Shavkat Mirziyoyev O‘zbekiston xalqiga Xotira va qadrlash kuni hamda Ikkinchi jahon urushida qozonilgan g‘alabaning 81 yilligi bilan tabrik yo‘lladi. “Hech qachon unutmaylik, milliy birlik va hamjihatlik - bizning bebaho boyligimiz”, - dedi prezident o‘z tabrigida.
Andijonning Izboskan tumanida 58 nafar bog‘cha bolasini mikroavtobusda olib ketayotgan haydovchi to‘xtatib qolindi. Holat bo‘yicha haydovchiga jarima qo‘llanilib, ta’lim muassasasi rahbariyati bilan profilaktik suhbat o‘tkazilgan.
Real Sanjik nomi bilan tanilgan Sanjar Karimov 5 yilga ozodlikdan mahrum etildi. Sud uni firibgarlik, o‘ldirish yoki zo‘rlik ishlatish bilan qo‘rqitish, giyohvandlik vositalari va psixotrop moddalarni saqlash bilan bog‘liq jinoyatlarda aybdor deb topgan.
AQSh va Eron Hurmuz bo‘g‘ozida o‘zaro o‘t ochdi. Eskalatsiya ikki davlat o‘rtasidagi tinchlik muzokaralari haqidagi xabarlar fonida yuz berdi. Tramp o‘zaro zarbalarni “muhabbat tarsakisi” deb atadi va sulh amal qilishda davom etayotganini ta’kidladi.
O‘zbekiston suvining qariyb 80 foizini yuqori oqimdagi davlatlardan oladi, resurslarning 90 foizi esa qishloq xo‘jaligida ishlatiladi, dedi ekologiya qo‘mitasi rahbari o‘rinbosari. U Afg‘onistondagi Qo‘shtepa kanali va Tojikistondagi Rog‘un GESining daryolar rejimiga ta’sirini ham qayd etdi.
Shavkat Mirziyoyev amaliy tashrif bilan Moskva shahriga jo‘nab ketdi. Davlat rahbari Ikkinchi jahon urushidagi g‘alabaning 81 yilligiga bag‘ishlangan tadbirlarda ishtirok etadi.
Ozarbayjonning ABB banki xususiy “Davr Bank”ning nazorat paketini sotib olib, O‘zbekiston bank bozoriga kirishni rejalashtirmoqda. Boshqaruv raisi Abbas Ibrahimovning so‘zlariga ko‘ra, muzokaralar muvaffaqiyatli yakunlangan, bitim bilan bog‘liq investitsiyalar hajmi esa 100 million dollardan oshadi.
“Cho‘qintirgan ota”, “La'natlanganlar oroli” hamda “Truman tomoshasi” singari kinolarni taqdim qilgan Paramount Pictures’ning tashkil topganiga 8-mayda 114 yil bo‘ldi.
Ekologiya milliy qo‘mitasining prezidentga to‘g‘ridan-to‘g‘ri bo‘ysunishi byurokratik jarayonlarni qisqartirish va boshqa idoralar bilan muvofiqlashtirishni kuchaytirish imkonini berdi, dedi qo‘mita raisi o‘rinbosari Jusipbek Kazbekov.
Toshkentda an’anaviy gullar festivali boshlandi. 9-maygacha Milliy kutubxona yonidagi maydonda o‘tadigan tadbir dekoratsiyasi uchun 2 mln gul va 18 ming butadan foydalanildi. Unda 150 mingga yaqin odam ishtirok etishi kutilmoqda. Gazeta fotoreportaji.
Aprelda O‘zbekistonda oylik inflyatsiya 0,6% darajasida o‘zgarishsiz saqlanib, yillik inflyatsiya 7% gacha sekinlashdi. Oy davomida oziq-ovqat mahsulotlaridan bulg‘or qalampiri - 10,3%, kartoshka - 6,5%, olma - 4,5%, tuxum - 3,6%, go‘sht o‘rtacha 3,5% ga qimmatlashdi. Benzin narxlari 1,4% ga oshdi.
Ko‘chirilgan dam olish kuni 11-mayda maktablarda (boshlang‘ich sinflardan tashqari) darslar o‘tiladi, bog‘chalarda esa dam olish bo‘ladi, deya ma’lum qildi Maktabgacha va maktab ta’limi vazirligi. Xususiy ta’lim muassasalari dam olish kunlarini mustaqil belgilaydi.
Shavkat Mirziyoyev Ikkinchi jahon urushi qatnashchilari va mehnat fronti faxriylarini ziyorat qilib, bayram bilan tabrikladi. Ularning hayot yo‘li hamda ko‘rsatgan jasoratlarini alohida e’tirof etdi.
Shavkat Mirziyoyev Toshkentdagi G‘alaba bog‘iga tashrif buyurib, Xotira va qadrlash kuni munosabati bilan tashkil etilgan xotira marosimida ishtirok etdi. “Matonat madhiyasi” yodgorligi poyiga gulchambar qo‘ydi va “Millat fidoyilari” xiyobonida ham bo‘ldi.
O‘zbekistonda 49 nafar haydovchining jarima ballari 12 tadan oshib, ishlar sudga yuborildi. Yana 132 nafar haydovchining ballari esa 8 tadan ko‘p bo‘lib turibdi.
Mirzaobod tumanida 22 va 24 nafar bog‘cha bolasini tashiyotgan Damas’lar to‘xtatildi. Haydovchilarning biri transport boshqarish huquqidan mahrum bo‘lgani aniqlandi. Avvalroq 14 nafar bog‘cha bolalarini tashigan Matiz YTHga uchrab, haydovchisi vafot etgandi.
Yanvar-mart oylarida O‘zbekistonning tashqi savdo aylanmasi 18 mlrd dollarga yetdi (+2,7%). Shundan eksport - $5,8 mlrd (+29,3%), import - $12,2 mlrd (+30,8%). Oltin importi o‘tgan yilning mos davriga nisbatan 2,3 baravarga, energiya resurslari importi 64,4% ga, gaz importi esa 2 baravardan ziyodga ortdi.
O‘zbekistonlik grossmeyster Javohir Sindarov Super Rapid & Blitz Poland turnirining omadsiz o‘tgan ikkinchi kunidan so‘ng Vladimir Fedoseyev ustidan g‘alaba qozondi. So‘ng u Fabiano Karuana va Alireza Firuja bilan durang o‘ynab, rapid bahslarini 8 ochko bilan yakunladi. Oldinda blits bo‘yicha 18 ta partiya bor.
O‘zbekistonlik shaxmatchi Nodirbek Abdusattorov Malmyodagi TePe Sigeman Chess turnirini mag‘lubiyatsiz yakunladi va uchinchi o‘rinni egalladi. Turnir startidagi g‘alabadan so‘ng u ketma-ket olti marta durang o‘ynadi.
Otabek Bakirovning sudida qatnashgan advokat bu ishni jamoatchilik ishtirokiga qarshi strategik sud da’vosi - SLAPP sifatida tavsifladi. Uning yozishicha, bu faqat bir odamga qarshi ochilgan ish emas, bu jamiyatning ovozini bo‘g‘ish, demokratiyani ichidan yemirish va fuqarolik huquqlarini yo‘q qilishning xavfli usuli.
Prezident Shavkat Mirziyoyev Moskvadagi 9-may paradida ishtirok etmaydi, deya ma’lum qildi Gazeta`ga hukumatdagi manba. Qolaversa, Kreml tomonidan e’lon qilingan bayram tadbirlariga taklif etilgan xorijiy delegatsiyalar rahbarlari ro‘yxatida Markaziy Osiyo davlatlari rahbarlari ko‘rsatilmagan.
Nurafshon - Piskent - Bo‘ka - Bekobod (Toshkent viloyati) - Boyovut - Yangiyer (Sirdaryo) elektrlashtirilgan temiryo‘lining qurilishi boshlandi. Liniya uzunligi 110 kilometrni tashkil etadi. Foto va video.
O‘zbekistonning Kiyevdagi elchixonasida Ukrainaning 60 ta yirik kompaniyasi rahbarlari bilan uchrashuv o‘tkazildi. Uklon Toshkentdagi biznesiga 10 mln dollardan ortiq sarmoya kiritganini bildirdi. Sona Pharma 2027-yil yanvaridan oftalmologiya mahsulotlari bilan mamlakat bozorga kirishni rejalashtirmoqda.
Toshkent shahri YHTEM Amir Temur xiyoboni yonida yerusti o‘tish yo‘llarini tashkil etish bo‘yicha dastlabki loyihani taqdim etdi. Avvalroq hokimlik jamoatchilik tomonidan ko‘p yillardan beri bildirib kelinayotgan ushbu taklifni inobatga olishga va’da bergandi. Loyihada nimalar taklif etilmoqda?
Gulruh Botiraliyeva 28 yoshida onkologik kasalliklarni chuqur tashxislash bo‘yicha tadqiqotlar o‘tkazuvchi ilk xususiy laboratoriyaga asos solgan. Toshkent shahri va hududlardagi filiallariga ega bu tibbiyot muassasasi saratonni erta bosqichda aniqlab, uni davolashga yordamlashmoqda. Gazeta uning hikoyasini keltiradi.
Transport vaziri o‘rinbosari Jasurbek Choriyevga ko‘ra, O‘zbekiston 2030-yilgacha mo‘ljallangan strategik dasturga yuqori tezlikdagi temir yo‘l qatnovini rivojlantirishni kiritdi. Gap mamlakatning barcha 4 yo‘nalishi bo‘ylab tarmoq yaratish, shuningdek, sharq va janubga yangi temiryo‘llarni qurish haqida ketmoqda.
OTB O‘zbekiston bilan SIdan foydalangan holda muhim materiallar ishlab chiqarish va jarayonning yopiq siklini rivojlantirish loyihalarini muhokama qilmoqda. OTB departamenti rahbari Yevgeniy Jukov Gazeta`ga bergan intervyusida O‘rta koridor, energiya koridori, Rog‘un va Qambarota GESlari haqida so‘zlab berdi.
Prezident Ayubxon Sultonovni raqamli texnologiyalar vazirining birinchi o‘rinbosari lavozimiga tayinladi. U bungacha Raqamli texnologiyalar vazirligida bo‘limga rahbarlik qilgan va davlat rahbari administratsiyasida faoliyat yuritgan.
O‘zbekiston hududlarida jamoat transportini yangilash uchun 1500 ta katta va o‘rta sig‘imli avtobuslarga ehtiyoj bor. Prezident nafaqat yirik shaharlarda, balki turizm salohiyatiga ega bo‘lgan Xiva, Shahrisabz, Marg‘ilon va Qo‘qon kabi shaharlarda ham jamoat transportini rivojlantirish bo‘yicha topshiriq berdi.
O‘zbekistonda shahar jamoat transporti yagona aglomeratsiya tizimi asosida tashkil etiladi. Shuningdek, shahar atrofidagi 12 km hududlarga qatnovchi avtobuslar ham brutto-shartnoma tizimiga o‘tkaziladi.
Xitoydagi harbiy sud XXR sobiq mudofaa vazirlari Vey Fenxe va Li Shanfuni korrupsiya uchun shartli o‘lim jazosiga hukm qildi. Vey pora olishda, Li esa pora olish va berishda aybdor deb topildi. Agar mahkumlar 2 yil ichida jinoyat qilmasa, hukm muddatidan oldin ozod qilish yoki umrbod qamoq jazosiga almashadi.
Moliyachi va bloger Otabek Bakirov Energetika vazirligiga kim rahbarlik qilishidan qat’i nazar, ayni e’tirozlarni bildirgan bo‘lishini ma’lum qildi. Unga ko‘ra, o‘ziga qarshi ochilgan ish davlat xizmatchilarini tanqid qilgani uchun OAV va jamoatchilik faollariga qarshi jarayonlar ko‘payayotganidan dalolat beradi.
O‘zbekiston tashqi dunyo bilan bog‘liqlikni saqlab qolish uchun nafaqat o‘z hududida, balki uning tashqarisida ham transport infratuzilmasini qurmoqda, dedi transport vaziri o‘rinbosari Jasurbek Choriyev.
Raqobat qo‘mitasi ko‘chmas mulk oldi-sotdi shartnomalaridan avvalgi egasining qarzlarini yangi mulkdor zimmasiga yuklashga imkon beruvchi bandlarni chiqarib tashlashni taklif qildi. Idoraning ta’kidlashicha, bunday bandlar “Iste’molchilarning huquqlarini himoya qilish to‘g‘risida”gi qonunga ziddir.
Toshkent sudi energetika vaziri Jo‘rabek Mirzamahmudovning shikoyati asosida Otabek Bakirovga nisbatan ochilgan ma’muriy ishni tugatdi. Bunga blogerga yolg‘on axborot tarqatish moddasi bo‘yicha javobgarlikka tortish muddati o‘tib ketgani asos bo‘ldi.
Sun’iy intellekt allaqachon aviakompaniyalarga daromadni oshirishga yordam bermoqda. Ular SI imkoniyatlarini qanday qo‘llayapti, uni joriy etishda qaysi omil va xavflarni hisobga olish kerak, qaysi xalqaro tajriba O‘zbekiston uchun foydali bo‘lishi mumkin? Shular haqida Gazeta BCG ekspertlari bilan suhbatlashdi.
Mudofaa vazirligida Raqamli texnologiyalar bosh boshqarmasi, SI departamenti va Sun’iy yo‘ldosh aloqa markazi tashkil etilmoqda. Mudofaa vazirining raqamli siyosat bo‘yicha o‘rinbosari, harbiy okruglarda esa raqamlashtirish, SI va kiberxavfsizlik bo‘yicha qo‘mondon o‘rinbosarlari lavozimlari joriy etiladi.
“Markaziy Osiyoning qoq markazida” joylashgan O‘zbekiston mintaqaviy loyihalar muvofiqlashtiruvchisi yoki katalizatori bo‘lishi kerak, dedi bosh vazir o‘rinbosari Jamshid Xodjayev. Bunday yondashuv xatarlarni taqsimlash va yirik energetika loyihalarini moliyalashtirish uchun jozibador qilish imkonini beradi.
Bir necha yil oldin elektr energiyasi importchisi bo‘lgan O‘zbekiston endi uni Markaziy Osiyo davlatlariga eksport qilmoqda, dedi bosh vazir o‘rinbosari Jamshid Xodjayev. Uning so‘zlariga ko‘ra, mamlakat “ishonchli ishlab chiqaruvchi”, tranzit yo‘lagi va energiya tizimlarining mintaqaviy integratoriga aylanmoqda.
O‘zbekiston milliy terma jamoasi iyun oyida Kanadadan tashqari Niderlandiya bilan ham o‘rtoqlik uchrashuvida maydonga tushadi. Bahs 8-iyun kuni Nyu Yorkdagi Icahn Stadium’da bo‘lib o‘tadi.
Polshada Grand Chess Tour bosqichining 2-kuni yakuniga ko‘ra, Javohir Sindarov 8-o‘ringa tushib ketdi. U barcha uchta partiyada, jumladan, Gukesh bilan bahsda imkoniyatni boy berdi. O‘zbekistonlik sportchi turnir oldidan vaqt nazorati boshqacha bo‘lgani sababli ushbu partiyaga alohida ahamiyat bermasligini aytgandi.
Toshkentda yo‘lovchilarning avtobuslarda sovitish tizimi yo‘qligi bo‘yicha shikoyatlariga javoban, rasmiylar 7-maydan bosqichma-bosqich konditsionerlar ishga tushirilishini ma’lum qildi. Nosoz transport vositalarini yo‘nalishga chiqarmaslik, shikoyatlarni esa tezkorlik bilan ko‘rib chiqish va’da qilinmoqda.
Anijonda Davaktiv boshqarmasi bosh mutaxassisi tadbirkordan sud ajrimini uning foydasiga chiqarib berish uchun 15 ming dollar olganlikda gumonlanmoqda. Viloyat “Hududiy elektr tarmoqlari” muhandisi esa zararni kamaytirib berish uchun 15 ming dollar so‘ragan.
O‘zbekistonda obunachilari soni 3 milliondan ortiq bo‘lgan blogerlar 2025-yil davomida 2,7 mlrd so‘m daromad topib, budjetga 110,4 mln so‘m soliq to‘lagan. Umuman, o‘tgan yilda blogerlik bozori hajmi 760,2 mlrd so‘m (62 mln dollar) etib baholangan.
So‘nggi ikki o‘n yillikda Seulda mayda dispersli PM2,5 zarrachalari konsentratsiyasi 40 foizga, PM10 konsentratsiyasi esa 47 foizga kamaydi. Shahar rasmiylari havo sifatining yaxshilanishini, asosan, jamoat transportida dizel yonilg‘isidan voz kechilgani bilan izohlamoqda.
O‘zbekiston 2026-yilda Jahon savdo tashkilotiga to‘laqonli a’zo bo‘lish niyatida. Masala Prezident huzuridagi yig‘ilishda muhokama qilindi. Buni mart oyida amalga oshirish rejalashtirilgandi, biroq bosh muzokarachi Azizbek Urunovning ma’lum qilishicha, ayrim davlatlar hujjatlarni ko‘rib chiqishni paysalga solgan.
AQSh prezidenti ikki kun oldin Hurmuz bo‘g‘ozida qolib ketgan kemalarni ozod qilish bo‘yicha boshlangan “Ozodlik loyihasi” operatsiyasi Eron bilan kelishuv tuzish imkoniyatini baholash uchun “qisqa muddatga” to‘xtatilishini ma’lum qildi.
O‘zbekiston prezidenti Xitoyning Xunan provinsiyasidagi pirotexnika zavodida yuz bergan, 26 kishi halok bo‘lgan portlash munosabati bilan Si Szinpinga hamdardlik yo‘lladi. Xitoy rasmiylari zavoddan 3 km radiusdagi barcha aholini evakuatsiya qilishga majbur bo‘ldi.
Nurota tumanida 14 nafar bog‘cha bolasi bo‘lgan Matiz halokatga uchradi. Rulda haydovchilik guvohnomasi olmagan oilaviy bog‘cha rahbari bo‘lgan. Hodisa oqibatida ayol vafot etdi, bolalar turli tan jarohatlari bilan shifoxonaga yetkazilgan.
Qasim-Jomart Toqayev Qozog‘iston mojarolarni diplomatik yo‘l bilan hal qilishni afzal ko‘rishini, biroq o‘z manfaatlarini “ancha qattiq pozitsiyalardan” himoya qilishga ham tayyorligini ma’lum qildi.
Sadir Japarov Qirg‘izistonda 4 yil oldin qonuniylashtirilgan kazinolar faoliyati iqtisodiy jihatdan o‘zini oqlaganini aytdi. Unga ko‘ra, soha budjetga tushum keltirmoqda va yangi ish o‘rinlari yaratmoqda.
Hojiqo‘zijon Isaqov Bag‘dod tumaniga, Nodirjon Mashrapov Farg‘ona tumaniga, Ilyos Novikov Beshariq tumaniga hamda Elbek Rustamov Marg‘ilon shahriga hokim etib tayinlandi.
2026-yil 1-choragida O‘zbekistonda mehnat faoliyati bilan bog‘liq 198 ta baxtsiz hodisa sodir bo‘ldi. 62 kishi vafot etib, 146 nafari og‘ir jarohatlandi. Eng ko‘p hodisalar Toshkent shahrida va Surxondaryo viloyatida qayd etilgan.
Soliq qo‘mitasi xalqaro tajribani o‘rganish bo‘yicha avval aytilgan fikrlarga qaramay, umumiy ovqatlanish korxonalari uchun QQSning nol stavkasini joriy etish bo‘yicha qaror qabul qilinmaganini bildirdi.
O‘zbekistonda kafe, restoran va mehmonxonalarda alkogol mahsulotlari uchun naqdsiz pulda to‘lov qilish talabi qayta ko‘rib chiqiladi. “Bu bizning aybimiz, e’tiborsizligimiz. U bo‘yicha ishlayapmiz, yaqin kunlarda yechim beramiz. To‘g‘rilab beramiz”, - dedi Soliq qo‘mitasi raisi.
Yanvar-mart oylarida aholi banklarga sotib olganidan $2,9 mlrd ko‘proq valyuta sotdi. Ayni paytda biznes tomonidan xorijiy valyutaga talab (23%) taklifga (11%) nisbatan tezroq o‘sdi. Valyutaga talab ortishi fonida Markaziy bank almashuv kursi 1,5% ga pasayib, kunlik tebranuvchanlik darajasi ikki karra oshdi.
O‘zbekistonda bank kartalaridan mablag‘larni akseptsiz yechib olishda minimal qoldiq miqdori joriy etilmoqda. Endilikda kreditlar va boshqa majburiyatlar so‘ndirilganda kartada kamida BHMning 3 baravari (1,236 mln so‘m) miqdorida mablag‘ qolishi shart.
O‘zbekistonda mart oyi yakunlariga ko‘ra, birlamchi va ikkilamchi bozorlarda jami 78 mingdan ortiq yengil avtomobil sotilgan. Bu o‘tgan oyga nisbatan 19 foizga ko‘p. Yillik hisobda esa savdo hajmi 20,6 foizga oshgan.
Toshkentda 25-apreldan 106, 7, 141 va 103-sonli avtobus yo‘nalishlari o‘zgartiriladi. Ayrim yo‘nalishlar qisqartiriladi, boshqalarida harakat sxemasi yangilanadi. O‘zgarishlar intervallarni kamaytirish va takrorlanishni bartaraf etishga qaratilgan.
O‘zbekistonda 145 mingdan ortiq obyektga 2114 MVt quvvatli quyosh panellari o‘rnatilgan. Ularda 2026-yil 1-chorakda 411 mln kVt/soat energiya ishlab chiqarilib (o‘tgan yilning shu davriga nisbatan 63 foizga ko‘p), 125 mln kub metr gaz tejaldi. Ortiqcha energiya uzatish hajmi 3,5 barobarga oshdi.
2026-yilning yanvar-mart oylarida O‘zbekiston aeroportlari 4 millionga yaqin yo‘lovchiga xizmat ko‘rsatdi, bu o‘tgan yilning shu davriga nisbatan 19 foizga ko‘pdir. Uzbekistan Airports hisobotiga ko‘ra, aviareyslar soni 30 mingdan oshgan, yuk tashish hajmida esa 14 foizlik o‘sish qayd etilgan.
O‘zbekistonda soliq va yig‘imlardan bo‘yin tovlaganlik uchun javobgarlik choralari kuchaytirildi. Xususan, ushbu jinoyatni juda ko‘p miqdorda sodir etgan shaxs yetti yilgacha ozodlikdan mahrum qilinishi mumkin.
Toshkent YHTEM savdo va servis obyektlari huzuridagi xususiy avtoturargohlarni shahar boshqaruvi yagona tizimiga integratsiya qilishni boshladi. Loyiha qoidabuzarliklarni kamaytirish, trotuarlarni avtomobillardan tozalash va to‘xtash joyini qidirib aylanib yuruvchi transport oqimini qisqartirishga xizmat qiladi.
18-maygacha O‘zbekistonda chorvachilikda sanitariya-gigiyena tadbirlari kuchaytiriladi. Qishloq xo‘jaligi vazirligi dunyoda oqsil (yashur)ning yangi tiplari tarqalayotgani sababli fermerlarni veterinariya talablariga rioya qilishga chaqirdi.
Deputatlar “Bozor nazorati to‘g‘risida”gi qonun loyihasini birinchi o‘qishda qabul qildi. U tovarlarni bozorga chiqishidan oldin tekshirishdan voz kechib, sotuvda mavjud mahsulotlar monitoringini ko‘zda tutadi.
Ko‘p kvartirali uylarni saqlash va ulardan foydalanish qoidalari joriy etildi. Unga ko‘ra, boshqarish organlari haftada 1 marta uylarning kirish yo‘laklari va lift xonalarini tozalashi kerak. Uylarga tutash yerlarda bolalar o‘ynashi, katta yoshdagi aholining dam olishi uchun maydonchalar bo‘lishi kerak.
Samarqandda Rossiyaning Ukrainaga qarshi urushida qatnashgan 22 yoshli fuqaro 5 yilga ozodlikni cheklash jazosiga hukm qilindi. U Rossiyada narkotiklarga oid jinoyat uchun qamoqda bo‘lgan vaqtida harbiy shartnoma imzolab, Donetskda janglarda ishtirok etgan. Jarohatlangach, gospitaldan qochib, O‘zbekistonga qaytgan.
Buxgalterlarning xalqaro sertifikat imtihon xarajatlari qoplab beriladi. Bunda talabgorlar 2026-yil 1-maydan 2028-yil 31-dekabrgacha dastlabki ro‘yxatdan o‘tishi va imtihon topshirishi shart. Nomzodlar davlat xizmatlari markazlari hamda YAIDXP yoki subsidiya.mf.uz orqali tegishli hujjatlarni taqdim etadi.
Raqobat qo‘mitasi Payariq tumanidagi 12 ta gaz quyish shoxobchasidan 11 tasida siqilgan gaz narxlari bir vaqtning o‘zida oshirilganini aniqladi. Narxlar o‘rtacha 300 so‘mga ko‘tarilgan, qo‘shni tumanlarda esa o‘zgarishsiz qolgan.
Yanvar-mart oylarida O‘zbekistonda o‘rtacha oylik nominal ish haqi 6,8 mln so‘mdan oshdi (yillik o‘sish - 17,4%). Eng yuqori o‘rtacha oylik poytaxtda (11,7 mln), eng past - Qashqadaryo viloyatida (4,7 mln) qayd etildi.
Qonunchilik palatasi deputatlari fotoradar va kameralar faoliyati hamda yo‘l harakati xavfsizligi masalalari bo‘yicha Ichki ishlar vaziriga parlament so‘rovi yubordi. Unda jarimalardagi xatolar, yo‘l infratuzilmasi muammolari va tizim samaradorligiga oid masalalar ko‘tarilgan.
Hafta davomida O‘zbekistonning katta qismida quruq ob-havo bo‘lishi kutilmoqda. Kunduzgi havo harorati +26…+29, janubida va cho‘l hududlarda +30…+33 darajagacha bo‘ladi. 1-mayda respublikaning ayrim joylarida qisqa muddatli yomg‘ir yog‘ishi mumkin.
O‘zbekiston maktablaridagi 260 mingga yaqin sinfning 13,5 mingtasida 35 nafardan ziyod bola o‘qimoqda. Ta’lim vazirligiga ko‘ra, yangi maktablar va mavjudlariga qo‘shimcha binolar qurish orqali bunday sinflar sonini kamaytirish mumkin. O‘z navbatida, 934 ta maktab to‘liq ta’mirga muhtoj.
Yaponiya ikki o‘zbekistonlikni mamlakatdan chiqarib yubordi. Ulardan biri o‘qishdan haydalgan, yana biri viza muddatini o‘tkazib yuborgan va noqonuniy yashab yurishgan. Elchixona shubhali ish takliflaridan ehtiyot bo‘lishga chaqirdi.
Qishloq xo‘jaligi vazirligi dunyoda oqsil kasalligi tarqalishi fonida chorvachilikda sanitariya-gigiyena oyligi e’lon qildi. Aslida har oy shunday bo‘lishi kerak. Oqsil aholi sog‘ligiga jiddiy xavf solmasa-da, agrosektor uchun halokatli.