O‘zbekistonda 1-iyuldan boshlab nodavlat tibbiyot tashkilotlari davlat tibbiy sug‘urtasi doirasida budjet hisobidan xizmat ko‘rsata oladi. Shuningdek, akkreditatsiyadan o‘tgan xususiy klinikalarga transplantatsiya amaliyotlarini o‘tkazishga ruxsat beriladi.
Oq uy AQSh va Eron urushni tugatadigan hamda Eron yadro dasturi bo‘yicha batafsilroq muzokaralar uchun asos yaratadigan o‘zaro anglashuv memorandumini imzolashga yaqin deb hisoblamoqda.
O‘zbekistonda 1-avgustdan sanoat, radiatsiya va yadro xavfsizligi qoidalari buzilishi haqida foto yoki video yuborganlar pul mukofoti oladi. Fuqarolar avariya, portlash va xavfli holatlar haqida maxsus tizim orqali xabar qilishi mumkin. Ularga undirilgan jarimaning bir qismi to‘lab beriladi.
SSV huzurida Klinik audit inspeksiyasi, Aholi salomatligini tahlil qilish markazi va Mediamarkaz tashkil etiladi. Idora apparati 298 shtat birligigacha ko‘paytiriladi, Sanepidqo‘mitaniki esa 880 taga qisqartiriladi.
6-may holatiga ko‘ra, respublikada jami 60 nafar urush qatnashchisi va ularga tenglashtirilgan faxriy istiqomat qiladi. Ularning eng ko‘pi Toshkent shahri hissasiga to‘g‘ri keladi.
Bosh vazir Nikol Pashinyan Armaniston - YeI birinchi sammitida uning mamlakati YeIga qabul qilinsa, bundan mamnun bo‘lishini ta’kidladi. Uning fikricha, qabul qilishmasa ham, mamlakat yevrostandartlarga erishish orqali yutuqqa erishadi.
Bosh vazir Nikol Pashinyan Armaniston - YI birinchi sammitida uning mamlakati YeIga qabul qilinsa, bundan mamnun bo‘lishini ta’kidladi. Uning fikricha, qabul qilishmasa ham, mamlakat yevrostandartlarga erishish orqali yutuqqa erishadi.
Osiyo infratuzilma investitsiyalari banki Buxoroda quvvati 300 MVt bo‘lgan “Bash II” shamol elektr stansiyasi qurilishi uchun 107 mln dollar miqdorida kredit ajratdi. ACWA Power kompaniyasi bilan hamkorlikda amalga oshirilayotgan ushbu loyiha 336 ming xonadonni elektr bilan ta’minlashi kutilmoqda.
O‘zbekistonda tadbirkorlarning soliq qarzdorligi bo‘yicha penya miqdori asosiy qarz summasidan oshib ketmasligi haqidagi norma joriy etiladi. Shuningdek, QQS to‘lovchisi guvohnomasi endi avtomatik tarzda to‘xtatilmaydi - bunday qaror soliq organi rahbari yoki uning o‘rinbosari tomonidan qabul qilinadi.
O‘zbekistonda tibbiyot sohasiga jalb etiladigan xorijlik shifokorlar uchun ijtimoiy soliq 1 foizga tushiriladi, shuningdek, tibbiyot tashkilotlari tomonidan olib kiriladigan tibbiy jihozlar, ehtiyot qismlar va maxsus avtotransport vositalari 2029-yil 1-iyunga import bojxona bojidan ozod etiladi.
Qozog‘iston 2027-yildan Rossiya elektr energiyasidan voz kechishni reja qilmoqda. Bunga yangi stansiyalar qurilishi va amaldagilarining modernizatsiyasi orqali ichki generatsiyani oshirish bilan erishilmoqchi.
Go‘zallik salonlarini raqamlashtirish, onlayn tez yordam, to‘g‘ri tashlangan chiqindiga rag‘bat, biznesni avtomatlashtirishga qaratilgan ilovalarni “Al-Xorazmiy vorislari” loyihasining qizlari yaratdi.
Farmatsevtika tarmog‘ini rivojlantirish agentligi Tibbiyot va farmatsevtika tarmog‘ini rivojlantirish agentligi etib qayta nomlandi. Uning qoshida ustav fondi 10 milliard so‘m bo‘lgan Health Invest kompaniyasi tashkil etiladi.
O‘zbekiston va Qatar mehnat migratsiyasi sohasida yangi kelishuvlarga erishdi. Qatar Airways joriy yilda 65 nafar o‘zbekistonlikni ishga qabul qiladi. Kelgusida yana 1600 mutaxassis jalb qilinadi. O‘zbekiston - Qatar mehnat forumini o‘tkaziladi, Qatar standartlari asosida tibbiyot xodimlari tayyorlanadi.
Javohir Sindarov Polshada o‘tayotgan Grand Chess Tour 2026'ning birinchi bosqichini muvaffaqiyatli boshladi. U rapid yo‘nalishidagi 3 partiyada 6 imkoniyatdan 4 ochko jamg‘ardi. Shaxmatchi 4 nafar grossmeyster bilan birga peshqadam bo‘lib turibdi.
Migratsiya agentligi oliy ma’lumotli hamshiralarni Italiyaga ishga taklif qilmoqda. 45 yoshgacha bo‘lgan nomzodlar 7 oylik bepul onlayn italyan tili kursini o‘taydi. Kursni tugatganlar Milandagi klinikalarga oyiga 1800 yevro maosh bilan ishga joylashtiriladi.
Prezident suv va alkogolsiz ichimliklarni markirovkalash tizimida agregatsiya mexanizmini kechiktirishni qo‘llab-quvvatladi: yirik ishlab chiqaruvchilarning yarmi yangi talablarga tayyor emas. Jarimalar qayta ko‘rib chiqiladi, umumiy ovqatlanish va savdo uchun tushumga bog‘liq bo‘lmagan, qat’iy summalar belgilanadi.
Toshkent shahri hokimligi “Brodvey” nomi bilan mashhur bo‘lgan Sayilgoh ko‘chasi va unga tutash hududlarni kompleks rivojlantirish rejalarini e’lon qildi. Maqsad - piyodalar infratuzilmasi va sayr qilish hududlarini yaxshilash, shuningdek, xavfsiz va inklyuziv jamoat maskanlarini yaratishdir.
Interpol kanallari orqali qidiruvda bo‘lgan Turkiya fuqarosi Fransiya va BAA orqali tranzit bilan Toshkentga olib kelindi. U O‘zbekiston Jinoyat kodeksining o‘ta yirik miqdorda firibgarlik moddasi bo‘yicha jinoiy javobgarlikka tortilishi belgilangan.
Qonunosti hujjatlarida ko‘zda tutilgan soliq imtiyozlari Soliq kodeksiga kiritiladi. O‘zgarishlar qabul qilinguncha O‘zbekiston tadbirkorlariga bu imtiyozlardan foydalanishga ruxsat beriladi, deb xabar qildi Soliq qo‘mitasi departamenti direktori Aziz Umirzoqov prezident huzuridagi yig‘ilish yakunlari bo‘yicha.
O‘zbekistonda kafe va restoranlar tushumining qancha qismi naqd pulsiz shaklda bo‘lishidan qat’i nazar, to‘langan QQSning 40 foizini qaytarib olishi mumkin bo‘ladi. Hozirda maksimal qaytarish miqdoridan faqat naqd pulsiz to‘lovlar ulushi 60 foiz va undan yuqori bo‘lsagina foydalanish mumkin.
BMT Atrof-muhit bo‘yicha dasturi (UNEP) ijrochi direktori Inger Andersenning fikricha, Markaziy Osiyo havo sifati bo‘yicha maqsadli ko‘rsatkichlardan ancha yiroqda. Vaziyatdan chiqish uchun mintaqaviy darajada hamkorlikni rivojlantirish zarur.
Toshkentda “Besh million sun’iy intellekt yetakchilari” loyihasi doirasidagi “Milliy tanlov”ning g‘olib va sovrindorlari taqdirlandi. Ikkita maktabga elektromobil topshirildi. 10 nafar pedagog xorijga sayohat yo‘llanmasini qo‘lga kiritdi.
To‘g‘ri renovatsiya poytaxtga ham yashash uchun qulay mavzelarni, ham bog‘ hududlarini, ham ijtimoiy obyektlarni va puxta o‘ylangan transport tizimini taqdim etishi kerak. III Toshkent urbanforumida shahar muhitini yangilash va aholi manfaatlari o‘rtasidagi muvozanatni izlash masalasi muhokama qilindi.
Toshkentda 15 ta avtomobil ishtirokida YTH yuz berdi. Equinox mashinasining keksa yoshli haydovchi chorrahada to‘xtab turgan mashinalarga katta tezlikda urilgan. U kasalxonaga yotqizildi. Voqea joyida bo‘lgan Gazeta muxbiri sochilib yotgan avtomobil bo‘laklari va shikastlangan daraxtlarga guvoh bo‘ldi. Video.
O‘zbekiston sog‘liqni saqlash vaziridan tashqari, uning deyarli barcha o‘rinbosarlari ham o‘zgardi. Iqtisodiyot va moliya vaziri o‘rinbosari - Davlat-xususiy sheriklikni rivojlantirish departamenti direktori Ilxomjon Umrzaqov ulardan biriga aylandi.
Sog‘liqni saqlash vaziri lavozimiga shu paytgacha Prezident administratsiyasi Huquqiy ekspertiza va kompleks tahlil qilish departamenti shu’ba mudiri lavozimida ishlagan Eldor Adilov tayinlandi. Asilbek Xudayarov boshqa ishga o‘tishi munosabati bilan vazir lavozimidan ozod etildi.
Amsterdamda go‘sht hamda tarkibida qazib olinuvchi yonilg‘i turlari mavjud bo‘lgan mahsulotlar reklamasiga qarshi taqiq kuchga kirdi. Shu yo‘l bilan Niderlandiya poytaxti rasmiylari issiqxona gazlari chiqindilarini minimal darajaga tushirish va go‘sht iste’molini kamaytirishni maqsad qilgan.
Qasim-Jomart Toqayev Roman Sklyarni o‘z administratsiyasi rahbari etib tayinladi. U 2022-yildan beri Qozog‘iston bosh vaziri birinchi o‘rinbosari sifatida ishlab kelayotgandi.
Mirzo Ulug‘bek tumanidagi ayrim maktablarda sinov tariqasida davomatni “aqlli” kameralar orqali nazorat qilish boshlandi. Maktab vazirligi bu davomatni nazorat qilishda qo‘shimcha vosita sifatida qo‘llanayotganini tushuntirdi.
O‘zbekistonning Misrdagi elchisi Mansurbek Qilichev Jazoirdagi birinchi elchi etib tayinlandi. U Jazoir tashqi ishlar vaziriga ishonch yorliqlari nusxalarini topshirdi. Tomonlar savdo, sanoat va ta’lim sohalarida hamkorlikni kengaytirish, yangi qo‘shma loyihalarni amalga oshirish masalalarini muhokama qildi.
O‘zbekiston delegatsiyasi Saudiyada mehnat migratsiyasi bo‘yicha muzokaralar o‘tkazdi. Tomonlar tibbiyot, qurilish, turizm va muhandislik sohalariga ishchi kuchini jalb qilishni muhokama qildi. Kadrlarni xalqaro standartlar asosida tayyorlash, malaka imtihonlari va qonuniy ishga joylashtirish tizimi yo‘lga qo‘yiladi.
Jismoniy shaxslarning o‘z bank kartalari o‘rtasidagi pul o‘tkazmalarini komissiyasiz amalga oshirish taklif etilmoqda. Qolaversa, pullik SMS xabarnomalar xarajatlari qayta ko‘rib chiqilishi mumkin. Prezident raqamlashtirish biznes va aholi uchun qo‘shimcha yuk emas, balki qulaylik bo‘lishi shartligini ta’kidladi.
Prezidentga taqdim etilgan taqdimotda tadbirkorlik subyektining nomi va faoliyat turi to‘g‘risida binoga joylashtirilgan axborotni reklama sifatida baholamaslik va buning uchun tegishli pasportlarni rasmiylashtirishni bekor qilish taklif etildi.
Qo‘shni hududlarda chorva mollari “oqsil” virusi bilan kasallanayotgani ortidan O‘zbekistonda ham uning tarqalishi bo‘yicha xavotirlar yangramoqda. Veterinariya qo‘mitasi vakili Gazeta uchun intervyuda O‘zbekistonda hozircha kasallik laborator tasdiqlanmagani va bir oyda 4,5 mln bosh chorva emlanganini ta’kidladi.
Namangan xalqaro aeroportining yangi yo‘lovchi terminalini iyun yakuniga qadar ochishga tayyorlash reja qilinmoqda, deya xabar berdi transport vaziri o‘rinbosari Jasurbek Choriyev. Loyiha Namangan Air Solution kompaniyasi bilan DXSH doirasida amalga oshirilmoqda. Uning qiymati 140 mln dollarga baholangan.
Yaqin Sharqdagi mojaro O‘zbekiston uchun yuk tashish narxiga ta’sir qilmoqda, dedi investitsiya vaziri o‘rinbosari vazifasini bajaruvchi Shoxrux Gulamov. Uning aytishicha, hukumat yuklarni muqobil yo‘nalishlar, jumladan, Markaziy koridor va Xitoy portlari orqali qayta yo‘naltirish ustida ishlamoqda.
O‘zbekiston Transport vazirligi Toshkent - Samarqand yangi tezyurar temiryo‘l loyihasi TIAning so‘nggi versiyasini qabul qildi, dedi vazir o‘rinbosari Jasurbek Choriyev. Uning so‘zlariga ko‘ra, tenderni boshlashdan oldin loyiha investitsion jozibadorlik nuqtai nazaridan yana takomillashtiriladi.
ACWA Power rahbari O‘zbekiston prezidenti bilan uchrashuvda kompaniya mamlakatga investitsiyalarni kengaytirish niyatida ekanini bildirdi. Uning aytishicha, tomonlar avval investitsiyalarni yana 5 mlrd dollarga oshirishni muhokama qilgan, ACWA Power bu maqsadlarni amalga oshirishda “qat’iyat bilan oldinga intiladi”.
Buxoro yangi xalqaro aeroportini qurish va boshqarish loyihasi bo‘yicha tenderning birinchi bosqichini 11-mayda yakunlash reja qilingan, deya xabar berdi transport vaziri o‘rinbosari. Uning aytishicha, loyihaga 50 ga yaqin kompaniya qiziqish bildirgan va ishtirokchilar saralab olingach, jarayon ikkinchi bosqichga o‘tadi.
Toshkentning yangi xalqaro aeroporti qurilishi iyunda boshlanishi kutilmoqda, dedi transport vaziri o‘rinbosari Jasurbek Choriyev. Unga ko‘ra, DXSH bo‘yicha xususiy investor bilan kelishuv mayning o‘rtalarigacha imzolanishi kerak.
Nyu Yorkda yahudiy jamoatchiligi va siyosatchilarning qarshiligidan so‘ng Yulduz Usmonovaning 9-mayga belgilangan konserti bekor qilindi. Xonanda bir necha bor yahudiylar haqida salbiy chiqishlar qilgandi.
O‘zbekistonda ekologik huquqbuzarliklar uchun yuridik shaxslarga nisbatan jarimalar karrasiga oshirildi. Xususan, moliyaviy sanksiyalar atrof-muhitga yetkazilgan zarar va to‘lanishi lozim bo‘lgan kompensatsiya miqdoriga bog‘lanmoqda.
Seshanba kuni Toshkent-Xiva yo‘nalishi bo‘yicha Janubiy Koreyaning Hyundai Rotem yuqori tezlikdagi elektropoyezdi muntazam qatnovlarni boshladi. “Jaloliddin Manguberdi” nomini olgan yangi tarkib ming kilometrdan ortiq masofani 7,5 soatda bosib o‘tadi.
Buxoroning Olot tumanida 2024-yilda 154 tup turung‘ul daraxti noqonuniy kesilgani aniqlangan. Tabiatga 1 mlrd 302 mln so‘m zarar yetkazilgan. Sud da’voni qanoatlantirib, ushbu mablag‘ni javobgar yuridik shaxsdan undirishni belgiladi.
Jahonda oltin narxi pasaygan taqdirda ham O‘zbekiston MB valyuta kursining erkin suzuvchi rejimini saqlab qoladi, dedi regulyator rahbari Timur Ishmetov. Uning so‘zlariga ko‘ra, erkin kurs noaniqlik sharoitida eng samarali vosita bo‘lib qolmoqda, oltinning inflyatsiyaga ta’siri esa bilvosita xarakterga ega.
Toshkentda shar’iy nikohidagi ayolini o‘ldirish uchun qotil yollagan shaxs qo‘lga olindi. U buning uchun 10 ming dollar va’da qilib, 2 ming dollarini oldindan bergan. IIO ayolning o‘limini sahnalashtirish orqali gumonlanuvchini voqea paytida ushladi. Hozirda unga jinoyat ishi ochilib, qamoqqa olingan.
Toshkentda shar’iy nikohidagi ikkinchi ayolini o‘ldirish uchun qotil yollagan shaxs qo‘lga olindi. U buning uchun 10 ming dollar va’da qilib, 2 ming dollarini oldindan bergan. IIO ayolning o‘limini sahnalashtirish orqali gumonlanuvchini voqea paytida ushladi. Hozirda unga jinoyat ishi ochilib, qamoqqa olingan.
“Chorsu” metro bekati kirish qismini suv bosgach, Toshkent shahri hokimligi avtoturargohlar qurilishida to‘sib qo‘yilgan drenaj tizimini tiklashni boshladi. Yog‘ingarchilik hisoblangan miqdordan ikki baravar kam bo‘lishiga qaramay, tizim suvni nazorat qila olmadi. Shahar hokimi voqea joyiga ikki marta kelib ketdi.
Tarmoqlarda Turkiyada yashash guvohnomasi (ikamet izni) uchun bojlar 930 foizgacha oshgani haqida xabarlar tarqaldi. Turkiya Migratsiya boshqarmasi, hukmron partiya, shuningdek, O‘zbekiston elchixonasi bu ma’lumotlarni rad etdi. To‘lovlar miqdori avvalgi tartibda davom etmoqda.
Ichki ishlar vazirining sobiq o‘rinbosari Bekmurod Abdullayev va 186 mlrd so‘m ($15,3 mln) o‘zlashtirishda gumonlanayotgan yana 6 nafar mansabdor shaxs qamoqdan ozod etildi. Huquq himoyachisiga ko‘ra, general-mayorning qarindoshlari zararni naqd pulda to‘liq qoplaganidan so‘ng, ular garov evaziga qo‘yib yuborilgan.
9-may - Xotira va qadrlash kuni munosabati bilan Ikkinchi jahon urushi qatnashchilari va nogironlarining har biriga 30 mln so‘mdan bir martalik mukofot puli beriladi.
XVJ O‘zbekiston Markaziy bankiga doimiy inflyatsion bosim sharoitida qat’iy monetar siyosatni saqlash, bazaviy inflyatsiya va inflyatsion kutilmalardagi pasayish tiklanmasa, siyosatni yanada qat’iylashtirishga tayyor turishni tavsiya qildi.
2025-yil oxirida Rossiyada chorva mollarini ommaviy so‘yish boshlandi. Hukumat bunga pasterellyoz va quturishni sabab qilib ko‘rsatdi, ammo, ekspertlarga ko‘ra, gap oqsil haqida ketmoqda. Aprelda Xitoyning ikki provinsiyasida oqsil avj oldi.
Toshkent va Tel Aviv o‘rtasidagi muntazam aviareyslar qayta yo‘lga qo‘yilmoqda. Parvozlar Toshkentdan haftasiga 4 marta amalga oshiriladi.
XVJ O‘zbekistonga aksiz soliqlarini oshirish va ayrim soliq imtiyozlaridan voz kechishni tavsiya qildi. Jamg‘armaga ko‘ra, bu choralar budjetga YAIMning bir necha foizigacha qo‘shimcha daromad keltirishi hamda aholining ta’lim, tibbiyot va infratuzilmaga bo‘lgan ehtiyojlarini qoplashi mumkin.
Jahon banki O‘zbekiston iqtisodiyoti 2026-yilgi o‘sish prognozini 0,4% bandga - 6,4% gacha oshirdi. 2027-yilgi o‘sish prognozi esa 0,8% bandga yaxshilanib, 6,7% ni tashkil etdi. Ayni paytda, JB iqtisodiyotda davlat sektori ustun mavqega ega bo‘lib, xususiy sektorning roli cheklanganicha qolayotganini ko‘rsatmoqda.
Markaziy bank 2026-yil mart oyida qonunchilikni buzgan 20 ta bank, 89 ta moliya tashkiloti va 79 ta lombardni jarimaga tortdi, yana 17 ta bankni faoliyatidagi kamchiliklar sabab sanksiya qo‘llash haqida ogohlantirdi.
Markaziy Osiyoda suv muammosi uning tanqisligi bilangina cheklanib qolmayapti. Iqlim o‘zgarishi sababli resurslar oldindan aytib bo‘lmas holga kelib qolmoqda, mamlakatlar ehtiyojlari o‘rtasidagi farq esa keskinlikni oshirmoqda.
Xorijiy top 100 OTMlarda ilmiy daraja olgan 35 yoshgacha mutaxassislarga ipoteka krediti beriladi. U BHMning 2150 baravarigacha, 10 yilga 14 foiz stavkada ajratiladi. Kredit uy-joy qiymatining 80 foizidan oshmaydi.
O‘zbekistondagi zargarlik bilan shug‘ullanuvchi tadbirkorlarga ular ayrim shartlarni bajarganda QQSning 80 foizi qaytariladi. Soliqning bir qismini qaytarish uchun murojaat avtomatlashtirilgan dastur orqali ko‘rib chiqiladi.
Yo‘l harakati xavfsizligi xizmati elektr samokatlar uchun “prava” kerakligi haqidagi xabarlarni rad etdi. A1 toifasidagi guvohnoma faqat mopedlar va skuterlarga taalluqli bo‘lib, shaxsiy harakatlanish vositalari, jumladan, samokatlar uchun talab etilmaydi.
2026-yil yanvar-martida O‘zbekistonda 2,36 mlrd kVt/soat “yashil” energiya ishlab chiqarildi. Bu o‘tgan yilning shu davriga nisbatan 40 foizga ko‘p. Quyosh fotoelektr stansiyalari 1 mlrd 159,6 mln kVt/soat, shamol elektr stansiyalari esa 1 mlrd 208,6 mln kVt/soat energiya ishlab chiqargan.
Toshkentda ko‘chalarni rekonstruksiya qilish va piyodalar uchun qulay muhit yaratish tijorat faolligi oshishiga xizmat qilmoqda. CMWP Uzbekistan tahlilchilari strit riteyl bo‘yicha sharhida shunday xulosaga kelgan.
Madaniyat vazirligi san’atkorlarning har bir chiqishini alohida soliqqa tortish loyihasi bo‘yicha Adliya vazirligiga e’tiroz kiritganini ma’lum qildi. Idora yangi tartibda soliqlarni adolatli va tabaqalashtirilgan holda belgilashni hamda ijodkorlar uchun maqbul shart-sharoitlarni saqlab qolishni so‘ramoqda.
UzAuto Motors tomonidan 28-aprel soat 10:00 dan Chevrolet Cobalt avtomobillari uchun onlayn shartnomalar ochiladi. Xaridni UzAutoSavdo sayti yoki rasmiy dilerlik markazlari orqali rasmiylashtirish mumkin.
Prezident Qamashi, Qarshi, Mirishkor, Arnasoy, Sharof Rashidov, Yangiobod, Navbahor, Kosonsoy, Qumqo‘rg‘on, Furqat, Shovot, Shayxontohur, Sergeli tumanlari sanoat rejasiga chiqa olmaganini tanqid qildi.
Qirg‘iziston YIning ikkilamchi sanksiyalariga duch kelgan ilk davlat bo‘ldi. Sanksiyalarning 20-paketida YI Qirg‘izistonga nisbatan sanksiyalarni chetlab o‘tishga qarshi kurash vositasini ishga soldi.
Qirg‘iziston YeIning ikkilamchi sanksiyalariga duch kelgan ilk davlat bo‘ldi. Sanksiyalarning 20-paketida YeI Qirg‘izistonga nisbatan sanksiyalarni chetlab o‘tishga qarshi kurash vositasini ishga soldi.
Jinoyat ishlari bo‘yicha O‘zbekiston tuman sudida Namangan shahrining sobiq hokimi Anvarjon Otaxodjayev va yana besh kishiga oid ishni ko‘rish boshlandi. Sobiq amaldor ko‘p qavatli uy qurish huquqini olib berish va moliyalashtirish evaziga 60 ming dollar pora olayotganida ushlangandi.
Yevropa Ittifoqi Rossiya harbiy sanoatini xomashyo bilan ta’minlashda ayblab, O‘zbekistonning Farg‘ona Kimyo Zavodi va Raw Materials Cellulose kompaniyalariga sanksiya joriy qildi. Ayni shu kompaniyalar va ularga aloqador hisoblanadigan Rustam Mo‘minovga avvalroq Britaniya va Ukraina ham sanksiya kiritgan.
MHTI tahlillariga ko‘ra, Toshkent shahrida bir sutkada o‘rtacha 22,2 ta YTH qayd etiladi. Eng ko‘p YTHlar kechki tig‘iz payt - soat 17:00-18:00 atrofida sodir etiladi va 22:00 gacha bu ko‘rsaktich yuqori saqlanib qoladi.
O‘zbekistonda yer ijarasi huquqi kengaytirilib, undan kredit, ipoteka va lizing uchun garov sifatida foydalanish yo‘lga qo‘yiladi. Shu bilan birga, yer nazorati kuchaytiriladi, noqonuniy oldi-sotdi uchun javobgarlik qayta ko‘riladi va biznesning yerga bo‘lgan ehtiyojini qondirish uchun jarayonlar soddalashtiriladi.
O‘zbekistonda 30 yoshdan oshmagan, nomida so‘nggi 3 yilda ko‘chmas mulki bo‘lmagan oilalarga 2027-yildan boshlab ipoteka kreditlari ajratiladi. Hisoblangan foiz to‘lovlarining Markaziy bank asosiy stavkasidan oshgan qismi Davlat budjetidan qoplab beriladi.
O‘zbekistonda qishloq xo‘jaligi yerlaridan foydalanishning yangi modeli joriy etiladi. Unga ko‘ra, fermerlar ekin turini o‘zlari tanlaydi va faqat soliq idoralari oldida javobgar bo‘ladi. Hukumat yana 100 ming gektar yerni 49 yilga ijaraga berishni rejalashtirmoqda.