Shanba kuni Dubayda har yili 24 soat davom etadigan chidamlilik bo‘yicha avtomobil poygasi boshlanadi. Jamoalardan birida toshkentlik 21 yoshli poygachi Ismoil Ahmedxo‘jayev ishtirok etmoqda. Gazeta saralash poygasidan fotoreportaj tayyorladi.
O‘zbekistonda yangi elektromobillar sotuvi 2025-yil davomida 35 foizga oshib, 40,7 ming donani tashkil etdi. Mahalliy va import ishlab chiqarilgan yangi yengil avtomobillar savdosi esa 5,2 foizga oshib, 370 ming donani tashkil etdi.
O‘zbekiston MB “Yangi bank”ni majburiy tugatish jarayonini boshladi. Regulyator va Omonatlarni kafolatlash agentligi omonatlar, kartadagi mablag‘lar qay tartibda, qanday muddatlarda qaytarilishi, kreditlarga qanday xizmat ko‘rsatilishini yuzasidan izoh berdi. Aksariyat mijozlarning (98,8%) pullari qaytariladi.
Alisher Qodirovning ta’kidlashicha, O‘zbekiston boshqaruv tizimida hali ham eskicha xulosalar bilan yondashib, mamlakat rivojiga o‘zining salbiy ta’sirini ko‘rsatayotgan rahbarlar bor. “Biz hali sovet ta’siridan to‘laligicha qutulmaganmiz, bu jarayonda ideal natijaga erishganimiz ham yo‘q”, - deydi partiya raisi.
Suluguni sirniklari, qiymali grenkalar, menemen, lavashdan tayyorlangan tezpishar pirojkalar va boshqa nonushta retseptlari - Zira.uz jamlanmasida.
Farg‘ona viloyati Maktabgacha va maktab ta’limi boshqarmasi boshlig‘i Sherzod Dolimov jarimaga tortildi, deb xabar berdi Mehnat inspeksiyasi Gazeta’ga. Uning Buvaydadagi 37-maktab direktorini majburiy navbatchilik ortidan ishdan olish va yangi direktorni ishga tayinlashda qonunchilik talablarini buzgani aytildi.
Zarafshonda 1000 AQSh dollari evaziga fuqaroni IIOga ishga kiritish va imtihonsiz haydovchilik guvohnomasi olib berishni va’da qilgan shaxs qo‘lga olindi. Gumonlanuvchi pullarni olayotgan vaqtida ashyoviy dalillar bilan ushlangan va hozirda prokuratura tomonidan tergovga qadar tekshiruv olib borilmoqda.
Turkiyalik Berk Albayrak “Yangi Toshkent” xalqaro aeroporti qurilishi loyihasi ofisining bosh menejeri etib tayinlandi. U Istanbuldagi Sabiha Gyokchen aeroporti bosh direktori va Kuvaytning yangi aeroporti qurilishi loyihasi direktori lavozimlarida ishlagan.
Sovuq mavsumda energiya iste’moli oshishi kutilmoqda, ayrim hududlarda vaqtinchalik texnik cheklovlar qo‘llanishi mumkin, deb ogohlantirdi Energovazirlik. Ammo aholi va ijtimoiy obyektlarni elektr energiyasi bilan ta’minlash ustuvor vazifaligicha qoladi. Energoresurslardan oqilona foydalanish tavsiya etilmoqda.
Alisher Qodirovga ko‘ra, 2021-yilda Senat tomonidan ma’qullangan “Davlat tili to‘g‘risida”gi qonunning yangi tahririni prezident “zamonaviy talablarga uyg‘un qilish” uchun parlamentga qaytargan. Qodirov hamon ushbu qonun ustida ish olib borilayotganini aytdi.
“Sardor” seriali, “Sevinch”, “Maktub”, “Qo‘rg‘oshin” va “Berlin - Oqqo‘rg‘on” singari filmlarda suratga tushgan Bobur Yo‘ldoshev 16-yanvarda 47 yoshni qarshiladi. Sana munosabati bilan Gazeta aktyorning filmografiyasi asosida test tayyorladi.
1-fevraldan boshlab ayrim mahalliy poyezd chiptalari narxi yana ko‘tariladi. Xususan, “Afrosiyob” elektropoyezdi va “Sharq”, “Nasaf” va “O‘zbekiston” poyezdlari biletlari 15 foizga oshadi.
Andijonda o‘zlarini organ xodimi deb tanishtirgan bir guruh shaxslar fuqaroni qiynoqqa solib, 100 ming dollarlik kriptoaktivini undirgani aytilmoqda. Ulardan biri ayol kishiga jarohat yetkazib, iPhone 16 Pro Max`ini tortib olgan.
Andijonda o‘zlarini organ xodimi deb tanishtirgan bir guruh shaxslar fuqaroni qiynoqqa solib, 100 ming dollarlik kriptoaktivini undirgani aytilmoqda. Ulardan biri ayol kishiga jarohat yetkazib, iPhone 16 Pro Max`ini tortib olgan.
Toshkentning Chilonzor tumanida 22 dona jangovar patronni 1300 dollarga sotmoqchi bo‘lgan shaxs ushlandi. Muqaddam harbiy qismda haydovchi-portlatuvchi bo‘lib ishlagan gumonlanuvchi o‘q-dorilarni tanishidan 10 mln so‘mga sotib olganini tan olgan. Holat yuzasidan jinoyat ishi qo‘zg‘atildi.
Toshkentda koloniya shifokori majburiy davolash choralarini bekor qilib berish evaziga mahkumdan 7500 dollar talab qildi. Mahkumning arizasiga asosan tezkor tadbir o‘tkazilib, kelishilgan pul mablag‘larini olayotgan vaqtida shifokor o‘z kasbdoshi bo‘lgan sherigi bilan birga qo‘lga olingan.
Uychi tumanida Qirg‘iziston bilan chegarada 2 fuqaroning yuk xaltasidan 19 kilogramm 169 gramm gashish moddasi topildi. Ular qirg‘izistonlik narkosavdogar bilan til biriktirib, ushbu narkotik moddani kelgusida sotish maqsadida O‘zbekistonga kontrabanda qilgani aniqlandi.
“Milliy tiklanish” demokratik partiyasi raisi Alisher Qodirov dabdabali to‘ylar uchun cheklov sifatida hashamat solig‘ini joriy etish kerakligini aytdi. “Hashamatni xohlayapsizmi, uning solig‘ini ham hashamatli qilib to‘lang.
Qashqadaryoda 300 MVt quvvatli quyosh fotoelektr stansiyasi va 75 MVt/soat quvvatli energiya saqlash tizimi quriladi. Loyihani Masdar kompaniyasi asosan ETTB ($195,5 mln) moliyalashtirishi, shuningdek, OTB ($30 mln) mablag‘lari hamda Kanada, Finlyandiya va Yaponiya hukumatlari ko‘magida amalga oshiradi.
O‘zbekiston fuqarosi Faxriddin Suyarov Abxaziyada Ikkinchi jahon urushi faxriysi bo‘lgan keksa ayolni yong‘indan qutqarib qoldi. U yong‘in yuz bergan xonadonga kirib, mustaqil harakatlana olmaydigan ayolni ko‘tarib chiqqan.
Toshkentda Taftish.uz saytining besh nafar xodimi tovlamachilik va firibgarlikda gumonlanib protsessual tartibda ushlandi. IIBBga ko‘ra, ularga nisbatan tuhmat qilish va yolg‘on axborot tarqatish ayblovlari bo‘yicha ham tekshiruv o‘tkazilmoqda.
Venesuela muxolifati yetakchisi Mariya Machado Oq uyda Tramp bilan uchrashib, unga o‘zining tinchlik bo‘yicha Nobel mukofotini hadya qildi. Avvalroq Nobel instituti va qo‘mitasi mukofotni boshqaga o‘tkazish, bo‘lishish yoki qaytarib olish mumkin emasligini bildirgandi.
O‘zbekiston BAA kompaniyalari bilan 24/7 rejimida ishlaydigan qayta tiklanuvchi energiya manbalari loyihasi bo‘yicha shartnoma imzoladi. Hujjatlar “O‘zenergosotish”, Masdar va EUDC tomonidan imzolandi.
Janubiy Koreya sobiq prezidenti Yun Sok Yol hibsga olishga to‘sqinlik qilganlikda ayblanib, besh yilga ozodlikdan mahrum etildi. Ushbu hukm Yunning muvaffaqiyatsiz yakunlangan harbiy holat e’loni yuzasidan unga qo‘yilgan jinoiy ayblovlar bo‘yicha chiqarilgan birinchi sud qaroridir.
Rossiya TIV rasmiysi Mariya Zaxarova Solovyovning Armaniston va MOda “maxsus operatsiya” boshlashi kerakligi haqidagi gaplariga munosabat bildirib, shularni aytdi: “Bu shaxsiy fikr… savol edi.
15-yanvar kuni O‘zbekistonda aholi va qishloq xo‘jaligini ro‘yxatga olish boshlandi. U 45 kun davom etadi. Dastlabki ikki hafta - 31-yanvargacha xohlovchilar anketani onlayn tarzda mustaqil to‘ldirishlari mumkin.
O‘zbek xalqi sevib tomosha qiladigan “Sen yetim emassan”, “Otamdan qolgan dalalar”, “Toshkent non shahri” singari filmlar muallifi Shuhrat Abbosov tavalludiga 16-yanvarda 95 yil to‘ldi.
O‘zbekiston o‘z fuqarolarini Shvetsiya, Daniya va Norvegiya kabi Yevropa mamlakatlaridagi yuqori maoshli ishlarga faolroq yuborishni rejalashtirmoqda. Prezident elchixonaga muzokaralarni jonlantirish va AQShdagi o‘zbekistonliklar uchun ish bilan ta’minlash imkoniyatlarini kengaytirishni buyurdi.
Prezident Yevropaga eksport hajmi 2,3 mlrd dollarga yetganini ta’kidlab, elchilarning ayrim bozorlarda o‘zbek mahsulotlari targ‘iboti faolligining sustligiga ishora qildi. Iroq, Fransiya va Afrika mamlakatlari o‘zbek tovarlari uchun istiqbolli yo‘nalishlar sifatida ko‘rsatildi.
Prezident Yevropaga eksport hajmi 2,3 mlrd dollarga yetganini ta’kidlab, elchilarning ayrim bozorlarda o‘zbek mahsulotlari targ‘iboti faolligining sustligiga ishora qildi. Iroq, Fransiya va Afrika mamlakatlari o‘zbek tovarlari uchun istiqbolli yo‘nalishlar sifatida ko‘rsatildi.
Prezident Shavkat Mirziyoyev endi migratsiya oqimi o‘sib borayotgan mamlakatlarda, xususan, Yevropada mehnat migrantlari bilan ishlash konsullarning asosiy vazifasi bo‘lishini ta’kidladi. U konsullikda hisobga qo‘yishni soddalashtirish va ortiqcha byurokratiyani kamaytirishni buyurdi.
Prezident O‘zbekiston Tashqi siyosat konsepsiyasini yangilashni buyurdi. Uning ta’kidlashicha, hozirgi global muammolar tashqi siyosatni milliy manfaatlarga moslashtirishni talab qiladi. Hujjat 2012-yil sentabr oyida qabul qilingan, ammo hozirda qonunchilik bazasida mavjud emas.
Germaniya, Shvetsiya, Fransiya va Norvegiya Trampning orolni bosib olish bilan tahdidlari fonida Daniya bilan qo‘shma mashg‘ulotlar o‘tkazish uchun o‘z harbiylarini Grenlandiyaga yubormoqda. AQSh prezidenti esa ularga Grenlandiya “milliy xavfsizlik” uchun kerakligini ta’kidlashda davom etmoqda.
O‘zbekiston Polshani o‘zbek tovarlarining Yevropa bozorlariga kirib borishi uchun asosiy darvoza deb biladi. Prezident logistika xarajatlarini kamaytirish va Brest chegara punktida alohida logistika yo‘lagini yaratish imkoniyatlarini o‘rganish bo‘yicha takliflar ishlab chiqishni topshirdi.
Shavkat Mirziyoyev jamiyat chet eldagi turli reydlar paytida mehnat migrantlarining huquqlari buzilayotganidan norozi ekanini, TIV munosabati esa rasmiy notalar bilan cheklanayotganini aytdi. “Elchi va konsullar har bir holat yuzasidan malakali yuridik yordam ko‘rsatishi shart”, - dedi u.
DXX raisi Bahodir Qurbonov mamlakatdagi xavfsizlik holati bo‘yicha prezidentga hisobot berdi. Unda korrupsiya sabab mingdan ortiq davlat xodimi ishdan haydalgani, yoshlar orasida sintetik narkotiklar tarqalishi 2 karra oshgani va 2026-yil korrupsiyaga qarshi “favqulodda holat” yili bo‘lishi ma’lum qilindi.
Prezident keskin geosiyosiy o‘zgarishlar davrida Tashqi ishlar vazirligi va xorijiy diplomatik vakolatxonalar ishini qayta tashkil etish zarurligini ta’kidladi. Elchilar uchun eksport tushumlari, sayyohlar oqimi va qonuniy mehnat migratsiyasini osonlashtirish kabi KPI joriy etiladi.
Surxondaryo viloyatida BAAning Katawazai Group of Companies kompaniyasi bilan qimmatbaho metall rudalarini qayta ishlash bo‘yicha investitsion loyiha amalga oshiriladi. Tomonlar TIAni ishlab chiqish, loyihani bosqichma-bosqich joriy etish va tashkiliy-huquqiy masalalar bo‘yicha amaliy ishlarini boshlashga kelishib oldi.
Navro‘z bayramida Toshkentda mamlakatdagi ilk doimiy faoliyat yurituvchi zamonaviy san’at va tadqiqotlar maydoni - Zamonaviy san’at markazi ochiladi. Markaz 1912-yilda qurilgan sanoat binosida joylashgan bo‘lib, uning rekonstruksiyasi fransuz me’morlari tomonidan qilindi. Markazga kirish bepul bo‘ladi.
“O‘zbekneftgaz” tahlillariga ko‘ra, O‘zbekistonda gaz qazib olish barqaror oshishiga yangi zaxiralarning yetarli darajada qo‘shilmayotgani to‘sqinlik qilmoqda. Aksar istiqbolli investitsiya bloklari xususiy investorlarga berilgan bo‘lsa-da, ular tomonidan geologiya-qidiruv ishlari sust olib borilmoqda.
Trampning aytishicha, Eron hukumati namoyishlar ishtirokchilarini qatl etishni rejalashtirmayapti. “Eronda qotilliklar to‘xtadi. Qatl etish rejasi ham yo‘q”, - dedi u. Avvalroq AQSh prezidenti agar mamlakatda namoyishchilarni qatl etish boshlansa, Tehronga qarshi “keskin harakatlar” bo‘lishini aytgandi.
Bugun mustaqil O‘zbekiston tarixida birinchi aholini ro‘yxatga olish boshlandi. Gazeta O‘zSSRning 1926-yilgi birinchi aholini ro‘yxatga olish ma’lumotlarini topdi. Chegaralar o‘zgarganiga qaramay, raqamlar diqqatga sazovor.
DXX raisi Bahodir Qurbonov Turkiyaning Bayraktar uchuvchisiz uchish apparati bilan butlangan yangi maxsus bo‘linma tashkil etilganini ma’lum qildi. Shuningdek, u prezidentga chegara qo‘shinlarining texnik jihozlanish darajasi haqida ma’lumot berdi.
O‘zbekiston Markaziy banki “Yangi bank”ning litsenziyasini qaytarib oldi. Bunga ustav kapitali minimumi va boshqa qonunchilik talablari bajarilmagani sabab bo‘lgan. Regulyator qonunchilik doirasida barcha omonatchilar huquqlari kafolatlanishini ta’kidladi.
Qirg‘izistonning Qatardagi elchisi Marat Nuraliyev “davlat xizmatchisi etikasini buzgani uchun” lavozimidan ozod etildi. Rasmiylar qarorning aniq sababini keltirmagan. Mahalliy OAV bu respublika qonunchiligida taqiqlangan qo‘shxotinlik holati bilan bog‘liq ekanini yozmoqda.
Jizzaxda internet orqali bolalar uchun soxta xayriya uyushtirib, fuqarolardan pul yig‘ib kelgan shaxs ushlandi. U o‘zgalarning hozirda sog‘ayib ketgan farzandlari uchun avval yordam so‘rab qilgan murojaatlarini takror joylashtirish orqali o‘zining bank plastik kartalariga pul o‘tkazdirib kelgan.
AQSh 21-yanvardan O‘zbekiston va yana 74 ta davlat fuqarolari uchun immigratsiya vizalarini rasmiylashtirish noma’lum muddatga to‘xtatilishini e’lon qildi. Bunda arizalar qabul qilinaveradi. Amaldagi immigratsiya vizalari bekor qilinmaydi. Turistik vizalar avvalgi tartibda beriladi.
O‘zbekistonda 15-yanvardan aholi va qishloq xo‘jaligini ro‘yxatga olishning birinchi bosqichi boshlandi. Bu bosqichda fuqarolar maxsus portal orqali onlayn ro‘yxatdan o‘tadi. Saytdagi barcha matnlar va savolnoma 8 ta tilda taqdim etilgan.
Noyabr so‘nggida O‘zbekiston Markaziy bankida suzuvchi valyuta kursining ahamiyatiga bag‘ishlangan xalqaro davra suhbati o‘tkazilgandi. Suhbatda turli ekspertlar regulyatorga valyuta kursi shakllanishiga doir bir qancha tavsiyalar berdi. Gazeta bu tavsiyalar haqida batafsil ma’lumot beradi.
Toshkent viloyati Yangiyo‘l tumani jinoyat ishlari bo‘yicha sudi itga nisbatan shafqatsiz munosabatda bo‘lish bilan bog‘liq ishni ko‘rib chiqdi. Sud qaroriga ko‘ra, uch nafar fuqaro ma’muriy javobgarlikka tortilib, 10 sutkaga qamoq jazosini oldi.
Shahrisabzda dam olish uchun dachaga borgan 61 yoshli ikki ayol Oqdaryo daryosida cho‘milish vaqtida cho‘kib ketdi. O‘lim sabablarini aniqlash uchun sud-tibbiy ekspertiza tayinlandi.
Samarali va xalqchil islohotlarni amalga oshirishda keng jamoatchilik ishtirokini qo‘llab-quvvatlash maqsadida 2025-yildan boshlab har yili “Kelajak uchun” istiqbolli tashabbuslar forumi o‘tkaziladi.
O‘zbekiston parlamenti quyi palatasi dala chetlari, kanallar, sug‘orish va kollektor-drenaj tarmoqlari atrofidagi maydonlardan foydalanmaganlik uchun uch barobar soliqni ko‘zda tutuvchi qonunni qabul qildi.
Yaponiya mamlakatda chet elliklar ko‘payib borayotgani, shu sababli fuqarolarda paydo bo‘lgan xavotirlarni yumshatish uchun ma’muriy organ tuzmoqda. Bu organ xorijliklar bilan bog‘liq jinoyatchilik va turizm kabi masalalarda “boshqaruv markazi” bo‘ladi.
O‘zbekiston Ekologiya vazirligi qurilish chiqindilarini poligonlar va tabiiy chiqindixonalarga joylashtirish muammosini hal qilish bo‘yicha kompleks chora-tadbirlarni ishlab chiqmoqda. Chiqindilarni qayta ishlashni jozibador biznesga aylantirish, chiqindilarni olib chiqish faoliyatini litsenziyalash rejalashtirilmoqda.
Davlat bojxona qo‘mitasi 20-iyuldan shaxsiy ehtiyoj uchun tovarlarni bojsiz olib kirishda chet elda bo‘lishning minimal muddati joriy etilishini eslatdi. Xususan, endi piyoda yoki avtomobilda mamlakatga kelayotgan fuqarolar bojsiz tovar olib kirish uchun chetda kamida 2 kun, samolyotdagilar esa 3 kun bo‘lishi kerak.
O‘zbekiston bo‘ylab 823 ta mahalla, jumladan, ularda joylashgan muassasalarga “Tashabbusli budjet”ning 15-iyuldan boshlanadigan 2-mavsumi, shuningdek, kelasi yil 1-mavsumida qatnashishga tanaffus berildi.
O‘zbekiston vazirliklari va idoralari o‘z vakolatlari doirasida sohalarni tartibga solish bo‘yicha normativ-huquqiy hujjatlarni ortiqcha byurokratiyasiz qabul qilishi mumkin bo‘ladi. Adliya vazirligi hujjatlarni tahrirlash va xalqaro standartlarga mos normalarni kiritishga ruxsat beradi.
Prezident o‘ziga to‘rt nafar vakil tayinladi: Azizbek Urunov - JST bo‘yicha, Aziz Magrupov - tashqi investitsiyalar bo‘yicha, Alisher Sultanov - energetik xavfsizlik bo‘yicha, Odil Abduraxmonov - sport bo‘yicha.
Xitoy O‘zbekistonda xorijiy kapital ishtirokida faoliyat yuritayotgan korxonalar soni bo‘yicha yetakchilik qilishda davom etmoqda, deb xabar bermoqda Milliy statqo‘m. 1-iyul holatiga ko‘ra, mamlakatda xorijiy kapital ishtirokidagi 16,6 mingdan ortiq korxona ro‘yxatga olingan - o‘tgan yilga nisbatan 20% ko‘p.
O‘zbekistonda ipoteka bozori “sovish” davridan so‘ng yana o‘sishni boshladi. 2025-yilning birinchi yarmida 9,44 trillion so‘mlik ipoteka kreditlari ajratildi - bu o‘tgan yilning shu davriga nisbatan 37 foizga ko‘pdir.
O‘zbekistonning 66 fuqarosi Rossiya-Ukraina urushida Rossiya tomonida qatnashib halok bo‘lgan, deyiladi BBC o‘rganishlarida. Tojikiston bu ro‘yxatda yetakchi - 72 kishi. Halok bo‘lgan o‘zbekistonliklarning aksariyati Rossiyadagi qamoq jazosini “nollashtirishga” urinib, “Vagner” XHK bilan shartnoma tuzgan.
Toshkentdagi RSHTYOIMga 2 oy ichida uy basseynlarida cho‘kib ketgan 7 nafar bola olib kelindi, 1 bola halok bo‘ldi, yana 2 nafari davolanishda, deb xabar berdi Bosh prokuratura. Avvalroq “Milliy” telekanali ikki bola halok bo‘lgani, ikki nafari komada ekani, uch nafari komadan chiqqani haqida xabar bergan edi.
Tojikiston va Qozog‘istonda kuydirgi kasalligiga chalinish holatlari fonida O‘zbekistonda “55 ta chegara punktlarimizdan o‘tuvchilar chuqur tekshiruvdan o‘tkaziladi”, deya ta’kidladi SES. Ehtimoliy kasallik o‘choqlaridan laboratoriya tekshiruvi uchun tuproq namunalari olinmoqda.
Toshkent shahri va viloyatida doimiy “propiska” olish huquqiga ega shaxslar doirasini cheklovchi qonun bekor qilinmoqda. Hozirda 12 toifadagi fuqarolar bunday huquqqa ega. Prezident u bilan har bir fuqaro poytaxtda doimiy yashash huquqini olishi mumkin bo‘lgan yangi qonunni imzoladi.
2025-yilning 8 oyida Turkmaniston va Rossiyadan gaz importi 27,9% ga - $885,9 mln gacha kamaydi. Yetkazib berish ketma-ket ikki oy davomida qisqarmoqda. Shunga qaramay, O‘zbekiston eksport qilganiga nisbatan ko‘proq gaz importini amalga oshirdi.
Prezident farmoniga ko‘ra, O‘zbekistonda yoshlar yetakchilari yoshlarning iqtidorini ro‘yobga chiqarish, tadbirkorlik ko‘nikmalarini kuchaytirish va bandligiga ko‘maklashish bilan shug‘ullanadi. Shuningdek, Yoshlar yagona elektron platformasi ishga tushiriladi.
Sirdaryo tumanida 15 yoshli o‘smir dadasining mashinasida zovurga tushib ketdi, ikki bola halok bo‘ldi. U Lacetti mashinasini otasidan beruxsat olib, katta tezlikda haydagan. Mashina salonidagi ikki yo‘lovchi voqea joyida vafot etgan, haydovchi esa jonlantirish bo‘limiga yotqizilgan.
Xalq demokratik partiyasi 1-oktabrdan moped va skuterlarni boshqarish uchun haydovchilik guvohnomasi talab etilishiga qarshi chiqdi. Partiya ushbu talabni keyingi yilga qoldirgan holda, haydovchilik guvohnomasi va davlat raqamini olish uchun muddatlar va to‘lovlar miqdorini qayta ko‘rib chiqishni taklif qildi.
Denov tumanida 15 yoshli qiz turmushga berilgani aniqlandi. Ijtimoiy himoya agentligi avvalroq oila ogohlantirilganini ma’lum qildi. Shunga qaramay qizni turmushga chiqarilgan. Agentlik aybdorlarga jarima qo‘llanganini ma’lum qildi.
Nogironlikni belgilashda yagona standartlar va elektron tizim joriy etilmoqda. Nogironlikni belgilash masalasida “Inson” markazlari, ijtimoiy xodimlar, my. gov. uz portali va oilaviy shifokorlar orqali murojaat qilish mumkin.
Biznes ombudsman Qurilish vazirligining sohada korrupsiya borligini aytgan tadbirkor ustidan IIVga kiritgan arizasini ta’qib sifatida baholadi. Idora davlat organlarini muammolarni hal etish bo‘yicha konstruktiv yechimlarni birgalikda izlashga chaqirdi.
1-yanvardan yerdan samarasiz foydalanish, o‘zboshimchalik bilan egallash ehtimoliga ko‘ra hududlar “qizil”, “sariq”, “yashil” toifalarga bo‘linadi. “Qizil” va “sariq” toifadagi hududlar kuzatuvga olinadi.
O‘zbekistonda dolzarb oziq-ovqat xavfsizligi besh yilligi e’lon qilindi. Aholini sifatli oziq-ovqat bilan ta’minlash va isrofgarchilikni kamaytirish, jumladan, do‘konlarda muddati o‘tgan mahsulotlarga chegirma, marosimlarni o‘tkazishda qat’iy qoidalar, chiqindilarni tozalash va qayta ishlash choralari ko‘riladi.
Toshkent davlat texnika universiteti Olmaliq filiali negizida Olmaliq davlat texnika instituti tashkil etiladi. 2025/2026 o‘quv yilidan bitiruvchi kurs talabalariga belgilangan tartibda institut diplomi beriladi.