O‘zbekistonda odam savdosining asosiy qismini jinsiy ekspluatatsiya tashkil etmoqda. 2025-yilda odam savdosi bilan bog‘liq 177 ta holat kuzatilgan bo‘lib, uning 92 tasi shahvoniy ekspluatatsiyaga to‘g‘ri kelgan.
DXX o‘zbekistonliklarni xorijiy raqamlardan bo‘layotgan shubhali qo‘ng‘iroqlardan ogohlantirdi. Firibgarlar raqamlarni soxtalashtirib, fuqarolarning shaxsiy ma’lumotlari va ovoz namunalarini qo‘lga kiritishga urinmoqda.
O‘zbekiston va Qozog‘iston chegarasidagi “G‘ishtko‘prik” (“Jibek Joli”) o‘tkazish punkti sentabrda faoliyatini tiklaydi. Modernizatsiyadan so‘ng mazkur punktning o‘tkazuvchanlik qobiliyati 2 baravardan ko‘proqqa oshadi.
O‘zbekistonda tadbirkorlar jarimaning 50 foizini 1 oy ichida ixtiyoriy ravishda to‘lasa, qolgan qismidan ozod etiladi. 1-oktabrdan ko‘zda tutilayotgan tartib bilan, shuningdek, jarimalarni 6 oy davomida bo‘lib to‘lash mumkin bo‘ladi.
2026-yilning 3 oyida O‘zbekistonda 1102 ta YTHda 346 kishi vafot etdi. Tahlillarga ko‘ra, YTHlarning 32,9 foizi belgilangan tezlikka rioya etmaslik, 22,4 foizi svetofor talablariga amal qilmaslik, 13,6 foizi haydovchilar tomonidan piyodaga yo‘l bermaslik oqibatida sodir bo‘lgan.
Fanlar akademiyasi Mirzo Ulug‘bek tumanining Ulug‘bek shaharchasidagi 190 gektar yer maydonidan ixtiyoriy ravishda voz kechdi, shundan so‘ng ushbu hudud shahar zaxirasiga o‘tkazildi. Mazkur maydondan “Toza havo” dasturi doirasida dendrologiya bog‘ini barpo etish uchun foydalanish rejalashtirilmoqda.
“Navoiyuran” davlat korxonasi 2025-yil yakunlariga ko‘ra tushumni 20,2 foizga - 1,112 mlrd dollargacha oshirdi, uran ishlab chiqarish hajmi esa 35 foizga o‘sib, 7000 tonnaga yetdi. Kompaniya yangi konlarga investitsiyalar fonida sof foyda va zaxiralar o‘sganini ham qayd etdi.
Ta’lim tashkilotlariga qabul qilish bo‘yicha davlat komissiyasining ayrim vakolatlari Oliy ta’lim, fan va innovatsiyalar vazirligiga o‘tkaziladi. Qabul natijalarini tasdiqlash, hujjat topshirish va kontrakt to‘lovlarining so‘nggi kunini belgilash hamda o‘qishini ko‘chirish arizalarni ko‘rib shular jumlasidan.
2025-yil yakunlariga ko‘ra, O‘zbekistonda ijara stavkalari dollar hisobida 8,3% ga oshdi. Toshkentda yer uchastkalari narxi 9,4% ga arzonlab, bir sotix uchun 319 mln so‘mni tashkil etdi. Markaziy bank buni shahar chekkasidagi yer uchastkalari ulushi ortgani va markaziy tumanlarda taklif qisqargani bilan izohladi.
Toshkentda O‘simliklar karantini va himoyasi agentligi inspektori mineral o‘g‘itlarni bojxonadan o‘tkazib berish evaziga 20 mln so‘m talab qildi. U pulni olgan vaqtda ushlandi. Holat yuzasidan jinoyat ishi qo‘zg‘atilib, qamoq ehtiyot chorasi qo‘llandi.
Janubiy Koreyada mobil internetdan bazaviy bepul foydalanish imkoniyati yo‘lga qo‘yilmoqda. Asosiy trafik paketi tugab qolsa ham, abonentlar tarmoqdan pastroq tezlikda (masalan, xabarlar yuborish uchun) foydalanishda davom etishi mumkin bo‘ladi.
Antikorrupsiya agentligi 2025-yilgi Ochiqlik indeksini e’lon qildi. Indeksning yuqori o‘rinlarini “O‘zbekgidroenergo”, NKMK va “O‘zavtosanoat” egallagan. Eng yomon natijani Toshkent shahri va Andijon viloyati hokimliklari hamda “O‘zbekiston temir yo‘llari” ko‘rsatgan. Ularga nisbatan jazo qo‘llanishi mumkin.
Toshkent aeroportida Bangkokdan kelgan xorijiy yo‘lovchi tekshiruvdan o‘tkazilganida, yuklar orasidan 6,3 kg marixuana topildi. Holat yuzasidan jinoyat ishi qo‘zg‘atildi. Yil boshidan buyon 15 ta holatda qariyb 30 kg giyohvandlik vositalari musodara qilingan, bu o‘tgan yilga nisbatan 18 kilogrammga ko‘p.
Namangan viloyatida ayollar tomonidan noqonuniy ravishda diniy ta’lim berish holatlari aniqlandi. Ular uy hamda Telegram guruhlari orqali ayol va qizlarga pul evaziga saboq bergan. Holatlar bo‘yicha jinoyat ishlari qo‘zg‘atilgan.
O‘zbekistonda davlat granti asosida ta’lim olayotgan 1 nafar talabani o‘qitish xarajatlari miqdorini shakllantirish tartibi o‘zgaradi. Unda professor-o‘qituvchiga to‘g‘ri keladigan o‘rtacha talabalar soni nisbati, ta’lim sohasi murakkabligi va oliy ta’lim tashkilotining maqomi inobatga olinadi.
Germaniyaning Premium Food Group tashkiloti qassoblik sohasida ishlash uchun 300 nafar O‘zbekiston fuqarosini ishga taklif qilmoqda. Nomzodlardan xalqaro til sertifikati talab etilmaydi, biroq ular maxsus tayyorlov kurslarida ishtirok etishlari lozim. Ish haqi taxminan 1700 yevroni tashkil qiladi.
O‘zbekistonda hozir 49 ta jazoni ijro etish muassasasida jami 47 432 nafar mahkum jazo o‘tamoqda. IIV vakili Otabek Satimbayevga ko‘ra, bu statistik ma’lumotlar sir hisoblanmaydi. “Yopiq turdagi koloniyalarimizda 26 mingga yaqin, manzil-koloniyalarda esa 11 mingdan ortiq mahkum bor”, - deydi u.
O‘zbekistonda yanvar-mart oylarida 670 ta uyushgan jinoyatlar aniqlandi. Xususan, 80 ta uyushgan guruh fosh etilib, 211 nafar shaxs qo‘lga olindi. IIV vakiliga ko‘ra, 18 mingdan ortiq kiberjinoyat sodir etilgan bo‘lsa, giyohvandlik vositalarining noqonuniy muomalasi bilan bog‘liq 4 mingta jinoyat ishi qo‘zg‘atildi.
Hafta boshidagi issiq va quruq havo chorshanbadan sezilarli salqin, yomg‘irli va bulutli ob-havo bilan o‘rin almashadi. Dushanba, seshanba kunlaridagi +29…+32 darajali haroratlar chorshanba, juma kunlari +15…+20 darajaga o‘zgaradi. Hafta o‘rtasida cho‘l hududlarida kuchli shamollar esadi.
Pedagoglar faoliyati ulkan mas’uliyat bilan bog‘liq va ularni kelajak me’morlariga qiyoslash mumkin, deya ta’kidlandi Nodavlat ta’lim muassasalari uyushmasi anjumanida. Sinfda kechayotgan voqealar bolalarning bir bo‘lagiga aylanadi - buni o‘zlari bilan katta dunyoga olib ketadi, deydi ekspert Sherri Le Motte.
“Men shunchaki ishonchli o‘ynash va o‘z imkoniyatlarimni kutishni istayman”, - dedi shaxmatchi Javohir Sindarov Hikaru Nakamura bilan qisqa durangdan so‘ng. AQShlik shaxmatchi, o‘z navbatida, o‘zbekistonlik sportchi “hozirgi turgan o‘rniga munosib” ekanini va turnirda eng yaxshi o‘yinni ko‘rsatayotganini ta’kidladi.
AQSh vitse-prezidenti Jey Di Vens Pokistonda o‘tgan muzokaralarda AQSh va Eron kelishuvga erisha olmaganini aytdi. Uning so‘zlariga ko‘ra, Tehron Vashington qo‘ygan shartlarni, jumladan, yadro qurolidan voz kechish talabini qabul qilmagan.
Vengriyada rekord darajadagi (77,8%) saylovchilar ishtiroki kuzatilgan parlament saylovida amaldagi bosh vazir Viktor Orban o‘z mag‘lubiyatini tan olib, muxolifat yetakchisini g‘alaba bilan tabrikladi.
O‘zbekistonlik grossmeyster Javohir Sindarov Nomzodlar turnirining 12-turida Xikaru Nakamura bilan tezkor durang o‘ynadi - partiya 35 daqiqada yakunlandi. Shaxmatchi 9 ochko jamg‘ardi va endi g‘alaba ostonasida turibdi: chempionlik uchun qolgan ikki partiyada bor-yo‘g‘i yarim ochko olishi kifoya.
“Karvon”, “Atirgul” hamda “Qora ko‘zli sanamjon” singari qo‘shiqlar muallifi Sherali Jo‘rayev tavalludiga 79 yil to‘ldi. Sana munosabati bilan Gazeta O‘zbekiston xalq artistining repertuari asosida test tayyorladi.
“O‘zbekkosmos” 12-aprel - Kosmonavtika kuni munosabati bilan maqola e’lon qildi. Unda koinotni o‘zlashtirish tarixi va kosmik texnologiyalarning bugungi ahamiyati haqida so‘z boradi. Shuningdek, O‘zbekistonda milliy sun’iy yo‘ldosh va kosmonavt tayyorlash rejalari eslatilgan.
2026-yilning yanvar-mart oylarida ichki ishlar xodimlari tomonidan 36 ta jinoyat sodir etildi, xizmat intizomini qo‘pol ravishda buzgan 32 nafar xodim tizimdan bo‘shatildi. IIV rahbari o‘rinbosariga ko‘ra, o‘tgan uch oyda 10 nafar xodim xizmat vazifasini bajarish chog‘ida vafot etdi, 39 nafari esa jarohatlandi.
Profilaktika inspektorlariga daydi odamlarni topib, ma’muriy bayonnoma rasmiylashtirishni buyurgan Olmazor tumani IIB amaldori Abror Xudoyberdiyev ishdan olindi. IIV vakiliga ko‘ra, tilanchilik va daydi holatlarini aniqlash inspektorlarning xizmat vazifasi hisoblanadi, ammo ularga aniq yuklama qo‘yilmaydi.
“Kompyuterdek himoyalanish kerak edi, aks holda, iloji yo‘q edi”, - deb tan oldi Javohir Sindarov Nomzodlar turnirining 11-turidagi durangdan so‘ng. Uchrashuv 5 soatdan ortiq davom etdi. O‘zbekistonlik shaxmatchi bu uning faoliyatidagi eng yaxshi himoyaviy o‘yinlardan biri bo‘lganini aytdi.
O‘zbekistonlik shaxmatchi Javohir Sindarov Nomzodlar turnirining 11-turida Fabiano Karuana bilan durang o‘ynadi. Musobaqa yakuniga uch tur qolganda o‘zbekistonlik shaxmatchining ta’qibchilari bilan oradagi farqi ikki ochkoligicha qolmoqda.
O‘zbekiston prezidenti Buxoroda Qozog‘iston prezidentiga noyob arxiv hujjatlarining nusxalarini topshirdi. Gap Turkistondagi Xo‘ja Ahmad Yassaviy hamda Mirzo Ulug‘bekning qizi Robiya Sultonbegim maqbaralariga oid 1920−1950-yillarga tegishli hujjatlar, chizma va fotomateriallar haqida bormoqda.
Toshkent shahri va Toshkent viloyatida joylashgan, atrof-muhit va insonlar sog‘lig‘iga salbiy ta’sir ko‘rsatayotgan issiqxonalar Sherobod tumanidagi “Surxon-Agro” erkin iqtisodiy zonasiga ko‘chiriladi.
O‘zbekiston va Qozog‘iston rahbarlari Buxorodagi uchrashuvda chegaraoldi hududlarida “Toza havo” loyihasini birgalikda ilgari surish va suvdan oqilona foydalanish ustida ishlashga kelishib oldi. Mamlakatlar tashqi bozorlarga samarali chiqish uchun chegara infratuzilmasini birgalikda modernizatsiya qilish niyatida.
Buxoroda Shavkat Mirziyoyev va Qozog‘iston prezidenti Qasim-Jomart Toqayevning uchrashuvi bo‘lib o‘tdi. Tomonlar strategik sheriklikni mustahkamlash, savdo hajmini oshirish va qo‘shma loyihalarni kengaytirish masalalarini muhokama qildi.
AQSh prezidenti boshchiligidagi “Tinchlik kengashi” tashkilotga a’zo davlatlar G‘azo sektorini qayta tiklash uchun va’da qilgan 17 mlrd dollarning oz qismini oldi, xolos, deb yozmoqda Reuters. Hozirgacha BAA, Marokash va AQShning o‘zi mablag‘ ajratdi.
Bortida to‘rt astronavt bo‘lgan “Orion” kosmik kemasi Kaliforniya qirg‘oqlari yaqiniga, Tinch okeaniga muvaffaqiyatli qo‘ndi. Yarim asrdan ko‘proq vaqt ichida insonlarning Oyga ilk parvozini o‘z ichiga olgan NASA’ning “Artemida II” missiyasi 10 kun davom etdi.
Shavkat Mirziyoyev Buxoro xalqaro aeroportida O‘zbekistonga amaliy tashrif bilan kelgan Qozog‘iston prezidenti Qasim-Jomart Toqayevni kutib oldi. Yetakchilar ikki tomonlama muzokara o‘tkazadilar. Shuningdek, Buxoroning tarixiy obidalarini ziyorat qilish, sanoat korxonalari faoliyati bilan tanishish rejalashtirilgan.
Navoiy viloyatida noqonuniy ravishda oltin qazib olish bilan shug‘ullanganlar qo‘lga olindi. Ular davlat manfaatlariga jami 13,1 mlrd so‘mlik zarar yetkazgan.
“Amir Temur” filmi mamlakat kinoteatrlari ekranlariga chiqdi. Film “ideal hukmdor” haqida hikoya qiladi. Mualliflar bosh qahramonga Aflotun tasvirlagan sifatlarni singdirish orqali “Hokimiyatga kim munosib?” degan savolga javob topishga urinadi, deb yozadi Gazeta rahbari Davlat Umarov film taqrizida.
Deputatlar jinsiy erkinlikka qarshi jinoyatlar va odam o‘limiga sabab bo‘ladigan ayrim ishlarni tergov qilish vakolatini prokuraturaga o‘tkazish haqidagi qonunni qabul qildi. Shuningdek, voyaga yetmaganlarni nomusiga tegishda ayblangan mahbuslarni manzil-koloniyalarga o‘tkazmaslik ko‘zda tutilmoqda.
Rossiya AQShning Stenford universitetini “nomaqbul” tashkilot deb e’lon qilib, uni mamlakatda faoliyati taqiqlangan xorijiy tuzilmalar ro‘yxatiga qo‘shdi. 2022-yildan beri 200 dan ortiq xorijiy tuzilma, jumladan, Yel va Berkli kabi nufuzli oliygohlar ham shunday cheklovlarga uchragan.
Xorijda yashaydigan yoki vaqtincha bo‘lib turgan fuqarolar endilikda MyGov portali orqali O‘zbekiston elchixonasi yoki konsulligi qabuliga yozilishi mumkin bo‘ladi. Turli mamlakatlardagi diplomatik vakolatxonalar ko‘rsatadigan xizmat turlari bir-biridan farq qiladi.
Shavkat Mirziyoyev Buxoro shahriga tashrifi doirasida viloyatning yangi ma’muriy markazida olib borilayotgan qurilish ishlari bilan tanishdi. Ushbu markaz davlat idoralarini bir joyga jamlash orqali aholiga xizmat ko‘rsatishni yengillashtirishga va hududni ijtimoiy-iqtisodiy rivojlantirishga xizmat qiladi.
Shavkat Mirziyoyev Buxoro shahriga tashrifi doirasida viloyatning yangi ma’muriy markazidagi qurilish ishlari bilan tanishdi. Ushbu markaz davlat idoralarini bir joyga jamlash orqali aholiga xizmat ko‘rsatishni yengillashtirishga va hududni ijtimoiy-iqtisodiy rivojlantirishga xizmat qiladi.
Deputatlar ekstremistik jinoyatlar ro‘yxatini kengaytirishni nazarda tutuvchi qonun loyihasini birinchi o‘qishda qabul qildi. Shuningdek, “norasmiy tashkilotlar”ni ekstremistik deb topish mexanizmini joriy etish va sohadagi javobgarlikni qisman liberallashtirish rejalashtirilmoqda.
Uzbekistan Airports aholini aeroportlar yaqinida varrak uchirmaslikka chaqirdi. Bu ularning samolyot bilan to‘qnashish xavfini yuzaga keltiradi, iplari esa havo kemasi qurilmalariga shikast yetkazishi mumkin.
Navoiy shahridagi xususiy bog‘chada bolalarni muttasil ravishda qiynab kelgan 23 yoshli tarbiyachi qo‘lga olindi. Unga nisbatan jinoiy ish ochildi. Bog‘cha faoliyati to‘xtatildi.
So‘x eksklaviga Farg‘onaning O‘zbekiston tumani orqali o‘tuvchi eng qisqa yo‘nalish bo‘yicha yo‘l qurish reja qilinmoqda. Avtomobil yo‘llari qo‘mitasi raisining aytishicha, bu borada qo‘shni davlatlar bilan muzokaralar olib boriladi.
O‘zbekistonda onlayn kameralar orqali 3 oyda chiqindilarni noqonuniy tashlash bo‘yicha 2107 ta holat aniqlandi. Ularning 322 tasida jarima qo‘llandi, qolganlari bo‘yicha choralar ko‘rilmoqda. Respublika bo‘ylab qariyb 700 ta kamera o‘rnatilgan.
XXR raisi Si Szinpin Tayvanning muxolifatdagi “Gomindan” partiyasi rahbari Chjen Liven bilan uchrashuvda Xitoy orolning mustaqilligiga “toqat qilmasligini” ma’lum qildi. Bu Si Szinpin va “Gomindan” partiyasi yetakchisi o‘rtasida so‘nggi 10 yil ichida o‘tkazilgan ilk muzokaralardir.
O‘zbekistonda tadbirkorlar uchun barcha davlat va xususiy xizmatlarni bir joyga jamlaydigan “Biznes hamroh” markazlari ochiladi. Tashkil etiladigan markazlarda barcha davlat va xususiy xizmatlarni “yagona darcha” tamoyili asosida bir joyda, yagona elektron platforma orqali ko‘rsatish yo‘lga qo‘yiladi.
O‘zbekistonda 1-yanvardan boshlab “Eng yaxshi soliq to‘lovchi mahalla” nominatsiyasi joriy etiladi. G‘olib mahallalar 2 milliard so‘m miqdorida rag‘batlantiriladi.
O‘zbekistonda ish haftasi boshida harorat asta-sekin ko‘tariladi va 3-dekabrda +13 darajagacha isiydi. Biroq payshanbadan nam va sovuq havo kirib kelishi kutilmoqda, ba’zi joylarda yomg‘ir, tog‘larda qor yog‘ishi mumkin.
Milliy gvardiya Qo‘riqlash bosh boshqarmasi Ichki ishlar vazirligi huzuridagi Qo‘riqlash departamenti etib qayta tashkil etildi. Unga polkovnik Qobil Shodibekov boshliq vazifasini bajaruvchi etib tayinlandi.
O‘zbekistonda yanvar-oktabr oylari davomida oiladagi zo‘ravonlik uchun 10 003 nafar shaxs ma’muriy javobgarlikka, 381 kishi esa jinoiy javobgarlikka tortilgan.
O‘zbekistonda besh yilga mo‘ljallangan Milliy fintex strategiyasi ishlab chiqiladi. Markaziy bank huzurida 50 mln dollarlik venchur fondi va innovatsion hab tashkil etiladi. 2030-yilgacha moliyaviy texnologiyalar sohasidagi startaplarga 1 mlrd dollar miqdorida xorijiy investitsiyalar jalb qilinadi.
Yaponiya hukumati dekabr oyi o‘rtalarida Tokioda birinchi “Markaziy Osiyo - Yaponiya” sammitini o‘tkazishga tayyorlanmoqda, deb xabar berdi yapon OAV. O‘zbekistonda ham Shavkat Mirziyovning Yaponiyaga bo‘lajak tashrifiga tayyorgarlik muhokama qilinmoqda.
Toshkent davlat yuridik universitetida fakultet dekanlari va departament boshliqlarini saylash amaliyoti joriy etiladi. Universitet katta kurs talabalarini davlat tashkilotlari, notariat va advokatlik tuzilmalariga ish yurituvchi, yuriskonsult yordamchisi sifatida ishga qabul qilishga ruxsat etiladi.
Toshkent shahri va viloyatida issiqxonalarni tabiiy gazga o‘tkazish bo‘yicha shartnomalarni rasmiylashtirish boshlandi. 68 ta issiqxonaga gaz yetkazib berilmoqda, yana 100 ta xo‘jalik bilan kelishuvlar tuzildi.
PM2,5 zarrachali havo aholi, xususan, homilador ayollar va bolalar uchun qanchalik xavfli? Undan qanday himoyalanish mumkin? Bu holat uzoq davom etsa, oqibati nima bo‘ladi? Gazeta shu kabi savollar asosida shifokorlar bilan suhbatlashib, tavsiyaviy qo‘llanma tayyorladi.
Kamida 2028-yilgacha O‘zbekistonda budjet tashkilotlari xodimlarining ish haqi, pensiyalar, stipendiyalar va nafaqalar miqdorlari yillik inflyatsiya darajasidan yuqori miqdorlarda oshirib boriladi. Shu bilan birga, keyingi uch yilda Pensiya jamg‘armasiga ajratiladigan transfertlar qisqartirilishi rejalashtirilgan.
O‘zbekistonda shaxsiy ehtiyoj uchun respublikaga olib kiriladigan tovarlarning bojsiz olib kirish normalari to‘liq qayta ko‘rib chiqiladi. Prezident farmoni bilan Tadbirkorlik va boshqa sohalardagi ayrim majburiy talablarni qisqartirish, tartibga solishni soddalashtirish bo‘yicha “yo‘l xaritasi” tasdiqlandi.
Toshkent shahrida bahor va yoz mavsumida jismoniy va yuridik shaxslarning yer maydonlaridagi daraxtlarni ichimlik suvi bilan sug‘orishga qo‘yilgan cheklov bekor qilindi. Ko‘p kvartirali uylarga sug‘orish uchun suv rezervuarlari o‘rnatiladi.
O‘zbekiston prezidenti farmoni bilan Toshkent shahrida ekologik vaziyatni yaxshilash yuzasidan kechiktirib bo‘lmaydigan chora-tadbirlarni amalga oshirish bo‘yicha maxsus komissiya tuzildi.
Qozog‘istonning SCAT aviakompaniyasi Turkistonning Hazrat Sulton xalqaro aeroportidan (HSA) O‘zbekistonning uchta shahriga - Urganch, Buxoro va Samarqandga to‘g‘ridan-to‘g‘ri reyslarni yo‘lga qo‘ymoqda.
Hukumat bola tug‘ilganda beriladigan suyunchi pulini avvalgi tartibga qaytarishni rejalashtirmayapti. To‘lovlar faqat birinchi farzand uchun kafolatlanadigan amaldagi tizim 2026-yilda ham saqlanib qoladi.
Qozog‘istonning yangi Konstitutsiyasi bo‘yicha referendum 15-mart kuni bo‘lib o‘tadi. Qasim-Jomart Toqayev bu haqdagi farmonni imzoladi. Mamlakatda konstitutsiyaviy islohotlar jarayoni Qozog‘iston prezidentining bir palatali parlamentga o‘tish tashabbusi bilan boshlangandi.
Navoiy xalqaro aeroporti Uzbekistan Airports boshqarish tizimidan ajratilib, unda loyihaviy boshqaruv tamoyillari joriy etiladi. Aeroportga bir qancha masalalarni mustaqil ravishda amalga oshirish huquqi beriladi.
2025-yilda davlat xizmatchilarini saqlash xarajatlari rejadan 20 foizga oshib, 22,3 trln so‘mga yetdi. Bu maqsadlarga xarajatlar har yili oldingi yil ko‘rsatkichlaridan va tasdiqlangan prognozlardan ham yuqori bo‘lib kelmoqda.
O‘zbekistonda ko‘p qavatli uylar atrofidagi daraxt va butalarni, agar suv hisoblagichi bo‘lsa, kechayu kunduz sug‘orishga ruxsat berildi. Avvalroq Toshkentda yoz va bahorda shaxsiy tomorqani sug‘orish bo‘yicha qo‘yilgan cheklov bekor qilingandi.
Yil boshidan buyon O‘zbekiston bo‘yicha 104 ta ov quroli ixtiyoriy ravishda topshirildi. O‘tgan yili ichki ishlar organlari turli xildagi 2012 ta qurolni qabul qilgan. Qurol, uning qismlari va o‘q-dorilarni ixtiyoriy topshirganlik uchun pul mukofoti ko‘zda tutilgan.
“Roskomnadzor” Rossiyada Telegram faoliyatini cheklashni boshlashga qaror qildi, deb yozmoqda RBK. Rossiyalik foydalanuvchilar so‘nggi kunlarda messenjerga kirish bilan bog‘liq muammolardan shikoyat qilyapti.
Ko‘p qavatli uylarni boshqarish “Mening uyim” tizimi orqali raqamlashtirilmoqda. Kvartira uchun majburiy to‘lovlar faqat karta, ilovalar yoki bank kassasi orqali qabul qilinadi. Kvartira to‘lovi kechiktirilgani uchun penya joriy etiladi.
Prezident 903 ta “og‘ir” mahallada kichik quyosh elektr stansiyalari qurilishini ta’kidlagandi. Ular uchun 230 mln dollar ajratilishi belgilandi. 1-avgustga qadar ushbu stansiyalarni “og‘ir” mahallalarda daromad keltiradigan aktiv sifatida ishga tushirish rejalashtirilgan.
2026-yilda O‘zbekistonda 1 mln norasmiy ish o‘rnini rasmiylashtirish rejalashtirilmoqda. Mas’ul idoralar uchun hududlar kesimida ko‘rsatkichlar belgilandi. Norasmiy bandlik va MHTEKMdan past ish haqi biznes barqarorligi reytingiga salbiy ta’sir qiladi.