Shavkat Mirziyoyev Buxoroga jo‘nab ketdi, u yerda 11-aprel kuni Qozog‘iston prezidenti Qasim-Jomart Toqayev bilan oliy darajadagi muzokaralar o‘tkaziladi. Tomonlar savdo va kooperatsiyani muhokama qiladi, tarixiy obidalarni aylanadi, sanoat korxonalari faoliyati va mahsulotlar ko‘rgazmasi bilan tanishadi.
“Rieltorlik faoliyati to‘g‘risida”gi qonunning yangi tahriri “makler”larni “soya”dan chiqarishi kutilmoqda, dedi DABA rahbari o‘rinbosari. Ularga sertifikat va kasbiy uyushmalarga a’zoliksiz ko‘chmas mulk agenti sifatida legallashish taklif etiladi, bitimlar esa rieltorlik kompaniyalari orqali rasmiylashtiriladi.
Qozog‘iston Markaziy Osiyoda birinchi bo‘lib JSSTning dori vositalari va import vaksinalarni tartibga solish bo‘yicha “uchinchi darajali yetuklik” maqomini oldi. Bu milliy nazorat tizimining xalqaro standartlarga mosligini va aholi uchun tibbiy mahsulotlar xavfsizligi kafolatlanishini anglatadi.
1-apreldan YAIDXP orqali yo‘l harakati qoidabuzarliklari uchun javobgarlikni amaldagi haydovchiga masofadan biriktirish xizmati ishga tushirildi. Avtomobil egasi portal orqali ariza berishi kerak, shunda kameralar qayd etgan jarimalar rulda bo‘lgan shaxsga rasmiylashtiriladi. Xizmat pulli.
Tramp Eronni Hurmuz bo‘g‘ozini ochish bo‘yicha kelishuvlarni buzishda ayblab, bo‘g‘ozdan o‘tayotgan kemalardan haq undirishdan ogohlantirdi. Eron esa Isroilning Livanga zarbalari kelishuvning buzilishi ekanini aytmoqda.
Toshkent viloyatining Toshkent tumanidagi xonadonda umumiy qiymati taxminan 1 mlrd so‘mga teng 119 turdagi dori vositalari aniqlandi. Ular xorijdan aylanma yo‘llar orqali olib kelingan. Ma’lum qilinishicha, ular poytaxtdagi dorixonalarga sotilgan.
Shanba-yakshanba kunlari O‘zbekistonning katta qismida yog‘ingarchilik kutilmaydi. Harorat kechalari +8…+13, kunduz kunlari +20…+25 daraja bo‘ladi.
Yozda bo‘lib o‘tadigan futbol bo‘yicha Jahon chempionatida o‘zbekistonlik hakamlar - Ilgiz Tantashev, Andrey Sapenko va Timur Gaynullin faoliyat olib boradi.
Amir Temur xiyoboni rekonstruksiyadan so‘ng qayta ochildi. Hududga yangi qoplama yotqizildi, sug‘orish tizimi yangilandi, hojatxona ishga tushdi. Biroq shahar ma’muriyatining va’dalariga qaramay, kutilgan piyodalar uchun yerusti o‘tish yo‘llari va svetoforlar paydo bo‘lgani yo‘q. Gazeta fotoreportaji.
Markaziy banki Amir Temur tavalludining 690 yilligi munosabati bilan esdalik tangalari va suvenir to‘plamlari sotuvini yo‘lga qo‘ydi. Tangalar 999,9 asillikdagi oltin va kumushdan tayyorlangan. Sotuv narxlari va banklardagi mavjudlik bo‘yicha yangilangan ma’lumotlar har kuni e’lon qilinadi.
“Men [turnirdagi g‘alabaga] juda yaqinman, lekin oldinda hali muhim partiyalar bor… Bu haqda o‘ylamaslikka harakat qilyapman”, - dedi o‘zbekistonlik shaxmatchi Javohir Sindarov Nomzodlar turnirining 10-turidagi g‘alabadan so‘ng.
Chirchiq shahrida vagon ustiga chiqib selfi tushmoqchi bo‘lgan 17 yoshli o‘smirni tok urdi. Shifokorlarga ko‘ra, bola tanasining 80−85 foiz qismi jiddiy kuyish jarohatini olgan. Hozirda o‘smir reanimatsiyada qolmoqda.
Olmaliq kon-metallurgiya kombinatida ekologik qoidabuzarliklar aniqlandi. Ekopolitsiya ma’lumotlariga ko‘ra, korxona xavfli chiqindilarni noto‘g‘ri joylashtirgan va yetarlicha tozalanmagan oqova suvlarni Angren daryosiga oqizgan.
Toshkent xalqaro moliya markazi to‘g‘risidagi konstitutsiyaviy qonun loyihasi taqdim etildi. Uning hududida ingliz huquqi asosidagi tizimni, xususiy sudni va kelgusi 50 yil uchun soliq imtiyozlarini joriy etish rejalashtirilmoqda. Markazda Jinoyat kodeksining yettita moddasi qo‘llanmaydi.
O‘zbekistonda elektron tijoratni rivojlantirish maqsadida import tovarlar uchun bojxona to‘lovlarini sotuv amalga oshirilgan vaqtda to‘lash tizimi joriy etiladi. Bunday tovarlar bond omborlarida saqlanadi.
2026-yilning dastlabki uch oyida Transport nazorati inspeksiyasi tomonidan Toshkent avtobuslarida chiptasiz yurish holatlari bo‘yicha 32,4 mingta bayonnoma rasmiylashtirildi. 28 ta yo‘nalishda nazorat kuchaytirilgach, “tranzaksiyalar soni nisbatan ortgani” qayd etilgani.
1996-yil O‘zbekistonda Amir Temur haqida ilk film suratga olingan. Bosh rol ijrochisi aktyor Bekzod Muhammadkarimov Gazeta bilan suhbatda 5 oy ichida shoshilinch suratga olingan loyiha nega tanqidga uchragani haqida so‘zlab berdi.
Javohir Sindarov Nomzodlar turniridagi yetakchiligini yanada mustahkamladi. U Rameshbabu Pragnanandha ustidan ikkinchi g‘alabasini qo‘lga kiritdi. Raqiblarining parallel kechgan uchrashuvidagi durang natija esa unga turnir yakunlanishiga to‘rt tur qolganda oradagi farqni 2 ochkogacha oshirish imkonini berdi.
Afg‘onistondan O‘zbekistonga kirib kelgan yuk mashinasida afg‘on qozonlariga yashirilgan 190,8 kg gashish aniqlandi. 750 ta qozondan 210 tasining ichida giyohvand modda bo‘lgan. Video.
Rossiya Davlat dumasi xorijliklarni mamlakatdan chiqarib yuborishga sabab bo‘ladigan huquqbuzarliklar ro‘yxatini kengaytiruvchi qonun loyihasini ko‘rib chiqadi. Asoslar orasida internetda inson qadr-qimmati va jamiyat axloqini haqoratlovchi ma’lumotlarni tarqatish hamda Rossiya armiyasini obro‘sizlantirish ham bor.
Xitoy, Afg‘oniston va Pokiston Urumchida norasmiy muzokaralar o‘tkazdi. Maslahatlashuvlar yakunida Afg‘oniston va Pokiston tomonlari vaziyatning keskinlashuviga olib keladigan harakatlarni amalga oshirmaslik majburiyatini oldi, deb xabar berdi Xitoy TIV.
13 ta davlat kompaniyasidagi ulushlarni birlashtirgan O‘zbekiston Milliy investitsiya jamg‘armasi o‘z aksiyalarini London va Toshkent fond birjalarida sotishni rejalashtirmoqda. Franklin Templeton 2,44 mlrd dollarlik portfel tafsilotlarini e’lon qildi.
O‘zbekistonda Noolimpiya sport turlari konfederatsiyasi tuziladi. Poytaxtdagi 7 ta oliy sport mahorati maktabi tugatilib, Olimpiya terma jamoalari markazi tashkil qilinadi. Gersen nomidagi Rossiya pedagogika universitetining Toshkent filiali inklyuziv sport bo‘yicha tayanch oliygohga aylanadi.
Tramp ma’muriyati Eron bilan urushda AQShga yetarlicha yordam bermagan NATO davlatlaridan AQSh qo‘shinlarini olib chiqib ketish variantini ko‘rib chiqmoqda. Ittifoqchilardan norozi bo‘lgan Tramp avvalroq alyansdan butunlay chiqib ketish bilan tahdid qilgandi. Uning “ko‘ngli qolgan” a’zolar qatorida Ispaniya bor.
O‘zbekistonda endi soliq xizmati organlari tomonidan o‘tkaziladigan nazorat tadbirlari videotasvirga olinadi. Bu soliq to‘lovchilarning qonuniy faoliyatini to‘xtatib qo‘ymaydigan va faoliyat ko‘rsatishiga ziyon yetkazmaydigan tarzda amalga oshiriladi.
O‘zbekiston prezidenti Amir Temur tavallud topganining 690 yilligi munosabati bilan rekonstruksiya qilingan Temuriylar tarixi davlat muzeyini borib ko‘rdi. Shavkat Mirziyoyev aholini muzeylarga mahallabay tarzda olib kelib, tarix haqidagi bilimlarni oshirish lozimligini qayd etdi.
Shavkat Mirziyoyev Toshkent markazidagi xiyobonga tashrif buyurib, Amir Temur haykali poyiga gulchambar qo‘ydi va bog‘ga ko‘chat ekdi.
Toshkentda 2026-yilning yanvar-mart oylarida avtobuslarda yo‘l haqini to‘lamagan 32,4 ming yo‘lovchiga nisbatan bayonnoma rasmiylashtirildi. Nazorat kuchaytirilib, 28 ta yo‘nalishda tekshiruvlar o‘tkazildi va to‘lovlar soni oshgani qayd etildi.
O‘zbekistonda “100 ta mahsulot akseleratori” dasturi ishga tushirildi. U eksport salohiyatiga ega 100 ta mahsulotni tanlab, ularni xalqaro bozorlarga olib chiqishga qaratilgan. Ishtirokchilarga sertifikatlash, logistika va marketing bo‘yicha ko‘mak beriladi.
O‘zbekistonda profilaktika inspektorlariga ayrim huquqbuzarliklar bo‘yicha qaror qabul qilish vakolatini berish, 6 ta kam ahamiyatli qilmish bo‘yicha ma’muriy ogohlantirish tizimini joriy etish taklif qilindi.
Toshkentda “Aviasozlar” dehqon bozori, Shayxontohurdagi dehqon bozori va Chilonzordagi buyum bozorida ochiq elektr simlari, yong‘in o‘chirish vositalarining yo‘qligi va boshqa qoidabuzarliklar sabab ayrim qismlar yopildi.
Odam savdosi, jinsiy ekspluatatsiya va zo‘ravonlikda ayblanayotgan Endryu Teyt, shuningdek, uning ukasi Tristan Teytning O‘zbekistonda tantanali kutib olinishi jamoatchilik tanqidiga sabab bo‘ldi. Gazeta Endryu Teyt shaxsi hamda aka-ukalarga e’lon qilingan ayblovlar bo‘yicha obzor tayyorladi.
Javohir Sindarov Nomzodlar turnirining to‘qqizinchi turida Mattias Blyubaum bilan bahsda ehtiyotkorroq rejani tanlab, g‘alabani qo‘ldan chiqarganini tan oldi. Raqibi esa Sindarov unga imkoniyat qoldirmagunicha o‘z mag‘lubiyatini tan olishga tayyor bo‘lganini bildirdi.
Markaziy bank banklar va to‘lov servislarining mobil ilovalariga qo‘yiladigan, 22-apreldan kuchga kiradigan yangi talablar tartibini tushuntirdi. Cheklovlar, avvalo, yangi mijozlarga tegishli, amaldagi foydalanuvchilar esa ilovalardan deyarli o‘zgarishlarsiz foydalanishda davom etishi mumkin, deydi MB.
O‘zbekiston xalqaro zaxiralari 68,99 mlrd dollargacha kamaydi, mart oyida ko‘rsatkich 8,1 mlrd dollarga qisqarib, yil boshidan buyongi o‘sishlarni yo‘qqa chiqardi. Bunga dunyo bozorida oltin narxining tushib ketgani asosiy sabab bo‘ldi.
O‘zbekistonlik shaxmatchi Javohir Sindarov Nomzodlar turnirining 9-turida Mattias Blyubaum bilan durang o‘ynadi. O‘zbekistonlik grossmeyster 9 imkoniyatdan 7 ochko jamg‘arib, peshqadamlikni saqlab qolmoqda va eng yaqin ta’qibchisidan 1,5 ochko oldinda bormoqda.
Prezident Toshkent viloyati boshqa hududlarga namuna bo‘lishi, bu yerda bandlik darajasi, daromadlar va hayot sifati Toshkent bilan teng bo‘lishi kerakligini ta’kidladi. Shuningdek, turli sohalarda qator loyihalar amalga oshirilishi ma’lum qilindi.
So‘nggi ikki kunda AQSh, Eron va vositachilar o‘rtasida sulh bo‘yicha faol muzokaralar kechdi. Ularda ilk bor Eron oliy rahnamosi ishtirok etdi. Trampning atrofidagilar oxirgi soatlargacha u taklifni rad etadi deb hisoblagan, Pentagon esa Eronni bombardimon qilishga tayyorlanayotgandi, deb yozadi Axios.
22-apreldan boshlab O‘zbekistondagi bank ilovalari va to‘lov servislarida operatsiyalarni amalga oshirishda majburiy identifikatsiya, telefon raqamni JSHSHIR orqali tekshirish va boshqa talablar qo‘llaniladi.
O‘zbekiston va AQSh bu yil qo‘shma investitsiya platformasini ishga tushiradi. Bu Prezident Administratsiyasi va AQSh Xalqaro taraqqiyot moliya korporatsiyasi rahbarlarining uchrashuvida muhokama qilindi.
9-aprel kuni Toshkent metropolitenining Chilonzor yo‘nalishida Amir Temur tavalludining 690 yilligiga bag‘ishlangan maxsus poyezd harakatlanadi. Poyezd bayram tadbirini o‘tkazish uchun “Amir Temur xiyoboni” bekatida bir daqiqa to‘xtab o‘tadi.
O‘zbekistondagi AYOQSHlarda naqd pulsiz hisob-kitoblarga o‘tilgandan so‘ng tushum hajmi oshdi. Mart oyida ularning o‘rtacha kunlik tushumi 102,6 mlrd so‘mni tashkil etgan bo‘lsa, 1-aprel kuni bu ko‘rsatkich 93,2 mlrd so‘mni, 2-aprelda esa 152,6 mlrd so‘mni tashkil etdi.
Andijon shahrida Cobalt ko‘p qavatli uy hovlisida o‘ynab yurgan ikki yosh bolalarni urib yubordi. Bolalar shifokorlar ko‘rigiga jo‘natilgan.
2025-yil va 2026-yil boshidan buyon Raqobat qo‘mitasi yangi uylar sifati va ularning o‘z muddatida topshirilmasligi bilan bog‘liq 2057 ta murojaatni ko‘rib chiqqan. Shikoyatlarning 74,3 foizi qanoatlantirilgan, qo‘mita fuqarolarga qariyb 24,4 mlrd so‘mni qaytarishga yordam bergan.
Toshkentda noqonuniy diniy ta’lim berish bilan bog‘liq ikki holat aniqlandi. Nodavlat OTM talabasi 9 nafar bolaga uyda majburiy saboq bergan, ayrimlariga tan jarohati yetkazilgan. Shuningdek, nodavlat OTM o‘qituvchisi va uning turmush o‘rtog‘i 5 nafar bolaga noqonuniy ta’lim bergan.
O‘zbekiston Senati Oliy sud tarkibiga o‘shgartirish kiritildi. Xususan, Akram Shukurov Oliy sudi raisining o‘rinbosari, Bahodir Abdullayev, Sobirjon Ergashev, Begzod Xaydarov, Nozimjon Jurayev, Akmal Murodov va Odil Normahmatov Oliy sudining sudyasi lavozimiga saylandi.
O‘zbekiston Jizzax viloyatidagi AES loyihasi uchun Belarus mutaxassislarini “neytral” maslahatchilar sifatida jalb qilishi mumkin. Bu masala Minskda bosh vazir o‘rinbosari Achilbay Ramatov ishtirokida muhokama qilindi.
O‘zbekiston TIV Pokiston vositachiligida Yaqin Sharqda o‘t ochishni to‘liq to‘xtatish va sulh o‘rnatilishi e’lon qilinganini olqishladi. “Bu keskinlikni yumshatish va maqbul yechimlarni topishdagi muhim qadamdir”, deyiladi bayonotda.
Umid Shadiyev O‘zbekistonning BAAdagi elchisi bo‘ldi. Bungacha u Turizm qo‘mitasiga rahbarlik qilib kelgan, uning o‘rniga esa BAAdagi sobiq elchi Abdulaziz Aqqulov tayinlangan.
O‘zbekistonda kompaniyalar xodimlar uchun sport zallari va maydonchalarini qurish xarajatlarini foyda solig‘i bazasidan chegira oladi, jalb qilinadigan murabbiylar uchun esa 1 foiz soliq stavkasi joriy etiladi.
OAVda AQSh ma’muriyatining Ukrainadagi urushni to‘xtatish rejasining to‘liq matni paydo bo‘ldi. Unda, jumladan, Qrim va Donbassni de-fakto Rossiyaniki deb tan olish, Ukraina uchun xavfsizlik kafolatlari va mamlakatni tiklash choralari haqida so‘z boradi.
Samarqandda tarixiy obyektlarni bog‘lovchi turistik marshrut tashkil etiladi. Ichan-qal’a “aqlli” muzey-shaharga aylantiriladi. Toshkentning eng ko‘p mozaikalar bor shahar sifatida jahon miqyosida e’tirof etilishiga erishish ko‘zda tutilgan.
Turizm sohasi subyektlari import qiladigan avtobus, elektrobus va mikroavtobuslarni bojxona bojidan ozod etish muddati 2027-yilgacha uzaytirildi. Transportlarning sonidan qat’i nazar, ularga 1 ta sertifikat beriladi.
Toshkentning yangi xalqaro aeroportiga reyslar 2030-yildan keyin ko‘chiriladi, dedi transport vaziri o‘rinbosari Jasurbek Choriyev. Unga ko‘ra, amaldagi aeroport yana bir necha yil ishlaydi va uni yopish bo‘yicha yakuniy qaror “vaqt kelganda” qabul qilinadi.
2026-yil 1-martdan boshlab ekologik zararni qoplashdan ozod qiluvchi barcha huquqiy hujjatlar o‘z kuchini yo‘qotadi. Yirik sanoat korxonalari fon monitoring stansiyalarini o‘rnatishi va ularni ekomonitoring markaziga ulashi kerak. Bajarmaganlik uchun kompensatsiya besh baravar oshiriladi.
Sun’iy intellekt va iqlim inqirozlari davrida yosh avlod yashashi va rivojlanishi uchun ta’lim qanday bo‘lishi kerak? Samarqandda o‘tgan YUNESKOning 43-Bosh konferensiyasi doirasida xorijiy davlatlar ta’lim vazirlari va ekspertlari ushbu savolga javob izladi. Gazeta muhokamaning asosiy tezislarini e’lon qiladi.
O‘zbekistonlik bokschi Lazizbek Mullajonov doping-testning ijobiy natijasidan so‘ng diskvalifikatsiya qilindi, deb xabar berdi Xalqaro test agentligi. U qoidabuzarlik yuzasidan e’tiroz bildirmadi, bu esa diskvalifikatsiya muddatini uch yilgacha qisqartirish imkonini berdi.
O‘zbekiston Adliya vazirligi BYD avtomobillarini sanoat namunalari sifatida ro‘yxatdan o‘tkazdi. Bu ularning tashqi ko‘rinishi huquqiy himoyaga ega bo‘lganini, dizaynni ruxsatsiz nusxalash yoki foydalanish taqiqlanishini anglatadi.
Migratsiya agentligi bir qator tashkilotlar bilan hamkorlikda o‘zbekistonliklarni xorijga ishga taklif qilmoqda. Xususan, haydovchilar uchun Germaniya va Yaponiyada, quruvchilar uchun Turkiya va Yaponiyada ishlash imkoniyati berilishi mumkin.
Toshkent havosi shaharliklar eng ko‘p muhokama qilayotgan mavzulardan biriga aylandi. Aholi o‘zini qanday his qilyapti, sog‘lig‘ini qanday himoyalayapti, umuman, vaziyat haqida nima deydi? Gazeta bu bo‘yicha ekofaol, jurnalist, ekovazir maslahatchisi, shahar hokimi o‘rinbosari va hokimlik matbuot kotibiga yuzlandi.
Brijit Bardo fondi treninglaridan o‘tgan Toshkent veterinarlari Nukusda zamonaviy materiallar va preparatlardan foydalanib hayvonlarni sterilizatsiya qilish bo‘yicha mahorat darsi o‘tkazadi. Bunday imkoniyat “Xayot” NNT va uning “Mushukkent” bo‘linmasining Aral Vet Mission ta’lim loyihasi doirasida yaratildi.
Markaziy Osiyoning asosiy vazifalaridan biri - tahdid va xatarlarga qarshi kurashish bo‘yicha umumiy salohiyatni shakllantirishdan iborat, dedi Shavkat Mirziyoyev. “Xavfsizlikning bo‘linmasligi” prinsipi asosiy bo‘lib qolishi kerak.
O‘zbekiston fuqarosiga Rossiyadagi tergov hibsxonasida RF Qurolli kuchlari safida xizmat qilish shartnomasiga aldov yo‘li bilan imzo chektirilgani aytildi. Murojaatdan so‘ng Sankt Peterburgdagi Bosh konsulxona ishga aralashdi va fuqaroning xizmat qilishga qarshiligi inobatga olinib, shartnoma tuzilmaydigan bo‘ldi.
O‘zbekistonda giyohvandlik va narkotiklarga qarshi kurashgan fuqarolar uchun “Narkotiklarga qarshi kurashish fidoyisi” ko‘krak nishoni ta’sis etildi. U har yili 26-iyun kuni topshiriladi.
O‘zbekiston MTJ bosh murabbiyining sobiq yordamchisi Timur Kapadze Fabio Kannavaro kelganidan so‘ng “noqulaylik”dan qochish va faoliyatini mustaqil mutaxassis sifatida davom ettirish maqsadida jamoani tark etishga qaror qilganini aytdi.
Toshkent agrar universitetida traktorchi-mashinist va agrodronlardan foydalanishga o‘qitish yo‘lga qo‘yiladi. Fermer hamda uning xodimlari farzandlarining test sinovlarida ballari qabul parametrlariga yetmaganda, miqdori kamaytirilgan to‘lov-kontrakt asosida universitetga qabul qilish joriy etiladi.
O‘zbekistonda dollarning rasmiy kursi sentabr oyidan keyingi eng yuqori darajaga ko‘tarildi - 12320,34 so‘m. Aksariyat global valyutalarning dollarga nisbatan zaiflashishi fonida AQSh valyutasi mustahkamlanmoqda. Valyuta kursining volatilligi ham pasaydi.
Gazeta jurnalisti Toshkent hokimligi vakilining mahallalardan biriga tashrifiga tasodifan guvoh bo‘ldi. U mahalla bo‘ylab tez-tez yurib, o‘nlab ko‘rsatma va topshiriqlar berdi, qo‘l ostidagilarni haqoratlarga ko‘mib tashladi. So‘ng mashinaga o‘tirib, keyingi mahallaga jo‘nab ketdi.
Akmal Burxanovga ko‘ra, 2024-yilda korrupsiya haqida 40 dan ortiq xabar kelib tushgan, ammo ulardan bittasi pul mukofoti bilan rag‘batlatirilgan, xolos. U tizimni muvofiqlashtiruvchi yagona idora bo‘lmaganini aytdi.
1-martdan “Suvxo‘jaliknazorat” inspektorlari suvdan foydalanish qoidalari buzilishini kuzatish uchun bodi-kamera va dronlar bilan jihozlanadi. Guruch ekiladigan va baliq xo‘jaliklari mavjud yerlarda “aqlli” suv hisoblagichlar o‘rnatish rejalashtirilgan. Vazirlik yiliga 5 mlrd kubometrgacha suv tejamoqchi.
O‘zbekistonda 2025-yilda “103” xizmatiga 3244 ta yolg‘on chaqiriq kelib tushdi. Eng ko‘p yolg‘on chaqiriq Qashqadaryo, Surxondaryo va Farg‘ona viloyatlarida kuzatilgan. Bunday chaqiriqlar o‘tgan yilga nisbatan 531 taga ko‘paygan.
Eksportning biroz o‘sishiga qaramay, O‘zbekiston sotishdan ko‘ra xorijdan ko‘proq gaz sotib olishda davom etmoqda. 2025-yilda gaz yetkazib berish o‘rtasidagi farq yana 1 mlrd dollardan oshdi. Xitoy bojxonasi O‘zbekiston gazi importini $773,3 mln ga baholagan. Tafovut 144,5 mln dollarga yetdi.
2025-yili O‘zbekistonda 59 nafar sudya lavozimidan ozod etildi. Ulardan 3 nafari korrupsion holatlar sababli jinoiy javobgarlikka tortilgan. “Bu tizimda mas’uliyatsiz sudyalarga nisbatan qattiq kurash olib borilayotganini anglatadi”, - deydi Oliy sud raisining birinchi o‘rinbosari Alisher Usmanov.
Samarqandda to‘rt kishi do‘konga non sotib olish uchun ketayotgan 14 yoshli qizni o‘g‘irlab ketdi. Sudda ular qizni o‘zlari bilan jinsiy aloqada bo‘lishini istagan boshqa qiz bilan adashtirganini da’vo qildi.
Jizzax shahri va Sharof Rashidov tumani o‘rtasidagi 40 gektar maydonda Yangi Jizzax shahri quriladi. Loyiha doirasida 50 ta ko‘p qavatli uy, ma’muriy markaz va ijtimoiy soha obyektlari quriladi. Infratuzilma va yagona jamoat transporti yaratiladi. Bosh reja uchun 40 mlrd so‘m ajratiladi.