Davlat ekologik ekspertizasi markazi filiali Chorvoq suv ombori sharqiy sohilidagi Sea Breeze Uzbekistan loyihasi birinchi bosqichiga ijobiy xulosa berdi. Ekspertlar ko‘p parametrlar hozircha dastlabki ekanini qayd etib, qo‘shimcha tadqiqotlar, aniqlashtirishlar va majburiy shartlar bajarilishini talab qilmoqda.
Toshkent shahriga 240 ta avtobus olib kelinib, 16 ta yangi yo‘nalish tashkil etiladi. Shahardagi 1116 ta bekat rekonstruksiya qilinib, yana 70 ta yangi bekat quriladi. 545 ta “aqlli” svetofor o‘rnatish orqali transport harakatini real vaqt rejimida boshqarish yo‘lga qo‘yiladi.
Toshkentda fuqaro ijtimoiy tarmoqlar orqali Suriyadagi jangarilar ta’siriga tushib, u yerga ketishni rejalashtirgani uchun 6 yilga qamaldi. U tanishlarini ham qurolli mojarolarda ishtirok etishga undagan.
YeI Markaziy Osiyo uchun suv va energiyani birga boshqarishdan tortib, umumiy bozor va yagona xalqaro pozitsiyani shakllantirishgacha bo‘lgan integratsiya yo‘lida namuna bo‘lishi mumkin. Ittifoqning O‘zbekistondagi elchisi Toyvo Klaar Yevropa kuniga bag‘ishlangan maqolasida hamkorlik imkoniyatlari haqida fikr yuritadi.
Chust tumanida hokim yordamchisi kichik sanoat zonasi hududidagi 20 sotix yerni 23 ming dollarga sotmoqchi bo‘lgani aniqlandi. U puldan 10 ming dollar olayotganida qo‘lga olindi.
Dam olish kunlari O‘zbekistonning aksariyat hududlarida yog‘ingarchiliksiz ob-havo bo‘lishi kutilmoqda. Havo kunduz kunlari +28…+35 darajagacha isiydi. Ayrim joylarda yomg‘ir yog‘ib o‘tishi ham mumkin.
Biznes ombudsman ofisi Caravan Group asoschisi Timur Musindan olib qo‘yilgan yerlar uchun 12,5 mlrd so‘m kompensatsiya to‘lashni bekor qilish qarori ustidan Oliy sudning taftish instansiyasiga shikoyat tayyorlamoqda.
Tramp Isroil va Livan o‘rtasidagi o‘t ochishni to‘xtatish tartibi 3 haftaga uzaytirilishini aytdi. Shuningdek, ikki davlat rahbarlarini yaqin haftalarda Oq uyda qabul qilishini bildirdi. Yangi kelishmovchilik boshlangach, Livanda 2200 dan ortiq kishi halok bo‘ldi, bir milliondan ortiq odam uyini tark etdi.
O‘zbekiston Gvineya-Bisau bilan diplomatik aloqa o‘rnatdi. G‘arbiy Afrikadagi ushbu mamlakat O‘zbekiston bilan diplomatik munosabatlar o‘rnatgan 168-davlat bo‘ldi.
Yevropa Ittifoqi Rossiya harbiy sanoatini xomashyo bilan ta’minlashda ayblab, O‘zbekistonning Farg‘ona Kimyo Zavodi va Raw Materials Cellulose kompaniyalariga sanksiya joriy qildi. Ayni shu kompaniyalar va ularga aloqador hisoblanadigan Rustam Mo‘minovga avvalroq Britaniya va Ukraina ham sanksiya kiritgan.
Vazir E’zoza Karimova maktab remontiga ota-onalardan pul yig‘ishga qat’iy qarshi ekanini aytdi. “Bu kabi masalalar mahalliy budjetga borib taqaladi, bu hokimliklar vakolatiga kiradi”, - dedi u. Vazir o‘rinbosari Temur Komilovga ko‘ra, pedagoglar ta’mirlash ishlariga jalb etiladigan mardikor emas.
O‘zbekistonda kitobxonlik madaniyatini rivojlantirish maqsadida “Ilg‘or ijodkor” prezident mukofoti ta’sis etiladi. Unga ko‘ra, she’riyat, dramaturgiya va bolalar adabiyoti yo‘nalishlarida eng yaxshi ijodkorlar aniqlanib, yo‘nalish g‘oliblariga BHMning 200 baravari (82,4 mln so‘m) miqdorida pul mukofoti beriladi.
Shavkat Mirziyoyev Mirzo Ulug‘bek tumanida 2,1 km uzunlikda qurilgan O‘zbekiston ovozi ko‘chasi faoliyati bilan tanishdi. Loyiha qiymati 40 mlrd so‘m bo‘lib, bu yerda 165 ta savdo obyekti joylashgan.
Transport yo‘laklarining tirbandligi, jumladan, Sariag‘ash-Toshkent yo‘nalishidagi yuklama Qozog‘iston va O‘zbekiston o‘rtasidagi tovar aylanishi o‘sishini cheklamoqda. Bosh vazir o‘rinbosari Serik Jumangaringa ko‘ra, marshrutlarni yengillatish maqsadida hozirda aylanma yo‘l va yangi temiryo‘l tarmog‘i qurilmoqda.
Transport yo‘laklarining tirbandligi, jumladan, Sariag‘ash-Toshkent yo‘nalishidagi yuklama Qozog‘iston va O‘zbekiston o‘rtasidagi tovar aylanishi o‘sishini cheklamoqda. Bosh vazir o‘rinbosari Serik Jumangaringa ko‘ra, marshrutlarni yengillatish maqsadida hozirda aylanma yo‘l va yangi temiryo‘l tarmog‘i qurilmoqda.
O‘zbekistonda kitob savdosini rag‘batlantirish maqsadida oyiga 10 ming donadan ortiq kitob sotgan tadbirkorlarga 1 mlrd so‘mgacha imtiyozli ssuda ajratiladi. Shuningdek, turizm, gastronomik, yoshlar sayilgohi va savdo-servisga ixtisoslashgan ko‘chalarda kutubxonalar va book cafe’lar tashkil etish ko‘zda tutilgan.
FIFA 2026-yilgi Jahon chempionatida Eron o‘rniga Italiyani jalb qilish niyatida emas. Bunday taklif bilan AQSh prezidentining maxsus elchisi Paolo Zampolli chiqqandi. Italiya terma jamoasi ketma-ket uchinchi bor mundial yo‘llanmasini qo‘lga kirita olmayapti.
FIFA 2026-yilgi Jahon chempionatida Eron o‘rniga Italiyani jalb qilish niyatida emas. Bunday taklif bilan AQSh prezidentining maxsus elchisi Paolo Zampolli chiqqandi. Italiya terma jamoasi ketma-ket uchinchi bor mundial yo‘llanmasini qo‘lga kirita olmayapti.
Prezident poytaxtning Mirzo Ulug‘bek tumani hokimligida bo‘lib, vaziyatlar markazi va “Aqlli tuman” platformasi bilan tanishdi. Unga “Xavfsiz tuman” tizimi integratsiya qilinib, tumandagi barcha xizmatlar birlashtirilgan.
Jizzax viloyatining Baxmal tumanida “muzli stupalar” texnologiyasini qo‘llash boshlanishi mumkin. Bu sun’iy muzliklar qishki suv zaxiralarini jamlab, bahorgi suv tanqisligi davrida ulardan foydalanish imkonini beradi.
Qozog‘iston O‘zbekistonga neft va neft mahsulotlarini yetkazib berish imkoniyatlarini ko‘rib chiqmoqda, dedi energetika vaziri Yerlan Akkenjenov. Birinchi chorakda O‘zbekistonda neft mahsulotlari xaridi 42 foizdan ko‘proqqa, benzin xaridi esa ikki baravardan ziyodga oshgan. Asosiy yetkazib beruvchi Rossiya bo‘ldi.
Taftish.uz jamoasiga nisbatan tergov harakatlari ishda DXX xodimlari ishtiroki sababli Harbiy prokuraturaga o‘tkazildi, deya xabar berdi huquq himoyachisi Abdurahmon Tashanov. U, shuningdek, materiallarning bir qismi yopiqligini va sud jarayoni ham yopiq tartibda o‘tishi mumkinligini qayd etdi.
Donald Tramp administratsiyasi AQSh kompaniyalaridan bojxona bojlari hisobidan yig‘ilgan 166 mlrd dollardan ortiq mablag‘ni qaytarish bo‘yicha arizalarni qabul qilishni boshladi. Avvalroq AQSh Oliy sudi ushbu bojlarni noqonuniy deb topgandi.
Toshkentda IATA vakolatxonasi ochildi - bu Markaziy Osiyodagi ikkinchi ofis hisoblanadi. Hukumat bu aviatsiya sohasi rivojini tezlashtirishiga ishonch bildirmoqda. Yil oxiriga qadar O‘zbekistonda Billing and Settlement Plan (BSP) o‘zaro hisob-kitoblar tizimini ishga tushirish rejalashtirilgan.
Toshkentda bekatlarni rekonstruksiya qilish doirasida avtobus “karmon”lari olib tashlanmoqda. Maqsad - avtobuslar harakati uchun amalda ustuvorlik yaratish, harakat jadvaliga rioya etilishini ta’minlash va yo‘lovchilar xavfsizligini oshirish.
Toshkent shahrining Mirzo Ulug‘bek tumani hokimligi binosi yonida O‘zbekistonning amaldagi prezidenti Shavkat Mirziyoyev 1992-1996-yillarda tuman hokimi lavozimida ishlaganida foydalangan noyob “Volga” xizmat avtomobili namoyishga qo‘yildi.
Daniya shimolida ikkita poyezd to‘qnashib ketishi oqibatida 17 kishi jarohatlandi. Ulardan to‘rt nafarining ahvoli og‘ir deb baholanmoqda.
O‘zbekistonda yil boshidan buyon 174 kishi meningokokk infeksiyasi bilan ro‘yxatga olindi. Ulardan 168 nafari - bolalar. Sanepidqo‘mita vaziyat barqarorligini va aprelda ko‘rsatkichlar pasayganini bildirdi. Profilaktika doirasida 4,8 mingdan ortiq kishi emlandi.
Yuqori Chirchiq tumanidagi maktabda direktor bo‘lib ishlovchi 38 yoshli erkak voyaga yetmagan qizga shahvoniy xarakterdagi xabarlar yuborgani uchun 5 sutkaga qamaldi.
O‘qituvchilar attestatsiyasidagi bahsli savollardan keyin vazirlik qo‘shimcha ball berganini ma’lum qildi. 1200 nafar o‘qituvchiga tushgan savol bo‘yicha barchasiga 2 ball qo‘shilgan. Tanqidlarga javoban mutaxassislar jalb etilgani va apellyatsiya imkoniyati borligi aytildi.
2026-yilning dastlabki uch oyida O‘zbekistonga pul o‘tkazmalari hajmi qariyb 3,8 mlrd dollarni tashkil etdi. Bu o‘tgan yilning shu davriga nisbatan 13 foizga ko‘p. Markaziy bank ma’lumotlariga ko‘ra, pul o‘tkazmalari ichki bozorda valyuta taklifining asosiy manbalaridan biri bo‘lib qolmoqda.
Xorvatiya Markaziy banki sobiq raisi Marko Skreb Gazeta bilan inflyatsion target, MB mustaqilligi, Xorvatiyadagi bank inqirozi va kamtarlik kabi mavzularda suhbatlashdi. “To‘satdan 20 ta bankni yopishga majbur bo‘lsangiz, kelajakda sizni nima kutayotganini bilmasligingizni tushunasiz”, - deydi u.
Maktabgacha va maktab ta’limi vaziri E’zoza Karimova Karmana tumani hokimining o‘qituvchilarni yig‘ilishda turg‘izib qo‘ygan holatiga munosabat bildirdi. Unga ko‘ra, hokim keyinchalik maktabga gul bilan borib, pedagoglardan uzr so‘ragan.
O‘zbekistonda bog‘cha bolalariga beriladigan ovqat sifati va xavfsizligini oshirishga qaratilgan yangi normativ-huquqiy hujjat loyihasi tayyorlanmoqda, dedi maktabgacha va maktab ta’limi vaziri o‘rinbosari Temurjon Komilov.
O‘zbekistonda “ekofaol fuqaro” va “yashil tadbirkor” maqomlarini berish tartibi tasdiqlandi. Fuqarolar ekologik harakatlari uchun ball to‘plab, har chorakda maqom olishi mumkin. Tadbirkorlar esa maxsus mezonlar asosida baholanib, yilda bir marta taqdirlanadi.
Komil Jalilov O‘zbekistonda PISA tavsiyalariga zid siyosat yuritilayotganini aytdi. Vazirlik esa ta’limda yodlash ustunligini tan olib, islohotlar boshlanganini bildirdi. Tabaqalanish masalasi esa mamlakat sharoiti bilan izohlandi.
Buxoroda 18 yoshli qiz o‘zining uch kunlik chaqalog‘ini 4000 dollarga sotmoqchi bo‘lganida ushlandi. U shartli xaridordan 800 dollar olayotganda qo‘lga olingan. Holat bo‘yicha odam savdosi moddasi bilan jinoyat ishi qo‘zg‘atildi.
Namangan viloyati qurilish boshqarmasi mutaxassislari tadbirkorga bino hujjatlarini rasmiylashtirib berish evaziga 22 ming dollar talab qilgani aniqlandi. Ular tezkor tadbirda qolgan 15 ming dollarni olayotgan vaqtida ashyoviy dalillar bilan ushlangandi.
Toshkent tarixi muzeyida poytaxt tarixidagi eng fojiali voqealardan birining 60 yilligiga bag‘ishlangan “Toshkent zilzilasi - xalqaro birdamlik nuqtasi” nomli ko‘rgazma bo‘lib o‘tmoqda. Ekspozitsiyada vayron bo‘lgan va qayta tiklangan shaharning arxiv hujjatlari hamda fotosuratlari taqdim etilgan.
Germaniya va Markaziy Osiyo davlatlari o‘rtasidagi hamkorlik mantig‘i qanday o‘zgarmoqda, tomonlarning manfaatlari qayerda kesishadi va yaqin yillarda qaysi yo‘nalishlar asosiy bo‘ladi? Gazeta Strategik va mintaqalararo tadqiqotlar instituti direktori Eldor Aripov bilan suhbatlashdi.
Orolni qutqarish jamg‘armasiga raislikni qabul qilgan O‘zbekiston uning mintaqaviy rolini kuchaytirish niyatida. Prezident jamg‘arma faoliyatini Markaziy Osiyo davlatlari sammitlari qarorlari bilan uyg‘unlashtirishni hamda Afg‘oniston ishtirokida suv taqsimotining huquqiy asoslarini yaratishni taklif qildi.
AQSh va Eron vaqtinchalik o‘t ochishni to‘xtatish kelishuvidan keyin o‘tgan ikki hafta ichida tinchlik borasida kelisha olmadi. Hurmuz bo‘g‘ozi yopiqligicha qolmoqda, yangi muzokaralar taqdiri esa so‘roq ostida. Gazeta voqealar xronologiyasini keltiradi.
JSST rahbari Toshkentda bo‘lib, Mehrli maktab gospital maktabi faoliyat yuritayotgan Bolalar onkologiyasi, gematologiyasi va immunologiyasi markaziga tashrif buyurdi. U O‘zbekiston birinchi xonimi va Zamin fondi rahbarining bolalar saratoniga qarshi kurash sohasidagi xizmatlarini qayd etdi.
Madaniyat vaziri Ozodbek Nazarbekov san’at sohasiga turli cheklovlar qo‘yish tarafdori emasligini aytib, demokratik jamiyat qurganda, “erkinlikning boshqa tomonlariga ham toqat qilish kerakligini” ta’kidladi.
Janubiy Koreyaning Shinhan Bank banki O‘zbekistonda shu’ba korxonasini ochish va shu yiliyoq moliya organlariga ariza topshirishni rejalashtirmoqda. Bozorga kirishga tayyorgarlik deyarli yakunlangan, bank faoliyatini 2027-yilda boshlashi mumkin.
Shavkat Mirziyoyev Mintaqaviy ekosammitda “Markaziy Osiyoning toza havosi” konsorsiumini tuzishni hamda iqlim loyihalarining yagona investitsiyaviy portfelini shakllantirishni taklif etdi. “Bu mintaqani rivojlantirish bo‘yicha yaxlit strategiya bilan harakat qilish imkonini beradi”, - dedi prezident.
O‘zbekiston uchun SIning asosiy xavfi ish o‘rinlarining ommaviy qisqarishi emas, mehnat unumdorligidagi farqlar sabab daromadlar tengsizligining kuchayishidir. Shu bois davlat siyosati SIni shunchaki rivojlantirishga emas, uni barcha ijtimoiy qatlamlar uchun ochiq va inklyuziv tarzda joriy etishga qaratilishi kerak.
Soddalashtirilgan tartibda undirilishi mumkin bo‘lgan qarzlar ro‘yxatini kengaytiruvchi qonun imzolandi. Endi ular qatoriga kommunal xizmatlar, “kvartplata” va 5 BHMgacha qarzdorliklar ham kiritildi.
O‘zbekistonda xizmat ko‘rsatgan artist Dono Boboxonova 79 yoshida vafot etdi. Gazeta marhumaning hamkasblari - Shirmonoy Abdullayeva, Rixsivoy Aliyev, Sayfiddin Meliyev va Madina To‘xtayevadan o‘z xotiralari bilan bo‘lishishni so‘radi.
O‘zbekiston prezidenti Markaziy Osiyo mamlakatlari, Mo‘g‘uliston, Ozarbayjon, Gruziya va Armaniston delegatsiyalari rahbarlari bilan birga Ostona shahrida o‘tkazilayotgan Mintaqaviy ekologik sammit ko‘rgazmasidagi milliy pavilonlarni ko‘zdan kechirdi.
O‘zbekistonda ko‘p kvartirali uylarning tutash hududidagi barcha daraxt va butalar uy boshqaruvchilari tomonidan xatlovdan o‘tkaziladi. Ma’lumotlar “Mening uyim” axborot billing tizimida aks ettirib boriladi.
2025-yilda 673,3 mlrd so‘mlik 192 ta davlat xaridlarida qonunbuzarliklar aniqlandi. Antikorrupsiya agentligiga ko‘ra, 70 mlrd so‘mlik 60 ta xaridlar bekor qilingan. Qonunchilikni buzgan 14 kishiga ma’muriy, 12 nafariga intizomiy jazo choralari qo‘llanilgan. 2 ta holat bo‘yicha jinoyat ishlari qo‘zg‘atilgan.
Bog‘cha qamrovi 80 foizdan past bo‘lgan hududlarda MTT tashkil etgan tadbirkorlar uchun tarbiyachilarga beriladigan oylik ish haqi qoplab beriladi. Agar MTT maktab yoki davlat bog‘chasi hududida bo‘lsa 30 yil ijara undirilmaydi, tarbiyalanuvchilarga sarflanadigan xarajatning 50 foizi miqdorida subsidiya beriladi.
O‘zbekistonda 1 yillik maktabga tayyorlov guruhlari ta’lim dasturini majburiy umumiy o‘rta ta’limning dastlabki bosqichi sifatida kiritiladi. Xususiy bog‘cha va maktablarga tayyorlov guruhlarini tashkil etishga ruxsat beriladi.
2025-yilda milliy valyuta 6,9 foizga mustahkamlandi, kunlik tebranuvchanlik 2024-yilga nisbatan 2 barobardan ko‘proqqa oshib, 0,28 foizga yetdi. 2025-yilda so‘m, Markaziy bank xulosa qilishicha, erkin suzuvchi valyuta kurslari dinamikasini o‘zida aks ettirdi.
Deputat Diyor Xusanov jamoatchilik va tadbirkorlar e’tiroziga sabab bo‘layotgan kredit penyasi, jarima va foizlarni tartibga solish bo‘yicha MBga so‘rov yubordi. Avvalroq MB to‘lov kechiktirilganda ayrim banklar “adolat va mutanosiblik tamoyillariga zid” sanksiyalar qo‘llayotgani yuzasidan banklarga xat yuborgandi.
AQSh sudi Rayan Rutni 2024-yil sentabr oyida AQSh prezidentligiga nomzod bo‘lgan Donald Trampga suiqasd qilishga urinishda aybdor deb topib, umrbod qamoq jazosiga hukm qildi.
Ispaniya hukumati 16 yoshdan kichik shaxslarning ijtimoiy tarmoqlardan foydalanishini taqiqlash niyatida. Mamlakat bosh vaziri Pedro Sanchesning so‘zlariga ko‘ra, bunday chora bolalarni “raqamli Yovvoyi G‘arb”dan himoya qilish imkonini beradi.
Navoiy xalqaro aeroportiga Uzbekistan Airports’ning markazlashgan operativ boshqaruv tizimidan chiqib, aviakompaniyalar bilan mustaqil shartnomalar tuzish huquqi berilishi mumkin. Havo bandargohi daromadlarini o‘z modernizatsiyasiga sarflash, “porto-franko” erkin bojxona zonasini tashkil etish ko‘zda tutilmoqda.
Jizzax viloyatida 2026-yil mart oyidan Misrning Nile Sugar kompaniyasi tomonidan 450 mln dollarlik shakar zavodi loyihasini amalga oshirish rejalashtirilmoqda. Loyiha qand lavlagini yetishtirish va qayta ishlashning to‘liq siklini o‘z ichiga olib, yiliga 200 ming tonnagacha shakar ishlab chiqarishni nazarda tutadi.
YI ilk bor sanksiyalarni chetlab o‘tishga qarshi kurash vositasini qo‘llashi va Qirg‘izistonga dastgohlar hamda radioqurilmalar eksportini taqiqlashi mumkin. Chora Rossiyaga qarshi sanksiyalarning 20-paketini tayyorlash doirasida muhokama qilinyapti.
2025-yilda O‘zbekistonda 45,3 ming jismoniy shaxs elektr tarmoqlariga uzatilgan quyosh energiyasi uchun davlat budjetidan 209,2 mlrd so‘m subsidiya oldi. Jami 268,7 mingta subsidiya rasmiylashtirildi, shundan 16,3 mingtasi - dekabrda.
Toshkent metropoliteni yana 19 ta bekatda chipta kassalarini yopish rejasi haqida xabar berdi. Yo‘lovchilarning katta qismi yo‘l haqini naqdsiz usullarda to‘lamoqda (bu arzonroq). Elektron to‘lov imkoniyati bo‘lmagan hollarda infokiosklar orqali QR kodli qog‘oz chiptalarni xarid qilish mumkin.
O‘zbekistonning qator hududlarida metan zapravkalar 2-fevraldan soat 10:00 dan 16:00 gacha ishlaydi. Farg‘ona vodiysidagi shoxobchalar ish vaqti hokimliklar bilan kelishilgan holda belgilanadi. Zapravkalar ishiga 20-yanvardan vaqtinchalik cheklov kiritilgandi.
Bir nechta viloyatlarda fuqarolardan pul undirib kelgan shaxslar aniqlandi. Ular Telegram’da yopiq guruhlar tashkil qilib, 3,5 mln so‘m evaziga onlayn ish va har hafta haq to‘lashni va’da qilgan.
Prezident shaxsga doir ma’lumotlar to‘g‘risidagi qonun talablariga muvofiq, uni mamlakat tashqarisida qayta ishlashga ruxsat beruvchi tuzatishlarni imzoladi. Bu Apple Pay, Google Pay va PayPal tizimlari uchun yo‘l ochishi mumkin.
Jahon banki O‘zbekistonga 10,6 mln dollar miqdorida grant ajratishni ma’qulladi. Ushbu mablag‘lar eskirgan gaz uzatish infratuzilmasidagi sizib chiqish holatlarini kamaytirish hamda mamlakatdagi uy xo‘jaliklari va sanoat korxonalarini ta’minlash uchun tabiiy gazni tejashga yo‘naltiriladi.
O‘zbekistonda nikohni bekor qilishda yarashish muddatini 1 yilgacha uzaytirish taklif qilinmoqda. Voyaga yetmagan farzandlari yo‘q oilalar ajrimini sudsiz, FHDYOda qayd etishi uchun ular kamida 1 yil nikohda bo‘lgan bo‘lishi talabi qo‘shilmoqda. Alimentning eng kam miqdorini oshirish ham reja qilingan.
Pokiston-Afg‘oniston mojarosi so‘nggi yillardagi eng yuqori darajaga yetdi va tomonlar boshi berk ko‘chaga kirib qolgani sababli tez yakunlanishi ehtimoli past, dedi Janubiy Osiyo bo‘yicha ekspert Ildar Yakubov.
Amir Temur xiyobonini svetoforli yerusti o‘tish yo‘laklarini qaytarmasdan turib rekonstruksiya qilish noto‘liq ish bo‘ladi, deb hisoblaydi Gazeta. Shaharliklar va poytaxt mehmonlarini o‘ziga tortadigan asosiy maskanlardan biri, 17 yildirki, piyodalar uchun qulay va xavfsiz o‘tish imkoniyatidan mahrumligicha qolmoqda.
O‘zbekiston Markaziy banki naqd chet el valyutasini pasport ko‘rsatmasdan sotib olish limitini 100 dollardan 500 dollargacha oshirishni taklif qildi. Shuningdek, hisobraqam ochmasdan amalga oshiriladigan operatsiyalarda mijozlarni majburiy identifikatsiya qilish chegarasini pasaytirish ham rejalashtirilmoqda.
Toshkentdagi Amir Temur xiyoboni obodonlashtirish ishlari uchun 23-martdan 7-aprelga (shu kuni ham) qadar yopiladi. U sarkardaning 690 yilligi munosabati bilan qayta ochiladi. Maydon atrofida transport harakati cheklanmaydi, unga olib chiquvchi metro bekatlari yopiq bo‘ladi.
Fevralda aholi va tadbirkorlarning yillik inflyatsion kutilmalari o‘zgarishsiz qoldi - mos ravishda 11,2% va 10,8%. Kommunal xizmatlar va yoqilg‘i-energiya qimmatlashishi bo‘yicha xavotirlar mo‘tadillashdi.
Prezident kartoshka ekishda jiddiy kamchiliklarni qayd etdi: maydonlarning 55 foiziga kartoshka ekilmagan, 400 mlrd so‘mning atigi choragi o‘zlashtirilgan. Ekin maydonlari kengaytirilib, fermerlar Misr va Niderlandiyadan urug‘lik kartoshka bilan ta’minlanishi rejalashtirilmoqda.
Rivojlangan mamlakatlar va bir qator Osiyo davlatlarida ishlayotgan o‘zbekistonliklarning pul o‘tkazmalari hajmi qariyb 22 foizga ko‘payib, 3,49 mlrd dollarni tashkil etdi. Markaziy bank migratsiya geografiyasining kengayib borayotgani va rivojlangan mamlakatlarning roli ortib borayotganini ta’kidlamoqda.