O‘zbekistonda oziq-ovqat sifati nazorati qayta tashkil etiladi. “Daladan dasturxongacha” tamoyili asosida nazorat qiluvchi Oziq-ovqat mahsulotlari xavfsizligi qo‘mitasi tuziladi. Islohot 2030-yilgacha eksportni 10 mlrd dollarga yetkazish va 100 ta davlatga kengaytirishni ko‘zda tutadi.
AQSh Grenlandiyada o‘z harbiy ishtirokini kengaytirish bo‘yicha Daniya bilan muzokaralar olib bormoqda. Bu Trampning anneksiya bilan bog‘liq tahdidlari keltirib chiqargan inqirozni bartaraf etish doirasida amalga oshirilmoqda.
JSST rahbari Tedros Adxanom Gebreyesus hantavirusning yanada keng masshtabda avj olishi boshlanishi alomatlari hozircha yo‘qligini ma’lum qildi. Biroq “vaziyat o‘zgarishi mumkinligi” va kasallanganlar soni ortishi ehtimoli haqida ogohlantirdi.
Sanepidqo‘mita raisining birinchi o‘rinbosari Nurmat Atabekov hantavirus koronavirus kabi tez tarqalmasligini va JSST uni pandemiya keltirib chiqarishga qodir deb hisoblamasligini aytdi. “O‘zbekistonda birorta ham hantavirus holati qayd etilgani yo‘q, epidemiologik vaziyat barqaror”, - dedi u.
Qishloq xo‘jaligi vazirligi huzurida Chorvachilik va yaylov xo‘jaligini rivojlantirish agentligi tashkil etiladi. Yangi tuzilma chorvachilik salohiyatini oshirish, ozuqa bazasini kengaytirish va naslchilik tizimini takomillashtirish bo‘yicha keng ko‘lamli vazifalarni amalga oshiradi.
O‘zbekiston MTJ bosh murabbiyi Fabio Kannavaro JCH oldidan tarkib tanlovi, futbolchilarning holati va kuchli raqiblarga qarshi uchrashuvlar haqida fikr bildirdi. U mundial jamoa uchun muhim tajriba bo‘lishini qayd etdi.
Ostonada birinchi estakada tipidagi LRT liniyasini shu haftada ishga tushirish rejalashtirilmoqda. U shaharning asosiy nuqtalarini birlashtiradi, poyezdlar esa to‘liq haydovchisiz boshqariladi. Loyiha qurilishi 15 yil davom etdi va xalq orasida “korrupsiya haykali” nomini oldi.
Prezidentning JST bo‘yicha vakili Azizbek Urunov yangi tuzilgan Oziq-ovqat mahsulotlari xavfsizligi qo‘mitasi raisi lavozimiga tayinlandi. Shuningdek, davlat rahbari qarori bilan Elyor Talaboyev va Furkat Jalilov qo‘imta raisi o‘rinbosarlari bo‘ldi.
Toshkent viloyatining Olmaliq shahrida yo‘lni kesib o‘tayotgan 2 nafar 9 yoshli bolani mashina urib ketdi. Buning oqibatida piyodalarning biri og‘ir jarohat olib, shifoxonada vafot etdi. Holat bo‘yicha jinoyat ishi qo‘zg‘atildi.
Ko‘p milliard dollarlik loyihalar o‘sib borayotgan sharoitda O‘zbekiston kapitalni mamlakat ichida ushlab qolish va investorlar ishonchini saqlashga qodir sug‘urta bozorini shakllantirishi kerak bo‘ladi.
Ko‘rshapalaklar haqida ko‘plab miflar bor. Ular odamlarga hujum qiladi, xavfli kasalliklar tarqatadi, deyishadi. Haqiqat va uydirmalarni ajratishda Gazeta’ga Ukraina qo‘lqanotlilarni reabilitatsiya qilish markazi asoschisi Anton Vlashchenko yordam berdi. Uning jamoasi har yili minglab ko‘rshapalaklarni qutqaradi.
Ukraina korrupsiyaga qarshi kurashish idoralari mamlakat prezidenti ofisining sobiq rahbari Andrey Yermakka nisbatan gumon e’lon qildi. U Kiyev yaqinida elita uy-joylar qurilishi orqali taxminan 10,5 mln dollarni yuvishga aloqador bo‘lgan uyushgan guruhda ishtirok etganlikda gumonlanmoqda.
Prezident davlat xizmatlari sohasida byurokratiyani qisqartirishga oid takliflar taqdimoti bilan tanishdi. Unda davlat organlari funksiyalarini 30 foizga kamaytirish, 550 ta xizmatni elektron shaklga o‘tkazish, 80 turdagi xizmatni ko‘rsatish muddatini 13 kundan 6 kungacha qisqartirish rejalari ko‘rib chiqildi.
Urganchlik Uchqun Aminboyev bu yil 3-sinfni bitirar edi, ammo 4-may kuni sodir bo‘lgan YTH oqibatida halok bo‘ldi. Marhumning otasi Gazeta’ga Yangi Urganch yaqinidagi piyodalar o‘tish joyida ikki yilda 3 kishi halok bo‘lganini aytadi.
Futbol bo‘yicha JCh roppa-rosa bir oydan so‘ng, ilk bor bir vaqtda uchta mamlakatda - AQSh, Kanada, Meksikada start oladi. Format ham yangi: odatdagidek 8 ta emas, 12 ta guruh. Gazeta o‘quvchilarni JChning har bir ishtirokchisi bilan tanishtirib boradi.
Jahon sog‘liqni saqlash tashkiloti Andes hantavirusi bilan bog‘liq kruiz kemasidagi kasallik tarqalishini kuzatayotganini bildirdi. 8-may holatiga ko‘ra, sakkizta kasallanish va uchta o‘lim qayd etilgan bo‘lib, olti holat laboratoriya orqali tasdiqlangan. Tashkilot kasallikka oid savollarga javob berdi.
Yanvar-mart oylarida O‘zbekistonda 9,6 mlrd kubometr tabiiy gaz qazib olindi. Bu o‘tgan yilning shu davriga nisbatan 15% ga kam. Energetika vaziri Gazeta`ga bergan intervyusida bu pasayish kutilgan holat ekani, hozirda asosiy vazifa - qazib olishni barqarorlashtirish va hajmlarni ushlab turish ekanini aytdi.
Yanvar-mart oylarida O‘zbekistonda 9,6 mlrd kubometr tabiiy gaz qazib olindi. Bu o‘tgan yilning shu davriga nisbatan 15% ga kam. Energetika vaziri Gazeta`ga bergan intervyusida bu pasayish kutilgan holat ekani, hozirda asosiy vazifa - qazib olishni barqarorlashtirish va hajmlarni ushlab turish ekanini aytdi.
Surxondaryo viloyati sudining sudya katta yordamchisi jinoyat ishi bo‘yicha sudlanuvchilarga yengilroq jazo tayinlatish, 6,3 mlrd so‘mlik zarar miqdorini kamaytirish va qamoq ehtiyot chorasini bekor qildirishni va’da qilib, 53 ming dollar olgan vaqtida ushlandi. Jinoyat ishi qo‘zg‘atilib, tergov olib borilmoqda.
Sanoatlashtirish va turmush darajasining oshishi tufayli O‘zbekistonda elektr energiyasiga talab o‘sishda davom etadi, dedi Jamshid Xodjayev. Yo‘qotishlarni qisqartirish, tarmoqlarni modernizatsiya qilish, energiya saqlash quvvatlarini rivojlantirish va energiya samaradorligini “milliy odat”ga aylantirish zarur, dedi u.
9-avgustdan tijorat banklari uchun ichki nazorat qoidalariga kiritilgan o‘zgartirishlar kuchga kiradi. Ular operatsiyalarni tekshirish uchun yangi chegaraviy miqdorlarni, o‘tkazmalarda jo‘natuvchilar va oluvchilar haqidagi kengaytirilgan ma’lumotlarni, shubhali operatsiyalarning yangi mezonlarini nazarda tutadi.
O‘zbekistonda bolalar jinsiy ekspluatatsiyasi mamlakatning xalqaro majburiyatlariga qaramay, hanuz alohida jinoyat tarkibi sifatida belgilanmagan. Irina Matviyenko ushbu huquqiy bo‘shliq bolalarga qarshi bunday jinoyatlarni “ko‘rinmas” qilayotgani va aybdorlar jazodan qutulib qolishiga yo‘l ochayotgani haqida yozadi.
O‘zbekistonda 2026-yil hosilidan boshlab fermerlarga imtiyozli kredit foizlarining bir qismi kompensatsiya qilinadi, dizel yoqilg‘isi xarajatlari uchun subsidiya ajratiladi. Ayrim subsidiyalarni to‘lash vakolati Agrar sohada to‘lovlar agentligiga o‘tkaziladi.
Jizzax va Surxondaryo viloyatlarida hokimlarning yoshlar siyosati, ijtimoiy rivojlantirish va ma’naviy-ma’rifiy ishlar bo‘yicha o‘rinbosarlari lavozimiga yangi tayinlovlar amalga oshirildi. Dilmurod Xudayshukurov Jizzax viloyati hokimi o‘rinbosari, Oybek Ashurov esa Surxondaryo viloyati hokimi o‘rinbosari bo‘ldi.
O‘zbekistonda ish haftasining oxirigacha yog‘ingarchiliksiz ob-havo kuzatiladi. Havo harorati ko‘tarilib, kunduzi +32…+35, janubda va cho‘l hududlarda +36…+38 darajagacha isiydi. Joylarda chang-to‘zonlar kuzatilishi mumkin.
Buxoro viloyati Kogon tumani hokimi o‘rinbosari fermerdan 15 ming dollar talab qilib, 12 mingini olayotganida ushlangani aytilmoqda. Mansabdor buning uchun suv muammosini hal qilib berishni va’da qilgan. Unga nisbatan qamoqqa olish ehtiyot chorasi qo‘llandi.
Tashqi ishlar vaziri Baxtiyor Saidov Kuvaytning O‘zbekistondagi yangi tayinlangan elchisi Turki Xolid Hamad al Mikraddan ishonch yorliqlari nusxalarini qabul qildi. O‘zaro suhbatda O‘zbekiston va Kuvayt o‘rtasidagi ko‘p qirrali hamkorlikni yanada rivojlantirish istiqbollari muhokama qilindi.
Sergeli tumanida gaz ta’minoti xodimi fuqarodan 21 ming dollar talab qilganlikda gumonlanmoqda. U buning uchun noqonuniy savdo shoxobchasini rasmiylashtirish va uni gaz tarmog‘iga ulab berishni va’da qilgan.
Navoiyning Zarafshon shahrida kuyoviga suiqasd uyushtirish uchun 40 mln so‘m va’da qilgan ayol qo‘lga olindi. “Ruhiy xasta bo‘lib qolsin, kim urdi, nima bo‘ldi, aytib berolmasin”, - degan gumonlanuvchi yollangan shaxslarga. Holat yuzasidan jinoiy ishi ochildi.
Yakshanba kuni yoqqan kuchli va davomli jala Toshkentda yana jiddiy suv toshqinlarini keltirib chiqardi. Joylarda yog‘in miqdori 35 mm ga yetdi, vaholanki may uchun me’yor 44 mm ni tashkil qiladi. Hokimlik shahardagi yomg‘ir suvlarini chiqarib yuborish tizimini sutkasiga 20 mm dan 36 mm gacha oshirishni reja qilmoqda.
Shaxmatchi Javohir Sindarov Super Rapid & Blitz Poland turnirida 7−9-o‘rinlarni bo‘lishib oldi, biroq musobaqaning asosiy voqeasi uning bo‘lajak jahon chempionligi uchun bahsdagi raqibi Dommaraju Gukesh bilan o‘tkazgan partiyalari bo‘ldi.
Osiyo kubogining amaldagi g‘olibi bo‘lgan O‘zbekiston o‘smirlar terma jamoasi guruh bosqichining ikkinchi turida Hindistonni 3:0 hisobida mag‘lub etdi. Ushbu g‘alaba jamoaga muddatidan avval turnirning chorak finaliga chiqish va Qatarda bo‘lib o‘tadigan jahon chempionati yo‘llanmasini qo‘lga kiritish imkonini berdi.
Kosonsoy tumanida 28 yoshli yigit 18 yoshli unashtirilgan qizini rashk tufayli pichoqlab o‘ldirdi. Tarqalgan videoda IIB xodimi janjalga qizning bitiruv oqshomi uchun ko‘ylagi sabab bo‘lganini aytgan va maktab ma’muriyatlarini qizlar bilan ishlashda hushyorlikka chaqirgan. Jinoiy ish ochilib, yigit ushlandi.
Buyuk Britaniyaning Jersi orolidagi lagerdan qochgan o‘zbekistonlik sovet askari Boqijon Akramov shaxsining aniqlanishi, uning lagerdagi va qochqinlikdagi hayoti, vatanga qaytganidan keyingi taqdiri, Namangandagi uyiga tashrifi haqida BBC katta maqola e’lon qildi. Gazeta uning tarjimasini keltiradi.
Romitan tumanida Isuzu avtobusi haydovchisi mast holatda 40 nafar bog‘cha bolasini tashib yurgani aniqlandi. Sud qarori bilan u 3 yilga haydovchilik huquqidan mahrum qilinib, 16,4 mln so‘m jarimaga tortildi.
“Shum bola”, “Yodgor” qissalari, “Mening o‘g‘rigina bolam” singari hikoya va ko‘plab she’rlar muallifi G‘afur G‘ulom tavalludiga 10-mayda 123 yil to‘ldi. Sana munosabati bilan Gazeta “Buyuk xizmatlari uchun” ordeni sohibining asarlari asosida test tayyorladi.
Yaponiya qisqa muddatli biznes vizasi bilan kelib, mamlakatda noqonuniy qolib ketgan yana bir O‘zbekiston fuqarosini deportatsiya qildi. Aprel oxirida ham ikki o‘zbekistonlik vataniga qaytarib yuborilgandi.
Saudiya Arabistonida bo‘lib o‘tadigan futbol bo‘yicha 2027-yilgi Osiyo kubogi uchun qur’a tashlandi. O‘zbekiston milliy terma jamoasi Iordaniya, Bahrayn va Shimoliy Koreya bilan birga “B” guruhidan joy oldi. Musobaqa kelasi yilning yanvar oyida start oladi.
61-Venetsiya biyennalesida O‘zbekiston milliy paviloni o‘z ishini boshladi. Dunyodagi muhim san’at voqealaridan birida uchinchi bor qatnashayotgan mamlakat bu gal The Aural Sea ko‘rgazma loyihasini taqdim etmoqda.
Ijtimoiy himoya milliy agentligi tomonidan Ikkinchi jahon urushi faxriylari xotiralari jamlangan “Xotira nuri” kitobining ikkinchi tomi nashr etildi. Xotira va qadrlash kunida agentlik vakillari faxriylar bilan uchrashib, ularga ushbu kitobni topshirdi.
9-may munosabati bilan Toshkent ko‘chalarida o‘zbek xalqining II jahon urushidagi g‘alabaga qo‘shgan hissasi haqida roliklar namoyish etilmoqda. Urushda 2 millionga yaqin o‘zbekistonlik qatnashgan. Mamlakat 1,5 mln evakuatsiya qilinganlarni qabul qilib, minglab samolyot va harbiy texnikalar yetkazib bergan.
O‘zbekistonda Ma’muriy javobgarlik to‘g‘risidagi kodeksning yangi tahriri ishlab chiqiladi. Unda ahamiyatini yo‘qotgan huquqbuzarliklarni bekor qilish, yangi javobgarlik choralarini joriy etish, ma’muriy ishlar ustidan sud nazoratini kuchaytirish hamda inson huquqlari himoyasini takomillashtirish rejalashtirilgan.
O‘zbekiston prezidenti Moskvada G‘alabaning 81 yilligiga bag‘ishlangan tadbirlarda ishtirok etdi. G‘alaba paradida Rossiya prezidenti bilan bir qatorda Belarus, Qozog‘iston, Laos, Malayziya va boshqa davlatlar rahbarlari ishtirok etdi.
Buyuk Britaniyaning Jersi orolida Ikkinchi jahon urushi yillarida o‘zbekistonlik askar Boqijon Akramovni fashistlardan yashirib, uning hayotini saqlab qolgan marhum Jon va Emili Le Bretonlarning farzandlariga O‘zbekistonning “Do‘stlik” ordeni topshirildi.
Farg‘ona viloyati Rishton tumanida maktab o‘qituvchisi voyaga yetmagan o‘quvchi qizga Telegram orqali shahvoniy mazmunda xabarlar yuborgani uchun 5 sutkaga ma’muriy qamoq jazosiga tortildi. Sudda o‘qituvchi qiz bilan yozishib yurganini tan olgan va ayrim xabarlarni uni “tinch qo‘yishi” uchun yozganini aytgan.
Moskvada Shavkat Mirziyoyev va Vladimir Putin uchrashuvi o‘tdi. Putin hamkasbining “tashqi signal va tahdidlarga qaramay, baribir u yerda ekani alohida signal” ekanini bildirdi. O‘zbekiston prezidenti esa “g‘alaba umumiy tarix ekani, yoshlar tarbiyasida buning o‘rni katta rol o‘ynashini” ta’kidladi.
Rossiya va Ukraina Trampning 9-maydan 11-mayga qadar sulh tuzish haqidagi taklifiga rozi bo‘ldi. Bu vaqt mobaynida tomonlar “1000 ga 1000” formulasi bo‘yicha asirlarni almashadi. Zelenskiy, shuningdek, 9-may kuni Moskvada parad o‘tkazishga ruxsat beruvchi kinoyali farmonni imzoladi.
Shavkat Mirziyoyev amaliy tashrif bilan Moskvaga yetib bordi. Prezidentni Rossiya tashqi ishlar vaziri o‘rinbosari Mixail Galuzin va boshqa rasmiy shaxslar kutib oldi. Ertaga O‘zbekiston yetakchisi Ikkinchi jahon urushidagi g‘alabaning 81 yilligiga bag‘ishlangan tantanali tadbirlarda ishtirok etadi.
O‘zbekistonda banklardan 500 dollarigacha bo‘lgan naqd chet el valyutasini pasport, ID-karta yoki ularning o‘rnini bosuvchi boshqa hujjatlarsiz olish mumkin bo‘ladi. O‘zgarish 3 oydan keyin kuchga kiradi.
“Bugungi g‘oyat tahlikali zamon tinchlik va barqarorlikni, turli millat va elat vakillari o‘rtasidagi do‘stlik va totuvlik muhitini yanada qadrlashni talab etmoqda”, - dedi O‘zbekiston prezidenti. U Xotira va qadrlash kuni munosabati bilan “barcha qardosh xalqlar va ezgu niyatli insonlarni” tabrikladi.
Italiyaning O‘zbekistondagi sobiq elchisi Pergabriele Papadia de Bottini va uning yordamchisiga nisbatan noqonuniy migratsiyaga ko‘maklashish va korrupsiya bo‘yicha jinoyat ishi ochildi. Tergovga ko‘ra, ular Rossiya fuqarolariga 4 ming yevrodan 16 ming yevrogacha pul evaziga Shengen vizalarini rasmiylashtirgan.
Nemolchi.uz bolalarning jinsiy daxlsizligiga qarshi yana bir jinoyat haqida xabar qildi. Andijonda IIB xodimlari bir qizning 1 mln so‘mga jinsiy aloqa uchun sotilishi oldini olgan. Biroq sud ishni odam savdosidan yengilroq modda - qo‘shmachilik sifatida qayta malakalab, ozodlikni cheklash jazosini tayinladi.
9-may kuni O‘zbekistonning ayrim viloyatlarida, 10-mayda esa aksariyat hududlarida yomg‘ir yog‘adi va momaqaldiroq kuzatiladi. Havo harorati shanbada +28…+33 daraja atrofida bo‘ladi, yakshanbadan +20…+25 darajagacha pasayadi. Joylarda chang-to‘zonlar kuzatilishi ham mumkin.
2026-yilning birinchi choragida O‘zbekistonda elektron xizmatlar ko‘rsatuvchi 89 ta xorijiy kompaniya 65,7 mlrd so‘m soliq to‘ladi. Bu o‘tgan yilning mos davriga nisbatan 81 foizga ko‘p. Bir yil ichida elektron xizmat ko‘rsatuvchi xorijiy kompaniyalar soni 21 taga, xizmatlar hajmi qariyb 80 foizga oshgan.
KXDR o‘z hududini ilk bor Xitoy, Rossiya va Janubiy Koreya bilan chegaradosh deb belgilab, Konstitutsiyaga o‘zgartirishlar kiritdi. Shuningdek, hujjatdan Janub bilan qayta birlashishga ishora qiluvchi atamalar chiqarib tashlandi.
Din ishlari bo‘yicha qo‘mita, Davlat xavfsizlik xizmati va Ichki ishlar vazirligi diniy materiallar, taqiqlangan profillar hamda ekstremistik tashkilotlarni tekshirish imkonini beruvchi “Xavfsiz bot” Telegram platformasini ishga tushirdi.
O‘zbekistonda umumiy ovqatlanish, tamaki, alkogol va yonilg‘i savdosi sohalaridagi cheklar bo‘yicha keshbekni operativ to‘lash imkoniyatini yaratish rejalashtirilmoqda. Hozirda keshbek Soliq ilovasida chek ro‘yxatdan o‘tkazilgach, navbatdagi oyning 25-sanasidan so‘ng to‘lanadi.
Namanganda Rossiya-Ukraina urushida qatnashgan 33 yoshli fuqaro 4 yilga ozodlikni cheklashga hukm qilindi. U Rossiyada giyohvandlik bilan bog‘liq jinoyat uchun jazo o‘tayotganda, o‘zining aytishicha, bosim va qiynoqlardan keyin, urushga jalb etilgan.
“Yangi avlod” bog‘chalariga qabul odatdagidek bo‘ladi, hech qanday imtihon bo‘lmaydi, deya qayd etdi maktabgacha va maktab ta’limi vaziri o‘rinbosari Sherzod Karimov. Uning ta’kidlashicha, “Yangi avlod” bog‘chalarining oddiysidan farqi u yerda tashkil etilayotgan o‘yingohlarda.
Antikorrupsiya agentligi “Dok-1 Maks” ishi bo‘yicha tahlillar natijasini e’lon qildi. Farmatsevtikada dori vositalarini ro‘yxatdan o‘tkazish va nazorat qilish jarayonlaridagi kamchiliklar qayd etildi.
O‘zbekistonda 2030-yilgacha 16 mingta kompyuter sinfxonalarini yangilash, maktablarni bepul Wi-Fi nuqtalari bilan ta’minlash va internet tezligini oshirish rejalashtirilmoqda. Shuningdek, endi maktablarda sun’iy intellekt va startap xonalari tashkil etiladi.
O‘zbekistonda dorilarni sotish bo‘yicha elektron retsept tizimi hukumatning amaldagi qarori asosida ishlashda davom etadi. SSV o‘zining 2025-yildagi buyrug‘ini bekor qilishni rejalashtirmoqda. Bu haqdagi ma’lumotlar esa tizim to‘xtatiladi degan taxminlarga sabab bo‘ldi. Bu qonunchilikdagi “tozalash”, xolos.
Xorazmda voyaga yetmagan qiz fohishalikka majburlangani bo‘yicha sud bo‘lib o‘tdi. Unda qo‘shmachi ayol 6 yil 2 oy muddatga ozodlikdan mahrum qilindi. Nemolchi.uz qiz bilan jinsiy aloqa qilgan erkaklar va uning qo‘shmachi bilan yashayotganidan xabardor bo‘lgan mahalla inspektori jazosiz qolganiga e’tibor qaratdi.
Suvni tejaydigan sug‘orish texnologiyalarini joriy etgan fermerlarga subsidiya beriladi. U har bir kontur uchun bir marta ajratiladi. Ariza Agroportal orqali topshiriladi. O‘z mablag‘i hisobidan joriy etganlarga subsidiyaning 50 foizi oldindan to‘lanadi.
AQSh Davlat departamenti noimmigratsion vizalar berish bo‘yicha yangi qoidalarni joriy etdi. Konsullarga o‘z vataniga qaytishdan qo‘rqadigan arizachilarga viza berishni rad etish majburiyati yuklandi.
Mart oyidagi qisqarishdan so‘ng O‘zbekistonning oltin-valyuta zaxiralari 1-may holatiga $70,9 mlrd gacha ortdi (+$1,9 mlrd). Zaxiralar o‘sishi asosan xorijiy valyutadagi aktivlar hajmi ortishi (+$1,15 mlrd) hisobiga tiklana boshladi.
Mart oyidagi qisqarishdan so‘ng O‘zbekistonning oltin-valyuta zaxiralari 1-may holatiga $70,9 mlrd gacha ortdi (+$1,9 mlrd). Zaxiralar o‘sishi asosan xorijiy valyutadagi aktivlar hajmi ortishi (+$1,15 mlrd) hisobiga tiklana boshladi.
SSSR parchalangach, ko‘plab tarixiy savdo koridorlari va chegara punktlari yagona tizim sifatida ishlashdan to‘xtagani sababli, O‘zbekiston uchun chegaralardagi kechikishlar muammosini hal qilish ayniqsa muhim, dedi transport vaziri o‘rinbosari.
Singapur maktablarida bezorilik, jumladan, kiberbulling bilan shug‘ullanuvchi 9 yoshdan katta o‘g‘il bolalarga nisbatan jismoniy jazo qo‘llashga ruxsat berildi. Ta’lim vazirligining ma’lum qilishicha, darra bilan savalash faqatgina “boshqa barcha choralar samarasiz bo‘lib chiqqandagina” qo‘llanadi.
Prezident farmoniga muvofiq, O‘zbekistonda To‘lovga qobiliyatsizlik ishlari agentligi tashkil etiladi. Sud boshqaruvchilari faoliyati uchun KPI tizimi joriy etilib, sohadagi jarayonlar raqamlashtiriladi.
Andijonda Rossiya-Ukraina urushida qatnashgan 26 yoshli fuqaro 3 yilga qamaldi. Sudlanuvchi avval Qozog‘istondagi universitet o‘qigan va ishlagan, keyin qarzlari sabab Rossiyaga ketib, u yerda armiya bilan shartnoma tuzganini aytdi. U Luganskdagi janglarda qatnashib, dron hujumida yaralangan.
Hududlarda o‘tkazilgan tezkor tadbirlarda ichki ishlar va favqulodda vaziyatlar organlari xodimlari, ta’lim bo‘limi metodisti qo‘lga olindi. Ular ishga kiritish, yong‘in xavfsizligi xulosasi va ruxsatnoma olib berish evaziga pora talab qilishda gumonlanmoqda.
Ikkinchi jahon urushi davrida Jersi orolidagi fashistlar konslageridan qochib chiqqan o‘zbek askari Boqijon Akramovga uyidan joy berib, uning hayotini saqlab qolgan Buyuk Britaniya fuqarolari - marhum Jon va Fillis Emili Le Bretonlar “Do‘stlik” ordeni bilan mukofotlandi. Prezident bu bo‘yicha farmon imzoladi.
Toshkentda Chirchiq daryosining 16 kilometr qismini obodonlashtirish va kanallar bo‘ylab yashil hududlar barpo etish rejalashtirilmoqda. Dastlab poytaxtda to‘rtta sun’iy ko‘l qurish ko‘zda tutilgan, biroq davlat rahbari ularning sonini 12 taga yetkazish bo‘yicha topshiriq berdi.
O‘zbekistonlik professional haydovchilarning Rossiyada bir yil davomida vaqtincha bo‘lish muddati 90 kundan 180 kungacha uzaytirildi. Bu ma’muriy cheklovlarni kamaytirish, logistika zanjirlari barqarorligini oshirish va muntazam tashuvlarni tashkil etishni soddalashtirish imkonini beradi.