O‘zbekistonda dam olish kunlari yog‘ingarchiliksiz ob-havo bo‘lishi kutilmoqda. Yakshanba kuni harorat kechasi +5…+10, kunduzi +17…+22 daraja atrofida bo‘ladi. Ayrim joylarga tuman tushishi mumkin.
Andijon viloyatida tadbirkorni yollanma qotil orqali o‘ldirishni rejalashtirgan guruh a’zolari ushlandi. Ular qotilga kelishilgan 1500 dollardan dastlabki pulni berayotgan vaqtda qo‘lga olingan. Holat yuzasidan qasddan odam o‘ldirishga suiqasd moddasi bilan jinoyat ishi qo‘zg‘atildi.
“Asakabank” boshqaruvi raisi lavozimida ishlab kelayotgan Kudratilla Tulyaganov Toshkent shahrining Olmazor tumani hokimi bo‘ldi.
Shavkat Mirziyoyev Asaka, Oltinko‘l, Xo‘jaobod, Shahrixon tumanlari hamda Andijon shahrini ishsizlik va kambag‘allikdan xoli hududlarga aylantirish vazifasini qo‘ydi. Oltinko‘l, Izboskan, Asaka, Qo‘rg‘ontepa va Buloqboshida tomorqa maktablari tashkil etiladi.
Rashid Abdullayev “O‘zbekipaksanoat” uyushmasi raisi bo‘ldi. Bunga qadar u uyushma raisi birinchi o‘rinbosari bo‘lgan.
Taniqli davlat va jamoat arbobi, huquqshunos olim, senator Mir-Akbar Rahmonqulov 74 yoshida vafot etdi. Gazeta marhumning hamkasblari va shogirdlaridan professor haqidagi xotiralari bilan o‘rtoqlashishni so‘radi.
Tadbirkorlar sertifikatlashtirish va mahsulotni baholash sohasida bozor nazoratiga o‘tishni qo‘llab-quvvatladi. Zafar Hoshimov bu islohotni valyuta konvertatsiyasining ochilishiga qiyosladi. Unga ko‘ra, bu sanoatni modernizatsiya qilish uchun poydevor va haqiqiy bozor iqtisodiyoti sari tashlangan qadam bo‘ladi.
Qamchiq dovoni yopilgach, o‘z manziliga yetolmagan yo‘lovchilar uchun soat 01:00 da ham Toshkent-Pop yo‘nalishida qo‘shimcha temiryo‘l reysi tashkil etiladi. Popga borgach, poyezd vodiydan Toshkentga ketayotgan yo‘lovchilarni ham olib qaytadi, deya ma’lum qildi FVV. Dovonda kechki soatlarda 12 ta qor ko‘chkisi aniqlangan.
UzTest markazini tugatish, Akkreditatsiya markazini esa Vazirlar Mahkamasi bo‘ysunuviga o‘tkazish rejalashtirilmoqda. Sinov va sertifikatlashtirish xizmatlari to‘liq xususiy sektorga o‘tkaziladi. Shuningdek, “SUz” milliy muvofiqlik belgisini joriy etish taklif etilmoqda.
Iyunda Shveysariyada migratsiya qoidalarini qattiqlashtirish orqali aholi sonini 10 mln kishigacha cheklash bo‘yicha referendum bo‘ladi. Referendum tarafdorlariga ko‘ra, mamlakatda aholi haddan tashqari ko‘paygani infratuzilma zo‘riqishiga, ijara narxlari oshishiga va mahalliy o‘zlikning yo‘qolishiga olib kelgan.
Chorvoq suv ombori sohilida yil bo‘yi faoliyat yurituvchi Sea Breeze Uzbekistan kurorti qurilishini shu bahorda boshlash rejalashtirilmoqda. Gazeta tadbirkor Emin Agalarov bilan bo‘lajak infratuzilma, suv inqirozi bilan bog‘liq xavflar va jamoatchilik eshituvlari haqida suhbatlashdi.
2026-yilgi budjetni tayyorlashda XVJning oltindan daromadlarga qaramlikni kamaytirish bo‘yicha tavsiyalari inobatga olingan, deb ma’lum qildi IMV vakili. Hukumat oltin narxi keskin pasaygan holat uchun stress-testlar o‘tkazmoqda va bunday ssenariyning budjetga sezilarli ta’sir ko‘rsatishi kutilmayapti.
Seul sudi sobiq ichki ishlar vaziri Li San Minni 2024-yildagi isyonga urinish paytida sobiq prezident Yun Sok Yolga ko‘maklashgani uchun yetti yilga ozodlikdan mahrum qilish bo‘yicha hukm chiqardi. U Yun kabinetining harbiy holat joriy etish ishi bo‘yicha sudlangan ikkinchi vaziri bo‘ldi.
Iqtisodiyot va moliya vazirligi budjetga trillionlab so‘mlik tuzatishlar parlamentga yil oxirida, mablag‘lar sarflab bo‘linganidan keyin kiritilishini “budjet jarayoni xususiyatlari” va moliyalashtirish manbalarini aniqlash zarurati bilan izohladi.
O‘zbekistonda Milliy koordinatalar tizimi joriy etiladi. 2026-yil 1-sentabrgacha axborot tizimi ishga tushirilib, 2030-yildan faqat milliy bazaga kiritilgan koordinatalardan foydalaniladi. Bu geodeziya, kadastr va xaritalarni yagona standartga o‘tkazadi.
O‘zbekistonda sudya va ularning oila a’zolari mol-mulkini deklaratsiya qilishni yo‘lga qo‘yish, sud tizimida komplayens nazorat tizimini joriy etish taklif etilmoqda. Shuningdek, Sudyalar intizomiy hay’atini tashkil etish orqali sudyaga nisbatan intizomiy jazo qo‘llashning xolis tartibini yaratish ko‘zda tutilmoqda.
Xalqaro konkichilar ittifoqi olimpiya kvotalari taqsimotini qayta ko‘rib chiqdi. Natijada O‘zbekiston jamoasi a’zosi Daniil Yeybog short-trek bo‘yicha 1500 metr masofaga 2026-yilgi qishki Olimpiadaning yana bir litsenziyasini qo‘lga kiritdi. U, shuningdek, 500 metr masofada ham ishtirok etadi.
Qirg‘iziston parlamenti spikeri Nurlanbek Turgunbek uulu iste’foga chiqishini e’lon qildi. Unga ko‘ra, u bunday qarorni “bahs va shubhalarga o‘rin qolmasligi uchun” qabul qilgan. Turgunbek uulu lavozimini tark etishi haqidagi xabarlar MXDQ rahbari Qamchibek Tashiyev ishdan bo‘shatilganidan keyin paydo bo‘lgandi.
Toshkent xalqaro aeroportida qiymati qariyb 2,3 mlrd so‘mlik zargarlik buyumlarini noqonuniy olib o‘tishga bo‘lgan urinishlar to‘xtatib qolindi. Yo‘lovchilar qimmatbaho buyumlarni ichki kiyim va paypoqlariga va jomadon asosiga yashirgan holda olib o‘tmoqchi bo‘lgan.
Prezident, parlament va hukumat rahbarlari davlat va jamoat arbobi, senator Mir-Akbar Rahmonqulov vafoti munosabati bilan hamdardlik bildirdi. “U O‘zbekistonda ijtimoiy-iqtisodiy, siyosiy barqarorlik va xavfsizlikni ta’minlash bo‘yicha muhim strategik tadqiqotlarga rahbarlik qildi”, - deyiladi unda.
Toshkentda maktablar tanqis bo‘lsa-da, 2015-yilda 72-sonli maktab yopilgan. Undan avval bolalar institut bilan bir binoda, hatto koridorlarda o‘qigan. O‘sha davrda maktablarni “optimallashtirish” odatiy hol edi, ammo vaziyatni o‘zgartirishga endigina erishildi. Bu g‘ayrioddiy kurash haqida Gazeta hikoya qiladi.
Qor ko‘chkisi xavfi sababli Qamchiq dovoni avtomobillar harakati uchun vaqtincha yopildi. FVV dovon qachon ochilishi haqida qo‘shimcha ma’lumot berishini ma’lum qildi.
Yanvar oxirida O‘zbekistonda uchta idora kiberhujumga uchragandi. Raqamli texnologiyalar vazirining so‘zlariga ko‘ra, tarmoqlarda xabar qilinganidek 15 mln fuqaroning ma’lumotlari emas, balki 60 mingga yaqin unikal yozuv tarqalib ketgan.
Toshkentda YHXB Ma’muriy amaliyot markazida jarimalar va ma’muriy qarorlardan shikoyatlarni qabul qiluvchi koll-markaz ishga tushdi. Fuqarolar telefon yoki Telegram orqali murojaat qilib, qarorlarni tekshirtirishi, savol va takliflarini yo‘llashi mumkin.
Shvetsiyadan charter reys orqali 21 nafar O‘zbekiston fuqarosi Toshkentga qaytarildi. Ular mamlakatga qoidani buzgan holda kirib, migratsiya qonunchiligiga rioya etmasdan yurgan.
Raqobat qo‘mitasi asossiz qarzdorlik bilan elektr ta’minotiga kiritilgan vaqtinchalik cheklovlarni qayta ko‘rib chiqish yuzasidan Chiqindilarni boshqarish agentligiga so‘rov yubordi. Hozirda chiqindidan 15,8 mlrd so‘mlik qarzdorlik uchun 199 mingga yaqin abonentning elektr energiyasi to‘loviga cheklov o‘rnatilgan.
Navoiy viloyatining Nurota tumanida sanoat granit parki, granitni qayta ishlash klasteri hamda pardozbop toshlar bozori tashkil etiladi. Mintaqaga Mo‘g‘ulistondan yana 70 ming bosh mayda shoxli mol olib kelinadi.
Farg‘ona va Toshkentda koll-markaz ochib, Rossiya fuqarolarini aldagan 34 kishilik guruh fosh etildi. Ular keksa fuqarolarga qo‘ng‘iroq qilib, dori uchun kompensatsiya bahonasida soliq va to‘lovlar talab qilgan va 124,5 ming dollar undirgan.
2025-yil oxirida hukumat davlat budjetiga tuzatishlarni tasdiqladi, davlat organlari xarajatlari 41,2 trln so‘mga (14,6%) oshdi. Eng ko‘p mablag‘ Iqtisodiyot va moliya vazirligi orqali o‘tkazildi, kuch tuzilmalari, ayrim vazirlik va jamg‘armalarga ajratilgan mablag‘lar ko‘paydi. Gazeta o‘zgartirishlarni o‘rgandi.
Qonunchilik va huquqiy siyosat instituti direktori, senator Mir-Akbar Xodji-Akbarovich Rahmonqulov vafot etdi. U faoliyati davomida Xavfsizlik kengashi kotibi, davlat maslahatchisi, prezident maslahatchisi o‘rinbosari kabi lavozimlarda ishlagan.
Demokrat. uz nashri rahbari Fazlidinxon Mehmonov va bloger Aziz G‘oipnazarovga nisbatan jinoyat ishi ochildi. IIBBga ko‘ra, ular avtosalon haqidagi materialni o‘chirish evaziga 50 ming dollar talab qilganlikda gumonlanmoqda.
Olmaliqdagi maktabda 10-sinfda o‘qigan qiz vafot etdi. Guvohlar voqea huquq-tartibot idoralari ishtirokidagi tarbiyaviy soatdan so‘ng sodir bo‘lganini aytmoqda, IIBB voqea yig‘ilishdan oldin bo‘lganini bildirdi.
Andijondagi to‘qqiz qavatli binoning oxirgi qavatidagi xonadonda gaz portladi. Ikki kishi jarohatlangan. Yong‘in sodir bo‘lmagan. Viloyat hokimi Shuhratbek Abdurahmonov pod’ezd aholisini mehmonxonaga joylashtirish bo‘yicha topshiriq berdi. Tundan beri u yerda ta’mirlash ishlari olib borilmoqda.
2025-yilda aholi banklarga $21,7 mlrd miqdorida valyuta sotdi, $12 mlrd valyuta sotib oldi. Jismoniy shaxslar valyuta operatsiyalarining ijobiy saldosi ($9,7 mlrd) ichki valyuta bozorida qo‘shimcha taklif yaratdi.
Yangi o‘quv yilidan boshlab Navoiy va Zarafshon maktablarida ixtisoslashtirilgan IT sinflari ochiladi. Shu maqsadda viloyatdan 100 nafar o‘qituvchi poytaxtda va xorijda IT va SI bo‘yicha malaka oshiradi.
Toshkentdagi “Novza” metro bekati yaqinidagi Korzinka supermarketi va boshqa do‘konlar joylashgan savdo markazida isitish kabeli qizishidan quyuq tutun hosil bo‘ldi. Jabrlanganlar yo‘q.
Fuqarolar erkinligini cheklash hech qachon to‘g‘ri qaror emas, dedi Telegram asoschisi Pavel Durov Rossiyaning messenjerga qarshi cheklovlarni kuchaytirish qaroridan so‘ng. U Eronning platformani taqiqlashga bo‘lgan urinishi ish bermaganini eslatib, Telegram so‘z erkinligi tarafdori ekanini ta’kidladi.
O‘zbekiston prezidenti, parlament va hukumat rahbarlari Qallibek Kamalov vafoti munosabati bilan hamdardlik bildirdi.
O‘tgan yili ombudsman idorasi murojaatlarni ko‘rib chiqishda fuqarolar foydasiga 11,8 mlrd so‘mdan ortiq mablag‘ undirilishiga yordam berdi. Uning 3,9 mlrd so‘mdan ortig‘ini buzilgan uy-joylar uchun kompensatsiyalar tashkil etdi.
O‘zbekiston banklaridan fuqarolarning so‘nggi uch yilda 83 ta xorijiy internet-kompaniyaga qilgan to‘lovlari haqida ma’lumot so‘raldi. Har bir operatsiya bo‘yicha sana va summa ko‘rsatiladi. Soliq qo‘mitasi ma’lumotlar QQS to‘g‘ri hisoblanishi va to‘lanishini tekshirish uchun egasiz shaklda yig‘ilayotganini bildirdi.
Sovet davrida Qoraqalpog‘istonga uzoq yillar rahbarlik qilgan Qallibek Kamalov vafot etdi. Uning 100 yillik yubileyiga bir oydan sal ko‘proq vaqt qolgandi.
2025-yilda O‘zbekistonda budjet taqchilligi YIMga nisbatan 2,1% yoki 39,4 trln so‘mni tashkil etdi. Bu tasdiqlangan prognoz (YIMning 3 foizi)dan past. Asosiy omil davlat budjetining qo‘shimcha daromadlari (oltin hisobiga) bo‘lib, ular 16,6% ga o‘sdi, shu bilan birga, xarajatlar ham keskin oshdi.
Toshkent viloyatida Chinorkent-Yusufxona-Chimyon-Amirsoy yo‘nalishida mikroavtobuslar qatnovi yo‘lga qo‘yiladi. Buning uchun “Toshavtobustrans” tomonidan 20 ta Ford mikroavtobusi xarid qilindi. Yo‘nalish qachondan boshlanishi va yo‘lkira narxi tenderdan so‘ng ma’lum bo‘ladi.
Transparency International tashkilotining Korrupsiyani qabul qilish indeksida O‘zbekiston 182 ta davlat orasida 124-o‘rinni egalladi. 100 balli indeks bo‘yicha mamlakat 31 ball to‘pladi.
Hukumat qarori bilan Yadro fizikasi instituti huzurida Respublika radioaktiv chiqindilarni saqlash markazi tashkil etiladi. U chiqindilarni tashish, qabul qilish, saralash va uzoq muddatli saqlash bilan shug‘ullanadi, sohaga ilmiy ishlanmalar va raqamlashtirishni joriy etadi.
Mirzo Ulug‘bek tumanida ijaradagi uyda narkolaboratoriya tashkil qilgan talaba yigit va qiz qo‘lga olindi. Tezkor tadbir davomida jami 2 kg mefedron musodara qilingan, shuningdek, mahsulotni tarqatish bilan shug‘ullangan 15 nafar shaxs, jumladan, oliygoh talabalari ushlandi.
O‘zbekiston-Ukraina siyosiy muloqoti va hamkorlik urush va logistik qiyinchiliklarga qaramay, qo‘llab-quvvatlanmoqda, dedi Ukraina muvaqqat ishlar vakili Aleksandr Sirenko. U Gazeta`ga bergan intervyusida mamlakatlarning BMTdagi birgalikdagi faoliyati, TIVlar o‘rtasidagi aloqalar va savdo haqida gapirdi.
O‘zbekiston Energetika vazirligi 11-fevraldan boshlab barcha hududlarda, shu jumladan, Farg‘ona vodiysida metan zapravkalar bosqichma-bosqich odatiy ish rejimiga qaytishni boshlashini ma’lum qildi. 2-fevraldan boshlab ularning ish soati 10:00 dan 16:00 gacha cheklangan edi.
Peshku tumanida oltin va qimmatbaho metallarga ega yerni auksion orqali olib berishni va’da qilgan shaxs qo‘lga olindi. U fuqarodan buning uchun 600 ming dollar so‘ragani aytilmoqda, biroq 230 ming dollar va 840 mln so‘m olgan vaqtida ashyoviy dalillar bilan ushlandi.
O‘zbekiston va Qirg‘iziston prezidentlari ikki tomonlama munosabatlarni mustahkamlash, qo‘shma infratuzilma loyihalarini amalga oshirish va mintaqaviy kun tartibini muhokama qilish uchun telefon orqali suhbatlashdi.
Toshkent shahrida 18-sonli yo‘nalish avtobuslaridan biri ikkinchisining orqasidan kelib urgan. Voqea sabab avtobuslar biridagi 20 yoshli yo‘lovchi yengil jarohat olgan.
Yanvar-iyul oylarida O‘zbekistonning tashqi savdo aylanmasi 44,4 mlrd dollarga (+19,9 foiz) yetdi. 4,2 mlrd dollar salbiy tashqi savdo balansi qayd etildi. Eksport tarkibida sanoat va oziq-ovqat mahsulotlari eng katta ulushni egalladi, mashinalar va transport asbob-uskunalari eng ko‘p import qilindi.
Toshkentda o‘tgan “O‘zbekiston, Ozarbayjon va Yevropa” oliy darajadagi uchrashuvida sobiq davlat rahbarlari va boshqa siyosatchilar to‘plandi. Gazeta Bosniya va Gersegovina va Sloveniya sobiq prezidentlaridan bozor iqtisodiyotiga qanday o‘tilgani va JSTga a’zo bo‘lishda nimadan qochish kerakligi haqida so‘radi.
AQSh Davlat departamenti AQSh vizasiga ega bo‘lgan 55 milliondan ortiq kishini migratsiya qonunchiligini buzganlik bo‘yicha tekshiruvdan o‘tkazmoqda. Kamchilik aniqlansa, viza bekor qilinadi. Shuningdek, AQSh yuk mashinalari haydovchilariga ishchi vizalar berishni zudlik bilan to‘xtatmoqda.
O‘zbekistonda sud jarayonlarini raqamlashtirish, ishlarning natijasini bashorat qilish uchun sun’iy intellektni joriy etish, shuningdek, iqtisodiy sudlar tuzilmasini isloh qilish rejalashtirilmoqda. 2030-yilgacha “Raqamli sud” konsepsiyasini inobatga olgan holda 162 ta yangi sud binosi qurilishi belgilangan.
Bu yil O‘zbekiston Mustaqilligi bayrami munosabati bilan qo‘shimcha dam olish kunlari belgilanmagan, deb xabar qildi Bandlik vazirligi. Besh kunlik ish haftasidagi xodimlar uch kun dam oladi - 30-avgustdan 1-sentabrgacha, olti kunlikdagilar ikki kun: 31-avgust va 1-sentabr.
Hukumat qarori bilan kredit bitimi tuzish taqiqlangan shaxslar reyestrini yuritish tartibi belgilandi. Ma’lumotlarni reyestrga kiritish yoki chiqarish bo‘yicha arizalarni YAIDXP, DXMlar yoki kredit byurolari orqali taqdim etish mumkin.
Hindistonda pul tikib o‘ynaladigan onlayn o‘yinlarni taqiqlashga oid qonun loyihasi qabul qilindi. Hukumat bunday o‘yinlar psixologik va moliyaviy zarar yetkazishi mumkinligini ta’kidlamoqda. O‘zgarish fonida qator kompaniyalarning aksiyalarida tushish kuzatildi.
Tadbirkorlar iqtisodiy va ma’muriy sudlarga eksterritorial tartibda murojaat qilishi mumkin bo‘ladi. Xalqaro tajriba asosida “astrent” tizimi joriy qilinadi. Bunda moddiy zararni qoplash kechiktirilgan har bir kun uchun qarzdor hisobidan penya undirish sud qarorida aniq belgilab qo‘yiladi.
O‘zbekistonda aylanma soliqdan QQSga o‘tadigan korxonalar bir yil davomida foyda solig‘i to‘lashdan ozod qilinadi. Hisobotda xatolik aniqlansa, jarima qo‘llanmaydi. Shuningdek, bunday korxona buxgalterlari maoshining 5 mln so‘mgacha bo‘lgan qismi olti oygacha to‘lanayotgan soliqdan chegirib tashlanadi.
O‘zbekistonda yirik tadbirkorlarga ham Tadbirkorlikni rivojlantirish kompaniyasidan 10 mlrd so‘mgacha kafillik olishga imkon beriladi. Shuningdek, kompaniya endi “chempion tadbirkor”larni ko‘paytirish uchun bank orqali loyihalarga 10 mlrd so‘mgacha imtiyozli kredit beradi.
O‘zbekistonda ijaraga beruvchi va ijarachi huquqlarini birdek himoya qiladigan yangi tahrirdagi qonun ishlab chiqiladi. 2026-yildan davlat aktivlari besh yilga ijaraga beriladi. Agar ijarachi o‘zi xohlasa yoki majburiyatini bajarmasagina shartnoma bekor bo‘ladi.
Rossiya hukumati qurilish, umumiy ovqatlanish, tamaki va spirtli ichimliklar chakana savdosi kabi 9 ta sohada xorijlik ishchilarni yollashga qo‘shimcha cheklovlar kiritmoqchi. Jumladan, qurilishda xorijliklar ulushini 80 foizdan 50 foizgacha tushirish taklif qilinmoqda.
Yaponiyaning Sojitz korporatsiyasi Toshkentdagi yangi xalqaro aeroportga 200 million dollar investitsiya kiritishni rejalashtirmoqda. U O‘zbekistonda elektr stansiyasi, shamol energetikasi, shifoxona, aeroport va boshqa loyihalar doirasida jami 1 milliard dollar investitsiya kiritishi kutilmoqda.
Toshkent viloyati O‘rta Chirchiq tumanida uyidan chiqib ketib, bedarak yo‘qolgan to‘rt yoshli bola ariqdan o‘lik holda topildi. Unda jarohatlar aniqlanmadi, tekshiruv harakatlari olib borilmoqda.
Toshkent shahar hokimi qarori bilan poytaxtda issiq suv va issiqlik ta’minoti xizmatlari tariflari oshirilmoqda. Aholi uchun narx 15 foizga, yuridik shaxslar uchun 40 foizga, budjet tashkilotlari uchun 18,8 foizga oshadi. Tariflar oxirgi marta 2024-yil 15-noyabrda ko‘tarilgan.
Vakolati ko‘payadigan hokimlar, O‘zbekistonga keladigan Serbiya prezidenti, ixtiyoriy bo‘lgan avtomaktab nazariy darslari, Toshkentda kesilgan 174 ta daraxt va boshqalar - Gazeta’ning kunlik dayjestida.
Endi tizimli ahamiyatga ega yirik korxonalar bank krediti yoki tashqi qarz olishda mustaqil qaror qabul qila olmaydi - maxsus komissiya ularning moliyaviy xavf darajasini “past”, “o‘rta” yoki “yuqori” toifada baholab, shu asosda jalb etilishi mumkin bo‘lgan qarz miqdoriga limit belgilaydi.
Yanvar-sentabrda O‘zbekistonda o‘rtacha ish haqi 6,17 mln so‘mni tashkil etdi. Eng yuqori o‘rtacha ish haqi Toshkent shahrida (10,4 mln so‘m), eng pasti esa Qashqadaryo viloyatida (4,27 mln so‘m) qayd etildi.
O‘zbekiston iqtisodiyoti yanvar-sentabr oylarida 7,6 foizga o‘sdi, bu Milliy statistika qo‘mitasi ma’lumotlarida aks etgan. Asosiy o‘sish dinamikasi iste’mol sektori va qurilish sohasi hisobiga shakllanmoqda.
Prezident mahalliy boshqaruv tizimini isloh qilish bo‘yicha tajriba o‘tkazishni topshirdi. 2026-yildan boshlab 45 ta tuman va shaharda to‘qqizta vazirlik va idora bo‘linmalari hokimliklar tarkibiga kiritiladi.
1-apreldan maxsus avtomatlashtirilgan foto va video qayd etish tizimlari orqali qayd etilgan qoidabuzarliklar uchun jarima ballari hisoblash boshlanadi.
O‘zbekistonda 25-oktabr - ichki ishlar organlari xodimlari kuni. Bayramga yaxshi gaplar yarashadi, albatta. Biroq so‘nggi vaqtlarda bu tizim tubdan islohotga muhtojligi haqidagi fikrlar tobora ko‘paymoqda. Gazeta jamoatchilik faollarining fikrini o‘rgandi.
Jinoyat kodeksiga yangi o‘zgartirishlarga ko‘ra, voyaga yetmagan shaxslar jazoni o‘tab bo‘lganidan so‘ng sudlanmagan hisoblanadi. Shuningdek, ozodlikni cheklash va mahrum qilish jazolarining eng kam muddati 6 oydan 1 oygacha qisqartirildi.
Milliy valyutaning mustahkamlanishi so‘mga bo‘lgan ishonchning oshishiga, dollarlashtirish darajasining pasayishiga, shuningdek, qarzga xizmat ko‘rsatish xarajatlarining 4,9 trln so‘mga qisqarishiga olib keldi, deb ta’kidladi Markaziy bank raisi Timur Ishmetov.