Prezidentlar Shavkat Mirziyoyev va Emomali Rahmon qo‘shma bayonot imzoladi. Hukumatlar esa o‘ndan ortiq hujjat - tovar ayirboshlash va sanoat bo‘yicha dasturlar, turizm, madaniyat va qishloq xo‘jaligi yo‘nalishida “yo‘l xaritalari,” sog‘liqni saqlash va ilmiy hamkorlikka doir kelishuvlarga erishdi.
Toshkent hokimligi Gazeta`ning Amir Temur xiyoboniga xavfsiz yerusti piyodalar o‘tish joylarini tashkil etish bo‘yicha taklifini inobatga olishini bildirdi. Ma’muriyat “shaharsozlikka oid zamonaviy yondashuvlarga mos keladigan piyodalar infratuzilmasini rivojlantirish g‘oyalariga sodiq qoladi”, deya qayd etdi hokimlik.
O‘zbekiston va Tojikiston prezidentlari 10 ta qo‘shma sanoat hamkorligi loyihalari, jumladan, Tojikistonda mebel va charm zavodlarini ochish, shuningdek, Farg‘onada konserva, Surxondaryoda sharbat ishlab chiqarish zavodlarini ishga tushirdi.
Toshkentdagi Ko‘ksaroy qarorgohida Tojikiston prezidenti Emomali Rahmonni tantanali kutib olish marosimi bo‘lib o‘tdi. Shundan so‘ng Shavkat Mirziyoyev va Emomali Rahmon tor doirada muzokara va Oliy davlatlararo kengashning birinchi yig‘ilishini o‘tkazdi.
O‘zbekiston milliy terma jamoasi bosh murabbiyi Fabio Kannavaro jarohat olgan futbolchilar Jahon chempionatigacha tiklana olishi bo‘yicha aniqlik yo‘qligini ta’kidladi. U Eron chempionatida o‘ynagan futbolchilar taqdiri va nimaga Atlanta shahri Jahon chempionati uchun baza sifatida tanlanganiga izoh berdi.
O‘zbekistonda futbol klublarini to‘g‘ridan-to‘g‘ri davlat budjetidan moliyalashtirish modeli joriy etiladi. 2026-yilda jamoalar 560 slrd so‘m - har biri 35 mlrd so‘mdan oladi. Ular uchun ham daromad solig‘i bekor qilinadi, ijtimoiy soliq stavkasi esa 1 foizni tashkil etadi.
2026-yil boshida O‘zbekistonga sayyohlar oqimi uchdan bir baravarga oshdi: ikki oyda mamlakatga qariyb 1,77 mln xorijlik keldi. Bu o‘tgan yilning shu davriga nisbatan 441 ming kishiga ko‘p. Tashriflar soni bo‘yicha Qirg‘iziston, Tojikiston va Qozog‘iston fuqarolari yetakchilik qilmoqda.
JST bo‘yicha vakil Azizbek Urunov tovarlar narxini sun’iy pasaytirib, adolatsiz raqobat qilayotgan tadbirkorlarga nisbatan mas’ul vazirliklar chora ko‘rishi zarurligini qayd etdi. Shuningdek, O‘zbekiston JSTga a’zo bo‘lgach, xufiyona iqtisodiyot kamayishini, mamlakatlar bozorni ochishdan manfaatdor ekanini aytdi.
O‘zbekistonda AES qurilishi Rossiya sanoatiga 2 trln rublgacha (24,7 mlrd dollar) buyurtmalar olib keladi va 1000 ga yaqin ish o‘rni yaratadi, dedi “Rosatom” rahbari Aleksey Lixachyov. Loyiha direksiyasi avvalroq ikkita reaktorli kichik stansiya qiymati 1 mlrd dollardan oshmasligini ta’kidlagan edi.
Toshkentda Angliya huquqi qo‘llaniladigan xalqaro moliya markazi tashkil etiladi, u 2030-yilgacha $25 mlrd investitsiya jalb qilishi mumkin. IT-kompaniyalar uchun raqamli markazni ishga tushirish ham ko‘zda tutilgan.
AQSh prezidenti Donald Tramp O‘zbekiston prezidenti Shavkat Mirziyoyevni Tinchlik kengashining navbatdagi yig‘ilishi va Mayamida o‘tadigan G20 sammitiga taklif etdi.
Ijtimoiy tarmoqlarda Bo‘stonliqda mushuklarning qiynoqqa solingani va o‘ldirilgani aks etgan videolar tarqaldi. Ikki kishi ularni tepgan va miltiqdan o‘q uzgan. IIVga ko‘ra, voqea 2025-yil dekabrda sodir bo‘lgan.
Toshkentda tumanlarni rivojlantirishni rejalashtirishning yangi tizimi joriy etilmoqda. U Yevropa va Osiyo shaharlari tajribasiga asoslanadi. Rejalarni ishlab chiqishda qarorlar real ehtiyojlarga bog‘liq bo‘lishi uchun aholi takliflari, OAV va ijtimoiy tarmoqlardagi muhokamalar inobatga olinishi va’da qilinmoqda.
1-iyundan Maskat-Toshkent yo‘nalishida to‘g‘ridan-to‘g‘ri aviaqatnovlar yo‘lga qo‘yiladi. Bu O‘zbekiston prezidentining O‘monga bo‘lajak tashrifi arafasida ikki mamlakat elchsi tomonidan muhokama qilindi.
Yaponiyaning Osaka shahridagi Etnologiya milliy muzeyida “Ipak yo‘li savdogarlarining aks-sadosi: Samarqand yodgorliklari va Yevroosiyo aloqalari” ko‘rgazmasi ochildi. Unda 200 dan ortiq eksponat namoyish etilyapti.
Ustyurt platosida Ozarbayjonning SOCAR kompaniyasi neft-gaz zaxiralarini o‘zlashtirish loyihalarini amalga oshirmoqda, unda Britaniyaning British Petroleum kompaniyasining ishtiroki ham kutilmoqda. Hukumat uchta yo‘nalish bo‘yicha uzoq muddatli hamkorlikdan manfaatdor bo‘lgan BP bilan muzokaralar olib borgan edi.
AQSh vositachilar orqali Eronga urushni to‘xtatish bo‘yicha 15 banddan iborat rejani taqdim etdi. Tehron esa o‘z talablarini ilgari surdi, ular qatorida Yaqin Sharqdagi AQSh harbiy bazalarini yopish va hujum qilmaslik bo‘yicha kafolatlar berish ham bor.
O‘zbekistonda 2026-yilda kamida bitta tijorat bankida “islom darchasi”ni ishga tushirish, 2030-yilgacha esa ikkita to‘laqonli islom bankini tashkil etish rejalashtirilgan. Markaziy bank rahbariga ko‘ra, 10 dan ortiq banklar allaqachon ushbu yo‘nalishda ishlashga tayyorgarlik ko‘rishni boshlagan.
Shavkat Mirziyoyev Toshkent xalqaro moliya markazi, Enterprise Uzbekistan raqamli habini ochish va islom banki xizmatlarini joriy etish loyihalari bilan tanishdi. 2030-yilgacha moliya markazi 25 milliardgacha mablag‘ jalb qilishi, IT hab esa 300 mingtagacha ish o‘rni va 5 mlrd dollarlik eksportni ta’minlashi mumkin.
O‘zbekiston Davlat xavfsizlik xizmati chegarachilari Amudaryo orqali qayiqda 10,3 kg dan ortiq gashishni olib o‘tishga uringan Afg‘oniston fuqarosini qo‘lga oldi. Holat yuzasidan jinoyat ishi qo‘zg‘atildi.
Ilgari o‘zaro ayblovlar va chegaradagi to‘qnashuvlar bilan cheklanib kelgan Afg‘oniston va Pokiston o‘rtasidagi keskinlik 2026-yilning fevralida ochiq eskalatsiya bosqichiga o‘tdi. Gazeta chegaradagi ziddiyatlardan tortib aviazarbalargacha bo‘lgan mojarolar xronologiyasini jamladi.
Jizzax viloyatida atom elektr stansiyasi maydonida reaktor binosi uchun ilk beton ishlari boshlandi. “O‘zatom” ma’lum qilishicha, taxminan 900 kub metr beton quyish rejalashtirilgan - bu energiya bloki poydevori uchun asos bo‘ladi.
Toshkentda AQShga viza olib berishni va’da qilib, 75 ming dollar olgan shaxs ushlandi. Shuningdek, yana bir holatda Navoiy viloyatida Bolgariyaga ishga jo‘natishni va’da qilgan shaxs 3 ming dollar olgan vaqtida qo‘lga olindi.
Toshkentda AQShga viza olib berishni va’da qilib, 75 ming dollar olgan shaxs ushlandi. Shuningdek, yana bir holatda Navoiy viloyatida Bolgariyaga ishga jo‘natishni va’da qilgan shaxs 3 ming dollar olgan vaqtida qo‘lga olindi.
Yosh vokalist Yasmina Husniddinova Britain’s Got Talent iste’dodlar shousida O‘zbekiston nomidan ishtirok etgan ilk qatnashchi bo‘ldi. U eng murakkab kompozitsiyalardan biri - Never Enough qo‘shig‘ini ijro etib, to‘rtta “ha” javobini oldi.
26-martdan O‘zbekistonning Istanbuldagi Bosh konsulxonasi barcha xizmatlar uchun faqat elektron navbat orqali qabul qilishni boshlaydi. Oldindan ro‘yxatdan o‘tmaganlar qabul qilinmaydi (o‘ta favqulodda holatlar mustasno).
Namangan viloyati Pop tumanida qiymati 150 mln dollar bo‘lgan Arashan Resort turistik majmuasi qurilishi boshlandi. Loyiha Arashan ko‘llari yaqinidagi tog‘ oldi hududida 600 gektar maydonni qamrab oladi va ekoturizm, tog‘-chang‘i infratuzilmasi hamda dam olish zonalariga ega kurort barpo etishni nazarda tutadi.
O‘zbekistonda yangi botanika bog‘lari va dendroparklar kamida 50 mingta daraxtdan iborat yaxlit yashil komplekslar sifatida barpo etiladi. Bunda ular hududida qurilish va attraksionlar taqiqlanadi, obyektlarning o‘zi esa umummilliy ahamiyatga ega maqomga ega bo‘lib, xususiylashtirilmaydi.
Asl Belgisi suv va salqin ichimliklarni raqamli markirovkalash tizimida agregatsiyalashni joriy etish bilan bog‘liq xatarlar yuzasidan tarmoq uyushmasi UzBev’ning murojaatiga javob berdi. U iqtisodiyot shaffofligi tamoyillarini birgalikda himoya qilish va iste’molchilar huquqlarini muhofaza qilishga chaqirdi.
Toshkent va Nurafshon shaharlari o‘rtasida BRT tizimi ishga tushadi. Qiymati qariyb 120 mln dollar bo‘lgan loyiha konsepsiyasi 2028-yil oxirida poytaxtni viloyat bilan bog‘laydigan tezyurar avtobus qatnovlari tizimini ishga tushirishni nazarda tutadi.
Toshkent viloyatining yirik sanoat markazlari - Chirchiq, Ohangaron, Olmaliq, Angren va Bekobod shaharlarida havo ifloslanishini monitoring qiluvchi beshta yangi avtomatik stansiya o‘rnatiladi.
O‘rta Chirchiq tumanida bir oilaning uch a’zosi is gazidan zaharlanib vafot etdi. Xonadonda 79 yoshli ayol, uning nevarasi va 17 yoshli bola bo‘lgan.
Poytaxtning Yunus Rajabiy mahallasi aholisi 2022-yildan beri o‘rnida ofis binosi qurilishi rejalashtirilgan futbol maydonini saqlab qolish uchun kurashyapti. Ular bir necha sud instansiyalaridan o‘tib, g‘alaba qozonganida Bosh prokuratura protest kiritdi. Gazeta aholi va tadbirkorning pozitsiyasini o‘rgandi.
Yangi Toshkentda 32 gektar maydonda turar joy, savdo, madaniyat va ta’lim obyektlarini o‘z ichiga olgan “Buyuk ipak yo‘li” majmuasini yaratish reja qilinmoqda. Majmuaning har bir mahallasi Ipak yo‘lidagi muayyan bir davlatni ifodalaydi.
Yangi Toshkentda 2027-yilda bo‘lib o‘tadigan U-20 Jahon chempionati o‘yinlarini o‘tkazish uchun mo‘ljallangan 55 ming o‘rinli futbol stadioni qurilishi davom etmoqda. Poydevor quyish ishlari 95 foizga bajarilgan, ishlar jadal sur’atda olib borilmoqda. Prezident obyektga borib, jarayonni ko‘zdan kechirdi.
Astronomiya parkidagi ARTepa san’at galereyasida ilk namoyish - taniqli rassom Dilorom Mamedovaning shaxsiy ko‘rgazmasi ochildi. Undan ijodkorning oxirgi besh yilda chizgan 100 ta noyob kartinasi joy olgan.
Tramp AQSh va Eron urushni tugatish bo‘yicha “juda samarali” muzokaralar olib borgani va “bitim tuzish”ni xohlayotganini ma’lum qildi. Tehron bu ma’lumotni rasman rad etdi va Vashington bilan hech qanday muzokaralar olib bormasligini ma’lum qildi.
Shavkat Mirziyoyev va Vladimir Putin telefon orqali muloqot qildi. Unda O‘zbekistonda birinchi AES qurish loyihasi muhokama qilindi. Shuningdek, Yaqin Sharq, Janubiy Osiyo va Ukrainadagi vaziyat yuzasidan fikr almashdi.
Eron Markaziy banki mamlakat tarixidagi eng yirik nominal - 10 mln rialli banknotani muomalaga chiqardi. Qiymati 7 dollardan sal ko‘proq bo‘lgan ushbu kupyura inflyatsiya va aholining naqd pulga bo‘lgan keskin ehtiyoji fonida joriy etilgani ta’kidlandi.
“Manchester Siti” Angliya liga kubogi finalida “Arsenal”ni 2:0 hisobida yutdi. Bu g‘alaba o‘zbekistonlik himoyachi Abduqodir Husanovga “shaharliklar” tarkibidagi ilk kubogini taqdim etdi. U o‘yinda 90 daqiqa harakat qildi.
AQSh sudi Tramp ma’muriyati tomonidan FZT raisi Jerom Pauellga qo‘yilgan ayblovlarni asossiz deb topdi va FZTga yuborilgan chaqiruv qog‘ozlarini to‘xtatib qo‘ydi. Sud xulosasiga ko‘ra, Adliya vazirligi rais Pauellga foiz stavkalarini pasaytirishi yoki lavozimdan ketishi uchun “bosim o‘tkazishga” urinmoqda.
Andijonda Ramazon hayiti tongi odatdagidan barvaqt boshlandi. Shahar bo‘ylab transport harakati vaqtincha cheklanib, asosiy oqim masjidlar tomon yo‘naladi. Bayram namozi, bozorchalardagi gavjumlik va qo‘llariga xina qo‘ygan qizchalar - Gazeta muxbiri hududdagi bayram shukuhini kadrlarga muhrladi.
Navro‘z munosabati bilan Toshkentning ko‘plab joylarida xalq sayillari tashkil etildi. Ayrim ko‘chalar piyodalar harakati uchun moslashtirildi, palov va sumalak tayyorlandi, san’atkorlar chiqishlari namoyish etildi.
O‘zbekiston harbiylari AQShdagi “Eng ilg‘or jangchi-2026” musobaqasida bir nechta rekordni yangiladi. Ular 20 km masofaga marsh yugurish, tungi oriyentirlash va NATO qurollaridan o‘q otish kabi 13 ta shartda AQSh Milliy gvardiyasi bilan kuch sinashib, yakunda musobaqaning maxsus sovriniga sazovor bo‘lishdi.
80 yillik “Zelyoniy” bozor arzon va yashil muhiti bilan mashhur. Ro‘zada ko‘p duo olganini yig‘lab eslagan Madina opa, 20 yildan beri uyiga gaz bormaydigan sutchi xola, sotuvchilarni himoya qiladigan xaridorlar-u Qur’on tilovati ostida pishadigan nonlardan iborat bozor Ramazonni qanday kuzatib qo‘ydi? Reportaj.
2030-yilgacha Toshkentda avtobuslar uchun ustuvorlikka ega yo‘laklar uzunligi 400 km dan oshishi kerak: BRT - 57,5 km, “A” harfli yo‘laklar esa 347 km ni tashkil etadi. Bu yil BRT yo‘laklari Shahrisabz (Shota Rustaveli ko‘chasi davomi), Mirzo Ulug‘bek, Amir Temur, Yangi Sergeli ko‘chalarida paydo bo‘ladi.
Shavkat Mirziyoyev Yakkasaroy tumanidagi Milliy madaniy markazlar paviloniga tashrif buyurdi. Davlat rahbari har bir milliy maskan faoliyati bilan tanishdi va mehmonlari uchun tashkil etilgan badiiy dasturni tomosha qildi.
Human House sakkizinchi yildirki, Navro‘zni katta qozon atrofidagi milliy musiqa va raqslar bilan an’anaviy sumalak party tarzida nishonlab kelmoqda. Bayram asosiy taomini tayyorlashda o‘nlab kishi, jumladan, sayyohlar ham ishtirok etdi.
“Men nechun sevaman O‘zbekistonni”, “O‘zbek tilim”, “Ketmoqdaman”, “Onajon” singari she’rlar muallifi Abdulla Oripovning tavalludiga 21-martda 85 yil to‘ldi. Sana munosabati bilan Gazeta davlat arbobi, O‘zbekiston xalq shoirining asarlari asosida test tayyorladi.
O‘zbekiston prezidenti Navro‘zga bag‘ishlangan tantanali marosimda qatnashib, barchani bayram bilan tabrikladi. Davlat rahbari o‘z nutqida O‘zbekiston xalqiga murojaat qilib, birdamlik, ahillik va bunyodkorlik ruhida yashashga, yoshlarni zamonaviy bilim, til va kasblarni egallashga chaqirdi.
Yevropa Ittifoqi mamlakatlarida kirish/chiqishda yangi ro‘yxatga olish tizimi ishga tushirildi - Entry/Exit System. U blok a’zosi bo‘lmagan mamlakatlarning qisqa muddatga tashrif buyurgan fuqarolari biometrik ma’lumotlarini to‘playdi va xorijga chiqish pasportlaridagi shtamplar o‘rnini bosadi.
Jinoyat ishlari bo‘yicha G‘allaorol tuman sudida Ukrainadagi urushda Rossiya tomonidan qatnashgan 40 yoshli fuqaro 3 yil 1 oyga ozodlikdan mahrum qilindi. U Lugansk va Donetskda Rossiya armiyasi safida xizmat qilgan, so‘ng buni yashirish uchun pasportini yirtib tashlagan va Rossiya fuqaroligini olgan.
O‘zbekistonga 2025-yil 9 oyida 8,6 milliondan ortiq xorijiy sayyoh tashrif buyurgan. Bu 2024-yilning mos davriga nisbatan 12,5 foizga ko‘p. Mamlakatga aprel oyidan boshlab har oyda 1 milliondan ortiq turist kelmoqda.
Qozog‘istonning Olmaota shahrida ota-ona qaramog‘isiz qolgan bolalar O‘zbekistonga olib kelindi. Ulardan ikki nafari yaqinlari bag‘riga qaytariladi, boshqasi esa oilaviy bolalar uyiga joylashtiriladi.
1-oktabrdan Toshkent shahri va Yangiyo‘l tumanida ijtimoiy kartalar orqali amalga oshirilgan xaridlar uchun QQSni avtomatik qaytarish tizimi ishga tushirildi. Avval bu uchun QR-kodni skanerlash talab qilinardi.
UzAuto Motors Damas va Cobalt’ning yangi versiyalari ishlab chiqarilishini ma’lum qildi. Yaqin orada Damas Move yo‘lovchi versiyasi va Damas Max yuk-yo‘lovchi versiyasi mavjud bo‘ladi. Yangilangan Cobalt ilgari mavjud bo‘lmagan 12 ta yangi opsiya bilan jihozlandi.
O‘zbekistonda quriladigan pulli yo‘llarda tezlik 150 km/soatgacha bo‘ladi, dedi Avtomobil yo‘llari qo‘mitasi vakili. Uning aytishicha, pulli yo‘llarda yengil va yuk avtomobillari uchun alohida yo‘laklar ajratiladi.
Oliy ta’lim vazirligi ayrim oliygohlar talabalariga stipendiya to‘lovlari o‘z vaqtida to‘lanmayotgani haqidagi xabarlarga javob berdi: bunga buyruqlarni rasmiylashtirish va plastik kartalar ochish jarayoni kechikkani sabab bo‘lgan.
Isroil Trampning tinchlik rejasi doirasida HAMAS bilan kelishuvni ma’qulladi va u kuchga kirdi. Endi 3 kun ichida barcha isroillik garovga olinganlar ozod qilinishi, Isroil bunga javoban 250 ga yaqin falastinlik mahbusni va G‘azoning hibsga olingan 1700 nafar fuqarosini ozod qilishi kerak.
Markaziy bank qonunchilikka ko‘ra kreditni qaytarish jadvalidagi har qanday o‘zgarishlardan banklarning o‘zi mijozni xabardor qilishi kerakligini eslatdi. Banklarga kredit shartnomalariga iste’molchilar huquqlarini cheklovchi bandlarni kiritish amaliyotiga chek qo‘yish topshirildi.
O‘zbekistonda 1-noyabrdan respublika ijro etuvchi hokimiyat organlarining jami 2141 ta shtati qisqartiriladi. Qo‘mita, agentlik va inspeksiyalarda esa rahbar o‘rinbosarlari soni jami 16 taga qisqartiriladi.
Sentabr oyida O‘zbekistonga 114,4 mln dollarlik 11,5 mingta elektromobil import qilindi, bu qiymat jihatdan o‘tgan yilga nisbatan 7,4 baravar ko‘p. Benzinli mashina olib kelish ham ko‘paya boshladi.
O‘zbekiston va Rossiya prezidentlari telefon orqali muloqot qildi. Suhbat avvalida Shavkat Mirziyoyev Vladimir Putinni tug‘ilgan kuni bilan tabrikladi. Tomonlar strategik sheriklikni rivojlantirish, aloqalarni kengaytirish masalalarini muhokama qildi.
Senat Farg‘ona viloyatida IIB xodimlari tahqirlab, kaltaklagan maktab direktori ishini nazoratga oldi. “Tizimdagi kamchilik va qonunbuzilishlarga qat’iy baho berilishi lozim”, - dedi senator Malika Qodirxonova.
“Yuksalish” harakatiga ko‘ra, shaxsiy ehtiyoj uchun olib kiriladigan tovarlar bo‘yicha bojsiz limitlar fuqarolarga qo‘shimcha xarajat va bozorda raqobatning pasayishiga sabab bo‘lmoqda. Harakat raisi stavkalarni qonun darajasida belgilash, Vazirlar Mahkamasi esa tartiblarni ishlab chiqishi lozimligini ta’kidladi.
Toshkent metrosidagi “Paxtakor”, “Alisher Navoiy” va “Yerusti halqa yo‘li”ning barcha bekatlarida 9-dekabrdan boshlab kassalar yopiladi. Metropoliten ushbu bekatlarda naqd pul bilan amalga oshirilayotgan to‘lov ko‘rsatkichlari past ekanini ma’lum qildi.
Qozog‘istonda 16 yoshgacha bo‘lgan bolalarni ijtimoiy tarmoqlarda ro‘yxatdan o‘tkazishni taqiqlash taklif qilinmoqda (messenjerlar mustasno). Onlayn platformalardan ham mamlakatda o‘z vakolatxonalarini ochishni talab qilishmoqchi.
AQSh hukumati H-1B ishchi vizalari uchun ariza beruvchilarni tekshirishni kuchaytiradi. Ko‘chib o‘tmoqchi bo‘lgan ish izlovchilar va ularning oila a’zolari ham Shtatlardagi “himoyalangan fikr bildirish shakllari” senzurasiga aloqadorligi tekshiriladi. Agar bunday fakt tasdiqlansa, viza berilmaydi.
2027-yilgi Diversity Visa (Green Card) dasturida ishtirok etish uchun ro‘yxatdan o‘tish hali boshlanmadi, deb xabar bermoqda AQSh elchixonasi. Dipmissiya, shuningdek, g‘olib bo‘lish imkoniyatini oshira olishini da’vo qiluvchi shaxs va xizmatlarga ishonmaslikka chaqirdi.
Sergeli va Yangihayot tumanlaridagi 11 ta mahallada soat 18:00 gacha gaz bosimi pasayadi, “So‘g‘diyona” MFYdagi 8 ta ko‘p qavatli uy va 860 ta yerli xonadonda ta’minot to‘xtatiladi.
XVJ missiyasi O‘zbekistonning korrupsiya haqida xabar berganlar himoyasi va davxizmatchilar daromad deklaratsiyasiga oid qonunlarni qabul qilish rejalarini olqishladi. Ikkinchisini 2017-yildan beri qabul qilish rejalashtirilyapti.
Malaysia Airlines aviakompaniyasining 11 yil avval bedarak yo‘qolgan MH370 reysi vayronalarini qidirish 30-dekabr kuni tiklanadi. Uni Amerikaning Ocean Infinity kompaniyasi olib boradi. Qidiruv ishlari samolyot qoldiqlari topilishi ehtimoli yuqori hududga qaratiladi.
Deputatlar davlat budjeti to‘g‘risidagi qonun loyihasini birinchi o‘qishda ma’qulladi. Loyihaga ko‘ra, 2026-yilda O‘zbekiston YAIMning real o‘sish sur’ati 6,6 foizni tashkil etadi. 2026-yilda budjet taqchilligi chegarasi YAIMning 3 foizi, yangi tashqi qarzlar chegarasi 5 mlrd dollar miqdorida belgilangan.
Shavkat Mirziyoyev Jizzax viloyatidagi 110 ming gektar lalmi yer maydoni zaxirada bo‘sh turganini tanqid qildi va ularning ish o‘rinlarini oshirishdagi imkoniyatlarini ko‘rsatib berdi. Mutasaddilarga hududdagi yaylovlardan samarali foydalanish bo‘yicha uch yillik dastur ishlab chiqish topshirildi.
Har yili qish oylarida Hindistonning Dehli shahrini bir qator omillar tufayli yuzaga keladigan zaharli smog qoplaydi. Hokimiyatning ekologik inqirozni yumshatishga urinishlari muvaffaqiyatsiz yakunlanmoqda.