Bekobod shahrida 11-sinf o‘quvchisining o‘limi bilan bog‘liq jinoyat ishi doirasida jami 5 nafar voyaga yetmagan shaxs gumonlanuvchi sifatida hibsga olindi. Avvalroq bir nafar o‘smir ushlangani xabar qilingandi.
Moskva sudi “Krokus”dagi terakt bo‘yicha 15 kishini umrbod qamoqqa hukm qildi. Qolgan 4 ayblanuvchiga 20 yilu 10 oygacha bo‘lgan muddatlarda qamoq jazosi berildi. 140 dan ortiq kishi halok bo‘lgan hujum uchun javobgarlikni ISHID-Xuroson o‘z zimmasiga olgan.
Temur Malik va Buyuk Ipak yo‘li ko‘chalari kesishmasida 2024-yilda qurilgan tunnelning tirgak devori o‘pirilib tushdi. Poytaxt hokimligiga ko‘ra, voqeaga kuchli yog‘ingarchilik sabab bo‘lgan bo‘lishi mumkin.
Ayrim mamlakatlar hujjatlarni ko‘rib chiqishni paysalga solayotgani sababli O‘zbekistonning Jahon savdo tashkilotiga a’zo bo‘lish jarayoni cho‘zilishi mumkin, dedi JST bo‘yicha bosh muzokarachi Azizbek Urunov.
O‘zbekistonda elektr, gaz va boshqa muhandislik tarmoqlariga noqonuniy ulanganlik uchun javobgarlik kuchaytirildi. Yangi qonunga ko‘ra, jarimalar oshirildi, takroran sodir etilsa jinoiy javobgarlik qo‘llanadi.
O‘zbekiston JSTga a’zo bo‘lish doirasida tariflarni liberallashtirishda “sezgir” sohalar uchun sakkiz yilgacha bo‘lgan o‘tish davrlarini muhokama qilmoqda, dedi prezident vakili Azizbek Urunov. Ular qatoriga avtosanoat, qishloq xo‘jaligi va yengil sanoatni kiritish mumkin.
12-mart kuni metan zapravkalar ijtimoiy soha va jamoat transporti uchun faoliyat yuritadi. Energetika vaziriligi xususiy avtozapravkalar egalaridan narxlarni sun’iy ravishda oshirmaslik hamda benzinni sifat va miqdor jihatidan to‘g‘ri sotishlarini so‘radi.
Toshkentda Mercedes-Benz mashinasini soatiga 222 km tezlikda haydagan va unga noqonuniy ravishda “migalka” o‘rnatgan ikki yigit 15 sutkaga qamaldi. YHXB ushbu shaxslarning harakatlaridan jabrlangan fuqarolarni IIOga murojaat qilishga chaqirdi.
Ayrim davlatlarning hujjatlarni ko‘rib chiqishi cho‘zilayotgani bois O‘zbekistonning JSTga a’zo bo‘lishi kechiqmoqda. Prezidentning JST masalalari bo‘yicha vakili Azizbek Urunovga ko‘ra, a’zo bo‘lish doirasida tariflarni liberallashtirishda “sezgir” tarmoqlar uchun 8 yilgacha bo‘lgan o‘tish davrlari muhokama qilinmoqda.
DXX tomonidan Zangiota tumanidan poytaxtga kirib kelayotgan Nexia avtomobilidan 4,8 kg sintetik narkotik topildi. Andijon viloyatida esa davlat chegarasi orqali olib o‘tilayotgan qariyb 10 mingta kuchli ta’sir qiluvchi dorilar ushlandi. Ularga nisbatan jinoiy ish qo‘zg‘atildi.
Toshkentda BYD Han avtomashinasini hujjatlarsiz boshqargan haydovchi YPX inspektorining to‘xtash talabini bajarmasdan uni urib yuborgan. Inspektor og‘ir jarohat olgan. Sud haydovchini aybli deb topib, unga 6 yilga ozodlikdan mahrum qilish jazosini tayinladi.
Bekobod shahrida 11-sinf o‘quvchisi bir guruh o‘smirlar bilan janjal oqibatida vafot etdi. Marhum avval kaltaklangan, so‘ng uning ko‘krak qismiga pichoq bilan jarohat yetkazilgan. Holat yuzasidan jinoyat ishi qo‘zg‘atilib, gumonlanuvchi qo‘lga olindi. Marhumning yaqinlari qonuniy chora ko‘rilishini so‘ramoqda.
MAGATE missiyasi yilning ikkinchi yarmida O‘zbekistonga keladi va Jizzax viloyatida AES qurilishi jarayonini o‘rganadi. Agentlik bosh direktori Rafael Grossi loyihani qo‘llab-quvvatlashni davom ettirishga tayyorligini tasdiqladi.
O‘zbekistonda voyaga yetgan, 2017-yilda fuqarolikdan chiqib, Isroil fuqaroligini olgan 62 yoshli Rustam Gulomov Yexud shahrida qurilish maydonida sodir bo‘lgan raketa hujumi oqibatida halok bo‘ldi. 11-mart holatiga ko‘ra, elchixonaga O‘zbekiston fuqarolari jarohat olgani haqida xabar kelib tushmagan.
Turkiyada o‘ldirilgan 46 yoshli Dilafruz Chulliyevaning jasadi O‘zbekistonga qaytarildi. Enaga bo‘lib ishlagan ayol yanvar oyida Balikesir viloyatida g‘oyib bo‘lgandi. Uning jasadi 28-fevral kuni topilgan va shaxsi DNK ekspertizasi orqali tasdiqlandi.
Fransiyaning O‘zbekistondagi elchisi Toshkentda TLSContact viza markazini ochdi. Endilikda Fransiya vizasi uchun barcha arizalar faqatgina ushbu markaz orqali qabul qilinadi.
O‘zbekiston hukumati Buxoro yangi xalqaro aeroportini qurish va ekspluatatsiya qilish loyihasiga qiziqish bildirgan kompaniyalar uchun malaka so‘rovini (RfQ) tayyorlamoqda. Avvalroq aeroport qurilishi bo‘yicha xususiy sherik sifatida Enter Engineering kompaniyasi ko‘rsatilgandi.
Qidiruvda bo‘lgan O‘zbekiston fuqarolari Bahrayn va AQShdan ekstraditsiya qilindi. Ulardan biri firibgarlikda, ikkinchisi o‘ta yirik miqdordagi o‘g‘irlikda gumonlanib xalqaro qidiruvga berilgan.
Qurilish vaziri o‘rinbosari Davronjon Adilovga ko‘ra, Toshkentda kanalizatsiya bilan bog‘liq muammolar bosh rejadagi xatolar emas, balki foydalanish qoidalarining buzilishi natijasidir. “Infratuzilmaning bunday holatda ishlayotgani uchun hech qanday hujjat aybdor emas. Bunga siz bilan biz aybdormiz”, - deydi u.
O‘zbekistonda Janubiy Koreyaning kompaniyalari bilan hamkorlikda kimyo-texnologiya innovatsiya markazini tashkil etiladi. Markaz gaz va ko‘mir kimyosi, chuqur kimyoviy tahlil, sorbentlar, katalizatorlar, nano va kompozit materiallar kabi yo‘nalishlarda ilmiy tadqiqotlar olib borishga ixtisoslashadi.
Konimex tumanida 7-mart kuni Kia va Chery avtomobillari ishtirokida YTH yuz berdi. Avariya oqibatida besh kishi, jumladan, bir oilaning uch a’zosi halok bo‘ldi. Kun.uz ma’lumotlariga ko‘ra, har ikkala avtomobil ham belgilangan tezlikni oshirib harakatlangan.
“Sirojiddin Media” YouTube kanali muallifi, bloger Sirojiddin Odilov qamoqqa olindi. U firibgarlik va pora berishda gumonlanmoqda.
“Sen dunyoga keraksan” va Shafii. uz ko‘ngillilar jamoalari an’anaviy “Yo‘lda iftorlik” aksiyasini o‘tkazmoqda. Ular poytaxtdagi tirband chorrahalar va metro bekatlarida iftor vaqtida kuniga mingdan ortiq odamga suv va xurmo ulashyapti.
AQSh yana 65 nafar fuqaroni O‘zbekistonga deportatsiya qildi. Tramp davrida 1000 dan ortiq o‘zbekistonlik mamlakatdan chiqarib yuborildi, deyiladi AQSh elchixonasi xabarida. Jarayonda ko‘rsatilgan yordam uchun O‘zbekistonga minnatdorlik bildirildi.
Hokkey bo‘yicha O‘zbekiston U-18 terma jamoasi jahon chempionati III divizion “A” guruhida g‘olib bo‘ldi. Jamoa guruhdagi barcha o‘yinda g‘alaba qozonib, oltin medal va II divizion “B” guruhi yo‘llanmasiga ega bo‘ldi.
Xokkey bo‘yicha O‘zbekiston U18 terma jamoasi jahon chempionati III divizion “A” guruhida g‘olib bo‘ldi. Jamoa guruhdagi barcha o‘yinda g‘alaba qozonib, oltin medal va II divizion “B” guruhi yo‘llanmasiga ega bo‘ldi.
Hokkey bo‘yicha O‘zbekiston U18 terma jamoasi jahon chempionati III divizion “A” guruhida g‘olib bo‘ldi. Jamoa guruhdagi barcha o‘yinda g‘alaba qozonib, oltin medal va II divizion “B” guruhi yo‘llanmasiga ega bo‘ldi.
Olimjon Umarov raqamli texnologiyalar vazirining birinchi o‘rinbosari lavozimini tark etdi. Gazeta`ning hukumatdagi manbasi bergan ma’lumotga ko‘ra, u faoliyatini Vazirlar Mahkamasida - Bosh vazir kotibiyati rahbarining o‘rinbosari sifatida davom ettiradi.
Farg‘ona viloyatida Damas avtomashinasida Qirg‘izistonga noqonuniy olib chiqilmoqchi bo‘lgan 1,23 kg oltin quymalar aniqlandi. Ularning qiymati 2,18 mlrd so‘mga baholangan. Holat yuzasidan jinoyat ishi qo‘zg‘atilib, tergov boshlangan.
Surxondaryoning Uzun tumanida Nexia 2 avtomashinasi yo‘lni kesib o‘tayotgan 6 yoshli qizni urib yubordi. Qizaloq olgan tan jarohatlari oqibatida vafot etdi. Hodisadan so‘ng mahallada harakat xavfsizligi bo‘yicha uchrashuv o‘tkazilib, ikkida baland piyodalar o‘tish joyi, yo‘l belgilari va radar o‘rnatildi.
Azizxon Shovkatov Toshkent shahri hokimining turizm, madaniyat, madaniy meros va ommaviy kommunikatsiyalar masalalari bo‘yicha yangi o‘rinbosari bo‘ldi. U mazkur lavozimda avvalroq Turizm qo‘mitasi raisi o‘rinbosari etib tayinlangan Sanjar Tadjiyevning o‘rnini egalladi.
Toshkentning bosh rejasiga o‘zgartirishlar alohida tadbirkorlar tashabbusi bilan qabul qilinmaydi, dedi Urbanizatsiya qo‘mitasi raisi Sherzod Kudbiyev. Shuningdek, u qurilish uchun daraxtlarni kesishga ruxsat berish taklifi ko‘rib chiqilmaganini ma’lum qildi.
Eron janubidagi maktabga berilgan va kamida 168 kishining (asosan bolalar) hayotiga zomin bo‘lgan zarba uchun, ehtimol, AQSh harbiylari javobgardir. Qator xorijiy OAV shunday xulosaga keldi. Ularning qayd etishicha, maktabga AQSh yaqin atrofdagi Eron harbiy bazasiga hujum qilgan vaqtning o‘zida zarba berilgan.
Toshkent irrigatsiya institutida dual ta’lim tizimini kengroq joriy etish reja qilinmoqda. Talabalar haftada to‘rt kun nazariyani o‘rganadi, ikki kun esa korxonalarda haq to‘lanadigan amaliyot o‘taydi.
O‘zbekiston prezidentining Afg‘oniston bo‘yicha maxsus vakili Ismatulla Irgashev YIning Afg‘oniston bo‘yicha maxsus elchisi Jil Bertran bilan onlayn uchrashuv o‘tkazdi. Tomonlar Afg‘oniston-Pokiston chegarasidagi vaziyat hamda O‘zbekiston va YeI o‘rtasidagi hamkorlikni chuqurlashtirish masalalarini muhokama qildi.
2026-yilgi Forbes reytingi rekordlarni yangiladi: dunyoda 3428 milliarder qayd etilib, ularning jami boyligi 20,1 trln dollarga yetdi. Ilon Mask $839 mlrd bilan yetakchilikni saqlab qolgan bo‘lsa, ayollar o‘rtasida yana Elis Uolton peshqadam. Alisher Usmonov $14,5 mlrd bilan top 200 talikdan joy oldi.
O‘zbekistonda martning ikkinchi haftasi yog‘ingarchiliklar bilan o‘tmoqda. Gazeta fotomuxbiri Murod Yusuf Toshkentda yog‘ayotgan mayin qorni suratlarga muhrladi. Bu haftadagi qorlar yilning birinchi yarmi uchun so‘nggisi bo‘lishi mumkin.
Toshkentning bosh rejasi “tirik materiya” bo‘lib, shahar rivojlanishi bilan unga tuzatishlar kiritiladi, dedi Urbanizatsiya qo‘mitasi rahbari Sherzod Kudbiyev. Uning ta’kidlashicha, yangi o‘zgarishlar qurilish zichligini cheklash va hududning kamida 30 foizini yashil hududlarga biriktirishni nazarda tutadi.
O‘zbekiston tumanidagi xonadonlarning birida “Farg‘ona suv ta’minoti” inspektori kaltaklandi. Xodim noqonuniy hisoblagich uchun jarima yozmoqchi bo‘lgan, fuqaro esa bunga qarshilik ko‘rsatib, yog‘och bo‘lagi bilan jarohat yetkazgan. Holat bo‘yicha jinoiy ish ochildi.
Qo‘mita o‘tgan yili boshlang‘ich qiymati jami 18,8 trln so‘m bo‘lgan 23 mingdan ortiq davlat xaridini o‘rgandi. Natijada 28 mingdan ortiq raqobatga zid harakatlar aniqlangan. Asosiy muammolar kelishuvlar, ayrim ishtirokchilarga imtiyozli shart-sharoit yaratish va affillanganlik holatlari bilan bog‘liq bo‘lgan.
O‘zbekistonda tarkibida kuchli ta’sir qiluvchi moddalar bo‘lgan dori vositalarini retseptsiz yoki belgilangan tartibni buzib sotganlik uchun javobgarlik kuchaytirildi. Jarima miqdori oshirildi, ayrim holatlarda esa jinoiy javobgarlik va 5 yilgacha ozodlikdan mahrum qilish jazosi qo‘llanishi mumkin.
Erondan uchirilgan ballistik raketalar bir haftada ikkinchi bor Turkiya havo hududiga kelib tushgach, Eron elchisi TIVga chaqirildi. Shuningdek, prezident Erdog‘an “samimiy ogohlantirishlarga qaramay, Turkiyaning do‘stligini xavf ostiga qo‘yadigan qadamlar tashlanayotganidan” ogohlantirdi.
Avstraliya Eron terma jamoasining besh nafar futbolchi ayoliga gumanitar vizalar berdi. Eron davlat televideniyesida futbolchilar o‘yin oldidan mamlakat madhiyasini kuylashdan bosh tortgani uchun “xoinlar” deb atalgan.
AQSh va Isroilning Eronga qarshi harbiy harakatlari boshlanganidan buyon Fors ko‘rfazi mamlakatlaridan 25 mingdan ortiq O‘zbekiston fuqarosi vatanga qaytarildi. Bir sutka davomida 3335 kishi olib kelindi.
Surxondaryoda maktab o‘qituvchisi 14,68 kg opiyni 180 ming dollarga sotgan vaqtida ushlandi. Sirdaryoda esa ikki nafar erkak tunda chegara sim to‘siqlari ustidan uloqtirilgan 8,3 kg geroin va 54,4 kg opiyni qabul qilib olgan paytida qo‘lga olindi.
Surxondaryoda maktab o‘qituvchisi 14,68 kg opiyni 180 ming dollarga sotgan vaqtida ushlandi. Sirdaryoda esa ikki nafar erkak tunda chegara sim to‘siqlari ustidan uloqtirilgan 8,3 kg geroin va 54,4 kg opiyni qabul qilib olgan paytida qo‘lga olindi.
O‘zbekiston kimyo-farmatsevtika ilmiy-tadqiqot instituti, Toshkent vaksina va zardoblar ilmiy-tadqiqot instituti va “Sharq tabobati” ilmiy-tadqiqot institutlari negizida Milliy biofarmatsevtika ilmiy-tadqiqot instituti tashkil etiladi.
Prezident farmoni bilan farmatsevtika sohasida ishlab chiqarishni kengaytirish va ilmiy tadqiqotlarni qo‘llab-quvvatlashga qaratilgan yangi imtiyozlar joriy etildi. Ular soliq yengilliklari, bojxona preferensiyalari va xarajatlarni qisman qoplashni o‘z ichiga oladi.
Niderlandiyaning MMBS Groep kompaniyasi kelgusida yana 6 ming o‘zbekistonlikni ishga qabul qilishni rejalashtirmoqda. Hozirda kompaniyada 40 nafar mutaxassis oyiga 2500 yevro maosh bilan ishlamoqda.
Lukashenko O‘zbekiston elchisi bilan uchrashuvda Belarus O‘zbekistonga AES qurilishida yordam berishga tayyorligini bildirdi. Uning aytishicha, bu O‘zbekiston bozori ko‘lamini hisobga olganda ular uchun ham foydali.
Iqtisodchi Behzod Hoshimov kambag‘allikka qarshi kurashda eng samarali usul iqtisodiy o‘sish ekanini ta’kidladi. Uning aytishicha, tadqiqotlar kambag‘allik masalasida Afrika mamlakatlari va Hindistondagi kabi eksperimental intervensiyalar uzoq muddatda yaxshi ta’sirga ega bo‘lmasligini ko‘rsatmoqda.
O‘zbekiston 2030-yilgacha 6 oygacha bo‘lgan bolalarning kamida 70 foizi faqat ona suti bilan oziqlantirilishiga erishmoqchi. Shu maqsadda ona suti bilan oziqlantirishni qo‘llab-quvvatlash milliy dasturi joriy etiladi: shifokorlar o‘qitiladi, onalar bilimi oshiriladi, sun’iy mahsulotlar reklamasi cheklanadi.
2024-yili O‘zbekistonda korrupsiya uchun sudlangan har besh kishidan biri ozodlikdan mahrum qilindi. Bunday hukmlar biroz ko‘paygan bo‘lsa-da, sudlanganlarning 40 foizidan ko‘pi hali ham axloq tuzatish ishlari bilan jazolanmoqda.
O‘zbekistonda “Oqilona iste’mol” dasturi yo‘lga qo‘yiladi. Unga ko‘ra, savdo markazi va do‘konlarda iste’mol muddati tugayotgan mahsulotlar rastasi tashkil etiladi. Oshxona va restoranlarda yog‘-moy tutgich uskunalari o‘rnatiladi.
2024-yilda O‘zbekistonda korrupsion jinoyatlari uchun 7354 kishi jazolandi, bu o‘tgan yilga nisbatan 12,5% ko‘p. Korrupsiyadan zarar ikki baravar oshdi - 2,8 trln so‘m. Sudlanganlar va zararlar soni bo‘yicha Andijon viloyati yetakchi.
Hukumat tasdiqlagan yangi reglamentga ko‘ra, hududlar endilikda investitsiya salohiyati va boshqaruv samaradorligi mezonlari asosida reyting baholanadi. Ballar elektron platforma orqali hisoblanib, natijalar tahliliy hisobotda yoritiladi
Yilning birinchi yarmida Navoiy kon-metallurgiya kombinatining sof foydasi 72% - rekord darajadagi 1,5 mlrd dollargacha oshdi. Daromad 4,7 mlrd dollarga yetdi (+40,9%). 48 tonnaga yaqin oltin qazib olindi, ammo qazib olish xarajatlari keskin oshdi.
Rossiya iqtisodiy rivojlanish vaziri Maksim Reshetnikov mehnat muhojirlari “keldi, ishladi, ketdi” tamoyiliga o‘tkazilishini e’lon qildi. Unga ko‘ra, bu “adolatli” bo‘lib, Rossiyaga muhojirlarning “oilalari kerak emas va mamlakat maktablarda hech kimni o‘qitishga majbur emas (Rossiya fuqarolari mustasno)”.
IIV 1-oktabrdan moped va skuterlarni boshqarish uchun haydovchilik guvohnomasi talab etilishini eslatdi. Vazirlar Mahkamasining 2024-yil 9-avgustdagi qaroriga ko‘ra ular malaka oshirishdan o‘tishi va “A” toifasidagi haydovchilik guvohnomasiga olishi shart. Avvalroq ushbu talab 1-martdan 1-oktabrga ko‘chirilgandi.
Toshkent shahrida N.E. Bauman nomidagi Moskva davlat texnika universiteti filiali tashkil etiladi. Filialda ta’lim faoliyati 2026/2027 o‘quv yilidan boshlanadi.
Olmazor tumanida ayol 1 va 3 yoshli o‘g‘illarini 4-qavatdan, so‘ngra o‘zini 8-qavatdan tashladi. Oqibatda u shifoxonada vafot etdi, bolalarning hayoti saqlab qolingani aytilmoqda. Bosh prokuraturaga ko‘ra, voqeaga er-xotin o‘rtasidagi rashk tufayli kelib chiqqan kelishmovchilik sabab bo‘lgan bo‘lishi mumkin.
Toshkentda Web Summit Spotlight texnologik forumi bo‘lib o‘tadi. Tadbir Markaziy Osiyoda ilk marta o‘tkazilmoqda. Unda xalqaro ekspertlar, venchur investorlar, startap asoschilari va IT sohasi yetakchilari ishtirok etadi.
Rossiyalik muxolifatchi Aleksey Navalniyning bevasi Yuliya Navalnaya turmush o‘rtog‘i 2024-yil fevral oyida koloniyada zaharlanganini aytdi. Navalnayaning so‘zlariga ko‘ra, siyosatchining jamoasi uning biologik namunalarini yuborgan ikki davlat laboratoriyalari shunday xulosaga kelgan.
O‘zbekistonda 2024-yil dekabrdan buyon manfaatlar to‘qnashuviga yo‘l qo‘ygan 407 nafar shaxs ma’muriy javobgarlikka tortildi. Tegishli qonun kuchga kirgunga qadar 213 ta holatda yaqin qarindoshlarning davlat xizmatida bir-biriga bo‘ysunib ishlayotgan aniqlangan.
Prezident qaroriga muvofiq, Jamoat ahamiyatiga ega tashkilotlar huquqiy maqomi joriy qilinadi. Ularning moliyaviy hisobotlari, auditi va boshqaruviga alohida talablar belgilanadi. Bunday tashkilotlar Moliyaviy hisobotning xalqaro standartlari asosida buxgalteriya hisobi yuritadi.
GlobalHR xususiy bandlik agentligi o‘zbekistonlik burg‘ilovchi, elektrik va payvandchilar uchun Bolgariyada bo‘sh ish o‘rinlarini taklif qilmoqda. Tanlovda ish tajribasiga ega, rus tilini biladigan 45 yoshgacha bo‘lgan erkaklar qatnashishi mumkin.
Raqobat qo‘mitasi taomlar narxidan tashqari ofitsiant xizmati uchun majburiy ravishda haq undiruvchi restoran va kafelarni ogohlantirdi. Qo‘mita bu qonunga xilof ekanini ta’kidlab, iste’molchilarda o‘z-o‘ziga xizmat qilish tanlovi ham bo‘lish kerakligini ma’lum qildi.
Dam olish kunlari Toshkentdagi bozorlar va savdo komplekslarida yengil avtomobillarni 2 soatdan ortiq muddatga “parkovka”ga qo‘yish narxi endilikda 2 baravardan ko‘proqka oshiriladi. Narxlar.
Better Cotton Initiative va O‘zbekiston yengil sanoatni rivojlantirish agentligi paxta klasterlari va yetkazib beruvchilar uchun Better Cotton sertifikatlash xarajatlarini qoplovchi jamg‘arma tashkil etilishini e’lon qildi.
Davlat korxonalari boshqaruv xodimlari soni 10 foizgacha qisqartiriladi. Prezident farmoyishiga ko‘ra, davlat korxonalarida tannarxni kamaytirish va samaradorlikni oshirish bo‘yicha respublika komissiyasi tuzilmoqda.
O‘zbekistonda umummilliy ekologik loyihalarni moliyalashtirish maqsadida davlat maqsadli jamg‘armasi tashkil etiladi. 2025-yilda jamg‘armaga budjetdan 900 mlrd so‘m ajratiladi, keyingi yil - 548 mlrd.
AQSh prezidenti ma’muriyati Rossiya vakillari bilan Ukrainadagi urushni tugatish rejasi ustida yashirincha ishlay boshlagan, deb yozmoqda Amerika OAV. U 28 banddan iborat va to‘rtta kategoriya, jumladan, xavfsizlik kafolatlarini o‘z ichiga oladi.
O‘zbekistonda endi ekologik qonunchilikni buzganlik uchun moliyaviy jarimalar faqat yuridik shaxslarga nisbatan qo‘llanadi, ularning xodimlariga emas. Yuridik shaxs jarima to‘lagan huquqbuzarliklar uchun xodimlarga nisbatan ma’muriy jazo qo‘llash taqiqlanadi.
Ekologiya vazirligi Vazirlar Mahkamasi tizimidan chiqarilib, uning negizida Ekologiya va iqlim o‘zgarishi milliy qo‘mitasi tashkil etiladi. Uning raisi bir paytda prezidentining ekologiya masalalari bo‘yicha maslahatchisi bo‘ladi.
Joriy yilning yanvar-oktabr oylarida ichimlik va oqova suv tarmoqlariga 4,3 mingdan ortiq noqonuniy ulanish holati aniqlandi. Qonunbuzarliklar ortidan 82 mlrd so‘m zarar yetkazildi, 62 ming iste’molchi tarmoqdan uzildi.