Toshkentda pulli avtoturargoh tizimining joriy etilishi hali ham haydovchilar orasida noroziliklarga sabab bo‘lmoqda. Gazeta haydovchilar tomonidan eng ko‘p beriladigan sakkizta savolni Poytaxt Parking operatoriga yo‘lladi. Kompaniyaning javoblari e’tiboringizga havola qilinadi.
Myanma sobiq rahbari va tinchlik bo‘yicha Nobel mukofoti laureati Aun San Su Chji qamoqxonadan uy qamog‘iga o‘tkazildi, deb xabar berdi davlat OAV. U 2021-yilda harbiy to‘ntarish sababli lavozimidan chetlatilganidan beri hibsda saqlanayotgandi.
O‘zbekiston va Seyshel Respublikasi o‘rtasida hamkorlik bitimi imzolandi. Hujjat siyosiy muloqotni faollashtirish, tashqi ishlar vazirliklari o‘rtasida hamkorlik mexanizmlarini yo‘lga qo‘yish, shuningdek, savdo-iqtisodiy va turizm sohalarida aloqalarni kengaytirishga qaratilgan.
Qozog‘iston prezidenti migratsiya siyosatini isloh qilish to‘g‘risidagi farmonni imzoladi. Islohotdan ko‘zlangan maqsad - mamlakatni investitsiyalar va iqtidorli mutaxassislarni jalb qiluvchi mintaqaviy habga aylantirish.
O‘zbekistonda ekologik huquqbuzarliklar uchun moliyaviy javobgarlikni kuchaytirish reja qilinmoqda. Amaldagi jarimalar ko‘pincha yetkazilgan zararga nomutanosib, korxonalar qoidabuzarliklarni bartaraf etishdan ko‘ra jarima manfaatliroq sanagan. Sanksiyalarning yangi mexanizmi real zararni hisobga oladi.
O‘zbekistonda olis joylarda klinikalar ochish uchun 200 mln dollarlik imtiyozli kredit resursi ajratiladi. Bunda bir loyihaga 10 yilgacha muddatga 10 mln dollarlik kredit beriladi. Litsenziya talablarining 14 tasi qayta ko‘rib chiqiladi.
BAA mintaqadagi vaziyat sababli o‘z fuqarolariga Eron, Livan va Iroqqa borishni taqiqlab, u yerlardan zudlik bilan qaytishga chaqirdi. OAV, shuningdek, urush boshlangach, Isroil o‘z tarixida ilk bor “Temir gumbaz” tizimini BAAga himoya maqsadida joylashtirganini yozdi.
Dam olish kunlari O‘zbekistonning ko‘plab hududlarida yomg‘ir yog‘adi, momaqaldiroq kuzatiladi. Harorat +22…+25 daraja atrofida bo‘ladi. Ayrim joylarda shamol kuchayib, chang-to‘zon kuzatilishi mumkin.
Prezident iqtisodiyotning energetikaga yuqori darajada bog‘liqligi sharoitida gidroenergetikani rivojlantirishni jadallashtirish zarurligini ta’kidladi. Hukumat energiya tizimining barqarorligini oshirish maqsadida gidroenergetika sohasida 5,8 mlrd dollarlik 73 ta loyihani amalga oshirishni rejalashtirmoqda.
Sirdaryo viloyati Shirin shahrida ayol erining qonuniy xotini va uning 5 yoshli qizini pichoqlab o‘ldirdi. Yana bir bola og‘ir ahvolda shifoxonaga yotqizildi. Voqeaga erkak bilan rashk sababli kelib chiqqan janjal sabab bo‘lgani aytilmoqda. Holat bo‘yicha jinoiy ish ochilib, gumonlanuvchi ushlandi.
FIFA prezidenti Janni Infantino Eron terma jamoasi JCH-2026'da qatnashishi va o‘yinlarini AQShda o‘tkazishini bildirdi. Lekin harbiy nizo va viza muammolari sababli jamoaning turnirdagi ishtiroki hamon so‘roq ostida.
2026-yilning I choragida O‘zbekistonda 45,2 ming jismoniy shaxs elektr tarmoqlariga uzatilgan quyosh energiyasi uchun davlat budjetidan 73,9 mlrd so‘m subsidiya oldi. Shundan 45,5 mlrd so‘m mart oyiga to‘g‘ri keradi.
Toshkent viloyati Oqqo‘rg‘on tumanida Ohangaron daryosi o‘zanida qum-shag‘alni ruxsat etilgan hududdan tashqarida qazish holati aniqlandi. Oqibatda tabiatga 3,6 mlrd so‘mdan ortiq zarar yetkazilgan. Hujjatlar prokuraturaga yuborildi.
Qashqadaryoda Ukrainadagi urushda Rossiya tomonida turib qatnashgan 38 yoshli fuqaro 3 yilga qamaldi. Uning aytishicha, Rossiyada jazo o‘tayotganida bosim va qiynoqlardan so‘ng harbiy shartnoma imzolagan.
FIDE shaxmat bo‘yicha jahon chempioni unvoni uchun amaldagi chempion Gukesh Dommaraju va o‘zbekistonlik da’vogar Javohir Sindarov o‘rtasidagi bahsni o‘tkazishda arizalar qabulini e’lon qildi. Tarixdagi eng yosh qarama-qarshilikka aylanishi kutilayotgan bahs noyabr oxiri - dekabr o‘rtalariga reja qilinmoqda.
Boston federal sudyasi prezident Tramp ma’muriyatining ayrim davlatlar fuqarolari uchun grin-karta va ishlash ruxsatnomasini cheklash siyosatini noqonuniy deb topdi. Sud 200 nafar immigrant da’vosi asosida ushbu tartibni kamsituvchi deb baholab, arizalarni ko‘rib chiqishni to‘xtatishga oid qarorni bekor qildi.
Toshkent viloyatida PPX xodimi bilan sodir bo‘lgan voqea guvohi o‘shanda nima bo‘lganini aytib berdi. “U pedofil emas. Tegajog‘lik qilgan bo‘lganda, o‘zim yozib yuborardim”, dedi guvoh. Uning aytishicha, videomurojaatdagi yigit aslida qizning akasi emas, yigiti hisoblanadi va qizni doimiy nazorat qilib keladi.
Andijon tumanida mahalla raisi va hokim yordamchisi korrupsiyada gumonlanib qo‘lga olindi. Ular fuqaroga qurilish qilish uchun mo‘ljallangan 30 sotix yerni 60 ming dollar evaziga nomiga rasmiylashtirib berishni va’da qilishgan.
Javohir Sindarovning Nomzodlar turniridagi tarixiy g‘alabasi, Amir Temur xiyobonining rekonstruksiyadan so‘ng ochilishi, O‘zbekistonning Milan dizayn haftaligidagi debyuti va hayvonlarga nisbatan shafqatsiz munosabatga qarshi petitsiya - Gazeta oyning asosiy kadrlarini jamladi.
O‘zbekistonda elektroenergiya yo‘qotishlari 20 foizdan oshgan 44 ta tuman va shahar elektr ta’minoti korxonalari rahbarlari ishdan olindi. Yaqinda prezident ularni yosh kadrlar bilan almashtirish topshirig‘ini bergandi.
Yevropa Ittifoqi sud tizimidagi ortga chekinishlar tufayli Serbiya uchun barcha to‘lovlarni, jumladan, 1,5 mlrd yevrogacha bo‘lgan moliyaviy yordamni to‘xtatdi. YI bu qarorni demokratik islohotlarning sustlashuvi bilan izohladi, Kreml buni Belgradni Rossiyadan uzoqlashtirishga qaratilgan bosim sifatida baholagan.
Toshkent metropolitenining yerusti halqa yo‘li yo‘nalishida poyezdlar harakati 1-maydan boshlab bir soat ertaroq - soat 05:00 dan boshlanadi. Ta’kidlanishicha, yangi jadval yo‘lovchilarga qo‘shimcha qulaylik yaratish va xizmat ko‘rsatish sifatini oshirish maqsadida joriy etilmoqda.
Saida Mirziyoyeva ta’mirga muhtoj bo‘lgan Muqimiy nomidagi akademik teatr, Yoshlar teatri hamda “Arena” yotoqxonasiga tashrif buyurdi. U vaziyatni shaxsan o‘z nazoratiga olganini ma’lum qildi.
Prezident mamlakatda ekologik barqarorlikni ta’minlashga qaratilgan yangi takliflar bilan tanishdi. Unda atrof-muhitga yetkazilayotgan zarar uchun javobgarlikni oshirish, moliyaviy sanksiyalarni qayta ko‘rib chiqish, noyob maskanlarni saqlash va ularni muhofaza qilish masalalariga alohida e’tibor qaratildi.
Yakkabog‘lik Mo‘tabar Buxorovaning oddiy uy sharoitida bolalarga metamatik mavzularni oson tushuntirayotgani aks etgan videolar keng tarqaldi. U hali rasman o‘qituvchi emas, biroq ko‘p maktablar unga “og‘iz solmoqda”. Gazeta muxbiri u bilan suhbatlashdi.
AQSh Davlat departamenti Qo‘shma Shtatlar mustaqilligining 250 yilligi sharafiga mamlakat prezidenti Donald Tramp tasviri tushirilgan cheklangan miqdordagi pasportlarni chiqaradi.
Energetika vaziri Jo‘rabek Mirzamahmudov moliyachi va bloger Otabek Bakirovning postlariga huquqiy baho berishni so‘rab huquqni himoya qiluvchi organlarga murojaat qildi. Avval shunga o‘xshash ariza bo‘yicha jinoyat ishi qo‘zg‘atish rad etilgan edi, biroq prokuratura bu qarorni bekor qildi.
“Manfur kimsalar”, “Andisha va g‘urur” hamda “Kelajakka qaytib” kabi kinolarning ishlab chiqarilishi va namoyish qilinishiga hissa qo‘shgan Universal Pictures bundan 114 yil avval - 30-aprelda tashkil topgandi.
Glamour Gold kompaniyasi mansabdorlariga qo‘zg‘atilgan jinoyat ishi bo‘yicha tergov yakunlandi. Ular Eco Dream turar joy majmuasi uchun 300 ga yaqin fuqaro to‘lagan pulni talon-toroj qilgan. Zararni qoplashda ayblanuvchilarning 65 mlrd so‘mlik mulki xatlandi. Boshqa jabrlanganlar bo‘lsa, murojaat qilish so‘ralmoqda.
1-maydan Pekinda dronlar va ularning butlovchi qismlarini sotish, ijaraga berish hamda olib kirishni taqiqlovchi yangi qoidalar kuchga kiradi. Rasmiylar ushbu choralarni xavfsizlik nuqtai nazaridan kelib chiqqan holda tushuntirmoqda.
Chirchiqda profilaktika inspektori guruh tomonidan fuqaroga tan jarohati yetkazilgani bilan bog‘liq ishni “bosdi-bosdi” qilish evaziga 2700 dollar olganlikda gumonlanib ushlandi. U jabrlanuvchiga 300 dollar berayotganda qo‘lga olingan.
Muzokaralar yakunida O‘zbekiston va Chexiya rahbarlari kengaytirilgan hamkorlikni ilgari surish to‘g‘risida qo‘shma deklaratsiya imzoladi. Hukumatlar iqtisodiy, sanoat, ilmiy va texnologik sheriklik, shuningdek, geologiya va elektropoyezdlarni yetkazib berish bo‘yicha kelishuv imzoladi.
Toshkentdagi muzokaralarda O‘zbekiston va Chexiya rahbarlari tovar ayirboshlash hajmini 1 mlrd dollarga yetkazish, texnologik kooperatsiya dasturini, shu jumladan, geologiya va muhim xomashyo sohalarida tayyorlash, shuningdek, poytaxtlar o‘rtasida to‘g‘ridan-to‘g‘ri aviaqatnovlarni qayta tiklashni kelishib oldilar.
“Chegara bilmas muxbirlar” tashkilotining matbuot erkinligi bo‘yicha yangi reytingida O‘zbekiston bir pog‘onaga ko‘tarilib, 180 ta davlat ichida 147-o‘rinni egalladi. Shu bilan birga, mamlakatning umumiy bali pasaygan, OAV erkinligi bilan bog‘liq vaziyat esa hamon “juda murakkab”ligicha qolmoqda.
III Toshkent urban forumida davlat organlari, quruvchilar va shaharliklar o‘rtasidagi muloqot muammolari muhokama qilindi. “Shaharga o‘z qarorlarini tushuntirish, aholiga esa o‘z fikrini bildirish imkoniyatini berish muhim”, deydi Gazeta`ning axborot hamkorligi loyihalari menejeri, bosh muharrir Sabina Bakayeva.
Ko‘ksaroy qarorgohida O‘zbekistonga rasmiy tashrif bilan kelgan Chexiya bosh vaziri Andrey Babishni rasmiy kutib olish marosimi bo‘lib o‘tdi. Undan so‘ng oliy darajadagi muzokaralar o‘tkazish ko‘zda tutilgan.
O‘zbekistonning BAAdagi elchisi Umid Shodiyev BAA tashqi ishlar vaziri o‘rinbosariga ishonch yorliqlari nusxalarini topshirib, diplomatik faoliyatini boshladi. Uchrashuvda ikki tomonlama hamkorlik masalalari muhokama qilindi, tomonlar aloqalarni kengaytirishga tayyorligini bildirdi.
Prezident administratsiyasi rahbari Saida Mirziyoyeva poytaxtdagi Muqimiy va Yoshlar teatri hamda boshqa madaniyat maskanlari holatini borib ko‘rdi. “Ahvol chatoqku, qaramagansizlar…Bu yerda nazorat bo‘lmagan, nima xohlasa, qilgan”, - dedi u.
O‘zbekistonliklar Germaniyada qurilish sohasida ishga taklif etilmoqda. 280 ta bo‘sh ish o‘rni mavjud, maosh - 2100 yevro. Talabgorlar uchun bepul til kurslari tashkil etiladi, yo‘l va imtihon xarajatlari qoplanadi. Turar joy va oziq-ovqat xarajatlari xodim hisobidan.
Qirg‘iziston Milliy xavfsizlik davlat qo‘mitasi sobiq rahbari Qamchibek Tashiyevga nisbatan hokimiyatni kuch bilan egallashga urinish, shuningdek, vakolatni suiiste’mol qilish bo‘yicha ayblov e’lon qilindi.
2026-yilda Yaqin Sharqdagi urush tufayli kutilayotgan global narxlarning sakrashi - energiya resurslari +24%, o‘g‘itlar +31% - oziq-ovqat va yoqilg‘i narxlarining oshishiga olib kelishi mumkin. Jahon banki bahosiga ko‘ra, bu rivojlanayotgan mamlakatlarda inflyatsiyani 5,1% gacha tezlashtiradi.
AQSh va Rossiya prezidentlari Donald Tramp hamda Vladimir Putin telefon orqali suhbatlashib, Ukrainadagi ehtimoliy o‘t ochishni to‘xtatish masalasini muhokama qildi. Putin 9-may kuni sulh e’lon qilishga tayyorligini bildirdi.
Jarima maydonchasidagi mashinani chiqarish uchun onlayn ariza topshirish mumkin bo‘ladi. Qoidabuzarlik bartaraf etilsa yoki qonuniy qaror qabul qilinsa, 1 ish kunida mashinani olib chiqishga ruxsat beriladi.
G‘iyosiddin Rejabov O‘zbekiston prezidentining madaniyat masalalari bo‘yicha vakili etib tayinlandi. U bunga qadar Prezident administratsiyasining Kreativ iqtisodiyot va turizm bo‘yicha departamenti shu’ba mudiri lavozimida faoliyat yuritgan.
Toshkentdagi tadbirkorlar axborot peshtaxtalari uchun to‘lovlarni bekor qilish va yangi dizayn kodga moslashish uchun vaqt berishni taklif qildi. Ularning ta’kidlashicha, amaldagi qoidalar katta xarajatlarni talab etmoqda, peshlavhalarni demontaj qilish esa biznesga zarar keltirmoqda.
Qirg‘iziston Milliy xavfsizlik davlat qo‘mitasi sobiq rahbari Qamchibek Tashiyev o‘ziga nisbatan jinoiy ish qo‘zg‘atilganini ma’lum qildi. U oqlanishiga umid bildirdi va tarafdorlarini “faqat qonun doirasida harakat qilishga” chaqirdi.
O‘zbekistonda yil yakuniga qadar 13 ta gidroelektr stansiyani ishga tushirish rejalashtirilmoqda. Ularning umumiy quvvati 114 megavattni tashkil etib, yiliga 537 million kilovatt soat elektr energiyasi ishlab chiqarish imkoni yaratiladi. Prezident mazkur loyiha taqdimoti bilan tanishdi.
Toshkent xalqaro aeroportida samolyotlar parvozini qushlardan himoya qiluvchi intellektual qurilma ishga tushdi. U bir vaqtda 256 tagacha qushni aniqlab, samolyotlar yo‘lidan xavfsiz zonalarga haydash imkonini beradi.
Poytaxtdagi “Gumbaz” qurilish mollari bozori yaqinida joylashgan omborxonada yong‘in chiqdi. Kuchli tutun uzoqdagi hududlardan ham ko‘ringan. Qutqaruvchilar yong‘inni taxminan 40 daqiqada o‘chirdi. Jabrlanganlar haqida ma’lumot kelib tushmagan.
Chexiya bosh vaziri Andrey Babishning O‘zbekistonga tashrifi arafasida Gazeta o‘z mamlakatida ikki bor hukumat rahbari lavozimiga erishgan siyosatchining portretini tayyorladi. Yirik biznes asoschisi sifatida u davlat boshqaruvida ishbilarmonlik modellarini qo‘llaydi.
Toshkentda zamonaviy ayollar kinosiga bag‘ishlangan Women Watch Uzbekistan Screenings festivali bo‘lib o‘tmoqda. Dasturdan Kann kinofestivali va Berlinalening so‘nggi ikki yildagi tanlovlarida namoyish etilgan filmlar, shuningdek, O‘zbekiston kinoijodkorlari uchun ma’ruzalar va mahorat darslari o‘rin olgan.
O‘zbekistonda ko‘kalamzorlashtirish ishlarida qatnashgan fuqaro va tadbirkorlarga maxsus maqom va mukofot berish reja qilinmoqda. 100 tup daraxt ekkan yoki 10 mln so‘m xayriya qilganlarga “ekofaol fuqaro”, undan kattaroq hissa qo‘shganlarga esa “metsenat” maqomi va davlat mukofotlari berilishi ko‘zda tutilgan.
JSST hisobotiga ko‘ra, Yevropa va MO mintaqasida har beshinchi sil bemoriga tashxis qo‘yilmagan. Doriga chidamli sil bilan kasallanish ko‘rsatkichi global darajadan 7 baravar yuqori bo‘lib qolmoqda.
O‘zbekistonda masjidlar orqali favqulodda vaziyatlar haqida ogohlantirish tizimi joriy etildi. 272 ta masjidda uskunalar o‘rnatildi. Tizim 6,5 mln aholini qamrab oladi va aloqa yoki elektr uzilganda ham ishlaydi.
Fevralda aholi tomonidan sezilgan inflyatsiya sezilarli o‘zgarmadi - 11,6% (-0,1%). Respondentlarga ko‘ra, benzin va yoqilg‘i, kommunal xizmatlar, yo‘l kira va tashish xizmatlari eng ko‘p arzonlashdi.
21-martga o‘tar kechasi Yerda so‘nggi 2 oydagi eng kuchli magnit bo‘roni qo‘zg‘aldi. Iqlimshunos Erkin Abdulahatovga ko‘ra, Quyoshdagi chaqnashlar sabab yuzaga kelgan “qizil” xavf 24-martgacha cho‘zilishi mumkin.
O‘zbekistonda davlat organlarida qog‘ozdan foydalanishni qisqartirish choralari kuchaytiriladi. 1-maydan xarajatlar har yili 15 foizga kamaytiriladi, 1-iyungacha qog‘oz yig‘ish tizimi joriy etiladi.
Navro‘z va Ramazon hayiti arafasida prezident 392 nafar mahkumni afv etishga oid farmon imzoladi. Ulardan 223 nafari jazodan butunlay ozod etildi, qolganlarining muddati yoki shartlari osonlashdi. Afv etilganlar orasida 3 nafarini xorijlik, 26 nafarini ayol va 166 nafarini yoshlar tashkil qiladi.
Ramazon hayiti munosabati bilan 20-mart kuni Toshkent shahrida avtobus va metropoliten ish faoliyati soat 4:00 dan boshlanadi.
Markaziy bank asosiy stavkani yillik 14 foiz darajasida o‘zgarishsiz qoldirdi va buni bazaviy inflyatsiyaning tezlashayotgani hamda ichki talabning barqarorligi bilan izohladi. Geosiyosiy keskinlikning kuchayishi import narxlari orqali inflyatsiyaga qo‘shimcha bosim yaratmoqda. So‘m kursiga jiddiy bosim kuzatilmayapti.
16-apreldan Namangan viloyatida yer va mol-mulk solig‘i bo‘yicha qarzi 1 mln so‘mdan oshgan jismoniy shaxslarga nisbatan elektr energiyasi billingi orqali qarzdorlikni undirish mexanizmi sinov tariqasida joriy etiladi.
O‘zbekistonda 15-mart kuni metan zapravkalar olti soat - 10:00 dan 16:00 gacha ishlaydi. Vodiydagi zapravkalarning ish vaqti esa hokimliklar bilan kelishilgan holda e’lon qilinadi.
Elektrozapravka operatorlari Toshkentda ommaviy o‘chirishlar bo‘laayotgani va ularni o‘rnatish bo‘yicha tartib-qoida yo‘qligini ma’lum qildi. Shahar hokimligi aniqlangan qoidabuzarliklarni qayd etib, vaziyatni “barcha yutqazadigan holat” deb atadi. Muammoni hal etish uchun ishchi guruh tuzildi.
O‘zbekistonda fevral oyida avtotransport savdosining umumiy hajmi 84,2 ming donani tashkil etib, 2025-yilning shu davriga nisbatan 6,4 foizga oshdi. Elektromobillar savdosi esa 6,9 ming donani tashkil etib, o‘tgan yilning fevral oyiga nisbatan 1,5 barobarga ko‘paydi.
O‘zbekistonda ixtiyoriy ijtimoiy soliq to‘lagan o‘zini o‘zi band qilganlar budjet hisobidan ipoteka krediti olishi mumkin. Prezident farmoni bilan uy-joy qurilishini rag‘batlantirish, “Yangi O‘zbekiston” massivlarini rivojlantirish va ipoteka tizimini takomillashtirish choralari belgilandi.
“O‘tgan kunlar”, “Mehrobdan chayon” romanlari, “Obid ketmon” qissasi va “Baxtsiz kuyov” pyesasi muallifi Abdulla Qodiriy tavalludiga 10-aprelda 132 yil to‘ldi.
Farg‘onaning So‘x tumani turizm sohasiga $60 mln sarmoya kiritish ko‘zda tutilmoqda. Xususan, So‘x daryosi bo‘yida reabilitatsiya va fizioterapiya yo‘nalishidagi tibbiyot klasteri, turizm maskanlari barpo etish taklif qilindi.
Rossiya va Ukraina pravoslavlarning Pasxa bayrami munosabati bilan vaqtinchalik o‘t ochishni to‘xtatish haqida e’lon berdi. Sulh 32 soat davom etadi.
O‘zbekiston hukumati AQSh va YUNISEF ko‘magida Termizda Jamoat salomatligi sohasidagi favqulodda vaziyatlar operatsion markazini ochdi. Ushbu markaz kasalliklar tarqalishiga qarshi kurashish vaqtini qisqartirishi va qiyin sharoitda tibbiy xizmatlarning uzluksizligini ta’minlashi kutilmoqda.
Farg‘ona viloyatida qarzdordan 90 ming dollarni, 842 ming dollar qilib qaytarishni talab qilgan ikki kishi qo‘lga olindi. Ular sovuq qurol bilan qarzdor ayolning o‘zi, oila a’zolariga zarar yetkazish bilan qo‘rqitib, muntazam pul undirib kelgan.
Buxoroda 31 yoshli fuqaro Rossiyaga ishlashga borib, o‘g‘rilik uchun qamalgan. Qamoqda bosim ostida urushga shartnoma imzolagan. Tayyorgarlik mashqlari paytida yaralangach, qochib O‘zbekistonga qaytgan.
O‘zbekistonda ish tashlash masalalarini huquqiy jihatdan tartibga solish rejalashtirilmoqda. Bunda ish tashlash huquqi kafolatlanmoqda, ish tashlashni noqonuniy deb topish asoslari va tartibi belgilanmoqda.
O‘zbekistonda ommaviy sportni baholashning yangi tizimi joriy etiladi: endi aholi salomatligi asosiy mezon bo‘ladi. Prezident maktablarda krossfitni rivojlantirish, kasalliklar kamaygan mahallalarni rag‘batlantirish va amaldorlarga sport bilan shug‘ullanish majburiyatini qayta yuklash bo‘yicha topshiriq berdi.
Senat davlat organlari va mansabdor shaxslarining noqonuniy qarorlari, harakatlari yoki harakatsizligi tufayli yetkazilgan zararni qoplash to‘g‘risidagi qonunni ma’qulladi. To‘lovlar maxsus kompensatsiya jamg‘armalari orqali amalga oshiriladi va keyinchalik bu mablag‘lar aybdor shaxslardan undirib olinadi.
Senatorlar Qo‘riqlash departamenti xodimlariga ayrim huquqbuzarliklarni ko‘rib chiqish vakolatini berish ko‘zda tutilgan qonunni ma’qulladi. Xususan, endi departament xodimlari jamoat joylarida tamaki mahsulotini iste’mol qilgan, ov qilish va baliq ovlash qoidalarini buzganlarni jarimaga tortishi mumkin.