O‘zbekistonda “Tashabbusli budjet”ning 2026-yil 1-mavsumi uchun ovoz berish jarayoni yakuniga yetdi. Fuqarolar tashabbuslari 10,2 milliondan ortiq ovoz to‘pladi. Maktablar, yo‘llar va boshqa obyektlarni ta’mirlash bo‘yicha 1996 ta loyihaga 3 trln so‘mdan ortiq mablag‘ ajratiladi.
Jangovar san’at ustasi, jangari filmlar yulduzi va g‘ayritabiiy kuch-qudrati haqida yuzlab internet-memlar yaratilgan Chak Norris vafot etdi. Bundan 10 kun avval o‘zining 86 yoshini nishonlayotgan vaqtda u shunday deb yozgandi: “Men qarimayapman. Shunchaki yangi bosqichga o‘tyapman”.
20-mart kuni O‘zbekistonda masjidlar tong sahardan ramazon hayiti namozini ado etish uchun kelgan musulmonlarga to‘ldi. Namoz o‘qib bo‘lingach odamlar yaqinlariga, oila a’zolariga turli shirinliklar, qaymoq, non, hadyalar olib uylari sari otlandi. Gazeta muxbiri Murod Yusuf bu tongni suratlarga muhrladi.
Tez kunda Toshkentning Janubiy vokzalida avtomobillar uchun kirish yo‘li ochiladi. Shu yerning o‘zida qo‘shimcha kutish zali ham qurilmoqda. O‘tgan yozda Shimoliy vokzalda shunday yo‘l ochilgandi. Bundan tashqari, Samarqand vokzalida ham avtomobillar uchun shunday kirish yo‘li tashkil etish ko‘zda tutilgan.
Xalqaro moliya institutlari geosiyosiy beqarorlikka qaramay, rivojlanayotgan iqtisodiyotlar bilan ishlashni qisqartirishni rejalashtirmayapti. Qolaversa, O‘zbekiston o‘tkazayotgan islohotlari tufayli investitsiyalar uchun ustuvor yo‘nalishlardan biriga aylanishi mumkin, deya ta’kidladi YTTB va Jahon banki ekspertlari.
Chet elliklar tomonidan sotib olingan tovarlar uchun QQSni qaytarish punktlari aprel oyidan boshlab O‘zbekistonning barcha xalqaro aeroportlarida ochiladi. Tizim tajriba tariqasida “G‘ishtko‘prik” chegara postida ham ishlay boshlaydi.
Shavkat Mirziyoyev Ramazon hayiti munosabati bilan yo‘llagan tabrigida “jahonning turli hududlaridagi urush va nizolar tezroq tugab, barcha xalqlar tinchlik va barqarorlikda yashashini” tiladi. “Shunday fayz va saodatli kunlarga yetkazgani uchun Yaratganga shukronalar aytamiz”, - dedi u.
World Happiness Report talqini bo‘yicha dunyoning eng baxtli mamlakatlari reytingida O‘zbekiston 147 ta davlat ichida 53-o‘rinni saqlab qoldi. Finlyandiya yana eng baxtli mamlakat deb topildi, Afg‘oniston esa eng baxtsiz davlat sifatida qayd etildi.
27-martdan boshlab Afrosiyob elektropoyezdlari Toshkent - Shahrisabz - Toshkent yo‘nalishida haftasiga 3 kun harakatlana boshlaydi. Qatnovlar haftaning juma, shanba va yakshanba kunlari amalga oshiriladi.
“Bizda sog‘liqni qaqshatish ishlari”, “Turkistonning fig‘oni”, “Bolsheviklar va biz” singari o‘tkir maqolalar muallifi, jurnalist, shoir hamda dramaturg Hoji Muin tavalludiga 19-martda 143 yil to‘ldi.
O‘zbekistonda fuqarolarga rasmiy platforma orqali xorijiy kompaniyalar aksiyalariga sarmoya kiritishga ruxsat berish rejalashtirilmoqda. ILMA ma’lumotlariga ko‘ra, “shubhali platformalar” orqali xorijga qariyb 180 million dollar olib chiqilgan.
Shavkat Mirziyoyev Imom Buxoriy majmuasiga tashrif buyurdi va hadisshunos olim maqbarani ziyorat qildi. Davlat rahbari turizm markazi va masjidda yaratilgan sharoitlarni ko‘zdan kechirdi. Yangi qurilgan masjidda hayit namozini ado etish taklif qilindi.
1-maydan boshlab Toshkent - Xiva yo‘nalishi bo‘yicha Hyundai Rotem tezyurar poyezdini ishga tushirish reja qilinmoqda. Birinchi tarkib allaqachon mamlakatga olib kelingan, yil davomida yana beshtasi keltiriladi, deya ma’lum qildi transport vaziri Ilhom Mahkamov. Istiqbolda yo‘nalishni Nukusgacha uzaytirish ko‘zlangan.
Uzbekistan Airways bir necha darajadagi narxlar va parvoz shartlarini nazarda tutuvchi tariflarni joriy etmoqda. Tariflar bagaj me’yori, chiptalarni qaytarish shartlari, ketish sanasini o‘zgartirish va boshqa xizmat imkoniyatlari bilan farq qiladi.
Navro‘z va Ramazon hayiti arafasida “Toshkent” avtovokzalidan har kuni 70 dan ortiq qo‘shimcha avtobus qatnovlari yo‘lga qo‘yildi. Jarayonlarni nazorat qilish uchun tezkor shtab tashkil etildi. Chiptalarni kassalarda va UzBus ilovasi orqali xarid qilish mumkin.
Toshkent shahrida isitish mavsumi 24-martdan bosqichma-bosqich yakunlanadi. Poytaxt hokimligiga ko‘ra, ushbu qaror “ob-havo sharoitlarini inobatga olgan holda puxta o‘ylab” qabul qilingan. Bayram kunlari shahar xizmatlari kuchaytirilgan tartibda ishlaydi.
Istanbulda 2019-yilda bedarak yo‘qolgan o‘zbekistonlik Hurriyat Tursunboyevani o‘z eri o‘ldirgani aniqlandi, deb yozmoqda turk OAV. Maxsus guruh lyuminol kimyoviy tekshiruvi orqali xonadondagi qon izlarini topgan.
Qirg‘iziston Milliy xavfsizlik davlat qo‘mitasi sobiq rahbari Qamchibek Tashiyev ikkita jinoyat ishi bo‘yicha guvoh sifatida so‘roq qilinmoqda. Boshqa tafsilotlar hozircha noma’lum. Bir oy avval Sadir Japarov Tashiyevni ishdan bo‘shatish qarorini jamiyatdagi bo‘linishning oldini olish istagi bilan izohlagandi.
Go‘sht o‘rniga turshak solingan shavla, nonga navbat, ayollar aytgan Ramazon qo‘shig‘i, hayit bozoridagi tuxum urishtirish va arg‘imchoq uchishlar, sovetcha taqiqlar. Bular bundan yarim asr avval O‘zbekistondagi Ramazonning ajralmas qismi edi.
Ramazon dasturxonining ko‘rki bo‘lgan nisholda qanday tayyorlanadi? Uning tarkibidagi bix nima? Gazeta muxbiri marg‘ilonlik nisholdachi Anvarjon Ismoilov xonadonida bo‘lib, shirinlikning shifobaxsh retsepti, sifatli mahsulotni tayyorlash va tanlash sirlari haqida reportaj tayyorladi.
2026-yilda davlat va jamoat arbobi Qallibek Kamalov tavalludining 100 yilligi keng nishonlanadi. Prezident farmoni bilan tashkiliy qo‘mita tuzilib, Nukusda ilmiy konferensiya, xotira tadbirlari o‘tkazish, hujjatli film va kitob-albom tayyorlash belgilandi.
O‘zbekiston ayollar milliy terma jamoasi Osiyo kubogi doirasida JCH to‘g‘ridan-to‘g‘ri yo‘llanmasi uchun o‘tkazilgan pley-off o‘yinida Filippinga 2:0 hisobida mag‘lub bo‘ldi. Jamoa endi qit’alararo pley-off turnirida qatnashadi.
Bangkokda avtobus ishtirokidagi YTHda O‘zbekiston fuqarosi halok bo‘ldi. Yana uch nafar o‘zbekistonlik jarohat olgan va tibbiy yordamdan so‘ng uyiga javob berilgan. TIV holatni nazoratga olgan, marhum jasadini vatanga olib kelish choralari ko‘rilmoqda.
23-martdan boshlab Toshkentdagi “Mashinasozlar” metrosi va Chorvoq shaharchasi o‘rtasida qatnaydigan avtobuslar harakati yo‘lga qo‘yiladi. Yo‘nalishda qatnov vaqti 1 soat 30 daqiqani, yo‘l kira narxi 25 ming so‘mni tashkil etadi.
Poytaxt Parking Toshkent hokimiyati bilan asfaltlangan joylarda yashil hududlarni tiklash loyihasini boshladi. Buxoro ko‘chasidagi shunday uchastkada sobiq emanlar o‘rniga yangilari ekildi, ularning yoniga manzarali butalar o‘tqazildi.
Fatvo markazi Ramazon oyi nima uchun ba’zida 29 kundan iborat bo‘lishini tushuntirdi. “Ramazon oyi davomiyligi falakiy hodisalarga bog‘liq bo‘lib, uning 29 yoki 30 kun bo‘lishi - tabiiy holat. Oyning 29 kun bo‘lishi banda oladigan savobga ta’sir qilmaydi”, - deyiladi xabarda.
O‘zbekistonda o‘quvchilarning bahorgi ta’tili 20-martda boshlanib, 28-martgacha davom etadi, deb xabar bermoqda Maktabgacha va maktab ta’limi vazirligi. 20 va 28-martdagi o‘quv mashg‘ulotlari 4-chorak hisobiga tig‘izlashtirilgan holda qo‘shib yuboriladi. 4-chorak 30-martga to‘g‘ri kelmoqda.
Shavkat Mirziyoyev Samarqandga tashrifida qiymati qariyb 7 mlrd dollar bo‘lgan 106 ta loyihani ishga tushirish va qurilishini boshlashga start berdi. Loyihalar doirasida 18 mingta yangi ish o‘rni yaratilishi, 13 trln so‘mlik mahsulot ishlab chiqarilishi va 700 mln dollarli eksport salohiyati shakllanishi kutilmoqda.
Donald Tramp AQShning NATO bo‘yicha ittifoqchilarining aksariyati Hurmuz bo‘g‘ozini blokirovkadan chiqarish uchun Eronga qarshi urushga qo‘shilishdan bosh tortganini ma’lum qildi. Shu bilan birga, u Vashington hech kimning yordamiga muhtoj emasligini ham ta’kidladi.
Yaqin Sharqdagi urush ko‘lamining kengayib borishi va mintaqaning global neft bozoridagi o‘rni hisobga olinsa, bu urushning badali og‘ir bo‘lishi aniq. Urushning global iqtisodiyotga ta’siri, avvalo, uning qancha davom etishiga bog‘liq.
Toshkent shahrining Mirzo Ulug‘bek tumanidagi Buyuk ipak yo‘li ko‘chasida 24/7 rejimida ishlovchi turizm ko‘chasini tashkil etish rejalashtirilmoqda. Poytaxt hokimining bu haqdagi qarori ochiq e’lon qilinmagan.
Prezident O‘zbekiston, jumladan, Samarqandda turizmni rivojlantirish bo‘yicha vazifalar belgiladi. Xususan, aviakompaniyalarga olib kelingan har bir xorijiy sayyoh uchun 100 dollardan, turoperatorlarga esa 3 oy davomida jalb qilingan 1000 xorijiy turist uchun 5000 dollargacha subsidiya beriladi.
Prezident qarori bilan O‘zbekistonda Ramazon hayiti 20-mart kuni nishonlanadi. Joylarda Ramazon hayiti Navro‘z bayramiga uyg‘un holda madaniy-ma’rifiy hamda xayriya tadbirlar tashkil etiladi.
21−27-mart kunlari O‘zbekistonning barcha davlat teatrlarida ochiq eshiklar haftaligi bo‘lib o‘tadi. Dasturdan spektakllar, jumladan, premeralar va konsertlar o‘rin olgan. Barcha namoyishlar bepul, kirish uchun teatr kassalaridan taklifnoma olish talab etiladi.
Ramazon oyida masjidlarga odam qadami ko‘proq yetadi. Bu pallada taroveh namozi uchun tayyorgarlik, masjid hovlisi va tahoratxonalarni tozalash kabi ishlarda yuklama oshadi. Gazeta Farg‘ona tumani Avval shaharchasidagi masjid farroshi Avazbek Ismoilovning bir kunini tasvirlarga muhrladi.
Toshkentning barcha tumanlarida 30-martdan 13-maygacha rejali profilaktika-ta’mirlash ishlari o‘tkazilishi sababli ichimlik suvi navbatma-navbat vaqtincha o‘chiriladi. Hududlarga maxsus texnikalarda suv yetkazib beriladi. Ro‘yxat.
1-apreldan O‘zbekistonda uy-joy va avtomobil bilan bog‘liq bitimlar uchun eskrou hisobvaraqlar joriy etiladi. Markaziy bank komissiyalarning eng yuqori miqdorini belgiladi: ko‘chmas mulk uchun 206 ming so‘mgacha, transportga 103 ming so‘mgacha.
Buxoroda bir talaba qizni Turkiyaga shahvoniy ekspluatatsiya qilish maqsadida olib chiqmoqchi bo‘lgan jinoiy guruh ushlandi. Ular aeroportda qo‘lga olingan. Guruh a’zolariga nisbatan odam savdosi moddasi bilan jinoyat ishi qo‘zg‘atilib, tergov olib borilmoqda.
Prezident Shavkat Mirziyoyev O‘zbekistonga olib kelinishi rejalashtirilgan oltita poyezdning birinchisi - yangi Hyundai Rotem tezyurar poyezdida Samarqand viloyatining Narpay tumaniga yetib keldi.
Toshkent shahri hokimi Shavkat Umurzoqov shanba kuni “Men ham ko‘chat ekaman” tashabbusi doirasida daraxt ekish jarayonidan so‘ng Gazeta jurnalistiga intervyu berdi. Unda u mazkur loyiha hamda poytaxt ekologiyasini yaxshilash borasida amalga oshirilishi rejalashtirishgan boshqa ishlar haqida gapirdi.
Ramazon hayiti munosabati bilan O‘zbekiston Afg‘onistonga 290 tonnadan ziyod bo‘lgan insonparvarlik yordami yubordi. Yuk un, guruch, bug‘doy, o‘simlik yog‘i, tez tayyorlanadigan oziq-ovqat mahsulotlari, makaron, qandolat va boshqa turdagi mahsulotlardan iborat.
Shavkat Mirziyoyev Samarqandda elektrobuslar va quvvatlash stansiyasi bilan tanishdi. Shaharga 100 ta elektrobus keltirilgan, yana 250 tasini xarid qilish rejalashtirilmoqda. Buning uchun YeTTBdan 120 mln dollar jalb etiladi.
Shavkat Mirziyoyev Islom sivilizatsiyasi markazining ochilishida Qur’on zali loyihasi haqida gapirdi. “Bu loyihani hech kim chizmadi - yurak chizdi, mehr chizdi, armonlar chizdi”, - dedi prezident. Davlat rahbari markaz O‘zbekiston xalqiga ko‘p xizmat qilishini tilab, duo qildi.
Shavkat Mirziyoyev Samarqandda sobiq harbiy gospital o‘rnida tashkil etilgan Yoshlar kreativ parki bilan tanishdi. 70 mlrd so‘mga qurilgan maskanda IT va nemis tili imtihon markazi, ekomuzey va sport zallari bor.
Shavkat Mirziyoyev Islom sivilizatsiyasi markazining rasmiy ochilishi va iftorlikda ishtirok etib, nutq so‘zladi. “Bu maskan bilan tanishgan har bir odam, ayniqsa, yoshlarimiz islom dinining gumanistik mohiyatini anglab yetadi, qanday ulug‘ meros egasi ekanini his etib, qalbi iftixorga to‘ladi”, - dedi prezident.
19-martdan boshlab Farg‘ona vodiysi viloyatlaridagi metan zapravkalar ham uzluksiz ishlay boshlaydi. Boshqa hududlardagi AGTKSHlar faoliyati 17-martdan to‘liq tiklanishi aytilgandi.
Toshkentda ijaraga olingan uylarni soxta hujjatlar orqali sotib kelgan guruh ushlandi. Ular 95 kv metr xonadonni 110 ming dollarga sotishga uringan vaqtda qo‘lga olindi. Guruh a’zolariga nisbatan firibgarlik moddasi bilan jinoyat ishi qo‘zg‘atilib, qamoqqa olindi.
1-apreldan O‘zbekistonda uy-joy va avtomobil xarid qilishda hisob-kitoblar tartibi o‘zgaradi. Prezident farmoniga ko‘ra, bunday bitimlar naqdsiz shaklga o‘tkaziladi. Mablag‘lar eskrou hisobvaraqlarida saqlanib, bitim notarial tartibda rasmiylashtirilgandan keyingina sotuvchiga o‘tkaziladi.
O‘zbekiston-Qozog‘iston chegarasidagi “Yallama” bojxona postida avtotransportlar uchun elektron navbat tizimi sinov tariqasida ishga tushirildi. “E-navbat” ilovasi orqali haydovchilar oldindan navbat olishi va postdagi navbat haqida onlayn ma’lumot olishi mumkin. Tizim tirbandlikni kamaytirishga xizmat qiladi.
Toshkentning Bektemir tumanida “yashil belbog‘” loyihasi doirasida 4,2 gektarga 2 mingga yaqin shumtol, qarag‘ay, zarang kabilar ekildi. Hokim bo‘sh yerni sotib yuborish ham mumkin bo‘lgani, ammo u yerda yashil hudud yaratishga qaror qilinganini aytdi. Gazeta fotoreportaji.
AQSh hukumati hamrohi bo‘lmagan o‘smir muhojirlar o‘z mamlakatlariga ixtiyoriy ravishda qaytsa, ularga 2500 dollar to‘lashni rejalashtirmoqda.
6-oktabrga o‘tar kechasi Toshkentda zilzila vaqtida Moskva - Toshkent yo‘nalishida parvoz qilgan “Aeroflot” samolyoti dispetcher ko‘rsatmasi bilan ikkinchi aylanishga ketdi. Uzbekistan Airports ma’lumotlariga ko‘ra, bu standart xavfsizlik chorasidir: yo‘lak holati tekshirilgandan so‘ng samolyot muvaffaqiyatli qo‘ndi.
O‘zbekistonda joriy hafta oktabr boshlariga xos ob-havo ta’siri ostida quruq o‘tishi kutilmoqda. Dam olish kunlariga borib esa havo haroratining keskin ko‘tarilishi, janubiy viloyatlarda hatto +35 darajagacha issiq bo‘lishi prognoz qilinyapti.
O‘zbekistonda 2025-yilning oktabri mamlakatning katta qismida ko‘p yillik iqlimiy me’yordan sovuqroq va quruqroq, xususan, janubiy va vodiy viloyatlarida so‘nggi 30 yildagi oktabrlarga o‘xshash, shimolda esa sovuqroq o‘tishi kutilmoqda.
Markaziy bank TBC Bank, Davr Bank va Hamkorbank`ning iste’molchilar huquqlarini buzganini aniqladi. Banklar 2,5 mlrd so‘m jarimaga tortildi. Shuningdek, ularga noqonuniy ushlab qolingan 28 mlrd so‘mdan ortiq foizlar, komissiya va to‘lovlarni qaytarish vazifasi yuklatildi.
Hukumat qarori bilan “Kambag‘al oilalar reyestri”ga kiritilgan oilalarga kreditlar ajratish tartibi tasdiqlandi. Kreditlar noutbuk, tadbirkorlikni boshlash uchun kichik ishlab chiqarish uskunalari hamda ko‘chma do‘kon, motoroller, skuter kabi boshqa asosiy vositalarni sotib olish uchun ajratiladi.
Xalq deputatlari Toshkent shahri kengashi mavsumiy gul ko‘chatlarini ekish ishlari bilan bog‘liq xarajatlar uchun 10 mlrd so‘m ajratdi. Bunda mablag‘ning 1,82 milliard so‘mi turli obodonlashtirish boshqarmalariga, 8,18 milliard so‘m esa tuman kesimida taqsimlandi.
Bolalarning ommaviy zaharlanishi yuz bergan Toshkent viloyatidagi bog‘chalar 2-oktabrdan qayta ish boshlaydi. MMTV ulardagi autsorsing xizmatlari bo‘yicha nazorat kuchaytirilishi, kamchiliklar aniqlansa, shartnomalar qayta ko‘rib chiqilishi yo bekor qilinishini bildirdi.
O‘zbekistonda YTHlarda halok bo‘layotgan bolalar soni, ular qanday sharoitda, qaysi sabablar bilan o‘lgani bo‘yicha batafsil ma’lumotlarni qidirib topish mushkul. Lekin bu YTHlar bo‘yicha ma’lumotlar hech qanday kesimsiz, faqat umumiy e’lon qilinishini anglatmaydi. Ba’zida qiziq istisnolar ham bo‘lib turar ekan.
O‘zbekistonda tuman va shahar hokimi o‘rinbosarlari sonini hozirgi 6 dan 4 nafargacha qisqartirish rejalashtirilmoqda. Bu hokimliklar faoliyatini takomillashtirishga doir prezident farmoni loyihasida ko‘zda tutilgan.
Toshkentda Yosh arxitektorlar uyushmasi Shaharsoz mukofoti doirasida arxitektura va dizayn yo‘nalishi talabalari uchun tashkil etgan birinchi kviz bo‘lib o‘tdi. Viktorinada 70 nafar talaba ishtirok etib, arxitektura, shaharsozlik va qurilishga oid savollarga javob berdi.
Avgust oyida O‘zbekistonda 3,53 mlrd kub metr - o‘tgan yilgidan 6,6% kam gaz qazib olindi. Bahordagi qisqa muddatli barqarorlashuvdan keyin ketma-ket uchinchi oy tushish kuzatilmoqda. Oy davomida neft, benzin va ko‘mir ishlab chiqarish ham qisqardi, elektr energiyasi esa o‘sdi.
O‘zbekistonda “Yashil makon” dasturi doirasida bahorda ekilgan 137 mln tup daraxt va butalarning 27,5 mln tasi (20 foiz) qurib qolgan. Sabablar qatorida jaziramaning erta boshlanishi aytilmoqda. Prezident kuzgi ekinlarni ko‘paytirish, hisobotlarda qo‘shib yozishni bekor qilish bo‘yicha topshiriq berdi.
29-sentabr holatiga ko‘ra Toshkent viloyatida shifoxonalarda davolanayotgan bolalar soni 38 nafarni tashkil etmoqda. Nurmat Otabekovning so‘zlariga ko‘ra, yaqin kunlarda qolgan bolalarga ham uylariga javob berilishi kutilmoqda.
Avgust holatiga ko‘ra, O‘zbekiston aholisining ichimlik va oqova suv xizmatlaridan qarzdorligi 762,4 mlrd so‘mga yetgan. “O‘zsuvta’minot” 8 oyda 103,3 ming qarzdor iste’molchi ustidan sudlarga da’vo kiritdi. 53,5 ming jismoniy va yuridik iste’molchi tarmoqdan uzildi.
O‘zbekistonda o‘tgan 11 oyda so‘m dollarga nisbatan 7,9 foizga mustahkamlandi. MB buni valyuta oqimlarining sezilarli oshishi bilan izohlamoqda. So‘mning mustahkamlanishi inflyatsion kutilmalarning pasayishi, tashqi qarzga xizmat ko‘rsatish xarajatlarining qisqarishi, dollarlashuvning pasayishiga xizmat qildi.
O‘zbekistonda qurilishi boshlangan ko‘p kvartirali uy-joylarga qo‘shimcha qavat qo‘shish, balandligini oshirish uchun shaharsozlik hujjatlarini ishlab chiqish, tegishli arxitektura-shaharsozlik kengashlari tomonidan ko‘rib chiqish, ekspertizadan va qayta ro‘yxatdan o‘tkazish taqiqlanadi.
Qozog‘iston TIV Ukrainaning Novorossiysk yaqinidagi Kaspiy quvurlari konsorsiumi terminaliga hujumi munosabati bilan norozilik bildirdi, u orqali Qozog‘iston nefti eksportining qariyb 80 foizi o‘tadi.
O‘zbekistonda elektron sigaretalar importi va muomalasi uchun ma’muriy hamda jinoiy javobgarlik belgilanadi. Og‘irlashtiruvchi holatlarda ayblanuvchi 12 yilgacha ozodlikdan mahrum qilinadi.
Nikohni rasmiylashtirishda tibbiy ma’lumotnoma ko‘rsatish talabi bekor qilinadi, seysmologik onlayn platforma ishga tushadi, iste’molchi murojaatlarini ko‘rib chiqishda yangi tizim joriy etiladi, ekologiya ma’lumotlari ochiq bo‘ladi - 1-dekabrdan kuchga kiradigan shu va boshqa qonunchilik o‘zgarishlari Gazeta sharhida.
Toshkent davlat yuridik universitetida fakultet dekanlari va departament boshliqlarini saylash amaliyoti joriy etiladi. Universitet katta kurs talabalarini davlat tashkilotlari, notariat va advokatlik tuzilmalariga ish yurituvchi, yuriskonsult yordamchisi sifatida ishga qabul qilishga ruxsat etiladi.
O‘zbek-fransuz universiteti 2026−2027 o‘quv yilidan talabalarni qabul qila boshlaydi. Universitetni tashkil etish bo‘yicha kelishuvga shu yilning bahorida Parijda erishilgandi. Fransiya tomonidan to‘rtta universitetdan iborat konsorsium ishtirok etadi.
XVJ O‘zbekistonga oltin narxi oshishidan tushayotgan qo‘shimcha daromadlarni ehtiyotkorlik bilan boshqarishni tavsiya qildi. Jamg‘arma davlat xarajatlarini tezkor oshirish inflyatsiya va ayirboshlash kursining barqarorligiga xavf solishi mumkinligini qayd etdi.
O‘zbekistonda endi aliment to‘lashi shart bo‘lgan shaxslar sug‘urta polisini ilova qilgan holda iltimosnoma bilan murojaat qilganda, davlat ijrochisi ularning chet davlatga chiqishi bo‘yicha vaqtinchalik cheklovni to‘xtatib turadi.
O‘zbekistonda O‘zbek-fransuz universitetini tashkil etish bo‘yicha prezident qarori qabul qilindi. Yangi oliygoh ikki davlat vazirliklari tomonidan muassislik asosida faoliyat ko‘rsatadi, Fransiya universitetlari konsorsiumi ta’lim jarayonini shakllantirishda ishtirok etadi.