Tramp Makronni Fransiya G‘azo bo‘yicha Tinchlik kengashiga qo‘shilmoqchi emasligi uchun tanqid qilib, fransuz vinosiga nisbatan 200 foiz bojlar solishini aytdi. OAV Fransiya taklifni “nizom kengash rolini faqat G‘azo hududi bilan cheklab qo‘ymaydigan ko‘rinadi”, deya qabul qilishdan bosh tortgani haqida yozdi.
O‘zbekiston ilk bor FIFA Series xalqaro musobaqasi o‘yinlariga mezbonlik qiladi. Mini-turnirda mezbon mamlakat terma jamoasidan tashqari, Gabon, Trinidad va Tobago hamda Venesuela milliy jamoalari ham ishtirok etadi.
Bloomberg Trampning G‘azo bo‘yicha Tinchlik kengashiga a’zolik taklifini olgan davlatlar ro‘yxatini e’lon qildi. Unda 49 ta davlat (jumladan, O‘zbekiston) va Yevropa komissiyasi ko‘rsatib o‘tilgan. Bu ro‘yxatdan joy olmagan Xitoy ham taklifni qabul qilganini tasdiqladi, ammo qanday to‘xtamga kelgani aniq emas.
Qozog‘istonda vitse-prezident lavozimi va Xalq Kengashi organi paydo bo‘lishi, shuningdek, parlament bir palataga aylantirilib, Qurultoy nomini olishi mumkin. Bu haqda Toqayev Milliy qurultoy yig‘ilishida ma’lum qildi. O‘zgarishlar referundum orqali amalga oshadi.
O‘zbekiston uchun Rossiya bilan siyosiy o‘yinlar o‘ynash emas, balki iqtisodiy daromad va boshqa manfaatlar ko‘rish ustuvordir, dedi “Milliy tiklanish” partiyasi raisi Alisher Qodirov. Uning aytishicha, Rossiyada baralla yangrayotgan shovinistik chiqishlarni xavf sifatida tahlil qilish kerak.
Farg‘ona tumanida Captiva haydovchisi transport harakati uchun mo‘ljallanmagan qorli dara yo‘lida boshqaruvni yo‘qotib, halokatga uchradi. Olingan jarohatlar oqibatida 44 yoshli erkak shifoxonada vafot etdi.
Moldova MDH nizomi, MDHni tuzish to‘g‘risidagi bitim va tegishli ilovani denonsatsiya qilish tartibini boshladi, dedi bosh vazir o‘rinbosari Mixay Popshoy. Uning aytishicha, bu qadam hamdo‘stlikdan chiqish jarayonini yakunlab beradi.
15-yanvarda boshlangan aholi va qishloq xo‘jaligini ro‘yxatga olish onlayn bosqichi bo‘yicha aholidan turli savollar paydo bo‘lmoqda. Statistika qo‘mitasi ko‘p beriladigan savollarga javoblarni taqdim etdi.
Xitoy aholisi ketma-ket to‘rtinchi yil qisqarmoqda: 2025-yilda mamlakat aholisi 3,39 mln kishiga kamayib, 1,404 mlrd kishini tashkil qildi. O‘tgan yilda jami 7,92 mln kishi tug‘ildi va bu 1949-yilda qaydlar yuritila boshlanganidan beri eng past ko‘rsatkichdir. Tug‘ilishni rag‘batlantirishlar hozircha ish bermayapti.
82 turdagi xomashyolar uchun bojxona boji “nol” stavkada qo‘llaniladi. Bojxona imtiyozlari ilk bor 2021-yil oktabr oyida joriy etilgan. Biroq ularning amal qilish muddati 2024-yil 1-yanvarda yakunlangan.
Futbol bo‘yicha O‘zbekiston milliy terma jamoasi FIFA reytingida 2 pog‘ona pastlab, 52-o‘ringa tushdi. Bunga Afrika millatlar kubogida qit’a mamlakatlari FIFA ochkolariga ega bo‘lgani ta’sir qildi. Marokash kuchli o‘nlikka kirdi.
O‘zbekiston bosh vaziri o‘rinbosari Jamshid Xodjayev Tojikiston bozorida o‘zbek qurilish materiallari narxining oshishi va qo‘shimcha bojxona to‘lovlariga javob choralari qo‘llanilishi mumkinligini bildirdi.
O‘zbekistonda metan zapravkalari faoliyati yana cheklandi. Energetika vazirligining ma’lum qilishicha, bu havo haroratining pasayishi bilan bog‘liq. Toshkentda ular bir kun oldin yopilgandi. Shoxobchalarning aniq ish vaqti ko‘rsatilmagan. Propan zapravkalari esa ishlamoqda.
“Sohibqiron nabirasi”, “Shahidlar shohi”, shuningdek, “Mirzo Ulug‘bek” va “Bobur shoh” singari qissa va tarixiy dramalar muallifi Xurshid Davron 20-yanvarda 74 yoshni qarshiladi.
Germaniyaning KfW banki O‘zbekistonga kichik va o‘rta biznesni rivojlantirish uchun umumiy qiymati 26,5 mln yevro bo‘lgan kredit va grant ajratadi. Loyiha olti yilga mo‘ljallangan.
Malayziyadan Samarqand va Buxoroga reyslar ko‘rib chiqilmoqda, ammo qaror turistlar oqimining qaytish yo‘nalishida ham qay darajada bo‘lishiga bog‘liq, dedi Kuala Lumpurdagi elchi Karomidin Gadoyev. Unga ko‘ra, Malayziya aviakompaniyalari O‘zbekistonda havoning beshinchi erkinligini olishni ham istamoqda.
Osiyoga safaridan qaytayotgan Italiya bosh vaziri Jorja Meloni Toshkentda qisqa to‘xtab o‘tdi. U prezident Shavkat Mirziyoyev bilan uchrashdi. Ular ikki mamlakat o‘rtasidagi hamkorlik, xalqaro va mintaqaviy kun tartibini muhokama qildi va aloqalarni qo‘llab-quvvatlashga kelishib oldi.
Donald Tramp global mojarolarni hal qilish bilan shug‘ullanadigan yangi xalqaro tashkilot - Tinchlik kengashini yaratmoqda. Unga AQSh prezidentining o‘zi rais bo‘ladi. Mamlakatlar doimiy a’zolik uchun $1 mlrd to‘lashi kerak.
AQSh prezidenti Grenlandiyani anneksiya qilish tahdidlari fonida Norvegiya bosh vaziriga maktub yo‘lladi. Unda Norvegiyadagi Nobel qo‘mitasi unga tinchlik uchun Nobel mukofotini bermaganidan so‘ng o‘zini “ortiq faqat tinchlik haqida o‘ylashga” majbur deb his qilmasligini yozgan.
2025-yilda “Toza qo‘llar” dasturi va davlat bog‘chalarida autsorsing ovqatlanish uchun 567 mlrd so‘mdan ortiq ajratildi. Senator rasmiylar xarajatlar shaffofligini qanday ta’minlab, to‘g‘ridan-to‘g‘ri xaridlarning oldini olmoqchi ekaniga qiziqdi.
O‘zbekiston Chikago, San Fransiskoda va Vashington shtatida bosh konsulliklar ochishni rejalashtirmoqda, shuningdek, Florida yoki Kaliforniyaga reyslarni yo‘lga qo‘yishni ko‘rib chiqmoqda, dedi elchi Furqat Sidiqov.
15-yanvardan beri O‘zbekistonda qariyb 2,5 mln xonadon, shuningdek, 31 ming fermer xo‘jaligi va agrar korxonalar onlayn tarzda ro‘yxatga olindi, deya ma’lum qilindi prezidentga. Ro‘yxatga olish tadbirlarini o‘tkazish uchun asosan “mahalla yettiligi” a’zolaridan iborat 60 mingga yaqin mutaxassis o‘qitildi.
Navoiy viloyatida Sarmishsoy tog‘ tizmasida bir necha oy davomida noqonuniy oltin qazish bilan shug‘ullanib kelgan shaxslar guruhi qo‘lga olindi. Ular tarkibida 9,9 kg miqdoridagi umumiy narxi 15,5 mlrd so‘mlik oltin mavjud bo‘lgan tog‘ jinslarini o‘zlashtirgan.
Ikki hafta oldin avtobus halokati yuz bergan manzil yaqinida yana bir avtobus ag‘darilib ketdi. Oqibatda ikki kishi shifoxonaga yotqizildi. Holat bo‘yicha jinoiy ish ochildi.
Prezident maslahatchisi - spichrayteri Xayriddin Sultonov O‘zbekiston xalq yozuvchisi unvoni bilan mukofotlandi. Unvon yozuvchiga milliy adabiyot va madaniyat rivojiga qo‘shgan hissasi, davlat idoralaridagi ko‘p yillik xizmati va tavalludining 70 yilligi munosabati bilan berildi.
AQSh prezidenti Donald Tramp Shavkat Mirziyoyev nomiga maktub yo‘llab, O‘zbekistonni Yaqin Sharqda tinchlikni mustahkamlash va mojarolarni hal etish bo‘yicha Tinchlik kengashiga ta’sischi davlat sifatida qo‘shilishga taklif etdi. O‘zbekiston rahbari taklifni qabul qildi.
“Milliy tiklanish” partiyasi O‘zbekiston haqida nomaqbul gapirgan xorijliklar ro‘yxatini tuzib, buni TIV bilan muhokama qilmoqchi. Alisher Qodirov o‘zida Rossiyada shovinistik siyosatni yuritayotgan o‘nga yaqin shaxs ro‘yxati borligini qayd etarkan, ularga taqiq qo‘yilishini qo‘llab-quvvatlashini aytdi.
Rossiyalik faylasuf Aleksandr Duginning aytishicha, MO va Janubiy Kavkaz davlatlari Rossiya bilan ittifoq tarkibiga kirishi kerak. “Suveren Armaniston, Gruziya, Qozog‘iston, O‘zbekiston mavjudligiga rozi bo‘lish mumkin emas.
2025-yilda olib kirilgan qariyb 80 mingta avtomobilning 56 mingtadan ortig‘i elektromobillar bo‘ldi, benzinli mashinalar importi esa 40 foizga kamaydi. Ichki yonuv dvigatelli mashinalar ulushi 44% dan 25% gacha qisqardi. Qolaversa, elektromobillarning o‘rtacha narxi oshdi.
Energetika vazirligi Farg‘ona vodiysidagi “zapravka”larga ko‘chma konteynerlar orqali gaz yetkazib berish loyihasi nega hamon ish boshlamaganiga izoh berdi. Aytilishicha, Beshariq tumanida kompressor stansiyasi qurilishi davom etmoqda, ishlar qo‘shimcha texnik va xavfsizlik talablarini ta’minlash tufayli cho‘zilmoqda.
O‘zingiz uchun eng yaxshi g‘amxo‘rlik - to‘laqonli uyqu. Biroq zamonaviy insonning stressga, gadjetlarga to‘la hayoti, buzilgan kun tartibi xavotirni oshiradi va uyquga xalal beradi. Shu bois hozirda uyqu muammolari keng tarqalgan.
Toshkent davlat texnika universiteti, BAAning GSU kompaniyasi hamda “Yashil Energiya” kompaniyasi yashil energetika bo‘yicha kadrlar tayyorlashga kelishib oldi. Kelishuv o‘quv dasturlarini yangilash, stajirovka va amaliyot dasturlarini yo‘lga qo‘yish va ilmiy hamkorlikni rivojlantirishni ko‘zda tutadi.
2025-yilda kompensatsiya jamg‘armasi budjeti 150 mlrd so‘mga - 700 mlrd so‘mgacha oshirildi. Mablag‘lar Samarqand va Termizdagi yirik yo‘l loyihalari hamda poytaxt va Yangi Toshkent o‘rtasidagi yo‘llar qurilishi uchun yer uchastkalari sotib olishga yo‘naltirildi. Senator hududlarda to‘lovlar kechikishiga e’tibor qaratdi.
O‘zbekistonning Janubiy Koreyadagi elchisi prezident Samsung bilan virtual sayohat platformasini yaratish topshirig‘ini berganini ma’lum qildi. Shuningdek, Koreya do‘konlarida O‘zbekiston mahsulotlari rastalari ochiladi.
Tailand hamkorligida Surxondaryo viloyatidagi Kushon imperiyasiga taalluqli obidalar restavratsiya va konservatsiya qilinadi. Tailanddan bo‘lgan buddaviylik oqimiga qiziqishi bo‘lgan piligrim turistlarni viloyatga jalb qilish ishlari olib boriladi.
Yo‘l qo‘yilgan tizimli kamchiliklar va boshqaruvdagi xatoliklar sabab Qarshi neft bazasi direktori lavozimidan ozod etildi “O‘zbekneftgaz” boshqaruv raisi Abdug‘ani Sanginov boshchiligidagi ishchi guruh Qarshi neft bazasida o‘rganish ishlarini olib borgan va bazaning bugungi holatini qoniqarsiz deb topgan.
Toshkentdan ko‘chiriladigan ekologik xavfli va energiya sarfi yuqori korxonalar ro‘yxatiga 87 ta obyekt kiritildi. Ulardan birinchi bo‘lib 1970-yillardagi uskunalarda ishlab kelgan “O‘zikkilamchiranglimetall” korxonasi Jizzaxga ko‘chiriladi.
Xatirchi tumanida yig‘lagani uchun otasi og‘ziga paypoq tiqib qo‘ygan besh oylik chaqaloq vafot etdi. Bola to‘rt kun davomida shifoxonaning jonlantirish bo‘limida qolgan. Gumonlanuvchiga jinoiy ish ochilib, qamoqqa olish ehtiyot chorasi qo‘llandi.
Aholini ro‘yxatga olishda nogironlikka oid savollarning yo‘qligi e’tirozlarga sabab bo‘lgach, Statqo‘m rahbariyati izoh berdi. Ta’kidlanishicha, so‘rovnomada daromad manbaiga oid savolning javoblari orasida “nogironlik pensiyasi” varianti ham bor. Shu orqali nogironlar satistikasini shakllantirish mumkin.
O‘zbekiston 2026-yilda YIMning 6% lik o‘sishi bilan YMO mintaqasida rivojlanayotgan iqtisodiyotlar orasida top-3 likka kiradi, deya prognoz qildi JB. Jahon bozorlaridagi yuqori oltin narxlari hisobiga iqtisodiy faollik kuchayadi, Rossiyadagi iqtisodiy vaziyat pul o‘tkazmalarining qisqarishiga olib kelishi mumkin.
Nukus shahri jamoat transporti yo‘nalishlariga ilk bor elektrobuslar chiqariladi. Buning uchun Xitoydan dastlabki 12 ta transport vositasi olib kelindi. Yil yakuniga qadar shaharga jami 200 ta avtobus yetkazib berilishi kutilmoqda.
Nukus shahri jamoat transporti yo‘nalishlariga ilk bor elektrobuslar chiqariladi. Buning uchun Xitoydan dastlabki 12 ta transport vositasi olib kelindi. Yil yakuniga qadar shaharga jami 200 ta avtobus yetkazib berilishi kutilmoqda.
O‘zbekiston yoshlar terma jamoasi U-23 Osiyo kubogi chorak finalida Xitoyga penaltilar seriyasida imkoniyatni boy berib, musobaqani tark etdi.
Xalqaro o‘zbeklar kunini belgilash va butun dunyoda bu kunni elchixonalar yordamida nishonlash rejalashtirilmoqda. Taklif O‘zbekistonning AQShdagi elchisi Furqat Sidiqov tomonidan yetkazildi, prezident ma’qulladi.
Shanba kuni Dubayda har yili 24 soat davom etadigan chidamlilik bo‘yicha avtomobil poygasi boshlanadi. Jamoalardan birida toshkentlik 21 yoshli poygachi Ismoil Ahmedxo‘jayev ishtirok etmoqda. Gazeta saralash poygasidan fotoreportaj tayyorladi.
O‘zbekistonda yangi elektromobillar sotuvi 2025-yil davomida 35 foizga oshib, 40,7 ming donani tashkil etdi. Mahalliy va import ishlab chiqarilgan yangi yengil avtomobillar savdosi esa 5,2 foizga oshib, 370 ming donani tashkil etdi.
O‘zbekiston MB “Yangi bank”ni majburiy tugatish jarayonini boshladi. Regulyator va Omonatlarni kafolatlash agentligi omonatlar, kartadagi mablag‘lar qay tartibda, qanday muddatlarda qaytarilishi, kreditlarga qanday xizmat ko‘rsatilishini yuzasidan izoh berdi. Aksariyat mijozlarning (98,8%) pullari qaytariladi.
Alisher Qodirovning ta’kidlashicha, O‘zbekiston boshqaruv tizimida hali ham eskicha xulosalar bilan yondashib, mamlakat rivojiga o‘zining salbiy ta’sirini ko‘rsatayotgan rahbarlar bor. “Biz hali sovet ta’siridan to‘laligicha qutulmaganmiz, bu jarayonda ideal natijaga erishganimiz ham yo‘q”, - deydi partiya raisi.
Suluguni sirniklari, qiymali grenkalar, menemen, lavashdan tayyorlangan tezpishar pirojkalar va boshqa nonushta retseptlari - Zira.uz jamlanmasida.
Farg‘ona viloyati Maktabgacha va maktab ta’limi boshqarmasi boshlig‘i Sherzod Dolimov jarimaga tortildi, deb xabar berdi Mehnat inspeksiyasi Gazeta’ga. Uning Buvaydadagi 37-maktab direktorini majburiy navbatchilik ortidan ishdan olish va yangi direktorni ishga tayinlashda qonunchilik talablarini buzgani aytildi.
Ko‘pchilik kasallik belgilari paydo bo‘lmagunicha shifokorga murojaat qilmaydi, vaholanki, ko‘p kasalliklar odatda yashirin kechadi. Gazeta umumiy amaliyot shifokori Javohir Xolmuhamedov bilan muntazam tibbiy ko‘riklar zarurati, ularga qanday tayyorgarlik ko‘rish va qayerda o‘tkazish haqida suhbatlashdi.
Toshkent shahrining har bir tumanida qalamcha va urug‘lardan gullaydigan buta ko‘chatlarini ko‘paytirish uchun maxsus ko‘chatxonalar tashkil etiladi. Taqsimot reja dasturiga ko‘ra, Toshkent shahrida jami 574 450 dona buta ko‘chatlari yetishtiriladi.
Ozarbayjon AZAL samolyotining 38 kishi o‘lishiga sabab bo‘lgan halokati tufayli Rossiyaga qarshi xalqaro da’vo tayyorlamoqda, dedi Ilhom Aliyev. U Rossiyadan 7 oy davomida birorta ham aniq javob olmaganini va adolat qaror topishi kerakligini bildirdi. Bu hodisadan so‘ng ikki mamlakat aloqalari taranglashgan.
O‘zbekistonda 6 oylikkacha faqat ona suti bilan boqilayotgan bolalar ulushi 50 foiz. Bu ko‘rsatkichni 2030-yilgacha 70 foizga yetkazishmoqchi. Ammo bu borada oilaviy muhit va noto‘g‘ri tushunchalar bilan bog‘liq muammolar bor.
Raqobat qo‘mitasi Uzum Nasiya platformasini boshqaruvchi Makesense kompaniyasi Arhat Gravure (Tezcoin asoschisi) ulushini sotib olishini ma’qulladi. Arhat Gravure ham, Tezcoin ham Uzum raqamli ekotizimiga integratsiyalashgan.
O‘zbekistonda ulushli qurilish uchun eskrou hisoblarini joriy etish taklif hajmining kamayishi sababli uy-joy narxining oshishiga olib kelishi mumkin. Quruvchilarga banklardagi eskrou hisoblarida saqlanayotgan ulushchilarning mablag‘lari hisobidan foizsiz yoki past foizli stavka bilan mablag‘ berish taklif qilindi.
Mo‘g‘ulistondan O‘zbekistonga mayda shoxli mollarni import qiluvchi tadbirkorlarga havo transportida tashish xarajatlarining 50 foizi kompensatsiya qilinadi. Shuningdek, qo‘shilgan qiymat solig‘ini to‘lash muddatini foizlar hisoblanmagan holda to‘lov ta’minotisiz kechiktirib to‘lash imkoniyati beriladi.
Metro vagonlarida havoning issiqligi yuzasidan yo‘lovchilardan biri shikoyat bilan chiqdi. Metropoliten matbuot xizmati ko‘p yillik foydalanilayotgan eski turdagi harakat tarkibi sovitish tizimisiz ishlangani va ularni sovitish qurilmalari bilan jihozlash imkonsizligini ma’lum qildi.
2025-yilning birinchi yarmida o‘zbekistonliklar xorijiy valyutani sotib olishi va sotishi hajmlari o‘rtasidagi farq sezilarli darajada oshdi. Banklar aholidan 9,1 mlrd dollarlik valyutani sotib oldi (27 foizga o‘sish).
Prezident soliq masalasidagi nizolarni tadbirkorlar uchun osonroq va arzonroq hal etish maqsadida yangi tartib joriy etdi. Unga ko‘ra, Savdo-sanoat palatasi huzurida Soliqqa oid nizolar bo‘yicha ekspert kengashi tashkil etilib, soliq organlari qaroridan norozi tadbirkorlar murojaatini sudgacha ko‘rib chiqadi.
Rossiyada odam o‘ldirib qamalgan, so‘ngra Ukrainadagi harbiy harakatlarga jalb etilgan O‘zbekiston fuqarosiga Qarshi tumani sudi tomonidan 3 yil 6 oy muddatga ozodlikni cheklash jazosi tayinlandi. U O‘zbekistonga qaytib kelib, ixtiyoriy ravishda pushaymonlik arizasi bilan murojaat qilgan.
Kadastr agentligi vakili ko‘p qavatli uylarga tutash yerlarni o‘zboshimchalik bilan o‘rab olish javobgarlikka sabab bo‘lishini eslatdi. “U yer barcha fuqaroga tegishli. Uni kimdir o‘rab olishi yoki undan foydalanishi qat’iyan man qilinadi”, - dedi kadastr vakili.
Markaziy bank ma’lumotlariga ko‘ra, jismoniy shaxslar uchun so‘mdagi omonatlar bo‘yicha o‘rtacha stavkalar ketma-ket uchinchi oy kamaymoqda. Shu bilan birga, milliy valyutadagi kreditlar keskin qimmatlashdi - iyun oyida kreditlar bo‘yicha o‘rtacha stavka 23,2 foizga yetdi.
Hukumat liftlarni texnik ko‘rikdan o‘tkazish tartibini tasdiqladi, bu ularni yiliga kamida bir marta majburiy ko‘rikdan o‘tkazishni nazarda tutadi. Liftlarga yaroqlilik darajasini ko‘rsatadigan stikerlar yopishtiriladi.
O‘zbekiston bo‘ylab “noxolislik va raqobatni cheklovchi shartlar” bilan o‘tkazilgan jami 43 mlrd so‘mlik davlat xaridlari Raqobat qo‘mitasi aralashuvidan so‘ng bekor qilindi. Respublika miqyosida o‘nlab buyurtmachilar, xususan, SamAuto, Uzbekistan Airways, Xalq banki tenderlarida qonunbuzarliklar aniqlandi.
Yanvar-avgustda O‘zbekistonning tashqi savdo aylanmasi 51,4 mlrd dollarni (+19,8%) tashkil etdi. Eksport 31,3%, import esa 11,8% o‘sdi. Salbiy saldo qisqarishiga oltin, xizmatlar va oziq-ovqat yordam berdi.
O‘zbekiston, Qozog‘iston va Qirg‘iziston hamkorligida quriladigan Qambarota GES-1'ning umumiy quvvati 1860 MVt bo‘lishi kutilmoqda. Loyiha doirasida 5,4 mlrd kub metrga teng suv ombori ishga tushiriladi.
“O‘zatom” rahbari O‘zbekiston hududlarida yangi kichik quvvatli atom stansiyalari qurilishi mumkinligini ma’lum qildi. Uning so‘zlariga ko‘ra, Jizzaxda kichik AES qurilishi orqali kichik modul reaktorlarini joriy etishda katta tajriba to‘plamoqda.
Raqobat qo‘mitasi ko‘p qavatli uy-joy sotib olishda quruvchi kompaniya taqdim etadigan shartnomani to‘liq, kerak bo‘lsa yurist bilan o‘rganib chiqishga chaqirdi. Qo‘mita ayrim shartnomalarda qonunchilikka zid bo‘lgan bandlar kiritilayotganidan ogohlantirdi.
Oliy Majlis deputatlari ko‘p qavatli uylar yonidagi tuproq va yashil qoplamali hududlarni o‘zboshimchalik bilan betonlaganlik, shuningdek, ularga konstruksiyalar o‘rnatganlik uchun javobgarlikni belgilovchi qonun loyihasini qabul qildi.
Janubiy Koreyada Osiyo-Tinch okeani mintaqasi mamlakatlari yozuvchi, noshir va rassomlari ishtirokida Bolalar va o‘smirlar adabiyoti xalqaro kengashining (IBBY) konferensiyasi bo‘lib o‘tdi. Yozuvchi Dinara Mo‘minova bolalar adabiyotining dolzarb tendensiyalarni to‘plab, ularga ergashishning ahamiyatini tushuntirdi.
Toshkent shahri jamoat transportida o‘zgarish: endi 138, 13 T va 1-sonli avtobuslar harakat yo‘nalishi uzaytirildi. Xususan, 1A avtobusi Humoyun mavzesigacha emas, Mirzo Ulug‘bek iqtisodiy hududigacha boradi.
Toshkent shahrida Bektemir yo‘li va KHAY chorrahasida qurilish ishlari olib borilayotgani sababli 21-sentabrdan boshlab 8 ta avtobus yo‘nalishi vaqtincha o‘zgaradi.
O‘zbekistonda dollarning rasmiy kursi 12 171,03 so‘mgacha pasaydi - bu 2023-yil sentabridan beri eng past ko‘rsatkichdir. 1-yanvardan beri so‘m 734 so‘mga yoki 5,7 foizga mustahkamlandi.
Markaziy bank so‘mning dollarga nisbatan mustahkamlanishi oltin narxining o‘sishi bilan bog‘liq ekanini inkor qildi. “E’lon qilinadigan statistikada zaxiralar hajmi AQSh dollarida ifodalanadi. Bu yerda so‘mning ishtiroki yo‘q”, - dedi regulyator vakili.