29-mart kuni jurnalist, shoir, sobiq deputat Karim Bahriyev vafot etdi. Gazeta uning 1991-yil 7-iyun kuni chop etilgan demokratik islohotlar va inson huquqlari borasidagi “Uyg‘onish mashaqqati” maqolasini qayta e’lon qiladi.
O‘zbekistonda joriy ish haftasida harorat +30 darajagacha ko‘tariladi, biroq aksariyat hududlarda momaqaldiroqli yomg‘irlar va kuchli shamol kutilmoqda. Tog‘li hududlarda sel kelishi xavfi bor. Poytaxtda esa hafta o‘rtasida havo ochiq bo‘lib, harorat +29 darajagacha issiq bo‘lishi prognoz qilinmoqda.
O‘zbekiston-Afg‘oniston ishbilarmonlar kengashi tashkil etildi. Qurilish materiallari, farmatsevtika, oziq-ovqat, to‘qimachilik, elektrotexnika kabi tarmoqlar qamrab olinadi. Tomonlar savdo-iqtisodiy hamkorlikni kengaytirish va o‘zaro savdo hajmini 5 mlrd dollarga yetkazish bo‘yicha chora-tadbirlarni kelishib oldi.
Jurnalist, tarjimon va sobiq deputat Karim Bahriyev vafot etdi. Gazeta marhumning hamkasblari - Abdusaid Ko‘chimov, Ismat Xushev, Abdurahmon Tashanov, Paxlavon Sodiq va boshqalardan o‘z xotiralari bilan bo‘lishishni so‘radi.
Kredit-axborot tahliliy markazi yangi “Kredit xabarnoma” xizmatini ishga tushirdi. U orqali fuqarolar o‘z nomiga rasmiylashtirilgan kreditlar haqida SMS va push-xabarnoma orqali darhol ma’lumot oladi.
O‘zbekistonda hafta davomida +30 darajagacha issiq va nam havo kuzatilishi kutilmoqda. Shimolda anomal issiqlik, boshqa hududlarda esa qisqa muddatli jala va chaqmoqlar bo‘lishi mumkin. Dim havo va harorat o‘zgarishining salomatlikka ta’sir qilish ehtimoli bor.
O‘zbekiston bosh vaziri Abdulla Aripov mamlakatda 2026-yilda sun’iy yo‘ldosh interneti sinov tariqasida ishga tushishini bildirdi. Hukumat rahbarining ma’lum qilishicha, uning operatorlari uchun soliq imtiyozlari paketi shakllantirilgan.
O‘zbekistonlik shaxmatchi Javohir Sindarov Nomzodlar turniridagi ilk partiya davomida mag‘lubiyatga uchrashini kutganini tan oldi. “Debyut juda yomon bo‘ldi… go‘yo shunchaki „uxlayotgandek“ va yomon o‘ynayotgandek edim”, - dedi u raqibining xatosidan so‘ng erishgan g‘alabasi haqida gapirib.
O‘zbekistonlik shaxmatchi Javohir Sindarov Nomzodlar turniridagi ilk partiyasida rossiyalik Andrey Yesipenkoni mag‘lub etdi. Murakkab vaziyatga tushib qolsa-da, u vaziyatni o‘z foydasiga o‘zgartirib, g‘alaba qozondi.
Markaziy bank turli banklar mijozlarining hisobvaraqlari o‘rtasida to‘g‘ridan-to‘g‘ri o‘tkazmalarni ta’minlovchi Account-to-Account (A-A) servisi ishga tushirilganini ma’lum qildi. Odatiy P2P o‘tkazmalaridan farqli o‘laroq, operatsiyalar kartaga bog‘lanmagan holda amalga oshiriladi.
Taniqli jurnalist, yozuvchi va tarjimon Karim Bahriyev 63 yoshida vafot etdi. U qator gazeta va jurnallarda, xususan, “Hurriyat”ning bosh muharriri sifatida tanilgan, “So‘z erkinligi haqida so‘z”, “Haqiqat talabgorimiz” kabi kitoblar yozgan, “1984” va “Molhona” asarlarini tarjima qilgan.
Toshkent shahrining Olmazor tumanida tunda poyga uyushtirgan va fuqarolarning hayotini xavfga qo‘ygan ikki yigit 10 sutkaga qamaldi. Mashinalar jarima maydoniga qo‘yildi.
Dilshod Quryozov yangi tashkil etilgan Telekommunikatsiyalarni tartibga solish agentligi direktori bo‘ldi. U bungacha Vazirlar Mahkamasida Sun’iy intellektni rivojlantirish departamenti rahbari o‘rinbosari bo‘lgan.
AQSh va Isroilning Eronga urush ochishi neft va gaz narxini keskin ko‘tardi. Jarayon Hurmuz bo‘g‘ozi bloklanishi va jahon eksportining 20 foizigacha bo‘lgan qismida uzilishlar yuzaga kelishiga sabab bo‘ldi.
Yirik miqdorda firibgarlik sodir etib, Interpol qidiruvida bo‘lgan o‘zbekistolik ikki erkak (40 va 38 yoshda) Turkiyada qo‘lga olindi. Ular O‘zbekiston IIVga topshirilib, javobgarlikka tortilishi uchun mamlakatga ekstraditsiya qilindi.
1-apreldan O‘zbekistonda uy-joy va avtomobil xarid qilishda to‘lov eskrou hisobvaraqlar orqali o‘tkaziladi. Rasmiylarga ko‘ra, bu bitimlar xavfsizligini oshiradi, frod xavfini kamaytiradi. Bunda narxlar erkin belgilanadi.
Chust tumanida korxonaning 376,6 mln so‘m miqdoridagi soliq qarzdorligini tizimdan o‘chirib berish evaziga 20 mln so‘m olgan ayol va uning tanishi, tuman soliq inspeksiyasining bosh inspektori ushlandi.
O‘zbekiston va Tojikiston munosabatlari 30 yilda fuqarolar uchun viza tartibi va minalangan chegaralardan tortib, ittifoqchilik aloqalarigacha bo‘lgan yo‘lni bosib o‘tdi. Tovar ayirboshlash hajmi 1 mlrd dollarga yaqinlashdi.
O‘zbekiston Lesoto bilan diplomatik munosabatlar o‘rnatdi. Afrikada joylashgan qirollik O‘zbekiston diplomatik munosabatlar o‘rnatgan 166-davlat bo‘ldi.
Markaziy bank raisi o‘rinbosari Nodirbek Saydullayev ishonuvchan odamlarga plastik kartalarini birorta ham mobil ilovaga ulamaslikni tavsiya qildi. U yirik xaridlarni naqdsizlashtirishda kiberxavfsizlik masalasiga to‘xtalib, shaxsiy ma’lumotlar berilmasa, kartadagi pullarni hech kim ololmasligini ta’kidladi.
Namanganda hujjatsiz dori vositalari, Andijonda yashirin sexlar, Toshkentda esa noqonuniy tibbiy buyumlar saqlanayotgan xonadonlar aniqlandi. Ularning umumiy qiymati 4 milliard so‘mdan ortiqni tashkil etadi.
Sirdaryoda yashovchi fuqaro hududlardan 9 nafar shaxsni yakka tartibdagi tadbirkor sifatida ro‘yxatdan o‘tkazgan. U ushbu shaxslarning akkauntlaridan foydalanib, virusli ilova orqali fuqarolarning telefonlariga zararli dastur yuborgan va jami 201 nafar fuqarodan 2 mlrd so‘mdan ortiq mablag‘ yechib olgan.
Uy-joy va avtomobil oldi-sotdisi naqdsiz shaklga o‘tkazilishi kreditlar arzonlashishiga olib keladi. Bu haqda iqtisodiyot va moliya vaziri o‘rinbosari Ahadbek Haydarov ma’lum qildi. Uning fikricha, ko‘chmas mulk va avtomobil oldi-sotdisidan tushgan mablag‘lar banklar uchun “juda katta tekin resurs bo‘ladi”.
Livanlik 6 yoshli Nargis - Isroilning martda takror boshlagan bombardimonlarida halok bo‘lgan 121 nafar boladan biri. Onasining aytishicha, qizi ismi kabi “ochilgan guldek” edi, shifokor bo‘lishni orzu qilardi.
O‘zbekiston milliy terma jamoasi FIFA series musobaqalarini gabonlik raqiblari ustidan g‘alaba bilan boshladi. Gazeta muxbiri Murod Yusuf Eldor Shomurodov milliy terma jamoadagi 44-golini urgan va Jahongir O‘rozov debyut o‘yinida qahramonga aylangan o‘yindan fotoreportaj tayyorladi.
O‘zbekiston futbolchilari FIFA Series turnirini Gabon ustidan qozonilgan g‘alaba bilan boshladi. Jamoa 6-daqiqada gol o‘tkazib yubordi, ammo o‘yinni o‘zgartirib, 3:1 hisobida g‘alaba qozondi. Gollarga Eldor Shomurodov (MTJda 44-gol), Jahongir O‘rozov va Alisher Odilov mualliflik qildi.
AQSh prezidenti Donald Tramp Eronning energetika obyektlariga beriladigan zarbalarni yana 10 kunga kechiktirganini ma’lum qildi. Uning so‘zlariga ko‘ra, u bu qarorni Eron hukumatining iltimosiga binoan hamda “juda yaxshi ketayotgan” muzokaralar fonida qabul qilgan.
79 yil ichida DAKTda Yevropa klassikasi va milliy asarlar asosida spektakllar sahnalashtirildi. Muvaffaqiyatlar ortida nafaqat artistlar, balki parda ortida zahmat chekayotgan insonlar ham turibdi. Butunjahon teatr kuniga atab Gazeta sahna hayoti va sehrini ta’minlayotgan odamlar bilan suhbatlashdi.
Toshkent viloyatidagi iqtisodiy sohaga oid davlat tashkilotida ayolni ushbu lavozimga faqat erkaklar qabul qilinishi aytilgan holda ishga olishmadi. U ombudsmanga murojaat qilgach, uning huquqlari tiklandi.
Toshkent fotosuratlar uyida eshitish imkoniyati cheklangan yoshlar ijodiga mansub fotoko‘rgazma ish boshladi. Tadbir doirasida professional fotograf Husniddin Ato ishtirokida ta’limiy mahorat darsi o‘tkazildi. Ko‘rgazma 2-aprel soat 17:00 gacha davom etadi.
O‘zbekiston va Tojikiston prezidentlari Shavkat Mirziyoyev va Emomali Rahmon Buxoroga tashrif buyurdi. Davlat rahbarlari shaharning tarixiy obidalari va sanoat korxonalari bilan tanishishi ko‘zda tutilgan.
Surxondaryo viloyati Jarqo‘rg‘on tumaniga Ilhom Saparov hokim etib tayinlandi. U bungacha viloyat hokimining o‘rinbosari lavozimida faoliyat yuritgan.
30-martdan Janubiy Koreyaning Asiana Airlines aviakompaniyasi Seul-Toshkent yo‘nalishida muntazam parvozlarni tiklaydi. Parvozlar bahorda - dushanba, chorshanba va juma kunlari, yozgi va kuzgi davrda esa shanba kuni ham amalga oshiriladi.
30-martdan Janubiy Koreyaning Asiana Airlines aviakompaniyasi Seul-Toshkent yo‘nalishida muntazam parvozlarni qayta tiklaydi. Parvozlar bahorda - dushanba, chorshanba va juma kunlari, yozgi va kuzgi davrda esa shanba kuni ham amalga oshiriladi.
Toshkentning Sergeli tumanida ijaraga olingan xonadonda yana bir narkolaboratoriya aniqlandi. 4,5 mlrd so‘mlik (qariyb 370 ming dollar) 3,5 kg pregabalin, 20 litr suyuq va 25 kg kukun ko‘rinishidagi prekursorlar musodara qilindi.
BMT Bosh assambleyasi transatlantik qul savdosini insoniyatga qarshi eng og‘ir jinoyat deb e’tirof etuvchi rezolyutsiyani qabul qildi. Hujjatni 123 davlat, jumladan O‘zbekiston qo‘llab-quvvatladi. U davlatlarni uzr so‘rash va reparatsiyalar masalasini ko‘rib chiqishga chaqiradi.
Shanba-yakshanba kunlari O‘zbekistonning ayrim joylarida qisqa muddatli yomg‘ir yog‘adi, momaqaldiroq ham kuzatiladi. Harorat biroz pasayib, kunduzi +20…+25 darajani tashkil qiladi.
Toshkent markazida 27 yoshli erkak sobiq turmush o‘rtog‘i va yana uch kishini qasddan yuqori tezlikda urib ketdi. Ayol va yana bir fuqaro tan jarohati oldi. Holat yuzasidan bezorilik hamda qasddan odam o‘ldirishga urinish moddalari bilan jinoyat ishi qo‘zg‘atildi.
Shavkat Mirziyoyev va Emomali Rahmon Tojikistonning Toshkentdagi yangi elchixonasi binosining tantanali ochilish marosimida ishtirok etdi. Foto.
Sud Bo‘stonliqdagi mehmonxona xodimini mushuklarni qiynab o‘ldirgani uchun 15 sutkaga qamadi. Mushuklarga zo‘ravonlik qilgan mehmonxonaning boshqa xodimiga noqonuniy qurol savdosi uchun 10 sutka qamoq jazosi tayinlandi.
Sanksiyalar “Rosatom” loyihalariga ta’sir qilmoqda, ammo to‘xtab qolishiga olib kelmayapti, dedi korporatsiya rahbari Aleksey Lixachyov. “Hech bir joyda loyihalar chorasiz holatga kelib qolgani yo‘q.
Los Anjelesdagi hakamlar hay’ati Meta va YouTube’ni 20 yoshli da’vogarning ruhiy salomatligiga salbiy ta’sir ko‘rsatgan, qaramlikka olib keladigan mahsulotlarni yaratishda aybdor deb topdi. Ularga 6 mln dollar miqdorida tovon to‘lash majburiyati yuklandi. Korporatsiyalar qaror ustidan shikoyat qilmoqchi.
Prezidentlar Shavkat Mirziyoyev va Emomali Rahmon qo‘shma bayonot imzoladi. Hukumatlar esa o‘ndan ortiq hujjat - tovar ayirboshlash va sanoat bo‘yicha dasturlar, turizm, madaniyat va qishloq xo‘jaligi yo‘nalishida “yo‘l xaritalari,” sog‘liqni saqlash va ilmiy hamkorlikka doir kelishuvlarga erishdi.
Toshkent hokimligi Gazeta`ning Amir Temur xiyoboniga xavfsiz yerusti piyodalar o‘tish joylarini tashkil etish bo‘yicha taklifini inobatga olishini bildirdi. Ma’muriyat “shaharsozlikka oid zamonaviy yondashuvlarga mos keladigan piyodalar infratuzilmasini rivojlantirish g‘oyalariga sodiq qoladi”, deya qayd etdi hokimlik.
O‘zbekiston va Tojikiston prezidentlari 10 ta qo‘shma sanoat hamkorligi loyihalari, jumladan, Tojikistonda mebel va charm zavodlarini ochish, shuningdek, Farg‘onada konserva, Surxondaryoda sharbat ishlab chiqarish zavodlarini ishga tushirdi.
Toshkentdagi Ko‘ksaroy qarorgohida Tojikiston prezidenti Emomali Rahmonni tantanali kutib olish marosimi bo‘lib o‘tdi. Shundan so‘ng Shavkat Mirziyoyev va Emomali Rahmon tor doirada muzokara va Oliy davlatlararo kengashning birinchi yig‘ilishini o‘tkazdi.
O‘zbekiston milliy terma jamoasi bosh murabbiyi Fabio Kannavaro jarohat olgan futbolchilar Jahon chempionatigacha tiklana olishi bo‘yicha aniqlik yo‘qligini ta’kidladi. U Eron chempionatida o‘ynagan futbolchilar taqdiri va nimaga Atlanta shahri Jahon chempionati uchun baza sifatida tanlanganiga izoh berdi.
O‘zbekistonda futbol klublarini to‘g‘ridan-to‘g‘ri davlat budjetidan moliyalashtirish modeli joriy etiladi. 2026-yilda jamoalar 560 slrd so‘m - har biri 35 mlrd so‘mdan oladi. Ular uchun ham daromad solig‘i bekor qilinadi, ijtimoiy soliq stavkasi esa 1 foizni tashkil etadi.
2026-yil boshida O‘zbekistonga sayyohlar oqimi uchdan bir baravarga oshdi: ikki oyda mamlakatga qariyb 1,77 mln xorijlik keldi. Bu o‘tgan yilning shu davriga nisbatan 441 ming kishiga ko‘p. Tashriflar soni bo‘yicha Qirg‘iziston, Tojikiston va Qozog‘iston fuqarolari yetakchilik qilmoqda.
JST bo‘yicha vakil Azizbek Urunov tovarlar narxini sun’iy pasaytirib, adolatsiz raqobat qilayotgan tadbirkorlarga nisbatan mas’ul vazirliklar chora ko‘rishi zarurligini qayd etdi. Shuningdek, O‘zbekiston JSTga a’zo bo‘lgach, xufiyona iqtisodiyot kamayishini, mamlakatlar bozorni ochishdan manfaatdor ekanini aytdi.
O‘zbekiston Qozog‘istondan sement importini tonnasiga $300 dan past narxlarda chekladi, aslida mahsulot narxi $30 turadi, dedi QazCem bosh direktori Yerbol Akimbayev O‘zbekiston Vazirlar Mahkamasining “yopiq” qaroriga tayanib.
Ohangaron tumanida “foydali mehnat ishlari”ga jalb qilingan paytida 3-sinf qizni zo‘rlagan manzil koloniya mahkumi ishi bo‘yicha hibsxona xodimlariga jinoyat ishi ochildi. IHMAga ko‘ra, hozirda jabrlanuvchi birlamchi ko‘mak xonasiga joylashtirilgan va u bilan psixolog suhbat o‘tkazmoqda.
Prezident farmoni bilan favqulodda vaziyatlar xavfini bartaraf etish sohasiga sun’iy intellekt, robototexnika va zamonaviy raqamli texnologiyalar keng joriy etiladi. Shuningdek, aholi va hududlarni favqulodda vaziyatlardan muhofaza qilish konsepsiyasi doirasida davlat siyosatining vazifalari belgilandi.
Davlat loyihalarida mahalliy mahsulotlardan foydalanish bo‘yicha majburiy ulush belgilanadi: kabel va transformatorlar uchun 70%, nasoslar - 50%, boshqa elektrotexnika - 30%. Mis mahsulotlari ishlab chiqaruvchilarga 100 mln dollar ajratiladi va OKMKdan mis sotib olishda imtiyoz muddati uzaytiriladi.
2026-yildan boshlab O‘zbekistonda elektrotexnika mahsulotlarini davlat xaridi asosida sotib olayotganda mahalliy muqobillarning mavjudligi tekshiriladi. Bundan tashqari, rasmiylar bojxona to‘lovlariga ehtimoliy tuzatishlar kiritish uchun mis mahsulotlari savdosini tahlil qiladi.
YUNESKO Bosh konferensiyasining 43-sessiyasi o‘tkazilishi munosabati bilan 30-oktabrdan 14-noyabrga qadar Samarqandga kirish yo‘llari yopiladi. IIV O‘zbekiston aholisi va mehmonlarini imkon qadar ushbu sanalarda shaharga sayohatni kechiktirishga chaqirdi.
Hukumat qarori bilan respublikadagi vokzal, stansiya hamda raz’ezdlar nomlari davlat tili qoida va me’yorlarigariga moslashtiriladi. Ro‘yxatga Qoraqalpog‘iston Respublikasi, viloyatlar va Toshkent shahridagi jami 320 ta obyekt kiritilgan.
Samarqandda 7 kishi vafot etgan gaz portlashi ishi bo‘yicha gaz idorasi rahbar va xodimlari 7 yilga qamaldi. Jabrlanuvchilar gaz hidi chiqayotganini aytib, gaz idorasiga bir necha marotaba murojaat qilgan.
Oqoltin tumanida xususiy bog‘cha tarbiyachilari bolaga shafqatsiz munosabatda bo‘lgani uchun ishdan haydaldi. Ijtimoiy tarmoqlarda tarqalgan videoda ikki nafar tarbiyachi bolani qaysidir ishi uchun kechirim so‘rashga majburlayotganini, bola esa ulardan kechirim so‘rab yig‘layotganini eshitish mumkin.
Rossiya prezidenti Vladimir Putin O‘zbekiston bosh prokurori Nig‘matilla Yo‘ldoshevni “Do‘stlik” ordeni bilan mukofotladi. Mukofot unga “Rossiya bilan strategik sheriklikni yo‘lga qo‘yishga qo‘shgan ulkan hissasi” uchun berilgan.
Qozog‘iston hukumati 16-oktabrdan boshlab tezlashayotgan inflyatsiya fonida Ai-92 benzini va dizel yoqilg‘isi narxi, shuningdek, kommunal tariflarni oshirishga moratoriy joriy qildi.
Surxondaryo viloyati Qumqo‘rg‘on tumani hokimi Anvar Normamatov yig‘ilishlarning birida gaz yo‘qligi aytib, aholiga tezak yoqishni maslahat berdi. “Tezak chalmalarni yig‘ib, bosib, qishda ikkita tashlab qo‘ysa bo‘ladi-ku.
Jahon banki O‘zbekistonga islohotlarni qo‘llab-quvvatlash uchun 800 mln dollarli imtiyozli kreditlarni ma’qulladi. Kam ta’minlanganlarga gaz va elektr uchun kompensatsiya to‘lovini 270 ming so‘mdan 1 mln so‘mga oshirish, ayollarni ish joyida tazyiq va kamsitishlardan himoyalash, telekommunikatsiya shular jumlasidan.
O‘zbekistonda ilk bor “Halol” xalqaro akkreditatsiyasiga ega sertifikatlashtirish organi tashkil etildi. UzTest qoshidagi Halol sertifikatlashtirish idorasi Turkiya vakolatli idorasi tomonidan akkreditatsiyadan o‘tdi.
Yevropa Ittifoqi mamlakatlarida kirish/chiqishda yangi ro‘yxatga olish tizimi ishga tushirildi - Entry/Exit System. U blok a’zosi bo‘lmagan mamlakatlarning qisqa muddatga tashrif buyurgan fuqarolari biometrik ma’lumotlarini to‘playdi va xorijga chiqish pasportlaridagi shtamplar o‘rnini bosadi.
O‘zbekistonda endi notarial harakatlar videokonferensaloqa rejimida “E-notarius.uz” axborot portali hamda “Notarius” axborot tizimi orqali tasdiqlanadi. Notarial harakat taraflari joylashgan joyda boshqa shaxslarning bo‘lmasligi, ular joylashgan joy tinch, yorug‘ bo‘lishi va videotasvir tiniq ko‘rinishi shart.
O‘zbekistonda 1-yanvardan boshlab elektromobillarni quvvatlantirish stansiyalari, avtobuslar hamda elektrobuslarga texnik xizmat ko‘rsatish uskunalari, avtobus ehtiyot qismlari hamda baliqchilik va pillachilik sohasiga tegishli ayrim tovarlar bojxona bojidan ozod etildi.
Prezident 2025-yilgi davlat budjeti xarajatlarini 3,43 mlrd dollarga oshiruvchi tuzatishlarni tasdiqladi. Xodimlar ish haqini oshirishga ikki baravar ko‘p mablag‘ ajratildi - indeksatsiya ertaroq va ko‘proq hajmda o‘tkazilgan.
O‘zbekistonda ishga tushgan elektron retsept tizimi odamlar dorilarni bemalol sotib olishga odatlangani uchun norozilik keltirib chiqardi. SSV va Farmagentlik tizimning maqsadi va ishlashi, qaysi dorilar retsept bo‘yicha qabul qilinishi va shoshilinch vaziyatda nima qilish kerakligi haqidagi savollarga javob berdi.
SSV retseptsiz beriladigan dorilar ro‘yxatini e’lon qildi. Unda O‘RVI simptomlari, allergiyau, vitaminlar va yaralarni parvarish qilish vositalari mavjud. Dorixonalardan dori (retsept bilan yoki retseptsiz) olish shartlari va qoidalarini Farmatsevtika agentligi saytidan topish mumkin.
10-dekabrdan boshlab Toshkent hamda O‘zbekistonning 15 ta tuman va shahrida dorilar elektron retsept asosida berilmoqda. 2026-yil oxiriga kelib, ushbu tizim barcha tibbiyot muassasalari va dorixonalarni qamrab oladi.
Toshkent shahrida Texnopark kompaniyasiga ortiqcha ifloslantiruvchi moddalar chiqarayotgani uchun oshirilgan kompensatsiya to‘lovlari hisoblandi. Shuningdek, obyektning majburiy ekologik ekspertizasi xulosasi yo‘qligi ma’lum bo‘ldi. Qoidabuzarlik uchun korxona rahbariyatiga chora ko‘rildi.
Markaziy bank asosiy stavkani yillik 14 foiz darajasida qoldirdi. Shuningdek, regulyator joriy yil uchun inflyatsiya prognozini 7,3 foizgacha yaxshiladi, bu avvalgi hisob-kitoblardan past. Shuningdek, xizmatlar sohasida iste’mol talabi, taklif omillari va narxlar o‘sishi bilan bog‘liq xatarlar saqlanib qolmoqda.
Toshkent viloyati Yuqori Chirchiq tumanida 3 kishi noma’lum etiologik moddadan zaharlandi. 68 yoshli ayol va 8 yoshli qiz vafot etdi. 12 yoshli bolaning hayoti saqlab qolindi, u davolanmoqda.
Toshkent metrosidagi “Paxtakor”, “Alisher Navoiy” va “Yerusti halqa yo‘li”ning barcha bekatlarida 9-dekabrdan boshlab kassalar yopiladi. Metropoliten ushbu bekatlarda naqd pul bilan amalga oshirilayotgan to‘lov ko‘rsatkichlari past ekanini ma’lum qildi.