Donald Trampning Oq uyga qaytishi va uning butun dunyo bilan savdo urushi, Yaqin Sharqdagi zaif sulh, Rossiya va Ukraina o‘rtasida davom etayotgan urush va 2025-yildagi boshqa muhim global voqealar - Gazeta obzorida.
Gazeta va Yandex Music “Mahallalar musiqasi” loyihasining navbatdagi sonida Parij-2024 Olimpiadasi qahramoni - dzyudochi Diyora Keldiyorova bilan uchrashdi. Suhbat davomida Diyoraning bolaligi, o‘z nomi bilan ataluvchi dzyudo klubi, gender tengligi hamda Olimpiadaga oid savollarimizga javob oldik.
Gazeta 17 yildirki yangiliklar yozadi, muhim voqealarni yoritadi, qiziqarli insonlar haqida hikoya qiladi va dolzarb savollarga javob izlaydi. Bu ish bilan kimlar shug‘ullanadi, ularni nima olg‘a undaydi va qanday qadriyatlar birlashtiradi - Gazeta ortidagi odamlar haqidagi material aynan shu haqda.
Farg‘ona davlat texnika universiteti rektori O‘ktam Salomov oliy ta’lim, fan va innovatsiyalar vaziri o‘rinbosari etib tayinlandi. U bungacha ham oliy ta’lim vaziri birinchi o‘rinbosari bo‘lib ishlagan.
O‘zbekistonda OTMlarning bakalavriat va magistratura talabalari uchun kontrakt to‘lovlarini amalga oshirish muddati 31-yanvarga qadar uzaytirildi.
Yangi tahrirdagi “O‘zbekiston-2030” strategiyasi loyihasi muhokama uchun e’lon qilindi. Prezident yaqinda yo‘llagan murojaatnomasida dunyo va mamlakatdagi o‘zgarishlar tufayli bunday zarurat haqida gapirgandi.
31-dekabr nafaqat yilning so‘nggi kuni, balki “Unutma meni”, “Oq bulut”, “Men seni hech kimga bermayman”, “Yomg‘ir” singari mashhur qo‘shiqlar ijrochisi Kumush Razzoqovaning tavallud kuni hamdir. Sana munosabati bilan Gazeta O‘zbekistonda xizmat ko‘rsatgan artistning repertuari asosida test tayyorladi.
Shavkat Mirziyoyev “Yangi O‘zbekiston” universiteti kampusi va yangi Milliy kutubxona binosi qurilishini ko‘zdan kechirdi. Milliy kutubxona bir vaqtning o‘zida 1420 kitobxonga xizmat ko‘rsatish imkoniyatiga ega bo‘ladi.
U “Sharoit Plyus"da a’zolar bo‘yicha koordinator bo‘lib ishlaydi. Ijtimoiy tarmoqlarda inklyuzivlikni targ‘ib qiluvchi blog yuritadi. “Iroda” loyihasining navbatdagi qahramoni Murod Egamov bilan bolalar uyidagi ahvol, infratuzilmadagi muammolar va u nega o‘qishni tashlashga majbur bo‘layotgani haqida gaplashdik.
Yangi Toshkentni rivojlantirish doirasida Chirchiq daryosi bo‘ylab tramvay liniyasiga ega avtomobil ko‘prigi, shuningdek, mavjud poytaxt metropoliteni bilan integratsiyalashgan metro liniyasi qurilmoqda.
8 mingdan ortiq yetim bolalarga $500 miqdoridagi shaxsiy depozitlar hisob raqamlari va ijtimoiy kartalarga o‘tkazildi. Mablag‘lar 18 yoshgacha jamg‘ariladi va kapitalizatsiya hisobiga ko‘payadi. Ijtimoiy kartalar transportdan imtiyozli foydalanish, tovarlar va xizmatlar uchun to‘lovlar qilish imkonini beradi.
Surxondaryo viloyatida Termiz tumaniga Shuhrat Qalandarov, Qumqo‘rg‘on tumaniga Farrux Xoliqov, Oltinsoy tumaniga esa Otabek Mavlyanov hokim etib tayinlandi.
O‘zbekiston prezidenti Yangi Toshkentdagi issiqlik va sovitish tizimi uchun quvvat yaratuvchi trigeneratsiya stansiyasi va mamlakatdagi birinchi yopiq turdagi nimstansiya bilan tanishdi.
My.gov.uz portalida xalqaro kurerlik jo‘natmalari to‘g‘risida ma’lumot olish imkoniyati paydo bo‘ldi. Ushbu xizmat orqali fuqarolar joriy oyda qolgan bojxona limiti, jo‘natma nomi, raqami, vazni va qiymati, yuboruvchi hamda kurerlik tashkiloti nomi va STIR raqami haqidagi ma’lumotlarni onlayn ko‘rishi mumkin.
2026-yil 1-martdan tadbirkorlarga “yagona darcha” tamoyili asosida 1000 dan ortiq xizmatlar ko‘rsatadigan “Biznes-hamroh” loyihasi ishga tushiriladi. Dastlab Toshkent va Nukus shaharlarida hamda viloyatlar markazlarida 1 tadan tashkil etiladi. Har chorakda rahbarlar tadbirkorlar bilan muloqot o‘tkazadi.
Jahon chempionati finalida Abdumalik Halokov bilan rossiyalik Vsevolod Shumkov o‘rtasidagi jang mojaro bilan yakunlandi. O‘zbekistonlik bokschi hakamlarning bo‘lingan qarori bilan mag‘lub bo‘ldi, ammo asosiy shov-shuv uchinchi raundda raqibi Halokovning qulog‘ini tishlagani bilan bog‘liq holat tufayli yuzaga keldi.
Jahon banki O‘zbekistonning 16 ta tuman va shahrida hayot sifatini yaxshilashga $250 mln dollar ajratdi. Munitsipal infratuzilma: yo‘llar, suv ta’minoti va kanalizatsiya, jamoat transporti, maktablar, poliklinikalar va bog‘larni rivojlantirish rejalashtirilmoqda. Kutilayotgan qamrov - salkam 1 mln kishi.
Dushanbe afg‘on jangarilari Tojikiston oltin konlariga hujum qilgani, 5 nafar xitoylik halok bo‘lganini bildirdi. OAV chegaradagi qarama-qarshiliklar fonida Tojikiston Rossiyadan harbiy yordam so‘raganini yozdi, ammo rasmiylar buni rad etdi.
O‘zbekiston Markaziy banki mamlakatda moliyaviy texnologiyalar sohasini rivojlantirish uchun mas’ul bo‘ladi. Yangi vazifalar innovatsiyalarni makroiqtisodiy barqarorlik bilan muvozanatlash, iste’molchilar huquqlarini himoya qilish va fintex startaplarini qo‘llab-quvvatlashni o‘z ichiga oladi.
YUNISEF Avstraliyada o‘smirlar uchun ijtimoiy tarmoqlarning to‘liq taqiqlanishi fonida onlayn makonda bolalarning xavfsizligini ta’minlash uchun yosh cheklovlari yetarli bo‘la olmasligini ta’kidladi.
2026-yilda O‘zbekiston yangi konlarni ishga tushirish orqali gaz qazib olish hajmining ko‘p yillik pasayishini barqarorlashtirishni rejalashtirmoqda, dedi energetika vaziri Jo‘rabek Mirzamahmudov. Bunda Mo‘ynoq tumanida mamlakatdagi eng yuqori debitli quduq burg‘ilangan yangi kon muhim ahamiyatga ega bo‘ladi.
Xo‘jayli tumanida fuqaro hamda uning 10 va 14 yoshli nabiralari is gazidan zaharlanib vafot etdi. Marhum qo‘lbola isitish pechini mo‘risiz holda gaz tarmog‘iga ulagan va oqibatda gaz sizib chiqqan.
Avstraliya hukumati Sidneydagi plyajda sodir etilgan teraktdan keyin dunyodagi eng qat’iy qonunlardan biri hisoblangan qurol-yarog‘ qonunchiligini yanada kuchaytirmoqchi. Yahudiylarning Hanuka bayramida sodir bo‘lgan otishma oqibatida 15 kishi halok bo‘ldi, 40 dan ortiq kishi yaralandi.
“G‘ishtko‘prik” (Chernyayevka) chegara bojxona posti 2026-yil yozida ochilishi rejalashtirilgan. Toshkent viloyati Bojxona boshqarmasi post ochilgani haqidagi xabarlarni rad etdi. O‘zbekiston o‘z hududidagi NO‘Pni modernizatsiya qilish ishlarini yakunlagan va Qozog‘iston tomonidagi qurilish ishlari tugallanishini kutmoqda.
“Mening maktabim” loyihasining 2-bosqichi doirasida loyihalarni shakllantirish boshlandi. O‘quvchilar “Ochiq budjet” portalida loyihani tanlashi yoki o‘zi yaratishi orqali loyihalarni ilgari surishlari mumkin. 2-bosqichda 96 ta tumandagi 5104 ta maktab ishtirok etadi.
Davlat qurilishi va ma’muriy huquq sohasidagi taniqli yurist va olim, JIDU professori, universitetning Davlat qurilishi va ommaviy huquq markazi rahbari, Gazeta`ning ko‘p yillik kolumnisti Isa Hamedov vafot etdi.
Raqobat qo‘mitasi “Ajr Qora-Sedana” BFQ reklamasidagi qonunbuzarlik uchun ishlab chiqaruvchi “Sanno TM Ocean” MCHJga jarima qo‘lladi. Sanepidqo‘mita yo‘riqnomadagi ma’lumotlar reklamalarda ko‘rsatilgan xususiyatlar bilan mos emasligini aniqlagan. BFQlar davolash xususiyatiga ega emasligi eslatildi.
15-dekabr kuni ilk bor Butunjahon turkiy tillar kuni nishonlanmoqda. Qarorni Samarqandda YUNESKO ma’qullagandi. Tashabbus tilshunoslik tadqiqotlari, ta’lim va madaniy almashinuv sohasidagi hamkorlikni mustahkamlashga qaratilgan.
Dubay shahrida bo‘lib o‘tgan V Yoshlar Paraosiyo o‘yinlarida O‘zbekiston terma jamoasi 6 ta sport turi bo‘yicha ishtirok etib, jami 197 ta medal - 99 ta oltin, 57 ta kumush va 41 ta bronzani qo‘lga kiritdi hamda umumjamoa hisobida birinchi o‘rinni egalladi. Prezident sportchilarga tabrik yo‘lladi. Foto.
Elektron retseptlar tizimi joriy etilgandan so‘ng, o‘zbekistonliklar internet orqali qaysi dori vositalari uchun retsept talab qilinishi haqida ma’lumot qidira boshladi. Biroq ma’lumotlar tarqoq holda edi.
Mutaxassislar bilan muhokamadan so‘ng SSV elektron retsept tizimini bosqichma-bosqich joriy etish bo‘yicha buyruq chiqardi. Antibiotik, sintetik antibakterial preparat va gormonal dorilar uchun retseptlar majburiy bo‘ladi.
Mamlakatga olib kiriladigan retseptli dorilarning 65 foizi faqat O‘zbekiston uchun ishlab chiqarilgani aniqlandi. “Biz o‘rgangan 10 ta davlatda buncha dori turi umuman topilmadi. Muammo sababidan biri - bizda dori vositalari bilan bog‘liq korrupsion mexanizm ko‘proq rivojlangan”, - dedi Farmagentlik rahbari.
Boks bo‘yicha O‘zbekiston terma jamoasi IBA jahon chempionatida to‘qqizta medalni qo‘lga kiritib, umumjamoa hisobida Rossiya va Qozog‘istondan keyin uchinchi o‘rinni egalladi. “Turnirning eng yaxshi bokschisi” deb topilgan Hasanboy Do‘smatov va Asadxo‘ja Mo‘ydinxo‘jayev chempionlik unvonini qo‘lga kiritdi (video).
Yuqori maoshli ish tufayli Tailandga borgan bir guruh o‘zbekistonliklar Myanmaga olib ketilib, zo‘ravonlik bilan noqonuniy ishlatildi. Ular bilan birga shunday ahvolga tushib qolgan Qozog‘iston va Qirg‘iziston fuqarolari Bangkokdagi Bosh konsulxona yordami bilan vatanlariga qaytarildi.
O‘zbekistonda qurilishdagi yashirin iqtisodiyotni qisqartirish bo‘yicha choralar ko‘riladi: ko‘chmas mulk va qurilish materiallari uchun soliq bazasi bozor qiymatida hisoblanadi, shartnomalar raqamlashtiriladi, qoidabuzarlarning tenderdagi ishtiroki cheklanadi. Qolaversa, uy xarid qilishda keshbek joriy etilish mumkin.
Jinoiy uyushma yetakchisi sifatida qator jinoyatlari uchun qidiruvda bo‘lgan 32 yoshli erkak (“Gryaz” laqabli) Turkiyadan O‘zbekistonga olib kelindi. U bosqinchilik, tovlamachilik, jinoiy uyushma tashkil etish kabilarda gumonlanmoqda.
Sardor Rustamboyev O‘zbekistonning Nepaldagi birinchi elchisi sifatida mamlakat prezidentiga ishonch yorliqlarini topshirdi. Diplomat bir paytda Hindiston va Bangladesh uchun ham faoliyat olib boradi.
MBga ko‘ra, aholining inflyatsion kutilmalari ketma-ket 8 oydan beri pasaymoqda. Noyabrda aholi va tadbirkorlarning inflyatsion kutilmalari o‘tgan oyga nisbatan kamayib, mos ravishda 11,5 va 10,5 foizni tashkil etdi.
MBga ko‘ra, aholining inflyatsion kutilmalari ketma-ket 7 oydan beri pasaymoqda. Noyabrda aholi va tadbirkorlarning inflyatsion kutilmalari o‘tgan oyga nisbatan kamayib, mos ravishda 11,5 va 10,5 foizni tashkil etdi.
Noyabrda aholi tomonidan sezilgan inflyatsiya 11,8% ni tashkil etdi, bu o‘tgan yilning iyulidan beri kuzatilgan eng past ko‘rsatkichdir. Eng ko‘p respondentlar energiya va dori-darmon narxlarida o‘sish sezilganini qayd etdi.
Poytaxtdagi ayrim ko‘chalarda Yangi yil bayrami munosabati bilan transport vositalari uchun harakat cheklovi kiritiladi. Cheklov 15-dekabrdan 15-yanvargacha Milliy kutubxonaning old maydonida, 17-dekabrdan 5-yanvargacha Taras Shevchenko gastronomik-turizm ko‘chasida amal qiladi. Xarita.
Poytaxtdagi ayrim ko‘chalarda Yangi yil bayrami munosabati bilan transport vositalari uchun harakat cheklovi kiritiladi. Cheklov 15-dekabrdan 15-yanvargacha Milliy kutubxonaning old maydonida, 17-dekabrdan 5-yanvargacha Taras Shevchenko gastronomik-turizm ko‘chasida amal qiladi. Xarita.
Toshkentning Yashnobod tumanidagi “Aviasozlar” (xalq orasida Kadisheva) bozorida yuz bergan yirik yong‘in 1,5 soatda bartaraf etildi. FVBB jarohat olgan fuqarolar to‘g‘risida xabar kelib tushmaganini bildirdi. Video.
Gazeta va Uklon’ning hamkorlikdagi “Otameros” loyihasi davom etadi. Zamon taraqqiyoti bilan ahamiyatini yo‘qotib borayotgan eski kasblar va taqdiri shu kasblarga tutash o‘z ishining ustalariga bag‘ishlangan loyiha yana bir qahramon - chegachilikni 12 yoshida boshlagan qo‘qonlik Habibullo Ne’matullayevni kashf etdi.
Poytaxtda dori-darmonlarni elektron retsept bo‘yicha berish tizimi tanqid va savollarga sabab bo‘ldi. Texnik noqulayliklar va oddiy dorilarni sotib olishning iloji yo‘qligi e’tirozlarni tug‘diryapti.
“Zaynab va Omon”, “Oygul bilan Baxtiyor”, “O‘rik gullaganda”, “Eng gullagan yoshlik chog‘imda” singari doston va she’rlar muallifi Hamid Olimjon tavalludiga 12-dekabrda 116 yil to‘ldi.
Samarqandda profilaktika inspektori mansabga sovuqqonlik bilan qarash va firibgarlikda ayblanib, 2,5 yilga ozodlikdan mahrum qilindi. Hukmga ko‘ra, inspektorning qo‘rqitishlari 17 yoshli yigitning o‘ziga o‘t qo‘yib, vafot etishiga sabab bo‘lgan. Detallar.
Time talqiniga ko‘ra, “sun’iy intellekt me’morlari” 2025-yil odamiga aylandi. Jurnal muqovasida Mark Sukerberg, Ilon Mask, Sem Altman va boshqa texnologik kompaniyalar vakillari mashhur “Osmono‘par binodagi tushlik” fotosurati uslubida tasvirlangan.
2027-yilgacha O‘zbekistonning olis va boshqa hududlarida raqamli va telekommunikatsiya xizmatlari sifatini monitoring qilish uchun “Raqamli nazorat” platformasi ishga tushiriladi. Axborot sohasida nazorat va monitoring vakolatlari berilgan “O‘zkomnazorat” inspeksiyasi soha regulyatori etib belgilandi.
Jarqo‘rg‘on tumanida 16 yoshli o‘smir otasining Cobalt avtomashinasini boshqarib, qarama-qarshi yo‘nalishda harakatlanib kelayotgan Nexia bilan to‘qnashdi. Oqibatda Nexia haydovchisining onasi va farzandi vafot etdi.
O‘zbekistonda endi soliq to‘lovchilarga ortiqcha to‘langan va undirilgan summalardan nafaqat muayyan bir soliq, balki boshqa soliqlar uchun ham foydalanishga ruxsat berildi. Shuningdek, soliq hujjatlarini faqat ERI emas, balki biometriya (Face-ID yoki barmoq izi) yordamida ham tekshirish mumkin bo‘ldi.
Uzbekistan Airways 1-iyuldan boshlab Toshkent - Tel Aviv - Toshkent yo‘nalishidagi reyslarni odatdagi tartibda amalga oshirishini ma’lum qildi. Kompaniya Ben-Gurion aeroportining yopilishi sababli ushbu yo‘nalishni vaqtincha to‘xtatishga majbur bo‘lgandi.
Prezident banklar, ularning guruhlari va banklarda ulushga ega holding kompaniyalarining sanatsiyasi (bankrotlikdan qutqarish) va likvidatsiyasi tartibini belgilovchi qonunni imzoladi. Sanatsiya, birinchi navbatda, tizimli ahamiyatga ega banklar to‘lov qobiliyatini yo‘qotganda qo‘llanadi.
O‘zbekistonda qamoqqa olingan shaxsni tergov hibsxonasiga joylashtirishdan oldin uni tergov hibsxonasining o‘zida majburiy tibbiy ko‘rikdan o‘tkazish tartibi joriy etildi. Jarohat, shikastlanish va yaralar aniqlanganda, bu haqda qamoqqa olinganga ma’lum qilinadi va zudlik bilan prokurorga xabar beriladi.
Qozog‘iston parlamenti jamoat joylarida yuzni to‘sadigan kiyimlarni kiyishni taqiqlovchi qonunga kiritilgan o‘zgartirishlarni ma’qulladi. Hujjat endi mamlakat prezidenti tomonidan imzolanishi kerak.
Prezident Matbuot va OAV xodimlari kuni arafasida qator soha xodimlarini orden va faxriy unvonlar bilan taqdirladi. Jumladan, Gazeta muharriri Elina Sakayeva “Shuhrat” medali bilan mukofotlandi.
Armaniston bosh vaziri Nikol Pashinyan huquq-tartibot idoralari mamlakatda hokimiyatni egallab olishning oldini olganini ma’lum qildi. Bu “Muqaddas kurash” muxolifat harakati yetakchisi arxiyepiskop Bagrat Galstanyan va uning tarafdorlari tomonidan tayyorlangani aytildi.
“Yoshlar uchun 1000 kitob” loyihasi doirasida tayyorlangan kitoblarning dastlabki 27 nomdagisini chop etish bo‘yicha e’lon qilingan tenderda “O‘zbekiston” nashriyot-matbaa ijodiy uyi g‘olib chiqdi va u bilan shartnoma imzolandi.
Prezident korxonalarga energiya samaradorligini oshirish, “yashil” energiya manbalariga o‘tish bo‘yicha ko‘rsatmalar berdi. Yirik kompaniyalar, jumladan, “O‘zbekneftgaz”, “O‘ztransgaz” va OKMK boshlangan loyihalari haqida so‘zlab berdi.
Komil Allamjonov Prezident administratsiyasi yangi rahbari Saida Mirziyoyevaning jamoatchilik asosida mustaqil maslahatchisi bo‘ldi. U so‘z erkinligi, investitsiya va innovatsiyalar sohalarida ekspertlik yordami ko‘rsatadi.
Elektron tijoratda kurerlik xizmati faoliyatini amalga oshirish tartibi to‘g‘risidagi nizom tasdiqlandi. Unga ko‘ra, kurer tovar va yetkazib berish xizmatlari uchun to‘lovlarni qabul qilishga haqli.
Isroil mudofaa armiyasi mamlakatda xavfsizlik bo‘yicha yangi cheklovlar joriy etdi. O‘zbekistonning Isroildagi elchixonasi mamlakatda bo‘lib turgan vatandoshlarni ushbu cheklovlar haqida ogohlantirdi va ehtiyotkorlikni oshirishga chaqirdi.
Raqobat qo‘mitasi fuqarolarni xorijda ish va o‘qishga joylashini aytib, aldov orqali ko‘p miqdorda pul olgan 15 dan ortiq firmani aniqladi. Yil boshidan buyon 20 ga yaqin murojaat kelib tushgan, xizmatlar ko‘rsatilmagan, pullar qaytarilmagan.
Buxoro tumanidagi xususiy bog‘chada 2023-yilda tug‘ilgan bola tok urishi oqibatida vafot etdi. Tarbiyachiga nisbatan jinoyat ishi qo‘zg‘atildi.
O‘zbekistonda Volkswagen avtomobillarini ishlab chiqarish 2026-yilgacha qayta boshlanishi rejalashtirilmoqda. “O‘zavtosanoat” xabariga ko‘ra, Alyans Auto bilan loyiha litsenziyalangan yirik uzelli yig‘ishni, keyinchalik yangi sedanlar va yo‘ltanlamaslarni qo‘shgan holda to‘liq ishlab chiqarishga o‘tishni nazarda tutadi.
Nogironligi bo‘lgan bolalar uchun DXSH asosida kunduzgi parvarish xizmatini ko‘rsatuvchi tadbirkorlar 2030-yil 1-yanvargacha deyarli barcha soliqlardan ozod qilinishi kutilmoqda. Bu xizmatdan foydalanadigan ota-onalar to‘lovining oyiga 3 mln so‘mgacha bo‘lgan qismiga soliq solinmaydigan daromad sifatida qaraladi.
1-yanvardan davlat xizmatlaridan boshqa shaxslar vositasida foydalanish imkonini beruvchi Vakolat.uz platformasi ishga tushiriladi. Unda, shuningdek, ishonchnomalarni ixtiyoriy ro‘yxatdan o‘tkazish hamda barcha turdagi ishonchnomalarning haqiqiyligini tekshirish mumkin. Platformadan foydalanish bepul bo‘ladi.
Oliy ta’lim, fan va innovatsiyalar vazirining o‘rinbosarlari Shoxrux Daliyev, Otabek Mahkamov va Sarvarxon Buzrukxonov lavozimidan ozod etildi. Shuningdek, Ta’lim sifatini ta’minlash milliy agentligi direktori Adxam Xudaykulov va Innovatsion rivojlanish agentligi direktori Sharof Rajabbayev ham ishdan olindi.
O‘zbekistonning barcha aholisi 7-sentabr kuni to‘liq Oy tutilishining guvohi bo‘ladi. Jarayon Toshkent vaqti bilan soat 21:27 da boshlanadi va maksimum fazasiga soat 23:11 da yetadi. Uni ko‘rish uchun maxsus jihozlar talab qilinmaydi va oddiy ko‘z bilan kuzatish mumkin, deydi mutaxassis.
O‘zbekiston prezidentining 24-oktabr kuni Bryusselga tashrifi kutilmoqda, u yerda Kengaytirilgan sheriklik va hamkorlik to‘g‘risidagi bitim imzolanishi rejalashtirilgan. Bu haqda Yevropa Ittifoqi prezidenti Antoniu Koshta mustaqillikning 34 yilligi munosabati bilan yo‘llagan tabrigida ma’lum qildi.
O‘zbekiston OTMlariga 2025-yilgi kirish imtihonlarida abituriyentlarning 41,29 foizi o‘tish ballining eng quyi chegarasi bo‘lgan 56,7 ballni to‘play olmadi. Ushbu ko‘rsatkich o‘tgan yilga nisbatan 6 foizga yaxshilangan.
Qozog‘istonning Turkiston viloyati Keles tumanida 35 yoshli O‘zbekiston fuqarosi 8-sinf qizni zo‘rlagani uchun umrbod qamoqqa hukm qilindi. U qizchaning ojizligidan foydalanib, uni bir necha marta o‘z xohishiga qarshi jinsiy aloqaga majburlagan. Qiz homilador bo‘lib qolgach, onasi voqeadan xabar topgan.
Istanbuldan Samarqandga uchayotgan Centrum Air samolyoti Bokuga favqulodda qo‘ndi. Bunga yo‘lovchilardan birining sog‘lig‘i yomonlashishi sabab bo‘lgani aytilmoqda. U shifoxonaga yotqizildi.
Uzun tumanida 28 yoshli ayol va uning farzandi norasmiy eri tomonidan tazyiq va zo‘ravonlikka uchragani aniqlandi. Ona va bola bu vaqtda uy egalari tomonidan molxonada saqlangan. Erkak va uning uch nafar qarindoshiga nisbatan jinoiy ish ochildi.
Toshkent va Farg‘ona viloyatlarida IIO profilaktika sohasida faoliyat yuritgan pensionerlar tanlov asosida mahallalarga ishga olinmoqda. Ular huquqbuzarliklar profilaktikasi faoliyatida “uchastkaviy”larga murabbiylik qiladi va maosh oladi, deydi IIV vakili.