O‘zXDP deputati poytaxt hokimiga so‘rov yubordi. Unda ko‘chalarga o‘rnatilgan panjaralar xavfsizlikni yaxshilashi qanday aniqlangani, tahlil va maslahatlashuvlar o‘tkazilganmi-yo‘qmi, bular so‘ralgan.
Namangan va Toshkent osmonida jism qulashi kuzatildi. Namangan aholisi kuchli shovqin va yer silkinishi haqida xabar berdi, poytaxtda esa jism harakati videoga muhrlandi. Astronomiya instituti bu meteorit ekani tasdiqlanmagani, qoldiqlar bo‘lmasa, hodisa haqida aniq xulosa berib bo‘lmasligini aytdi.
O‘zbekiston G‘azo sektorida uy-joylar, bolalar bog‘chalari, maktab va shifoxonalar qurilishiga hissa qo‘shishga tayyor, dedi “Tinchlik kengashi”ning birinchi sammitida Shavkat Mirziyoyev. U sammitni xalqaro birdamlik hamda Yaqin Sharqdagi vaziyatni yaxshilash yo‘lidagi umumiy intilish ifodasi deb atadi (video).
O‘zbekistonda 4000 km magistral yo‘llar rekonstruksiya qilinib, “avtoban” darajasiga olib chiqiladi. Toshkent - Samarqand pulli trassasi qurilishi bo‘yicha xorijiy hamkor bilan sentabrgacha kelishuv imzolash, dekabrdan qurilishni boshlash rejalashtirilmoqda.
O‘zbekiston Xalq demokratik partiyasi deputati poytaxt yo‘llariga yangi panjaralar o‘rnatilgani yuzasidan Toshkent shahri hokimiga deputatlik so‘rovi yubordi. Unda, jumladan, panjaralarning piyodalar bilan bog‘liq yo‘l-transport hodisalarining oldini olishga xizmat qilishi qanday asoslangani so‘ralgan.
Buyuk Britaniya qiroli Charlz III ning ukasi sobiq shahzoda Endryu Angliyada marhum moliyachi Jeffri Epshteyn bilan aloqalari bo‘yicha tergov fonida mansab vakolatlarini suiiste’mol qilganlikda gumonlanib hibsga olindi.
O‘zbekiston sharafini himoya qilgan konkichi Daniil Yeybog Italiyadagi qishki Olimpiadada ishtirokini yakunladi. 500 metrlik masofada u uchinchida ketayotgan edi, ammo raqiblardan biri bilan to‘qnashuvdan so‘ng sur’atni saqlab qola olmay, marraga beshinchi bo‘lib yetib keldi. Terma jamoa Olimpiadani medalsiz tugatdi.
O‘zbekistonning 9 viloyatidagi tuman shifoxonalariga “Ezgu Amal” va Philips Foundation xayriya loyihasi doirasida 25 ta mobil ultratovush tekshiruv tizimlari topshirildi. 24 nafar shifokor davolash muassasalaridan tashqarida yordam ko‘rsatish imkonini beruvchi portativ uskunalardan foydalanish bo‘yicha o‘qitildi.
Toshkent aeroportida 25 yoshli qizni Turkiyaga fohishalikka jo‘natmoqchi bo‘lgan ikki ayol ushlandi. Ular turli va’dalar va yolg‘on ma’lumotlar orqali qizning ishonchiga kirgan. Holat yuzasidan odam savdosi moddasi bilan jinoyat ishi qo‘zg‘atildi.
Poytaxtda uy-joy narxlari o‘sishi nimani anglatishi, ijara stavkalari bilan bog‘liq vaziyat, eskrou-hisobvaraqlar joriy etilishining bozorga ta’siri - ko‘chmas mulk sohasi eksperti Denis Sokolov Toshkentdagi sammitda ma’ruzasini aynan shu masalalarga bag‘ishladi. Gazeta uning asosiy tezislarini taqdim etadi.
Shavkat Mirziyoyev Vashingtonda AQSh biznesi vakillari bilan uchrashuvda investitsiya loyihalarini to‘liq qo‘llab-quvvatlashini, vazirlar va hokimlar ularning amalga oshirilishi uchun shaxsan mas’ul ekanini ta’kidladi.
Seul sudi Janubiy Koreya sobiq prezidenti Yun Sok Yolni harbiy holat joriy etish ishi bo‘yicha umrbod qamoq jazosiga hukm qildi. U isyonga rahbarlik qilishda aybdor deb topildi. Ayblov tomoni u uchun o‘lim jazosini so‘ragandi.
Soliq xizmati xodimlarining daromadlari va xarajatlarini deklaratsiya qilish joriy etilmoqda. Davlat soliq qo‘mitasi daromadlarni deklaratsiya qilish tizimini ishlab chiqdi. 1-martdan soliq xizmati xodimlari hamda Navoiy va Chirchiq aholisi sinov tariqasida daromadlar bo‘yicha soliq deklaratsiyasi taqdim etadi.
Amerikaning Gulf kompaniyasi O‘zbekistonda kamida 100 ta zapravka ochib, aviatsiya sohasiga qariyb 50 mln dollar yo‘naltirmoqchi. Kompaniya vitse-prezidentining aytishicha, ular yuqori sifatli yoqilg‘i bilan ta’minlanadi.
MB ma’lumotlariga ko‘ra, kreditlar tarkibida milliy valyutadagi kreditlar ulushi sezilarli oshib, 2026-yil boshida 61 foizga yetdi (2024-yilda - 55 foiz). Ularning asosiy qismi jismoniy shaxslar hissasiga to‘g‘ri kelib, ichki talabni qo‘llab-quvvatlovchi asosiy omillardan biri bo‘lib qolmoqda.
AQShning Oppenheimer va Citibank kompaniyalari Centrum Air aviakompaniyasining IPO jarayonida anderrayter bo‘ladi. Kompaniya $2 mlrdga baholanishi kutilmoqda, bu uni Markaziy Osiyodagi eng qimmat tashkilotlardan biriga aylantiradi. IPO orqali $600 mln jalb qilish rejalashtirilgan.
Surxondaryo viloyatida qo‘shni mamlakatdan giyohvandlik vositalarini olib kirish bilan shug‘ullangan 5 kishilik guruh qo‘lga olindi. Ularning barchasi 15 yilga ozodlikdan mahrum etildi.
Bir guruh kompaniyalar 2022-yildan buyon OKMKning 200 mln dollardan ortiq davlat shartnomalarini qo‘lga kiritgan. OCCRP va Finance Uncovered tadqiqotlari shuni ko‘rsatdiki, g‘olib bo‘lgan britaniyalik firmalar rasman faoliyat yuritmagan. OKMK qoidabuzarlikka yo‘l qo‘yilmaganini bildirdi.
Navoiyning “Qizilqum” futbol klubi U-19 jamoasi bosh murabbiyi firibgarlikda gumonlanib ushlandi. U o‘smirdan jamoaning asosiy tarkibiga o‘yinchi sifatida qabul qilish uchun 20 mln so‘m talab qilgani aytilmoqda.
O‘zbekistonda Ramazon oyining ilk taroveh namozlari boshlandi. Xususan, Toshkentdagi “Rakat” masjidiga yuzlab namozxonlar jamoat ibodati uchun yig‘ildi. Gazeta muxbiri Shohruh Haydarov majmuadagi ilk taroveh shukuhini suratlarga muhrladi.
Gazeta fotomuxbiri Yevgeniy Sorochin bu yil birinchi marta poyga musobaqasida ishladi - u 24H Dubai 2026 poygasini suratga oldi. Unda Rossa Racing jamoasi tarkibida O‘zbekistondan pilot debyut qildi.
Shavkat Mirziyoyev O‘zbekiston xalqini Ramazon oyi bilan tabrikladi. Prezident o‘z qutlovida mehr-muruvvat, mahallalarni obod qilish va ehtiyojmandlarga yordam berish muhimligini ta’kidladi. Shuningdek, Islom sivilizatsiyasi markazi va Imom Buxoriy majmuasida ehson dasturxonlari yozilishi aytildi.
Jenevada AQSh-Eron yadroviy dastur bo‘yicha muzokaralarining 2-raundi o‘tdi. Tomonlar progress kuzatilgani va “ustuvor tamoyillar” kelishib olinganini bayon qildi. Tehron sanksiyalar bekor qilinishi evaziga uranni boyitishni to‘xtatishga tayyor.
Peru Kongressi muvaqqat prezident Xose Xerini lavozimidan chetlatdi - u o‘z postida 4 oydan sal ko‘proq qoldi. Uning xitoylik tadbirkorlar bilan norasmiy uchrashuvidan so‘ng boshlangan korrupsiya tergovi iste’foga sabab bo‘ldi.
Samarqanddagi Silk Road Samarkand turizm markazi hududida 1700 metrli kanat yo‘li qurilishi boshlandi. U 35 kabinadan iborat bo‘lib, soatiga 1500 nafargacha yo‘lovchi tashiydi. Loyiha turizm jozibadorligini oshirish va sayyohlar oqimini ko‘paytirishga qaratilgan.
Ramazon oyi davomida Toshkentdagi taroveh namozi o‘qiladigan masjidlarga yondosh bo‘lgan ko‘chalarda avtomobillar harakati soat 19:00 dan 00:00 ga qadar cheklanadi. Ro‘yxat.
Prezident Toshkent shahrida tunu kun ishlaydigan jamoat maydoni, ustaxonalar, raqamli dizayn va dasturlash maktabi, kino va ovoz yozish studiyalarini o‘z ichiga olgan Kreativ industriya parkini tashkil etishni ma’qulladi. Hududlarda ham kreativ klasterlar paydo bo‘ladi.
Surxondaryo viloyati Uzun tumanida Qizil kitobga kiritilgan Buxoro tog‘ qo‘yi noqonuniy ov qilinib, otib tashlandi. Hayvonot dunyosiga yetkazilgan zarar 412 mln so‘m etib belgilandi. Holat yuzasidan surishtiruv ishlari olib borilmoqda.
O‘zbekiston sharafini himoya qilayotgan konkichi Daniil Yeybog “faoliyatidagi eng dahshatli yiqilishlardan biri”ga qaramay, qishki Olimpiadada keyingi bosqichga yo‘l oldi. Raqibining qoidabuzarligi sababli hakamlar uni chorak finalga o‘tkazdi.
2026-yil noyabridan Toshkent shahri va viloyati sudlarida o‘ta og‘ir jinoyatlarga oid ishlarni xalq vakillari hay’ati ishtirokida ko‘rib chiqish amaliyoti joriy etiladi. Shuningdek, tergov sudyalariga qamoqqa olish yoki uy qamog‘i tarzidagi ehtiyot choralarini o‘zgartirish yoki bekor qilish huquqi beriladi.
Toshkent shahrida 194-yo‘nalishda harakat qiluvchi avtobus yonib ketdi. Hodisa oqibatida jarohatlanganlar yo‘q.
Toshkent viloyati Bekobod shahrida kelin qaynonasiga 14 marta pichoq urib o‘ldirdi. Ular o‘rtasidagi janjal beshik to‘yi masalasida kelib chiqqan. Sud uni qasddan odam o‘ldirishda aybdor deb topib, 10 yilga ozodlikdan mahrum qildi.
O‘zbekistonda elektromobil olish uchun kredit stavkalari 16 foizgacha tushiriladi (hozirda o‘rtacha 23 foiz), quvvatlash stansiyalari 4000 tagacha kengaytiriladi va elektromobildagi taksichilar uchun imtiyozlar beriladi.
O‘zbekiston bayrog‘ining dastasiz vertikal shaklda joylashtirish tartibi va dafn marosimlarida tobut ustiga yopish qoidalarini belgilash rejalashtirilmoqda. Shuningdek, majlis vaqti va xizmat xonasida joylashuvi hamda saf tortish asosida o‘tkaziladigan ommaviy tadbirlarda foydalanish tartibi belgilanmoqda.
Toshkentda inson a’zolarining noqonuniy oldi-sotdisi bilan shug‘ullangan er-xotin qo‘lga olindi. Ular operatsiyani Dushanbe shahridagi “Istiqlol” klinikasida amalga oshirgan. Gumonlanuvchilarga mijoz topishda blogerlardan biri ham yordam berib kelgani aytilmoqda.
Toshkentda ayol 7-qavat derazasidan kichik yoshli farzandini chiqarib, holatni videoga olgani ijtimoiy tarmoqlarda tarqaldi. Ayolning ruhiy holatini tekshirish maqsadida u ruhiy-asab kasalliklari shifoxonasiga yuborilgan. Bola yaqin qarindoshi qaramog‘iga topshirilgan.
Shavkat Mirziyoyev rafiqasi hamrohligida amaliy tashrif bilan AQShga yetib bordi. Davlat rahbarini AQSh-O‘zbekiston savdo palatasi raisi Kerolin Lemm va boshqa rasmiylar, Vashingtondagi qarorgohda esa mamlakat prezidentning maxsus vakili Paolo Zampolli kutib oldi.
“Surat bilan suhbat”, “Qanot” va “Olov” singari asarlar muallifi - Saida Zunnunovaning tavalludiga 2026-yilning fevralida 100 yil to‘ldi. Sana munosabati bilan Gazeta yozuvchi va shoiraning ijodi asosida test tayyorladi.
Tong paytida Toshkentda osmon musaffo bo‘lib, quyosh charaqlab turgandi, biroq tezda qalin tuman tushdi. Ko‘chalarda ko‘rinish masofasi yomonlashdi. Aeroportda esa ko‘rish 100 metrgacha pasaydi. Reyslarni qabul qilishga cheklovlar kiritildi.
18-fevral kuni xufton namozidan so‘ng O‘zbekistondagi masjidlarda taroveh namozi boshlanadi. Musulmonlar idorasi ularning o‘qilish vaqtlarini e’lon qildi.
O‘zbekistonda har oylik chegirmalarni pensiyaning 50 foizidan oshirmaslik va chegirma qo‘llangandan so‘ng daromadni kambag‘allik chegarasidan past tushirmaslik rejalashtirilmoqda. Shuningdek, pensiya yoshiga yetgan fuqarolarga jamg‘arma hisoblaridan mablag‘larni berish taklif etilmoqda.
Shayxontohur tumani Beltepa ko‘chasidagi xonadonlarning birida yuz bergan yong‘in oqibatida 3 kishi - ona va uning voyaga yetmagan ikki farzandi vafot etdi. Yana bir kishi shifoxonaga yotqizilgan.
Yuliya Risyukova Prezident administratsiyasi rahbarining ta’limni isloh qilish bo‘yicha o‘rinbosari bo‘linmasining loyiha koordinatori etib tayinlandi. U direktor sifatida ishlab kelgan Ta’limni rivojlantirish markaziga Shaxzodbek Kurbaniyazov rahbar bo‘ldi.
Antikorrupsiya agentligi Gazeta`ga bergan izohida “Ezgulik”ka 500 mln so‘m grant mablag‘i berilmaganini jamiyat rahbari Abdurahmon Tashanov ustidan jamoaviy shikoyat kelib tushgani bilan bog‘ladi. Tashanov bu tuhmat ekani, loyihaga oid harakatlar davlat xaridlari portali orqali amalga oshirilganini aytdi.
Raqobat qo‘mitasi Ramazon oyida ayrim kafe va restoranlarda “set”larni majburiy sotish holatlari kuzatilishini bildirdi. Korxonalar mijozlarni qo‘shimcha taom va xizmatlarni xarid qilishga qistamasligi, erkin tanlov huquqini cheklamasligi kerak ekani ta’kidlandi.
2025-yilda hayvonlarga nisbatan shafqatsiz munosabatda bo‘lgan 70 nafar fuqaro ma’muriy javobgarlikka tortildi. Ularning 66 nafariga jami 84 million so‘m miqdorda jarima va 4 nafariga ma’muriy qamoq jazolari qo‘llanilgan.
Toshkentda yo‘llarni faol ta’mirlash martda boshlanadi, deb xabar berdi poytaxt hokimligi. Ishlarni barvaqt boshlashga ob-havo va yuqori namlik yo‘l qo‘ymayapti. Shahar markazidagi o‘ydim-chuqurlar sabab haydovchilar doimiy aylanib o‘tishga majbur bo‘lmoqda, ko‘plab avtomobillarning esa shinalari yorilmoqda.
Qo‘qon shahridagi ko‘p qavatli uyda gaz portladi. Oqibatda yong‘in kelib chiqib, 4 fuqaro kuyish jarohatlari bilan shifoxonaga yotqizildi. Biroq ko‘rsatilgan tibbiy yordamga qaramay 1 kishi vafot etdi.
Ramazon munosabati bilan ehtiyojmand oilalarga moddiy yordam, nogironligi bo‘lganlarga davolanish va operatsiya xarajatlari qoplanadi. “Vaqf” jamg‘armasiga 750 mlrd so‘m, Ijtimoiy himoya agentligi orqali 300 mlrd so‘m ajratiladi.
Prezident qaroriga ko‘ra, Ramazon oyining boshlanishi 19-fevralga to‘g‘ri kelmoqda. Hujjatda “Ramazon - mehr-muruvvat, ahillik va shukronalik oyi” g‘oyasi asosida qator ishlar amalga oshirilishi belgilandi.
O‘zbekiston hukumati ismli avtoraqamlarni joriy etishni ma’qulladi. 2026-yildan boshlab raqam belgilarida oltitagacha harf yoki raqamdan foydalanish mumkin bo‘ladi, biroq ular amaldagi raqamlarni takrorlamasligi va qonunchilikka zid bo‘lmasligi kerak.
Futbol bo‘yicha 2026-yilgi jahon chempionatiga yo‘llanma olgan O‘zbekiston milliy terma jamoasi musobaqaga tayyorgarlik doirasida Urugvay bilan o‘rtoqlik uchrashuvi o‘tkazadi. Uchrashuv 13-oktabr kuni Malayziya poytaxti Kuala Lumpurda bo‘lib o‘tadi.
Toshkentning barcha tumanlarida 8-sentabrdan 10-oktabrgacha ichimlik suvi navbatma-navbat vaqtincha o‘chiriladi. Bu paytda rejali profilaktika-ta’mirlash ishlari o‘tkaziladi. Hududlarga maxsus texnikalarda suv yetkazib beriladi. Ro‘yxat.
Prezident topshirig‘i bilan egallab olingan yashil hududlar va bolalar maydonchalarini keng ko‘lamda qaytarish boshlandi. Prokuratura va boshqa organlar noqonuniy qurilish va yer egallash holatlarini aniqlashda kosmik tasvirlardan foydalanmoqda.
Soliq qo‘mitasi elektron hisob-fakturalar (EHF) berishdagi risklarni baholash tizimini sinovdan o‘tkaza boshladi. Bu korxonalarga kontragentlar bilan shubhali operatsiyalardan qochish va QQSni noqonuniy hisob-kitob qilish sxemalarini cheklashda yordam berishi kerak. Yuzlab mlrd so‘mlik shubhali operatsiyalar aniqlandi.
Toshkent viloyati Ohangaron tumanida joylashgan “Yangi Angren” IES ifloslantiruvchi moddalarni atmosfera havosiga tashlayotgani aniqlandi. IESda ijtimoiy tarmoqlardagi xabarlardan keyin tekshirish o‘tkazildi.
Hukumat qarori bilan bojxona hududida qayta ishlash bojxona rejimidan foydalanish tartibi belgilandi. Unga ko‘ra, tovarlar bojxona hududida qayta ishlash bojxona rejimiga Bojxona kodeksi hamda qayta ishlash ruxsatnomasi asosida joylashtiriladi. Tegishli ruxsatnoma 2 yilgacha amal qiladi.
OIIB 516,1 kilometrlik avtomobil yo‘llari tarmog‘i rekonstruksiyasi uchun O‘zbekistonga 173,4 mln dollar qarz ajratadi. Xususan, Xorazmda umumiy uzunligi 188 km, Qoraqalpog‘istonda 328 km yo‘llarni ta’mirlash va tiklash rejalashtirilgan.
“Dovut ota” va “Tajen” chegara punktlarining ochilishi yana surildi - bu gal 31-dekabrgacha. Muddatning uzaytirilishi punktlardagi ma’muriy binolarda kapital ta’mirlash va yo‘l qoplamalarida betonlash ishlari olib borilayotgani bilan bog‘liq.
O‘zbekistonda suv hisoblash vositalari bilan jihozlanmagan yerosti suv olish inshootlaridan foydalanish taqiqlanmoqda. Bunday vositalarni o‘rnatish davlat xizmatlari markazlari yoki YAIDXP orqali ko‘rsatiladi. Xizmat uchun BHMning 50 foizi miqdorida yig‘im olinadi.
O‘zbekistonda uy-joy xarid qilishda keshbek joriy etish masalasi ko‘rib chiqilmoqda. Savdo-sanoat palatasi raisi Davron Vahobovning ta’kidlashicha, uy-joy qo‘shilgan qiymat solig‘ini (QQS) hisobga olgan holda sotib olinishi kerak.
DXX Namangan shahri hokimi Anvarjon Otaxodjayev fuqarolardan ko‘p qavatli uy qurish huquqini olib berish va moliyalashtirish evaziga 60 ming AQSh dollar pora olayotganida ushlanganini ma’lum qildi. Hokim deputat daxlsizligi huquqidan mahrum qilinib, unga nisbatan jinoyat ishi qo‘zg‘atildi.
O‘zbekistonda 2-sentabrdan avtomobillarni Piskent sinov majmuasida sinovlardan o‘tkazish amaliyoti to‘xtatildi. Bunga respublikada rasmiy dilerlar va servis markazlari soni keskin oshgani hamda iste’molchilarning rasmiy dilerlar bilan ishlash amaliyoti joriy etilgani sabab sifatida keltirilgan.
O‘zbekistonda sun’iy intellekt sohasini faol rivojlantirayotgan 30 nafar shaxs ro‘yxati e’lon qilindi. Bundan maqsad ularning yutuqlarini e’tirof etish va keng jamoatchilikka tanitish.
Oliy ta’lim vazirligi xususiy OTMlarga litsenziya berilganini “Litsenziya” tizimidagi texnik nosozlik bilan bog‘lagandi. Adliya vazirligi buni rad etib, o‘z tizimida hech qanday nosozlik yoki ruxsat etilmagan harakatlar kuzatilmaganini ma’lum qildi.
Har yil yakunida eng ko‘p kiberjinoyat qayd etilayotgan banklar va to‘lov tashkilotlari ro‘yxati ommaga e’lon qilinadi. IIV vakiliga ko‘ra, bundan maqsad banklar va to‘lov tashkilotlarining o‘z axborot xavfsizligi siyosati hamda kiberxavfsizlik talablariga rioya etish borasidagi mas’uliyatini kuchaytirishdir.
O‘zbekistonda 2030-yilgacha prokuratura organlari faoliyati avtomatlashtiriladi. Yangi Raqamli prokuror axborot tizimlari kompleksi qonunlar ijrosini masofadan nazorat qilish imkonini beradi, “E-tergov” tizimi tergov jarayonlarini to‘liq elektron shaklga o‘tkazishni ta’minlaydi.
YUNESKO Bosh konferensiyasining Samarqanddagi sessiyasida 15-dekabr Butunjahon turkiy tillar kuni deb e’lon qilindi. Bu sana ramziy ma’noga ega: 1893-yilning aynan shu kuni daniyalik olim Vilgelm Tomsen O‘rxun bitiklari alifbosini o‘qib chiqqanini e’lon qilgan.
Prezident huzuridagi Strategik islohotlar agentligi Strategik rivojlanish va islohotlar agentligiga aylantirildi. 1-noyabrdan boshlab mamlakatda “maqsad - harakat - natija” tamoyiliga asoslangan strategik rejalashtirish tizimi joriy etiladi. Muvofiqlashtiruvchi kengash yangi vakolatlarga ega bo‘ladi.
O‘zbekistonda 2026-yil 1-yanvardan chiqindi xizmatlari uchun to‘lovlar faqat onlayn tarzda amalga oshiriladi, ya’ni to‘lovlarni uyma-uy undirish amaliyoti to‘xtatiladi. Istisno tariqasida, internet aloqasi bo‘lmagan, olis hududlarda yashovchilar bank kassalari va “O‘zbekiston pochtasi” orqali to‘lov qilsa bo‘ladi.
Oktabrda O‘zbekistonda inflyatsiya 0,6% ni, yillik hisobda esa 7,8% ni tashkil etdi, deb xabar berdi Milliy statistika qo‘mitasi. Bu so‘nggi 9 yildagi eng past ko‘rsatkichdir. Oy davomida tuxum, go‘sht, sut va benzin narxlari oshdi, shakar va guruch arzonlashdi.
Prezident qaroriga ko‘ra, 2025-yildan boshlab adabiyot, madaniyat, san’at, ilm-fan va raqamli texnologiyalar kabi sohalarda yuqori natijalarga erishgan ijodkorlar va olimlar “Kelajak merosi” xalqaro mukofoti bilan taqdirlanadi. G‘oliblar 10 ming dollar, diplom va statuetkaga ega bo‘ladi.
Maldiv orollari “tamakisiz avlodni targ‘ib qilish” maqsadida 2007-yil yanvaridan keyin tug‘ilganlarga chekishni taqiqladi va bunday chorani butun bir avlod uchun qo‘llagan yagona davlat bo‘ldi. Chora tashrif buyuruvchilarga ham amal qiladi.
2025-yilning yanvar-sentabrida O‘zbekistonda 35 284 nafar fuqaro elektr tarmoqlariga o‘tkazilgan quyosh energiyasi uchun davlat budjetidan subsidiya oldi. “Quyoshli xonadon” dasturi doirasida to‘langan mablag‘lar jami 153 643 mlrd so‘mni tashkil etdi, shuning qariyb beshdan bir qismi sentabr oyiga to‘g‘ri keldi.
Toshkent shahrida markazlashgan issiqlik ta’minoti ijtimoiy obyektlarda 3-noyabrdan, turar joy obyektlarida esa 5-noyabrdan ishga tushiriladi. Bu haqda Toshkent hokimi gidrometeorologiya xizmati ma’lumotlarini inobatga olgan holda qaror qabul qildi.