Prezident energetika va kommunal sektorlar uchun yagona regulyator yaratish taklifini ma’qulladi. Yirik korxonalar ulgurji bozorda soatbay narxlarda to‘g‘ridan-to‘g‘ri shartnomalar asosida elektr energiyasini sotib olishi mumkin bo‘ladi.
2026-yilda O‘zbekiston energiya sarfini kamaytirish uchun ijtimoiy va turar joy binolarini modernizatsiyalashni boshlaydi. Bunga 150 mlrd so‘m subsidiya ajratildi. Energosamaradorlikni oshirish uchun 770 ta ijtimoiy obyektga $264 mln xalqaro moliyalashtirish ajratiladi. 100 km issiqlik tarmoqlarini ta’mirlash kerak.
Vatan himoyachilari kuni ko‘pincha erkaklar bayrami sifatida qabul qilinadi. Vaholanki, O‘zbekiston kuch tuzilmalarida xizmat sharoiti va mas’uliyat darajasi erkaklarnikidan farq qilmaydigan ko‘plab ayollar faoliyat yuritadi.
Hukumat qarori bilan O‘zbekiston bo‘ylab 121 ta cho‘qqi, tog‘ va tog‘ tizmalari nomlari davlat tili qoida va me’yorlariga muvofiqlashtiriladi. Xususan, Qoraqalpog‘istondagi Karatau tog‘i Qoratov, Andijondagi Chilustun tog‘ tizmasi Qirqustun, Toshkent viloyatidagi Pingvin cho‘qqisi esa Temirtosh deb o‘zgartirilmoqda.
15-yanvardan aholi va qishloq xo‘jaligi ro‘yxatga olish boshlanadi. Statqo‘m raisi Behzod Hamroyevga ko‘ra, 28-fevralgacha davom etadigan ushbu jarayonda fuqarolarning shaxsiy ma’lumotlari sir saqlanishi kafolatlanadi.
O‘zbekistonda salomatligi avtomobilda xavfsizlik kamari taqish imkonini bermaydigan kasalliklar ro‘yxati tasdiqlandi. Ular orasida semizlik, past bo‘ylilik, astma va yurak yetishmovchiligi kabilar bor.
Saudiya Arabistoni, O‘mon va Qatar AQShni Eronga zarbalar bermaslikka chaqirmoqda, deb yozdi WSJ. Fors ko‘rfazi mamlakatlari Amerika ma’muriyatiga bunday qadam neft bozori uchun zarba bo‘lishini ta’kidladi.
Oliy rada Mixail Fedorovni Ukrainaning yangi mudofaa vaziri etib tayinladi. U ilgari Raqamli transformatsiya vazirligini boshqargan va mamlakat bosh vazirining birinchi o‘rinbosari lavozimida ishlagan.
Yuqori texnologiyali mahsulot ishlab chiqaruvchilar uchun soliq imtiyozlari joriy etilmoqda: bunday mahsulotni realizatsiya qilishdan olingan daromad foyda solig‘idan ozod etiladi, uskunalar qiymati mol-mulk solig‘i bazasidan chegirib tashlanadi.
Senat Vazirlar Mahkamasiga BSKlar faoliyati sifati bo‘yicha so‘rovnoma yubordi. Bunga fuqarolarning shikoyatlari, kompaniyalarni mulkdorlar ishtirokisiz tayinlash, hisobotlarning yo‘qligi sabab bo‘ldi.
31-yanvarda Eronda boshlanishi rejalashtirilgan kurash bo‘yicha XV Jahon chempionati ommaviy noroziliklar fonida boshqa davlatga yoki boshqa muddatga qoldirilishi mumkin. Chempionatni qabul qilishga O‘zbekiston va Misr tayyor ekanini bildirdi, deydi Xalqaro kurash assotsiatsiyasi.
Grenlandiya bosh vaziri uning vatani AQShning bir qismi bo‘lishni istamasligini va agar aholi “shu yerda va hozir” tanlov qarshisida qolsa, Daniyani tanlashini aytdi. Donald Tramp unga shunday javob qaytardi: “Bu - ularning muammosi… bu u uchun katta muammo bo‘ladi”.
2025-yilda O‘zbekistondagi 114 ta muzeyga 6,1 mln nafar mahalliy va xorijiy sayyoh tashrif buyurdi. Bu 2024-yilga nisbatan 12,5 foizga ko‘p. Samarqand davlat muzey qo‘riqxonasi va Registon ansamblining har biriga milliondan ortiq odam kelgan.
Namangan va Navoiyda xizmat vaqtida avtomobil urib ketgan YHXB xodimlari prezident tomonidan “Jasorat” medali bilan taqdirlandi. Ikki xodim ham yo‘l harakati qoidalarini buzib harakatlangan haydovchilarni to‘xtatmoqchi bo‘lgan.
2026-yil 1-yanvardan boshlab joy yoki avtomobilni ijaraga beruvchi jismoniy shaxslar uchun ijara to‘lovining minimal stavkalari oshirildi. Mahalliy kengashlar ushbu stavkalarga oshiruvchi koeffitsiyentlarni qo‘llashi mumkin bo‘ladi.
O‘zbekiston Janubiy Koreya kompaniyasining 7 mln dollar granti asosida 100 ta tez yordam mashinasini xarid qiladi. Transport vositalari 2026-yilning birinchi yarmida xarid qilinadi.
Fanlar akademiyasi olimlari xalqaro hamkorlar bilan birgalikda infeksiyalangan yaralarni davolashga qaratilgan yangi avlod ko‘p funksiyali gidrogel yara bog‘lamasini ishlab chiqdi. U yuqori yopishuvchan, cho‘ziluvchan, antioksidant va antibakterial xususiyatlarga ega bo‘lib, yaralarning tez bitishini ta’minlaydi.
Shavkat Mirziyoyev Qurolli kuchlar tashkil etilganining 34 yilligi va Vatan himoyachilari kuni munosabati bilan bayram tabrigi yo‘lladi. Prezident geosiyosiy vaziyat murakkablashgan sharoitda armiyani SI bilan ta’minlash, raqamlashtirish hamda harbiylarni ijtimoiy himoya qilish ishlari kuchaytirilishini ta’kidladi.
Bektemir tumanida Donald Tramp ustidan ariza berishini aytib, “102”ga qo‘ng‘iroq qilgan erkak sud hukmi bilan 1,23 mln so‘m jarimaga tortildi. U maxsus xizmatlarni qasddan aldab chaqirganlikda aybdor deb topilgan.
Ekologiya qo‘mitasi ko‘rsatmasi bilan Yangihayot tumanidagi ekologik xavfi yuqori bo‘lgan obyektlar sirasiga kiritilgan “O‘zikkilamchiranglimetall” korxonasi boshqa hududga ko‘chiriladi. Qo‘mita bu orqali atmosferaga qariyb 226,7 tonna ifloslantiruvchi moddalar chiqarilishi oldi olinishini qayd etdi.
Erondagi namoyishlar davomida jabrlanganlar orasida O‘zbekiston fuqarolari qayd etilmagan, deya ma’lum qildi TIV. Vazirlik fuqarolardan mitinglarda ishtirok etmaslikni va odamlar ko‘p to‘planadigan joylardan yiroq bo‘lishni so‘ramoqda.
Erik De Mayer Belgiyaning O‘zbekistondagi yangi elchisi bo‘ldi. O‘zbekiston TIV rahbari Baxtiyor Saidov ishonch yorliqlarini qabul qilib oldi. Erik De Mayer bir vaqtning o‘zida Qozog‘iston, Qirg‘iziston va Tojikistonda ham elchi.
15-yanvardan boshlab O‘zbekistonda antibiotiklar, tizimli ta’sir etuvchi sintetik antibakterial dori vositalari va gormonal preparatlar faqat elektron retsept asosida sotiladi. Yangi tizim tafsilotlari haqida mutaxassislar ma’lumot berdi.
Qarshi shahrida jamoat transporti uchun Xitoyda ishlab chiqarilgan 43 ta avtobus keltirildi. Ular 4 ta yo‘nalishda aholiga xizmat ko‘rsatishni boshlaydi. 2026-yilda yana 100 ta avtobus olib kelinishi rejalashtirilmoqda.
Rossiyalik teleboshlovchi Vladimir Solovyov Rossiya Ukrainada bo‘lgani kabi Armaniston va Markaziy Osiyo davlatlarida ham “maxsus harbiy operatsiya” boshlashi kerakligi haqida gapirdi. Jamoatchilik rasmiylardan qat’iy munosabat bildirishni so‘rab, MO davlatlari birgalikda nota berishi kerakligini ta’kidlamoqda.
AQSh Adliya vazirligi Federal zaxira tizimi raisi Jerom Pauellga jinoiy ayblov e’lon qilish bilan tahdid qildi. Pauell bu tahdidlar FZT foiz stavkalarini prezident Tramp xohishlari emas, balki xalq manfaati asosida belgilayotganining oqibati ekanini aytdi.
Mehnat inspeksiyasi xorijiy til o‘qituvchilarini B2 sertifikati yo‘qligi uchun ishdan bo‘shatish qonunga zid ekanini ma’lum qildi. Hukumat qarorida B2 daraja talabi belgilangan bo‘lsa-da, bu xodimni ishdan bo‘shatish uchun huquqiy asos bo‘la olmaydi.
Rossiyalik teleboshlovchi Vladimir Solovyov Rossiya Ukrainada bo‘lgani kabi Armaniston va Markaziy Osiyo davlatlarida ham “maxsus harbiy operatsiya” boshlashi kerakligi haqida gapirdi. U buni “milliy xavfsizlikni ta’minlash masalasi” deb atadi.
O‘zbek tili va adabiyoti universiteti qoshidagi akademik litseyi faoliyati 2027-yilgacha tugatiladi va uning o‘rnida O‘zbek-fransuz universiteti tashkil etiladi. Bu esa o‘qituvchilar va ota-onalar e’tiroziga sabab bo‘lmoqda.
Qurilishi sakkiz yil davom etgan Toshkentdagi Islom sivilizatsiyasi markazi mart oyida ochiladi. Uning tarkibidan 2000 ta eksponatga ega muzey, shuningdek, kutubxona, nodir qo‘lyozmalar fondi va interaktiv bolalar bo‘limi o‘rin olgan.
Vatan himoyachilari kuni munosabati bilan 12-yanvar kuni Toshkentda Qurolli Kuchlar bo‘linmalarining tantanali paradi bo‘lib o‘tadi. U Harbiy xavfsizlik va mudofaa universitetidan (“Pushkin” metro bekati) boshlanadi va Amir Temur xiyobonida ko‘rgazmali chiqishlar bo‘lishi rejalashtirilgan.
“Mening maktabim” loyihasining 2025/2026 o‘quv yilidagi 2-bosqichi doirasida ovoz berish bosqichi boshlandi. Jarayon 20-yanvar soat 23:59 ga qadar davom etadi. Mazkur bosqichda 96 ta tumandan jami 5104 ta maktab ishtirok etmoqda.
Raqobat qo‘mitasi propan qimmatlashgani yuzasidan izoh berib, bu bozorda import mahsulot ulushi va narxining oshishi hisobiga yuzaga kelayotganini bildirdi. Qo‘mita ijtimoiy tarmoq faollarini ichki bozorda narxlar oshishiga sabab bo‘lishi mumkin bo‘lgan har qanday axborotlarni tarqatmaslikka chaqirdi.
Tarmoqlarda Chirchiqdagi ixtisoslashtirilgan bog‘chada tarbiyachilar bolalarni urib, qo‘pol munosabatda bo‘layotgani aks etgan video tarqaldi. Ijtimoiy himoya milliy agentligiga ko‘ra, ular ishdan olingan.
Telegram`dagi guruhlardan birida Muhammad payg‘ambar haqida xaqoratli so‘zlar ishlatgan samarqandlik 22 yoshli yigit diniy adovatni qo‘zg‘ovchi ma’lumotlarni tarqatgan deb topildi va 12 sutkaga qamaldi. U sudda aybiga iqror bo‘ldi.
O‘zbekiston yoshlar terma jamoasi U-23 Osiyo kubogida Eron bilan durang o‘ynadi. Jamoalarda xavfli vaziyatlar bo‘ldi, ammo hisob ochilmadi. Ikki o‘yindan so‘ng o‘zbekistonliklar guruhda ikkinchi o‘rinni egallab turibdi va hal qiluvchi o‘yinni Janubiy Koreyaga qarshi o‘tkazadi.
Dekabrda aholi tomonidan sezilgan inflyatsiya darajasi o‘tgan oyga nisbatan 0,2 foiz bandga oshib, 12 foizni tashkil etdi. Markaziy bank so‘rovnomasiga ko‘ra, dekabrda meva-sabzavotlar, yoqilg‘i, tashish va kafe-restoran xizmatlari qimmatlashganini qayd etgan respondentlar ulushi ortdi.
Dekabrda aholining yillik inflyatsion kutilmalari 11,5% ni (o‘zgarishsiz), tadbirkorlarning inflyatsion kutilmalari 11,1% ni (+0,6%) tashkil etdi. Aholi va tadbirkorlarning yoqilg‘i-energiya va transportning qimmatlashishi, narxlarning sun’iy oshirilishi, valyuta kursi o‘zgarishi bilan bog‘liq xavotirlari oshdi.
Islom Abdurahmonov 3 yilga “O‘zbekgidroenergo” raisi lavozimiga tayinlandi. U 2018-yildan beri “To‘palang HPD Holding” kompaniyasi bosh direktori sifatida faoliyat yuritib kelayotgandi. “O‘zbekgidroenergo”ning avvalgi rahbari va Islomning otasi Abdug‘ani Sanginov dekabrda “O‘zbekneftgaz”ga rahbar bo‘lgandi.
Humans orqali foydalanuvchilarning qariyb 7 mlrd so‘m mablag‘i ruxsatsiz yechib olingani haqidagi xabarga javoban Humans firibgarlik tranzaksiyalari Paylov’ning texnik infratuzilmasida amalga oshirilganini bildirdi.
Tarmoqlarda madaniyat vaziri Ozodbek Nazarbekovning to‘yda qo‘shiq aytib, qistirilgan pullarni qabul qilgani aks etgan video tarqaldi. Vazirlikka ko‘ra, bunday “qistir-qistir”lar asrlar davomida shakllangan milliy urf-odat va orzu-havas hisoblanadi.
Ichimlik va oqova suv xizmatlaridan aholining qarzdorligi 462,9 mlrd so‘mni tashkil etmoqda. 1-yanvar holatiga ko‘ra, 2025-yilda 908 mlrd so‘m qarzdorlikning 51 foizi qoplangan. O‘tgan yili 70 mingta qarzdor iste’molchi tarmoqdan uzilgan, 4,7 mingta noqonuniy ulanish holati aniqlangan. Batafsil.
Payariq tumani tibbiyot birlashmasiga qabziyat shikoyati bilan kelgan ayol, muoalaja xonasida yashirincha farzand tug‘ib, uni chiqindi idishga tashlab ketdi. Chaqaloq halok bo‘ldi. Ayolga nisbatan tergov boshlandi.
O‘zbekiston Fanlar akademiyasi olimlari biologik asosda olingan ko‘p qatlamli grafen yaratilganini e’lon qildi. Ular ushbu material asosida suv tozalovchi qurilmaning laboratoriya namunasi ishlab chiqdi.
2025-yilda O‘zbekistonda inflyatsiya 7,3% gacha sekinlashdi. Yil davomida oziq-ovqatlardan limon (+96,3%), qo‘y go‘shti (+26,8%), suyaksiz mol go‘shti (+25%), suyakli mol go‘shti (+23,9%), bodring (+16%), xizmatlardan haydovchilik kurslari (+59%), aviachiptalar (+56,9%), tarmoq gaz (+39,2%) eng ko‘p qimmatlashdi.
“Quyosh qoraymas”, “Navoiy” va “Ulug‘ yo‘l” kabi romanlar muallifi Muso Toshmuhammad o‘g‘li Oybek tavalludiga 10-yanvarda 121 yil to‘ldi. Sana munosabati bilan Gazeta O‘zbekiston xalq yozuvchisining asarlari asosida test tayyorladi.
Tarmoqlarda it o‘ldirilishi aks etgan video tarqaldi. Hayvonlar huquqlari faollari IIVga aybdorni javobgarlikka tortishni so‘rab murojaat qildi. Natijada Yangiyo‘lda 27 yoshli fuqaro hibsga olindi.
Noyabrda O‘zbekistonda 1,16 mlndan ortiq muhtoj oila 1,2 trln so‘mlik bir martalik yordam puli oldi, bu ularga qishga ko‘mir zaxirasi to‘plash, elektr energiyasi va gazga to‘lash imkonini berdi. 2025-yil mayidan beri 560 mingdan ortiq ehtiyojmand oila me’yordan ko‘p elektr va gaz iste’moli uchun kompensatsiya oldi.
Eronda iqtisodiy inqiroz tufayli boshlangan ommaviy namoyishlar so‘nggi yillardagi mamlakatdagi eng jiddiy antihukumat protestlarga aylanib ketdi. Rasmiylar yirik shaharlarda internet va telefon aloqasini uzib qo‘ydi.
Gazeta’ning Toshkentda kattalar hospisi ochilishi kechikayotgani haqidagi xabaridan so‘ng, poytaxt hokimiyati qurilish-montaj va ichki tayyorgarlik ishlari oy oxiriga qadar yakunlanishini ma’lum qildi.
O‘zbekistonda 1-avgustdan chiqindilarni olib chiqish xizmatidan qarzi borlarning elektr energiyasi uchun to‘loviga vaqtinchalik taqiq kuchga kiradi. Cheklovlar eski qarzlarga taalluqli emas.
O‘zbekistonda 2025-yilning o‘tgan olti oyida “103” xizmatiga 849 ta yolg‘on chaqiriq kelib tushdi (2024-yilning shu davrida 1255 ta edi). Namangan viloyatida esa birorta ham bunday chaqiruv qayd etilmadi.
O‘zbekistonda davlat oliy ta’lim muassasalariga ikkinchi va undan keyingi oliy ma’lumot bo‘yicha o‘qishga kirish uchun hujjatlarni qabul qilish boshlandi. Jarayon my.edu.uz orqali onlayn ravishda 10-avgustgacha davom etadi.
Iyunda aholi va biznesning inflyatsion kutilmalari pasaydi, deb xabar qildi MB. Kutilayotgan inflyatsiyaning asosiy omillari kommunallar va yoqilg‘iligicha qolmoqda, yana ko‘pchilik ish haqi va nafaqalar o‘sishini narxlar oshishiga sabab sifatida ko‘rmoqda.
2024-yilda o‘zbekistonliklar Shengen vizasi uchun 58 mingdan ortiq ariza topshirdi - bu 2023-yilga nisbatan 26,2 foizga ko‘p. Viza berish darajasi 88 foiz bo‘ldi (51,6 mingta). O‘zbekistonliklarga eng ko‘p vizani Germaniya taqdim etdi.
Qosim-Jomart Toqayev avvalroq Qozog‘iston tovarlari importiga bojlar joriy etilishini e’lon qilgan Donald Trampga javob maktubini yo‘lladi. Uning qayd etishicha, Qozog‘iston AQSh bilan savdoni rivojlantirish tarafdori va murosaga kelishga tayyor.
Prezident Fransiya bilan mart oyida Parijda imzolangan readmissiya borasidagi bitimni tasdiqlash to‘g‘risidagi qarorni imzoladi. Readmissiya - bu bir davlat tomonidan hududida qonunbuzarlik asosida bo‘lib turgan shaxslarni boshqa davlatga topshirish.
Prezident vazirlik va idoralar xodimlari yo‘llarni avtoturargoh qilib olayotgani va yopib qo‘yganidan aholi noroziligini bildirdi. U xizmat avtomobillari uchun asossiz taqiqlovchi belgilar va imtiyozlarni olib tashlashni buyurdi.
Ilon Maskning Grok chat-boti Turkiyada, mahalliy hukumatning ishonishicha, mamlakat prezidenti Rajab Toyyib Erdog‘an, Turkiya Respublikasi asoschisi Mustafo Kamol Otaturk va diniy qadriyatlarga nisbatan haqoratomuz bayonotlar generatsiya qilgani uchun bloklandi.
Xorazmda 15 va 14 yoshli o‘smir qizlar yetti qavatli uyning tomidan o‘zini tashlab, vafot etdi. Holat yuzasidan Urganch shahar prokuraturasi tomonidan tergovga qadar tekshiruv harakatlari boshlandi.
Toshkentda issiqlik ta’minoti tariflari yil oxirigacha ikki marta oshmasligi aniq, dedi “Issiqlikta’minoti” AJ boshqaruv raisi. U yangi narxlar xalq deputatlari Toshkent shahar kengashiga kiritilgani, ammo narxlar qanday belgilanishi hozircha noaniq ekanligini ta’kidladi.
O‘zbekiston zargarlik buyumlari eksportini 300 mln dollarga yetkazishni reja qilmoqda. 2028-yilning iyuligacha tarmoq uchun butlovchi qismlar bojxona to‘lovlaridan ozod qilinadi. Qimmatbaho metallar sohasidagi huquqbuzarliklar to‘g‘risida xabar berganlik uchun jarimaning 50 foizi miqdorida mukofot beriladi.
O‘zbekistonda yil boshidan beri quyosh va shamol elektr stansiyalari tomonidan 5 mlrd kVt/soat elektr energiyasi ishlab chiqarildi. Generatsiyaning 3,125 mlrd kVt/soatlik qismi quyosh elektr stansiyalari tomonidan, 1,915 mlrd kVt/soatlik qismi esa shamol elektr stansiyalari tomonidan ishlab chiqarildi.
Rossiyada jinoyat qilib qamalgan, so‘ngra Ukrainadagi harbiy harakatlarga jalb etilgan O‘zbekiston fuqarosi Romitan tumani sudi tomonidan 5 yilga ozodlikdan mahrum qilindi. Ayblanuvchi harbiy harakatlar uchun tayyorgarlik vaqtida raketa zarbasidan yaralangan. U shifoxonadan chiqib, O‘zbekistonga qaytib kelgan.
Hukumat xususiy OTMlar uchun $2 mln ustav kapitali bo‘lishi, $350 ming depozit va foydani qayta investitsiyalash kabi kuchaytirilgan qoidalar joriy qilmoqda. Hujjat tadbirkorlar uchun yangi majburiyatlarga moratoriy kuchga kirishidan 1 kun oldin imzolangan. Iqtisodchi bu raqobatni cheklashidan ogohlantirmoqda.
Toshkentda 22-sentabrdan 3-oktabrga qadar Classical Music Fest xalqaro musiqa festivali o‘tkaziladi. Unda pianinochi Behzod Abduraimov, skripkachi Maksim Vengerov, shuningdek, Armaniston, Rossiya, Fransiya va Janubiy Koreya musiqachilari ishtirok etadi.
“Barkamol avlod” bolalar maktabi hamda Respublika o‘quvchi-yoshlar markazi negizida “Kelajak” markazi tashkil etiladi. Markazning umumiy o‘rta ta’lim tashkilotlarida vertikal tizimini joriy etish maqsadida o‘quvchilar tashabbuslarini qo‘llab-quvvatlash bo‘yicha maktab maslahatchisi lavozimi joriy etiladi.
Avtomobillarni davlat ro‘yxatidan chiqarmasdan utilizatsiya qilish yoki qismlarga ajratganlik uchun jarima joriy etish taklif etilmoqda. O‘tgan yili YHXX ustaxonalardan 4600 dan ortiq davlat raqamlari va texnik pasportlar topgan.
O‘zbekistonda dollarning rasmiy kursi 2023-yil 5-dekabrdan buyon eng past ko‘rsatkich - 12285,16 so‘mgacha tushdi. Milliy valyuta kursining mustahkamlanishiga eksport va investitsiya o‘sishi, pul o‘tkazmalari hajmining oshishi, jahon bozorida dollar kursining pasayishi ta’sir ko‘rsatmoqda.
Ma’lumotlarni boshqarish milliy tizimi to‘g‘risidagi qonun loyihasi e’lon qilindi. Qonundan maqsad - davlat organlari yig‘adigan ma’lumotlarga nisbatan umumdavlat yondashuvini joriy etish hamda raqamli ma’lumotlarni yig‘ish, shakllantirish, qayta ishlash, saqlash va ulardan foydalanishda yagona yondashuvni ta’minlash.
Sobiq qishloq xo‘jaligi vaziri Aziz Voitov va yana 61 kishiga nisbatan sud hukmi e’lon qilindi. Unga ko‘ra, sobiq vazir JK 167-moddasida aybli deb topildi hamda unga nisbatan 400 BHM jarima va 3 yilga axloq tuzatish ishlari jazosi berildi.
O‘zbekistonda 2025-yilning yanvar-avgust oylarida 2872 nafar bola turli jinoyatlardan jabrlandi, ularning 42,7 foizi 12 yoshgacha bo‘lganlardir. “Sukut saqlash madaniyatiga nisbatan zo‘ravonlikka qarshi kurashgandek qat’iyat bilan kurashishimiz zarur”, - dedi Ijtimoiy himoya milliy agentligi direktori.
Qonunchilik palatasi deputatlari “Shaharsozlik renovatsiyasi to‘g‘risida”gi qonun loyihasini qabul qilib, Cyenatga yubordi. Mazkur hujjatning zarurati yangi turar joylarga nisbatan o‘sib borayotgan ehtiyojni qondirish uchun qo‘shimcha yer resurslari talab qilinishi bilan izohlandi.
O‘zbekistonda retsept bilan beriladigan dori vositalarini elektron retsept asosida tayinlash tartibi to‘g‘risidagi nizom tasdiqlandi. Tartibga ko‘ra, retsept shifokor tomonidan tasdiqlangach, u “Elektron retsept” moduliga uzatiladi va SSV axborot tizimidagi dorixonalarda elektron shaklda ko‘rinadi.
Shavkat Mirziyoyev O‘qituvchi va murabbiylar kuni munosabati bilan ta’lim-tarbiya sohasini rivojlantirishga hissa qo‘shgan bir guruh o‘qituvchi va murabbiylarni medal, orden va unvonlar bilan taqdirladi.