Vengriyadagi saylovlarda Peter Madyar partiyasining yutishi Orbanning ko‘p yillik boshqaruvidan so‘ng o‘zgarishlar kutilayotgani ramziga aylandi. Biroq yangi bosh vazir siyosiy karerasining ildizlari aynan avvalgi hokimiyat bilan bog‘liq.
O‘zbekistonda islohotlarning galdagi bosqichi alohida ruxsatnomalar, litsenziya va tartib-taomillarga emas, balki tartibga solish tizimi arxitekturasining o‘ziga borib taqaladi. Qonunosti hujjatlari majmui kengayib borarkan, nuqtaviy deregulyatsiya cheklangan samara beradi, deb yozadi Behzodxon Alixonov.
Oliy malaka toifasiga ega pedagoglar uchun ipoteka krediti bo‘yicha subsidiyaga arizalar qabuli 20-aprel kuni soat 14:00 da boshlanadi. Bunda boshlang‘ich badalning 25 foizi qoplab beriladi. Buning uchun nomzod kamida 15 yillik stajga ega bo‘lishi va kredit tarixi talablariga javob berishi lozim.
Javohir Sindarovning Nomzodlar turniridagi g‘alabasi tasodif emas. Buning ortida debyut, tavakkal qilishga tayyorlik va ustunlikni saqlab qolish qobiliyati yotadi. Gazeta sharhlovchisi sayyoraning eng yaxshi grossmeysterlarini ishonchsizlikka majbur qilgan shaxmatchining g‘alaba retsepti tarkibini tahlil qiladi.
Globogate dasturi doirasida 800 nafar o‘rta tibbiyot xodimi Germaniya klinikalariga ishga taklif etilmoqda. Dastur bepul bo‘lib, 10 oylik o‘qishdan so‘ng ishga joylashish imkoni beriladi. Maosh 1900 yevrodan boshlanib, keyin 2500 yevrogacha oshadi. Qabul ikki bosqichli tanlov asosida amalga oshiriladi.
O‘zbekiston Badiiy akademiyasi besh kunlik Xalqaro tasviriy va amaliy san’at festivali dasturini taqdim etdi. Tadbir dasturidan ko‘rgazmalar, liboslar namoyishi, mahorat darslari va ijodiy uchrashuvlar o‘rin olgan.
Qirg‘izistonning “Kabar” agentligida uzoq yillar muxbir bo‘lib ishlagan taniqli jurnalist To‘lanbay Qurbonov vafot etdi. U Chingiz Aytmatovning ayrim asarlarini o‘zbek tiliga tarjima qilgan.
Farg‘onada 800 o‘rinli ko‘p tarmoqli shifoxona qurish bo‘yicha bitim imzolandi. 300 mln dollarlik loyiha 36 oyda amalga oshiriladi. Xususiy sherik sifatida Saudiya Arabistonidagi Vision International Investment Company va O‘zbekistondagi KOC Construction Mekanik Elektrik Fe LLC kompaniyalari ishtirok etadi.
Ozarbayjon va Rossiya 2024-yilda AZAL aviakompaniyasining Embraer 190 samolyoti halokatga uchrashi oqibatlarini bartaraf etish, jumladan, tovon puli to‘lash masalasida kelishuvga erishilganini ma’lum qildi.
Ko‘ksaroy qarorgohida Shavkat Mirziyoyev ishtirokida Farrux Zokirovning 80 yillik tavallud ayyomiga bag‘ishlangan bayram tadbiri bo‘lib o‘tdi. O‘zbekiston xalq artistiga “Buyuk xizmatlari uchun” ordeni topshirildi.
Shavkat Mirziyoyev Rossiya prezidenti administratsiyasi rahbarining birinchi o‘rinbosari Sergey Kiriyenko boshchiligidagi delegatsiyani qabul qildi. Tomonlar birinchi AES qurilishi loyihasini amalga oshirish va tinch atom sohasidagi hamkorlikni muhokama qildi.
O‘zbekistonlik grossmeyster Javohir Sindarov Nomzodlar turnirining so‘nggi turida durang o‘ynadi va to‘plangan ochkolar soni bo‘yicha rekordni yangiladi. U musobaqani birorta ham mag‘lubiyatsiz o‘tkazib, 14 ochkodan 10 ochko jamg‘ardi.
15-aprel - dunyoning eng yopiq mamlakatlaridan biri Shimoliy Koreyaning asoschisi Kim Ir Sen tug‘ilgan kun. Shu munosabat bilan Gazeta Andrey Lankovning “38-paralleldan Shimolga. KXDRda qanday yashashadi?” asaridan mamlakatda dohiylar portretlariga chuqur hurmat haqidagi parchani keltiradi.
20 yoshli o‘zbekistonlik shaxmatchi Javohir Sindarov uchun Nomzodlar turniridagi g‘alaba faqat oraliq bosqich hisoblanadi. Uning murabbiyi Roman Vidonyak uzoq muddatli strategiya haqida so‘zlab berdi.
Prezident topshirig‘iga asosan Toshkentda arxitektor va urbanistlar uchun kreativ park hamda oliygoh tashkil etiladi. Davlat rahbari xalqaro loyihalarda mahalliy kompaniyalar manfaatlari kuchsiz himoya qilinayotganini tanqid qildi.
Turkiyaning Kahramanmarash shahridagi maktabda 8-sinf o‘quvchisi otishma sodir etdi: 4 kishi (bir o‘qituvchi va uch o‘quvchi) halok bo‘ldi, 20 kishi yaralandi. Holat yuzasidan prokuratura tergov boshladi.
Toshkent va Yerevan o‘rtasida 2026-yil mayidan to‘g‘ridan-to‘g‘ri aviaqatnovlar yo‘lga qo‘yilishi mumkin. Reyslar haftasiga bir marta amalga oshiriladi. Yangi yo‘nalish turizm va biznes aloqalarini kuchaytiradi.
O‘zbekiston prezidenti 3,5 oy ichida neft-gaz tarmog‘i bo‘yicha oltinchi yig‘ilishni o‘tkazdi. Unda “O‘zbekneftgaz”ning birinchi chorakdagi faoliyati yakunlari ko‘rib chiqildi. Kompaniya gaz zaxiralari oshganini ma’lum qildi va qazib chiqarishni kuniga 6,7 mln kub metrga ko‘paytirish dasturini taqdim etdi.
Shavkat Mirziyoyev Javohir Sindarov bilan telefon orqali muloqot qilib, uni Nomzodlar turniri g‘olibiligi bilan tabrikladi. “Meni faqat xursand qilib yuribsan. Senga „mana man“ degan shaxmatchilar ham tan beryapti.
O‘zbekistondagi har bir OTM talabalar uchun kiyim-bosh bo‘yicha o‘z ichki tartib-qoidasini ishlab chiqqan, muassasa rahbariyati buni talab qilishga haqli, dedi Kongratbay Sharipov. Unga ko‘ra, OTMlar orasida o‘z kiyim brendini yaratish ommalashmoqda. “Kiyinish masalasida tartib bo‘lishi kerak”, - dedi vazir.
Chirchiq shahrida piyodalar o‘tish joyidan yo‘lni kesib o‘tayotgan ona-bolani urib ketishiga bir baxya qolgan haydovchi transport vositalarini boshqarish huquqidan 2 yil muddatga mahrum etildi va 10,3 mln so‘m jarimaga tortildi.
Xelen Sand Andresen Norvegiyaning O‘zbekistondagi elchisi etib tayinlandi. O‘zbekiston tashqi ishlar vaziri Baxtiyor Saidov elchining ishonch yorliqlarini qabul qildi.
Surxondaryoda hujjatsiz Cobalt boshqargan talaba qiz YTH sodir etdi. Mashina daryoga tushib ketishi oqibatida uning dugonasi halok bo‘ldi. Sud haydovchini aybdor deb topib, 1,5 yil qamoq va 3 yilga haydovchilik huquqidan mahrum qildi.
O‘zbekistonda xizmat ko‘rsatgan artist Dono Boboxonova 79 yoshda vafot etdi. U faoliyatini Abror Hidoyatov nomidagi o‘zbek davlat drama teatrida olib borayotgandi. Aktrisa “Bozor ko‘rmagan yigit”, “Arazlasang, o‘laman”, “Chol va nabira” va “Tilim qursin” filmlari bilan mashhur edi.
O‘zbekiston terma jamoasining Jahon chempionatidagi o‘yinlari uchun chiptalarni qanday sotib olish mumkin? Gazeta Amerika maydonlarida milliy termani qo‘llab-quvvatlashni rejalashtirayotgan muxlislar uchun yo‘riqnoma tayyorladi.
Madaniy meros agentligi tekshiruvidan so‘ng Toshkentdagi “Xalqlar do‘stligi” saroyi oldida o‘rnatilgan reklama bannerlari demontaj qilindi. Qonunchilik reklama joylashtirishni taqiqlaydi. Agentlik barcha davlat idoralari va tadbirkorlarni “merosga bo‘lgan hurmatni saqlashga”ga chaqirdi.
Tarmoqlarda Toshkent metrosi poyezdi eshiklari ochiq holatda harakatlangani aks etgan video tarqaldi. Metropoliten holat bo‘yicha xizmat tekshiruvi o‘tkazilib, mashinistga nisbatan qat’iy intizomiy chora ko‘rilishini ma’lum qildi.
“Madaniyat va san’at ma’naviy tarbiya vositasi va kreativ iqtisodiyotning muhim tarmog‘i”, - dedi prezident soha xodimlariga yo‘llagan tabrigida. U, shuninglek, madaniy diplomatiyani rivojlantirishni muhim yo‘nalish sifatida qayd etdi.
O‘zbekistonlik shaxmatchi Javohir Sindarov Nomzodlar turniridagi g‘alabasigacha bo‘lgan yo‘li, O‘zbekiston qo‘llab-quvvatlovi uni hayratga solgani, shaxmatda muvaffaqiyatga erishish uchun Counter-Strike'ni kamaytirishga to‘g‘ri kelgani va Kiprda ruhiy barqarorlikni saqlashda kim yordam bergani haqida so‘zlab berdi.
Raqobat qo‘mitasi oltita qurilish kompaniyasi tomonidan reklama to‘g‘risidagi qonunchilik buzilganini aniqladi. Ularga turar joy majmualarini maxsus elektron ro‘yxatga kiritmasdan turib reklama qilgani uchun moliyaviy jarimalar qo‘llandi.
Shavkat Mirziyoyevga “O‘zbekneftgaz”ning birinchi choragi yakunlari, ikkinchi chorakdagi asosiy vazifalar, ishlab chiqarish va moliyaviy ko‘rsatkichlar dinamikasi taqdim etildi. Davlat rahbari neft-gaz tarmog‘ida ishlab chiqarish barqarorligini ta’minlash va moliyaviy intizomni mustahkamlash yuzasidan topshiriqlar berdi.
O‘zbekistonlik grossmeyster Javohir Sindorov muddatidan oldin Nomzodlar turniri g‘olibiga aylandi. U 13-tur yakuniga ko‘ra 9,5 ochko jamg‘arib, amaldagi jahon chempioni Gukesh Dommaraju bilan shaxmat toji uchun bahslashish huquqini qo‘lga kiritdi.
O‘zbekistonda ichimlik ishlab chiqaruvchilar 1-apreldan raqamli markirovkalash tizimining agregatsiya bosqichini joriy eta boshladi. Gazeta bilan suhbatlashgan yirik korxonalar va mutaxassislar tizim kompaniyalar xarajatlarini oshirib borayotgani, kichik xatolik esa korxonani bankrot qilishini ta’kidlamoqda.
Shavkat Mirziyoyev 2025-yili qurilish bilan bog‘liq 2 mln 600 mingdan ziyod arizaning uchdan biri rad etilganini tanqid qildi. Mas’ullarga 3 oy ichida barcha jarayonlar muddati va to‘lovlarini 2 barobargacha qisqartirish bo‘yicha qaror loyihasini kiritish topshirildi.
Janubiy Koreya hukumati jamoat joylarida barcha ayollar uchun gigiyenik tagliklarni bepul tarqatish bo‘yicha sinov loyihasini ishga tushirdi. Joriy yilda ushbu dastur 10 ta hududni qamrab oladi, keyingi yildan boshlab butun mamlakatda joriy etiladi.
O‘zbekiston Favqulodda vaziyatlar vazirligi va YUNISEF bolalar manfaatlariga qaratilgan tabiiy ofatlarga tayyorgarlikni kuchaytirish bo‘yicha memorandum imzoladi. Unda ta’lim dasturlarini kengaytirish va inklyuziv yondashuvlarni rivojlantirish nazarda tutilgan.
Qirg‘izistonda Milliy xavfsizlik davlat qo‘mitasi raisi sobiq o‘rinbosarlari Timur Shabdanbekov va Daniel Risaliyev qo‘lga olindi. Ular mansab vakolatini suiiste’mol qilish va korrupsiyada gumonlanmoqda.
O‘zbekistonda shikastlangan davlat raqamini my.gov.uz orqali onlayn almashtirish xizmati joriy etildi. Ariza yuborib, foto ilova qilinadi, ko‘rib chiqilgandan so‘ng to‘lov amalga oshiriladi. Keyin hududiy bo‘linmada eski raqam topshirilib, yangisi olinadi.
Qozog‘iston prezidenti Qasim-Jomart Toqayev Buxoroga amaliy tashrif yakunlari bo‘yicha Shavkat Mirziyoyevga maktab yo‘lladi. Unda Toqayev “Toza havo” tashabbusining muhimligini alohida ta’kidlab, erishilgan kelishuvlarni amalga oshirish bo‘yicha ishlar boshlanganini tasdiqladi.
Qirg‘izistonda aholi punktlariga shaxs nomlarini berish to‘xtatiladi. Sadir Japarov qaror mahalliy aholi orasidagi nizolarni to‘xtatish uchun qabul qilinganini bildirdi. “Yo‘qsa guruhlarga bo‘linib, nega uning ismi berildi, mening ham ajdodlarim munosib edi-ku, deb bahslashishni boshlaysiz”, - dedi prezident.
So‘nggi yillarda “Portal” va virtual qabulxonalar fuqarolarning ko‘plab muammolarini hal qildi. Biroq murojaatchilar ko‘pincha shunchaki javob xatlari oladi, xolos. Buni hatto prezident ham tanqid qildi.
AQSh va Eron o‘rtasida Pokistonda o‘tgan tinchlik muzokaralari muvaffaqiyatsiz yakunlangach, AQSh harbiy kuchlari Fors va Ummon qo‘ltiqlaridagi Eron portlarini dengiz orqali blokada qilishga kirishdi.
Turkiya janubi-sharqidagi kasb-hunar litseyiga qilingan hujum oqibatida 16 kishi, asosan, o‘quvchilar tan jarohati oldi. Rasmiy ma’lumotlarga ko‘ra, o‘t ochish mazkur litseyning sobiq o‘quvchisi tomonidan sodir etilgan.
Sirdaryo viloyatida iqtisodiy ishlar bo‘yicha sudya 3,6 ming dollar pora olganlikda gumonlanib ushlandi. U ishni MCHJ foydasiga hal qilib berish evaziga pul olgani aytilmoqda. Oliy sud tizimda korrupsiyaga qarshi kurash choralari davom etayotganini bildirdi.
2025-yilda O‘zbekiston va Rossiya o‘rtasidagi tovar ayirboshlash hajmi 13 mlrd dollardan oshgan, 2026-yilning dastlabki ikki oyida esa yana 30 foizga ko‘paygan, dedi Abdulla Aripov. Tomonlar sanoat, energetika va transport sohalaridagi hamkorlikni kengaytirish orqali ko‘rsatkichni 30 mlrd dollarga yetkazmoqchi.
Toshkent viloyatida Baytqo‘rg‘on - Parkent elektrlashtirilgan temir yo‘l uchastkasida qurilish ishlari yakunlandi. Qurilish 2025-yil yanvarida boshlangan edi. Loyiha uzunligi 23,8 kilometrni tashkil etadi.
Rossiya O‘zbekistonga tabiiy gaz va neft yetkazib berishni ko‘paytirishni, shuningdek, energetika sohasidagi hamkorlikni kengaytirishni rejalashtirmoqda. Bunga parallel ravishda gaz infratuzilmasini modernizatsiya qilish va yangi quduqlarni burg‘ilash davom etmoqda, dedi Rossiya bosh vaziri Mixail Mishustin.
Toshkent xalqaro aeroportida Istanbuldan kelgan yo‘lovchi $35 evaziga notanish shaxsning sumkasini olib o‘tayotganida to‘xtatildi. Uning ichidan yeryong‘oq qadog‘iga yashirilgan 600 ga yaqin sintetik giyohvandlik vositasi topildi.
Osiyo taraqqiyot banki O‘zbekiston iqtisodiyoti yaqin 2 yilda barqaror o‘sishda davom etadi, deb hisoblaydi. Bank prognoziga ko‘ra, 2025-yilda yalpi ichki mahsulot 7,7 foizga o‘sgach, 2026-yilda bu ko‘rsatkich 6,7 foizni, 2027-yilda esa 6,8 foizni tashkil etadi.
Ohangaron tumanidagi tog‘li hududda yo‘qolib qolgan to‘rt yoshli bola 6,5 soatli qidiruvdan so‘ng tirik holda topildi. Oila a’zolari tog‘ cho‘qqisidagi qorni ko‘rib bo‘lgach, bolani tepada unutib qoldirib, pastga tushib ketgan. Qutqaruvchilar uni yo‘qolgan joyidan 3 km uzoqlikdan topdi.
Gruziya hukumati 1-yanvardan mamlakatga kirish uchun tibbiy sug‘urta talab qila boshlaydi. Hujjat chet ellikka chegarani kesib o‘tgan paytdan boshlab Gruziyada bo‘lishning butun davri uchun berilishi kerak.
O‘zbekistonda oziq-ovqat eksporti 37 foizga o‘sib, 3 mlrd dollarga yetdi, yil yakunida bu ko‘rsatkich ilk bor 3,2 mlrd dollardan oshadi, deyiladi prezident uchrashuvida. Qishloq xo‘jaligi to‘qimachilikdan keyingi eng ko‘p valyuta olib kelayotgan sohaga aylandi, dedi davlat rahbari.
2025-yil, Yevropa iqlimshunoslari prognoziga ko‘ra, butun kuzatuvlar tarixidagi ikkinchi yoki uchinchi eng issiq yil bo‘ladi (2024 va 2023-yillardan so‘ngra). Yanvar-noyabr oylarida global harorat sanoatdan oldingi darajadan o‘rtacha 1,48 darajaga yuqori bo‘lgan.
MB fuqarolarning Humans tizimiga ulangan kartalaridan ruxsatsiz pul yechilgani haqidagi xabarlardan keyin tekshiruv boshladi. Regulyator ehtimoliy zaiflikni bartaraf etish maqsadida Humans bilan bog‘liq P2P amaliyotlarini vaqtincha to‘xtatdi, barcha shubhali tranzaksiyalar sinchiklab o‘rganilayotganini bildirdi.
“Yangi O‘zbekiston qiyofasi”dagi 33 ta namunaviy tuman va shaharda hokimiyat hamda boshqaruv organlarining bo‘lim rahbarlari, shuningdek, hokimlar va o‘rinbosarlari rotatsiyasi joriy etilmoqda. Qolaversa, xodimlarning korrupsiyaga chidamliligini baholash va kadrlar zaxirasini shakllantirish tizimi yangilanmoqda.
Kogon tumanidagi portlovchi moddalarni ishlab chiqarish sexida portlash sodir bo‘ldi. Hodisa oqibatida 4 nafar ishchi vafot etdi, yana 4 nafari shifoxonaga joylashtirilgan.
O‘zbekistonning xalqaro zahiralari noyabr yakunida 61,2 mlrd dollarga yetdi - bu butun kuzatuv davridagi rekord ko‘rsatkich. O‘sish, avvalo, oltin narxining oshishi va uning jismoniy zaxiralari ko‘payishi bilan bog‘liq.
8−10-dekabr kunlari O‘zbekistonga nam va sovuq havo massasi kirib kelishi kutilmoqda. Mamlakat bo‘ylab yomg‘ir yog‘adi, markaziy hududlarda havo harorati kechasi -2 dan -5 darajagacha, kunduzi +6 dan +3 darajagacha tushadi.
Deputatlar 2026-yilga mo‘ljallangan davlat budjeti loyihasini birinchi o‘qishda ma’qulladi. Loyihaga ko‘ra, YAIM 6,6% ga o‘sishi, inflyatsiya 7% gacha pasayishi prognoz qilinmoqda. Budjet taqchilligi bo‘yicha limitni 3% (59,9 trln so‘m), tashqi qarzlar yuqori chegarasini 5 mlrd dollar miqdorida belgilash taklif etilgan.
Migratsiya agentligi Janubiy Koreyadagi noqonuniy O‘zbekiston fuqarolarini ogohlantirdi: 1-dekabrdan 28-fevralgacha nolegal maqomdagi shaxslar mamlakatdan ixtiyoriy chiqsa, jarimalar va qayta kirishga taqiq vaqtincha qo‘llanmaydi.
Britaniyaning Nature jurnali O‘zbekiston bo‘yicha mualliflar foydalangan ma’lumotlarda noaniqliklar aniqlanganidan so‘ng iqlim o‘zgarishining iqtisodiy oqibatlari bo‘yicha shov-shuvli tadqiqot maqolasini bekor qildi.
Yil yakunigacha Toshkent xalqaro aeroporti va markaziy temiryo‘l vokzalida xorijdan qaytganlar uchun OIVga ekspress-testlarni beradigan avtomatlar o‘rnatiladi. OITS markazi direktoriga ko‘ra, so‘lak orqali OIVni aniqlovchi testlar bepul bo‘lib, uni topshirish majburiy bo‘lmaydi.
AQSh ma’muriyati o‘zi yuqori xavfga ega deb hisoblagan 19 ta mamlakatning barcha immigratsiya arizalarini ko‘rib chiqishni to‘xtatdi. Qaror Oq uy yaqinida harbiylarga qilingan hujumdan keyin qabul qilingan.
O‘zbekistonning davlat qarzi 1-oktabr holatiga ko‘ra 43,97 mlrd dollarga yetdi. O‘tgan chorakda o‘sish 1,1% ga (+$473 mln) sekinlashdi. Qarzlarning asosiy qismi budjet xarajatlarini qo‘llab-quvvatlashga yo‘naltiriladi. Eng yirik kreditor - Jahon banki ($8 mlrd).
O‘zbekistonda binolar fasadida yonuvchan materiallardan foydalanishni taqiqlash rejalashtirilmoqda. Prezident 44 mingdan ortiq ko‘p qavatli uylarda yong‘in xavfsizligini tekshirishni buyurdi. Kommunal xizmatlar va boshqaruv kompaniyalari FVV dispetcherlik tizimiga birlashtirilishi ko‘zda tutilgan.
Vladimir Zelenskiy Aleksandr Lukashenkoga qarshi sanksiyalar joriy etdi. Zelenskiy Lukashenko “anchadan beri Belarus suverenitetini shaxsiy hokimiyatini saqlab qolishga almashmoqda”, deb bayonot berdi.
Yanvarda aholining yillik inflyatsion kutilmalari 11,2 foizgacha (-0,3%), tadbirkorlarning inflyatsion kutilmalari 10,8 foizgacha (-0,3%) pasaydi. Kommunal xizmatlar va yoqilg‘i-energiya qimmatlashishi bo‘yicha xavotirlar ham pasaydi.
JST bilan ishlash komissiyasi ayrim tovarlar uchun import bojining vaqtinchalik pasaytirilgan stavkalarini tasdiqladi. Sitrus meva sharbatlari uchun konsentratlar, tamaki ishlab chiqarishda foydalaniladigan ayrim mahsulotlar shular jumlasidan. Olmoslar va qimmatbaho toshlar import bojidan ozod qilindi.
O‘zbekiston musulmonlari idorasi 2026-yil uchun zakot nisobi, fitr sadaqa va fidya miqdorini e’lon qildi.
O‘zbekiston musulmonlari idorasi 2026-yilgi Ramazon taqvimini e’lon qildi. Hududlardagi saharlik va iftorlik vaqtlaridagi tafovutni maxsus Telegram bot orqali aniqlab olish mumkin.
1-iyundan O‘zbekiston va hamkor davlatlar o‘rtasida suv va salqin ichimliklar uchun raqamli markirovka kodlarini o‘zaro tan olish joriy etiladi. Soliq qo‘mitasi axborot almashish talablarini belgilaydi, kodlar elektron hisobvaraq-faktura va cheklarda aks etadi. Ma’lumotlar “Asl belgisi” tizimida saqlanadi.
O‘zbekistonda sudyalarni tashkiliy ishlardan ozod etuvchi sud ma’murchiligi instituti joriy etiladi. Sudyalar oliy kengashi raisi Xolmo‘min Yodgorovning so‘zlariga ko‘ra, bunday amaliyot AQSh, Yevropa Ittifoqi, Singapur va Janubiy Koreyada muvaffaqiyatli qo‘llab kelinmoqda.
Prezidentning 11-fevraldagi qarori bilan O‘zbekistonda startaplarni qo‘llab-quvvatlashning to‘rt bosqichli ekotizimi joriy etiladi. Hujjat startap g‘oyalarini shakllantirishdan tortib, ularni ishga tushirish va xorijiy bozorlarga chiqarishgacha bo‘lgan to‘liq tizimni nazarda tutadi.
O‘zbekistonda madaniyat markazlari “madaniyat - ta’lim - hordiq - muloqot” tamoyili asosida isloh qilinadi. To‘rtta shaharda ularni rivojlantirish bo‘yicha pilot loyihalar ishga tushadi. An’anaviy san’at oliy maktabi va Milliy restavratsiya instituti tashkil etiladi. “Turkiston” yozgi amfiteatri ta’mirlanadi.
Texnik jihatdan tartibga solish tizimini isloh qilish loyihasidan korxonalar ustidan davlat nazoratidan voz kechish va xavflar tahliliga asoslangan bozor nazorati modeliga o‘tish o‘rin oldi. Shuningdek, unda majburiy sertifikatlashtirishdan voz kechib, mahsulot muvofiqligini deklaratsiyalash tizimiga o‘tish mavjud.