Rossiya Mudofaa vazirligi “Kiyev RF prezidenti rezidensiyasiga uyushtirgan hujumga javoban” Ukraina hududiga, jumladan, o‘rta masofali “Oreshnik” raketaci orqali “ommaviy zarba” berdi. Ukraina rasmiylari zarbani tasdiqladi va BMT Xavfsizlik kengashining shoshilinch yig‘ilishini chaqirishni so‘radi.
Gazeta majburiy navbatchilik topshirig‘i ortidan ishdan olingan Buvayda tumanidagi 37-maktabning sobiq direktor v.v.b. Hasanboy Nishonov bilan suhbatlashdi. U ishdan bo‘shatilgani haqida tarmoqlar orqali xabar topgani va jarimaga tortilganini aytdi. “Ishga qayta tiklashlarini so‘rayman”, - deydi Nishonov.
2025-yilning 9 oyida O‘zbekiston tashqi qarzi 11,3 mlrd dollarga ko‘payib, 75 mlrd dollardan oshdi. Bunda davlat tashqi qarzi $37,4 mlrd (+$3,5 mlrd), korporativ tashqi qarz 38 mlrd dollarni (+$7,8 mlrd) tashkil qildi.
Ozodlikdan mahrum qilingan Alisher Tursunovning (Mubashshir Ahmad) advokati mahkumning ahvoli og‘ir ekani va shu holatda majburiy tarzda ishga chiqarilayotganini aytgandi. Ombudsman holatni o‘rgandi.
Guliston sudida Rossiya-Ukraina urushida qatnashgan fuqaro 4 yilga ozodlikni cheklash jazosiga hukm qilindi. U Rossiyaga ishlashga borib, patent muddati tugagani sababli majburan urushga yollangan. 1 oycha xizmat qilgach, dronlar hujumi oqibatida yaralanib, gospitalga yuborilgan. So‘ng O‘zbekistonga qaytib kelgan.
Toshkent viloyati va poytaxt o‘rtasida qatnovchi haydovchilarga tahdid qilib, ularga noqonuniy oylik to‘lov joriy etganlar ushlandi. “Bûchok” laqabli shaxs boshchiligidagi guruh haydovchilarni kaltaklash va mashinalarini tortib olish bilan qo‘rqitgan.
Tashtrans.uz loyihasi tomonidan e’lon qilingan Toshkent metrosi sxemasini OAV va blogerlar rasmiy deb qabul qildi. Loyihaning o‘zi va uning 3TM ilovasini ham ko‘pchilik rasmiy deb hisoblaydi. Gazeta uning muallifi Sergey Kivenko bilan suhbatlashdi. U loyiha va uning asosiy maqsadlari haqida so‘zlab berdi.
Beshariq tumanidagi chegara-bojxona postida Lacetti yoqilg‘i baki ichiga umumiy og‘irligi 10 kg 739 gr giyohvandlik vositalari hamda salkam 7 ming dona kuchli ta’sir qiluvchi dori yashirgan shaxs aniqlandi. U qamoqqa olingan, tergov boshlangan.
O‘zbekiston fuqarolari Shvetsiyada magistraturada bepul tahsil olishi mumkin bo‘ldi. Mamlakat SISGP dasturi doirasida grant beriladigan davlatlar ro‘yxatiga kiritildi. Dastur Shvetsiyaning 29 ta yetakchi OTMlarida ingliz tilidagi magistratura dasturlarini qamrab oladi. Arizalar 15-yanvargacha qabul qilinadi.
2023-yilda korrupsiyaga qarshi kurashish samaradorligi “qoniqarsiz” deb baholangan guruhga kiritilgan 10 ta oliy ta’lim muassasasida keyingi ikki yil davomida korrupsiyaviy jinoyatlarga yo‘l qo‘yilmadi.
Donald Tramp AQSh Venesuelani boshqarishini va uning zaxiralaridan ko‘p yillar davomida neft qazib olishini kutayotganini aytdi. Uning so‘zlariga ko‘ra, mamlakat muvaqqat hukumati AQShga Vashington “zarur deb bilgan” hamma narsani bermoqda.
Ukraina bo‘yicha tinchlik kelishuvi tuzilgach, xavfsizlik kafolatlarini ta’minlash uchun Buyuk Britaniya va Fransiya 7500 nafardan harbiyni bu mamlakatga yubormoqchi. Ammo hatto 15 ming kishilik kontingent ham “haddan tashqari optimistik ko‘rinmoqda”, deb ta’kidladi Times.
2026-yilda kreditlar, subsidiyalar, turizmni rivojlantirish va minglab yangi servis obyektlarini ishga tushirish hisobiga xizmatlar bozori hajmini $100 mlrd dan oshirish rejalashtirilmoqda. 2030-yilgacha xorijiy sayyohlar oqimini 20 mln kishiga, turistik xizmatlarni esa 20 mlrd dollarga yetkazish ko‘zda tutilgan.
Uchtepa tumanining uy-joy kommunal xizmat ko‘rsatish bo‘limi bosh mutaxassisi 3 ming dollar bilan ushlangani aytilmoqda. U xizmat mavqeidan foydalanib, tadbirkorga do‘konini “snos” ro‘yxatiga kiritmaslikni va’da qilgan.
Venesuela ichki ishlar vaziri AQShning mamlakatga qilgan hujumi oqibatida kamida 100 kishi halok bo‘lganini bildirdi. AQSh avvalroq 75 kishining vafoti haqida xabar bergandi. O‘z navbatida, prezident Nikolas Maduroni qo‘riqlash bilan shug‘ullangan 32 nafar kubalik halok bo‘lgan.
O‘zbekistonda alimentlar bo‘yicha ijro hujjatlari soni so‘nggi 5 yilda 41 foizga oshib, 476 mingtaga yetdi. MIB rahbari aliment to‘lovlari jamg‘armasi faoliyati, qarzdorlar to‘lovdan bo‘yin tovlashi uchun “bo‘shliqlar”ni yopish va korrupsiyaga qarshi kurash choralari haqida so‘zlab berdi.
O‘zbekistonda maktablarda kasbga yo‘naltirish endi 7-sinfdan boshlanadi, 9-sinf bitiruvchilari uchun esa yangi taqsimlash tizimi joriy etiladi. Har yili 100 tadan texnikumni modernizatsiya qilish, ularda xorijiy davlatlar ta’lim dasturlarini joriy etish, a’lochi o‘quvchilarga stipendiya berish rejalashtirilmoqda.
Surxondaryoda bo‘riga shafqatsiz munosabatda bo‘lib, uning o‘limiga sabab bo‘lgan fuqaroga chora ko‘rildi. U qo‘ylarini o‘tlatib yurganida bo‘ri hujum qilgan. Fuqaro esa yirtqichni ta’qib qilib, o‘ldirgan. Holat bo‘yicha unga nisbatan 8,2 mln so‘m jarima qo‘llandi.
2025-yilda Toshkent metrosida ilk bor 15 nafar ayol mashinist sifatida ish boshladi. Ular 11 oy ichida nazariy bilim olgach, dastlab yordamchi mashinist sifatida amaliyot o‘tadi. Hozirgi kunda ayol elektropoyezd haydovchisi “O‘zbekiston”, “Yunusobod” va “Yer usti halqa yo‘li” yo‘nalishlarida faoliyat yuritmoqda.
Uchtepa tumanida ko‘chada va yerosti yo‘lida ayol kishiga nisbatan shahvoniy shilqimlik qilgan erkak 15 sutkaga qamaldi. Mast holatda huquqbuzarlik sodir etgan shaxs, shuningdek, IIO xodimlarining qonuniy talablariga bo‘ysunmagani uchun ham javobgarlikka tortildi.
Xorazmda Nexia mashinasi o‘zi bilan bir yo‘nalishda kelayotgan Lacetti avtomobili bilan to‘qnashib, so‘ng katta tezlikda daraxtga kelib urildi. Oqibatida 34 yoshli haydovchi voqea joyida vafot etdi.
O‘zbekistonda inversiya hodisasi tufayli havoning ifloslanishi 16−17-yanvargacha davom etishi mumkin. Ekoqo‘mitaga ko‘ra, o‘nlab korxonalar va avtotransportlarga nisbatan choralar ko‘rildi. Vaziyat keyingi hafta oxirida, yog‘ingarchilik va shamol kuchayishi bilan normallashishi prognoz qilinmoqda.
1-yanvardan Toshkent shahrida “Ekologik transport” tizimi joriy etish boshlandi. Tashlanmalarning zararlik darajasiga qarab avtomobilga yashil, sariq yoki qizil stiker beriladi. Ularni YHXX idoralari va my.gov.uz orqali olish mumkin.
Venesuela Oliy sudi vitse prezident Delsi Rodrigesni vaqtinchalik prezident etib tayinladi. Rodriges “AQShning harbiy tajovuzini” qoralab, mamlakatning yagona qonuniy prezidenti Nikolas Maduro bo‘lib qolayotganini bildirdi.
Bundan 50 yil avval ekran yuzini ko‘rgan “Taqdir hazili yoxud qushdek yengil bo‘ling” komediyasi Yangi yil bayram kunlarida sevib tomosha qilinadigan kinolar sirasiga kiradi. Gazeta tasodif va taqdir bilan bog‘liq sarguzashtni o‘zida aks ettirgan mazkur film asosida test tayyorladi.
Yashnobod tumanida Lacetti yo‘lning belgilanmagan joyidan kesib o‘tayotgan ayolni urib yubordi. Piyoda voqea joyida halok bo‘ldi. YHXB bu haqda voqeadan 3 kun o‘tib xabar berdi. Hodisa bo‘yicha jinoiy ish ochildi.
AQSh rasmiylari Nikolas Maduro va uning rafiqasini narkoterrorizm, kokain kontrabandasi va qurol saqlashda aybladi. Ular “Amerika sudlarida Amerika hududida Amerika adliyasi oldida” javob beradi, dedi mamlakat bosh prokurori Pem Bondi.
Shanba kuni AQSh Karakasga havo zarbalari berdi. Venesuelada favqulodda holat e’lon qilindi. Tramp Nikolas Maduro va uning rafiqasi qo‘lga olinib, mamlakatdan olib chiqib ketilganini ma’lum qildi. Oq uy buni narkotrafikka qarshi kurash maqsadidagi operatsiya deb atamoqda.
Qanday yashash insonning o‘z tanloviga bog‘liq. To‘g‘ri ammo oson bo‘lmagan hayot yo‘li sinovlarga boy - ularni esa faqat muhabbat, do‘stlik va adolat bilan yengish mumkin. Gazeta shu kabi g‘oyalar ajoyib vizual va kinematografik yechimlar orqali ifodalangan “Garri Potter” filmlari asosida test tayyorladi.
2025-yil O‘zbekistonda nimasi bilan yodda qoldi? Mamlakat qator sammitlar o‘tkazdi, qatnashdi, energiya tariflari islohotini yakunladi, Ai-80 benzinidan voz kechdi va JSTga yanada yaqinlashdi. Elektron retseptlarga o‘tish boshlandi, terma jamoa JCHga chiqdi, ekologik vaziyat yil chaqirig‘iga aylandi. Gazeta sarhisobi.
Xalqaro sport musobaqalari, mahalliy tadbirlar, san’at va madaniyat olami, ekologik muammolar, qishloqlardagi suvsiz va gazsiz hayot tarzi hamda boshqa manzaralar - bu 2025-yilning o‘zbekistonlik fotograflar ijodida aks etgan umumiy obrazi.
Ukraina prezidenti ofisiga mamlakat razvedkasi rahbari Kirill Budanov rahbarlik qiladi. U energetika sohasidagi yirik korrupsiya mojarosi fonida iste’foga chiqqan Andrey Yermak o‘rnini egallaydi.
Doha shahrida bo‘lib o‘tgan rapid va blits bo‘yicha jahon chempionatlari O‘zbekiston terma jamoasiga Nodirbek Abdusattorovning kumush medalini va boshqa bir qator shaxmatchilarning munosib ishtirokini taqdim etdi.
“Ivan Vasilyevich kasbini o‘zgartiradi” bundan 50 yil avvalroq suratga olingan. Shunga qaramay, hanuz, ayniqsa, bayram kunlarida sevib tomosha qilinadi. Gazeta qiziqarli syujet-u dialoglaridan tashqari, mohirona o‘zbekcha dublyaji sabab ham tomoshabinlar mehrini qozongan ushbu film asosida test tayyorladi.
Tarmoqlarda Rossiyaning Xabarovsk shahrida OMON xodimlari O‘zbekiston fuqarolarini kaltaklagani, ulardan biri vafot etgani xabari tarqaldi. O‘zbekiston TIV fuqaro o‘limini tasdiqlab, Rossiyaga nota yuborilganini ma’lum qildi.
Toshkentda Shimoliy vokzal yaqinidagi yerosti o‘tish joyida qizning telefonini zo‘rlik bilan tortib olgan erkak qo‘lga olindi. “Bosqinchilik” moddasi bo‘yicha jinoiy ish qo‘zg‘atildi. U 5 yildan 8 yilgacha ozodlikdan mahrum qilinishi mumkin.
O‘zbekistonda 2026-yilning birinchi sutkasida 1815 nafar bola tug‘ildi. Dunyoga kelgan ushbu bolalar orasida 17 egizak (jami 37 nafar bola) bor. Ularning 30 nafari ikki homilalik, 3 nafari 3 homilalik, 4 nafari esa 4 homilalik egizakdir.
Saida Mirziyoyeva o‘zining administratsiya rahbari etib tayinlanishini prezidentga joylardan real ma’lumotlarni olish imkoniyatini ta’minlash zarurati bilan bog‘ladi. Prezidentning asosiy maqsadi har bir o‘zbekistonlik hayotini yaxshilashdan iborat, dedi u. “Bizning administratsiyamiz faqat shu maqsadni ko‘zlaydi”.
O‘zbekiston islohotlarning boshida turibdi, dedi Saida Mirziyoyeva. Prezident administratsiyasi beshta ustuvor yo‘nalishni belgilab olgan - suv, ta’lim, tibbiyot, biznes va sud tizimi. Har qanday muammo - tizimni yaxshilash imkoniyati, ishlarga shaxsan aralashish esa vaqtinchalik holat, dedi u.
Havo ifloslanishiga qarshi kurashish uchun barcha imkoniyatlar safarbar qilindi va bu o‘z natijasini berdi, dedi Saida Mirziyoyeva. Unga ko‘ra, odamlar va biznesning ko‘nikmalari o‘zgarmasa, ijobiy o‘zgarishlar bo‘lmaydi.
Shveysariyaning Kran-Montana tog‘-chang‘i kurortidagi barda portlash va yong‘in ro‘y berdi. Oqibatda 40 ga yaqin kishi halok bo‘ldi, kamida 115 kishi jarohatlandi. O‘zbekiston TIV hodisa munosabati bilan hamdardlik bildirdi va vafot etgan hamda jabrlanganlar orasida o‘zbekistonliklar aniqlanmaganini ma’lum qildi.
PA rahbari Saida Mirziyoyeva Shavkat Mirziyoyev haqida so‘z yuritarkan, islohotlarga qattiqqo‘llik bilan erishib bo‘lmasligini, buning uchun moslashuvchanlik va donolik talab etilishini aytdi. U otasining “ulkan, masshtabli” orzulari borligini va ular “faqat va faqat xalq bilan bog‘liq” ekanini ta’kidladi.
Prezident administratsiyasi rahbari Saida Mirziyoyeva ilk katta intervyusida prezident va otasi Shavkat Mirziyoyev bilan to‘qqiz yildan buyon yelkama-yelka ishlayotgani haqida gapirib berdi. U o‘zini “xizmatchi” deb atadi: “Men shunchaki foydali bo‘lishni xohlayman”.
Yangi yil - ezgu tilaklar, mandarin va shirinliklar bilan o‘ziga xos, ba’zi kinolar qayta-qayta tomosha qilinadigan bayram. Yangi yil kayfiyatini ulashuvchi filmlar ro‘yxatini esa “Uyda yolg‘iz”siz tasavvur qilib bo‘lmaydi.
Gazeta 2025-yilda vafot etgan o‘zbekistonlik jamoat, madaniyat, sport arboblari va boshqa mashhurni xotirlaydi. Shuningdek, Ismoil Jo‘rabekov haqida vazir Shavkat Hamroyev, Dilorom Omonullayeva haqida xonanda Kumush Razzoqova, Alisher Ro‘zioxunov haqida jurnalist Ilyos Safarov o‘z xotiralari bilan bo‘lishdi.
2025-yil O‘zbekiston uchun “katta o‘zgarishlar va ulkan natijalar” yili bo‘ldi, dedi Shavkat Mirziyoyev xalqqa yo‘llagan Yangi yil tabrigida. Yangi yilda “har bir oilaning baxtli, farovon va sog‘lom hayot kechirishini ta’minlash uchun yangi imkoniyatlarni ishga solamiz”, dedi u.
Toshkentda yilning so‘nggi kuni qor bilan boshlandi, kunning o‘rtasida esa qor yomg‘ir bilan o‘rin almashdi. Noqulay ob-havoga qaramay, poytaxt aholisi bezatilgan ko‘chalar va bayram maydonchalari bo‘ylab sayr qilishga chiqdi.
2026-yildan hokimlar va kengashlar o‘rtasida vakolatlarni taqsimlash tizimi barcha 208 ta tuman va shaharda joriy etiladi, dedi prezident. Shavkat Mirziyoyev rahbarlarga murojaat qilarkan, odamlarning tanqidini eshitish qiyin bo‘lishi, lekin bu fuqarolar ishonchini qozonishning yagona yo‘li ekanini aytdi.
O‘tayotgan yil ko‘plab muhim lahzalar, quvonchli va fojiali voqealar bilan yodda qoldi. 2026-yil bo‘sag‘asida Gazeta o‘tib borayotgan 2025-yilni fotosuratlarda eslab o‘tdi.
UzAuto Motors Chevrolet Damas’ning yangi - yo‘lovchi (Move) va yuk (Max) modellarini taqdim etdi. Bu qariyb 30 yil ichida modelning birinchi keng ko‘lamli yangilanishidir. Ular endi “zamonaviy talablarga to‘liq javob beradi”, xususan, xavfsizlik yostiqchalariga ega. Eski Damas ishlab chiqarish esa davom etadi.
Toshkent viloyatining Burchmulla hududida quvvati 20 MVt bo‘lgan shamol elektr stansiyasi qurilishi rejalashtirilgan. Obyekt 10 gektar maydonga joylashtiriladi. Stansiya yiliga 129,6 mln kVt/soat elektr energiyasi ishlab chiqaradi.
Toshkentda elektr energiyasidagi uzilishlar rejali ta’mirlash ishlari va tarmoqlarni kuz-qish mavsumiga tayyorlash bilan bog‘liq, deb xabar qildi HET. Kompaniya uzilishlar haqida aholi xabardorligini oshirishga va’da berdi.
Toshkent shahridagi Ohangaron shohko‘chasining “Sharq” YPX maskanidan “Rohat” aylanma yo‘ligacha bo‘lgan bir tomonlama qismi 10-iyulga qadar transport harakati uchun yopildi.
Iqtisodiy tadqiqotlar va islohotlar markazi (ITIM) va IT Park hamkorligida O‘zbekistonga ishlash uchun ko‘chib kelgan IT mutaxassislari uchun yaratilgan sharoitlar bo‘yicha tadqiqot o‘tkazildi. Gazeta mamlakatda relokantlar uchun bugun qanchalik qulayligi va qanday masalalarni hal etish zarurligini o‘rgandi.
AQSh Pentagonning zaxiralari kamayib ketganidan xavotirlanib, Ukrainaga ba’zi turdagi qurollarni, jumladan, havo hujumidan mudofaa raketalarini yetkazib berishni to‘xtatdi. Oq uyning ta’kidlashicha, bunday qaror “Amerika manfaatlarini birinchi o‘ringa qo‘yish” uchun qabul qilingan.
O‘zbekistonda nasiya xizmatlari ommalashmoqda, biroq Markaziy bank tahliliga ko‘ra, xaridning bu usuli ko‘pincha kreditga qaraganda qimmatroq bo‘ladi va moliyaviy barqarorlik uchun yashirin xatarlarga ega bo‘ladi.
Slovakiya o‘zbekistonlik yuk mashina haydovchilarini ishga taklif qilmoqda. Nomzodlar 1 yillik tajribaga ega bo‘lishi hamda rus va ingliz tillarini bilishi lozim. Qabul qilinganlar viza, sug‘urta va turar joy xarajatlari qoplab beriladi.
Sevimli TV musiqiy asarlardan noqonuniy foydalangani uchun jarimaga tortildi. Kanal telenovellalardan tashqari, kontentni Splay va You Tube platformalarida ham e’lon qilgan.
Mamlakatlar o‘rtasidagi strategik sheriklik uzoq muddatli hamkorlik bo‘lib, xavfsizlik va iqtisodiyotdan madaniyatgacha bo‘lgan sohalarni qamrab oladi. Gazeta O‘zbekistonning strategik hamkorlari haqida ma’lumot beradi.
2-iyuldan onlayn taksi agregatorlari o‘zini o‘zi band qilgan va yillik daromadi 100 mln so‘mdan oshgan haydovchi va kurerlar daromadlaridan soliqni avtomatik ushlab qoladi. DSQ bu ularni soliqlarni hisoblash, to‘lash va hisobot topshirish kabi ortiqcha ovoragarchiliklardan xalos etishini ta’kidladi.
Chilonzor tumanidagi davlat bog‘chasida besh yoshli tarbiyalanuvchi nazoratsizlik oqibatida ikkinchi qavat derazasidan tushib ketdi. Oqibatda bola qo‘l, burun, jag‘ sohalari sinishi tashxisi bilan jonlashtirish bo‘limiga yotqizildi. Poytaxt MMTBga ko‘ra, hozirda uning ahvoli yaxshilangan.
Qirg‘iziston hukumati O‘sh viloyatidagi qirg‘iz-o‘zbek chegarasida O‘zbekiston tomonidan berilgan ikkita yirik yer uchastkasini davlat mulkiga qabul qilishni tasdiqladi.
Andijon viloyatining Paxtaobod tumaniga Davronbek Sattarov hokim etib tayinlandi. U bungacha viloyat hokimining turizm, madaniyat, madaniy meros va ommaviy kommunikatsiyalar masalalari bo‘yicha o‘rinbosari vazifasida ishlagan.
1-apreldan O‘zbekistonda 1500 ga yaqin dori vositalari uchun 2 foizlik bojxona to‘lovi joriy etildi. Farmtarmoqni rivojlantirish agentligi direktoriga ko‘ra, ushbu qaror narxlarga ta’sir qilmasligi kerak, chunki boj 1,2 foizni tashkil etgan eski ro‘yxatga olish to‘lovi o‘rnini bosadi.
Sud “O‘ztemiryo‘lyo‘lovchi” va “Shahar atrofida yo‘lovchi tashish” kompaniyalariga 800 ming nafarga yaqin yo‘lovchidan noqonuniy ushlab qolingan 1,3 mlrd so‘m chipta komissiyalarini qaytarish majburiyatini yukladi.
Markaziy bank raisi so‘mning dollarga nisbatan almashuv kursi so‘nggi oylar ichida noodatiy mustahkamlanganiga izoh berdi. Timur Ishmetov milliy valyutaning mustahkamlanish tendensiyasi bir qator omillar natijasida yuz berayotganini aytdi va Markaziy bank almashuv kursi shakllanishiga aralashmasligini eslatdi.
Afg‘oniston matbuoti O‘zbekiston hukumati 2021-yil avgust oyida olib o‘tilgan “57 ta harbiy vertolyot”ni Afg‘onistonga qaytarishga rozi bo‘lgani haqida xabar berdi. O‘zbekiston TIV matbuot xizmati bu xabarlarni rad etib, ularni “feyk” deb atadi.
Navoiy viloyat sudida fuqarolarni Rossiya-Ukraina urushiga yuborishga uringani uchun sudlangan ayolning apellyatsiya shikoyatlari ko‘rib chiqildi. Unga avvalroq Karmana tuman sudi tomonidan berilgan 3 yilga ozodlikdan mahrum qilish jazosi o‘zgarishsiz qoldi.
2026-yildan notarial harakatlarni amalga oshirishda pasport yoki ID kartani taqdim etish talabi bekor qilinadi. Notariuslar 412 mln so‘mgacha bo‘lgan nizosiz talablar bo‘yicha ijro xatlari yozishi mumkin bo‘ladi.
Buyuk Britaniya kompaniyasi mavsumiy qishloq xo‘jaligi ishlari uchun nomzodlar tanlovini ochdi. Soatiga 12,21 funt (bugungi kunda 16,55 dollar) maosh taklif qilinmoqda, ish esa haftasiga kamida 32 soat bo‘ladi.
Gazeta yillar oldin qizini ayiq qafasiga tashlagan, yaqinda esa uni pichoqlab o‘ldirgan ayol voqeasini o‘rganishga urindi, shuningdek, jamoatchilik fikrini jamladi. Ayol ro‘yxatda turgan ruhiy salomatlik markazi unga “sog‘lom” xulosasi berilmaganini aytdi. Hodisa ijtimoiy himoya tizimini so‘roq ostida qoldirdi.
Dunyo bo‘ylab birinchi marta ortiqcha vaznga ega bolalar soni kam vaznlilari sonidan oshib ketdi, deyiladi YUNISEF hisobotida. Tadqiqotchilar buni an’anaviy ovqatlanishdan arzon va yuqori kaloriyali mahsulotlarga o‘tilgani bilan bog‘lamoqda.
Strategik islohotlar agentligi tungi iqtisodiyotni rivojlantirishga qaratilgan prezident qarori loyihasini taqdim etdi. 2030-yilgacha 320 ta tun-u kun ishlaydigan ko‘cha tashkil etish, 24/7 restoran va kafelar sonini 8 mingtaga yetkazish, “tungi iqtisodiyot menejeri” lavozimini joriy etish rejalashtirilmoqda.
O‘zbekistonda pensiya yoshi chegarasini erkaklar uchun 60 yoshdan 63 yoshgacha, ayollar uchun 55 yoshdan 58 yoshgacha bosqichma-bosqich oshirish taklif etildi. Pensiya jamg‘armasi vakilining ma’lum qilishicha, yosh chegarasini oshirishning ikkita varianti ko‘rib chiqilmoqda.
O‘zbekiston Sharq va G‘arbdagi barcha hamkorlar bilan teng huquqli va hurmatga asoslangan hamkorlik tarafdori, dedi Tashqi ishlar vazirligi vakili Ahror Burxanov Gazeta`ga. U SHHT G‘arb bilan qarama-qarshilikni nazarda tutmasligini va O‘zbekiston yangi global boshqaruv tizimini qanday ko‘rayotganini aytib o‘tdi.