Navoiyda Qizilqum fosforit kompleksi atmosferaga zararli moddalarni me’yordan ortiq chiqargani uchun 2 mlrd so‘mdan ortiq jarimaga tortildi. Ikki ishlab chiqarish sexi 10 kunga to‘xtatildi, besh nafar mansabdorga nisbatan ma’muriy ish qo‘zg‘atilib, hujjatlar sudga yuborildi.
Senator Abdusaid Ko‘chimov yalpi majlisda imperiyaparast chiqishlar haqida gapirib o‘tdi. “Karvonimizga tahdid qiladigan har qanday kuchga, akillagan har qanday laychaga qarshi o‘z joyida javob berishimiz, popugini pasaytirib qo‘yishimiz shart… Bizni boshqalar tan olishiga majbur qilishimiz kerak”, - dedi u.
Mirzo-Ulug‘bek Abdusalomov qayta Konstitutsiyaviy sud sudyasi bo‘ldi. Qonunchilikka kiritilgan o‘zgartirishga ko‘ra, mazkur sud sudyalari qayta saylanish huquqisiz 10 yillik muddatga saylanadi.
Innovatsion markazlarga ega “Yangi avlod” bog‘chalari prezident maktablari kabi maktabgacha ta’lim sifatini oshirishda “lokomotiv” vazifasini o‘taydi, dedi maktabgacha va maktab ta’limi vaziri. Ularni ochish Toshkent shahri va Qoraqalpog‘istondan boshlanib, 2028-yilda butun O‘zbekiston hududlarini qamrab oladi.
Prezident qarori bilan O‘zbekistonda Amir Temur tavalludining 690 yilligi keng nishonlanadi. Xalqaro ilmiy konferensiya o‘tkaziladi, yubiley tanga, kitob, filmlar chiqariladi, temuriylarga oid asl yozma manbalar nusxalari O‘zbekistonga olib kelinadi. Temuriylar tarixi muzeyi rekonstruksiya qilinadi.
Toshkentdagi Aviator savdo-ko‘ngilochar markazi binosining egasi (yaqinda u yerda yirik yong‘in yuz berdi va bir qizcha halok bo‘ldi) Rent Mega City kompaniyasi hisoblanadi. Gazeta bino egasi va yong‘in boshlangan bolalar maydonchasini ochgan kompaniya haqidagi ma’lumotlarni o‘rgandi.
O‘zbekistonda 2025-yilda sudlar 4 mln dan ziyod ishni ko‘rdi, bu 2024-yilga nisbatan 37 foizga ko‘p. Xalqaro standartga ko‘ra, bir oyda ko‘rish mumkin bo‘lgan ish 16 ta, bizda esa bu 532 tani tashkil etmoqda, - dedi Oliy sud vakili.
O‘zbekistonlik Nodirbek Abdusattorov va Javohir Sindarov shaxmat olamidagi eng nufuzli musobaqalardan biri - Veyk-an-Zeyedagi Tata Steel Chess turnirida dastlabki ikki o‘rinni egalladi. Gazeta obzorchisi o‘zbekistonliklar o‘zlarining asosiy raqiblaridan qanday qilib ustun kelgani haqida hikoya qiladi.
Taniqli tarixchi, o‘lkashunos, jurnalist va yozuvchi Boris Golender vafot etdi. Ko‘pchilik uchun uning ismi ona shahri Toshkent bilan ajralmas tarzda bog‘langan - Boris Anatolevich bu shaharni qattiq sevardi va uning ming yillik tarixini go‘yoki sahifama-sahifa yoddan bilar edi.
O‘zbekiston prezidentiga Pokiston Milliy fan va texnologiyalar universitetining faxriy doktori va professori unvonlari topshirildi. Islomobodda Pokiston bosh vaziri Shahboz Sharif sertifikatni topshirdi.
Pokiston poytaxtidagi ko‘chalardan biri Toshkent deb nomlandi, yangi bog‘ga esa harbiy sarkarda, shoir va siyosatchi Bobur nomi berildi. Marosim O‘zbekiston prezidentining davlat tashrifi doirasida Islomobodda bo‘lib o‘tdi.
O‘zbekiston prezidenti va Pokiston bosh vaziri Islomobodda Oliy darajadagi strategik hamkorlik kengashining birinchi yig‘ilishini o‘tkazdi. Ular Ishbilarmonlar kengashi, Hududlararo forum, ekspertlar kengashini tashkil etishga kelishib oldi. Salmoqli hujjatlar to‘plami imzolandi.
Prezident Shavkat Mirziyoyev Pokiston Mudofaa kuchlari bosh qo‘mondoni - QK quruqlikdagi qo‘shinlari qo‘mondoni Asim Munir bilan uchrashdi. Tomonlar harbiy va harbiy-texnik hamkorlikni rivojlantirish, tajriba almashish, qo‘shma mashg‘ulotlar va mudofaa sanoati korxonalari o‘rtasidagi hamkorlikni muhokama qildi.
Dronlarni boshqarish, raqamli poligon va simulyatorda mashq qilish O‘zbekistonda harbiy tayyorgarlikning bir qismiga aylandi. Askar va ofitserlar zamonaviy qurolli nizolar tajribasi asosida tayyorlanmoqda.
O‘zbekiston Hindistondan hayvonlar va ularning mahsulotlari importiga vaqtincha cheklov o‘rnatdi. Bunga ushbu mamlakatda xavfli Nipah virusi tarqalgani sabab bo‘ldi. Taqiq 29-yanvardan kuchga kirdi va Hindistonning barcha hududlaridan olib kelinadigan tirik hayvonlar hamda qushlarni o‘z ichiga oladi.
O‘zbekistonda hukumat a’zosi hamda hokim lavozimiga nomzodlar korrupsiyaga qarshi kurashish bo‘yicha o‘z rejalarini taqdim etishlari shart ekani belgilanmoqda. Senat tegishli qonunni ma’qulladi.
Yanvar oyida O‘zbekistonda ob-havo kontrasti kuzatildi: oyning birinchi yarmida harorat rekord darajagacha (+22) ko‘tarildi, ikkinchi yarmida ayrim hududlarda -24 darajagacha sovidi. O‘zgidromet oy davomidagi harorat tebranishlari, kuchli yog‘ingarchiliklar va qor qoplami balandligi bo‘yicha sharh e’lon qildi.
Tojikistonda Starlink sun’iy yo‘ldosh aloqasidan foydalanish imkoniyati paydo bo‘ldi. Rasmiylarning so‘zlariga ko‘ra, birinchi navbatda tog‘li hududlardagi davlat va ijtimoiy muassasalar internetga ulanadi.
Prezident Shavkat Mirziyoyev davlat tashrifi bilan Pokistonga yetib bordi, u yerda mamlakatning oliy siyosiy hamda harbiy rahbariyati bilan muzokaralar o‘tkazadi. Uni aeroportda Pokiston prezidenti Asif Ali Zardoriy va bosh vazir Shahboz Sharif kutib oldi.
Qoraqalpog‘istonda chiqindidan elektr ishlab chiqaradigan zavod qurilishi boshlandi. 80 mln dollarlik loyiha yiliga 274 ming tonna chiqindini qayta ishlab, 80 mln kVt/soat energiya ishlab chiqaradi va 100 ta ish o‘rni yaratadi.
2028-yilgacha suv tejovchi texnologiyalar sug‘oriladigan yerlarning 80 foizida joriy etiladi. Bu yiliga 3,5 mlrd kub metr suv tejashga xizmat qiladi. Subsidiya va soliqlar yerlarning suv bilan ta’minlanganlik darajasiga qarab belgilanadi, sohaga 744 mln dollar kredit jalb etiladi.
Senat O‘zbekistonda islom bankini joriy etish to‘g‘risidagi qonunni ma’qulladi. U islomiy bank faoliyatini litsenziyalashni nazarda tutadi, islomiy operatsiyalar ro‘yxatini kiritadi va ularni soliqqa tortish xususiyatlarini aniqlashtiradi.
Senatorlar “Shaxsga doir ma’lumotlar to‘g‘risida”gi qonunga kiritilgan o‘zgarishlarni ma’qulladi. Tuzatishlar PayPal va Google Pay kabi xalqaro to‘lov tizimlarining ishlashidagi cheklovlarni olishi kerak.
AQSh O‘zbekiston bilan muhim minerallar bo‘yicha anglashuv memorandumini imzoladi. AQSh, shuningdek, noqonuniy migratsiyaga qarshi kurashda O‘zbekiston bilan ikki tomonlama hamkorlikni chuqurlashtirish hamda tijorat aloqalarini kengaytirishni kutmoqda.
O‘zbekistonda yo‘l harakati bilan bog‘liq ayrim huquqbuzarliklar uchun ma’muriy ogohlantirish amaliyoti joriy etildi. Shuningdek, YHQ buzilgani maxsus texnika vositalari orqali qayd etilganda ma’muriy jazo huquqbuzarlik sodir etilgan kundan e’tiboran 1 oydan kechiktirmay qo‘llanilishi shartligi belgilandi.
Pokiston - Xitoy - Qirg‘iziston - O‘zbekiston transport yo‘lagi yaratilib, Karachi portida O‘zbekiston omborlari tashkil etiladi. Shuningdek, O‘zbekiston - Afg‘oniston - Pokiston temir yo‘li loyihasi bo‘yicha dala tadqiqot ishlarini boshlash va yangi yo‘nalishda pilot tashuvlarni yo‘lga qo‘yish rejalashtirilmoqda.
Toshkentda ActInSpace xalqaro kosmik xakatonining milliy bosqichi bo‘lib o‘tdi. Yuz nafar ishtirokchi orasida Turin politexnika universiteti talabalari eng yaxshi deb topildi - ularning jamoasi tanlovning Fransiyada bo‘lib o‘tadigan finalida O‘zbekiston nomidan ishtirok etadi. Batafsil - Gazeta materialida.
Senat oziq-ovqat mahsulotining xavfsizligi to‘g‘risidagi qonunni ma’qulladi. Qonun bilan Oziq-ovqat mahsulotining xavfsizligi bo‘yicha idoralararo kengash tashkil etish va oziq-ovqat biznesi operatorlarining oziq-ovqat mahsulotining xavfsizligi sohasidagi majburiyatlari belgilanmoqda.
O‘zbekistonda garovdagi mulkni o‘zlashtirish, yashirish yoki shikast yetkazish uchun, agar zarar jinoiy javobgarlik darajasiga yetmasa, ma’muriy javobgarlik joriy etilishi mumkin. Bunga garovga qo‘yilgan mashinalarni noqonuniy ijaraga berish yoki O‘zbekistondan olib chiqib ketish holatlari ko‘paygani bunga sabab bo‘ldi.
“O‘zbekneftgaz” Xitoyning BGP, Yuhang va CNPC kompaniyalari bilan seysmik qidiruv, burg‘ilash va texnologiyalar bo‘yicha hamkorlikni kengaytirishni muhokama qildi. 2026-yilda Muborak va Ustyurtda tadqiqotlar, kamida 6,5 ming kv km maydonda 3D seysmika va quduqlar burg‘ilash rejalashtirilmoqda.
Xitoy yashirin eshik tutqichli avtomobillar ishlab chiqarishni taqiqlab, bunday tuzilmadan voz kechgan birinchi davlatga aylandi. Qaror qator o‘lim bilan tugagan YTHlardan so‘ng qabul qilindi - bunday mexanizmli mashinalarda yo‘lovchilar avtomobildan chiqib keta olmagan. Yangi standartlar 2027-yildan kuchga kiradi.
Maktabgacha ta’lim qamrovi past hududlarda xususiy bog‘cha ochayotgan tadbirkorlarga imtiyozlar beriladi. Gap tarbiyalanuvchilar uchun subsidiyalar, pedagoglar ish haqi kompensatsiyasi, imtiyozli kreditlar va soliq yukini kamaytirish haqida bormoqda.
O‘zbekistondagi xususiy maktablar va bolalar bog‘chalariga bir yillik tayyorlov guruhlarini ochishga ruxsat beriladi. Kelgusi yildan boshlab bu 12 yillik o‘rta ta’limning birinchi bosqichiga aylanadi.
Toshkent shahridagi Chorsu bozorining eski buyumlar sotiladigan bo‘lmasida 20 yildan buyon kitob sotib kelayotgan onaxon bor. 76 yoshli Gulnora Tursunxo‘jayeva avvaliga uyidagi keraksiz kiyim-kechaklar va jihozlarni sota boshlagan, keyinchalik kitob savdosiga o‘tib ketgan. Gazeta muxbiri u bilan suhbat qurdi.
Shavkat Mirziyoyev 5−6-fevral kunlari davlat tashrifi bilan Pokistonning Islomobod shahrida bo‘ladi. U yerda mamlakat yetakchilari bilan uchrashuvlar va Strategik hamkorlik kengashi yig‘ilishini o‘tkazish rejalashtirilgan.
Qadimgi Baqtriya sivilizatsiyasiga oid noyob arxeologik artefaktlar Buyuk Britaniyadan O‘zbekistonga olib kelindi. Ular Toshkentdagi Islom sivilizatsiyasi markazi ekspozitsiyasida namoyish etilmoqda.
So‘nggi bir yilda Umra ziyoratini noqonuniy tashkil etish bilan bog‘liq 178 ta jinoyat ishi qo‘zg‘atildi. Litsenziyasiz ishlagan 47 ta, reklama qoidalarini buzgan 15 ta turistik tashkilot jarimaga tortildi.
23-fevraldan Toshkent-Sankt Peterburg-Toshkent yo‘nalishida avtobus qatnovi yo‘lga qo‘yiladi. Qatnovlar haftada ikki marta - dushanba va juma kunlari amalga oshiriladi. Avtobuslar Toshkent va Sankt-Peterburgdan soat 17:00 da jo‘naydi, yo‘lda Moskvada to‘xtash rejalashtirilgan. Chipta narxi 1,2 mln so‘m.
Jizzax viloyatida xizmatlar va turizm sohasini rivojlantirish bo‘yicha qator loyihalar rejalashtirildi. BAA bilan hamkorlikda 11 mln dollar investitsiya hisobiga Arnasoy aeroporti kengaytiriladi. Shuningdek, turizm komplekslari, mahallalarda servis obyektlari va yo‘l bo‘yi infratuzilmasi barpo etiladi.
Deputatlar OAV va internetda xorijdagi jangovar harakatlarda ishtirok etishni targ‘ib qiluvchi materiallarni tarqatganlik uchun javobgarlik joriy etish ko‘zda tutilgan qonun loyihasini birinchi o‘qishda qabul qildi.
Namanganda Rossiya-Ukraina urushida Rossiya tomonidan qatnashgan 57 yoshli fuqaro 3 yilga qamaldi. U avval o‘qituvchi bo‘lib ishlagan, keyin Rossiyaga ketgan. Qarzlari va moddiy ahvoli sabab Rossiya armiyasi bilan shartnoma imzolab, Ukrainada jang qilgan, yaralangan va mukofot olgan. So‘ng O‘zbekistonga qaytgan.
2025-yilda O‘zbekistonda 106,5 mingta yangi xonadon foydalanishga topshirildi - bu barcha davrlardagi eng yuqori ko‘rsatkichdir. Biroq, qurilish sohasi O‘zbekistondagi demografik o‘sishdan ortda qolmoqda.
Shahrisabz tumani prokurori Bahodir Xudoyqulov Chiroqchi tumaniga hokim bo‘ldi. Hududning avvalgi hokimi kambag‘allikka qarshi kurashishda natija qilmagani uchun ishdan olingandi.
O‘zbekistonda aholi va qishloq xo‘jaligini ro‘yxatga olishning ikkinchi bosqichi boshlandi. Bu bosqichda ro‘yxatga oluvchilar - mahalla vakillari xonadonma-xonadon yurib, ma’lumotlarni planshet qurilmalari orqali elektron tizimga kiritadi.
Pop ixtisoslashtirilgan davlat o‘rmon xo‘jaligida qator qonunbuzarliklar fosh etildi. Muassasa mansabdorlari ijara pullarini undirmaslik va noqonuniy qazishmalarga yo‘l qo‘yishi oqibatida davlatga 2,8 mlrd so‘m zarar yetdi.
O‘zbekiston HHK uchun Braziliyaning Embraer’idan eng so‘nggi C-390 Millennium harbiy-transport samolyotlari sotib olinmoqda. Bu Markaziy Osiyodagi ilk shunday samolyotlar bo‘ladi. Ulardan asosan transport va gumanitar missiyalar uchun foydalanish rejalashtirilgan. Hozir HHKda Il-76 va CASA C-295 samolyotlari bor.
O‘zbekistonda 2025-yil yakunida real daromadlarning o‘sishi 9,2% ni tashkil etdi, bunda chetdan pul o‘tkazmalari asosiy omil bo‘ldi. O‘tkazmalarning umumiy daromaddagi ulushi 16,5% dan 21% gacha keskin oshdi.
Gazeta (o‘rtasida yoki chekkasida) to‘siqlar o‘rnatish boshlangan ko‘chalar ro‘yxatini qo‘lga kiritdi. Pudratchi - 6 mlrd so‘mlik xizmat ko‘rsatadigan Qarshi Stroy Sentr. To‘siqlar o‘rnatilgan joylarda, aniqki, ular haydovchilar va piyodalarning ko‘rishini to‘sib qo‘ymoqda.
AQSh Adliya vazirligi jinsiy jinoyatlar uchun hukm qilingan marhum moliyachi Jeffri Epshteyn ishi bo‘yicha yangi va oxirgi hujjatlar to‘plamini e’lon qildi. Fayllarda Donald Tramp va Buyuk Britaniyaning sobiq shahzodasi Endryudan tortib, Ilon Mask va Bill Geytsgacha bo‘lgan ko‘plab mashhurlar tilga olingan.
O‘zbekiston hukumati barcha ruxsatnomalar uchastkalar auksion savdosiga qo‘yilishidan oldin olinadigan “qurilishga tayyor yer” mexanizmini joriy etishni rejalashtirmoqda. Bu 2040-yilgacha uy-joy qurilishini 280 mingta kvartiraga yetkazishga yordam beradi. Qurilishga tayyor yer banki ham tashkil etiladi.
Toshkentdagi THAY, Ahmad Donish va Yangi O‘zbekiston kabi beshta ko‘chada tezlik chegarasini 80 km/soatgacha oshirish va 12 ta ko‘chada bir tomonlama harakatlanishni joriy etish reja qilinmoqda. YHXB boshlig‘i o‘rinbosari Elmurod Alimovga ko‘ra, 500 ta svetofor uzluksiz elektr ta’minoti bilan jihozlanishi mumkin.
Ukraina urushni yakunlash uchun Rossiya tomonidan bosib olingan hududlarining bir qismini berishga tayyor, deb yozmoqda Daily Telegraph. Buning evaziga Kiyev qurol-yarog‘ yetkazib berish va NATOga a’zolik istiqbollari ko‘rinishidagi xavfsizlik kafolatlarini talab qilmoqda.
Sudyalar oliy kengashiga yana Xolmo‘min Yodgorov rahbarlik qiladi. Uning nomzodi prezident tavsiyasiga binoan Senat tomonidan saylandi.
O‘zbekistonda ishga olingan bitiruvchilar soniga qarab, tadbirkorlarga 5 mlrd so‘mgacha 18 foizli kredit beriladi. 1 mlrd so‘mgacha kredit olganlar kamida 1 nafar, 5 mlrd so‘m olganlar esa 5 bitiruvchini ishga olishi lozim bo‘ladi.
O‘zbekistonda ish beruvchilar uchun belgilangan ayrim talablar bekor qilinadi. Xususan, bo‘sh ish o‘rinlariga bandlik organlari yuboradigan shaxslarni ishga qabul qilmaganlik uchun ma’muriy javobgarlik hamda bo‘sh ish o‘rinlari mavjudligi to‘g‘risidagi hisobotlarni majburiy taqdim etish bekor bo‘ladi.
Farg‘ona viloyatida 48 yoshli mahalla raisi mashq qildirish bahonasida 17 yoshli qizni belidan ushlab, yuzidan o‘pmoqchi bo‘lgan. Sud erkakni shahvoniy shilqimlik qilishda ayblab, 4 sutkaga ozodlikdan mahrum qildi.
O‘zbekistonda 1-sentabrdan PPX bo‘linmalari yuridik shaxslar bilan tuzilgan shartnoma asosida fuqarolar gavjum bo‘ladigan joylarda jamoat tartibini saqlash va jamoat xavfsizligini ta’minlash borasidagi pulli xizmatlarni ko‘rsatishi mumkin bo‘ladi.
2025-yilning birinchi yarmida O‘zbekistonda 28 538 nafar fuqaro elektr tarmoqlariga o‘tkazilgan quyosh energiyasi uchun davlat budjetidan subsidiya oldi. “Quyoshli xonadon” dasturi doirasida to‘langan mablag‘larning umumiy summasi 63,498 mlrd so‘mni tashkil etdi, shuning uchdan bir qismi iyun oyiga to‘g‘ri keldi.
O‘zbekistonda sun’iy intellektning milliy til modelini ishlab chiqish boshlandi. Mutaxassislarning fikricha, bu raqamli suverenitetni ta’minlaydi, madaniy o‘ziga xoslikni saqlab qoladi hamda tibbiyot, ta’lim va boshqa sohalarda sun’iy intellektni rivojlantirishga turtki beradi. Batafsil - Gazeta maqolasida.
AQSh Davlat departamenti ba’zi sayyohlik va biznes vizalariga ariza beruvchilar uchun 5000 dollardan 15 ming dollargacha garov puli joriy etmoqchi. Bu tartib mamlakatda qolish muddatlari buzilishi yuqori bo‘lgan va hujjatlar ustidan yetarlicha nazorat bo‘lmagan mamlakatlardan kelganlarga amal qiladi.
2026-yilda O‘zbekiston xizmat bozorida raqobat muhitini yaxshilash uchun kamida 6 ta xalqaro aviakompaniyani mamlakatga jalb qilish ishlari amalga oshiriladi. Fiskal strategiyaga ko‘ra, shuningdek, kelasi yilda respublikada havo qatnovini kamida 1,5 barobarga oshirish rejalashtirilmoqda.
Sea Breeze Uzbekistan O‘zbekistonda 4-avgust kuni - hukumat uni Chorvoqdagi kurort loyihasini amalga oshirish bo‘yicha eng yaxshi takliflar tanlovi g‘olibi deb topganidan uch kun o‘tib ro‘yxatga olindi.
Sea Breeze Uzbekistan kompaniyasi O‘zbekistonda qo‘shma korxona sifatida ro‘yxatdan o‘tdi. Avvalroq hukumat uni Chorvoqdagi kurort loyihasini amalga oshirish bo‘yicha eng yaxshi takliflar tanlovining g‘olibi deb torgandi. QK ta’sischilari - Agalarov Development va Ulugbek Maxmudov.
Toshkentdagi Shota Rustaveli ko‘chasining bir qismi rekonstruksiya ishlari sababli 2−25-avgust kunlari avtomobillar uchun yopildi. 8 ta avtobus yo‘nalishi vaqtincha o‘zgartirildi. Transport boshqarmasi hududda tirbandlik ortishi mumkinligidan ogohlantirdi.
O‘zbekiston hukumati AQSh Qishloq xo‘jaligi vazirligi va AQSh paxta assotsiatsiyasi bilan Amerika paxtasini yetkazib berish bo‘yicha muzokaralar olib bormoqda. Jarayon GSM-102 dasturi - Amerika eksport kredit kafolatlari sxemasi orqali amalga oshirilmoqda.
O‘zbekistonda baxtsiz hodisa va kasbga oid kasalliklarga chalinish holatlari haqidagi ma’lumotlarni olishning yagona tizimi ishga tushiriladi. Bunday hodisalar hisobotini yuritish, sabablarini tahlil qilish va unga yechim topish bo‘yicha qaror loyihasi ishlab chiqariladi.
Shanba kunidan O‘zbekistonga salqin havo massalari kirib kelishi boshlanadi. Harorat kunduzi +15…+28, kechasi +3…+11 daraja atrofida bo‘ladi. Tog‘li hududlarda qisqa muddatli yomg‘ir yog‘ishi mumkin.
Buyuk Britaniya “strategik va iqtisodiy ahamiyatga ega bo‘lgan sohada biznes yuritish orqali Rossiya hukumatini qo‘llab-quvvatlayotgani uchun” “Rosneft” va “Lukoyl”ga qarshi sanksiyalar joriy etdi. Bu qora ro‘yxatga kiritilgan jismoniy va yuridik shaxslarning aktivlari Britaniyada muzlatib qo‘yilishini anglatadi.
O‘zbekistonda yagona raqamli sog‘liqni saqlash platformasi yaratilyapti. Uzinfocom’ning sog‘liqni saqlashni raqamlashtirish bo‘yicha direktori Ruslan Sultonov Ucast podkastida platforma joriy etilgach, aholi va sohani qanday o‘zgarishlar kutayotgani haqida so‘z yuritdi. Gazeta suhbatning asosiy qismlarini keltiradi.
Osiyo taraqqiyot banki O‘zbekistonga davlat sektori samaradorligini oshirish, davlat korxonalari boshqaruvini modernizatsiya qilish va JSTga a’zo bo‘lishga tayyorgarlik ko‘rishga qaratilgan iqtisodiy islohotlarni qo‘llab-quvvatlash uchun 500 million dollar miqdorida kredit ajratishni ma’qulladi.
Ixtisoslashtirilgan ta’lim muassasalari agentligi matematika fani bo‘yicha o‘tkaziladigan olimpiada savollariga javoblar tarqalib ketganini tasdiqladi. Agentlik olimpiada qayta o‘tkazilishini ma’lum qildi. Holatga sababchi shaxslar esa javobgarlikka tortiladi.
Chernogoriya Armaniston, O‘zbekiston va Misr fuqarolari uchun vaqtinchalik vizasiz rejimni bekor qildi. Respublika hukumati bu qarorni mamlakat viza siyosatini YeI viza siyosati bilan muvofiqlashtirish ishlari bilan izohladi.
Tadbirkorlar tomonidan qurilib, pastki qavatida “mahalla yettiligi” joylashadigan binolar shahar va viloyat markazlarida 3 yil, qishloqlarda 7 yil muddatga yer va mol-mulk solig‘idan ozod qilinadi. Bino egasi bu vaqt ichida foyda va aylanmadan soliqni 50% pasaytirilgan stavkada to‘laydi.
O‘zbekistonda “Eng yaxshi soliq to‘lovchi mahalla” reytingi joriy etiladi. Reytingda 100 talikka kirgan mahallalarda “Tashabbusli budjet” doirasida aholi o‘zi boshlagan loyiha xarajatining 75 foizi budjetdan to‘lab beriladi.
Nyu York tovar birjasida (COMEX) oltin fyucherslari narxi o‘z tarixiy rekordini yangilab, bir unsiya uchun $4179 ni tashkil qildi. Oltin narxi yil boshidan buyon 57% ga o‘sdi. Shuningdek, AQSh va Xitoy o‘rtasidagi savdo ziddiyatlarining qayta kuchayishi xavfsiz aktivlarga, jumladan, kumushga bo‘lgan talabni oshirdi.