2026-yilda O‘zbekistonda ko‘mir qazib olish hajmini 11 mln tonnagacha yetkazib, yangi konlar hisobidan uran ishlab chiqarishni ham kengaytirish rejalashtirilgan. Xususan, Angrendagi 233 mln tonna zaxiraga ega Nishbosh ko‘mir koni ishga tushirilishi hisobiga 880 ta ish o‘rni yaratilishi kutilmoqda.
O‘zbekistonda fuqaro aviatsiyasi korxonalarini transformatsiya qilish rejalashtirilmoqda: xarajatlar qisqartiriladi, “begona” xizmatlar autsorsingga o‘tkaziladi. Uzbekistan Airways va Uzbekistan Airports 2026-yildan faqat asosiy faoliyatiga e’tibor qaratadi, nosohaviy xarajatlar to‘xtatilishi kutilmoqda.
O‘zbekiston prezidenti Shayxontohur tumani IIO FMB sobiq boshlig‘ining hisobotiga ishonchsizlik bildirdi: “Hozir menga aytgan gaplaringga o‘zing ishonasanmi? Nega menga cho‘pchak gaplar gapirasan?” Uning so‘zlariga ko‘ra, IIB boshliqlari pastga tushmaydi, o‘rinbosarlar va “uchastkavoylar” esa ularni aldaydi.
Georgiy Kocharyan Armanistonning O‘zbekistondagi yangi elchisi etib tayinlandi. U 2019-yildan beri diplomatik missiyaga rahbarlik qilib kelgan Aram Grigoryanning o‘rnini egalladi. Elchining qarorgohi poytaxt Yerevanda bo‘ladi.
Yashnobod tumanida bank bo‘lim boshlig‘i va tadbirkorlar soxta hujjatlar orqali 120 ming dollar kredit mablag‘ini o‘zlashtirgani aniqlandi. Pullar internetdagi qimor o‘yinlariga sarflab yuborilgan.
“Faol hayotga qadam” dasturi doirasida 1-martdan demensiya, Parkinson yoki Alsgeymer kasalligi tashxisi qo‘yilgan shaxslar uchun kunduzgi qatnov asosida qarab turish xizmati ko‘rsatiladi. Shuningdek, o‘zgalar parvarishiga muhtoj shaxslarning yashash sharoitlarini har chorakda qayta baholash talabi bekor qilinadi.
UzAutoMotors Traverse Z71 avtomobili sotuvi boshlanganini ma’lum qildi. Krossover narxi 795 mln so‘m. Model 328 ot kuchiga ega 2,5 litrli turbo benzin dvigateli bilan jihozlangan. Yoqilg‘i sarfi aralash siklda har 100 kilometr masofa uchun o‘rtacha 11,7 litrni tashkil qiladi.
Mygov. uz portalida yo‘l bo‘yi pulli to‘xtash joylaridan foydalanish uchun rezidentlik ruxsatnomalarini olish xizmati ishga tushirdi. Bir yil muddatga beriladigan hujjatdan tungi vaqtda foydalanish bepul.
O‘zbekiston delegatsiyasi Milan va Kortina-d'Ampezzoda bo‘lib o‘tadigan 2026-yilgi qishki olimpiada uchun 4 ta yo‘llanmani qo‘lga kiritdi. Biroq figurali uchish bo‘yicha qatshashishi kerak bo‘lgan Dmitriy Chigirevning jarohati sabab o‘zi va uning sherigi musobaqada ishtirok eta olmaydigan bo‘ldi.
Aviator savdo markazida bolalarni yong‘indan qutqargan ota-onalar bino bunday FVlarga tayyor emasligini aytdi. Guvohlarning Gazeta`ga ma’lum qilishicha, yong‘in chiqqanda na signalizatsiya, na avtomatik o‘t o‘chirish tizimi ishlagan.
Eron oliy rahnamosi Ali Xomanaiy AQShning har qanday hujumi mintaqaviy mojaroni keltirib chiqarishidan ogohlantirdi. AQSh mintaqaga aviatashuvchi va jangovar kemalar yuborgan. Eron rasmiylari, o‘z navbatida, Ormuz bo‘g‘ozida jangovar mashg‘ulotlar o‘tkazilishi haqidagi xabarni rad etdi.
Hafta davomida O‘zbekistonda beqaror ob-havo kuzatiladi. Harorat kechalari +5…+10, kunduz kunlari +13…+18 daraja atrofida bo‘ladi. Joylarda yog‘ingarchilik ham kuzatiladi. Juma kuni esa havo yana soviydi.
Yilning ilk oyi O‘zbekistonda va uning tashqarisida muhim voqealarga hamda yorqin lahzalarga boy bo‘ldi. Yanvarning so‘nggi kuni savdo markazida sodir bo‘lgan va bir bolaning umriga zomin bo‘lgan fojiali yong‘in bilan muhrlandi. Gazeta ushbu oyning e’tiborga molik suratlarini jamladi.
2025-yilda O‘zbekistonda 15,4 mingta narkojinoyat qayd etilib, salkam 3,5 tonna giyohvandlik moddalari musodara qilindi. Narkojinoyat sodir etgan 11 ming 49 kishi javobgarlikka tortildi. Jinoyatlarning 53 foizi Toshkent shahri, Farg‘ona va Toshkent viloyatlari hissasiga to‘g‘ri keldi.
Jizzaxda Telegram messenjerida guruh tashkil qilib, diniy ekstremistik materiallar tarqatgan ikki nafar shaxs qo‘lga olindi. Ularga nisbatan jinoyat ishi qo‘zg‘atildi, guruhdagi qolgan shaxslarga ma’muriy va profilaktik choralar ko‘rildi.
Andijon shahriga Xitoyning Cambell rusumli 40 ta elektrobusi olib kelindi. Ular allaqachon yo‘nalishlarga chiqishni boshlagan.
Toshkentdagi Aviator savdo markazida yuz bergan yirik yong‘in bo‘yicha “nodavlat tijorat tashkiloti mansabdor shaxslari tomonidan vakolatlarini suiiste’mol qilish” va “yong‘in xavfsizligi qoidalarini buzish” moddalari bo‘yicha jinoiy ish ochildi.
O‘zbekistonlik shaxmatchi Nodirbek Abdusattorov dunyodagi eng nufuzli turnirlardan biri - Tata Steel Chess g‘olibiga aylandi. Ushbu muvaffaqiyatga u 4-urinishda erishdi. “Qanchalik baxtli ekanimni so‘z bilan ta’riflab berolmayman”, - dedi u.
O‘zbekistonning qator hududlarida hokimliklar xodimlarni “majburiy topshiriq” niqobi ostida aholini ro‘yxatdan o‘tkazish tadbirlariga jalb qilgani aniqlandi. Mehnat inspeksiyasi bu holatni qonunbuzilish deb baholab, mas’ullarga ogohlantirish yubordi va Mehnat kodeksi talablarini eslatdi.
Rossiyaning Moskva, Sankt-Peterburg, Qozon va Kabardin-Balkariya hududlarida qarovsiz qolgan 6 nafar bola O‘zbekistonga qaytarildi. Bolalar ombudsmani ko‘magida tashkil etilgan repatriatsiya jarayoni davomida bolalarga Rossiyada vaqtinchalik sharoit yaratilgan.
Nomusga tegish jinoyati bo‘yicha Interpol qidiruvida bo‘lgan o‘zbekistonlik erkak Gruziyadan ekstraditsiya qilindi. Bu ikki oy ichida O‘zbekiston fuqarolarining Gruziyadan qilingan uchinchi ekstraditsiyasi bo‘ldi, deydi IIV.
Poytaxtdagi Aviator savdo-ko‘ngilochar markazida sodir bo‘lgan yong‘in oqibatida taxminan 3 yoshda bo‘lgan bola halok bo‘ldi. Ta’kidlanishicha, yong‘indan 800 kvadrat metr maydon zarar ko‘rgan. Yong‘inni o‘chirishga 12 ta asosiy, 4 ta maxsus va 6 ta suv tashuvchi texnika jalb etilgan.
Toshkent shahridagi Aviator savdo majmuasida yong‘in sodir bo‘ldi. O‘t o‘chirish ishlari 15:53 da boshlangan. Voqea joyiga favqulodda vaziyatlar vaziri Azizbek Ikramov yetib kelgan.
O‘zbekistondagi bir necha OAV va faollar Meta tomonidan ularning Instagram’dagi akkauntlari qandaydir qoidabuzarliklarga ishora qilib o‘chirib qo‘yilgani haqida xabar berishdi. Ekofaol Mo‘’tabar Xushvaqtova va uning “Yashil uyim” loyihasi, Hook Report va Sarpa Media nashrlarining sahifalari ishlamayapti.
Gazeta nashrining “Sening yoshliging menda bo‘lsaydi…” nomli ushbu loyihasida el-yurt orasida hurmatga sazovor kishilar o‘z yoshligini eslab, hozirgi zamon nuqtai nazaridan yoshlarga tavsiyalar beradi.
Baxrom Yusupov Jizzax viloyati hokimining tog‘li hududlar va yaylovlarni rivojlantirish, investitsiya va savdo masalalari bo‘yicha, Bekzod Egamov esa hokimning dasht va cho‘l hududlarda sanoatni rivojlantirish, investitsiya va savdo masalalari bo‘yicha o‘rinbosari lavozimiga tayinlandi.
Qorako‘l tumanidagi 2 qavatli uy xonadonlarining birida gaz portladi. Hodisa oqibatida 2 nafar fuqaro jarohat oldi va shifoxonaga yuborildi. FVV halok bo‘lganlar yo‘q ekanini ma’lum qildi.
Besh yil avval ekofaol Feruzbek Sayfullayev ishlatilgan batareyalar chiqindi poligonlariga tushmasligi uchun ularni yig‘a boshlagandi. So‘ngra uning tashabbusi mamlakat bo‘ylab 170 ta yig‘ish shoxobchasidan iborat tarmoqqa aylandi, xavfli chiqindilarni utilizatsiya qilish masalasiga esa biznes va davlat ham qo‘shildi.
Karamel-bananli Taten, bananli shokoladli pirog, bananli pechene va banandan boshqa pishiriqlar - Zira.uz jamlanmasida.
Turkiyada qotillik qurboni bo‘lgan Durdona Hakimovaning jasadi va uning ikki farzandi O‘zbekistonga qaytarildi, deb xabar qildi Istanbuldagi Bosh konsulxona. Idora uning faoliyatiga oid ma’lumotlarni ochiqlab, fuqarolardan “marhumaning sha’nini kamsituvchi hamda biryoqlama fikrlar” tarqatmaslikni so‘radi.
Toshkent va O‘zbekistonning boshqa hududlarida so‘nggi kunlarda havo sifati meteorologik sharoitlar - shamolning yo‘qligi yoki past tezligi, harorat inversiyasi va tuman tufayli yomonlashgan. Bu haqda Ekologiya milliy qo‘mitasi ma’lum qildi.
Prezident komplayens va korrupsiyaga qarshi ichki nazorat yo‘nalishida bosh vazir maslahatchisi, bosh prokuror o‘rinbosari va iqtisodiyot vaziri o‘rinbosarini tayinladi. Bu lavozimlar prezident korrupsiyaga qarshi kurashda “favqulodda holat” e’lon qilgani ortidan tashkil etidi.
“Uyda yolg‘iz” filmida Kevinning onasi rolini o‘ynagan aktrisa Ketrin O’Xara 71 yoshida “qisqa muddatli kasallikdan so‘ng” vafot etdi.
O‘zbekistonda chakana kreditlashning o‘sishi kelgusi yilda ham, yuqori foiz stavkalariga qaramay, hozirgi darajada saqlanib qoladi, deb xabar berdi MB rahbariyati. Regulyator cheklovlar qo‘yish niyatida emas, ammo aholi orasida ortiqcha qarz yukining oldini olish uchun sifat talablarini kuchaytiradi.
Energoresurslar defitsiti va gaz ta’minotidagi cheklovlar sharoitida Markaziy bank hukumat bilan birgalikda qator takliflar tayyorladi. Muhokamadagi choralar - energoresurslar taklifini ko‘paytirish, tariflarni va davlat regulyatsiyasidagi narxlarni oshirishga bo‘lgan yondashuvlarni o‘zgartirish.
Turkiyada ota-ona qaramog‘isiz qolgan 5 yoshli bola O‘zbekistonga qaytarildi. Onasi tug‘ruqdan so‘ng vafot etgach, bola bir necha yil boshqalar qaramog‘ida bo‘lgan. Hujjatlar yo‘qligi uchun bolalar uyiga joylashtirilgan.
Abdulaziz Kamilov O‘zbekiston nega Tinchlik kengashiga qo‘shilganini tushuntirdi. Uning ta’kidlashicha, bu, avvalo, xavfsizlik nuqtai nazaridan qilingan harakat. Shuningdek, Kamilov buni O‘zbekistonning Yaqin Sharqdagi manfaati va kengash maqsadlari O‘zbekiston tashqi siyosatiga mos ekani bilan izohladi.
Qor o‘ynagan bolalar, shosha-pisha tashlangan qadamlar, singan daraxt shoxlariyu shaharni tark etmagan Yangi yil shuhuki - Murod Yusuf Toshkentda yog‘gan navbatdagi qordan fotoreportaj tayyorladi.
2026-yil kino tarixidagi eng yorqin davrlardan biri bo‘ladigan ko‘rinadi. Yaqin oylarda ko‘plab qiziq premeralar kutilmoqda. “Ajoyib Marti”, “Yordam bering!”, “Yetti qirollik ritsari” kabi kartinalarni esa shu oydayoq ko‘rishingiz mumkin.
AQSh prezidenti Grenlandiyani nazorat qilish mojarosi tufayli Yevropa davlatlariga qarshi amalga oshirmoqchi bo‘lgan qo‘shimcha bojlar rejasidan voz kechdi. NATO bosh kotibi bilan uchrashuvdan so‘ng Tramp kelishuv shartlarini kelishib olganini va bu AQShga “o‘zi xohlagan hamma narsani” berishini ma’lum qildi.
O‘zbekiston 2030-yilgacha startaplar sonini 5000 tagacha oshirishni rejalashtirmoqda, bu 20 mingtagacha yangi ish o‘rni yaratish imkonini beradi. Yil davomida yana 100 ta yangi raqamli davlat xizmatlari joriy etiladi.
Kanada bosh vaziri Mark Karni Davosdagi Jahon iqtisodiy forumidagi nutqida dunyo “burilish nuqtasi”ni boshdan kechirayotganini aytdi va o‘rta davlatlarni “birgalikda harakat qilishga” chaqirdi. Forumda AQSh, Fransiya prezidentlari va boshqa yetakchilar ham so‘zga chiqdi. Ularning nutqi - Gazeta materialida.
2025-yilda O‘zbekistonda elektr energiyasi ishlab chiqarish 4 foizga o‘sib, 84,8 mlrd kVt/soatni tashkil etdi. Avvalgi yili o‘sish 5 foizni tashkil etgandi. Dizel va ko‘mir qazib olish oshdi, neft va benzinniki esa pasayishda davom etdi.
Yana bir OAV vakillari tuhmat, tovlamachilik va boshqa jinoyatlarda ayblanib hibsga olindi. Ular - Xorazm viloyatidagi Qonun doirasida loyihasini yuritgan yuristlar Furqat Ro‘zmetov va Azamat Avezov.
Prezident Shavkat Mirziyoyev Davosda BlackRock rahbariyati bilan uchrashdi. Kompaniya direktorining O‘zbekistondagi qator korxonalar kapitaliga kirish, qo‘shma investitsiya mexanizmlarini ishlab chiqish va mamlakat investitsiya muhitini yaxshilash uchun xalqaro ekspertizani jalb qilish tashabbuslari qo‘llab-quvvatlandi.
Shavkat Mirziyoyev AQSh prezidenti Donald Tramp bilan Yaqin Sharqda tinchlikni mustahkamlash va mojarolarni hal etish bo‘yicha Tinchlik kengashi bitimini imzoladi. Avvalroq mamlakat bu kengashga ta’sischi davlat sifatida qo‘shilishi xabar qilingandi.
Namanganda Rossiya-Ukraina urushida qatnashgan fuqaro 3,5 yilga ozodlikni cheklash jazosiga hukm qilindi. U Rossiyaga ishlashga borib, psixotroplar savdosida ayblanib 9,5 yilga qamalgan. Qamoqda qiynoqlardan so‘ng majburan urushga yollangan.
Toshkentdagi “Moviy gumbazlar” xiyobonida skeyt maydoni buzib tashlandi. Velosipedchilar, rollerlar va skeyterlar uni tiklashni so‘rab, videomurojaat e’lon qildi. Hokimiyat eski maydon o‘rnida yangisi qurilishini bildirdi.
Deputatlar raqamli markirovkalash sohasida masofaviy soliq tekshiruvlarini nazarda tutuvchi qonun loyihasini birinchi o‘qishda qabul qildi. U biznes huzuriga bormasdan, tekshiruvlar va sof tushumdan 0,2 dan 2% gacha jarimani ko‘zda tutadi.
MB ayrim banklar kredit shartnomasi bo‘yicha kechiktirilgan to‘lov summasi uchun ortiqcha foizlar (180 foizgacha), karrasiga yuqori kunlik penya va asossiz jarimalar qo‘llayotganini ma’lum qildi. Banklar kreditni o‘z vaqtida undirishdan ko‘ra uning kechikishidan ko‘proq manfaatdor bo‘lib qolmoqda, deydi regulyator.
Yangi tashkil etilgan Harbiy xavfsizlik va mudofaa universiteti rahbarining birinchi o‘rinbosari, uning tarkibidagi to‘rtta harbiy institut boshliqlari, shuningdek, Janubi-g‘arbiy maxsus harbiy okrug qo‘shinlari qo‘mondoni tayinlandi.
Bilimni baholash agentligi testdan so‘ng OTM va yo‘nalish tanlayotgan abituriyentlarga eslatma berdi. Unga ko‘ra, agar nomzod 5 yo‘nalishdan istalganiga grantga kirishni istasa “Davlat granti”, grant yoki kontraktligidan qat’iy nazar 1-yo‘nalishda o‘qishni xohlasa “Ta’lim yo‘nalishi” ustuvorligini tanlashi kerak.
Farg‘ona vodiysi va Toshkent viloyatidagi tog‘li joylarda 30-iyul - 1-avgust kunlari sel-suv toshqini hodisalari yuzaga kelishi mumkin.
Ayollar bandligi va ijtimoiy faolligini ta’minlashga qaratilgan ijtimoiy loyihalarni moliyalashtirish uchun grantlar pasporti tasdiqlandi. Qarorga ko‘ra, BHMning 60 baravarigacha miqdordagi ijtimoiy yordam “Eng yaxshi ijtimoiy loyihalar” tanlovida g‘olib deb topilgan loyihalarni moliyalashtirishga yo‘naltiriladi.
Qirg‘iziston prezidenti sudlanganlik holati mavjud bo‘lganlarga prezident, Jogorku Kenesh deputati, hukumat raisi va boshqa lavozimlarga o‘tirishni taqiqlovchi qonunni imzoladi. Shuningdek, diniy arboblar o‘z faoliyatini to‘xtatgan kundan boshlab 5 yil davomida prezident va JK deputati bo‘la olmaydi.
Ish haqi va stipendiyalar 10 foizga oshadi, elektr uchun to‘lovlar chiqindi xizmati to‘loviga bog‘lanadi, davlat organlarida majburiy jismoniy tarbiya va harakat faolligi tadbirlari boshlanadi, davlat xizmati lavozimlariga yangi tartibda tanlov o‘tkaziladi - O‘zbekistonda 1-avgustdan nimalar o‘zgaradi?
Hisob palatasiga prezident topshiriqlari doirasida ajratilgan pullarning maqsadli sarflanishini o‘rganish bilan birga ularning aholi hamda tadbirkorlar uchun samaradorligini tahlil qilish vazifasi topshirildi.
Gazeta sharhlovchisi Dmitriy Povarov Transport vazirligi tashabbusi bilan mahalliy va xorijiy hamkorlar ishtirokida tayyorlangan O‘rta (Transkaspiy) koridor istiqbollariga oid hisobotni o‘rgandi. Unda mutaxassislar Yevropaga Rossiyani chetlab o‘tadigan tranzit oqimlari konfiguratsiyasini belgilashga urinadi.
Tashqi ishlar vazirligi Tailand va Kambodja o‘rtasida yuzaga kelgan qurolli to‘qnashuv sabab o‘zbekistonliklarni ushbu davlatlarning chegaradosh hududlariga bormaslikni tavsiya qildi. O‘zbekistonning Bangkok shahridagi bosh konsulxonasi esa mojaro oqibatida O‘zbekiston fuqarolari jabrlanmaganini ma’lum qildi.
2023-yildan boshlab Toshkent Afrikadagi 13 ta mamlakat bilan aloqalarni yo‘lga qo‘ydi. Gazeta ekspertlar bilan mintaqaga bo‘lgan qiziqish sabablari, hamkorlikning ehtimoliy yo‘nalishlari, shuningdek, Markaziy Osiyo va Afrika o‘rtasida mintaqalararo aloqalarni o‘rnatish istiqbollari haqida suhbatlashdi.
Toshkent davlat tibbiyot universiteti Chirchiq filiali Hindiston Milliy tibbiyot komissiyasining filial ta’lim sifatini tanqid qiluvchi bayonotini asossiz deb atadi va qoraladi. Unga ko‘ra, oliygohdagi ta’lim xalqaro standartlarga javob beradi, “talabalar huquqlarini himoya qilish ustuvor”.
Yuqori harorat va elektr tarmoqlariga yuklama fonida 22-iyul kuni Toshkent shahrining turli tumanlarida bir necha soat davom etgan avariyaviy uzilishlar sodir bo‘ldi.
Markaziy bank Aholiga ipoteka kreditlari ajratilishining hadli shartlari to‘g‘risidagi nizomga o‘zgartirishlar kiritdi. Ular kredit berishdan bosh tortilganda shaffoflikni ta’minlash, kredit berishda qarz yukini hisobga olish, kreditning garovga nisbati ko‘rsatkichini hisoblash masalalariga qaratilgan.
Yaponiya bosh vaziri Shigeru Ishiba avgust oxirigacha iste’foga chiqishni reja qilmoqda, deb xabar beryapti mahalliy OAV. Avvalroq u rahbarlik qilayotgan hukmron partiya maslahatchilar palatasiga saylovlarda mag‘lubiyatga uchragan va ko‘pchilik o‘rinni yo‘qotgandi.
O‘zbekiston so‘nggi yillarda Afrika davlatlari bilan faol diplomatik aloqalar o‘rnatmoqda. Tashqi ishlar vazirligi Gazeta’ga Afrika qit’asiga qiziqish ortib borayotgani nima bilan bog‘liqligi va hamkorlik rejalari haqida ma’lumot berdi.
2025-yilning 9 oyida 12 nafar ichki ishlar xodimi pora olish jinoyatini sodir etdi, dedi IIV boshqarmasi boshlig‘i Jamshid Sultonov. O‘z navbatida, taklif etilgan porani olmagan 213 nafar xodim rag‘batlantirildi.
Dushanbeda 2030-yilgacha yo‘llar va piyodalar o‘tish joylarida elektr samokatlar va skuterlarda harakatlanish taqiqlandi. Alohida ajratilgan joylar mustasno. Rasmiylar samokatlar va skuterlar bilan bog‘liq YTHlar sonini shu orqali kamaytirish niyatida.
“G‘afur G‘ulom” metro bekatida tug‘ilgan bola va uning onasiga umrbod metrodan bepul foydanalish kartasi beriladi. Toshkent metropoliteniga ko‘ra, xizmat davomida jasorat ko‘rsatgan xodima Naima Maxamadjonova va boshqalar ham rag‘batlantiriladi.
JSST hisob-kitoblariga ko‘ra, bugungi kunda dunyoda 100 milliondan ortiq odam elektron sigaretlar (veyp) chekmoqda, ularning kamida 15 millioni 13−15 yoshlilardir. JSST ekspertlarining fikricha, bu sayyorada “nikotinga qaramlikning yangi to‘lqini”ga olib kelishi mumkin.
Prezident farmoniga muvofiq, O‘zbekistonda chet el fuqarolari uchun maxsus soliq rejimi joriy etiladi. 50 ming dollar miqdorida maxsus yig‘im to‘lagan va O‘zbekistonda bank hisobvarag‘ini ochgan chet el fuqarolarining O‘zbekistondan tashqaridagi manbalardan olingan daromadlari daromad solig‘idan ozod qilinadi.
O‘zbekistonda qishloq xo‘jaligiga mo‘ljallangan yer uchastkalariga ijara huquqini kredit ta’minoti sifatida garovga qo‘yish mumkin bo‘ldi. Ijara huquqini garovga qo‘yib olingan kredit ijara huquqi muddati tugashidan kamida 5 yil oldin so‘ndirish talab etiladi.
Markaziy bank nasiya savdo bozori ishtirokchilarining axloq qoidalari loyihasini e’lon qildi. Unga ko‘ra, bozor ishtirokchilari uchun “Ishonch belgisi” tizimi joriy etiladi. Mijozlar shartnoma tuzishdan oldin yillik foiz, umumiy to‘lov summasi va kechiktirish oqibatlari haqida to‘liq xabardor qilinishi shart bo‘ladi.
O‘zbekistonda 2-oktabrdan ipoteka kreditlari bo‘yicha subsidiyaga arizalar qabul qilish boshlanmoqda. Nomzodlar ijtimoiy shkala bo‘yicha kamida 30 ball to‘plashi, uy-joyi yoki muddati o‘tgan qarzi bo‘lmasligi kerak.
OTB yillik hisobotiga ko‘ra, O‘zbekiston YIM o‘sish prognozlari 2025-yil uchun 6,6 foiz, 2026-yil uchun 6,7 foiz darajada o‘zgarishsiz qolmoqda. Bu 2025-yilning birinchi yarmidagi kutilganidan kuchliroq o‘sish va yilning ikkinchi yarmida iqtisodiy faollikning sekinlashuvi bilan izohlanadi.
29-sentabr oqshomidan boshlab Afg‘onistonda internet butunlay o‘chirildi. Mobil internet va sun’iy yo‘ldosh televideniyesi xizmatlarida ham uzilishlar kuzatilmoqda. NetBlocks xalqaro veb-monitoring xizmati vaziyatni “Tolibon” tomonidan ko‘rilayotgan “axloqiy me’yorlarni mustahkamlash” choralari bilan bog‘ladi.