Prezident 8 yil davomida qurilgan Islom sivilizatsiyasi markazini ochib berdi. Barcha uchun ochiq bo‘lishi ko‘zda tutilgan ushbu majmua tarkibidan ulkan muzey, noyob qo‘lyozmalar saqlanuvchi Qur’on zali va kutubxona o‘rin olgan.
Kubada to‘liq blekaut sodir bo‘ldi - 10 millionga yaqin aholi chiroqsiz qoldi. AQSh neft blokadasini joriy etgach, yonilg‘i yetkazib berish to‘xtagandi. Buning ortidan mamlakat energetika inqirozini boshdan kechirmoqda.
Toshkentdagi Parkent bozori oldida qayrilib olish joyi tashkil etiladi. 8 ta yo‘lak (jami 16 ta) o‘rniga keng orolcha, avtomobillar uchun 3 tadan yo‘lak, avtobus yo‘laklari va avtoturargohlar paydo bo‘ladi.
Afg‘oniston Pokistonni Kobuldagi giyohvandlikka chalinganlar reabilitatsiya markaziga aviazarba berganlikda aybladi. Hukumatga ko‘ra, kamida 400 kishi halok bo‘lgan, yana 250 kishi jarohat olgan. Pokiston esa kasalxonaga hujum qilinganini rad etib, nishonlar harbiy obyektlar va infratuzilma bo‘lganini bildirdi.
Keniya TIV rahbari Musaliya Mudavadi mamlakat fuqarolari endi Rossiya tomonida Ukraina bilan urushda qatnashish uchun yollanmasligini ma’lum qildi. Vazirning ma’lum qilishicha, u bu to‘g‘risida rossiyalik hamkasbi Sergey Lavrov bilan kelishib olgan.
13-mart kuni Qoraqalpog‘istondagi qozoq milliy-madaniy markazida “Ko‘rishuv kuni” bayrami nishonlandi. Bayram tarixi qishdan omon chiqish, kelishmovchiliklarni unutish, qishda talafot ko‘rgan oilalarga yordam qo‘lini cho‘zish kabi an’analarga bog‘lanadi.
Qonunchilik palatasi deputatlari internet orqali haqorat qilish, shaxsning o‘zi sodir etgan huquqbuzarligini OAV va internetda tarqatish hamda harbiy harakatlarda ishtirok etishni targ‘ib qiluvchi materiallarni joylash uchun javobgarlik belgilash ko‘zda tutilgan qonunni qabul qilib, Senatga yubordi.
Tashkent city hududidagi Park in Mall oilaviy ko‘ngilochar savdo markazida yong‘in sodir bo‘ldi. Hodisa 3-qavatda ta’mirlash ishlari olib borilayotgan joyda yuz bergan. FVBga ko‘ra, bino hali foydalanishga topshirilmagan va yong‘in bolalar o‘yingohida kelib chiqmagan.
Germaniya, Yaponiya, Kanada, Vengriya, shuningdek, Turkiya va Singapur kabi davlatlarda Ramazon qanday o‘tadi? O‘zbekistondagidan nimasi bilan farq qiladi? Vatandan uzoqda bo‘lish odatlar va taomnomaga ta’sir ko‘rsatadimi? Gazeta ushbu savollarga javob topish uchun xorijdagi o‘zbekistonliklar bilan suhbatlashdi.
Toshkent samarasiz transport tizimi tufayli yiliga 343 mln dollar yo‘qotadi, bu esa shahar yalpi hududiy mahsulotining 1,27 foiziga teng. YHTEM yo‘l harakati xavfsizligining pastligi, jamoat transportining rivojlanmagani, transport tengsizligi va ekologik oqibatlarni asosiy muammolar sifatida sanab o‘tdi.
Gazeta`ning aniqlashicha, Temur Malik ko‘chasida tirgak devorining bir qismi qulab tushgan yo‘l o‘tkazgichni Avtomobil yo‘llari qo‘mitasi huzuridagi “O‘zyo‘lkuprik” filiali qurgan. Obyekt rejadan oldinroq foydalanishga topshirilgan.
Qo‘qon aholisi to‘rt kundan buyon gazsiz yashamoqda, ko‘plab tumanlarda esa vaqti-vaqti bilan elektr o‘chmoqda. Gaz yo‘qligi haqida Farg‘ona vodiysining boshqa hududlaridan ham xabarlar kelmoqda. Qo‘qonlik ayol Gazeta`ga sovuq kunlarda odamlar gaz va chiroqsiz qanday kun kechirayotgani haqida so‘zlab berdi.
“O‘zkimyosanoat” “Samarqandkimyo” kimyo zavodining 16,92 foiz ulushini 30 mln dollarga sotib oldi. 2020-yilda korxona investorga “nol” qiymatda majburiyatlar, shu jumladan, 2023-yil 1-iyulgacha yangi majmuani ishga tushirish sharti bilan berilgan, biroq bu amalga oshirilmagan. Qurilish ishlari 34,6% ga bajarildi.
Osiyo kubogida qatnashayotgan O‘zbekiston ayollar terma jamoasi chorak finalda Janubiy Koreyaga 6:0 hisobida mag‘lub bo‘ldi. Jamoa Jahon chempionatining qolgan 2 ta yo‘llanmasi uchun chorak finalda mag‘lub bo‘lgan boshqa jamoalar bilan mini-turnirda ishtirok etadi.
Karmana tumani hokimi Shohrux Boltayev bir guruh o‘qituvchilarni tik oyoqda turg‘izib, ular ishlaydigan maktabda OTMga kirish ko‘rsatkichi pastligi uchun majlis o‘tkazgan. Vazirlik maktabda ta’lim sifati joyida ekanini ta’kidlab, holat o‘rganilayotganini ma’lum qildi.
Feruza Madrahimova Urganch davlat pedagogika institutiga, Rustambek Tojiyev esa Farg‘ona davlat texnika universitetiga rektor etib tayinlandi.
Jizzaxning Zarbdor va Qoraqalpog‘istonning Xo‘jayli tumanlarida hokimlik xodimlari tadbirkorlarga yer maydonini noqonuniy rasmiylashtirib berishni va’da qilib, ulardan pul talab qilgani aniqlandi. Ular aytilgan pulni olayotganda qo‘lga olindi.
O‘zbekistonda 14-mart kuni metan zapravkalar 12:00 dan 16:00 gacha ishlaydi. Farg‘ona vodiysida esa ularning ish vaqti hokimliklar bilan kelishilgan holda, gaz bosimidan kelib chiqib amalga oshiriladi.
Toshkentda yangilanadigan 120 ta avtobus bekatidagi do‘konlarning yarmi noqonuniy qurilgan. Bu haqda endi bekatlar tarmog‘ini rivojlantirish uchun mas’ul bo‘lgan Yo‘l harakatini tashkil etish markazi ma’lum qildi.
Yevropa va O‘zbekiston biznes vakillari hamda xalqaro moliya institutlari O‘zbekistonning 2025-yildagi iqtisodiy o‘sishini muhokama qildi. O‘tgan yilda xorijiy investitsiyalar $43 mlrd ni, YI bilan tovar aylanmasi $6,9 mlrd ni tashkil etdi.
“Katta yettilik” (G7) davlatlari yetakchilari iqtisodiy oqibatlar kuchayib borayotgan bir paytda Donald Trampni Eron bilan urushni imkon qadar tezroq tugatishga chaqirdi. Oq uy rahbari Tehron “taslim bo‘lish arafasida” ekanini aytdi.
Yangihayot tumanida Favqulodda vaziyatlar bo‘limi kichik inspektori korxona hududiga o‘rnatilgan yong‘in xavfsizligi jihozlarini qabul qilish bo‘yicha bayonnoma rasmiylashtirib berish evaziga pul so‘ragan.
Sharqiy Yevropa va MO davlatlaridagi ayollarning deyarli 70 foizi tug‘uruq jarayonida qo‘pol munosabatga duch kelgan. YUNFPA hisobotiga ko‘ra, O‘zbekiston, Qozog‘iston va Qirg‘izistondagi so‘rovnoma ishtirokchilarining uchdan ikki qismi madaniy va ijtimoiy normalar sababli “akusherlik zo‘ravonligi” atamasini bilmaydi.
Prezident bundan buyon murojaatlarni asossiz ravishda quyi tizimlarga ko‘rib chiqish uchun yuborgan tashkilot rahbarlariga keskin chora ko‘rilishini ma’lum qildi. Murojaatlar to‘g‘risidagi qonunchilik talablarini buzganlik uchun jazo ham kuchaytiriladi.
Prezident Shavkat Mirziyoyev aholi murojaatlari bilan ishlash tizimini o‘zgartirishni topshirdi. Endi Xalq qabulxonalari faqat ariza qabul qilmay, hududlardagi muammolarni tahlil qilib, ularning sabablarini aniqlaydigan markazga aylanadi. Yangi tizim Qarshi shahri misolida tushuntirildi.
Azamat Karamatov IT Park Uzbekistan’ning bosh direktori etib tayinlandi. U bungacha IT Park Ventures kompaniyasi bosh direktori lavozimida faoliyat yuritgan.
O‘zbekistonda oziq-ovqat mahsulotlari xavfsizligi ustidan nazoratni yagona qo‘mita orqali amalga oshirish taklif etilmoqda. Yangi tizim fitosanitar, veterinariya va sanitariya nazoratini birlashtirishi mumkin.
O‘zbekistonda o‘tgan yili IIO faoliyatiga doir 148 mingdan ortiq murojaat kelib tushgan bo‘lib, aholi xodimlarning qo‘pol muomalasi va tergov sifatidan norozi. Prezident shikoyatlar ko‘p bo‘lgan hududlarda xodimlarning kasbiy va muomala madaniyatini oshirish bo‘yicha topshiriq berdi.
Yanvarda Sergeli tumanida maktab o‘quvchisi “Junariq” kanaliga tushib ketgan. Bu haqda murojaat qilgan fuqaro so‘rovi bee’tibor qoldirilgan. Holat tarmoqlarda tarqalgandan keyingina ko‘prik qurilgan.
AQSh va Isroilning Eronga qarshi harbiy harakatlari boshlanganidan buyon Yaqin Sharq mamlakatlaridan 32 934 nafar o‘zbeksitonlik qaytarildi. Xususan, Saudiya Arabistonidan evakuatsiya tadbirlari yakunlandi.
O‘zbekistondagi metan zapravkalar ish faoliyatini 14-martdan boshlab bosqichma-bosqich qayta tiklaydi. 13-mart kuni esa metan zapravkalar faqat ijtimoiy soha obyektlariga xizmat ko‘rsatuvchi va jamoat transporti uchun faoliyat yuritadi.
Dam olish kunlari O‘zbekistonning aksariyat hududida yog‘ingarchiliksiz ob-havo bo‘lishi kutilmoqda. Havo kunduzi +14…+17 darajagacha isiydi, kechalari 0…+5 daraja atrofida bo‘ladi.
Xoshimindan Istanbulga yo‘l olgan Turkish Airlines aviakompaniyasining samolyoti bortdagi yo‘lovchilardan birining sog‘lig‘i yomonlashgani sababli Samarqand xalqaro aeroportiga favqulodda qo‘ndi. Fransiya fuqarosi bo‘lgan 67 yoshli yo‘lovchiga tibbiy yordam ko‘rsatildi, shundan so‘ng parvoz davom ettirildi.
Yo‘l o‘tkazgich yangi devorining bir qismi qulab tushgan Temur Malik ko‘chasida transport harakati qisman tiklandi. Hodisa sodir bo‘lgan hududni aylanib o‘tish uchun harakat qarama-qarshi yo‘nalish bo‘ylab tashkil etilgan.
O‘zbekistonda fosfogips chiqindilarini qayta ishlash va sulfat kislotasi ishlab chiqarish loyihasini yo‘lga qo‘yish ko‘zda tutilmoqda. “O‘zkimyosanoat” ma’lumotlariga ko‘ra, “Ammofos-Maksam” korxonasi atrofida 78 mln tonnaga yaqin ushbu turdagi chiqindilar to‘planib qolgan.
Grand Pharm Trade farmatsevtika kompaniyasi asoschisi biznes uchun sharoitlar sezilarli darajada yaxshilanganini va soha tadbirkorlari ishlab chiqarishni kengaytirishga muvaffaq bo‘lganini aytdi. “Hammaning aylanmasi milliard-milliard.
O‘zbekistonda 2025-yilda 153 ta ish bo‘yicha jami 252 nafar hokim yordamchisi korrupsiyaga oid jinoyatlar uchun jinoiy javobgarlikka tortilgan, deb xabar berdi Korrupsiyaga qarshi kurashish agentligi. Jumladan, ularning 37 nafari ozodlikdan mahrum etilgan.
O‘zbekistonning kimyo sanoatida 2026-yilda 2,5 mlrd dollar investitsiya jalb qilish, yettita yangi ishlab chiqarishni yo‘lga qo‘yish va qishloq xo‘jaligi uchun o‘g‘itlar ishlab chiqarish hajmini oshirish rejalashtirilmoqda.
Prezident Afg‘oniston bilan imtiyozli savdo to‘g‘risidagi bitimni tasdiqladi. Ushbu hujjat o‘tgan yilning yozida Toshkent shahrida imzolangandi. Avvalroq so‘nggi besh yil ichida ikki mamlakat o‘rtasidagi savdo aylanmasi 2,5 baravarga oshgani xabar qilingandi.
Centrum Air 4 ta reys orqali Tailand va Maldiv orollaridan Toshkent orqali Yevropa davlatlarining 1279 nafar fuqarosini olib chiqdi. Ular Yaqin Sharq orqali amalga oshiriladigan reyslar bekor qilingani sababli uchib keta olmagandi.
Nyu Yorkda yuz bergan yo‘l-transport hodisasi oqibatida O‘zbekiston fuqarosi Nilufar Komilova halok bo‘ldi. Hodisa Transport departamentiga tegishli yuk avtomobili ishtirokida sodir bo‘lgan.
Prezident og‘ir jinoyatlarni sodir etish maqsadida jinoiy uyushma tuzganlik uchun javobgarlikni belgilash bo‘yicha takliflarni ma’qulladi. Shuningdek, bezorilik uchun jazoni kuchaytirish va jangovar sport turlari bo‘yicha noqonuniy musobaqalarda qatnashganlik uchun ma’muriy javobgarlikni joriy etish belgilandi.
2025-yilda hokim yordamchilari bilan bog‘liq 8 ta korrupsion holat kuzatilgan. “Bunday xabarlar tarmoqlarda keng tarqalgani bois vahima bo‘lgan. Antikorrupsiya agentligi reytingida hokim yordamchilari Top 10 talikka ham kirmaydi”, - deydi vazir o‘rinbosari.
16-mart kuni soat 14:00 dan ipoteka kreditlari bo‘yicha subsidiya olish uchun arizalar qabul qilish boshlanadi. Arizalar Davlat xizmatlari markazlari, myGov ilovasi yoki my. gov. uz portali orqali topshiriladi.
Eron sport vaziri futbol bo‘yicha 2026-yilgi Jahon chempionatida mamlakat terma jamoasi ishtirok etmasligini ma’lum qildi. “Ushbu korrupsiyalashgan rejim rahnamomizni o‘ldirganini hisobga olsak, hech qanday holatda qatnasha olmaymiz”, - dedi u.
Eronning Minob shahridagi maktabga berilgan va kamida 168 kishining o‘limiga sabab bo‘lgan zarbani AQSh amalga oshirgan. Dastlabki tergov natijalariga ko‘ra, AQSh harbiylari nishonni belgilashda eskirgan razvedka ma’lumotlaridan foydalangan: maktab ilgari harbiy bazaning bir qismi bo‘lgandi, deb yozadi NYT.
O‘zbekistonda majburiy ekspertiza faqat qiymati 15 mln dollardan yuqori bo‘lgan loyihalar uchun o‘tkaziladi. Ilgari korporativ buyurtmachilar uchun $5 mln, budjet buyurtmachilari uchun esa taxminan 1,6 mln dollarni tashkil etardi.
Wolt yetkazib berish xizmati 4-mart kuni O‘zbekiston bozorini tark etdi. Gazeta kompaniya bilan hamkorlik qilgan kurerlarning bunga munosabati bilan qiziqdi. “Wolt bizga Yevropa tizimini olib kirgandi, kurerlar qadrlanardi, muammolarga faqat kurerlar aybdor qilib qo‘yilmasdi”, - deya ta’kidlaydi ular.
Toshkentda yo‘l o‘tkazgich devori o‘pirilib tushgan Temur Malik ko‘chasining ma’lum qismi vaqtincha yopildi. Buyuk Ipak yo‘li ko‘chasi bo‘ylab harakatlanish cheklanmaydi, biroq undan Temur Malik ko‘chasiga tushish-chiqish yo‘llari berkiladi.
Prezidentga neft-gaz sohasi holati hamda gaz zaxiralarining 25 foizini boshqarayotgan xususiy va xorijiy kompaniyalar faoliyati haqida axborot berildi. Shavkat Mirziyoyev ularning faoliyati samaradorligini qayta ko‘rib chiqish va O‘zbekistonning maksimal darajada energiya mustaqilligini ta’minlashni topshirdi.
Paxta yig‘im-terimi mavsumida O‘zbekiston bo‘ylab mehnat qonunchiligiga rioya etilishi yuzasidan monitoring olib borildi. 3 nafar mansabdor shaxs mehnatga majburlagani uchun yirik miqdorda jarimaga tortildi.
Germaniya o‘zbekistonlik qurilish, muhandislik va texnika sohasidagi malakali mutaxassislarni ishga taklif qilmoqda. Nomzodlar kamida 2 yillik tajribaga va yo‘nalish bo‘yicha diplomga ega bo‘lishi lozim. Oylik maosh 2050 yevrodan boshlanadi.
25-sentabr kunidan davlat OTMlarining bakalavriat ta’lim yo‘nalishlari vakant o‘rinlariga 2025/2026 o‘quv yili uchun qo‘shimcha qabul boshlandi. Oliy ta’lim vazirligi qo‘shimcha qabul uchun OTMlarning umumiy qabul parametrlari doirasida qolgan vakant o‘rinlari ro‘yxatini e’lon qildi.
Piskent va Bo‘ka tumanlaridagi maktabgacha ta’lim muassasalari tarbiyalanuvchilari zaharlanish alomatlari bilan shifoxonaga yotqizildi. Dastlabki ma’lumotlarga ko‘ra, bolalar sog‘lig‘idagi o‘zgarishlarga sifatsiz kefir sabab bo‘lgan. Hozirda epidemiologik surishtiruv olib borilmoqda.
Slovakiyadagi Volkswagen zavodi avtomobil yig‘ish va bo‘yash kabi yo‘nalishlarda ishlash uchun 40 yoshgacha bo‘lgan o‘zbekistonlik erkaklarni ishga taklif qilmoqda. Ish haqi dastlabki ikki oyda $1274, keyin - $1514. Ish jadvali 3 smena va haftada 5 kundan iborat.
Surxondaryo viloyat Denov tumanida 15 yoshli voyaga yetmagan qizga uylangan erkak va moddiy manfaat evaziga ularga shar’iy nikoh o‘qigan 75 yoshli shaxsga nisbatan jinoyat ishlari qo‘zg‘atildi.
Noyabrdan boshlab prezident huzuridagi Tadbirkorlikni qo‘llab-quvvatlash bo‘yicha jamoatchilik kengashi tarkibida Korporativ etika komissiyasi ish boshlaydi. U kompaniyalarga tavsiyalar beradi, etika kodeksini ishlab chiqadi va korporativ nizolarni sudga murojaat qilmasdan hal qiladi.
Prezident qarori bilan 2026-yil oxirigacha davlat axborot tizimlari yagona raqamli platformasi - OASIS ishlab chiqiladi. Mobil operatorlar, banklar va to‘lov tashkilotlari YAIDXP orqali pulli davlat xizmatlarini ko‘rsatadi.
UMRC SPV kompaniyasi ipoteka obligatsiyalarini chiqarish sohasida “Tartibga solish qumdoni” maxsus huquqiy rejimining ishtirokchisi sifatida ro‘yxatdan o‘tkazildi. Kompaniyaning asosiy faoliyati ipoteka obligatsiyalarini chiqarishdan iborat.
Surxondaryo viloyatida fuqaro 6 yil avval taqiqlangan materialga “layk” bosgani uchun 3 yilga ozodlikdan mahrum qilindi. U 2019-yilda “Odnoklassniki.ru” saytida Abdug‘ani Umarov (Abdulloh domla)ning aqidaparastlik g‘oyalari bor deb topilgan ma’ruzasiga “klass” bosish orqali virtual do‘stlariga tarqatgan.
Ipotekani qayta moliyalashtirish kompaniyasi norasmiy daromadga ega bo‘lgan mijozlarga berilgan ipoteka kreditlarini qayta moliyalashtiradi. Bu rasmiy daromad hujjatlarini taqdim eta olmaydigan, biroq barqaror daromad manbaiga ega bo‘lgan fuqarolar uchun ipoteka kreditidan foydalanish imkoniyatini yaratadi.
Prezident farmoni bilan Yengil sanoatni rivojlantirish agentligining vazifa va vakolatlari belgilandi. Unga ko‘ra, yangi agentlik, xususan, xalqaro brendlarni jalb qilish, standartlarni joriy etish, xorijiy davlatlarda savdo uylarini ochish bilan shug‘ullanadi.
Jamshid Qo‘chqorov kambag‘allikka qarshi kurashish siyosatida Xitoy tajribasiga katta e’tibor berilayotganini ta’kidladi. U, shuningdek, Shavkat Mirziyoyev O‘zbekistonda kambag‘allikni qisqartirish siyosatining asoschisi va muallifi ekanini, bu siyosat xalqaro hamjamiyat tomonidan to‘liq qo‘llab-quvvatlanayotganini aytdi.
Toshkentda mushukka shafqatsiz munosabatda bo‘lgan Xitoy fuqarosi javobgarlikka tortildi. U mushukka qayta-qayta qaynoq suv quygan va uni idishda ushlab, tashqariga chiqishga qo‘ymagan. Erkakka 5 sutka ma’muriy qamoq jazosi tayinlandi.
O‘zbekistonda perinatal markazlar va tug‘ruqxonalarga ona suti bilan boqishni qo‘llab-quvvatlash bo‘yicha sertifikatlar berish qayta tiklanadi. Rejalarga ko‘ra, 230 ta muassasa emizish uchun qulay shart-sharoitlarni ta’minlash uchun sertifikatlashtirishni talab qiladi.
Braziliyaning sobiq prezidenti Jair Bolsonaru 2022-yilgi saylovlardagi mag‘lubiyatdan keyin davlat to‘ntarishiga urinishga bosh-qosh bo‘lgani uchun 27 yillik qamoq jazosini o‘tashni boshladi. Mamlakat Oliy sudi avvalroq hukmni qat’iy deb topgan va apellyatsiyani rad etgandi.
Raqobat qo‘mitasi O‘zbekistonda ustun muzokara kuchiga ega korxonalar ro‘yxatini yangiladi. Bunday kompaniyalar soni 31 tadan 66 tagacha oshdi. Ularning ko‘pchiligi maishiy chiqindilarni olib chiqish sohasida faoliyat yuritadi, shuningdek temiryo‘l kompaniyalari, internet-provayder va sug‘urta tashkiloti ham bor.
O‘zbekistonda sudyalik lavozimlariga nomzodlar dastlab 5 yil muddatga, keyinchalik muddatsiz davrga tayinlanadi. Sudyalarni navbatdagi 10 yillik muddatga tayinlash (saylash) tartibi bekor qilinadi.
Toshkent shahri va unga tutash hududlardagi barcha issiqxonalar tabiiy gaz bilan isitishga o‘tkaziladi, deyiladi prezident farmonida. Energetika vazirligiga bir hafta muddatda bu bo‘yicha shartnomalar tuzish topshirildi.
Buxoro shahridagi ko‘p qavatli uyda er-xotin va ularning 2 nafar voyaga yetmagan qizi is gazidan zaharlanib vafot etdi.
2026-yildan xorijliklarga Saudiya Arabistonining Ar-Riyod, Makka, Madina va Jidda shaharlarida ko‘chmas mulk sotib olishga ruxsat etiladi. Bunda mulkdorning cheklangan ulushi 70 foizdan 90 foizgacha bo‘ladi.
Munosib pedagoglarni aniqlash va rag‘batlantirishga, o‘qituvchilarni kasbiy rivojlantirishga yordam berishi kerak bo‘lgan attestatsiya doimiy noroziliklar va sud jarayonlariga sabab bo‘lyapti. Muammoning ildizi nimada? Uni qanday hal qilish mumkin? Gazeta kolumnisti Komil Jalilovning maqolasi shu haqda.
“Milliy tiklanish” yetakchisi Alisher Qodirov havo ifloslanishini hukumat bilan bog‘lash noto‘g‘ri ekanini aytdi. U “chalg‘ituvchi taxminlar tarqalishiga yo‘l qo‘ymaslikka” chaqirdi. Jurnalist Bahodir Abdullayevning ta’kidlashicha, davlat noxush jarayonlarga ta’sir o‘tkazish imkoniyatiga ega.
Poytaxtdagi 9 ta issiqlik markazining 6 tasida mazut yoqish imkoniyati mavjud. “Ammo bu har doim mazut yoqiladi, degani emas”, - dedi TIM direktori. Unga ko‘ra, mazut faqat gaz bosimi pasayganida yoki anomal sovuqda ishlatiladi.
O‘zbekistonda “Shajara” axborot tizimini yo‘lga qo‘yish rejalashtirilmoqda. U foydalanuvchilarga o‘z shajarasini yaratish, genetik ma’lumotlar asosida uzoq qarindoshlarini izlash imkonini yaratadi. 2030-yilga qadar arxiv fondining raqamlashuv darajasini 60 foizga yetkaziladi.