AQSh prezidentining Janubiy va Markaziy Osiyo bo‘yicha maxsus vakili Serjio Gor 3−7-fevral kunlari O‘zbekiston va Qirg‘izistonga tashrif buyuradi. U “B5+1” biznes forumida ishtirok etadi hamda biznes vakillari va hukumat amaldorlari bilan uchrashuvlar o‘tkazadi.
“Bu dunyoda o‘lib bo‘lmaydi” romani, “Ot kishnagan oqshom”, “Oydinda yurgan odamlar” singari qissalar muallifi Tog‘ay Murod tavalludiga 3-fevralda 78 yil to‘ldi. Sana munosabati bilan Gazeta O‘zbekiston xalq yozuvchisining asarlari asosida test tayyorladi.
Toshkent viloyatida D012 Bektemir-Chirchiq-G‘azalkent-Chorbog‘ qo‘rg‘oni yo‘lining 6 ta aholi yashash joyidan tashqari qismida tezlik 80 km/soatgacha tushiriladi. Ushbu hududda belgilangan tezlikka rioya etilmasligi sabab bir yilda 63 ta YTH sodir bo‘lib, 15 kishi halok bo‘lgan.
O‘zbekistonda sodir etgan o‘zining huquqbuzarligini targ‘ib qiluvchi mahsulotlarni internetda namoyish etgani uchun ma’muriy javobgarlikni belgilash bo‘yicha yangi norma taklif etilmoqda. Taqiq haqiqiy hayotda sodir etilmagan huquqbuzarliklar videosi uchun tatbiq etilmaydi.
2025-yilda O‘zbekistonda 7 ming tonna uran ishlab chiqarilib, aniqlangan zaxiralar esa 139 ming tonnaga yetdi. Prezident “Arnasoy”, “Janubiy Jongeldi” va boshqa konlarni ishga tushirishni jadallashtirishni topshirdi. “Arnasoy”dagi loyiha qiymati 150 mln dollarga baholanmoqda.
Buxoro, Surxondaryo va Namanganda xitoylik investorlar hamkorligida chiqindidan energiya oluvchi zavodlar qurilishi boshlandi. Zavodlar chiqindini yoqish orqali Buxoroda yiliga 230 mln kVt/soat, Surxondaryoda - 75 mln kVt/soat, Namanganda esa 310 mln kVt/soat qo‘shimcha elektr energiyasi ishlab chiqaradi.
Tramp bosh vazir Narendra Modi Rossiya nefti xaridini to‘xtatishga ko‘ngach, Hindiston tovarlari uchun bojlarni 25 foizdan 18 foizgacha tushirayotganini e’lon qildi. “Bu Ukrainadagi urushni to‘xtatishga yordam beradi”, dedi Tramp.
O‘zbekistonning Buyuk Britaniya, Fransiya, Xitoy, AQSh, BAA va Rossiyadagi elchixonalarida madaniyat va turizm masalalari bo‘yicha maslahatchi lavozimi joriy etiladi. U tegishli davlatdagi diplomatik vakolatxona rahbariga bo‘ysunadi va uning 2 tomonlama munosabatlarni rivojlantirish faoliyatiga ko‘maklashadi.
Qo‘qon shahrida xotini bilan janjallashgan erkak qasd olish maqsadida bir yoshli qizini pichoqladi. Bola shifoxonada vafot etdi. Erkak 17 yilga ozodlikdan mahrum qilindi.
Akramjon Fozilov Prezident administratsiyasi Kommunikatsiyalar departamenti boshlig‘ining birinchi o‘rinbosari lavozimiga tayinlandi. U bungacha Mass-media fondi vasiylik kengashi raisi sifatida ishlab kelayotgandi.
Deputatlar internetda haqorat uchun ma’muriy javobgarlikni joriy etish to‘g‘risidagi qonun loyihasini muhokama qilmoqda. Yangi moddada 5 mln so‘mgacha jarima yoki 10 sutkagacha qamoq jazosi ko‘zda tutilgan.
Dunyo tartibi - u nima va nimalardan tarkib topadi? Siyosatshunos Shuhrat Tajiyev xalqaro munosabatlarning avvalgi modellari qanday shakllangani va parchalangani, bugungi kunda dunyo tartibi bilan nimalar sodir bo‘layotgani hamda bu O‘zbekiston va Markaziy Osiyo uchun nimani anglatishini tushuntiradi.
Rossiya Ukrainaning energetika infratuzilmasiga hujumlarni qayta boshladi. Bir nechta mintaqalardagi issiqlik elektr stansiyalari zarbalar nishoni bo‘ldi. Kuchli sovuq sharoitida Kiyev, Xarkov va boshqa shaharlardagi yuzlab uylar issiqlik ta’minoti va elektr energiyasisiz qoldi.
Toshkent va Anqara O‘rta koridor doirasida tashuvlarni soddalashtirish, Turkiya portlaridan foydalanish hamda O‘zbekiston-Turkmaniston-Eron-Turkiya yo‘nalishini rivojlantirish bo‘yicha kelishuvga erishdi, dedi transport vaziri Ilhom Mahkamov.
Temur Mahmudov Samarqand viloyati Oqdaryo tumaniga hokim etib tayinlandi. U tayinlovga qadar Samarqand viloyati kambag‘allikni qisqartirish va bandlik boshqarmasi boshlig‘i vazifasida faoliyat yuritib kelayotgan edi.
2025-yilda O‘zbekistonda iste’molchilarga 1,6 mlrd ro‘yxatdan o‘tgan cheklar uchun 1,5 trln so‘mdan ortiq keshbek to‘lab berildi. Eng ko‘p mablag‘ni Toshkent shahri (564 mlrd so‘m) va viloyati (177,2 mlrd so‘m) iste’molchilari olgan.
Shavkat Mirziyoyev poytaxtda fuqarolar kiberjinoyatlardan qariyb 2 trln so‘m zarar ko‘rgani, ayni paytda ularni fosh etish darajasi 8 foizligicha qolayotganini ta’kidladi. U huquq-tartibot idoralari, shuningdek, MB raisi Timur Ishmetovdan kiberjinoyatchilikka qarshi kurashish bo‘yicha taklif kiritishini so‘radi.
Samarqand viloyati Toyloq tumanida avval Isuzu yuk mashinasi, so‘ng Damas bilan to‘qnashgan velosiped haydovchisi halok bo‘ldi. Holat yuzasidan tergov ishlari boshlandi.
Aviator SKMdagi fojiadan so‘ng O‘zbekiston bo‘ylab shu kabi obyektlarda yong‘in xavfsizligi qoidalariga rioya qilinishini tekshirish boshlandi. Jiddiy qoidabuzarlik aniqlansa, obyektlar faoliyati to‘xtatiladi, dedi FVV.
2026-yilda O‘zbekistonda ko‘mir qazib olish hajmini 11 mln tonnagacha yetkazib, yangi konlar hisobidan uran ishlab chiqarishni ham kengaytirish rejalashtirilgan. Xususan, Angrendagi 233 mln tonna zaxiraga ega Nishbosh ko‘mir koni ishga tushirilishi hisobiga 880 ta ish o‘rni yaratilishi kutilmoqda.
O‘zbekistonda fuqaro aviatsiyasi korxonalarini transformatsiya qilish rejalashtirilmoqda: xarajatlar qisqartiriladi, “begona” xizmatlar autsorsingga o‘tkaziladi. Uzbekistan Airways va Uzbekistan Airports 2026-yildan faqat asosiy faoliyatiga e’tibor qaratadi, nosohaviy xarajatlar to‘xtatilishi kutilmoqda.
O‘zbekiston prezidenti Shayxontohur tumani IIO FMB sobiq boshlig‘ining hisobotiga ishonchsizlik bildirdi: “Hozir menga aytgan gaplaringga o‘zing ishonasanmi? Nega menga cho‘pchak gaplar gapirasan?” Uning so‘zlariga ko‘ra, IIB boshliqlari pastga tushmaydi, o‘rinbosarlar va “uchastkavoylar” esa ularni aldaydi.
Georgiy Kocharyan Armanistonning O‘zbekistondagi yangi elchisi etib tayinlandi. U 2019-yildan beri diplomatik missiyaga rahbarlik qilib kelgan Aram Grigoryanning o‘rnini egalladi. Elchining qarorgohi poytaxt Yerevanda bo‘ladi.
Yashnobod tumanida bank bo‘lim boshlig‘i va tadbirkorlar soxta hujjatlar orqali 120 ming dollar kredit mablag‘ini o‘zlashtirgani aniqlandi. Pullar internetdagi qimor o‘yinlariga sarflab yuborilgan.
“Faol hayotga qadam” dasturi doirasida 1-martdan demensiya, Parkinson yoki Alsgeymer kasalligi tashxisi qo‘yilgan shaxslar uchun kunduzgi qatnov asosida qarab turish xizmati ko‘rsatiladi. Shuningdek, o‘zgalar parvarishiga muhtoj shaxslarning yashash sharoitlarini har chorakda qayta baholash talabi bekor qilinadi.
UzAutoMotors Traverse Z71 avtomobili sotuvi boshlanganini ma’lum qildi. Krossover narxi 795 mln so‘m. Model 328 ot kuchiga ega 2,5 litrli turbo benzin dvigateli bilan jihozlangan. Yoqilg‘i sarfi aralash siklda har 100 kilometr masofa uchun o‘rtacha 11,7 litrni tashkil qiladi.
Mygov. uz portalida yo‘l bo‘yi pulli to‘xtash joylaridan foydalanish uchun rezidentlik ruxsatnomalarini olish xizmati ishga tushirdi. Bir yil muddatga beriladigan hujjatdan tungi vaqtda foydalanish bepul.
O‘zbekiston delegatsiyasi Milan va Kortina-d'Ampezzoda bo‘lib o‘tadigan 2026-yilgi qishki olimpiada uchun 4 ta yo‘llanmani qo‘lga kiritdi. Biroq figurali uchish bo‘yicha qatshashishi kerak bo‘lgan Dmitriy Chigirevning jarohati sabab o‘zi va uning sherigi musobaqada ishtirok eta olmaydigan bo‘ldi.
Aviator savdo markazida bolalarni yong‘indan qutqargan ota-onalar bino bunday FVlarga tayyor emasligini aytdi. Guvohlarning Gazeta`ga ma’lum qilishicha, yong‘in chiqqanda na signalizatsiya, na avtomatik o‘t o‘chirish tizimi ishlagan.
Eron oliy rahnamosi Ali Xomanaiy AQShning har qanday hujumi mintaqaviy mojaroni keltirib chiqarishidan ogohlantirdi. AQSh mintaqaga aviatashuvchi va jangovar kemalar yuborgan. Eron rasmiylari, o‘z navbatida, Ormuz bo‘g‘ozida jangovar mashg‘ulotlar o‘tkazilishi haqidagi xabarni rad etdi.
Hafta davomida O‘zbekistonda beqaror ob-havo kuzatiladi. Harorat kechalari +5…+10, kunduz kunlari +13…+18 daraja atrofida bo‘ladi. Joylarda yog‘ingarchilik ham kuzatiladi. Juma kuni esa havo yana soviydi.
Yilning ilk oyi O‘zbekistonda va uning tashqarisida muhim voqealarga hamda yorqin lahzalarga boy bo‘ldi. Yanvarning so‘nggi kuni savdo markazida sodir bo‘lgan va bir bolaning umriga zomin bo‘lgan fojiali yong‘in bilan muhrlandi. Gazeta ushbu oyning e’tiborga molik suratlarini jamladi.
2025-yilda O‘zbekistonda 15,4 mingta narkojinoyat qayd etilib, salkam 3,5 tonna giyohvandlik moddalari musodara qilindi. Narkojinoyat sodir etgan 11 ming 49 kishi javobgarlikka tortildi. Jinoyatlarning 53 foizi Toshkent shahri, Farg‘ona va Toshkent viloyatlari hissasiga to‘g‘ri keldi.
Jizzaxda Telegram messenjerida guruh tashkil qilib, diniy ekstremistik materiallar tarqatgan ikki nafar shaxs qo‘lga olindi. Ularga nisbatan jinoyat ishi qo‘zg‘atildi, guruhdagi qolgan shaxslarga ma’muriy va profilaktik choralar ko‘rildi.
Andijon shahriga Xitoyning Cambell rusumli 40 ta elektrobusi olib kelindi. Ular allaqachon yo‘nalishlarga chiqishni boshlagan.
Toshkentdagi Aviator savdo markazida yuz bergan yirik yong‘in bo‘yicha “nodavlat tijorat tashkiloti mansabdor shaxslari tomonidan vakolatlarini suiiste’mol qilish” va “yong‘in xavfsizligi qoidalarini buzish” moddalari bo‘yicha jinoiy ish ochildi.
O‘zbekistonlik shaxmatchi Nodirbek Abdusattorov dunyodagi eng nufuzli turnirlardan biri - Tata Steel Chess g‘olibiga aylandi. Ushbu muvaffaqiyatga u 4-urinishda erishdi. “Qanchalik baxtli ekanimni so‘z bilan ta’riflab berolmayman”, - dedi u.
O‘zbekistonning qator hududlarida hokimliklar xodimlarni “majburiy topshiriq” niqobi ostida aholini ro‘yxatdan o‘tkazish tadbirlariga jalb qilgani aniqlandi. Mehnat inspeksiyasi bu holatni qonunbuzilish deb baholab, mas’ullarga ogohlantirish yubordi va Mehnat kodeksi talablarini eslatdi.
Rossiyaning Moskva, Sankt-Peterburg, Qozon va Kabardin-Balkariya hududlarida qarovsiz qolgan 6 nafar bola O‘zbekistonga qaytarildi. Bolalar ombudsmani ko‘magida tashkil etilgan repatriatsiya jarayoni davomida bolalarga Rossiyada vaqtinchalik sharoit yaratilgan.
Nomusga tegish jinoyati bo‘yicha Interpol qidiruvida bo‘lgan o‘zbekistonlik erkak Gruziyadan ekstraditsiya qilindi. Bu ikki oy ichida O‘zbekiston fuqarolarining Gruziyadan qilingan uchinchi ekstraditsiyasi bo‘ldi, deydi IIV.
Poytaxtdagi Aviator savdo-ko‘ngilochar markazida sodir bo‘lgan yong‘in oqibatida taxminan 3 yoshda bo‘lgan bola halok bo‘ldi. Ta’kidlanishicha, yong‘indan 800 kvadrat metr maydon zarar ko‘rgan. Yong‘inni o‘chirishga 12 ta asosiy, 4 ta maxsus va 6 ta suv tashuvchi texnika jalb etilgan.
Toshkent shahridagi Aviator savdo majmuasida yong‘in sodir bo‘ldi. O‘t o‘chirish ishlari 15:53 da boshlangan. Voqea joyiga favqulodda vaziyatlar vaziri Azizbek Ikramov yetib kelgan.
O‘zbekistondagi bir necha OAV va faollar Meta tomonidan ularning Instagram’dagi akkauntlari qandaydir qoidabuzarliklarga ishora qilib o‘chirib qo‘yilgani haqida xabar berishdi. Ekofaol Mo‘’tabar Xushvaqtova va uning “Yashil uyim” loyihasi, Hook Report va Sarpa Media nashrlarining sahifalari ishlamayapti.
Gazeta nashrining “Sening yoshliging menda bo‘lsaydi…” nomli ushbu loyihasida el-yurt orasida hurmatga sazovor kishilar o‘z yoshligini eslab, hozirgi zamon nuqtai nazaridan yoshlarga tavsiyalar beradi.
Baxrom Yusupov Jizzax viloyati hokimining tog‘li hududlar va yaylovlarni rivojlantirish, investitsiya va savdo masalalari bo‘yicha, Bekzod Egamov esa hokimning dasht va cho‘l hududlarda sanoatni rivojlantirish, investitsiya va savdo masalalari bo‘yicha o‘rinbosari lavozimiga tayinlandi.
Qorako‘l tumanidagi 2 qavatli uy xonadonlarining birida gaz portladi. Hodisa oqibatida 2 nafar fuqaro jarohat oldi va shifoxonaga yuborildi. FVV halok bo‘lganlar yo‘q ekanini ma’lum qildi.
Besh yil avval ekofaol Feruzbek Sayfullayev ishlatilgan batareyalar chiqindi poligonlariga tushmasligi uchun ularni yig‘a boshlagandi. So‘ngra uning tashabbusi mamlakat bo‘ylab 170 ta yig‘ish shoxobchasidan iborat tarmoqqa aylandi, xavfli chiqindilarni utilizatsiya qilish masalasiga esa biznes va davlat ham qo‘shildi.
Karamel-bananli Taten, bananli shokoladli pirog, bananli pechene va banandan boshqa pishiriqlar - Zira.uz jamlanmasida.
Turkiyada qotillik qurboni bo‘lgan Durdona Hakimovaning jasadi va uning ikki farzandi O‘zbekistonga qaytarildi, deb xabar qildi Istanbuldagi Bosh konsulxona. Idora uning faoliyatiga oid ma’lumotlarni ochiqlab, fuqarolardan “marhumaning sha’nini kamsituvchi hamda biryoqlama fikrlar” tarqatmaslikni so‘radi.
Toshkent va O‘zbekistonning boshqa hududlarida so‘nggi kunlarda havo sifati meteorologik sharoitlar - shamolning yo‘qligi yoki past tezligi, harorat inversiyasi va tuman tufayli yomonlashgan. Bu haqda Ekologiya milliy qo‘mitasi ma’lum qildi.
Andijon ixtisoslashtirilgan san’at maktabi negizida Sherali Jo‘rayev nomidagi musiqa va san’at oliy maktabi tashkil etiladi. O‘quv jarayoni 2025/2026 o‘quv yilidan boshlanadi. Maktabning iqtidorli bitiruvchilari o‘z o‘qishini tegishli bakalavriat ta’lim yo‘nalishi bo‘yicha 2-bosqichidan davom ettirishi mumkin.
Farg‘ona viloyatida Telegram orqali aqidaparastlik g‘oyalari bilan to‘ldirilgan materiallarni e’lon qilgan shaxs 6 yilga ozodlikdan mahrum qilindi. U Suriyadagi xalqaro terrorchilik tashkilotining instruktori va media targ‘ibotchisi bilan bog‘lanib, u bilan doimiy muloqot olib borgan.
Senat xorijdan qaytayotganlarni OIVga majburiy tekshirishga oid qonunni ma’qullab, prezidentga yubordi. Jamoatchilikning munosabati o‘xshash: bu amaliyotning inson huquqlariga zid ekani yangramoqda.
O‘zbekistonda endi sotuvchilar jismoniy shaxs bo‘lgan iste’molchilarga tovarlarni kelishilgan muddatlarda yetkazib bermagani uchun tovarning 0,5 foizi miqdorida penya to‘laydi.
O‘zbekistonda IIO va Milliy gvardiya xodimining qonuniy talablarini bajarmaslik uchun qo‘llaniladigan jarimaning eng kam miqdori BHMning 5 baravari etib belgilandi (avval 1 edi). Bir yilda qayta sodir etilganda solinadigan jarimaning eng ko‘p miqdori esa BHMning 30 baravari etib oshirildi (avval 15 edi).
Prezident administratsiyasining yangilangan tashkiliy tuzilmasida yana ikkita tayinlov amalga oshirildi. Elmurod Najimov Kreativ iqtisodiyot va turizm departamenti boshlig‘i o‘rinbosari bo‘ldi. Moliyaviy texnologiyalar, raqamlashtirish va SI departamenti boshlig‘i o‘rinbosari etib Hikmatilla Ubaydullayev tayinlandi.
O‘zbekistonda yer, kredit, subsidiya va agroxizmatlar bo‘yicha 30 dan ortiq platformani birlashtirgan “Raqamli qishloq xo‘jaligi” yagona integratsion platformasi ishga tushiriladi. Endilikda fermer nima ekishni o‘zi hal qilib, ushbu platformaga kiritadi.
O‘tgan hafta AQShning birdaniga uch ittifoqchisi - Buyuk Britaniya, Fransiya va Kanada - Falastinni tan olishga tayyorligini ma’lum qildi. NYT’ga ko‘ra, “bu holat Isroilning G‘azodagi urushiga nisbatan chuqur norozilik mavjudligini bildiradi”.
Raqobat qo‘mitasiga iqtisodiy konsentratsiyaga doir jami 57 ta murojaat kelib tushdi. 52 ta murojaat xo‘jalik yurituvchi subyektlarning ustav fondidagi aksiyalarni sotib olish uchun rozilik olishga oid bo‘ldi.
Ekologiya vaziri Navoiy shahrida atmosfera havosini ifloslantiruvchi manba bo‘lishi mumkin bo‘lgan korxonani sudga berish topshirig‘ini berdi. Uning so‘zlariga ko‘ra, atrof-muhitni tartibga solishni kuchaytirish rejalashtirilgan, zararli chiqindilar uchun jarimalar bir necha barobarga oshiriladi.
O‘zbekistonda 2025-yil oxirigacha jinoyatlarning umumiy soni 17,5 foizga kamayishi kutilyapti. Ayni vaqtda, 15 ta jinoyat turi bo‘yicha o‘sish bo‘lishi mumkin. Kriminologiya instituti 2025-yilda Samarqand va Namangan viloyatlarida umumiy jinoyatlar oshishi, qolgan hududlarda esa kamayishini prognoz qilmoqda.
Prezident O‘zbekiston xalq artisti Botir Zokirov xotirasini abadiylashtirish choralarini ko‘rish bo‘yicha qaror imzoladi. Uning sharafiga stipendiya va xalqaro tanlov tashkil etiladi hamda memorial muzey ochiladi.
Ukrainada 33 davlat fuqarolari harbiy asirlikda saqlanmoqda, ularning eng ko‘pi O‘zbekistondan, deb yozdi “Xochu jit” loyihasi. Shuningdek, 2025-yilda Rossiya kamida 902 nafar o‘zbekistonlikni urushga yollagani aytildi.
O‘zbekiston tovar-xomashyo birjasi (O‘zRTXB) orqali avtomobil raqamlari savdosi 2025-yilning birinchi yarim yilligida biroz pasaydi. Yil boshidan beri avtoraqam.uzex.uz orqali raqamlarni sotishdan tushgan tushum 378,7 mlrd so‘mni tashkil etdi - bu o‘tgan yilning shu davriga nisbatan 11,1 foiz kam.
Yangi tashkil etilgan Harbiy xavfsizlik va mudofaa universiteti rahbarining birinchi o‘rinbosari, uning tarkibidagi to‘rtta harbiy institut boshliqlari, shuningdek, Janubi-g‘arbiy maxsus harbiy okrug qo‘shinlari qo‘mondoni tayinlandi.
Davlat mehnat inspeksiyasi monitoringi natijasida paxta yig‘im-terimi mavsumida majburiy mehnatga yo‘l qo‘ygan 8 nafar mansabdor jazolandi. Bundan tashqari, 74 ta mehnat qonunchiligi buzilishi holati aniqlandi.
Samarqand viloyatida Ukrainadagi urushda Rossiya tomonidan qatnashgan 27 yoshli fuqaro 3 yilga qamaldi. U Rossiyaga ishlash uchun borgan, biroq narkotiklar savdosida ayblanib qamalgan. Koloniyada Ukrainadagi urushda qatnashish uchun Rossiya qurolli kuchlari safiga yollangan.
O‘zbekistonda mamlakatga olib kirilayotgan tovarlar va valyuta to‘g‘risidagi bojxona deklaratsiyasini oldindan va onlayn to‘ldirish imkonini beruvchi Yo‘lovchi deklaratsiyasi ilovasi ishga tushdi. Unda mobil telefonning IMEI kodini skanerlash funksiyasi mavjud bo‘lib, 15 xonali kodlarni qo‘lda kiritmasa ham bo‘ladi.
Prezident farmoniga ko‘ra, 2026−2027-yillarda Tadbirkorlikni rivojlantirish kompaniyasi 5 mingta loyihani moliyalashtirish uchun 4 trlon so‘m ajratadi. Loyihalar kichik va o‘rta biznes uchun arzon kreditlar va foiz kompensatsiyalari orqali qo‘llab-quvvatlanadi.
O‘zbekistonda muddati o‘tgan oziq-ovqat mahsulotlarini sotganlik uchun jarimalar 3 barobarga - 12,36 mln so‘mgacha oshirildi. Shuningdek, Raqobat qo‘mitasi iste’molchilar shikoyatlarini qabul qilish uchun “Iste’molchi murojaati” axborot tizimini ishga tushiradigan bo‘ldi.
O‘zbekistonlik yoshlarga til o‘rganish uchun “2+6” dasturi asosida yarim yil uchun oyiga BHMning 2 baravarigacha bo‘lgan miqdorda subsidiyalar ajratiladi. Bunda talabgor til bilishning kamida minimal ko‘rsatkichli sertifikatiga ega bo‘lishi va dastlabki 2 oylik o‘qish xarajatini o‘z hisobidan to‘lashi lozim.
O‘zbekiston TIV G‘azo sektorida o‘t ochishni to‘xtatish va garovdagilarni ozod etish bo‘yicha kelishuvni olqishlab, AQSh prezidentining ko‘magini qayd etdi. Toshkent Misr, Qatar va Turkiyaning sa’y-harakatlarini ham ta’kidladi.
O‘zbekistonda oltin quymalari narxi ilk bor 5 gramm uchun 8 mln so‘mdan (kechagidan 122 ming so‘m qimmatroq) oshdi. Yil boshidan buyon mahalliy bozorda oltin narxi 42 foizga o‘sdi. Jahon bozorida oltin narxi troya unsiyasi uchun $4000 dan oshdi.
AQSh hukumatining bir haftadan ortiq davom etayotgan shatdauni aviadispetcherlar yetishmovchiligi muammosini yanada kuchaytirib, mamlakatning eng yirik aeroportlarida parvozlarning ommaviy kechikishiga sabab bo‘ldi.
2025-yilning 9 oyida 12 nafar ichki ishlar xodimi pora olish jinoyatini sodir etdi, dedi IIV boshqarmasi boshlig‘i Jamshid Sultonov. O‘z navbatida, taklif etilgan porani olmagan 213 nafar xodim rag‘batlantirildi.