Surxondaryoda maktab o‘qituvchisi 14,68 kg opiyni 180 ming dollarga sotgan vaqtida ushlandi. Sirdaryoda esa ikki nafar erkak tunda chegara sim to‘siqlari ustidan uloqtirilgan 8,3 kg geroin va 54,4 kg opiyni qabul qilib olgan paytida qo‘lga olindi.
O‘zbekiston kimyo-farmatsevtika ilmiy-tadqiqot instituti, Toshkent vaksina va zardoblar ilmiy-tadqiqot instituti va “Sharq tabobati” ilmiy-tadqiqot institutlari negizida Milliy biofarmatsevtika ilmiy-tadqiqot instituti tashkil etiladi.
Prezident farmoni bilan farmatsevtika sohasida ishlab chiqarishni kengaytirish va ilmiy tadqiqotlarni qo‘llab-quvvatlashga qaratilgan yangi imtiyozlar joriy etildi. Ular soliq yengilliklari, bojxona preferensiyalari va xarajatlarni qisman qoplashni o‘z ichiga oladi.
Niderlandiyaning MMBS Groep kompaniyasi kelgusida yana 6 ming o‘zbekistonlikni ishga qabul qilishni rejalashtirmoqda. Hozirda kompaniyada 40 nafar mutaxassis oyiga 2500 yevro maosh bilan ishlamoqda.
Lukashenko O‘zbekiston elchisi bilan uchrashuvda Belarus O‘zbekistonga AES qurilishida yordam berishga tayyorligini bildirdi. Uning aytishicha, bu O‘zbekiston bozori ko‘lamini hisobga olganda ular uchun ham foydali.
Jasur Tursunov Qarshi tumani hokimi bo‘ldi. U bunga qadar Chiroqchi tumani prokurori lavozimida ishlab kelgan.
O‘zbekistonda ikki oy ichida 45 ta uyushgan jinoiy guruh aniqlandi, deya ma’dum qildi IIV. 116 ta tovlamachilik, 315 ta qurolni noqonuniy saqlash, 86 ta qimorxona tashkil etish, 40 ta odam savdosi va 790 ta fohishaxona saqlash holatlari fosh etildi. Qidiruvda bo‘lgan 533 nafar shaxs qo‘lga olindi.
Namozga azon aytib chorlovchi - muazzin masjidda kunda besh mahal hozir bo‘ladi. U odatda hammadan erta uyg‘onib, bomdod namoziga azon aytish uchun shoshadi. Ramazon oyida esa uning vazifalari biroz ko‘paygan.
Fuqarolik ishlari bo‘yicha Pastdarg‘om tuman sudi sudyasi ishni da’vogar foydasiga hal etib berish uchun undan 300 dollar talab qildi. Sudya mablag‘ni olgan vaqtida ashyoviy dalillar bilan ushlandi.
Samarqandda piyoda Onix avtomobili urib ketishi oqibatida vafot etdi. Hodisa kuzatuv kamerasiga tushib qolgan. Hozirda holat yuzasidan tergovga qadar surishtiruv ishlari olib borilmoqda.
Toshkent fotosuratlar uyida Natalya Ilinaning 8-martga bag‘ishlangan “Men otkritka emasman” nomli fotoko‘rgazmasi ochildi. Muallif o‘z turkumlari orqali haqqoniylik, hissiy ochiqlik va ichki kuch mavzusiga to‘xtaladi hamda tomoshabinni shaxsni ideallashtirmasdan, zo‘raki rollarsiz ko‘rishga taklif qiladi.
Donald Tramp Kristi Noemni AQSh ichki xavfsizlik vaziri lavozimidan bo‘shatdi, bu - yangi ma’muriyatdagi ilk iste’fo. Noemning o‘rnini senator Markueyn Mallin egalladi. Trampning immigratsiya siyosati doirasida bir qancha AQSh fuqarosi otib o‘ldirilgach, Noemning iste’fosi talab qilinayotgandi.
O‘zbekiston Tashqi ishlar vazirligi Yaqin Sharq mintaqasida qolayotgan fuqarolar murojaatlari uchun Telegram botni ishga tushirdi. Vatandoshlardan tezkor yordam ko‘rsatish imkonini berish uchun murojaatda aniq va to‘liq ma’lumot taqdim etish so‘raldi.
Prezident farmzonalar bo‘sh turgani va loyihalar yo‘qligi uchun hokimlarni tanqid qildi. 1-apreldan dori vositalari ishlab chiqaruvchilar, joylashgan manzilidan qat’i nazar, yer solig‘idan ozod qilinadi.
Shavkat Mirziyoyev Ilhom Aliyev bilan o‘tkazgan telefon orqali muloqotida Naxichevanga qilingan dronlar hujumini keskin qoraladi. Shuningdek, fuqarolarni Erondan Ozarbayjon orqali xavfsiz evakuatsiya qilish bo‘yicha ko‘rilayotgan choralar uchun Aliyevga minnatdorlik bildirildi.
Isroilning O‘zbekistondagi elchisi Eronga qarshi harakatlar preventiv xususiyatga egaligi hamda yadro dasturi va Tehron tomonidan qo‘llab-quvvatlanuvchi proksi kuchlardan kelayotgan xavfni bartaraf etishga qaratilganini ma’lum qildi.
Prezident O‘zbekistonda dori vositalari aylanishi ustidan nazoratni kuchaytirish zarurligini ma’lum qildi. Uning so‘zlariga ko‘ra, kontrafakt preparatlarning tarqalishi oqibatida xorijiy kompaniyalar tomonidan 21 turdagi original dori vositalarini yetkazib berish to‘xtatilgan.
Xitoy 2026-yil uchun YIM o‘sishi bo‘yicha maqsadli ko‘rsatkichni 4,5% dan 5% gacha bo‘lgan oraliqda belgiladi. Bu Pekin uchun 1991-yildan beri eng past ko‘rsatkichdir. Rasmiylar mamlakat “tashqi zarbalar ichki qiyinchiliklar bilan chirmashib ketgan bunchalik murakkab vaziyatga kamdan kam duch kelganini” ta’kidladi.
O‘zbekistonning UOGC va “Navoiyuran” kompaniyalari Mo‘g‘ulistonda uranga istiqbolli maydonlarda geologiya-qidiruv ishlarini olib borishni muhokama qildi. Tomonlar strategik kelishuv va xizmat shartnomasi imzolashni rejalashtirmoqda.
Prezident uy-joy taklifini oshirish va qurilishni jadallashtirishga qaratilgan farmonni imzoladi. Unga ko‘ra, ruxsat berish tartib-taomillari “qurilishga tayyor yer” mexanizmi orqali qisqartiriladi.
Isroilda ishlovchi O‘zbekiston fuqarosi TikTok’da mahalliy aholini haqoratlab video joyladi. Uni mamlakat politsiyasi qo‘lga oldi. Elchixona fuqaro hozirda xavfsiz joydaligini ma’lum qildi. Fuqaro ustidan shikoyat qilgan isroillikning aytishicha, elchixona unga fuqaroning deportatsiya qilinishini bildirgan.
So‘nggi kunlarda Toshkent aeroportiga Fors ko‘rfazi mamlakatlaridan repatriatsiya reyslari muntazam kelib qo‘nmoqda. Gazeta muxbiri Dubaydan kelgan reys yo‘lovchilarini kutib olish jarayonini kuzatdi.
O‘zbekiston va Ozarbayjon TIV rahbarlari Eron dronlarining Naxichevanga uyushtirgan hujumidan so‘ng telefon orqali muloqot qildi. “Jiddiy xavotir bildirdik. Xalqaro huquq prinsiplariga zid bo‘lgan bunday harakatlar mutlaqo qabul qilib bo‘lmasligini ta’kidladik”, - dedi Baxtiyor Saidov.
O‘zbekistonda 1-apreldan yangi farmatsevtika vositalari ishlab chiqarish, dorivor o‘simlik yetishtirish va qayta ishlash yo‘nalishidagi loyihalar boshlanganidan e’tiboran uch yil muddatga yer solig‘idan ozod qilinadi.
O‘zbekistonda 2026-yil uchun hisoblangan minimal iste’mol xarajatlari qiymati bir oyda kishi boshiga 715 ming so‘mni tashkil etdi (+6,9 foiz). O‘tgan yili bu miqdor 669 ming so‘m edi. Mamlakatda bu ko‘rsatkich kambag‘allik chegarasini aniqlashda ishlatiladi.
2026-yil 1-iyuldan O‘zbekistonda ipoteka omonatlari bo‘yicha tajriba mexanizmini ishga tushirish rejalashtirilmoqda. Ipoteka uchun subsidiya olgan fuqarolar kreditning boshlang‘ich to‘lovini shakllantirish maqsadida jamg‘arma depozitini ochishlari mumkin bo‘ladi.
O‘zbekistonda endi ipoteka krediti asosida sotib olingan uyga fuqarolarni ushbu uy egasi arizasi yoki bankning roziligi asosida yashash joyi va turgan joy bo‘yicha ro‘yxatdan o‘tkazishga ruxsat beriladi.
BMT mustaqil missiyasi Isroil va AQShning Eronga qarshi hujumlarini, shuningdek, Tehronning mintaqa bo‘ylab bergan zarbalarini qoraladi. “Eron aholisi keng ko‘lamli harbiy kampaniya va inson huquqlarini uzoq vaqtdan beri qo‘pol ravishda poymol qilib kelayotgan hukumat o‘rtasida qoldi”, - deyiladi bayonotda.
Ozarbayjonning Naxichevan shahridagi aeroport hududiga Eron droni quladi. Aeroport infratuzilmasiga shikast yetgan, ikki kishi jabrlangan. Ozarbayjon TIV “dron hujumi”ni qoralab, Erondan qisqa fursat ichida aniq tushuntirish berishni so‘radi, shuningdek, elchini chaqirtirdi.
5-mart soat 10:00 holatiga ko‘ra, 1-martdan beri O‘zbekistonga jami 9361 nafar vatandosh evakuatsiya qilindi. Ularning 8114 nafari Saudiya Arabistonidan, 1192 nafari esa BAAdan olib kelindi. Shuningdek, Erondan 23 nafar, Bahrayndan 25 nafar, O‘mondan esa 7 nafar O‘zbekiston fuqarolari vatanga keltirildi.
Qoraytirilgan oynali xorijiy avtomobillar uchun majburiy yig‘im undirish tartibi soddalashtirildi. Endi yig‘im faqat old yon oynalar qoraytirilgan bo‘lsa undiriladi. To‘lovni “E-tranzit” tizimidagi QR kod orqali elektron tarzda amalga oshirish mumkin. Yig‘im miqdori 15 dollar.
Banklar va to‘lov tashkilotlari mobil ilovalar orqali pul o‘tkazmalari amalga oshirilayotganda operatsiya maqsadini ko‘rsatish funksiyasini ixtiyoriy joriy etishi mumkin. Bu haqda Markaziy bank xabar berdi va bu servislarning texnik imkoniyatlaridan kelib chiqqan holda qabul qilinishi kerakligini aniqlashtirdi.
Eron atrofidagi eskalatsiya, Afg‘oniston va Pokiston o‘rtasida ziddiyatlar kuchayishi fonida MO Yevroosiyoning sanoqli barqaror hududlaridan biri bo‘lib qoldi. Siyosatshunos mintaqa global turbulentlik sharoitida qanday ko‘zga ko‘rinmas qoidalar va muvozanat hisobiga barqarorlikni saqlab qolayotganini tahlil qildi.
Qarshidagi bozor rahbari do‘konni rasmiylashtirish uchun tadbirkordan 80 ming dollar talab qilib, undan 30 ming dollarini olayotganda qo‘lga olindi. Buxorodagi bozor rahbari esa yer maydoni ajratish evaziga 11 ming dollar olayotganda ushlandi.
Atamurat Shamuratov Qoraqalpog‘iston iqtisodiyot va moliya vaziri lavozimiga, Kamiljan Aytbayev esa qishloq xo‘jaligi vaziri lavozimiga tayinlandi. Taxiatosh tumaniga Islambek Sdikov hokim bo‘ldi.
Mo‘min Amonov Buxoro viloyatining Shofirkon tumani hokimi bo‘ldi. U bunga qadar Buxoro shahri hokimi o‘rinbosari - obodonlashtirish boshqarmasi boshlig‘i bo‘lib ishlagan.
Tuproqqal’ada bioetanol (u benzin bilan aralashtiriladi) ishlab chiqarish maqsadida raps yetishtirish uchun ming gektar yer o‘zlashtiriladi, dedi qishloq xo‘jaligi vaziri. Avstraliya kompaniyasi bilan bioo‘g‘itlar ishlab chiqarish bo‘yicha tajriba boshlanadi.
O‘zbekistonda zo‘ravonlikdan jabrlanganlar murojaat qilishi uchun yagona platforma yaratiladi. Nemolchi. uz asoschisi Irina Matviyenkoga ko‘ra, bu jabrlanuvchilarning qayta ruhiy jarohat olishining oldini oladi.
O‘zbekistonda nikoh yoshini pasaytirish uchun asos bo‘ladigan holatlarning qat’iy ro‘yxati belgilanadi. PA rahbari o‘rinbosari Nodira Hakimovaning so‘zlariga ko‘ra, qarindoshlarning xohishi yoki kuyovning chet elga ketishi kabi sabablar endi voyaga yetmagan qizlarni turmushga berish uchun asos bo‘la olmaydi.
Shavkat Mirziyoyev Kuvayt valiahdi bilan telefon orqali Yaqin Sharqdagi keskinlikni muhokama qildi. Prezident mamlakatda bo‘lib turgan o‘zbekistonliklarga ko‘rsatilayotgan yordam uchun minnatdorlik bildirdi.
Shavkat Mirziyoyev BAA prezidenti Shayx Muhammad bin Zoid Ol Nahayon bilan telefonda suhbatlashdi. Muloqotda Yaqin Sharqdagi vaziyat xalqaro huquq tamoyillariga zid ekani ta’kidlandi. Shavkat Mirziyoyev BAAdagi O‘zbekiston fuqarolariga ko‘rsatilayotgan ko‘mak uchun minnatdorlik bildirdi.
Eronning O‘zbekistondagi elchisi Muhammad Ali Iskandariy AQSh bilan muzokara bo‘lmasligini aytdi. “Maqsadimiz Isroil va Amerikaga zarba berish, ularning xalqiga emas”, - dedi u. Diplomatga ko‘ra, AQSh prezidenti Donald Tramp Isroil manfaatlariga xizmat qilmoqda.
O‘zbekistonda bolalarga nisbatan jinsiy jinoyatlarni takroran sodir etganlar uchun umrbod qamoq jazosini joriy etish rejalashtirilyapti. “Bunday jinoyatlarni qasddan odam o‘ldirishdek eng og‘ir jinoyatlarga tenglashtirish mumkin.
Shavkat Mirziyoyev O‘mon sultoni Haysam bin Toriq Ol Said bilan telefonda suhbatlashdi. Unda Yaqin Sharqdagi hozirgi murakkab vaziyat muhokama qilinib, yuzaga kelgan beqarorlik jiddiy tashvish uyg‘otayotgani qayd etildi.
AQSh ma’muriyati Venesuela muvaqqat prezidenti Delsi Rodrigesga nisbatan maxfiy ravishda jinoiy ayblov tayyorlamoqda. Prokuroriyat Rodrigesni agar u Donald Trampning talablarini bajarmasa, ta’qibga uchrashi mumkinligi haqida og‘zaki ravishda ogohlantirgan.
TIV ma’lumotiga ko‘ra, Yaqin Sharqdagi vaziyatda 4-mart holatiga ko‘ra O‘zbekiston fuqarolari orasida halok bo‘lganlar yoki jabrlanganlar yo‘q. Mintaqadagi elchixonalar vaziyatni 24/7 monitoring qilmoqda, fuqarolarga konsullik va moliyaviy yordam ko‘rsatilmoqda, evakuatsiya reyslari tashkil etilmoqda.
Yakkasaroyda Gentra haydovchisini yo‘lda kaltaklagan ota va o‘g‘il bezorilikda ayblandi. Sud ularning ozodligini 1 yil 6 oyga chekladi. Jabrlanuvchining turmush o‘rtog‘i homilasi tushishi fakti homiladorlikni tasdiqlovchi tibbiy hujjatlar yo‘qligi sabab asossiz deb topildi.
Mintaqadagi namoyishlar va harbiy keskinliklarga qaramay, Eron va O‘zbekiston o‘rtasidagi iqtisodiy aloqalar o‘sishda davom etmoqda, deya ta’kidladi elchi Muhammad Ali Iskandariy. “O‘zbekiston oldidagi barcha majburiyatlarimizni bajaryapmiz, tovarlar tranziti bo‘yicha eng katta yordamni berib kelyapmiz”, - dedi u.
Yevropa tiklanish va taraqqiyot banki prognozlariga ko‘ra, O‘zbekiston YIM o‘sishi 2026-yilda 6,5 foizgacha, 2027-yilda esa 6 foizgacha sekinlashishi kutilmoqda. Markaziy Osiyoda o‘rtacha o‘sish sur’ati Qirg‘iziston va Tojikistondagi yirik investitsiya loyihalari hisobiga 5,6 foiz darajasida prognoz qilinmoqda.
Toshkentda avtobus bekatlarida joylashgan savdo nuqtalari olib tashlanadi. Auditda bekatlar hududida 110 ta savdo obyekti borligi, ulardan 61 tasida tegishli hujjatlar yo‘qligi aniqlangan. Bekatlar yangilanadi, tadbirkorlarga esa boshqa joy ajratish orqali kompensatsiya berilishi mumkin.
O‘zbekistonda 2024-yil dekabrdan buyon manfaatlar to‘qnashuviga yo‘l qo‘ygan 407 nafar shaxs ma’muriy javobgarlikka tortildi. Tegishli qonun kuchga kirgunga qadar 213 ta holatda yaqin qarindoshlarning davlat xizmatida bir-biriga bo‘ysunib ishlayotgan aniqlangan.
Prezident qaroriga muvofiq, Jamoat ahamiyatiga ega tashkilotlar huquqiy maqomi joriy qilinadi. Ularning moliyaviy hisobotlari, auditi va boshqaruviga alohida talablar belgilanadi. Bunday tashkilotlar Moliyaviy hisobotning xalqaro standartlari asosida buxgalteriya hisobi yuritadi.
AQSh va Xitoy TikTok ijtimoiy tarmog‘ini AQShdagi kompaniyaga sotish shartlari bo‘yicha umumiy kelishuvga erishdi. Donald Tramp va Si Szinpin uchrashuvidan so‘ng bitim yakuniy tasdiqlanishi kutilmoqda.
2026-yildan boshlab kamida 15 yil stajga ega bo‘lgan oliy toifali pedagoglarga ipoteka krediti boshlang‘ich badalining 25 foizi qoplab beriladi. 2026/2027 o‘quv yilida davlat oliygohlariga o‘qishga kirgan pedagoglar farzandlarining kontrakt summasiga 30 foiz chegirma beriladi.
Avgustda O‘zbekistonda uy-joy bozorida faollik o‘tgan oyga nisbatan 4,6 foizga pasaydi, lekin yillik hisobda qariyb 13 foizga o‘sdi. Ikkilamchi uy-joy narxlari iyul oyiga nisbatan taxminan 1 foizga qimmatlashdi.
Kuz kelgach, ayniqsa, bolalarda immunitet pasayib, shamollash va mavsumiy kasalliklar xavfi ortadi. SSV bu davrda ularning sog‘lig‘ini saqlashda muhim bo‘lgan tavsiyalar bilan o‘rtoqlashdi. Qo‘l gigiyenasi, havoga mos kiyim-kechak, to‘g‘ri ovqatlanish, uyqu tartibiga rioya qilish shular jumlasidan.
“Tolibon” 2021-yilda Afg‘oniston hukumati qulagach O‘zbekiston va Tojikistonga olib ketilgan harbiy vertolyotlarni Afg‘onistonga qaytarishga yana bir bor chaqirdi. “Biz ushbu vertolyotlarni afg‘on xalqiga qaytarishni so‘raymiz, toki ular gumanitar maqsadlarda foydalanilsin”, - dedi TIV rahbari Muttaqiy.
Shanba kuni harorat +30…+39 daraja atrofida bo‘ladi. Yakshanbadan hududlarda havo salqinlasha boshlaydi, harorat +25 darajagacha tushishi mumkin. Keyingi hafta boshida ham O‘zbekistonga salqin havo kirib kelishi davom etadi.
O‘zbekistonda isitish mavsumida aholining ehtiyojmand qatlamini qo‘llab-quvvatlash maqsadida noyabr oyida ayrim oilalarga 1 mln so‘m miqdorida bir martalik moddiy yordam beriladi. IHMA uni kimlar olishi mumkinligini tushuntirdi.
O‘zini IIV, DXX va Markaziy bank xodimi deb tanishtirgan shaxslar fuqaroning 170 ming dollarini kriptovalyuta orqali o‘ziga o‘tkazib olgani aniqlandi. Kiberxavfsizlik markazi yordamida pulning 115 ming dollari qaytarildi.
Raqobat qo‘mitasi “Toshkent - Xatirchi” yo‘nalishida avtobusda yo‘lovchi tashish xizmatini ko‘rsatuvchi “Hunarmand” MCHJga 2022-yil avgustidan 2025-yil mart oyigacha bo‘lgan davrda yo‘lovchilardan ortiqcha olingan 710 mln so‘mni qaytarish haqida ko‘rsatma berdi.
Markaziy bank bozor ishtirokchilarida yanada real kutilmalarni shakllantirish maqsadida valyuta kursiga nisbatan siyosatni o‘zgartirdi va so‘m/dollar juftligi tebranishlarining kuchayishiga yo‘l qo‘ydi, dedi Timur Ishmetov.
Raqobat qo‘mitasi Oila Tanlovi moyining yaroqlilik muddati 6 oy o‘rniga 12 oy deb ko‘rsatilgani sababli Uzum Market`ga 1,6 mlrd so‘mdan ortiq mablag‘ni qaytarish ko‘rsatmasini bergandi, sud buni o‘z kuchida qoldirdi.
MB tahlillariga ko‘ra, avgustda umumiy inflyatsiya darajasi yillik 8,8 foizni tashkil etdi. Inflyatsiya o‘sishida energiya narxlari oshishi asosiy rolni o‘ynamoqda. Meva-sabzavotlar inflyatsiyasi o‘sishi umumiy inflyatsiya pasayishiga to‘sqinlik qilmoqda.
O‘zbekistonda tunu kun faoliyat ko‘rsatadigan ko‘chalarda avtomobillar tezligi 20 km/soatgacha cheklanishi rejalashtirilmoqda. Bunday ko‘chaning uzunligi o‘rtacha 800 metrdan 2000 metrgacha oraliqda bo‘ladi.
Joriy yilning yanvar-oktabr oylarida ichimlik va oqova suv tarmoqlariga 4,3 mingdan ortiq noqonuniy ulanish holati aniqlandi. Qonunbuzarliklar ortidan 82 mlrd so‘m zarar yetkazildi, 62 ming iste’molchi tarmoqdan uzildi.
O‘zbekistonda 2026-yildan boshlab paxta-g‘alla, meva va dukkakli ekinlar bo‘yicha hosilni ixtiyoriy sug‘urtalash tizimini joriy etish rejalashtirilmoqda. Shuningdek, 75 turdagi subsidiyani birlashtiradigan Agrar sohada to‘lov agentligi tashkil etiladi.
Dunyo bo‘ylab YTH oqibatida yiliga 1,2 mln kishi halok bo‘lmoqda, yana 50 mln kishi jarohatlanmoqda yoki nogiron bo‘lib qolmoqda, dedi BMT bosh kotibi. Halok bo‘lgan har 10 kishidan 9 nafari kam va o‘rta daromadli mamlakatlardan.
O‘zgidrometga ko‘ra, O‘zbekistonda hafta boshida harorat +19…+22 daraja iliq atrofida bo‘ladi. Chorshanbadan havo biroz pasayib (+15…+18), ba’zi joylarda yomg‘ir, baland tog‘li hududlarda qor ham yog‘ishi mumkin. Kechalari harorat +3…+8 daraja iliq bo‘ladi.
2030-yilgacha O‘zbekistonda 151 km yangi temiryo‘l liniyalari qurish va mavjud 182 km liniyani elektrlashtirish, shuningdek, 27 stansiya va 100 km temiryo‘l liniyasini modernizatsiya qilish rejalashtirilmoqda.
Madaniyat va san’atni rivojlantirish jamg‘armasi Buyuk Britaniya Qirollik jamg‘armasi bilan hamkorlikda Toshkentda An’anaviy san’at maktabi ochishni rejalashtirmoqda. Muassasada an’anaviy va amaliy san’at yo‘nalishi bo‘yicha mutaxassislar tayyorlanib, ilmiy-tadqiqot ishlari olib boriladi.
Elektr taqchilligi fonida Qirg‘iziston hukumati barcha hukumat binolarida soat 18:00 dan 6:00 gacha elektr ta’minotini to‘xtatishni buyurdi va mayning fermalari faoliyatini vaqtincha taqiqladi. Qirg‘iziston prezidenti ham aholini energiyani tejashga chaqirdi.
O‘zbekistonda voyaga yetmagan shaxslar uchun ham bank kartasini rasmiylashtirish mumkin bo‘ladi. Bunda 14−18 yoshlilar o‘zlari mustaqil, 14 yoshgacha bo‘lganlar esa ota-onasidan biri yoki qonuniy vakilining yozma roziligi asosida tijorat banklarida bank kartasini ochishi mumkin.
Ayollar 30 yoshdan bachadon bo‘yni saratoni, 45 yoshdan esa ko‘krak bezi saratoni xavfiga ko‘proq moyil bo‘ladi. Kasallikni erta bosqichda aniqlash hayotlarni qutqarishi mumkin. Buning uchun barcha sog‘lom ayollarni tekshirish kerak.
O‘zbekistonda ish vaqtidan tashqari ishning 1 kundagi birinchi 2 soati uchun 1,5 hissa, 2 soatdan ortiq qismi uchun 2 hissa miqdorida haq to‘lanishi belgilandi. Bunday ishning davomiyligi yiliga 120 soatdan oshmasligi to‘g‘risidagi talab chiqarib tashlandi.