O‘zbekiston 2030-yilgacha sayyohlar oqimini 20 mln kishiga va turizmning iqtisodiyotdagi ulushini 7 foizga yetkazishni reja qilmoqda. Bu prezidentning BMT Turizm bosh kotibi bilan o‘tkazgan uchrashuvida muhokama qilindi.
Adliya vazirligi yangilangan yong‘in xavfsizligi talablarini ro‘yxatdan o‘tkazdi. 28 metrgacha bo‘lgan binolarni pardozlashda faqat yonuvchanlik darajasi past materiallardan foydalanish mumkin. Undan baland binolarda, ta’lim va tibbiyot muassasalarida esa balandligidan qat’iy nazar, ularni qo‘llash taqiqlanadi.
“Tashabbusli budjet”ning 2026-yilgi birinchi mavsumi yakunlariga ko‘ra, 47 ta loyiha qo‘shimcha ravishda g‘olib deb topildi. Ularni moliyalashtirish uchun xalq deputatlari tuman (shahar) kengashlari qarori bilan mahalliy budjetning qo‘shimcha mablag‘lari hisobidan 18,2 mlrd so‘m ajratilgan.
Futbol bo‘yicha O‘zbekiston milliy terma jamoasi FIFA reytingida 2 pog‘ona yuqorilab, 50-o‘ringa chiqdi. Reytingda uzoq muddatdan beri peshqadamlik qilib kelgan Ispaniya o‘rnini Fransiya egalladi.
Samarqandda Tojikiston bilan chegaradagi “Jartepa” postida deklaratsiya qilinmagan va ruxsatnomasi bo‘lmagan Starlink qurilmasi aniqlandi. Qonunchilikka ko‘ra, ushbu qurilmani O‘zbekiston hududiga maxsus ruxsatnomalarsiz olib kirish va foydalanish taqiqlangan. Jinoyat ishi qo‘zg‘atilib, tergov boshlangan.
Prezident Milliy dendrologiya bog‘i tashkil etilishiga start berdi. U barcha faol aholini klublar va jamoat tashkil etish orqali “har bir ko‘cha, har bir uyda” ko‘chatlar ekish odatlarini targ‘ib qilishga chaqirdi va daraxtlarni tanlashda allergologlarning tavsiyalarini hisobga olish muhimligini ta’kidladi.
O‘zbekistonning Singapurdagi elchisi Alisher Qayumov Yangi Zelandiyada o‘rindoshlik asosidagi elchi etib tayinlandi. U Vellington shahrida Yangi Zelandiya general gubernatoriga ishonch yorliqlarini topshirdi.
O‘zbekistonda transport boshqarish huquqini olgan shaxslarga yo‘l harakati qoidalari buzilgani uchun javobgarlik o‘tkazilgani haqida YHXX organlarini xabardor qilish tartibi belgilandi. Bu my.gov.uz yoki idora mobil ilovasi orqali amalga oshiriladi. Xizmat narxi BHMning 10 foizi miqdorida.
Prezident farmoniga ko‘ra, 1-maydan alimentdan qarzdorlarga ayrim turdagi moliya-kredit va davlat xizmatlaridan foydalanish cheklanadi. Shuningdek, sud hujjatlari ijrosini ta’minlashda sun’iy intellekt texnologiyalarini keng qo‘llash va soliq qarzini undirishda yangicha yondashuv joriy etish ko‘zda tutilgan.
O‘zbekistonda endi avtomototransport vositasini ro‘yxatdan o‘tkazish haqidagi guvohnomani (“texpasport”) har 5 yilda almashtirish majburiy bo‘ladi. Avval guvohnoma muddati chegaralanmagan, faqat transport egasi yoki egasining uy manzili o‘zgarsa qayta rasmiylashtirilar edi.
Xorazmda Telegram’da virusli fayllar orqali akkauntlarni buzib, fuqarolar bank kartalaridan 1 mlrd so‘mdan ortiq mablag‘ni o‘g‘irlagan guruh fosh etildi. Shuningdek, ular jabrlanuvchilar nomidan yaqinlariga yozib, pul o‘tkazib olgan. Jinoyat ishi qo‘zg‘atilib, tergov olib borilmoqda.
Toshkent viloyatida biryo‘la to‘rt egizak - ikki qiz, ikki o‘g‘il tug‘ildi. Ular viloyat IIBB JXX Yo‘l harakati xavfsizligi boshqarmasi xodimi Odiljon Abdullayev oilasida dunyoga kelgan. Ona va chaqaloqlarning umumiy ahvoli yaxshi bo‘lib, ular tibbiyot muassasasida xalqaro protokollar asosida parvarishlanmoqda.
Javohir Sindarov hindistonlik Rameshbabu Praggnanandxa ustidan qozongan g‘alabasi haqida fikr bildirdi. Bu natija uni Nomzodlar turniri yetakchilari qatoriga olib chiqdi. U ongli ravishda tavakkal qilganini va raqibining “vaqtiga o‘ynaganini” tan oldi. U Grand Chess Tour elita seriyasiga ham taklif oldi.
Toshkentda Qurilish va uy-joy kommunal xo‘jaligi vazirligi bosh mutaxassisi 1500 dollar pora olayotganda ushlangani aytilmoqda. U Yunusoboddagi uylarni boshqaruv kompaniyasiga o‘tkazib berish evaziga 2200 dollar talab qilgan.
Kongo Demokratik Respublikasi futbol bo‘yicha Jahon chempionati qit’alararo pley off bosqichi finalida Yamayka ustidan g‘alaba g‘ozondi. Shu tariqa u mundialning “K” guruhida Portugaliya, Kolumbiya va O‘zbekiston terma jamoalariga qarshi bahs olib boradigan bo‘ldi. JCHning qolgan ishtirokchilari ham aniq bo‘ldi.
O‘zbekistonda yaqin besh yilga mo‘ljallangan “Toza havo” umummilliy loyihasi ishga tushirilmoqda. Asosiy maqsadlar sanoat va energetika obyektlari, qurilish sohasi hamda transport chiqindilarini kamaytirish, shuningdek, tabiiy chang hosil bo‘lishini nazorat qilishdan iboart.
1-iyundan qurilish maydonlarini havo monitoringi stansiyalari va kameralar bilan jihozlash majburiy bo‘ladi. 12 metrdan baland binolarni qurishda umumiy maydondan kamida 30% ko‘kalamzorlashtirish uchun ajratilishi shart.
Qori bilan kelgan bahor, shaharga kayfiyat ulashgan bayramlar silsilasi - 8-mart, Ramazon hayiti va Navro‘z, shuningdek, oy oxirida O‘zbekiston milliy terma jamoasining FIFA Series turnirida erishgan g‘alabasi. Gazeta mart oyining eng muhim kadrlarini jamladi.
1-apreldan ayrim tovar va xizmatlar uchun naqd pul bilan to‘lash mumkin emas - jumladan, alkogol va tamaki, 25 mln so‘mdan oshiq xaridlar uchun va yonilg‘i shoxobchalarida. Bunda kassada “naqd” tugmasi o‘chadi.
O‘zbekistonlik shaxmatchi Javohir Sindarov Nomzodlar turnirining uchinchi turida hindistonlik Rameshbabu Pragnanandhani mag‘lub etdi. U 3 imkoniyatdan 2,5 ochko jamg‘arib, birinchi o‘rinni Fabiano Karuana bilan bo‘lishib turibdi.
OAVga ko‘ra, Vengriya TIV rahbari Peter Siyyarto rossiyalik hamkasbi Sergey Lavrovga Alisher Usmonovning singlisi Gulbahor Ismoilovani sanksiyalardan chiqarishga va’da bergan. 2025-yilda milliarderning singlisidan cheklovlar olingan.
Tramp va uning yordamchilari Hurmuz bo‘g‘ozini ochtirish mojaroni cho‘zib yuboradi degan xulosaga keldi, deb yozdi Wall Street Journal. AQSh bo‘g‘ozni ochishga Tehronga bosim o‘tkazish orqali erishmoqchi, agar bu muvaffaqiyatsizlikka uchrasa, ittifoqchilardan bu sa’y-harakatlarga bosh bo‘lishni talab qiladi.
Shimoliy Koreya - eng yopiq va qiziq davlatlardan biri. U vaqti bilan shaxsga sig‘inish, yadroviy dastur kabi mavzularda OAV sarlavhalariga chiqib turadi. Gazeta koreyashunos Andrey Lankovning asaridan KXDR pasporti qanday ishlashi, Pxenyanda yashash ruxsatnomasi, hududlararo postlar haqidagi parchani keltiradi.
Toshkent shahri va viloyatida sun’iy yomg‘ir yog‘dirish va sun’iy shamol texnologiyasini bosqichma-bosqich joriy qilish choralari ko‘riladi. Bunda 2027-yil 1-oktabrga qadar namlik past bo‘lgan hududga kerakli asbob-uskunalar o‘rnatiladi.
Andijon viloyatida o‘tkazilgan tezkor tadbirda qalbaki dori vositalari tayyorlovchi 3 ta yashirin laboratoriya aniqlandi. 1,1 mlrd so‘mlik, jami 122 turdagi, 60 ming donadan ortiq tibbiy dori vositalari ashyoviy dalil sifatida olindi.
O‘zbekistonda raqamli markirovka talablarini buzganlik uchun jarimalarni hisoblash mexanizmini qayta ko‘rib chiqish taklif etildi. Amaldagi normaga ko‘ra, ular kompaniya aylanmasiga bog‘langan bo‘lib, 20%gacha yetishi mumkin.
Yanvar-fevral oylarida O‘zbekistonda 37 yil ichida ilk bor aholini ro‘yxatga olish tadbiri o‘tkazildi. Gazeta Milliy statistika qo‘mitasi vakili Jaxongir Qambarov bilan jarayon qanday o‘tgani, qanday qiyinchiliklar kuzatilgani, ma’lumotlar qachon va qanday ochiqlanishi, kelgusidagi rejalar haqida suhbatlashdi.
Chinoz tumanida 21-mart kuni Bo‘zsuv kanaliga tushib ketgan 34 yoshli erkakning jasadi 9 kundan so‘ng topildi. U do‘stlari bilan dam olish vaqtida suvga tushib ketgan. Qidiruv ishlaridan so‘ng jasad kanaldan topildi.
China Eastern Airlines Toshkent va Shanxay o‘rtasida to‘g‘ridan-to‘g‘ri reyslarni yo‘lga qo‘ydi. Parvozlar haftasiga to‘rt marta Airbus A330 samolyotlarida amalga oshiriladi va taxminan 8 soat davom etadi.
Toshkentda yangi sanoat zonalarini tashkil qilishga muddatsiz moratoriy joriy qilinadi, uy-joy va avtomobil xaridlari naqdsiz shaklga o‘tkaziladi, jarima ballarini kamera va radarlar orqali hisoblash boshlanadi - 1-apreldan kuchga kiradigan shu va boshqa qonunchilik o‘zgarishlari Gazeta sharhida.
O‘zbekistonda 30-mart kuni 20 ga yaqin hudud 97,9 tonna chiqindidan tozalandi. Xususan, Parkent tumanida joylashgan Qizil tog‘ hududida jami 1 tonna 754 kg chiqindi bartaraf etildi.
Sergeli tumanida piyodalar o‘tish joyida ona va bolaning hayotini xavf ostiga qo‘ygan avtobus haydovchisi ishdan olindi. Tarmoqlarda tarqalgan videoda haydovchi tezlikni kamaytirmasdan ularni turtib o‘tgani va buyumlari sochilib ketganini ko‘rish mumkin.
O‘zbekiston terma jamoasi o‘z uyida Venesuelani penaltilar seriyasida mag‘lub etib, FIFA Series turnirida g‘olib bo‘ldi. Abduqodir Husanov turnirning eng yaxshi o‘yinchisi deb topildi. Gazeta muxbiri Murod Yusuf ushbu o‘yinning eng qiziqarli lahzalaridan fotoreportajni taqdim etadi.
O‘zbekiston terma jamoasi o‘z uyida Venesuelani penaltilar seriyasida mag‘lub etib, FIFA Series turnirida g‘olib bo‘ldi. Abduqodir Husanov turnirning eng yaxshi o‘yinchisi deb topildi. Gazeta muxbiri Murod Yusuf ushbu o‘yinning eng qiziqarli lahzalaridan fotoreportajni taqdim etadi.
O‘zbekistondagi ichimlik ishlab chiqaruvchilar 1-aprelga belgilangan raqamli markirovkalashning agregatsiya bosqichini keyinga qoldirishni so‘radi. Bu ishlab chiqarishning to‘xtab qolishiga olib kelishi mumkin.
O‘zbekistondagi ichimlik ishlab chiqaruvchilar 1-aprelga belgilangan raqamli markirovkalash tizimining agregatsiya bosqichini keyinga qoldirishni so‘radi. Aytilishicha, bu ishlab chiqarishning to‘xtab qolishiga olib kelishi mumkin.
O‘zbekiston futbolchilari Toshkentda o‘tkazilgan FIFA Series xalqaro turniri g‘olibi bo‘ldi. Finalda Fabio Kannavaro shogirdlari Venesuela ustidan penaltilar seriyasida g‘alaba qozondi.
O‘zbekistonlik shaxmatchi Javohir Sindarov Nomzodlar turnirining ikkinchi turida Mattias Blyubaum bilan durang o‘ynadi. Maksimum 2 ochkodan 1,5 ochko jamg‘argan Sindarov jadvalning yuqori qismida qolmoqda.
Toshkentda birinchi Central Asian Alumni Forum - AQSh ta’lim dasturlari bitiruvchilarining uchrashuvi o‘tdi. Ishtirokchilar, jumladan, davlat mulozimlari xorijdagi tajriba qanday qilib loyiha va biznesga aylanayotgani hamda hamkorlikni rivojlantirayotganini muhokama qildi. Forumda Gazeta muxbiri ham qatnashdi.
Tramp Tehron yaqin vaqt ichida kelishuvga rozi bo‘lmasa va Hurmuz bo‘g‘ozini ochmasa, Eronning barcha energetika infratuzilmasini “to‘liq” yo‘q qilish bilan tahdid qildi. AQSh prezidentining ushbu bayonoti Pentagonning Eronda quruqlikdagi operatsiyalarga tayyorgarlik ko‘rayotgani haqidagi xabarlardan so‘ng yangradi.
Shavkat Mirziyoyev jahonda ro‘y berayotgan voqealar ta’sirida eksport yuk tashishlarida uzilishlar sabab oziq-ovqat mahsulotlarini aviatashuv orqali eksport qilish va tadbirkorlar uchun arzonlashtirilgan tariflarni joriy etish choralarini ko‘rishni topshirdi.
Kobul umumiy suv resurslarini adolatli taqsimlashga chaqirdi va qo‘shni davlatlarning qonuniy huquqlariga rioya qilish niyatida ekanini bildirdi. Afg‘onistonning konstruktiv hamkorlikka tayyorligi bo‘yicha mamlakat suv resurslari va energetika vaziri o‘rinbosari Tashkent Water Week forumida bayonot berdi.
AQShda Donald Tramp ma’muriyatiga qarshi No Kings shiori ostidagi uchinchi ommaviy norozilik namoyishlari bo‘lib o‘tdi. Tramp siyosati, yashash xarajatlari ortishi, Erondagi urush, immigrantlar ustidan nazoratning kuchaytirilishi kabilarga qarshi tashkil etilgan namoyishlarda 8 mln dan ziyod odam ishtirok etdi.
O‘zbekiston Markaziy banki 16 yoshga to‘lmagan shaxslar hisobvaraqlarida mablag‘larning keskin harakati bilan bog‘liq operatsiyalarni gumonli deb baholashni, shuningdek, 30 kun ichida 1,03 mlrd so‘mdan ortiq naqd kirimlar va xavfi yuqori davlatlarga o‘tkazmalar ustidan monitoringni kuchaytirishni taklif etmoqda.
O‘zbekistonda 1-maydan har oyning 10 va 25 sanalarida “Avtomobilsiz kun”, “Avtomobilsiz hafta” aksiyalari o‘tkaziladi. Aksiyalar doirasida davlat fuqarolik xizmatchilarining xizmat avtotransportidan foydalanishi taqiqlanadi.
Elektron hukumat tizimlarining yagona ma’lumotlar markazida konsolidatsiya qilinishi xarajatning 30 foizini tejash imkonini berdi, deya ma’lum qildi O‘zbekiston bosh vaziri Abdulla Aripov. Hukumat rahbari yirik hisoblash klasterini ishga tushirish yakunlanayotganini ta’kidladi.
Namangan viloyatida 53 yoshli maktab o‘qituvchisi 6-sinf o‘quvchisiga nisbatan jinsiy zo‘ravonlik sodir etganlikda gumonlanmoqda. Holat yuzasidan jinoiy ish qo‘zg‘atildi, gumonlanuvchiga qamoq ehtiyot chorasi qo‘llandi. Holat bolalar ombudsmani nazoratiga olindi.
Qarshi shahrida qurilayotgan uyning 10-qavatidan tushgan temir parchasi 12 yoshli qiz o‘limiga sabab bo‘ldi. Ish bo‘yicha qurilish kompaniyasining texnika xavfsizligi muhandisi 1 yilga ozodlikdan mahrum etildi.
Toshkentning Shayxontohur tumanida noqonuniy ko‘chirib o‘tqazilgan 108 ta daraxtdan 107 tasi qurib qolgani aniqlandi. Holat oqibatida tabiatga 881 mln so‘mdan ortiq zarar yetkazilgan, materiallar huquqni muhofaza qiluvchi organlarga yuborilmoqda.
Ohangaron tumanida “Ovjazsoy -Moviy tog‘lar”, Bo‘stonliq tumanida “Piskom” va O‘zbekiston va So‘x tumanlarida “Farg‘ona” milliy tabiat bog‘lari tashkil etiladi. Mingbuloq va Pop adirliklaridagi “Pop” milliy tabiat bog‘i hududini 125,3 ming gektarga kengaytiriladi.
Markaziy bank bozor ishtirokchilari bilan birga BNPL (bo‘lib to‘lash) sohasida faoliyat yurituvchi kompaniyalar uchun axloq kodeksi joriy qilmoqda. Bozor ishtirokchilariga axborotni ochiqlash, “foizsiz” kabi so‘zlardan foydalanmaslik, qo‘shimcha to‘lov miqdorini majburiy ko‘rsatish singari qator talablar qo‘yiladi.
SSV bolalar orasida o‘tkir respirator virusga o‘xshash, ammo ich ketishi va qayt qilish bilan namoyon bo‘ladigan “g‘ayriodatiy” infeksiya tarqalayotganini rad etdi. Vazirlikka ko‘ra, respirator belgilar hammada har xil namoyon bo‘ladi, shuningdek, bir paytda bakterial va virusli infeksiya avj olishi qayd etilmaydi.
Vazirlar Mahkamasi chakana savdo qoidalarini yangiladi. Aksiya yoki chegirma to‘g‘risidagi ma’lumotni uni o‘tkazishdan 10 kun oldin soliq organlariga taqdim etish kerak bo‘ladi. Alkogol, pivo va vino, shuningdek, tamaki mahsulotlari va nikotinli qurilmalar sotuvchilari aksiya va chegirmalar o‘tkaza olmaydi.
Janubiy Koreyada E-9 vizasi asosida ishlayotgan va qonunchilik talablarini buzgan 26 nafar O‘zbekiston fuqarosiga nisbatan jarima qo‘llandi. Mamlakatda 12-dekabrgacha kuchaytirilgan qo‘shma reydlar o‘tkazilmoqda.
O‘zbekistonda transport boshqarish uchun “A” va “B” toifasini olishga avtomaktablarda nazariy bilimlar o‘qish majburiy bo‘lmaydi. Imtihon topshirish o‘zi yetarli bo‘ladi.
Namanganning Chust tumanidagi faoliyati tugatilgan AYQShda 10 tonnali yonilg‘i saqlash sisternasi ko‘chirilayotganda portladi. Oqibatda payvandlovchi ishchi halok bo‘ldi.
25-oktabr - Ichki ishlar organlari xodimlari kuni arafasida prezident Shavkat Mirziyoyev jamoat xavfsizligi va xalq osoyishtaligini ta’minlashga qo‘shgan hissasi uchun qator soha vakillarini orden va medallar bilan taqdirladi.
Moliya bozorining Markaziy bank vositalariga nisbatan sezgirligi pastligicha qolmoqda, shuning uchun regulyator ularni qayta ko‘rib chiqadi, dedi MB raisi Timur Ishmetov. Uning qo‘shimcha qilishicha, monetar siyosatning shaffofligi va prognozliligini oshirish rejalashtirilmoqda.
O‘zbekistonda “sirli mijoz” tadbirlari orqali tibbiy muassasalar va dorixonalar faoliyati baholanadi. Bunday “mijoz” dorixonaga xaridor sifatida tashrif buyurib, uning faoliyatini kuzatadi. Tadbir audio yoki videokuzatuv moslamalaridan yashirin foydalanilgan holda o‘tkazilsagina, haqiqiy hisoblanadi.
O‘zbekistonda 2026-yildan yangi qurilayotgan turar joy majmualari nomlari davlat tilida - o‘zbekcha bo‘lishi talab etiladi. Shuningdek, obyekt pasporti, peshlavha va qurilish maydoni to‘siqlaridagi boshqa yozuvlar davlat tilida bo‘lishi, unga oid reklama va e’lonlarda o‘zbekchadan foydalanish majburiy bo‘ladi.
Dream House Design kompaniyasi Olmazor tumanida shaharsozlik qoidalariga zid tarzda biznes markazi loyihasini ishlab chiqqani uchun litsenziyasidan mahrum bo‘ldi. Xususan, insolyatsiya, binolar orasidagi masofa va qo‘shnilarning roziligi bilan bog‘liq talablar buzilgan, ma’lum qildi Qurilish vazirligi.
OTB O‘zbekiston o‘rta ta’lim maktablarida STEM fanlarini o‘qitishga 100 mln dollar imtiyozli kredit ajratadi. Loyihasi doirasida O‘zbekiston bo‘ylab 200 ta maktabni laboratoriyalar, AKT infratuzilmasi, quyosh energiyasi bilan jihozlash, qizlarni STEM kasblariga o‘qitish targ‘ibot kampaniyalari ko‘zda tutilgan.
Yanvar-sentabr oylarida O‘zbekiston oltin eksportidagi tarixiy maksimumni yangilab, 9,9 mlrd dollarlik oltin sotdi. Sentabr oyining o‘zida 1,5 mlrd dollarlik oltin eksport qilindi. Eksport tarkibida oltinning ulushi 37,1 foizga yetdi.
Suv resurslarini boshqarishda Namangan tajribasi asosida DXSH tizimi joriy etiladi. Jizzaxning Do‘stlik tumanida amalga oshirilayotgan tajriba loyihasi doirasida esa “aqlli” suv hisoblagichlarini o‘rnatish, shuningdek, yiliga 107 mln kub metrgacha yoki 33 foiz suv resurslarini tejash rejalashtirilmoqda.
Xorazm nuqul qadimiy qal’alaru qumtepalar degani emas - uning o‘ziga xos oshxonasi ham bor. U ko‘katlar, ziravorlar va baliqli taomlar ko‘pligi bilan ajralib turadi - Amudaryoning yaqinligi mintaqa didiga ta’sir ko‘rsatgan.
O‘zbekistonda 1 ta kitob o‘qigan va belgilangan tartibda imtihon topshirgan mahkumning jazosini 3 kunga qisqartiriladi. Muddat 1 yilda ko‘pi bilan 30 kungacha qisqartirilishi mumkin.
Ozodlikdan mahrum etishga hukm qilinganlarga ularning ixtiyoriga ko‘ra masofali video uchrashuvlar yoki telefon orqali so‘zlashuvlar huquqi beriladi. Ular mahkumning o‘z shaxsiy mablag‘lari hisobidan to‘lanadi va 15 daqiqa davom etadi.
Uchko‘prik tumanida 14 yoshli qiz bir necha shaxs tomonidan zo‘rlandi. Holat bo‘yicha jinoyat ishi qo‘zg‘atilib, gumonlanuvchilarga nisbatan qamoq ehtiyot chorasi qo‘llangan. Dastlabki tergov harakatlari Farg‘ona viloyati IIB tomonidan olib borilmoqda.
2025-yilda “103” xizmatiga 14,3 millionga yaqin chaqiruv kelib tushdi - bu avvalgi yilga nisbatan 763 mingtaga ko‘p. Murojaatlarning katta qismi shoshilinch holatlar, shuningdek, surunkali kasalliklar bilan bog‘liq bo‘ldi. Eng ko‘p murojaat Toshkentda, eng kami - Navoiyda.
Uzun tumanida ayol va uning 5 oylik chaqalog‘ini tutqunlikda saqlab kelganlarga nisbatan sud hukmi o‘qildi. Ayolning turmush o‘rtog‘i 13 yilga ozodlikdan mahrum qilindi. Qarindoshlarining ikki nafari 9 yilga qamaldi, yana birining ozodligi 5 yilga cheklandi.
So‘nggi bir yilda O‘zbekistonda propan narxi 48% ga oshdi, 2026-yil boshida o‘sish yanada tezlashdi. Hukumat buni import gaz ulushining ortishi (20% dan 90% gacha) va mahalliy gazning aholi ehtiyojlariga yo‘naltirilishi bilan izohladi.
Toshkentda nohaq qamalgan fuqaroga 300 mln so‘m ma’naviy zarar undirilishi belgilandi. U 2011-yilda bojxona qonunchiligini buzish moddasi bilan 8 yilga qamalgan. 5 yildan keyin nohaq qamalgani aniqlanib, ozodlikka chiqarilgan.
Farg‘ona viloyatida 80 ta iPhone 16 telefonini noqonuniy o‘tkazib berish uchun 5000 dollar talab qilgan chegara-bojxona posti rahbari Bojxona qo‘mitasi tizimi va davlat tashkilotlarida mansabdor lavozimlarda ishlash huquqidan mahrum qilinib, 4 yilga qamaldi. U avgustda qo‘lga olingan edi.
Tun davomida Toshkentda o‘ta sovuq tuman kuzatildi, ko‘rinish masofasi 50 metrgacha pasaydi. O‘nlab aviareyslar zaxira aerodromlariga - Urganch, Samarqand, Navoiy, Andijon, Qarshi, Dushanbe, Olmaota, Ostona va O‘sh shaharlariga yo‘naltirildi.
O‘zbekistonning xalqaro zaxiralari 2025-yil yakuniga ko‘ra $25,1 mlrd ga o‘sib, $66,3 mlrd ga (+61%) yetdi. O‘sishning asosiy drayveri jahon bozorlarida oltinning qimmatlashishi bo‘ldi. Valyuta zaxiralari ham ko‘paydi.