‘liq bitimlar faqat bank kartalari yoki elektron to‘lov tizimlari orqali amalga oshiriladi. Qiymati 25 mln so‘mdan yuqori bo‘lgan tovarlar va xizmatlar, benzin sotib olish va boshqalar uchun to‘lovlar ham naqd pulsiz shaklga o‘tkaziladi.
O‘zbekistonda oziq-ovqat bozoriga doimiy intervensiya tizimi joriy etiladi, bu yil davomida narxlarni barqaror ushlab turish imkonini beradi, dedi prezident. Fransuz amaliyoti bo‘yicha kichik chorvachilik fermalarini rivojlantirish rejalashtirilmoqda.
O‘zbekiston Ozarbayjonning SOCAR kompaniyasi loyihasi tufayli neft mahsulotlari importini bartaraf etmoqchi. “O‘zbekneftgaz” rahbari Ustyurt platosidagi minimal qidiruv ssenariysi ham mamlakatni o‘z resurslari bilan ta’minlashini aytdi.
O‘zbekistonga 2026-yilda Xitoydan yana 50 dan ortiq agrodron olib kelinadi. Agrar sohada dronlar uchun belgilangan uchish og‘irligi 100 kilodan 250 kilogacha oshiriladi. Avvalroq 2025-yil kuzida 100 dan ziyod agrodron olib kelinishi xabar qilingandi.
Tanqid va hayfsanlardan so‘ng Andijon viloyati Shahrixon tumani hokimi tadbirkorga ekoreyd davomida uning ko‘rsatmasi bilan buzib tashlangan bitta tandirning pulini to‘lab bergani ma’lum bo‘ldi. Ammo e’lon qilingan kadrlarda kamida uchta tandir buzib tashlanganini ko‘rish mumkin.
O‘zbekistonda paxta va g‘alla yo‘nalishidagi fermerlarning alohida reytingi yuritiladi, imtiyozli kredit stavkalari pasaytiriladi. Ming nafar fermer “Mirzacho‘l” klasteri namunasida cho‘l sharoitida paxta yetishtirish bo‘yicha o‘qitiladi.
Toshkent shahrida KHAYning Ziyolilar ko‘chasidan Shota Rustaveli ko‘chasigacha bo‘lgan 19 kilometrli qismini 150 mlrd so‘mga modernizatsiya qilish rejalashtirilmoqda. Bundan tashqari, poytaxtning 264 ta chorrahasida yagona boshqaruv tizimiga ega yangi svetoforlar, foto va video qayd etish vositalari paydo bo‘ladi.
Qoraqalpog‘istonning qo‘biz (musiqa asbobi) yasash va ijro etish san’ati YUNESKOning nomoddiy madaniy meros bo‘yicha muhofaza ro‘yxatiga kiritildi. Ustalar safining qisqarishi, yosh avlodning yetarli xabardor emasligi natijasida mazkur meros yo‘qolib ketish xavfi ostida.
Xalqaro havo transporti assotsiatsiyasi rahbari Uilli Uolsh O‘zbekistonning aviapark quvvatini oshirish va yangi aeroport qurish borasidagi rejalarini ijobiy baholadi. Ammo barqaror o‘sish uchun aviatashuvchilar bozorida qulaylikni ta’minlash (masalan, viza siyosati) va raqobatni kengaytirish muhim ekanini aytdi.
Raqobat qo‘mitasi nazorat qiluvchi organga bukmekerlik xizmatlarini reklama qilgan 86 ta saytni blok qilishni so‘rab ma’lumot taqdim etdi. Ularning 70 ga yaqiniga kirish cheklandi.
Toshkent metrosining uzoq vaqt yopiq turgan “O‘zbekiston”, “Mashinasozlar”, “G‘afur G‘ulom”, “Milliy bog‘” bekatlaridagi vestibyullari 11-dekabrdan ochiladi. Bu yo‘lovchi oqimining ortib borayotgani hamda aholining talab va istaklari bilan bog‘liq.
Tunda Toshkentning Mirobod tumanida avtobus tartibga solinmagan “peshexod”dan o‘tayotgan ayolni urib yubordi. U zarba kuchidan qarama-qarshi yo‘nalishga yiqildi va Haval mashinasiga urildi. Jabrlanuvchi voqea joyida vafot etdi, jinoyat ishi qo‘zg‘atildi.
Tunda Toshkentning Mirobod tumanida avtobus tartibga solinmagan “peshexod”dan o‘tayotgan piyodani urib yubordi. U zarba kuchidan qarama-qarshi yo‘nalishga yiqildi va Haval mashinasiga urildi. Jabrlanuvchi voqea joyida vafot etdi, jinoyat ishi qo‘zg‘atildi.
Raqobat qo‘mitasi O‘zbekiston bo‘ylab 2800 ta avtobus bekatlarini tanlanma usulida tekshirib, ularning ko‘pchiligida yorug‘lik, belgilar, panduslar va boshqalar yo‘qligini aniqladi. Qo‘mita yo‘l qo‘yilgan kamchiliklarni bartaraf etish yuzasidan Transport vazirligi va hokimliklarga ko‘rsatmalar yubordi.
Raqobat qo‘mitasi O‘zbekiston bo‘ylab 2800 ta avtobus bekatlarini tanlanma usulida tekshirib, ularning ko‘pchiligida yorug‘lik, belgilar, panduslar va boshqalar yo‘qligini aniqladi. Qo‘mita yo‘l qo‘yilgan kamchiliklarni bartaraf etish yuzasidan Transport vazirligi va hokimliklarga ko‘rsatmalar yubordi.
Toshkentdagi “Sokin” nimstansiyasida yuzaga kelgan nosozlik oqibatida Yunusobod, Mirzo Ulug‘bek va Olmazor tumanlarining ayrim hududlari elektrdan uzildi.
Deputatlar yo‘l qoidasi buzilgani foto va video orqali qayd etilgan hollarda ma’muriy jazo huquqbuzarlik sodir etilgan kundan boshlab 1 oydan kechiktirmay qo‘llanilishi belgilangan qonunni birinchi o‘qishda ma’qulladi.
“Yuksalish” harakati ichimlik suvi ta’minoti bo‘yicha olib borgan jamoatchilik monitoringiga berilgan raddiya yuzasidan “O‘zsuvta’minot”ni hissiyotga berilmaslikka chaqirdi. Harakat suv ta’minotida muammolar hanuz davom etayotganini misollar bilan keltirdi.
Shavkat Mirziyoyev mas’ullarga qaysi hududda “yashil” hudud, sport maydonchasi, bolalar o‘yingohi boshqa maqsadlar uchun berib yuborilgan bo‘lsa, hammasini aniqlab, joyiga qaytarishni topshirdi.
O‘zbekistonda o‘rmon va yaylovlardan oziq-ovqat mahsulotlari yetishtirish uchun yerlar ajratiladi. Prezident zaxira bo‘lgan o‘rmon yerlaridan yetarlicha foydalanilmayotgani ko‘rsatib o‘tdi. “Shuncha resurs bilan go‘shtga bo‘lgan ichki ehtiyojni to‘liq qoplab, eksportga ham chiqsak bo‘ladi-ku!” - dedi prezident.
Qamashi tumanida g‘isht zavodi faoliyatini qayta tiklash evaziga pul talab qilgan fuqaro va ishga aloqador bo‘lgan soliq inspeksiyasi boshlig‘i o‘rinbosari ushlandi. Ularning har biri 3 ming dollardan olgan vaqtida ashyoviy dalillar bilan qo‘lga tushgan.
Parkent tumanida 3 nafar voyaga yetmagan bola suv havzasida cho‘kib, vafot etdi. U yerda xavf haqida ogohlantiruvchi belgilar o‘rnatilmagani, aholiga tushuntirish ishlari olib borilmagani va havzani bartaraf etish choralari ko‘rilmagani sabab mansabdor shaxslarga nisbatan jinoyat ishi qo‘zg‘atildi.
Eron bilan qayta boshlangan harbiy harakatlar fonida O‘zbekistonning Isroildagi elchixonasi ogohlantirish bilan chiqdi. Dipmissiya fuqarolarga ehtimoliy raketa hujumlari paytida bomba boshpanalariga kirish, shaxsni tasdiqlovchi hujjatlar va elchixonaning aloqa ma’lumotlarini olib yurishni so‘ramoqda.
Octobank Humans moliyaviy xizmatini o‘z tizimidan uzganini ma’lum qildi. 13-iyundan boshlab Visa kobeyjing kartalariga xizmat ko‘rsatish to‘xtatiladi. Bank Humans kompaniyasidan 500 mlrd so‘mdan ortiq qarzdorlikni undirish va yetkazilgan zararni qoplash bo‘yicha sudga da’vo arizasi kiritdi.
O‘zbekiston milliy valyutasi o‘sishda davom etmoqda: dollar kursi 12 646 so‘mgacha tushdi, bu oxirgi 9 oydagi eng past ko‘rsatkich. Iqtisodchi Mirkomil Xolboyev buni valyuta oqimlari, oltin eksporti va rubl dinamikasi bilan izohladi.
Urganch tumanida fuqarolarning tug‘ilgan sanasini o‘zgartirib, ularni boshqa shaxs sifatida rasmiylashtirgan pasport va ID kartalar tayyorlab bergan shaxslar jazoga tortildi. Jinoiy guruh a’zolariga 2 yildan 10 yil 6 oygacha bo‘lgan ozodlikdan mahrum qilish jazosi tayinlandi.
O‘zbekistonda uy-joylar renovatsiyasi loyihalari aholi roziligisiz ishga tushirilmaydi, dedi Qurilish vazirligi rahbari. Unga ko‘ra, renovatsiya zonalari bo‘lgan barcha shaharlarning bosh rejalari avvalroq Toshkentda bo‘lgani kabi raqamlashtiriladi va jamoatchilik uchun ochiq bo‘ladi.
2025/2026-o‘quv yili uchun akademik litseylarga umumta’lim maktablarining 9-sinf bitiruvchilaridan hujjatlarni onlayn qabul qilish boshlanadi. Qabul jarayonlari 10-iyulga (shu kuni ham) qadar davom etadi.
Raqobat qo‘mitasi Korzinka va Coca-Cola nomidan tarqalgan reklama aksiyalari aslida fishing sxema ekanini ma’lum qildi. Fuqarolardan shaxsiy ma’lumot bermaslik va axborotlarni rasmiy manbalardan tekshirish so‘raldi.
“O‘zbekneftgaz” kompaniyasi 2-sentabrdan birjada Ai-80 markali benzin savdosini to‘xtatdi. Endi faqat Ai-92 markali yuqori oktanli benzin sotuvga qo‘yiladi.
1-sentabrdan boshlab Toshkentdagi 15, 28 va 61-sonli avtobus yo‘nalishlari harakatiga qisman o‘zgartirishlar kiritildi. Ta’kidlanishicha, bu avtobus yo‘nalishlarida yo‘lovchilar tashish xavfsizligini ta’minlash va yo‘nalishlarni maqbullashtirish maqsadida amalga oshirilgan.
Avgustda inflyatsiya 0,4 foizni tashkil etganiga qaramay, O‘zbekistonda ayrim tovar va xizmatlar, jumladan, Ai-80 benzini (+4,6%), kartoshka (+3,5%) va karam (+11,4%) keskin qimmatladi. Yonilg‘ining boshqa markalari narxi ham ko‘tarildi.
Ayrim toifadagi ichki ishlar organlari xodimlari va pensionerlariga berilgan xizmat uylari xususiylashtirib beriladi. Boquvchisini yo‘qotgan xodimlarning oila a’zolari ularga boshqa uy-joy berilmasdan yashab turgan xizmat uy-joyidan chiqarilishi taqiqilandi.
Qishloq xo‘jaligi vazirligi qo‘lda terilgan 1 kg paxta uchun 2000 so‘m tavsiyaviy narx belgiladi. Mashina yordamida terilgan 1 kg paxta uchun esa 1373 so‘m. Vazirlik klaster, fermer xo‘jaligi rahbarlari va terimchilar o‘rtasida kelishuv asosida terim narxi mustaqil belgilash amaliyoti ham qo‘llanilishini bildirdi.
O‘zbekistonda 290 mingga yaqin kishi huquqbuzarlik sodir etishga moyil shaxs sifatida hisobga olingan. IIV vakiliga ko‘ra, tuzalish yo‘liga kirgan, vafot etgan, uzoq muddatga xorijga ketganlar hisobdan chiqarib yuboriladi.
1-fevraldan “Tashabbusli budjet”da ayrim loyihalarni aholi va davlat o‘rtasida sheriklik asosida moliyalashtirish amaliyoti joriy etiladi. Bunda aholi tomonidan loyihalar qiymatining 50 foizi ixtiyoriy moliyalashtirilganda loyihalar g‘olib deb topiladi va qolgan 50 foizi respublika budjetidan moliyalashtiriladi.
Toshkentdagi barcha maktablarda 10 va 11-sinflar uchun Smart School elektron dasturi joriy etiladi. Bu poytaxt hokimi qarorida ko‘zda tutilgan. 10 va 11-sinf xonalariga maxsus kameralar o‘rnatilib, ta’lim sifati, o‘quvchilar davomati kuzatiladi, ularning ruhiy holati sun’iy intellekt orqali aniqlanadi.
Yangi o‘quv yilidan Toshkentning har bir tumanida bittadan maktabda “Toshkent tajribasi” loyihasi amalga oshiriladi. Ularda robototexnika va VR xonalari tashkil etiladi, fizika, kimyo va biologiya laboratoriyalari zamonaviy jihozlanadi.